📅 2020-yil 22-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 22 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 22 апреля 2020 г. · Указы Президента
Официальный текст. Официальный документ. Редакционные примечания не включены.
📅 22 April 2020 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Доимий прописка қилиш ҳамда турган жойи бўйича ҳисобга олиш тартибини ислоҳ қилиш чора-тадбирлари тўғрисида
Ўзбекистон Республикаси Президентининг 2020 йил 24 январдаги Олий Мажлисга Мурожаатномаси ҳамда 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастурида белгиланган вазифалар ижросини таъминлаш, шунингдек, Ўзбекистон Республикаси фуқароларининг мамлакат ҳудудида бир жойдан иккинчи жойга кўчиш борасидаги ҳуқуқ ва эркинликларини таъминлаш кафолатларини мустаҳкамлаш мақсадида:
3. Белгилансинки:
б) туғилган болага фуқаролик ҳолати далолатномаларини ёзиш органлари томонидан туғилганлик тўғрисида гувоҳномани расмийлаштириш чоғида отаси ёки онасининг доимий яшаш жойи бўйича рўйхатдан ўтган манзилига идоралараро электрон ҳамкорлик орқали маълумотларни киритиш йўли билан уни доимий яшаш жойи бўйича давлат божи ундирмаган ҳолда рўйхатга олиш тартиби жорий қилинади;
в) Қорақалпоғистон Республикаси, вилоятлар ва Тошкент шаҳрининг муайян ҳудудида яшаш жойи бўйича рўйхатга олинган Ўзбекистон Республикаси фуқаролари тегишинча ушбу ҳудуднинг бошқа манзилида истиқомат қилса, турган жойи бўйича рўйхатга олиниши шарт эмас ва у паспорт тизими қоидаларини бузган деб ҳисобланмайди.
4. «Манзил» тизимининг «ягона дарча» тамойили асосида тўлиқ ишлашини таъминлаш мақсадида:
а) Ўзбекистон Республикаси Мудофаа вазирлиги:
2020 йил 1 августга қадар Ўзбекистон Республикаси фуқароларини онлайн тарзда ҳарбий ҳисобга олиш ва ҳисобдан чиқариш тизимини жорий қилсин;
2021 йил 1 январга қадар ҳарбий ҳисоб ҳужжатларини автоматлаштириш мақсадида картотека маълумотларини жисмоний шахснинг шахсий идентификация рақамига боғлаган ҳолда рақамлаштириш чораларини кўрсин;
мазкур Фармоннинг 2-банди «б» кичик бандида белгиланган муддатлардан келиб чиққан ҳолда, «Автоматлаштирилган ахборот тизими ва маълумотлар базаси» автоматлаштирилган ахборот тизимини Ички ишлар вазирлиги ҳамда Вазирлар Маҳкамаси ҳузуридаги Давлат персоналлаштириш маркази билан биргаликда «Манзил» ва «Хорижга чиқиш паспорти» ахборот тизимлари билан интеграция қилсин;
ҳарбий ҳисоб ҳужжатларини, ҳарбий хизматга мажбур фуқаролар тўғрисидаги маълумотларни ҳудудий мудофаа ишлари бўлимларига реал вақт режимида электрон тизим орқали юбориш учун Вазирлар Маҳкамаси ҳузуридаги Давлат персоналлаштириш маркази маълумотлар базаси билан идоралараро электрон ҳамкорликни йўлга қўйсин;
б) Ўзбекистон Республикаси Адлия вазирлиги Ички ишлар вазирлиги билан биргаликда 2020 йил 1 августга қадар «Фуқаролик ҳолати далолатномаларини ёзиш органларининг ягона электрон архиви» ахборот тизимини «Манзил» тизимига интеграция қилсин;
в) Ўзбекистон Республикаси Халқ таълими вазирлиги 2020 йил 1 сентябрга қадар вояга етмаганларни туғилганлик ҳақида гувоҳномаси маълумотларига ҳамда вояга етганларни жисмоний шахснинг шахсий идентификация рақамига боғлаган ҳолда васийлик ва ҳомийликни тасдиқловчи ҳужжатларнинг электрон базасини яратсин ва уни Ички ишлар вазирлиги билан биргаликда «Манзил» тизимига интеграция қилсин;
г) Ўзбекистон Республикаси Бандлик ва меҳнат муносабатлари вазирлиги «Ягона миллий меҳнат тизими» идоралараро дастурий-аппарат комплексини Ички ишлар вазирлиги билан биргаликда «Манзил» тизимига интеграция қилсин;
г 1 ) Ўзбекистон Республикаси Молия вазирлиги 2021 йил 1 сентябрга қадар «Ижтимоий ҳимоя ягона реестри» ахборот тизимини Ички ишлар вазирлиги билан биргаликда «Манзил» тизимига интеграция қилсин;
д) Ўзбекистон Республикаси Давлат солиқ қўмитаси Ички ишлар вазирлиги билан биргаликда ҳисобга олинган ижара шартномалари бўйича ижарачи ва уй эгасининг жисмоний шахснинг шахсий идентификация рақами ҳамда кўчмас мулкнинг кадастр рақами тўғрисидаги маълумотларни тақдим этиш мақсадида «Солиқ» ахборот тизимлари комплексини «Манзил» тизимига интеграция қилсин;
е) Ўзбекистон Республикаси Ер ресурслари, геодезия, картография ва давлат кадастри давлат қўмитаси мазкур Фармоннинг 2-банди «б» кичик бандида белгиланган муддатлардан келиб чиққан ҳолда:
идоралараро электрон ҳамкорлик тизими асосида «Манзил» тизимига кўчмас мулк эгаси ёки унинг юридик манзили ўзгарганда, кўчмас мулк объектларининг манзиллари ягона реестридан ўзгарган маълумотларнинг тақдим этилишини;
кўчмас мулк эгаси бўлган жисмоний шахснинг шахсий идентификация рақами мавжуд бўлмаганда, «Электрон ҳукумат» тизимининг идоралараро интеграциялашув платформасидан фойдаланиб ва ахборот хавфсизлиги талабларига риоя этган ҳолда, уни Вазирлар Маҳкамаси ҳузуридаги Давлат персоналлаштириш маркази ҳамда Ички ишлар вазирлиги маълумотлар базасидан олишни йўлга қўйсин;
ж) Ўзбекистон Республикаси Президенти ҳузуридаги Лойиҳа бошқаруви миллий агентлиги Ахборот технологиялари ва коммуникацияларини ривожлантириш вазирлиги билан биргаликда:
икки ҳафта муддатда аҳолига тақдим этилаётган электрон давлат хизматларини кўрсатиш доирасида электрон рақамли имзо ўрнига шахсни тасдиқлашнинг муқобил шаклларини, шу жумладан мобил алоқа телефон рақамлари орқали шахсни тасдиқлашнинг қўшимча имкониятларини яратишни назарда тутувчи Вазирлар Маҳкамаси қарори лойиҳасини киритсин;
мазкур Фармоннинг 2-банди «б» кичик бандида белгиланган муддатлардан келиб чиққан ҳолда, Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш ишларини Ягона интерактив давлат хизматлари портали орқали амалга ошириш имкониятини яратсин.
Бунда Ўзбекистон Республикаси Ички ишлар вазирлиги, Адлия вазирлиги, Мудофаа вазирлиги, Бандлик ва меҳнат муносабатлари вазирлиги, Ер ресурслари, геодезия, картография ва давлат кадастри давлат қўмитаси «Электрон ҳукумат ва рақамли иқтисодиёт лойиҳаларини бошқариш маркази» ДУК билан биргаликда 2020 йил 1 августгача Ўзбекистон Республикаси Ягона интерактив давлат хизматлари порталида Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш билан боғлиқ жараёнларни амалга ошириш мақсадида тегишли ахборот тизимларини Ўзбекистон Республикаси Ягона интерактив давлат хизматлари порталига интеграция қилсин.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги Мудофаа вазирлигининг мурожаатига мувофиқ 2021 йил 1 январга қадар Мудофаа вазирлигининг «Автоматлаштирилган ахборот тизими ва маълумотлар базаси» тизимини жорий этиш учун туман (шаҳар) мудофаа ишлари бўлимларининг белгиланган тартибда Электрон ҳукуматнинг идоралараро маълумотлар узатиш тармоғига уланишини таъминласин.
6. Ўзбекистон Республикаси Адлия вазирлиги уч ой муддатда Ички ишлар вазирлиги, Ўзбекистон Республикаси Президенти ҳузуридаги Лойиҳа бошқаруви миллий агентлиги, Ахборот технологиялари ва коммуникацияларини ривожлантириш вазирлиги ҳамда бошқа манфаатдор вазирлик ва идоралар билан биргаликда:
доимий яшаш ва вақтинча турган жойи бўйича рўйхатга олишда давлат хизматларининг автоматик тарзда кўрсатилиши учун тегишли идораларга хабарнома юборилишини ташкиллаштирсин;
доимий яшаш жойи бўйича рўйхатга олишни талаб этадиган барча давлат хизматлари ҳамда бошқа маъмурий тартиб-таомилларни вақтинча турган жойи бўйича рўйхатга олиниш орқали амалга ошириш имкониятини яратиш юзасидан Вазирлар Маҳкамасига таклиф киритсин.
7. Ўзбекистон Республикаси Олий суди мазкур Фармоннинг 2-банди «б» кичик бандида белгиланган муддатлардан келиб чиққан ҳолда Олий суд ахборот тизимини Ички ишлар вазирлигининг «Манзил» тизими билан интеграция қилиш чораларини кўрсин.
8. Ўзбекистон Республикаси Ички ишлар вазирлиги:
а) 2021 йил 1 январга қадар шахснинг жазони ижро этиш муассасасидан озод қилинганлиги тўғрисидаги электрон маълумотлар базасини юритиш тизимини йўлга қўйсин ва ички ишлар органлари тизимида мавжуд ҳужжатлар ва маълумотларни фуқаролардан талаб қилмаслик бўйича чоралар кўрсин;
б) бир ой муддатда ушбу Фармоннинг ижроси юзасидан фуқаролардан келиб тушадиган мурожаатлар асосида тизимли мониторинг олиб бориш мақсадида ўз веб-сайтида тушган мурожаатларнинг мазмуни барчага очиқ бўлган ва уларни муҳокама этиш имконини берадиган махсус саҳифанинг ишга туширилишини таъминласин ҳамда зарурат бўлганда идоралараро маълумот алмашинуви тизимини янада такомиллаштириш юзасидан чора-тадбирларни амалга ошириб борсин;
в) икки ой муддатда Ўзбекистон Республикаси фуқароларини доимий яшаш ва вақтинча турган жойи бўйича рўйхатга олиш тартибининг ислоҳ этилиши ҳамда яратилаётган электрон тизим имкониятларидан келиб чиқиб, фуқаролиги бўлмаган шахслар ва чет эл фуқаролари учун белгиланган тартиботларни такомиллаштириш юзасидан Вазирлар Маҳкамасига таклиф киритсин;
г) манфаатдор вазирлик ва идоралар билан биргаликда уч ой муддатда:
паспорт режимини бузиш ҳолатларини аниқлаш тизимини янада такомиллаштириш юзасидан Вазирлар Маҳкамасига таклиф киритсин;
ўзлари қабул қилган норматив-ҳуқуқий ҳужжатларни ушбу Фармонга мувофиқлаштирсин.
9. Вазирлар Маҳкамаси:
бир ҳафта муддатда «Ўзбекистон Республикаси фуқароларини Тошкент шаҳри ва Тошкент вилоятида доимий яшаш ва вақтинча турган жойи бўйича рўйхатга олиш тартиби тўғрисида»ги Низомни тасдиқласин;
бир ой муддатда ушбу Фармондан келиб чиқадиган ўзгартиришларни қонун ҳужжатларига киритиш чораларини кўрсин.
10. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 22 апрель,
ПФ-5984-сон
Oʻzbekiston Respublikasi Prezidentining
Farmoni
Doimiy propiska qilish hamda turgan joyi boʻyicha hisobga olish tartibini isloh qilish chora-tadbirlari toʻgʻrisida
Oʻzbekiston Respublikasi Prezidentining 2020-yil 24-yanvardagi Oliy Majlisga Murojaatnomasi hamda 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid davlat dasturida belgilangan vazifalar ijrosini taʼminlash, shuningdek, Oʻzbekiston Respublikasi fuqarolarining mamlakat hududida bir joydan ikkinchi joyga koʻchish borasidagi huquq va erkinliklarini taʼminlash kafolatlarini mustahkamlash maqsadida:
3. Belgilansinki:
b) tugʻilgan bolaga fuqarolik holati dalolatnomalarini yozish organlari tomonidan tugʻilganlik toʻgʻrisida guvohnomani rasmiylashtirish chogʻida otasi yoki onasining doimiy yashash joyi boʻyicha roʻyxatdan oʻtgan manziliga idoralararo elektron hamkorlik orqali maʼlumotlarni kiritish yoʻli bilan uni doimiy yashash joyi boʻyicha davlat boji undirmagan holda roʻyxatga olish tartibi joriy qilinadi;
v) Qoraqalpogʻiston Respublikasi, viloyatlar va Toshkent shahrining muayyan hududida yashash joyi boʻyicha roʻyxatga olingan Oʻzbekiston Respublikasi fuqarolari tegishincha ushbu hududning boshqa manzilida istiqomat qilsa, turgan joyi boʻyicha roʻyxatga olinishi shart emas va u pasport tizimi qoidalarini buzgan deb hisoblanmaydi.
4. “Manzil” tizimining “yagona darcha” tamoyili asosida toʻliq ishlashini taʼminlash maqsadida:
a) Oʻzbekiston Respublikasi Mudofaa vazirligi:
2020-yil 1-avgustga qadar Oʻzbekiston Respublikasi fuqarolarini onlayn tarzda harbiy hisobga olish va hisobdan chiqarish tizimini joriy qilsin;
2021-yil 1-yanvarga qadar harbiy hisob hujjatlarini avtomatlashtirish maqsadida kartoteka maʼlumotlarini jismoniy shaxsning shaxsiy identifikatsiya raqamiga bogʻlagan holda raqamlashtirish choralarini koʻrsin;
mazkur Farmonning 2-bandi “b” kichik bandida belgilangan muddatlardan kelib chiqqan holda, “Avtomatlashtirilgan axborot tizimi va maʼlumotlar bazasi” avtomatlashtirilgan axborot tizimini Ichki ishlar vazirligi hamda Vazirlar Mahkamasi huzuridagi Davlat personallashtirish markazi bilan birgalikda “Manzil” va “Xorijga chiqish pasporti” axborot tizimlari bilan integratsiya qilsin;
harbiy hisob hujjatlarini, harbiy xizmatga majbur fuqarolar toʻgʻrisidagi maʼlumotlarni hududiy mudofaa ishlari boʻlimlariga real vaqt rejimida elektron tizim orqali yuborish uchun Vazirlar Mahkamasi huzuridagi Davlat personallashtirish markazi maʼlumotlar bazasi bilan idoralararo elektron hamkorlikni yoʻlga qoʻysin;
b) Oʻzbekiston Respublikasi Adliya vazirligi Ichki ishlar vazirligi bilan birgalikda 2020-yil 1-avgustga qadar “Fuqarolik holati dalolatnomalarini yozish organlarining yagona elektron arxivi” axborot tizimini “Manzil” tizimiga integratsiya qilsin;
v) Oʻzbekiston Respublikasi Xalq taʼlimi vazirligi 2020-yil 1-sentabrga qadar voyaga yetmaganlarni tugʻilganlik haqida guvohnomasi maʼlumotlariga hamda voyaga yetganlarni jismoniy shaxsning shaxsiy identifikatsiya raqamiga bogʻlagan holda vasiylik va homiylikni tasdiqlovchi hujjatlarning elektron bazasini yaratsin va uni Ichki ishlar vazirligi bilan birgalikda “Manzil” tizimiga integratsiya qilsin;
g) Oʻzbekiston Respublikasi Bandlik va mehnat munosabatlari vazirligi “Yagona milliy mehnat tizimi” idoralararo dasturiy-apparat kompleksini Ichki ishlar vazirligi bilan birgalikda “Manzil” tizimiga integratsiya qilsin;
g 1 ) Oʻzbekiston Respublikasi Moliya vazirligi 2021-yil 1-sentabrga qadar “Ijtimoiy himoya yagona reyestri” axborot tizimini Ichki ishlar vazirligi bilan birgalikda “Manzil” tizimiga integratsiya qilsin;
d) Oʻzbekiston Respublikasi Davlat soliq qoʻmitasi Ichki ishlar vazirligi bilan birgalikda hisobga olingan ijara shartnomalari boʻyicha ijarachi va uy egasining jismoniy shaxsning shaxsiy identifikatsiya raqami hamda koʻchmas mulkning kadastr raqami toʻgʻrisidagi maʼlumotlarni taqdim etish maqsadida “Soliq” axborot tizimlari kompleksini “Manzil” tizimiga integratsiya qilsin;
e) Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi mazkur Farmonning 2-bandi “b” kichik bandida belgilangan muddatlardan kelib chiqqan holda:
idoralararo elektron hamkorlik tizimi asosida “Manzil” tizimiga koʻchmas mulk egasi yoki uning yuridik manzili oʻzgarganda, koʻchmas mulk obyektlarining manzillari yagona reyestridan oʻzgargan maʼlumotlarning taqdim etilishini;
koʻchmas mulk egasi boʻlgan jismoniy shaxsning shaxsiy identifikatsiya raqami mavjud boʻlmaganda, “Elektron hukumat” tizimining idoralararo integratsiyalashuv platformasidan foydalanib va axborot xavfsizligi talablariga rioya etgan holda, uni Vazirlar Mahkamasi huzuridagi Davlat personallashtirish markazi hamda Ichki ishlar vazirligi maʼlumotlar bazasidan olishni yoʻlga qoʻysin;
j) Oʻzbekiston Respublikasi Prezidenti huzuridagi Loyiha boshqaruvi milliy agentligi Axborot texnologiyalari va kommunikatsiyalarini rivojlantirish vazirligi bilan birgalikda:
ikki hafta muddatda aholiga taqdim etilayotgan elektron davlat xizmatlarini koʻrsatish doirasida elektron raqamli imzo oʻrniga shaxsni tasdiqlashning muqobil shakllarini, shu jumladan mobil aloqa telefon raqamlari orqali shaxsni tasdiqlashning qoʻshimcha imkoniyatlarini yaratishni nazarda tutuvchi Vazirlar Mahkamasi qarori loyihasini kiritsin;
mazkur Farmonning 2-bandi “b” kichik bandida belgilangan muddatlardan kelib chiqqan holda, Oʻzbekiston Respublikasi fuqarolarini doimiy yashash va vaqtincha turgan joyi boʻyicha roʻyxatga olish ishlarini Yagona interaktiv davlat xizmatlari portali orqali amalga oshirish imkoniyatini yaratsin.
Bunda Oʻzbekiston Respublikasi Ichki ishlar vazirligi, Adliya vazirligi, Mudofaa vazirligi, Bandlik va mehnat munosabatlari vazirligi, Yer resurslari, geodeziya, kartografiya va davlat kadastri davlat qoʻmitasi “Elektron hukumat va raqamli iqtisodiyot loyihalarini boshqarish markazi” DUK bilan birgalikda 2020-yil 1-avgustgacha Oʻzbekiston Respublikasi Yagona interaktiv davlat xizmatlari portalida Oʻzbekiston Respublikasi fuqarolarini doimiy yashash va vaqtincha turgan joyi boʻyicha roʻyxatga olish bilan bogʻliq jarayonlarni amalga oshirish maqsadida tegishli axborot tizimlarini Oʻzbekiston Respublikasi Yagona interaktiv davlat xizmatlari portaliga integratsiya qilsin.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Mudofaa vazirligining murojaatiga muvofiq 2021-yil 1-yanvarga qadar Mudofaa vazirligining “Avtomatlashtirilgan axborot tizimi va maʼlumotlar bazasi” tizimini joriy etish uchun tuman (shahar) mudofaa ishlari boʻlimlarining belgilangan tartibda Elektron hukumatning idoralararo maʼlumotlar uzatish tarmogʻiga ulanishini taʼminlasin.
6. Oʻzbekiston Respublikasi Adliya vazirligi uch oy muddatda Ichki ishlar vazirligi, Oʻzbekiston Respublikasi Prezidenti huzuridagi Loyiha boshqaruvi milliy agentligi, Axborot texnologiyalari va kommunikatsiyalarini rivojlantirish vazirligi hamda boshqa manfaatdor vazirlik va idoralar bilan birgalikda:
doimiy yashash va vaqtincha turgan joyi boʻyicha roʻyxatga olishda davlat xizmatlarining avtomatik tarzda koʻrsatilishi uchun tegishli idoralarga xabarnoma yuborilishini tashkillashtirsin;
doimiy yashash joyi boʻyicha roʻyxatga olishni talab etadigan barcha davlat xizmatlari hamda boshqa maʼmuriy tartib-taomillarni vaqtincha turgan joyi boʻyicha roʻyxatga olinish orqali amalga oshirish imkoniyatini yaratish yuzasidan Vazirlar Mahkamasiga taklif kiritsin.
7. Oʻzbekiston Respublikasi Oliy sudi mazkur Farmonning 2-bandi “b” kichik bandida belgilangan muddatlardan kelib chiqqan holda Oliy sud axborot tizimini Ichki ishlar vazirligining “Manzil” tizimi bilan integratsiya qilish choralarini koʻrsin.
8. Oʻzbekiston Respublikasi Ichki ishlar vazirligi:
a) 2021-yil 1-yanvarga qadar shaxsning jazoni ijro etish muassasasidan ozod qilinganligi toʻgʻrisidagi elektron maʼlumotlar bazasini yuritish tizimini yoʻlga qoʻysin va ichki ishlar organlari tizimida mavjud hujjatlar va maʼlumotlarni fuqarolardan talab qilmaslik boʻyicha choralar koʻrsin;
b) bir oy muddatda ushbu Farmonning ijrosi yuzasidan fuqarolardan kelib tushadigan murojaatlar asosida tizimli monitoring olib borish maqsadida oʻz veb-saytida tushgan murojaatlarning mazmuni barchaga ochiq boʻlgan va ularni muhokama etish imkonini beradigan maxsus sahifaning ishga tushirilishini taʼminlasin hamda zarurat boʻlganda idoralararo maʼlumot almashinuvi tizimini yanada takomillashtirish yuzasidan chora-tadbirlarni amalga oshirib borsin;
v) ikki oy muddatda Oʻzbekiston Respublikasi fuqarolarini doimiy yashash va vaqtincha turgan joyi boʻyicha roʻyxatga olish tartibining isloh etilishi hamda yaratilayotgan elektron tizim imkoniyatlaridan kelib chiqib, fuqaroligi boʻlmagan shaxslar va chet el fuqarolari uchun belgilangan tartibotlarni takomillashtirish yuzasidan Vazirlar Mahkamasiga taklif kiritsin;
g) manfaatdor vazirlik va idoralar bilan birgalikda uch oy muddatda:
pasport rejimini buzish holatlarini aniqlash tizimini yanada takomillashtirish yuzasidan Vazirlar Mahkamasiga taklif kiritsin;
oʻzlari qabul qilgan normativ-huquqiy hujjatlarni ushbu Farmonga muvofiqlashtirsin.
9. Vazirlar Mahkamasi:
bir hafta muddatda “Oʻzbekiston Respublikasi fuqarolarini Toshkent shahri va Toshkent viloyatida doimiy yashash va vaqtincha turgan joyi boʻyicha roʻyxatga olish tartibi toʻgʻrisida”gi Nizomni tasdiqlasin;
bir oy muddatda ushbu Farmondan kelib chiqadigan oʻzgartirishlarni qonun hujjatlariga kiritish choralarini koʻrsin.
10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 22-aprel,
PF-5984-son
Президента Республики Узбекистан
Указ
О мерах по реформированию порядка постоянной прописки и учета по месту пребывания
В целях обеспечения исполнения задач, определенных в Послании Президента Республики Узбекистан Олий Мажлису от 24 января 2020 года и Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год развития науки, просвещения и цифровой экономики», а также укрепления гарантий обеспечения прав и свобод граждан Республики Узбекистан на свободное передвижение по территории страны:
3. Установить, что:
б) внедряется порядок регистрации без взимания государственной пошлины по месту постоянного проживания новорожденного по адресу места постоянного проживания его отца либо матери при оформлении свидетельства о его рождении органами записи актов гражданского состояния путем внесения сведений посредством межведомственного электронного взаимодействия;
в) гражданам Республики Узбекистан, зарегистрированным по месту проживания на определенной территории Республики Каракалпакстан, областей и города Ташкента, пребывающим по другому адресу соответственно данной территории не требуется регистрация по месту пребывания и они не считаются нарушителями правил паспортной системы.
4. В целях обеспечения полноценного функционирования системы «Манзил» на основе принципа «одно окно»:
а) Министерству обороны Республики Узбекистан:
до 1 августа 2020 года внедрить систему принятия и снятия с воинского учета граждан Республики Узбекистан в режиме онлайн;
до 1 января 2021 года принять меры по оцифровке данных картотеки с привязкой к персональному идентификационному номеру физического лица в целях автоматизации документов воинского учета;
совместно с Министерством внутренних дел и Государственным центром персонализации при Кабинете Министров Республики Узбекистан интегрировать автоматизированную информационную систему «Автоматлаштирилган ахборот тизими ва маълумотлар базаси» с информационными системами «Манзил» и «Хорижга чикиш паспорти» исходя из сроков, установленных в подпункте «б» пункта 2 настоящего Указа;
наладить межведомственное электронное взаимодействие с Государственным центром персонализации при Кабинете Министров Республики Узбекистан для отправки в режиме реального времени через электронную систему учетно-воинских документов и сведений о военнообязанных гражданах в территориальные отделы по делам обороны;
б) Министерству юстиции Республики Узбекистан совместно с Министерством внутренних дел до 1 августа 2020 года интегрировать информационную систему «Единый электронный архив органов записи актов гражданского состояния» с системой «Манзил»;
в) Министерству народного образования Республики Узбекистан до 1 сентября 2020 года создать электронную базу документов, подтверждающих опеку и попечительство, с привязкой к данным свидетельства о рождении несовершеннолетних и персональному идентификационному номеру физического лица совершеннолетних, а совместно с Министерством внутренних дел — интегрировать данную базу с системой «Манзил»;
г) Министерству занятости и трудовых отношений Республики Узбекистан совместно с Министерством внутренних дел интегрировать межведомственный программно-аппаратный комплекс «Единая национальная система труда» с системой «Манзил»;
г 1 ) Министерству финансов Республики Узбекистан до 1 сентября 2021 года совместно с Министерством внутренних дел интегрировать информационную систему «Единый реестр социальной защиты» с системой «Манзил»;
д) Государственному налоговому комитету Республики Узбекистан совместно с Министерством внутренних дел интегрировать комплекс информационных систем «Солик» с системой «Манзил» в целях предоставления сведений о персональном идентификационном номере физического лица арендатора и владельца жилья, а также кадастрового номера недвижимого имущества по договорам аренды, взятым на учет;
е) Государственному комитету Республики Узбекистан по земельным ресурсам, геодезии, картографии и государственному кадастру исходя из сроков, установленных в подпункте «б» пункта 2 настоящего Указа наладить:
предоставление системе «Манзил» обновленных данных из единого реестра адресов объектов недвижимого имущества при изменении владельца недвижимого имущества либо его юридического адреса на основе системы межведомственного электронного взаимодействия;
их получение из базы данных Государственного центра персонализации при Кабинете Министров Республики Узбекистан и Министерства внутренних дел, с использованием межведомственной интеграционной платформы системы «Электронное правительство» и соблюдением требований информационной безопасности — при отсутствии персонального идентификационного номера физического лица владельца недвижимого имущества;
ж) Национальному агентству проектного управления при Президенте Республики Узбекистан совместно с Министерством по развитию информационных технологий и коммуникаций:
в двухнедельный срок внести проект постановления Кабинета Министров, предусматривающий создание в рамках предоставляемых населению электронных государственных услуг альтернативных форм подтверждения личности взамен электронной цифровой подписи, в том числе дополнительных возможностей подтверждения личности через номер телефона мобильной связи;
создать возможность проведения мероприятий регистрации граждан Республики Узбекистан по месту постоянного проживания и месту временного пребывания через Единый портал интерактивных государственных услуг исходя из сроков, установленных в подпункте «б» пункта 2 настоящего Указа.
При этом Министерству внутренних дел, Министерству юстиции, Министерству обороны, Министерству занятости и трудовых отношений Республики Узбекистан, Государственному комитету Республики Узбекистан по земельным ресурсам, геодезии, картографии и государственному кадастру совместно с ГУП «Центр управления проектами электронного правительства и цифровой экономики» до 1 августа 2020 года интегрировать соответствующие информационные системы с Единым порталом интерактивных государственных услуг Республики Узбекистан в целях ведения процессов, связанных с регистрацией граждан Республики Узбекистан по месту постоянного проживания и месту временного пребывания на Едином портале интерактивных государственных услуг Республики Узбекистан.
5. Министерству по развитию информационных технологий и коммуникаций в соответствии с обращением Министерства обороны до 1 января 2021 года обеспечить подключение в установленном порядке отделов по делам обороны районов (городов) к Межведомственной сети передачи данных электронного правительства с целью внедрения системы «Автоматлаштирилган ахборот тизими ва маълумотлар базаси» Министерства обороны Республики Узбекистан.
6. Министерству юстиции совместно с Министерством внутренних дел, Национальным агентством проектного управления при Президенте Республики Узбекистан, Министерством по развитию информационных технологий и коммуникаций, а также другими заинтересованными министерствами и ведомствами в трехмесячный срок:
организовать рассылку уведомлений в соответствующие учреждения для автоматического оказания государственных услуг при регистрации по месту постоянного проживания и месту временного пребывания;
внести в Кабинет Министров предложение о предоставлении доступа ко всем государственным услугам и иным административным процедурам, требующих регистрации по месту постоянного проживания на основе регистрации по месту временного пребывания.
7. Верховному суду Республики Узбекистан исходя из сроков, установленных в подпункте «б» пункта 2 настоящего Указа, принять меры по интеграции информационной системы Верховного суда с системой «Манзил» Министерства внутренних дел.
8. Министерству внутренних дел Республики Узбекистан:
а) до 1 января 2021 года наладить систему ведения электронной базы данных об освобождении лиц из учреждений по исполнению наказания, а также принять меры по отмене практики истребования от граждан документов и сведений, имеющихся в системе органов внутренних дел;
б) в месячный срок в целях проведения системного мониторинга на основе обращений, поступающих от граждан, касательно исполнения настоящего Указа, обеспечить создание общедоступной специальной страницы, предоставляющей возможность обсуждения содержания обращений, поступивших на свой веб-сайт, при необходимости, принимать меры по дальнейшему совершенствованию системы межведомственного обмена данными;
в) в двухмесячный срок учитывая реформирование порядка регистрации по месту постоянного проживания и месту временного пребывания граждан Республики Узбекистан, а также возможностей создаваемой электронной системы, внести в Кабинет Министров предложение о совершенствовании процедур, установленных для лиц без гражданства и иностранных граждан;
г) совместно с заинтересованными министерствами и ведомствами в трехмесячный срок:
внести в Кабинет Министров Республики Узбекистан предложение по дальнейшему совершенствованию системы выявления фактов нарушения паспортного режима;
привести принятые ими нормативно-правовые акты в соответствие с настоящим Указом.
9. Кабинету Министров:
в недельный срок утвердить Положение «О порядке регистрации по месту постоянного проживания и месту временного пребывания граждан Республики Узбекистан в городе Ташкенте и Ташкентской области»;
в месячный срок принять меры по внесению в законодательство изменений, вытекающих из настоящего Указа.
10. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
22 апреля 2020 г.,
№ УП-5984