📅 2020-yil 24-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 24 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 апреля 2020 г. · Постановления Президента
Официальный текст. Официальный документ. Редакционные примечания не включены.
📅 24 April 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро шартномага қўшилиш тўғрисида
1. Вақтинча олиб кириш тўғрисидаги конвенцияга (1990 йил 26 июнь, Истанбул) унинг қуйидаги иловаларини қабул қилиб қўшилинсин:
А-илова. «Вақтинча олиб кириш ҳужжатлари тўғрисида (А.Т.А карнетлари ва C.P.D карнетлари)»;
В.1-илова. «Кўргазмалар, ярмаркалар, конференциялар ёки шу каби тадбирларда намойиш қилиш ёхуд фойдаланиш учун товарлар тўғрисида»;
В.2-илова. «Профессионал асбоб-ускуна тўғрисида»;
В.3-илова. «Тижорат операцияси муносабати билан олиб кирилган контейнерлар, поддонлар, ўрамлар, намуналар ва бошқа товарлар тўғрисида»;
В.5-илова. «Таълим, илмий ёки маданий мақсадларда олиб кирилган товарлар тўғрисида»;
В.6-илова. «Саёҳатчиларнинг шахсий буюмлари ва спорт мақсадларида олиб кирилган юкларга тегишли илова».
2. Қуйидагилар:
Ўзбекистон Республикаси Давлат божхона қўмитаси мазкур халқаро шартномани амалга ошириш учун масъул бўлган ваколатли орган этиб белгилансин;
Ўзбекистон Республикаси Савдо-саноат палатаси вақтинча олиб кириш тўғрисидаги ҳужжатларни бериш учун масъул бўлган ва вақтинча олиб кириш шартлари бузилган тақдирда божхона тўловларини тўлаш бўйича кафолатловчи ваколатли ташкилот этиб белгилансин.
3. Ўзбекистон Республикаси Ташқи ишлар вазирлиги Ўзбекистон Республикасининг мазкур халқаро шартномага қўшилганлиги ҳамда уни амалга ошириш учун масъул бўлган ваколатли орган тўғрисида, вақтинча олиб кириш тўғрисидаги ҳужжатларни бериш учун масъул бўлган ва вақтинча олиб кириш шартлари бузилган тақдирда божхона тўловларини тўлаш бўйича кафолатловчи ваколатли ташкилот тўғрисида депозитарийга тегишли билдиришнома йўлласин.
4. Ўзбекистон Республикаси Давлат божхона қўмитаси икки ой муддатда Вақтинча олиб кириш тўғрисидаги конвенцияни (1990 йил 26 июнь, Истанбул) қўллаш тартиби тўғрисидаги низомни белгиланган тартибда тасдиқласин.
5. Ўзбекистон Республикаси Вазирлар Маҳкамаси ва тегишли вазирлик ҳамда идораларнинг раҳбарлари ушбу халқаро шартнома Ўзбекистон Республикаси учун кучга киргандан кейин Ўзбекистон Республикасининг мажбуриятлари бажарилиши устидан белгиланган тартибда назоратни таъминласинлар.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 24 апрель,
ПҚ-4694-сон
Oʻzbekiston Respublikasi Prezidentining
Qarori
Xalqaro shartnomaga qoʻshilish toʻgʻrisida
1. Vaqtincha olib kirish toʻgʻrisidagi konvensiyaga (1990-yil 26-iyun, Istanbul) uning quyidagi ilovalarini qabul qilib qoʻshilinsin:
A-ilova. “Vaqtincha olib kirish hujjatlari toʻgʻrisida (A.T.A karnetlari va C.P.D karnetlari)”;
V.1-ilova. “Koʻrgazmalar, yarmarkalar, konferensiyalar yoki shu kabi tadbirlarda namoyish qilish yoxud foydalanish uchun tovarlar toʻgʻrisida”;
V.2-ilova. “Professional asbob-uskuna toʻgʻrisida”;
V.3-ilova. “Tijorat operatsiyasi munosabati bilan olib kirilgan konteynerlar, poddonlar, oʻramlar, namunalar va boshqa tovarlar toʻgʻrisida”;
V.5-ilova. “Taʼlim, ilmiy yoki madaniy maqsadlarda olib kirilgan tovarlar toʻgʻrisida”;
V.6-ilova. “Sayohatchilarning shaxsiy buyumlari va sport maqsadlarida olib kirilgan yuklarga tegishli ilova”.
2. Quyidagilar:
Oʻzbekiston Respublikasi Davlat bojxona qoʻmitasi mazkur xalqaro shartnomani amalga oshirish uchun masʼul boʻlgan vakolatli organ etib belgilansin;
Oʻzbekiston Respublikasi Savdo-sanoat palatasi vaqtincha olib kirish toʻgʻrisidagi hujjatlarni berish uchun masʼul boʻlgan va vaqtincha olib kirish shartlari buzilgan taqdirda bojxona toʻlovlarini toʻlash boʻyicha kafolatlovchi vakolatli tashkilot etib belgilansin.
3. Oʻzbekiston Respublikasi Tashqi ishlar vazirligi Oʻzbekiston Respublikasining mazkur xalqaro shartnomaga qoʻshilganligi hamda uni amalga oshirish uchun masʼul boʻlgan vakolatli organ toʻgʻrisida, vaqtincha olib kirish toʻgʻrisidagi hujjatlarni berish uchun masʼul boʻlgan va vaqtincha olib kirish shartlari buzilgan taqdirda bojxona toʻlovlarini toʻlash boʻyicha kafolatlovchi vakolatli tashkilot toʻgʻrisida depozitariyga tegishli bildirishnoma yoʻllasin.
4. Oʻzbekiston Respublikasi Davlat bojxona qoʻmitasi ikki oy muddatda Vaqtincha olib kirish toʻgʻrisidagi konvensiyani (1990-yil 26-iyun, Istanbul) qoʻllash tartibi toʻgʻrisidagi nizomni belgilangan tartibda tasdiqlasin.
5. Oʻzbekiston Respublikasi Vazirlar Mahkamasi va tegishli vazirlik hamda idoralarning rahbarlari ushbu xalqaro shartnoma Oʻzbekiston Respublikasi uchun kuchga kirgandan keyin Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasinlar.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 24-aprel,
PQ-4694-son
Президента Республики Узбекистан
Постановление
О присоединении к международному договору
1. Присоединиться к Конвенции о временном ввозе (Стамбул, 26 июня 1990 года) с принятием следующих ее приложений:
приложение А. «О документах временного ввоза (карнеты А.Т.А и карнеты C.P.D)»;
приложение В.1 «О товарах для демонстрации или использования на выставках, ярмарках, конференциях или подобных мероприятиях»;
приложение В.2 «О профессиональном оборудовании»;
приложение В.3 «О контейнерах, поддонах, упаковках, образцах и других товарах, ввезенных в связи с коммерческой операцией»;
приложение В.5 «О товарах, ввезенных для образовательных, научных или культурных целей»;
приложение В.6 «Приложение, касающееся личных вещей путешественников и грузов, ввезенных в спортивных целях».
2. Определить:
Государственный таможенный комитет Республики Узбекистан компетентным органом, ответственным за реализацию указанного международного договора;
Торгово-промышленную палату Республики Узбекистан уполномоченной организацией, ответственной за выдачу документов о временном ввозе, и выступающей гарантом уплаты таможенных платежей в случае нарушения условий временного ввоза.
3. Министерству иностранных дел Республики Узбекистан направить депозитарию соответствующее уведомление о присоединении Республики Узбекистан к указанному международному договору, а также о компетентном органе, ответственном за его реализацию, и уполномоченной организации, ответственной за выдачу документов о временном ввозе, и выступающей гарантом уплаты таможенных платежей в случае нарушения условий временного ввоза.
4. Государственному таможенному комитету Республики Узбекистан в двухмесячный срок утвердить в установленном порядке Положение о порядке применения Конвенции о временном ввозе (Стамбул, 26 июня 1990 года).
5. Кабинету Министров Республики Узбекистан и руководителям соответствующих министерств и ведомств после вступления в силу данного международного договора для Республики Узбекистан в установленном порядке обеспечить контроль за выполнением обязательств Республики Узбекистан.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
24 апреля 2020 г.,
№ ПП-4694