UzbekAI

Ўзбекистон Республикаси Вазирлар Маҳкамасининг

ФАРМОЙИШИ

Ўзбекистон Республикаси Президентининг 2017 йил 27 сентябрдаги ПҚ-3293-сон қарори билан тасдиқланган Ўзбекистон Республикаси ва АҚШ давлатлараро ҳамкорлигини янада ривожлантириш ва Нью-Йорк шаҳрида (2017 йил 20-21 сентябрь) бўлиб ўтган Ўзбекистон-Америка бизнес-форуми якунлари бўйича эришилган ахдлашувлар бўйича амалий тадбирлар режаси («йул харитаси») ҳамда Ўзбекистон Республикаси Президентининг 2018 йил 24 майдаги ПҚ-3739-сон қарори билан тасдиқланган Ўзбекистон Республикаси Президентининг 2018 йил 15 — 17 май кунлари АҚШга расмий ташрифи давомида инвестициявий-технологик, банк-молия ва савдо-иқтисодий соҳаларда имзоланган ҳужжатлар ижроси бўйича амалий тадбирлар режаси («йўл харитаси») ижросини таъминлаш, шунингдек, маҳаллий ишлаб чиқарувчиларнинг экспорт салоҳиятини ошириш, ноанъанавий бозорларни ўзлаштириш, экспорт қилинадиган маҳсулотларнинг турларини кенгайтириш, экспорт фаолиятига кичик ва хусусий тадбиркорлик субъектларини фаол жалб қилиш мақсадида:

1. «Узтрейд» АЖга «Uz-American Trade Corp.» Ўзбекистон-Америка савдо уйи билан 2020 йил 6 январда тузилган NY-20/01-сон контракт бўйича 2020 йил 31 декабргача умумий қиймати 1 251 200,00 АҚШ долларига тенг бўлган 736,0 тонна узун донли гуручни (ТИФ ТН коди 1006 30 9800) экспорт қилишга рухсат берилсин.

2. Ўзбекистон Республикаси Давлат божхона қўмитаси экспорт қилинадиган товарларнинг божхона расмийлаштирувини белгиланган тартибда таъминласин.

3. Мазкур фармойишнинг бажарилишини назорат қилиш Ўзбекистон Республикаси Бош вазири ўринбосари — инвестициялар ва ташқи савдо вазири С.У. Умурзаков зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2020 йил 24 апрель,

219-Ф-сон

(Қонун ҳужжатлари маълумотлари миллий базаси, 25.04.2020 й., 09/20/219-Ф/0502-сон)

lex.uz

Oʻzbekiston Respublikasi Vazirlar Mahkamasining

FARMOYIShI

Oʻzbekiston Respublikasi Prezidentining 2017-yil 27-sentabrdagi PQ-3293-son qarori bilan tasdiqlangan Oʻzbekiston Respublikasi va AQSh davlatlararo hamkorligini yanada rivojlantirish va Nyu-York shahrida (2017-yil 20-21-sentabr) boʻlib oʻtgan Oʻzbekiston-Amerika biznes-forumi yakunlari boʻyicha erishilgan axdlashuvlar boʻyicha amaliy tadbirlar rejasi (“yul xaritasi”) hamda Oʻzbekiston Respublikasi Prezidentining 2018-yil 24-maydagi PQ-3739-son qarori bilan tasdiqlangan Oʻzbekiston Respublikasi Prezidentining 2018-yil 15 — 17-may kunlari AQShga rasmiy tashrifi davomida investitsiyaviy-texnologik, bank-moliya va savdo-iqtisodiy sohalarda imzolangan hujjatlar ijrosi boʻyicha amaliy tadbirlar rejasi (“yoʻl xaritasi”) ijrosini taʼminlash, shuningdek, mahalliy ishlab chiqaruvchilarning eksport salohiyatini oshirish, noanʼanaviy bozorlarni oʻzlashtirish, eksport qilinadigan mahsulotlarning turlarini kengaytirish, eksport faoliyatiga kichik va xususiy tadbirkorlik subyektlarini faol jalb qilish maqsadida:

1. “Uztreyd” AJga “Uz-American Trade Corp.” Oʻzbekiston-Amerika savdo uyi bilan 2020-yil 6-yanvarda tuzilgan NY-20/01-son kontrakt boʻyicha 2020-yil 31-dekabrgacha umumiy qiymati 1 251 200,00 AQSh dollariga teng boʻlgan 736,0 tonna uzun donli guruchni (TIF TN kodi 1006 30 9800) eksport qilishga ruxsat berilsin.

2. Oʻzbekiston Respublikasi Davlat bojxona qoʻmitasi eksport qilinadigan tovarlarning bojxona rasmiylashtiruvini belgilangan tartibda taʼminlasin.

3. Mazkur farmoyishning bajarilishini nazorat qilish Oʻzbekiston Respublikasi Bosh vaziri oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2020-yil 24-aprel,

219-F-son

(Qonun hujjatlari maʼlumotlari milliy bazasi, 25.04.2020-y., 09/20/219-F/0502-son)

lex.uz