📅 2020-yil 27-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 27 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 апреля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 27 April 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
фармойиши
Ўзбекистон Республикаси Президентининг «Иккинчи жаҳон урушида қозонилган ғалабанинг 75 йиллигини муносиб нишонлаш тўғрисида» 2019 йил 23 октябрдаги ПҚ-4495-сон қарори ижросини таъминлаш, шунингдек, Тошкент шаҳрининг Олмазор туманида барпо этилаётган «Ғалаба боғи» мажмуасининг қурилиш-монтаж ишларини жадаллаштириш мақсадида:
1. Қуйидагилар:
Ўзбекистон Республикаси Мудофаа вазирлигининг барпо этилаётган «Ғалаба боғи» мажмуаси учун бронзадан ишланган уруш қаҳрамонлари образи акс эттирилган 14 та аскар ва барельефларни (кейинги ўринларда — юк) Хитой Халқ Республикасидан Ўзбекистон Республикасига олиб келиш тўғрисидаги таклифи маъқулланганлиги;
2020 йил 17 апрель, 19 апрель, 22 апрель ва 24 апрель кунлари Ўзбекистон Республикаси Мудофаа вазирлигининг юк ҳаво кемасида «Тошкент — Пекин — Урумчи — Тошкент» йўналиши бўйича тасдиқланган рейслар орқали Хитой Халқ Республикасидан юк олиб келинганлиги маълумот учун қабул қилинсин.
2. Ўзбекистон Республикаси Молия вазирлиги ушбу фармойишда назарда тутилган юкни Хитой Халқ Республикасидан олиб келиш учун сарфланган харажатларни асосланган ҳисоб-китобларга мувофиқ Мудофаа вазирлигига Ўзбекистон Республикаси Вазирлар Маҳкамаси захира жамғармаси маблағлари ҳисобидан қоплаб берсин.
3. Мазкур фармойишнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов, Ўзбекистон Республикаси мудофаа вазири Б.Н. Қурбонов ва Ўзбекистон Республикаси молия вазири Т.А. Ишметов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 27 апрель,
221-Ф-сон
Oʻzbekiston Respublikasi Vazirlar Mahkamasining
farmoyishi
Oʻzbekiston Respublikasi Prezidentining “Ikkinchi jahon urushida qozonilgan gʻalabaning 75 yilligini munosib nishonlash toʻgʻrisida” 2019-yil 23-oktabrdagi PQ-4495-son qarori ijrosini taʼminlash, shuningdek, Toshkent shahrining Olmazor tumanida barpo etilayotgan “Gʻalaba bogʻi” majmuasining qurilish-montaj ishlarini jadallashtirish maqsadida:
1. Quyidagilar:
Oʻzbekiston Respublikasi Mudofaa vazirligining barpo etilayotgan “Gʻalaba bogʻi” majmuasi uchun bronzadan ishlangan urush qahramonlari obrazi aks ettirilgan 14 ta askar va barelyeflarni (keyingi oʻrinlarda — yuk) Xitoy Xalq Respublikasidan Oʻzbekiston Respublikasiga olib kelish toʻgʻrisidagi taklifi maʼqullanganligi;
2020-yil 17-aprel, 19-aprel, 22-aprel va 24-aprel kunlari Oʻzbekiston Respublikasi Mudofaa vazirligining yuk havo kemasida “Toshkent — Pekin — Urumchi — Toshkent” yoʻnalishi boʻyicha tasdiqlangan reyslar orqali Xitoy Xalq Respublikasidan yuk olib kelinganligi maʼlumot uchun qabul qilinsin.
2. Oʻzbekiston Respublikasi Moliya vazirligi ushbu farmoyishda nazarda tutilgan yukni Xitoy Xalq Respublikasidan olib kelish uchun sarflangan xarajatlarni asoslangan hisob-kitoblarga muvofiq Mudofaa vazirligiga Oʻzbekiston Respublikasi Vazirlar Mahkamasi zaxira jamgʻarmasi mablagʻlari hisobidan qoplab bersin.
3. Mazkur farmoyishning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov, Oʻzbekiston Respublikasi mudofaa vaziri B.N. Qurbonov va Oʻzbekiston Respublikasi moliya vaziri T.A. Ishmetov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 27-aprel,
221-F-son