📅 2020-yil 27-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 27 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 апреля 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 27 April 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
фармойиши
Ўзбекистон Республикаси Давлат статистика қўмитасининг моддий-техника базасини такомиллаштириш мақсадида:
1. Ўзбекистон Республикаси Давлат статистика қўмитаси ва Қурилиш вазирлигининг Тошкент шаҳар, Мирзо Улуғбек тумани, Мустақиллик шоҳ кўчаси, 63-уй манзилида жойлашган Давлат статистика қўмитаси марказий аппарати биноларини (кейинги ўринларда — объект) реконструкция қилиш ҳамда жиҳозлаш тўғрисидаги таклифига розилик берилсин,
2. Объектни реконструкция қилиш ҳамда жиҳозлаш бўйича Тошкент шаҳар ҳокимлиги ҳузуридаги «Ягона буюртмачи хизмати» инжиниринг компанияси — буюртмачи этиб белгилансин.
3. Белгилансинки:
объектнинг лойиҳа-смета ҳужжатларини ишлаб чиқиш ва экспертизадан ўтказиш харажатлари Вазирлар Маҳкамасининг захира жамғармаси маблағлари ҳисобидан;
объектни реконструкция қилиш ҳамда жиҳозлаш ишлари Ўзбекистон Республикасининг 2021 йилга мўлжалланган Инвестиция дастури доирасида Давлат бюджети маблағлари ҳисобидан молиялаштирилади.
4. Тошкент шаҳар ҳокимлиги ҳузуридаги «Ягона буюртмачи хизмати» инжиниринг компанияси:
2020 йил 1 сентябрга қадар объектнинг лойиҳа-смета ҳужжатларини ишлаб чиқиш ва белгиланган тартибда экспертизадан ўтказиш ишларини якунига етказсин;
лойиҳа-смета ҳужжатларининг техник топшириғини сифатли ишлаб чиқишда Давлат статистика қўмитасининг бўлинмаларини мавжуд майдонлардан унумли фойдаланилган ҳолда оптимал жойлаштирсин;
бинодан фойдаланиш сифатини ошириш, қурилиш ишлари таннархининг пасайишига таъсир қилувчи қурилиш материалларидан фойдаланишга эътибор қаратсин;
лойиҳа-смета ҳужжатларининг техник топшириғини ишлаб чиқишда Давлат статистика қўмитаси билан келишсин;
2022 йил 1 июнга қадар объектни реконструкция қилиш ҳамда жиҳозлаш ишлари тугалланишини таъминласин.
5. Ўзбекистон Республикаси Иқтисодий тараққиёт ва камбағалликни қисқартириш вазирлиги Молия вазирлиги билан биргаликда 2021 йил ва кейинги йиллар учун Инвестиция дастури параметрларини шакллантиришда, тасдиқланган лойиҳа-смета ҳужжатларига асосан Тошкент шаҳар ҳокимлигига объектни реконструкция қилиш ва жиҳозлаш учун бюджет маблағлари ажратилишини назарда тутсин.
6. Мазкур фармойишнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 27 апрель,
228-Ф-сон
Oʻzbekiston Respublikasi Vazirlar Mahkamasining
farmoyishi
Oʻzbekiston Respublikasi Davlat statistika qoʻmitasining moddiy-texnika bazasini takomillashtirish maqsadida:
1. Oʻzbekiston Respublikasi Davlat statistika qoʻmitasi va Qurilish vazirligining Toshkent shahar, Mirzo Ulugʻbek tumani, Mustaqillik shoh koʻchasi, 63-uy manzilida joylashgan Davlat statistika qoʻmitasi markaziy apparati binolarini (keyingi oʻrinlarda — obyekt) rekonstruksiya qilish hamda jihozlash toʻgʻrisidagi taklifiga rozilik berilsin,
2. Obyektni rekonstruksiya qilish hamda jihozlash boʻyicha Toshkent shahar hokimligi huzuridagi “Yagona buyurtmachi xizmati” injiniring kompaniyasi — buyurtmachi etib belgilansin.
3. Belgilansinki:
obyektning loyiha-smeta hujjatlarini ishlab chiqish va ekspertizadan oʻtkazish xarajatlari Vazirlar Mahkamasining zaxira jamgʻarmasi mablagʻlari hisobidan;
obyektni rekonstruksiya qilish hamda jihozlash ishlari Oʻzbekiston Respublikasining 2021-yilga moʻljallangan Investitsiya dasturi doirasida Davlat budjeti mablagʻlari hisobidan moliyalashtiriladi.
4. Toshkent shahar hokimligi huzuridagi “Yagona buyurtmachi xizmati” injiniring kompaniyasi:
2020-yil 1-sentabrga qadar obyektning loyiha-smeta hujjatlarini ishlab chiqish va belgilangan tartibda ekspertizadan oʻtkazish ishlarini yakuniga yetkazsin;
loyiha-smeta hujjatlarining texnik topshirigʻini sifatli ishlab chiqishda Davlat statistika qoʻmitasining boʻlinmalarini mavjud maydonlardan unumli foydalanilgan holda optimal joylashtirsin;
binodan foydalanish sifatini oshirish, qurilish ishlari tannarxining pasayishiga taʼsir qiluvchi qurilish materiallaridan foydalanishga eʼtibor qaratsin;
loyiha-smeta hujjatlarining texnik topshirigʻini ishlab chiqishda Davlat statistika qoʻmitasi bilan kelishsin;
2022-yil 1-iyunga qadar obyektni rekonstruksiya qilish hamda jihozlash ishlari tugallanishini taʼminlasin.
5. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda 2021-yil va keyingi yillar uchun Investitsiya dasturi parametrlarini shakllantirishda, tasdiqlangan loyiha-smeta hujjatlariga asosan Toshkent shahar hokimligiga obyektni rekonstruksiya qilish va jihozlash uchun budjet mablagʻlari ajratilishini nazarda tutsin.
6. Mazkur farmoyishning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 27-aprel,
228-F-son