📅 2020-yil 28-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 28 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 апреля 2020 г. · Постановления Президента
Официальный текст. Официальный документ. Редакционные примечания не включены.
📅 28 April 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
«Tashkent Pharma Park» инновацион илмий-ишлаб чиқариш фармацевтика кластерини ташкил этишни молиялаштиришга доир биринчи навбатдаги чора-тадбирлар тўғрисида
Фармацевтика тармоғининг илмий-тадқиқот ва ишлаб чиқариш базасини жадал ривожлантириш, шунингдек, коронавирус пандемияси даврида юқумли ва бошқа касалликларни аниқлаш ҳамда даволаш учун замонавий самарадор препаратларни ишлаб чиқариш бўйича унинг имкониятларини кенгайтириш мақсадида:
1. Ўзбекистон Республикаси Тикланиш ва тараққиёт жамғармаси, Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги, Молия вазирлигининг «Tashkent Pharma Park» инновацион илмий-ишлаб чиқариш фармацевтика кластерини (кейинги ўринларда — Кластер) ташкил этиш» лойиҳасини молиялаштириш учун Тикланиш ва тараққиёт жамғармаси томонидан 50 миллион долларгача суммада маблағлар ажратиш тўғрисидаги таклифи маъқуллансин.
2. Кластер ҳудудида Тикланиш ва тараққиёт жамғармаси маблағлари ҳисобидан биринчи навбатдаги объектлар қурилишини ташкиллаштириш бўйича ишчи гуруҳ (кейинги ўринларда — Ишчи гуруҳ) иловага мувофиқ таркибда тузилсин ҳамда қуйидагилар унинг асосий вазифалари этиб белгилансин:
лойиҳавий таклифларни кўриб чиқиш ва Кластер ҳудудида биринчи навбатда қуриладиган, шу жумладан муҳандислик-коммуникация ва ишлаб чиқариш инфратузилмаси объектларининг рўйхатини аниқлаш;
биринчи навбатдаги объектларни қуриш учун бош пудратчи ташкилотларни танлаш;
Тикланиш ва тараққиёт жамғармаси томонидан ажратиладиган маблағлардан самарали фойдаланилиши устидан назоратни ташкил этиш;
биринчи навбатдаги объектлар қурилишининг бориши устидан назоратни амалга ошириш ва қурилиш жараёнида юзага келадиган масалаларни тезкорлик билан ҳал қилиш.
3. Белгилансинки:
Ўзбекистон Республикаси Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги (кейинги ўринларда — Агентлик) Тикланиш ва тараққиёт жамғармаси томонидан ажратилган маблағларнинг қарздори ҳисобланади;
қарзни сўндириш ва унга хизмат кўрсатиш билан боғлиқ харажатлар Кластер ҳудудидаги объектларни сотиш ва биноларни ижарага беришдан тушган тушумлар, шунингдек, Агентлик ҳузуридаги Фармацевтика тармоғини қўллаб-қувватлаш ва ривожлантириш жамғармаси ҳамда Агентликнинг бошқа тушумлари ҳисобидан амалга оширилади;
«Tashkent Pharma Park» инновацион илмий-ишлаб чиқариш фармацевтика кластерини ривожлантириш дирекцияси лойиҳанинг ижро этувчи органи, шунингдек, қурилаётган объектлар бўйича асбоб-ускуналар, товарлар, ишлар ва хизматларни қабул қилиб олиш учун масъул ҳисобланади.
4. Шундай тартиб ўрнатилсинки, унга мувофиқ биринчи навбатдаги объектлар қурилишини молиялаштириш Ишчи гуруҳнинг қарорига биноан параллель равишда қуйидагиларни экспертизадан ўтказган ҳолда амалга оширилади:
лойиҳани — Агентликнинг тармоқ Илмий-техник кенгашида;
лойиҳа-смета ҳужжатларини — Ўзбекистон Республикаси Қурилиш вазирлигида;
замонавий импорт асбоб-ускуналар ва технологиялар, қурилиш материаллари, бутловчи буюмларни харид қилиш бўйича импорт контрактларини — Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Лойиҳалар ва импорт контрактларини комплекс экспертиза қилиш марказида.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2020 йил 28 апрелдаги ПҚ-4698-сон қарорига ИЛОВА
«Tashkent Pharma Park» инновацион илмий-ишлаб чиқариш фармацевтика кластери ҳудудида Тикланиш ва тараққиёт жамғармаси маблағлари ҳисобидан биринчи навбатдаги объектлар қурилишини ташкиллаштириш бўйича ишчи гуруҳ
1. А.Н. Арипов — Ўзбекистон Республикасининг Бош вазири, Ишчи гуруҳ раҳбари 2. С.У. Умурзоқов — Бош вазир ўринбосари — инвестициялар ва ташқи савдо вазири, Ишчи гуруҳ раҳбарининг ўринбосари 3. Б.И. Закиров — қурилиш вазири 4. С.Х. Кариев — Соғлиқни сақлаш вазирлиги ҳузуридаги Фармацевтика тармоғини ривожлантириш агентлиги директори в.б. 5. Ш.Ш. Сагдуллаев — Ўсимлик моддалари кимёси институти директори, Ўзбекистон Республикаси Фармацевтика саноати корхоналари уюшмаси раиси 6. О.Б. Рустамов — иқтисодий тараққиёт ва камбағалликни қисқартириш вазирининг ўринбосари 7. М.Б. Азимов — Давлат божхона қўмитаси раиси 8. Р.К. Холматов — Тошкент вилояти ҳокими 9. Ж.А. Артикходжаев — Тошкент шаҳар ҳокими 10. Ш.А. Вафаев — инвестициялар ва ташқи савдо вазирининг ўринбосари, Тикланиш ва тараққиёт жамғармасининг ижрочи директори 11. М.А. Аллабергенов — Иқтисодий тараққиёт ва камбағалликни қисқартириш вазирлиги ҳузуридаги Лойиҳалар ва импорт контрактларини комплекс экспертиза қилиш маркази директори 12. Ш.А. Абидов — Вазирлар Маҳкамаси котибият мудири, Ишчи гуруҳ котиби
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 28 апрель,
ПҚ-4698-сон
Oʻzbekiston Respublikasi Prezidentining
Qarori
TARKIBI
“Tashkent Pharma Park” innovatsion ilmiy-ishlab chiqarish farmatsevtika klasterini tashkil etishni moliyalashtirishga doir birinchi navbatdagi chora-tadbirlar toʻgʻrisida
Farmatsevtika tarmogʻining ilmiy-tadqiqot va ishlab chiqarish bazasini jadal rivojlantirish, shuningdek, koronavirus pandemiyasi davrida yuqumli va boshqa kasalliklarni aniqlash hamda davolash uchun zamonaviy samarador preparatlarni ishlab chiqarish boʻyicha uning imkoniyatlarini kengaytirish maqsadida:
1. Oʻzbekiston Respublikasi Tiklanish va taraqqiyot jamgʻarmasi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi, Moliya vazirligining “Tashkent Pharma Park” innovatsion ilmiy-ishlab chiqarish farmatsevtika klasterini (keyingi oʻrinlarda — Klaster) tashkil etish” loyihasini moliyalashtirish uchun Tiklanish va taraqqiyot jamgʻarmasi tomonidan 50 million dollargacha summada mablagʻlar ajratish toʻgʻrisidagi taklifi maʼqullansin.
2. Klaster hududida Tiklanish va taraqqiyot jamgʻarmasi mablagʻlari hisobidan birinchi navbatdagi obyektlar qurilishini tashkillashtirish boʻyicha ishchi guruh (keyingi oʻrinlarda — Ishchi guruh) ilovaga muvofiq tarkibda tuzilsin hamda quyidagilar uning asosiy vazifalari etib belgilansin:
loyihaviy takliflarni koʻrib chiqish va Klaster hududida birinchi navbatda quriladigan, shu jumladan muhandislik-kommunikatsiya va ishlab chiqarish infratuzilmasi obyektlarining roʻyxatini aniqlash;
birinchi navbatdagi obyektlarni qurish uchun bosh pudratchi tashkilotlarni tanlash;
Tiklanish va taraqqiyot jamgʻarmasi tomonidan ajratiladigan mablagʻlardan samarali foydalanilishi ustidan nazoratni tashkil etish;
birinchi navbatdagi obyektlar qurilishining borishi ustidan nazoratni amalga oshirish va qurilish jarayonida yuzaga keladigan masalalarni tezkorlik bilan hal qilish.
3. Belgilansinki:
Oʻzbekiston Respublikasi Sogʻliqni saqlash vazirligi huzuridagi Farmatsevtika tarmogʻini rivojlantirish agentligi (keyingi oʻrinlarda — Agentlik) Tiklanish va taraqqiyot jamgʻarmasi tomonidan ajratilgan mablagʻlarning qarzdori hisoblanadi;
qarzni soʻndirish va unga xizmat koʻrsatish bilan bogʻliq xarajatlar Klaster hududidagi obyektlarni sotish va binolarni ijaraga berishdan tushgan tushumlar, shuningdek, Agentlik huzuridagi Farmatsevtika tarmogʻini qoʻllab-quvvatlash va rivojlantirish jamgʻarmasi hamda Agentlikning boshqa tushumlari hisobidan amalga oshiriladi;
“Tashkent Pharma Park” innovatsion ilmiy-ishlab chiqarish farmatsevtika klasterini rivojlantirish direksiyasi loyihaning ijro etuvchi organi, shuningdek, qurilayotgan obyektlar boʻyicha asbob-uskunalar, tovarlar, ishlar va xizmatlarni qabul qilib olish uchun masʼul hisoblanadi.
4. Shunday tartib oʻrnatilsinki, unga muvofiq birinchi navbatdagi obyektlar qurilishini moliyalashtirish Ishchi guruhning qaroriga binoan parallel ravishda quyidagilarni ekspertizadan oʻtkazgan holda amalga oshiriladi:
loyihani — Agentlikning tarmoq Ilmiy-texnik kengashida;
loyiha-smeta hujjatlarini — Oʻzbekiston Respublikasi Qurilish vazirligida;
zamonaviy import asbob-uskunalar va texnologiyalar, qurilish materiallari, butlovchi buyumlarni xarid qilish boʻyicha import kontraktlarini — Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Loyihalar va import kontraktlarini kompleks ekspertiza qilish markazida.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2020-yil 28-apreldagi PQ-4698-son qaroriga ILOVA
“Tashkent Pharma Park” innovatsion ilmiy-ishlab chiqarish farmatsevtika klasteri hududida Tiklanish va taraqqiyot jamgʻarmasi mablagʻlari hisobidan birinchi navbatdagi obyektlar qurilishini tashkillashtirish boʻyicha ishchi guruh
1. A.N. Aripov — Oʻzbekiston Respublikasining Bosh vaziri, Ishchi guruh rahbari 2. S.U. Umurzoqov — Bosh vazir oʻrinbosari — investitsiyalar va tashqi savdo vaziri, Ishchi guruh rahbarining oʻrinbosari 3. B.I. Zakirov — qurilish vaziri 4. S.X. Kariyev — Sogʻliqni saqlash vazirligi huzuridagi Farmatsevtika tarmogʻini rivojlantirish agentligi direktori v.b. 5. Sh.Sh. Sagdullayev — Oʻsimlik moddalari kimyosi instituti direktori, Oʻzbekiston Respublikasi Farmatsevtika sanoati korxonalari uyushmasi raisi 6. O.B. Rustamov — iqtisodiy taraqqiyot va kambagʻallikni qisqartirish vazirining oʻrinbosari 7. M.B. Azimov — Davlat bojxona qoʻmitasi raisi 8. R.K. Xolmatov — Toshkent viloyati hokimi 9. J.A. Artikxodjayev — Toshkent shahar hokimi 10. Sh.A. Vafayev — investitsiyalar va tashqi savdo vazirining oʻrinbosari, Tiklanish va taraqqiyot jamgʻarmasining ijrochi direktori 11. M.A. Allabergenov — Iqtisodiy taraqqiyot va kambagʻallikni qisqartirish vazirligi huzuridagi Loyihalar va import kontraktlarini kompleks ekspertiza qilish markazi direktori 12. Sh.A. Abidov — Vazirlar Mahkamasi kotibiyat mudiri, Ishchi guruh kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 28-aprel,
PQ-4698-son
Президента Республики Узбекистан
Постановление
СОСТАВ
О первоочередных мерах по финансированию создания инновационного научно-производственного фармацевтического кластера «Tashkent Pharma Park»
В целях скорейшего развития научно-исследовательской и производственной базы фармацевтической отрасли, а также расширения ее возможностей по производству современных эффективных препаратов для диагностики и лечения инфекционных и других заболеваний в период коронавирусной пандемии:
1. Одобрить предложение Фонда реконструкции и развития, Министерства экономического развития и сокращения бедности, Министерства инвестиций и внешней торговли, Министерства финансов Республики Узбекистан о выделении Фондом реконструкции и развития средств в сумме до 50 миллионов долларов на финансирование проекта «Создание инновационного научно-производственного фармацевтического кластера «Tashkent Pharma Park» (далее — Кластер).
2. Образовать Рабочую группу по организации строительства первоочередных объектов за счет средств Фонда реконструкции и развития на территории Кластера (далее — Рабочая группа) согласно приложению , определив ее основными задачами:
рассмотрение проектных предложений и определение перечня строительства первоочередных объектов, в том числе инженерно-коммуникационной и производственной инфраструктуры на территории Кластера;
выбор генеральных подрядных организаций для строительства первоочередных объектов;
организацию контроля за эффективным использованием средств, выделяемых Фондом реконструкции и развития;
осуществление контроля за ходом строительства первоочередных объектов и оперативное решение вопросов, возникающих в процессе строительства.
3. Установить, что:
заемщиком средств, выделенных Фондом реконструкции и развития, является Агентство по развитию фармацевтической отрасли при Министерстве здравоохранения Республики Узбекистан (далее — Агентство);
расходы, связанные с погашением и обслуживанием займа, будут осуществляться за счет выручки от реализации объектов и аренды помещений на территории Кластера, а также средств Фонда поддержки и развития фармацевтической отрасли при Агентстве и других поступлений Агентства;
исполнительным органом проекта, а также ответственным по приемке оборудования, товаров, работ и услуг по строящимся объектам является Дирекция по развитию инновационного научно-производственного фармацевтического кластера «Tashkent Pharma Park».
4. Установить порядок, в соответствии с которым финансирование строительства первоочередных объектов будет осуществляться по решению Рабочей группы с параллельным проведением экспертизы:
Проекта — в отраслевом Научно-техническом совете Агентства;
проектно-сметной документации — в Министерстве строительства Республики Узбекистан;
импортного контракта на приобретение современного импортного оборудования и технологий, строительных материалов, комплектующих — в Центре комплексной экспертизы проектов и импортных контрактов при Министерстве экономического развития и сокращения бедности Республики Узбекистан.
5. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 28 апреля 2020 года № ПП-4698
Рабочей группы по организации строительства первоочередных объектов за счет средств Фонда реконструкции и развития на территории инновационного научно-производственного фармацевтического кластера «Tashkent Pharma Park»
1. Арипов А.Н. — Премьер-министр Республики Узбекистан, руководитель Рабочей группы 2. Умурзаков С.У. — заместитель Премьер-министра, министр инвестиций и внешней торговли, заместитель руководителя Рабочей группы 3. Закиров Б.И. — министр строительства Республики Узбекистан 4. Кариев С.Х. — и.о. директора Агентства по развитию фармацевтической отрасли при Министерстве здравоохранения Республики Узбекистан 5. Сагдуллаев Ш.Ш. — директор Института химии растительных веществ, председатель Ассоциации фармпроизводителей Узбекистана 6. Рустамов О.Б. — заместитель министра экономического развития и сокращения бедности Республики Узбекистан 7. Азимов М.Б. — председатель Государственного таможенного комитета 8. Холматов Р.К. — хоким Ташкентской области 9. Артикходжаев Ж.А. — хоким г. Ташкента 10. Вафаев Ш.А. — заместитель министра инвестиций и внешней торговли, исполнительный директор Фонда реконструкции и развития 11. Аллабергенов М.А. — директор Центра комплексной экспертизы проектов и импортных контрактов 12. Абидов Ш.А. — заведующий секретариатом Кабинета Министров, секретарь Рабочей группы
Президент Республики Узбекистан Ш. МИРЗИЁЕВ
г. Ташкент,
28 апреля 2020 г.,
№ ПП-4698