📅 2020-yil 28-aprel · Prezident farmoyishlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 28 апрель · Президент фармойишлари
Расмий матн. Расмий ҳужжат. Таҳририй изоҳлар киритилмаган.
📅 28 апреля 2020 г. · Распоряжения Президента
Официальный текст. Официальный документ. Редакционные примечания не включены.
📅 28 April 2020 · Presidential orders
Official text. Official document. Editorial notes are not included.
Ўзбекистон Республикаси Президентининг
Фармойиши
ТАРКИБИ
Бухоро вилоятида юз берган табиий офат оқибатларини бартараф этиш бўйича кечиктириб бўлмайдиган чора-тадбирлар тўғрисида
2020 йил 27-28 апрель кунлари республикамизнинг қатор вилоятлари айрим туман ва шаҳарларида кучли шамол билан ёмғир ёғиб ўтди. Шамолнинг тезлиги баъзи ҳудудларда секундига 30 — 35 метрга етди.
Бу табиий офат айниқса Бухоро вилоятига ўзининг сезиларли таъсирини ўтказди. Натижада иқтисодиёт тармоқлари жиддий зарар кўрди. Жумладан, нефть-газ, энергетика ва инфратузилма соҳалари, ижтимоий объектлар — касалхоналар, мактаблар, мактабгача таълим муассасалари, кўп қаватли ҳамда аҳолининг якка тартибдаги уй-жойлари, қишлоқ хўжалиги экинлари, шунингдек, ғалла, пахта, мева-сабзавот майдонлари ва иссиқхоналар катта талофат кўрди.
Юз берган табиий офат оқибатларини зудлик билан бартараф этиш, авария-тиклаш, қурилиш-таъмирлаш ишларини олиб бориш, қишлоқ хўжалиги экинларини тез кунларда қайта жойлаштириш ва экишни хамда зарар кўрган аҳолига ҳар томонлама тезкор амалий ёрдам кўрсатишни ташкил этиш мақсадида:
1. Бухоро вилоятида юз берган табиий офат оқибатларини бартараф этиш бўйича Ҳукумат комиссияси (кейинги ўринларда — Ҳукумат комиссияси) ташкил этилсин ва унинг таркиби иловага мувофиқ тасдиқлансин.
2. Ҳукумат комиссияси (А. Раматов) зиммасига куйидаги вазифалар юклансин:
Бухоро вилояти иқтисодиёт тармоқларида, биринчи навбатда энергетика, ижтимоий соҳа, кўп қаватли уй-жой фонди, якка тартибдаги аҳоли хонадонлари, нотурар жой бинолари, маданий мерос объектларига етказилган зарар ва йўқотишлар миқдорини аниқлаш ва баҳолаш;
табиий офатдан зарар кўрган фуқароларга амалий ёрдам кўрсатиш, заруратга қараб уларга вақтинча турар жой, озиқ-овқат, тиббий хизмат ва бошқа тегишли шароитларни яратиш;
аҳоли пунктларида табиий офат оқибатларини тезкорлик билан бартараф этиш, ижтимоий-иқтисодий, муҳандислик, транспорт ва энергетика инфратузилмаси ҳамда бошқа ҳаётий муҳим объектлар ва тизимларни, уй-жой ва коммунал хўжалигини тиклаш ва ишчанлик ҳолатига келтириш;
қурилиш-тиклаш ишларига зарур бўладиган барча турдаги қурилиш материалларининг миқдорини аниқлаш ва уларни республиканинг турли ҳудудларидаги ишлаб чиқариш корхоналаридан керакли ҳажмда етказилишини таъминлаш;
қишлоқ хўжалиги ва ўрмон хўжалиги ишлаб чиқаришида етказилган зарарлар, экин майдонларидаги йўқотишлар ва нобудгарчиликлар ўрнини қоплаш, ирригация ва мелиорация тармоқларини тиклаш чораларини кўриш;
тез кунларда нобуд бўлган ғалла ва пахта майдонларини тўлиқ ўрганиб чиқиб, қисқа муддатларда бошқа турдаги қишлоқ хўжалиги маҳсулотларини экишни ташкил этиш, зарар кўрган иссиқхоналарни тиклаш ва улардаги экинларни парваришлаш бўйича зарур чора-тадбирларни белгилаш.
3. Ҳукумат комиссияси (А. Раматов) мутасадди вазирликлар, идоралар ва бошқа ташкилотлар билан биргаликда Бухоро вилоятининг шаҳар ва туманларида етказилган зарар ва йўқотишлар кўламини ҳамда ажратиладиган молиявий маблағларни инобатга олган ҳолда табиий офат оқибатларини бартараф этиш бўйича комплекс чора-тадбирлар дастурини уч кун муддатда ишлаб чиқиб, уни амалга оширилишини таъминласин.
4. Молия вазирлиги (Т. Ишметов) бир кун муддатда Бухоро вилоятида юз берган табиий офат оқибатларини бартараф этиш ишларига Давлат бюджети маблағлари ҳисобидан 100 миллиард сўм миқдорида маблағ ажратсин.
Ҳукумат комиссияси табиий офат оқибатларини ўрганиш натижаларига кўра, заруратга қараб Бухоро вилоятига қўшимча маблағлар ажратиш бўйича таклиф киритсин.
5. Вазирлар Маҳкамаси (Ў. Барноев), Қишлоқ хўжалиги вазирлиги, Ўзагроинспекция, «Давергеодезкадастр» қўмитаси, Бухоро вилояти ҳокимлиги уч кун муддатда қишлоқ хўжалиги экинларига, жумладан ғалла, пахта, мева-сабзавот ва иссиқхоналар бўйича зарар етказилган майдонларни аниқлаб, ҳар бир экин тури бўйича туманлар кесимида бажариладиган чора-тадбирларни ишлаб чиқсин ҳамда тезкор тарзда амалга оширилишини таъминласин.
6. Вазирлар Маҳкамаси (Ж. Қўчқоров, Ў. Барноев), Молия вазирлиги, Иқтисодий тараққиёт ва камбағалликни қисқартириш вазирлиги, Қишлоқ хўжалиги вазирлиги беш кун муддатда пахта-тўқимачилик кластерлари ва фермер хўжаликлари томонидан зарар етган ғўза майдонларига қилинган харажатлар ва ғалладан олинмайдиган ҳосил ўрнини қоплаш юзасидан таклиф киритсин.
7. Энергетика вазирлиги (А. Султанов) уч кун муддатда ишлаб чиқариш, ижтимоий соҳа ва аҳолини электр энергияси ва табиий газ билан узлуксиз таъминлаш, шунингдек, авария-тиклаш ишларига республиканинг бошқа ҳудудларидан куч-восита ва махсус техникаларни жалб этиш чораларини кўрсин.
8. Мудофаа вазирлиги (Б. Қурбонов) табиий офат юз берган ҳудудларда муҳандислик, қидирув-қутқарув ва бошқа шошилинч ишларни бажариш, зарар кўрган одамларнинг ҳаёт фаолиятини биринчи навбатда таъминлаш, муҳим объект ва тизимларнинг ишчанлигини тезкорлик билан тиклаш ишларига Жанубий-ғарбий махсус ҳарбий округ ҳарбий қисм ва муассасаларининг ҳарбий хизматчилари ҳамда махсус техникаларини жалб қилсин.
9. Ички ишлар вазирлиги (П. Бобожонов):
Миллий гвардия билан биргаликда Бухоро вилояти ҳудудида табиий офат оқибатларини бартараф этиш ишларини амалга ошириш жараёнида жамоат тартибини сақлаш, фуқаролар хавфсизлигини хамда жисмоний ва юридик шахслар турар-жойлари, бино-иншоотлари ва мол-мулки муҳофаза қилинишини таъминлаш чораларини кўрсин;
таъмирлаш-қайта тиклаш бригадалари ва махсус хизматлар транспорт воситаларининг тўсиқсиз ҳаракатланишини таъминласин, зарур ҳолларда белгиланган йўналишларда Йўл-патрул хизмати кучлари ёрдамида уларнинг кузатувини ташкил этсин, транспорт таъминоти ва муайян ҳудудни қамраб олиш бўйича амалий ёрдам кўрсатсин.
10. Фавқулодда вазиятлар вазирлиги (А. Қўлдошев) табиий офат оқибатида сақланиб қолаётган таҳдид ва хавфларни олдиндан аниқлаш хамда бартараф этиш, аҳоли турар-жойлари, ижтимоий-иқтисодий аҳамиятга эга бўлган объектларда ёнгинлар келиб чиқишининг олдини олиш, моддий йўқотишларни камайтиришга қаратилган ва бошқа кечиктириб бўлмайдиган ишларни ташкил этсин.
11. Ахборот технологиялари ва коммуникацияларини ривожлантириш вазирлиги (Ш. Садиков) ўн кун муддатда Бухоро вилоятида юз берган табиий офат оқибатида алоқа воситалари, Интернет тармоқлари хамда техник қурилмаларга етказилган зарарни аниқлаш ва барчасини ишчи ҳолатга келтириш, узилган алоқа кабеллари ва носоз ҳолга келган мобиль алоқа база станция антенналарини қайта тиклаш хамда уларнинг узлуксиз ишлашини таъминлаш чораларини кўрсин.
12. Республика комиссияси (А. Раматов, К. Камалов) ўн кун муддатда Олот тумани аҳолисига кулай шарт-шароитлар яратиш, туман марказини янада обод ва кўркам қилиш мақсадида кўп қаватли уй-жойлар, маданий-маиший ҳамда бошқа ижтимоий объектлар қурилиши бўйича, Молия вазирлиги (Т. Ишметов) мазкур қурилиш ишларини молиялаштириш юзасидан таклиф киритсин.
13. Бош вазир ўринбосари — инвестициялар ва ташқи савдо вазири С. Умурзоқов Бухоро вилояти ҳокимлиги ва тижорат банклари билан биргаликда икки ҳафта муддатда Олот ва Қоракўл туманларида йирик инвестиция лойиҳаларини амалга ошириш юзасидан таклиф киритсин.
14. Белгилансинки, Бош вазирнинг биринчи ўринбосари А. Раматов — Ҳукумат комиссиясига умумий раҳбарлик қилиш билан бир қаторда Бухоро вилоятида иқтисодиёт тармоқлари, инфратузилма, қурилиш ва уй-жой фондини тиклаш ишлари бўйича, Бош вазир ўринбосари Ў. Барноев — қишлоқ хўжалигида амалга ошириладиган ишлар бўйича, Мудофаа вазири Б. Қурбонов — Олот туманида, Ички ишлар вазири П. Бобожонов — Қоракўл туманида ҳамда Фавқулодда вазиятлар вазирининг биринчи ўринбосари А. Қўлдошев — Жондор туманида бажариладиган барча ишларни ташкил этиш бўйича шахсан масъул ҳисобланади.
15. Республика комиссияси (А. Раматов) Соғлиқни сақлаш вазирлиги (А. Шодмонов) билан биргаликда табиий офат оқибатларини бартараф этиш ишларини ташкил этиш ва амалга ошириш давомида коронавирус инфекцияси тарқалиши муносабати билан жорий қилинган карантин тартиб-қоидаларига қатъий риоя этилишини таъминласин.
16. Мазкур фармойиш ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2020 йил 28 апрелдаги Ф-5567-сон фармойишига ИЛОВА
Бухоро вилоятида юз берган табиий офат оқибатларини бартараф этиш бўйича Ҳукумат комиссиясинииг
А.Ж. Раматов — Ўзбекистон Республикаси Бош вазирининг биринчиўринбосари, Комиссия раиси Ў.И. Барноев — Ўзбекистон Республикаси Бош вазири ўринбосари, Комиссия раисининг ўринбосари К.Ж. Камалов — Бухоро вилояти ҳокими вазифасини бажарувчи, Комиссия раисининг ўринбосари Б.Н. Қурбонов — Ўзбекистон Республикаси мудофаа вазири П.Р. Бобожонов — Ўзбекистон Республикаси ички ишлар вазири А.С. Султанов — Ўзбекистон Республикаси энергетика вазири Т.А. Ишметов — Ўзбекистон Республикаси молия вазири Р.Т. Маматов — Ўзбекистон Республикаси маҳалла ва оилани қўллаб-қувватлаш вазири Ж.А. Ходжаев — Ўзбекистон Республикаси қ ишло қ хўжалиги вазири Ш.Р. Хамраев — Ўзбекистон Республикаси сув хўжалиги вазири Ш.Х. Шерматов — Ўзбекистон Республикаси хал қ таълими вазири М.Х. Салиев — Ўзбекистон Республикаси уй-жой коммунал хизмат кўрсатиш вазири Ш.М. Садиков — Ўзбекистон Республикаси ахборот технологиялари ва коммуникацияларини ривожлантириш вазири А.Х. Қўлдошев — Ўзбекистон Республикаси фавқулодда вазиятлар вазирининг биринчи ўринбосари И.Р. Махкамов — Ўзбекистон Республикаси транспорт вазирининг биринчи ўринбосари вазифасини бажарувчи К.Т. Алимов — Ўзбекистон Республикаси мактабгача таълим вазирининг биринчи ўринбосари С.С. Низомов — Ўзбекистон Республикаси соғлиқни сақлаш вазирининг ўринбосари Ш.Р. Ҳошимов — Ўзбекистон Республикаси қурилиш вазирининг ўринбосари М.Р . Абдуллаев — «Ўзбекнефтегаз» АЖ бошқаруви раиси У.М. Мустафаев — «Ҳудудий электр тармо қ лари» АЖ бошқаруви раиси Б.К. Зарипов — «Ўзсаноат қ урилишматериаллари» уюшмаси раиси Ў.Ҳ. Жумаев — Бухоро шаҳри ҳокими Н.И. Нематова — Олот тумани ҳокими Ш.Х. Саломов — Қоракўл тумани ҳокими К.Р. Камолов — Жондор тумани ҳокими
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 28 апрель,
Ф-5567-сон
Oʻzbekiston Respublikasi Prezidentining
Farmoyishi
TARKIBI
Buxoro viloyatida yuz bergan tabiiy ofat oqibatlarini bartaraf etish boʻyicha kechiktirib boʻlmaydigan chora-tadbirlar toʻgʻrisida
2020-yil 27-28-aprel kunlari respublikamizning qator viloyatlari ayrim tuman va shaharlarida kuchli shamol bilan yomgʻir yogʻib oʻtdi. Shamolning tezligi baʼzi hududlarda sekundiga 30 — 35 metrga yetdi.
Bu tabiiy ofat ayniqsa Buxoro viloyatiga oʻzining sezilarli taʼsirini oʻtkazdi. Natijada iqtisodiyot tarmoqlari jiddiy zarar koʻrdi. Jumladan, neft-gaz, energetika va infratuzilma sohalari, ijtimoiy obyektlar — kasalxonalar, maktablar, maktabgacha taʼlim muassasalari, koʻp qavatli hamda aholining yakka tartibdagi uy-joylari, qishloq xoʻjaligi ekinlari, shuningdek, gʻalla, paxta, meva-sabzavot maydonlari va issiqxonalar katta talofat koʻrdi.
Yuz bergan tabiiy ofat oqibatlarini zudlik bilan bartaraf etish, avariya-tiklash, qurilish-taʼmirlash ishlarini olib borish, qishloq xoʻjaligi ekinlarini tez kunlarda qayta joylashtirish va ekishni xamda zarar koʻrgan aholiga har tomonlama tezkor amaliy yordam koʻrsatishni tashkil etish maqsadida:
1. Buxoro viloyatida yuz bergan tabiiy ofat oqibatlarini bartaraf etish boʻyicha Hukumat komissiyasi (keyingi oʻrinlarda — Hukumat komissiyasi) tashkil etilsin va uning tarkibi ilovaga muvofiq tasdiqlansin.
2. Hukumat komissiyasi (A. Ramatov) zimmasiga kuyidagi vazifalar yuklansin:
Buxoro viloyati iqtisodiyot tarmoqlarida, birinchi navbatda energetika, ijtimoiy soha, koʻp qavatli uy-joy fondi, yakka tartibdagi aholi xonadonlari, noturar joy binolari, madaniy meros obyektlariga yetkazilgan zarar va yoʻqotishlar miqdorini aniqlash va baholash;
tabiiy ofatdan zarar koʻrgan fuqarolarga amaliy yordam koʻrsatish, zaruratga qarab ularga vaqtincha turar joy, oziq-ovqat, tibbiy xizmat va boshqa tegishli sharoitlarni yaratish;
aholi punktlarida tabiiy ofat oqibatlarini tezkorlik bilan bartaraf etish, ijtimoiy-iqtisodiy, muhandislik, transport va energetika infratuzilmasi hamda boshqa hayotiy muhim obyektlar va tizimlarni, uy-joy va kommunal xoʻjaligini tiklash va ishchanlik holatiga keltirish;
qurilish-tiklash ishlariga zarur boʻladigan barcha turdagi qurilish materiallarining miqdorini aniqlash va ularni respublikaning turli hududlaridagi ishlab chiqarish korxonalaridan kerakli hajmda yetkazilishini taʼminlash;
qishloq xoʻjaligi va oʻrmon xoʻjaligi ishlab chiqarishida yetkazilgan zararlar, ekin maydonlaridagi yoʻqotishlar va nobudgarchiliklar oʻrnini qoplash, irrigatsiya va melioratsiya tarmoqlarini tiklash choralarini koʻrish;
tez kunlarda nobud boʻlgan gʻalla va paxta maydonlarini toʻliq oʻrganib chiqib, qisqa muddatlarda boshqa turdagi qishloq xoʻjaligi mahsulotlarini ekishni tashkil etish, zarar koʻrgan issiqxonalarni tiklash va ulardagi ekinlarni parvarishlash boʻyicha zarur chora-tadbirlarni belgilash.
3. Hukumat komissiyasi (A. Ramatov) mutasaddi vazirliklar, idoralar va boshqa tashkilotlar bilan birgalikda Buxoro viloyatining shahar va tumanlarida yetkazilgan zarar va yoʻqotishlar koʻlamini hamda ajratiladigan moliyaviy mablagʻlarni inobatga olgan holda tabiiy ofat oqibatlarini bartaraf etish boʻyicha kompleks chora-tadbirlar dasturini uch kun muddatda ishlab chiqib, uni amalga oshirilishini taʼminlasin.
4. Moliya vazirligi (T. Ishmetov) bir kun muddatda Buxoro viloyatida yuz bergan tabiiy ofat oqibatlarini bartaraf etish ishlariga Davlat budjeti mablagʻlari hisobidan 100 milliard soʻm miqdorida mablagʻ ajratsin.
Hukumat komissiyasi tabiiy ofat oqibatlarini oʻrganish natijalariga koʻra, zaruratga qarab Buxoro viloyatiga qoʻshimcha mablagʻlar ajratish boʻyicha taklif kiritsin.
5. Vazirlar Mahkamasi (Oʻ. Barnoyev), Qishloq xoʻjaligi vazirligi, Oʻzagroinspeksiya, “Davyergeodezkadastr” qoʻmitasi, Buxoro viloyati hokimligi uch kun muddatda qishloq xoʻjaligi ekinlariga, jumladan gʻalla, paxta, meva-sabzavot va issiqxonalar boʻyicha zarar yetkazilgan maydonlarni aniqlab, har bir ekin turi boʻyicha tumanlar kesimida bajariladigan chora-tadbirlarni ishlab chiqsin hamda tezkor tarzda amalga oshirilishini taʼminlasin.
6. Vazirlar Mahkamasi (J. Qoʻchqorov, Oʻ. Barnoyev), Moliya vazirligi, Iqtisodiy taraqqiyot va kambagʻallikni qisqartirish vazirligi, Qishloq xoʻjaligi vazirligi besh kun muddatda paxta-toʻqimachilik klasterlari va fermer xoʻjaliklari tomonidan zarar yetgan gʻoʻza maydonlariga qilingan xarajatlar va gʻalladan olinmaydigan hosil oʻrnini qoplash yuzasidan taklif kiritsin.
7. Energetika vazirligi (A. Sultanov) uch kun muddatda ishlab chiqarish, ijtimoiy soha va aholini elektr energiyasi va tabiiy gaz bilan uzluksiz taʼminlash, shuningdek, avariya-tiklash ishlariga respublikaning boshqa hududlaridan kuch-vosita va maxsus texnikalarni jalb etish choralarini koʻrsin.
8. Mudofaa vazirligi (B. Qurbonov) tabiiy ofat yuz bergan hududlarda muhandislik, qidiruv-qutqaruv va boshqa shoshilinch ishlarni bajarish, zarar koʻrgan odamlarning hayot faoliyatini birinchi navbatda taʼminlash, muhim obyekt va tizimlarning ishchanligini tezkorlik bilan tiklash ishlariga Janubiy-gʻarbiy maxsus harbiy okrug harbiy qism va muassasalarining harbiy xizmatchilari hamda maxsus texnikalarini jalb qilsin.
9. Ichki ishlar vazirligi (P. Bobojonov):
Milliy gvardiya bilan birgalikda Buxoro viloyati hududida tabiiy ofat oqibatlarini bartaraf etish ishlarini amalga oshirish jarayonida jamoat tartibini saqlash, fuqarolar xavfsizligini xamda jismoniy va yuridik shaxslar turar-joylari, bino-inshootlari va mol-mulki muhofaza qilinishini taʼminlash choralarini koʻrsin;
taʼmirlash-qayta tiklash brigadalari va maxsus xizmatlar transport vositalarining toʻsiqsiz harakatlanishini taʼminlasin, zarur hollarda belgilangan yoʻnalishlarda Yoʻl-patrul xizmati kuchlari yordamida ularning kuzatuvini tashkil etsin, transport taʼminoti va muayyan hududni qamrab olish boʻyicha amaliy yordam koʻrsatsin.
10. Favqulodda vaziyatlar vazirligi (A. Qoʻldoshev) tabiiy ofat oqibatida saqlanib qolayotgan tahdid va xavflarni oldindan aniqlash xamda bartaraf etish, aholi turar-joylari, ijtimoiy-iqtisodiy ahamiyatga ega boʻlgan obyektlarda yonginlar kelib chiqishining oldini olish, moddiy yoʻqotishlarni kamaytirishga qaratilgan va boshqa kechiktirib boʻlmaydigan ishlarni tashkil etsin.
11. Axborot texnologiyalari va kommunikatsiyalarini rivojlantirish vazirligi (Sh. Sadikov) oʻn kun muddatda Buxoro viloyatida yuz bergan tabiiy ofat oqibatida aloqa vositalari, Internet tarmoqlari xamda texnik qurilmalarga yetkazilgan zararni aniqlash va barchasini ishchi holatga keltirish, uzilgan aloqa kabellari va nosoz holga kelgan mobil aloqa baza stansiya antennalarini qayta tiklash xamda ularning uzluksiz ishlashini taʼminlash choralarini koʻrsin.
12. Respublika komissiyasi (A. Ramatov, K. Kamalov) oʻn kun muddatda Olot tumani aholisiga kulay shart-sharoitlar yaratish, tuman markazini yanada obod va koʻrkam qilish maqsadida koʻp qavatli uy-joylar, madaniy-maishiy hamda boshqa ijtimoiy obyektlar qurilishi boʻyicha, Moliya vazirligi (T. Ishmetov) mazkur qurilish ishlarini moliyalashtirish yuzasidan taklif kiritsin.
13. Bosh vazir oʻrinbosari — investitsiyalar va tashqi savdo vaziri S. Umurzoqov Buxoro viloyati hokimligi va tijorat banklari bilan birgalikda ikki hafta muddatda Olot va Qorakoʻl tumanlarida yirik investitsiya loyihalarini amalga oshirish yuzasidan taklif kiritsin.
14. Belgilansinki, Bosh vazirning birinchi oʻrinbosari A. Ramatov — Hukumat komissiyasiga umumiy rahbarlik qilish bilan bir qatorda Buxoro viloyatida iqtisodiyot tarmoqlari, infratuzilma, qurilish va uy-joy fondini tiklash ishlari boʻyicha, Bosh vazir oʻrinbosari Oʻ. Barnoyev — qishloq xoʻjaligida amalga oshiriladigan ishlar boʻyicha, Mudofaa vaziri B. Qurbonov — Olot tumanida, Ichki ishlar vaziri P. Bobojonov — Qorakoʻl tumanida hamda Favqulodda vaziyatlar vazirining birinchi oʻrinbosari A. Qoʻldoshev — Jondor tumanida bajariladigan barcha ishlarni tashkil etish boʻyicha shaxsan masʼul hisoblanadi.
15. Respublika komissiyasi (A. Ramatov) Sogʻliqni saqlash vazirligi (A. Shodmonov) bilan birgalikda tabiiy ofat oqibatlarini bartaraf etish ishlarini tashkil etish va amalga oshirish davomida koronavirus infeksiyasi tarqalishi munosabati bilan joriy qilingan karantin tartib-qoidalariga qatʼiy rioya etilishini taʼminlasin.
16. Mazkur farmoyish ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2020-yil 28-apreldagi F-5567-son farmoyishiga ILOVA
Buxoro viloyatida yuz bergan tabiiy ofat oqibatlarini bartaraf etish boʻyicha Hukumat komissiyasiniig
A.J. Ramatov — Oʻzbekiston Respublikasi Bosh vazirining birinchioʻrinbosari, Komissiya raisi Oʻ.I. Barnoyev — Oʻzbekiston Respublikasi Bosh vaziri oʻrinbosari, Komissiya raisining oʻrinbosari K.J. Kamalov — Buxoro viloyati hokimi vazifasini bajaruvchi, Komissiya raisining oʻrinbosari B.N. Qurbonov — Oʻzbekiston Respublikasi mudofaa vaziri P.R. Bobojonov — Oʻzbekiston Respublikasi ichki ishlar vaziri A.S. Sultanov — Oʻzbekiston Respublikasi energetika vaziri T.A. Ishmetov — Oʻzbekiston Respublikasi moliya vaziri R.T. Mamatov — Oʻzbekiston Respublikasi mahalla va oilani qoʻllab-quvvatlash vaziri J.A. Xodjayev — Oʻzbekiston Respublikasi q ishlo q xoʻjaligi vaziri Sh.R. Xamrayev — Oʻzbekiston Respublikasi suv xoʻjaligi vaziri Sh.X. Shermatov — Oʻzbekiston Respublikasi xal q taʼlimi vaziri M.X. Saliyev — Oʻzbekiston Respublikasi uy-joy kommunal xizmat koʻrsatish vaziri Sh.M. Sadikov — Oʻzbekiston Respublikasi axborot texnologiyalari va kommunikatsiyalarini rivojlantirish vaziri A.X. Qoʻldoshev — Oʻzbekiston Respublikasi favqulodda vaziyatlar vazirining birinchi oʻrinbosari I.R. Maxkamov — Oʻzbekiston Respublikasi transport vazirining birinchi oʻrinbosari vazifasini bajaruvchi K.T. Alimov — Oʻzbekiston Respublikasi maktabgacha taʼlim vazirining birinchi oʻrinbosari S.S. Nizomov — Oʻzbekiston Respublikasi sogʻliqni saqlash vazirining oʻrinbosari Sh.R. Hoshimov — Oʻzbekiston Respublikasi qurilish vazirining oʻrinbosari M.R . Abdullayev — “Oʻzbekneftegaz” AJ boshqaruvi raisi U.M. Mustafayev — “Hududiy elektr tarmo q lari” AJ boshqaruvi raisi B.K. Zaripov — “Oʻzsanoat q urilishmateriallari” uyushmasi raisi Oʻ.H. Jumayev — Buxoro shahri hokimi N.I. Nematova — Olot tumani hokimi Sh.X. Salomov — Qorakoʻl tumani hokimi K.R. Kamolov — Jondor tumani hokimi
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 28-aprel,
F-5567-son