📅 2020-yil 1-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 1 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 мая 2020 г. · Постановления Президента
Официальный текст. Официальный документ. Редакционные примечания не включены.
📅 1 May 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Аҳолининг уй-жой шароитини яхшилаш ҳамда ипотека кредити бозорини янада кенгайтиришга оид қўшимча чора-тадбирлар тўғрисида
Коронавирус инфекцияси тарқалишига қарши курашиш даврида аҳолининг уй-жой шароитини яхшилаш, ипотека кредити бозорини янада ривожлантириш, хусусий пудрат ташкилотларини уй-жойлар қурилишига кенг жалб қилиш ҳамда уларга қулай шарт-шароитлар яратиш мақсадида:
1. Ўзбекистон Республикаси Президентининг 2019 йил 28 ноябрдаги «Ипотека кредити механизмларини такомиллаштиришга оид қўшимча чора-тадбирлар тўғрисида»ги ПФ-5886-сон Фармонига (кейинги ўринларда — Фармон) мувофиқ:
бозор тамойилларига асосланган ипотека кредитлари орқали аҳолини уй-жой билан таъминлашнинг янги тартиби (кейинги ўринларда — янги тартиб) жорий қилинганлиги;
хусусий пудрат ташкилотлари томонидан ўз маблағлари ва тижорат банкларининг кредитлари ҳисобига қурилган квартираларни бирламчи уй-жой бозорида сотиб олиш учун ипотека кредитларини ажратишга рухсат этилганлиги маълумот учун қабул қилинсин.
2. 2020 йил 1 майдан бошлаб 2022 йил 1 январга қадар жисмоний шахсларга хусусий пудрат ташкилотлари томонидан тайёр ҳолда топшириш шартисиз (пардоз ишларини амалга оширмасдан) қурилган квартираларни бирламчи уй-жой бозорида сотиб олиш учун ипотека кредитларини ажратишга рухсат берилсин.
3. Хусусий пудрат ташкилотлари томонидан қуриб битказилган квартираларни, шунингдек, тайёр ҳолда топшириш шартисиз (пардоз ишларини амалга оширмасдан) қурилган квартираларни (мазкур қарорнинг 3 1 -бандида кўзда тутилган ҳолатлар бундан мустасно) бирламчи уй-жой бозорида сотиб олиш учун бир қарз олувчига ажратиладиган ипотека кредитларининг энг кўп миқдорлари:
қишлоқ жойларида 1 ва 2 хонали квартиралар учун 174 млн сўмдан 240 млн сўмгача, 3 ва ундан кўп хонали квартиралар учун 224 млн сўмдан 320 млн сўмгача;
шаҳарларда 1 ва 2 хонали квартиралар учун 180 млн сўмдан 240 млн сўмгача, 3 ва ундан кўп хонали квартиралар учун 232 млн сўмдан 320 млн сўмгача;
Тошкент шаҳрида 1 ва 2 хонали квартиралар учун 198 млн сўмдан 264 млн сўмгача, 3 ва ундан кўп хонали квартиралар учун 255 млн сўмдан 352 млн сўмгача оширилсин.
3 1. Хусусий пудрат ташкилотлари томонидан хоналарга бўлинмаган ҳолда қурилган квартираларни сотиб олиш учун бериладиган ипотека кредитларининг чекланган миқдори қуйидаги миқдорларда белгилансин:
Тошкент шаҳрида — умумий майдони 60 метр квадратгача бўлган квартиралар учун — 264 млн сўм, умумий майдони 60 метр квадратдан ортиқ бўлган квартиралар учун — 352 млн сўм;
бошқа ҳудудларда — умумий майдони 60 метр квадратгача бўлган квартиралар учун — 240 млн сўм, умумий майдони 60 метр квадратдан ортиқ бўлган квартиралар учун — 320 млн сўм.
Мазкур банда кўзда тутилган ипотека кредити бўйича дастлабки бадал ва (ёки) фоизларнинг бир қисмини қоплаш учун Ўзбекистон Республикаси Давлат бюджети маблағлари ҳисобидан субсидиялар тўланмайди.
4. Янги тартиб доирасида аҳолига ажратиладиган ипотека кредитлари (шу жумладан бугунги кунга қадар ажратилган ипотека кредитлари) муддати 15 йилдан 20 йилгача (йигирманчи йилни ҳам қўшган ҳолда) узайтирилсин.
5. Ўзбекистон Республикаси Молия вазирлиги бир ҳафта муддатда янги тартиб доирасида тижорат банкларида жойлаштирган кредит ресурслари муддатини 15 йилдан 20 йилгача (йигирманчи йилни ҳам қўшган ҳолда) узайтирсин.
Тижорат банклари бир ой муддатда янги тартиб доирасида жисмоний шахсларга берилган ипотека кредитлари муддатини 15 йилдан 20 йилгача (йигирманчи йилни ҳам қўшган ҳолда) узайтирсин ҳамда тузилган шартномаларга тегишли ўзгартиришлар киритсин.
6. Белгилаб қўйилсинки:
мазкур қарорнинг 3, 3 1 ва 4-бандларида назарда тутилган тартиб ва шартлар 2021 йил 11 мартга қадар амал қилади ва янги тартибга мувофиқ Ўзбекистон Республикаси Молия вазирлигининг маблағлари ҳисобидан ажратиладиган ипотека кредитларига нисбатан татбиқ этилади;
мазкур қарорнинг 3-банднинг учинчи ва тўртинчи хатбошиларида назарда тутилган квартираларни сотиб олишга ажратилган ипотека кредитлари бўйича дастлабки бадалнинг бир қисмини тўлаш билан боғлиқ харажатларни қоплаш учун субсидиялар Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги ҳамда Қурилиш вазирлиги томонидан белгиланган уй-жой ҳисобланган қийматининг 10 фоизи миқдорида тўланади;
Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги ҳамда Қурилиш вазирлиги томонидан 2021 йил 11 мартга қадар белгиланадиган уй-жойларнинг ҳисобланган қийматида бир хонали квартиралар ҳам инобатга олинади.
7. Андижон, Наманган ва Фарғона вилоятларида тажриба тариқасида Ўзбекистон Республикаси Молия вазирлигининг тижорат банкларига ажратган кредит ресурслари ҳисобидан жисмоний шахсларга қонунда белгиланган тартибда уй-жой қуриш учун ажратилган ер участкаларида якка тартибдаги уй-жойларни қуриш ва қайта қуриш учун кредитлар ажратишга рухсат берилсин.
7 1 . Фарғона вилояти ҳокимлиги, Марказий банк ва Молия вазирлигининг Фарғона вилоятининг чўл-адир ҳудудларида, истисно тариқасида, 2020-2021 йилларда якка тартибдаги намунавий уйлар қурилиши таклифига розилик берилсин. Бунда:
якка тартибдаги намунавий уй-жойлар қурилиши хусусий пудрат ташкилотларининг ўз маблағлари, тижорат банкларидан олинган кредит ва қонун ҳужжатларида тақиқланмаган бошқа манбалар ҳисобидан амалга оширилади;
хусусий пудрат ташкилотлари томонидан қурилиш меъёрларига мос, тайёр ҳолда қуриб битказилган якка тартибдаги намунавий уйларни аҳоли томонидан сотиб олиш учун Ўзбекистон Республикаси Молия вазирлиги томонидан тижорат банкларига ажратилган маблағлар ҳисобидан ипотека кредитлари берилади;
якка тартибдаги намунавий уйлар қурилишини рейтинг баҳоси Ўзбекистон Республикаси Қурилиш вазирлиги томонидан белгиланадиган даражадан кам бўлмаган қурилиш-пудрат ташкилотлари томонидан амалга оширилади.
Фарғона вилояти ҳокимлиги аҳоли аризалари ва уй-жой бозорини ўрганиш ҳамда аҳолининг ипотека кредитлари бўйича реал тўлов қобилиятини инобатга олган ҳолда якка тартибдаги намунавий уйларнинг қурилиш ишларини ташкил этсин.
8. Ўзбекистон Республикаси Иқтисодий тараққиёт ва камбағалликни қисқартириш вазирлиги Молия вазирлиги, Қурилиш вазирлиги ҳамда Марказий банк билан биргаликда 2020 йил 1 декабрга қадар Андижон, Наманган ва Фарғона вилоятларида амалга ошириладиган тажриба натижаларидан келиб чиқиб, якка тартибдаги уй-жойлар қурилишини қўллаб-қувватлаш бўйича таклифларни Вазирлар Маҳкамасига киритсин.
9. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига 2020-2021 йиллар давомида уй-жой шароитини яхшилашга муҳтож фуқароларни манзилли қўллаб-қувватлаш мақсадида маҳаллий бюджет даромадларининг ошириб бажарилган қисми ҳисобидан Фармон билан тегишли ҳудуд учун белгиланган субсидиялар сонини 1,3 бараварга ва суммасини 40 фоизгача оширишга рухсат берилсин.
10. Шундай тартиб ўрнатилсинки, унга мувофиқ 2020 йил 1 майдан 2022 йил 31 декабрга қадар Тадбиркорлик фаолиятини қўллаб-қувватлаш давлат жамғармаси томонидан хусусий пудрат ташкилотларига янги тартиб доирасида шаҳарларда 7 ва ундан юқори, қишлоқ жойларида 5 ва ундан юқори ҳамда Тошкент шаҳрида 9 ва ундан юқори қаватли кўп квартирали уй-жойлар қуриш учун ажратилган тижорат банкларининг миллий валютадаги кредитлари бўйича:
кредит суммасининг 50 фоизигача (50 фоизи ҳам киради), бироқ умумий қиймати 2,5 миллиард сўмдан ошмаган миқдорда кафиллик берилади;
фоиз ставкаси Ўзбекистон Республикаси Марказий банки асосий ставкасининг 1,5 бараваридан ошмайдиган кредитлар бўйича фоиз ставкасининг Марказий банк асосий ставкасидан ошадиган, бироқ асосий ставканинг 30 фоизидан кўп бўлмаган қисмини қоплаш учун кредитнинг бутун даври, бироқ кредит олинган кундан бошлаб 24 ойдан ортиқ бўлмаган муддат давомида компенсация тақдим этилади. Бунда:
компенсация битта уй-жой учун кредитнинг 5 миллиард сўмдан ортиқ бўлмаган қисми бўйича тўланади;
кафиллик ва компенсациялар қурилаётган кўп қаватли уй-жойдаги жами квартиралар сонининг камида 70 фоизи майдони 70 квадрат метрдан ошмаган квартиралар ташкил этганда берилади.
11. Ўзбекистон Республикаси Вазирлар Маҳкамаси (А.Н. Арипов) икки хафта муддатда янги тартиб доирасида шаҳарларда кўп квартирали уй-жойларни қуриш учун ер участкаларини «E-IJRO AUKSION» ягона электрон савдо майдончасидаги электрон аукционига чиқариш чораларини кўрсин.
12. Ўзбекистон Республикаси Молия вазирлиги Адлия вазирлиги ҳамда бошқа манфаатдор вазирлик ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 1 май,
ПҚ-4701-сон
Oʻzbekiston Respublikasi Prezidentining
Qarori
Aholining uy-joy sharoitini yaxshilash hamda ipoteka krediti bozorini yanada kengaytirishga oid qoʻshimcha chora-tadbirlar toʻgʻrisida
Koronavirus infeksiyasi tarqalishiga qarshi kurashish davrida aholining uy-joy sharoitini yaxshilash, ipoteka krediti bozorini yanada rivojlantirish, xususiy pudrat tashkilotlarini uy-joylar qurilishiga keng jalb qilish hamda ularga qulay shart-sharoitlar yaratish maqsadida:
1. Oʻzbekiston Respublikasi Prezidentining 2019-yil 28-noyabrdagi “Ipoteka krediti mexanizmlarini takomillashtirishga oid qoʻshimcha chora-tadbirlar toʻgʻrisida”gi PF-5886-son Farmoniga (keyingi oʻrinlarda — Farmon) muvofiq:
bozor tamoyillariga asoslangan ipoteka kreditlari orqali aholini uy-joy bilan taʼminlashning yangi tartibi (keyingi oʻrinlarda — yangi tartib) joriy qilinganligi;
xususiy pudrat tashkilotlari tomonidan oʻz mablagʻlari va tijorat banklarining kreditlari hisobiga qurilgan kvartiralarni birlamchi uy-joy bozorida sotib olish uchun ipoteka kreditlarini ajratishga ruxsat etilganligi maʼlumot uchun qabul qilinsin.
2. 2020-yil 1-maydan boshlab 2022-yil 1-yanvarga qadar jismoniy shaxslarga xususiy pudrat tashkilotlari tomonidan tayyor holda topshirish shartisiz (pardoz ishlarini amalga oshirmasdan) qurilgan kvartiralarni birlamchi uy-joy bozorida sotib olish uchun ipoteka kreditlarini ajratishga ruxsat berilsin.
3. Xususiy pudrat tashkilotlari tomonidan qurib bitkazilgan kvartiralarni, shuningdek, tayyor holda topshirish shartisiz (pardoz ishlarini amalga oshirmasdan) qurilgan kvartiralarni (mazkur qarorning 3 1 -bandida koʻzda tutilgan holatlar bundan mustasno) birlamchi uy-joy bozorida sotib olish uchun bir qarz oluvchiga ajratiladigan ipoteka kreditlarining eng koʻp miqdorlari:
qishloq joylarida 1 va 2 xonali kvartiralar uchun 174 mln soʻmdan 240 mln soʻmgacha, 3 va undan koʻp xonali kvartiralar uchun 224 mln soʻmdan 320 mln soʻmgacha;
shaharlarda 1 va 2 xonali kvartiralar uchun 180 mln soʻmdan 240 mln soʻmgacha, 3 va undan koʻp xonali kvartiralar uchun 232 mln soʻmdan 320 mln soʻmgacha;
Toshkent shahrida 1 va 2 xonali kvartiralar uchun 198 mln soʻmdan 264 mln soʻmgacha, 3 va undan koʻp xonali kvartiralar uchun 255 mln soʻmdan 352 mln soʻmgacha oshirilsin.
3 1. Xususiy pudrat tashkilotlari tomonidan xonalarga boʻlinmagan holda qurilgan kvartiralarni sotib olish uchun beriladigan ipoteka kreditlarining cheklangan miqdori quyidagi miqdorlarda belgilansin:
Toshkent shahrida — umumiy maydoni 60 metr kvadratgacha boʻlgan kvartiralar uchun — 264 mln soʻm, umumiy maydoni 60 metr kvadratdan ortiq boʻlgan kvartiralar uchun — 352 mln soʻm;
boshqa hududlarda — umumiy maydoni 60 metr kvadratgacha boʻlgan kvartiralar uchun — 240 mln soʻm, umumiy maydoni 60 metr kvadratdan ortiq boʻlgan kvartiralar uchun — 320 mln soʻm.
Mazkur banda koʻzda tutilgan ipoteka krediti boʻyicha dastlabki badal va (yoki) foizlarning bir qismini qoplash uchun Oʻzbekiston Respublikasi Davlat budjeti mablagʻlari hisobidan subsidiyalar toʻlanmaydi.
4. Yangi tartib doirasida aholiga ajratiladigan ipoteka kreditlari (shu jumladan bugungi kunga qadar ajratilgan ipoteka kreditlari) muddati 15 yildan 20 yilgacha (yigirmanchi yilni ham qoʻshgan holda) uzaytirilsin.
5. Oʻzbekiston Respublikasi Moliya vazirligi bir hafta muddatda yangi tartib doirasida tijorat banklarida joylashtirgan kredit resurslari muddatini 15 yildan 20 yilgacha (yigirmanchi yilni ham qoʻshgan holda) uzaytirsin.
Tijorat banklari bir oy muddatda yangi tartib doirasida jismoniy shaxslarga berilgan ipoteka kreditlari muddatini 15 yildan 20 yilgacha (yigirmanchi yilni ham qoʻshgan holda) uzaytirsin hamda tuzilgan shartnomalarga tegishli oʻzgartirishlar kiritsin.
6. Belgilab qoʻyilsinki:
mazkur qarorning 3, 3 1 va 4-bandlarida nazarda tutilgan tartib va shartlar 2021-yil 11-martga qadar amal qiladi va yangi tartibga muvofiq Oʻzbekiston Respublikasi Moliya vazirligining mablagʻlari hisobidan ajratiladigan ipoteka kreditlariga nisbatan tatbiq etiladi;
mazkur qarorning 3-bandning uchinchi va toʻrtinchi xatboshilarida nazarda tutilgan kvartiralarni sotib olishga ajratilgan ipoteka kreditlari boʻyicha dastlabki badalning bir qismini toʻlash bilan bogʻliq xarajatlarni qoplash uchun subsidiyalar Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi hamda Qurilish vazirligi tomonidan belgilangan uy-joy hisoblangan qiymatining 10 foizi miqdorida toʻlanadi;
Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi hamda Qurilish vazirligi tomonidan 2021-yil 11-martga qadar belgilanadigan uy-joylarning hisoblangan qiymatida bir xonali kvartiralar ham inobatga olinadi.
7. Andijon, Namangan va Fargʻona viloyatlarida tajriba tariqasida Oʻzbekiston Respublikasi Moliya vazirligining tijorat banklariga ajratgan kredit resurslari hisobidan jismoniy shaxslarga qonunda belgilangan tartibda uy-joy qurish uchun ajratilgan yer uchastkalarida yakka tartibdagi uy-joylarni qurish va qayta qurish uchun kreditlar ajratishga ruxsat berilsin.
7 1 . Fargʻona viloyati hokimligi, Markaziy bank va Moliya vazirligining Fargʻona viloyatining choʻl-adir hududlarida, istisno tariqasida, 2020-2021-yillarda yakka tartibdagi namunaviy uylar qurilishi taklifiga rozilik berilsin. Bunda:
yakka tartibdagi namunaviy uy-joylar qurilishi xususiy pudrat tashkilotlarining oʻz mablagʻlari, tijorat banklaridan olingan kredit va qonun hujjatlarida taqiqlanmagan boshqa manbalar hisobidan amalga oshiriladi;
xususiy pudrat tashkilotlari tomonidan qurilish meʼyorlariga mos, tayyor holda qurib bitkazilgan yakka tartibdagi namunaviy uylarni aholi tomonidan sotib olish uchun Oʻzbekiston Respublikasi Moliya vazirligi tomonidan tijorat banklariga ajratilgan mablagʻlar hisobidan ipoteka kreditlari beriladi;
yakka tartibdagi namunaviy uylar qurilishini reyting bahosi Oʻzbekiston Respublikasi Qurilish vazirligi tomonidan belgilanadigan darajadan kam boʻlmagan qurilish-pudrat tashkilotlari tomonidan amalga oshiriladi.
Fargʻona viloyati hokimligi aholi arizalari va uy-joy bozorini oʻrganish hamda aholining ipoteka kreditlari boʻyicha real toʻlov qobiliyatini inobatga olgan holda yakka tartibdagi namunaviy uylarning qurilish ishlarini tashkil etsin.
8. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi, Qurilish vazirligi hamda Markaziy bank bilan birgalikda 2020-yil 1-dekabrga qadar Andijon, Namangan va Fargʻona viloyatlarida amalga oshiriladigan tajriba natijalaridan kelib chiqib, yakka tartibdagi uy-joylar qurilishini qoʻllab-quvvatlash boʻyicha takliflarni Vazirlar Mahkamasiga kiritsin.
9. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga 2020-2021-yillar davomida uy-joy sharoitini yaxshilashga muhtoj fuqarolarni manzilli qoʻllab-quvvatlash maqsadida mahalliy budjet daromadlarining oshirib bajarilgan qismi hisobidan Farmon bilan tegishli hudud uchun belgilangan subsidiyalar sonini 1,3 baravarga va summasini 40 foizgacha oshirishga ruxsat berilsin.
10. Shunday tartib oʻrnatilsinki, unga muvofiq 2020-yil 1-maydan 2022-yil 31-dekabrga qadar Tadbirkorlik faoliyatini qoʻllab-quvvatlash davlat jamgʻarmasi tomonidan xususiy pudrat tashkilotlariga yangi tartib doirasida shaharlarda 7 va undan yuqori, qishloq joylarida 5 va undan yuqori hamda Toshkent shahrida 9 va undan yuqori qavatli koʻp kvartirali uy-joylar qurish uchun ajratilgan tijorat banklarining milliy valyutadagi kreditlari boʻyicha:
kredit summasining 50 foizigacha (50 foizi ham kiradi), biroq umumiy qiymati 2,5 milliard soʻmdan oshmagan miqdorda kafillik beriladi;
foiz stavkasi Oʻzbekiston Respublikasi Markaziy banki asosiy stavkasining 1,5 baravaridan oshmaydigan kreditlar boʻyicha foiz stavkasining Markaziy bank asosiy stavkasidan oshadigan, biroq asosiy stavkaning 30 foizidan koʻp boʻlmagan qismini qoplash uchun kreditning butun davri, biroq kredit olingan kundan boshlab 24 oydan ortiq boʻlmagan muddat davomida kompensatsiya taqdim etiladi. Bunda:
kompensatsiya bitta uy-joy uchun kreditning 5 milliard soʻmdan ortiq boʻlmagan qismi boʻyicha toʻlanadi;
kafillik va kompensatsiyalar qurilayotgan koʻp qavatli uy-joydagi jami kvartiralar sonining kamida 70 foizi maydoni 70 kvadrat metrdan oshmagan kvartiralar tashkil etganda beriladi.
11. Oʻzbekiston Respublikasi Vazirlar Mahkamasi (A.N. Aripov) ikki xafta muddatda yangi tartib doirasida shaharlarda koʻp kvartirali uy-joylarni qurish uchun yer uchastkalarini “E-IJRO AUKSION” yagona elektron savdo maydonchasidagi elektron auksioniga chiqarish choralarini koʻrsin.
12. Oʻzbekiston Respublikasi Moliya vazirligi Adliya vazirligi hamda boshqa manfaatdor vazirlik va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 1-may,
PQ-4701-son
Президента Республики Узбекистан
Постановление
О дополнительных мерах по улучшению жилищных условий населения и дальнейшему расширению рынка ипотечного кредитования
В целях улучшения жилищных условий населения, дальнейшего развития рынка ипотечного кредитования, широкого привлечения частных подрядных организаций к строительству жилья и создания для них благоприятных условий в период противодействия распространению коронавирусной инфекции:
1. Принять к сведению, что в соответствии с Указом Президента Республики Узбекистан от 28 ноября 2019 года № УП-5886 «О дополнительных мерах по совершенствованию механизмов ипотечного кредитования» (далее — Указ):
внедрен новый порядок обеспечения населения жильем за счет ипотечных кредитов на основе рыночных принципов (далее — новый порядок);
разрешено выделение ипотечных кредитов на приобретение на первичном рынке жилья квартир в домах, построенных частными подрядными организациями за счет собственных средств и кредитов коммерческих банков.
2. Разрешить на период с 1 мая 2020 года по 1 января 2022 года выделять физическим лицам ипотечные кредиты на приобретение на первичном рынке жилья квартир в домах, построенных частными подрядными организациями, без условия сдачи «под ключ» (без проведения отделочных работ).
3. Увеличить максимальные размеры ипотечных кредитов, выделяемых одному заемщику на приобретение на первичном рынке жилья квартир в домах, построенных частными подрядными организациями без условия сдачи «под ключ» (без проведения отделочных работ), а также квартир, строительство которых завершено (за исключением случаев, предусмотренных в пункте 3 1 настоящего постановления):
в сельской местности — для однокомнатных и двухкомнатных квартир с 174 млн сумов до 240 млн сумов, квартир с тремя и более комнатами с 224 млн сумов до 320 млн сумов;
в городах — для однокомнатных и двухкомнатных квартир с 180 млн сумов до 240 млн сумов, квартир с тремя и более комнатами с 232 млн сумов до 320 млн сумов;
в городе Ташкенте — для однокомнатных и двухкомнатных квартир с 198 млн сумов до 264 млн сумов, квартир с тремя и более комнатами с 255 млн сумов до 352 млн сумов.
3 1. Установить максимальные размеры ипотечных кредитов, выделяемых для приобретения квартир без разделения на комнаты, построенных частными подрядными организациями:
в городе Ташкенте — для квартир общей площадью до 60 квадратных метров — 264 млн сумов, для квартир общей площадью более 60 квадратных метров — 352 млн сумов;
в других регионах — для квартир общей площадью до 60 квадратных метров — 240 млн сумов, для квартир общей площадью более 60 квадратных метров — 320 млн сумов.
По ипотечным кредитам, предусмотренным настоящим пунктом, субсидии за счет средств Государственного бюджета Республики Узбекистан на компенсацию части первоначального взноса и (или) процентов не выплачиваются.
4. Продлить с 15 до 20 лет (включительно) срок ипотечных кредитов, выделяемых населению в рамках нового порядка (включая ипотечные кредиты, выделенные до сегодняшнего дня).
5. Министерству финансов Республики Узбекистан в недельный срок продлить с 15 до 20 лет (включительно) срок кредитных ресурсов, размещенных в рамках нового порядка в коммерческих банках.
Коммерческим банкам в месячный срок продлить с 15 до 20 лет (включительно) срок ипотечных кредитов, выделенных в рамках нового порядка физическим лицам, а также внести соответствующие изменения в заключенные договора.
6. Установить, что:
порядок и условия, предусмотренные в пунктах 3 , 3 1 и 4 настоящего постановления, действуют до 11 марта 2021 года и применяются по отношению к ипотечным кредитам, выделяемым в соответствии с новым порядком за счет средств Министерства финансов Республики Узбекистан;
субсидии на компенсацию расходов, связанных с оплатой части первоначального взноса по ипотечным кредитам, выделенным для приобретения квартир, предусмотренных в абзацах третьем и четвертом пункта 3 настоящего постановления, выплачиваются в размере 10 процентов от расчетной стоимости жилья, определяемой Министерством финансов, Министерством экономического развития и сокращения бедности и Министерством строительства Республики Узбекистан.
Министерство финансов, Министерство экономического развития и сокращения бедности и Министерство строительства Республики Узбекистан при определении расчетной стоимости жилья до 11 марта 2021 года учитывают однокомнатные квартиры.
7. Разрешить, в порядке эксперимента, выделение в Андижанской, Наманганской и Ферганской областях кредитов на строительство и реконструкцию индивидуального жилья на земельных участках, предоставленных физическим лицам, за счет кредитных ресурсов, выделенных Министерством финансов Республики Узбекистан коммерческим банкам под строительство жилья в установленном законом порядке.
7 1. Согласиться с предложением хокимията Ферганской области, Центрального банка и Министерства финансов о строительстве в порядке исключения индивидуальных типовых жилых домов в степно-холмовых регионах Ферганской области в 2020-2021 годах. При этом:
строительство индивидуальных типовых жилых домов осуществляется за счет собственных средств частных подрядных организаций, кредитов коммерческих банков и иных источников, не запрещенных законодательством источников;
для приобретения населением индивидуальных типовых жилых домов, построенных частными подрядными организациями «под ключ» в соответствии со строительными нормами, предоставляются ипотечные кредиты за счет средств, выделенных коммерческим банкам Министерством финансов Республики Узбекистан;
строительство индивидуальных типовых жилых домов осуществляется строительно-подрядными организациями с рейтинговой оценкой не ниже уровня, определяемого Министерством строительства Республики Узбекистан.
Хокимияту Ферганской области организовать строительство индивидуальных типовых жилых домов исходя из заявок населения и изучения рынка жилья, а также реальной платежеспособности населения по ипотечным кредитам.
8. Министерству экономического развития и сокращения бедности совместно с Министерством финансов, Министерством строительства и Центральным банком Республики Узбекистан в срок до 1 декабря 2020 года, исходя из результатов эксперимента, проводимого в Андижанской, Наманганской и Ферганской областях, внести в Кабинет Министров предложения по поддержке индивидуального жилищного строительства.
9. Разрешить в 2020-2021 годах Совету Министров Республики Каракалпакстан, хокимиятам областей и города Ташкента в целях адресной поддержки граждан, нуждающихся в улучшении жилищных условий, за счет перевыполненной части доходов местных бюджетов увеличить установленные Указом для соответствующих регионов количество субсидий — в 1,3 раза, суммы субсидий — до 40 процентов.
10. Установить порядок, в соответствии с которым на период с 1 мая 2020 года по 31 декабря 2022 года Государственным фондом поддержки предпринимательской деятельности по кредитам коммерческих банков в национальной валюте, выделяемым в рамках нового порядка частным подрядным организациям для строительства семиэтажных и имеющих более семи этажей многоквартирных домов в городах, пятиэтажных и имеющих более пяти этажей — в сельской местности, а также девятиэтажных и имеющих более девяти этажей многоквартирных домов в городе Ташкенте:
выдается поручительство в размере до 50 процентов включительно суммы кредита, но не превышающем 2,5 миллиарда сумов;
по кредитам с процентной ставкой, не превышающей 1,5-кратного размера основной ставки Центрального банка Республики Узбекистан, на весь период кредита, но не более 24 месяцев со дня получения кредита, предоставляется компенсация на покрытие части процентной ставки, превышающей основную ставку Центрального банка, но не превышающей 30 процентов основной ставки. При этом:
компенсация выплачивается в части кредита, не превышающей 5 миллиардов сумов на одно жилье;
поручительства и компенсации предоставляются в случае, если не менее 70 процентов от общего количества квартир в строящемся многоэтажном жилом доме составляют квартиры площадью не более 70 квадратных метров.
11. Кабинету Министров Республики Узбекистан (А.Н. Арипов) в двухнедельный срок в рамках нового порядка принять меры по выставлению на электронный аукцион единой электронной торговой площадки «E-IJRO AUKSION» земельных участков для строительства многоквартирных домов в городах.
12. Министерству финансов совместно с Министерством юстиции, а также заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
1 мая 2020 г.,
№ ПП-4701