📅 2020-yil 6-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 6 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 6 мая 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 6 May 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Самарқанд шаҳридаги айрим моддий маданий мерос объектларидан самарали фойдаланиш чора-тадбирлари тўғрисида
Самарқанд шаҳридаги давлат мулки ҳисобланган бўш турган моддий маданий мерос объектларидан самарали фойдаланиш, Ўзбекистон Бадиий академияси Бадиий ижодкорлар уюшмаси Самарқанд вилояти бўлимининг моддий-техник базасини янада мустаҳкамлаш ҳамда Ҳожи Абдулазиз Абдурасуловнинг уй-музейини ташкил этиш мақсадида Вазирлар Маҳкамаси қарор қилади:
1. Ўзбекистон Бадиий академияси, Ўзбекистон Республикаси Маданият вазирлиги, Қурилиш вазирлиги ва Самарқанд вилояти ҳокимлигининг:
Маданият вазирлиги Маданий мерос департаментининг Самарқанд вилоят маданий мерос бошқармасига тегишли бўлган Самарқанд шаҳар, Регистон кўчаси, 3а-уй манзилида жойлашган «Усматбой мадрасаси» биносини Бадиий ижодкорлар уюшмаси Самарқанд вилояти бўлимига текин фойдаланиш ҳуқуқи асосида бириктириб бериш;
Самарқанд вилояти Қурилиш бош бошқармасига тегишли бўлган Самарқанд шаҳар, Мирзо Улуғбек кўчаси, 35-уй манзилида жойлашган моддий маданий мерос объектини Маданият вазирлиги Маданий мерос департаментининг Самарқанд вилояти маданий мерос бошқармасига оператив бошқарув ҳуқуқи асосида бепул бериш;
маданий мерос объекти сифатида давлат рўйхатига олинган Самарқанд шаҳар, Ҳожи Абдулазиз Абдурасулов кўчаси, 49-уй манзилида жойлашган тарихий ҳовлини Самарқанд давлат музей-қўриқхонасига оператив бошқарув ҳуқуқи асосида бепул бериш тўғрисидаги таклифлари маьқуллансин.
2. Ўзбекистон Бадиий академияси, Ўзбекистон Республикаси Қурилиш вазирлиги ва Маданият вазирлиги бир ҳафта муддатда ушбу қарорнинг 1-бандида назарда тутилган моддий маданий мерос объектларини белгиланган тартибда қабул қилиш ва топшириш ишларини амалга оширсин.
3. Белгилансинки, ушбу қарорнинг 1-бандида кўрсатилган моддий маданий мерос объектларида режалаштириладиган қурилиш ва ободонлаштириш ишларининг лойиҳалари Ўзбекистон Республикаси Президентининг «Моддий маданий мерос объектларини муҳофаза қилиш соҳасидаги фаолиятини тубдан такомиллаштириш чора-тадбирлари тўғрисида» 2018 йил 19 декабрдаги ПҚ-4068-сон қарори талаблари асосида Маданият вазирлигининг Маданий мерос департаменти ҳамда ЮНЕСКОнинг Умумжаҳон мероси маркази билан мажбурий тартибда келишилган ҳолда амалга оширилади.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Самарқанд вилояти ҳокими Э.О. Турдимов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 6 май,
269-сон
Oʻzbekiston Respublikasi Vazirlar Mahkamasining
qarori
Samarqand shahridagi ayrim moddiy madaniy meros obyektlaridan samarali foydalanish chora-tadbirlari toʻgʻrisida
Samarqand shahridagi davlat mulki hisoblangan boʻsh turgan moddiy madaniy meros obyektlaridan samarali foydalanish, Oʻzbekiston Badiiy akademiyasi Badiiy ijodkorlar uyushmasi Samarqand viloyati boʻlimining moddiy-texnik bazasini yanada mustahkamlash hamda Hoji Abdulaziz Abdurasulovning uy-muzeyini tashkil etish maqsadida Vazirlar Mahkamasi qaror qiladi:
1. Oʻzbekiston Badiiy akademiyasi, Oʻzbekiston Respublikasi Madaniyat vazirligi, Qurilish vazirligi va Samarqand viloyati hokimligining:
Madaniyat vazirligi Madaniy meros departamentining Samarqand viloyat madaniy meros boshqarmasiga tegishli boʻlgan Samarqand shahar, Registon koʻchasi, 3a-uy manzilida joylashgan “Usmatboy madrasasi” binosini Badiiy ijodkorlar uyushmasi Samarqand viloyati boʻlimiga tekin foydalanish huquqi asosida biriktirib berish;
Samarqand viloyati Qurilish bosh boshqarmasiga tegishli boʻlgan Samarqand shahar, Mirzo Ulugʻbek koʻchasi, 35-uy manzilida joylashgan moddiy madaniy meros obyektini Madaniyat vazirligi Madaniy meros departamentining Samarqand viloyati madaniy meros boshqarmasiga operativ boshqaruv huquqi asosida bepul berish;
madaniy meros obyekti sifatida davlat roʻyxatiga olingan Samarqand shahar, Hoji Abdulaziz Abdurasulov koʻchasi, 49-uy manzilida joylashgan tarixiy hovlini Samarqand davlat muzey-qoʻriqxonasiga operativ boshqaruv huquqi asosida bepul berish toʻgʻrisidagi takliflari maqullansin.
2. Oʻzbekiston Badiiy akademiyasi, Oʻzbekiston Respublikasi Qurilish vazirligi va Madaniyat vazirligi bir hafta muddatda ushbu qarorning 1-bandida nazarda tutilgan moddiy madaniy meros obyektlarini belgilangan tartibda qabul qilish va topshirish ishlarini amalga oshirsin.
3. Belgilansinki, ushbu qarorning 1-bandida koʻrsatilgan moddiy madaniy meros obyektlarida rejalashtiriladigan qurilish va obodonlashtirish ishlarining loyihalari Oʻzbekiston Respublikasi Prezidentining “Moddiy madaniy meros obyektlarini muhofaza qilish sohasidagi faoliyatini tubdan takomillashtirish chora-tadbirlari toʻgʻrisida” 2018-yil 19-dekabrdagi PQ-4068-son qarori talablari asosida Madaniyat vazirligining Madaniy meros departamenti hamda YUNESKOning Umumjahon merosi markazi bilan majburiy tartibda kelishilgan holda amalga oshiriladi.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Samarqand viloyati hokimi E.O. Turdimov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 6-may,
269-son