📅 2020-yil 8-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 8 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 мая 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 8 May 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
фармойиши
Қорақалпоғистон Республикаси Вазирлар Кенгаши, Ўзбекистон Республикаси Фавқулодда вазиятлар вазирлиги ва Ўрмон хўжалиги давлат қўмитаси томонидан Орол денгизининг суви қуриган тубидан кўтарилаётган қум, туз ва чанг заррачаларининг салбий таъсирини камайтириш, ушбу ҳудудларда чўл ўсимликларидан «яшил қопламалар» — ҳимоя ўрмонзорлари барпо этиш ишларини изчиллик билан давом эттириш ҳамда глобал иқлим ўзгаришларининг салбий таъсирини юмшатишга қаратилган кенг қамровли чора-тадбирлар амалга оширилмоқда.
Оролбўйи минтақасида 2020 йилнинг баҳор ва куз-қиш мавсумлари давомида жами 700 минг гектар майдонда кўкаламзорлаштириш ишларини амалга оширилиши режалаштирилган ҳамда ушбу тадбирларга 2593 нафар ишчи-ходимлар, 4 та АН-2 русумли самолёт, 2 та дельтаплан ва 330 та турли техникалар жалб этилиши белгиланган.
Оролбўйи минтақасида экологик вазиятни барқарорлаштириш доирасида амалга оширилаётган чора-тадбирларга жалб этилган махсус техникаларни ёқилғи-мойлаш маҳсулотлари билан узлуксиз таъминлаш мақсадида:
1. Қуйидагилар:
Вазирлар Маҳкамасининг 2018 йил 29 декабрдаги 1106-Ф-сон фармойишига асосан Оролбўйи минтақасида экологик барқарорликни тиклаш мақсадида Орол денгизининг суви қуриган ҳудудида ўрмон-мелиорация тадбирларини амалга оширишга Фавқулодда вазиятлар вазирлигига 3,0 минг тонна дизель ёқилғисини харид қилиш учун Ўзбекистон Республикаси Вазирлар Маҳкамасининг захира жамғармасидан 17,8 миллиард сўм миқдорида маблағ ажратилганлиги;
ажратилган маблағлар ҳисобига 2019 йил баҳор ва куз-қиш мавсумларида мазкур ҳудудда қишлоқ хўжалиги техникалари ёрдамида 500 минг гектардан ортиқ майдонда ўрмон-мелиорация тадбирлари амалга оширилганлиги ва бунга ўртача биржа нархларида 2,1 минг тонна дизель ёқилғиси харид қилинганлиги;
2020 йилнинг баҳор ва куз-қиш мавсумлари давомида белгиланган ишларни амалга ошириш учун жалб этилган техникаларни қўшимча 900 тонна дизель ёқилғиси билан таъминлаш зарурлиги маълумот учун қабул қилинсин.
2. Ўзбекистон Республикаси Молия вазирлиги бир ҳафта муддатда Фавқулодда вазиятлар вазирлигига Оролбўйи минтақасида амалга оширилаётган кўкаламзорлаштириш ишлари доирасида дизель ёқилғисини харид қилиш учун Ўзбекистон Республикаси Вазирлар Маҳкамасининг захира жамғармасидан 8 миллиард сўм миқдорида маблағ ажратсин.
3. Ўзбекистон Республикаси Иқтисодий тараққиёт ва камбағалликни қисқартириш вазирлиги ҳамда Энергетика вазирлиги:
Ўзбекистон Республикаси Фавқулодда вазиятлар вазирлигига Оролбўйи минтақасида амалга оширилаётган кўкаламзорлаштириш ишларида қатнашаётган техникалар учун 2020 йил 10 майдан бошлаб тақсимланмаган захира ҳисобидан 900 тонна дизель ёқилғиси ажратсин;
ажратилган дизель ёқилғиси тўғридан-тўғри тузилган шартномалар асосида ўтган чоракда биржа савдолари натижаларига кўра шаклланган ўртача биржа нархларида берилишини таъминласин.
4. Ўзбекистон Республикаси Фавқулодда вазиятлар вазирлиги:
ёқилғи-мойлаш маҳсулотларини харид қилиш бўйича белгиланган тартибда шартномаларни икки кун муддатда расмийлаштирсин;
Оролбўйи минтақасида амалга оширилаётган кўкаламзорлаштириш ишлари доирасида олинган дизель ёқилғиси мақсадли ишлатилишини таъминласин.
5. Мазкур фармойишнинг бажарилишини назорат қилиш Ўзбекистон Республикаси Бош вазирининг молия-иқтисод ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда Ўзбекистон Республикаси фавқулодда вазиятлар вазири вазифасини бажарувчи Т.А. Худайбергенов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 8 май,
235-Ф-сон
Oʻzbekiston Respublikasi Vazirlar Mahkamasining
farmoyishi
Qoraqalpogʻiston Respublikasi Vazirlar Kengashi, Oʻzbekiston Respublikasi Favqulodda vaziyatlar vazirligi va Oʻrmon xoʻjaligi davlat qoʻmitasi tomonidan Orol dengizining suvi qurigan tubidan koʻtarilayotgan qum, tuz va chang zarrachalarining salbiy taʼsirini kamaytirish, ushbu hududlarda choʻl oʻsimliklaridan “yashil qoplamalar” — himoya oʻrmonzorlari barpo etish ishlarini izchillik bilan davom ettirish hamda global iqlim oʻzgarishlarining salbiy taʼsirini yumshatishga qaratilgan keng qamrovli chora-tadbirlar amalga oshirilmoqda.
Orolboʻyi mintaqasida 2020-yilning bahor va kuz-qish mavsumlari davomida jami 700 ming gektar maydonda koʻkalamzorlashtirish ishlarini amalga oshirilishi rejalashtirilgan hamda ushbu tadbirlarga 2593 nafar ishchi-xodimlar, 4 ta AN-2 rusumli samolyot, 2 ta deltaplan va 330 ta turli texnikalar jalb etilishi belgilangan.
Orolboʻyi mintaqasida ekologik vaziyatni barqarorlashtirish doirasida amalga oshirilayotgan chora-tadbirlarga jalb etilgan maxsus texnikalarni yoqilgʻi-moylash mahsulotlari bilan uzluksiz taʼminlash maqsadida:
1. Quyidagilar:
Vazirlar Mahkamasining 2018-yil 29-dekabrdagi 1106-F-son farmoyishiga asosan Orolboʻyi mintaqasida ekologik barqarorlikni tiklash maqsadida Orol dengizining suvi qurigan hududida oʻrmon-melioratsiya tadbirlarini amalga oshirishga Favqulodda vaziyatlar vazirligiga 3,0 ming tonna dizel yoqilgʻisini xarid qilish uchun Oʻzbekiston Respublikasi Vazirlar Mahkamasining zaxira jamgʻarmasidan 17,8 milliard soʻm miqdorida mablagʻ ajratilganligi;
ajratilgan mablagʻlar hisobiga 2019-yil bahor va kuz-qish mavsumlarida mazkur hududda qishloq xoʻjaligi texnikalari yordamida 500 ming gektardan ortiq maydonda oʻrmon-melioratsiya tadbirlari amalga oshirilganligi va bunga oʻrtacha birja narxlarida 2,1 ming tonna dizel yoqilgʻisi xarid qilinganligi;
2020-yilning bahor va kuz-qish mavsumlari davomida belgilangan ishlarni amalga oshirish uchun jalb etilgan texnikalarni qoʻshimcha 900 tonna dizel yoqilgʻisi bilan taʼminlash zarurligi maʼlumot uchun qabul qilinsin.
2. Oʻzbekiston Respublikasi Moliya vazirligi bir hafta muddatda Favqulodda vaziyatlar vazirligiga Orolboʻyi mintaqasida amalga oshirilayotgan koʻkalamzorlashtirish ishlari doirasida dizel yoqilgʻisini xarid qilish uchun Oʻzbekiston Respublikasi Vazirlar Mahkamasining zaxira jamgʻarmasidan 8 milliard soʻm miqdorida mablagʻ ajratsin.
3. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi hamda Energetika vazirligi:
Oʻzbekiston Respublikasi Favqulodda vaziyatlar vazirligiga Orolboʻyi mintaqasida amalga oshirilayotgan koʻkalamzorlashtirish ishlarida qatnashayotgan texnikalar uchun 2020-yil 10-maydan boshlab taqsimlanmagan zaxira hisobidan 900 tonna dizel yoqilgʻisi ajratsin;
ajratilgan dizel yoqilgʻisi toʻgʻridan toʻgʻri tuzilgan shartnomalar asosida oʻtgan chorakda birja savdolari natijalariga koʻra shakllangan oʻrtacha birja narxlarida berilishini taʼminlasin.
4. Oʻzbekiston Respublikasi Favqulodda vaziyatlar vazirligi:
yoqilgʻi-moylash mahsulotlarini xarid qilish boʻyicha belgilangan tartibda shartnomalarni ikki kun muddatda rasmiylashtirsin;
Orolboʻyi mintaqasida amalga oshirilayotgan koʻkalamzorlashtirish ishlari doirasida olingan dizel yoqilgʻisi maqsadli ishlatilishini taʼminlasin.
5. Mazkur farmoyishning bajarilishini nazorat qilish Oʻzbekiston Respublikasi Bosh vazirining moliya-iqtisod va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda Oʻzbekiston Respublikasi favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 8-may,
235-F-son