📅 2020-yil 8-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 8 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 мая 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 8 May 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
фармойиши
Ўзбекистон Республикаси Президентининг «Ёқилғи-энергетика соҳасида ўзаро ҳисоб-китобларни янада такомиллаштириш ва молиявий барқарорликни ошириш чора-тадбирлари тўғрисида» 2019 йил 9 июлдаги ПФ-5761-сон Фармони ижросини таъминлаш ҳамда прокуратура органларининг бино ва иншоотларини қуриш ҳамда реконструкция қилиш ишларини зарур маблағ билан таъминлаш мақсадида:
1. 2019 йил прокуратура органлари учун бино ва иншоотларни қуриш ҳамда реконструкция қилиш бўйича бажарилган ишлар ҳажмидан 272,0 млрд. сўм кредитор карздорлик (кейинги ўринларда — қарздорлик) вужудга келганлиги маълумот учун қабул килинсин.
2. Қарздорликнинг 172,0 млрд. сўмини молиялаштириш манбаси этиб 2020 йил учун Ўзбекистон Республикасининг Давлат бюджетида геология қидирув ишлари учун режалаштирилган маблағлардан йил якунигача иқтисод қилиниши кутилаётган маблағларнинг оптимизация қилинган қисми белгилансин.
3. Ўзбекистон Республикаси Молия вазирлиги:
мазкур фармойишнинг 2-бандида белгиланган манбалар ҳисобидан бир ҳафта муддатда 172,0 млрд. сўмни Ўзбекистон Республикаси Бош прокуратураси ҳузуридаги Мажбурий ижро бюросини ривожлантириш жамғармасига ўтказиб берилишини;
жорий йилнинг биринчи ярим йиллик якунлари бўйича қарздорликнинг қолган 100,0 млрд. сўм қисмини қоплаш бўйича Вазирлар Маҳкамасига таклиф киритилишини таъминласин.
4. Ўзбекистон Республикаси Иқтисодий тараққиёт ва камбағалликни қисқартириш вазирлиги Бош прокуратура билан биргаликда 2021 йил ва келгуси йиллар Ўзбекистон Республикаси Инвестиция дастурини шакллантиришда прокуратура органлари учун бино ва иншоотларни қуриш ва реконструкция қилиш ишларини давом эттириш (якунлаш) учун ишлаб чиқилган лойиҳа-смета ҳужжатларига асосан зарур капитал қўйилмалар лимитлари ажратилишини таъминласин.
5. Ўзбекистон Республикаси Бош прокуратураси ҳузуридаги Мажбурий ижро бюроси Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда бир ҳафта муддатда 2019 йилда прокуратура органлари учун бино ва иншоотларни қуриш ҳамда реконструкция қилиш ишларидан ҳосил бўлган кредитор қарздорликлар бўйича манзилли рўйхатни келишилган ҳолда тасдиқланишини ва кредитор қарздорликлар бўйича тегишли далолатномалар расмийлаштирилишини таъминласинлар.
6. Мазкур фармойишнинг бажарилишиии назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчкоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 8 май,
236-Ф-сон
Oʻzbekiston Respublikasi Vazirlar Mahkamasining
farmoyishi
Oʻzbekiston Respublikasi Prezidentining “Yoqilgʻi-energetika sohasida oʻzaro hisob-kitoblarni yanada takomillashtirish va moliyaviy barqarorlikni oshirish chora-tadbirlari toʻgʻrisida” 2019-yil 9-iyuldagi PF-5761-son Farmoni ijrosini taʼminlash hamda prokuratura organlarining bino va inshootlarini qurish hamda rekonstruksiya qilish ishlarini zarur mablagʻ bilan taʼminlash maqsadida:
1. 2019-yil prokuratura organlari uchun bino va inshootlarni qurish hamda rekonstruksiya qilish boʻyicha bajarilgan ishlar hajmidan 272,0 mlrd. soʻm kreditor karzdorlik (keyingi oʻrinlarda — qarzdorlik) vujudga kelganligi maʼlumot uchun qabul kilinsin.
2. Qarzdorlikning 172,0 mlrd. soʻmini moliyalashtirish manbasi etib 2020-yil uchun Oʻzbekiston Respublikasining Davlat budjetida geologiya qidiruv ishlari uchun rejalashtirilgan mablagʻlardan yil yakunigacha iqtisod qilinishi kutilayotgan mablagʻlarning optimizatsiya qilingan qismi belgilansin.
3. Oʻzbekiston Respublikasi Moliya vazirligi:
mazkur farmoyishning 2-bandida belgilangan manbalar hisobidan bir hafta muddatda 172,0 mlrd. soʻmni Oʻzbekiston Respublikasi Bosh prokuraturasi huzuridagi Majburiy ijro byurosini rivojlantirish jamgʻarmasiga oʻtkazib berilishini;
joriy yilning birinchi yarim yillik yakunlari boʻyicha qarzdorlikning qolgan 100,0 mlrd. soʻm qismini qoplash boʻyicha Vazirlar Mahkamasiga taklif kiritilishini taʼminlasin.
4. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Bosh prokuratura bilan birgalikda 2021-yil va kelgusi yillar Oʻzbekiston Respublikasi Investitsiya dasturini shakllantirishda prokuratura organlari uchun bino va inshootlarni qurish va rekonstruksiya qilish ishlarini davom ettirish (yakunlash) uchun ishlab chiqilgan loyiha-smeta hujjatlariga asosan zarur kapital qoʻyilmalar limitlari ajratilishini taʼminlasin.
5. Oʻzbekiston Respublikasi Bosh prokuraturasi huzuridagi Majburiy ijro byurosi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir hafta muddatda 2019-yilda prokuratura organlari uchun bino va inshootlarni qurish hamda rekonstruksiya qilish ishlaridan hosil boʻlgan kreditor qarzdorliklar boʻyicha manzilli roʻyxatni kelishilgan holda tasdiqlanishini va kreditor qarzdorliklar boʻyicha tegishli dalolatnomalar rasmiylashtirilishini taʼminlasinlar.
6. Mazkur farmoyishning bajarilishiii nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchkorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 8-may,
236-F-son