UzbekAI

Ўзбекистон Республикаси Вазирлар Маҳкамасининг

Фармойиши

РЎЙХАТИ

Ўзбекистон Республикаси Президентининг топшириғига асосан Тожикистон Республикасига коронавирус инфекцияси (COVID-19) тарқалишини бартараф этиш учун зарур бўлган тиббий ускуналар, буюмлар, дори воситалари ва махсус контейнерлар билан таъминлашда амалий ёрдам кўрсатиш мақсадида:

1. Тожикистон Республикасига тиббий ускуналар, буюмлар, дори воситалари ва махсус контейнерлар шаклидаги инсонпарварлик ёрдами юки иловага мувофиқ рўйхат бўйича юборилсин.

2. Қуйидагилар:

Ўзбекистон Республикаси Фавқулодда вазиятлар вазирлиги инсонпарварлик ёрдами юкини жўнатувчи ва етказиб берилишини таъминловчи;

«Texnopark» МЧЖ ва «Uzbekistan Airports» АЖнинг «Ислом Каримов номидаги «Тошкент» халқаро аэропорти МЧЖ инсонпарварлик ёрдами юкини шакллантириш пунктлари этиб белгилансин.

3. Инсонпарварлик ёрдами юкини Тожикистон Республикасининг Душанбе шаҳрига етказиб бериш учун «Ўзбекистон темир йўллари» АЖ «Obod Shahar Qurilish» МЧЖ буюртмаларига асосан зарур миқдорда вагонлар ҳамда Ўзбекистон Республикаси Мудофаа вазирлиги юк ҳаво кемаларини белгиланган тартибда ажратсин.

4. Белгилансинки:

инсонпарварлик ёрдами юкининг белгиланган манзилга етказиб бериш билан боғлиқ Мудофаа вазирлигининг харажатлари — Ўзбекистон Республикаси Вазирлар Маҳкамасининг захира жамғармаси маблағлари;

Ўзбекистон Республикаси Соғлиқни сақлаш вазирлигининг инсонпарварлик ёрдами юкини жўнатиш билан боғлиқ харажатлари — Ўзбекистон Республикаси Соғлиқни сақлаш вазирлиги ва Санитария-эпидемиологик осойишталик агентлиги маблағлари;

Ўзбекистон Республикаси Соғлиқни сақлаш вазирлиги Фармацевтика тармоғини ривожлантириш агентлигининг инсонпарварлик ёрдами юкини жўнатиш билан боғлиқ харажатлари — Фармацевтика тармоғини ривожлантириш агентлиги маблағлари;

«Obod Shahar Qurilish» МЧЖнинг инсонпарварлик ёрдами юкини жўнатиш билан боғлиқ харажатлари — Вазирлар Маҳкамасининг «Ўзбекистон Республикасида коронавирус пандемияси тарқалишининг олдини олиш борасида амалга ошириладиган қўшимча чора-тадбирлар тўғрисида» 2020 йил 25 мартдаги 181-сон қарори доирасида ажратилган маблағлар ҳисобидан қопланади.

5. Ўзбекистон Республикаси акциядорлик тижорат Халқ банкининг ҳомийлик маблағлари ҳисобидан «Маданият текстиль кўп тармоқли» МЧЖ ва «Maximum Dream» МЧЖлар томонидан ишлаб чиқарилган тиббий ҳимоя воситаларининг инсонпарварлик ёрдами сифатида ажратиш тўғрисидаги таклифи маъқуллансин.

6. Ўзбекистон Республикаси Молия вазирлиги ҳамда Вазирлар Маҳкамаси ҳузуридаги Давлат захираларини бошқариш қўмитаси ушбу фармойишга мувофиқ давлат захираларидан чиқарилган моддий бойликларнинг ўрни белгиланган тартибда тўлдирилишини таъминлаш чораларини кўрсин.

7. Ўзбекистон Республикаси Ташқи ишлар вазирлиги Ўзбекистон томонининг инсонпарварлик ёрдами кўрсатиш нияти тўғрисида Тожикистон Республикаси Ташқи ишлар вазирлигини белгиланган тартибда хабардор қилсин, шунингдек, инсонпарварлик ёрдами юки етказиб бериладиган пунктни ва уни топшириш билан боғлиқ бошқа ташкилий масалаларни келишсин.

8. Ўзбекистон Республикаси Ташқи ишлар вазирлиги, Ички ишлар вазирлиги, Давлат божхона қўмитаси, Давлат хавфсизлик хизматининг Чегара қўшинлари инсонпарварлик ёрдами юкининг етказилиши ва топширилишида иштирок этадиган Ўзбекистон Республикаси вакилларига чиқиш ҳужжатлари тезкор расмийлаштирилишини ҳамда инсонпарварлик ёрдами юки Ўзбекистон Республикаси Давлат чегарасидан тўсиқларсиз ўтказилишини таъминласинлар.

9. Ўзбекистон Республикаси Миллий телерадиокомпанияси, Ўзбекистон Миллий ахборот агентлиги ва «Дунё» ахборот агентлиги Тожикистон Республикасига инсонпарварлик ёрдами кўрсатиш бўйича ишлар оммавий ахборот воситаларида, шу жумладан, электрон оммавий ахборот воситаларида кенг ёритилишини таъминласинлар.

10. Мазкур фармойишнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Фавқулодда вазиятлар вазирининг биринчи ўринбосари А.Х. Қўлдашев зиммасига юклансин.

Вазирлар Маҳкамасининг 2020 йил 7 майдаги 233-Ф-сон фармойишига ИЛОВА

Тожикистон Республикасига инсонпарварлик ёрдами сифатида юбориладиган тиббий буюмлар ва воситалар

Т/р Ташкилот номи Маҳсулот номи Ў лчов бирлиги Ми қ дори I. Мудофаа вазирлиги томонидан етказиб бериладиган маҳсулотлар 1 . Ўзбекистон Республикаси Соғлиқни сақлаш вазирлиги ва вазирлик ҳузуридаги Санитария-эпидемиологик осойишталик агентлиги бир маротабалик қўлқоп дона 100 000 ноинвозив сунъий нафас бериш ускунаси дона 10 азитромицин 250 мг № 6 қадоқ 1 000 гидроксихлорохин 100 мг № 100 қадоқ 1 000 аскорбин кислотаси 50 мг № 10 қадоқ 1 000 цефазолин 1,0 қадоқ 1 000 пирометр дона 300 сунъий нафас бериш ускунаси * дона 10 ** сунъий нафас бериш ускунаси оёқча * дона 1 ** COVID-19 вирусини аниқлаш тест * дона 24 000 ** РНК экстрактор * дона 12 000 ** магнитли штатив * дона 2 ** 2 . Фармацевтика тармоғини ривожлантириш агентлиги левофлоксацин 100 мл (спирофлокс) дона 1 000 февааган П 1% 100 мл (парацетамол) дона 1 000 цефтриаксон натрия 1,0 гр. дона 1 350 глюкоза 5% 250 мл дона 5 000 глюкоза 5% 500 мл дона 1 000 натрия хлорид 0,9% 250 мл дона 5 000 натрия хлорид 0,9% 500 мл дона 1 000 ринлактин 250 мл (рингер-лактад) дона 1 000 ринлактин 500 мл (рингер-лактад) дона 1 000 азитромицин 250 мг. № 6 қадоқ 1 000 азитромицин 500 мг. № 6 қадоқ 600 парацетамол 0,5 гр. № 10 қадоқ 1 440 парацетамол сироп дона 1 000 парацетамол табл. қадоқ 1 000 бир маротабалик шприц 5 мл дона 6 000 бир маротабалик шприц 2 мл дона 7 200 система дона 10 000 3 . Ўзбекистон Республикаси Вазирлар Маҳкамаси ҳузуридаги Давлат захираларини бош қ ариш қ ўмитаси бир маротабалик бош кийимли ҳимоя комбинезони (2-даражали) дона 5 000 бир маротобалик респиратор N 95 ( FF Р2) дона 15 000 4 . «Маданият текстиль кўп тармоқли» МЧЖ бир маротабалик бош кийимли ҳимоя комбинезони (1-даражали) дона 5 000 5 . « Maximum Dream » МЧЖ ҳимоя кўзойнаги дона 5 000 II. «Ўзбекистон темир йўллари» АЖ томонидан етказиб бериладиган маҳсулотлар 6 . « Obod Shahar Qurilish » МЧЖ махсус контейнер (тўлиқ тўпламда) тўплам 144 7 . Ўзбекистон Республикаси Вазирлар Маҳкамаси ҳузуридаги Давлат захираларини бошқариш қ ўмитаси этил спирти тонна 1,0

Ўзбекистон Республикасининг Бош вазири А. АРИПОВ

Тошкент ш.,

2020 йил 7 май,

233-Ф-сон

lex.uz

Oʻzbekiston Respublikasi Vazirlar Mahkamasining

Farmoyishi

ROʻYXATI

Oʻzbekiston Respublikasi Prezidentining topshirigʻiga asosan Tojikiston Respublikasiga koronavirus infeksiyasi (COVID-19) tarqalishini bartaraf etish uchun zarur boʻlgan tibbiy uskunalar, buyumlar, dori vositalari va maxsus konteynyerlar bilan taʼminlashda amaliy yordam koʻrsatish maqsadida:

1. Tojikiston Respublikasiga tibbiy uskunalar, buyumlar, dori vositalari va maxsus konteynyerlar shaklidagi insonparvarlik yordami yuki ilovaga muvofiq roʻyxat boʻyicha yuborilsin.

2. Quyidagilar:

Oʻzbekiston Respublikasi Favqulodda vaziyatlar vazirligi insonparvarlik yordami yukini joʻnatuvchi va yetkazib berilishini taʼminlovchi;

“Texnopark” MChJ va “Uzbekistan Airports” AJning “Islom Karimov nomidagi “Toshkent” xalqaro aeroporti MChJ insonparvarlik yordami yukini shakllantirish punktlari etib belgilansin.

3. Insonparvarlik yordami yukini Tojikiston Respublikasining Dushanbe shahriga yetkazib berish uchun “Oʻzbekiston temir yoʻllari” AJ “Obod Shahar Qurilish” MChJ buyurtmalariga asosan zarur miqdorda vagonlar hamda Oʻzbekiston Respublikasi Mudofaa vazirligi yuk havo kemalarini belgilangan tartibda ajratsin.

4. Belgilansinki:

insonparvarlik yordami yukining belgilangan manzilga yetkazib berish bilan bogʻliq Mudofaa vazirligining xarajatlari — Oʻzbekiston Respublikasi Vazirlar Mahkamasining zaxira jamgʻarmasi mablagʻlari;

Oʻzbekiston Respublikasi Sogʻliqni saqlash vazirligining insonparvarlik yordami yukini joʻnatish bilan bogʻliq xarajatlari — Oʻzbekiston Respublikasi Sogʻliqni saqlash vazirligi va Sanitariya-epidemiologik osoyishtalik agentligi mablagʻlari;

Oʻzbekiston Respublikasi Sogʻliqni saqlash vazirligi Farmatsevtika tarmogʻini rivojlantirish agentligining insonparvarlik yordami yukini joʻnatish bilan bogʻliq xarajatlari — Farmatsevtika tarmogʻini rivojlantirish agentligi mablagʻlari;

“Obod Shahar Qurilish” MChJning insonparvarlik yordami yukini joʻnatish bilan bogʻliq xarajatlari — Vazirlar Mahkamasining “Oʻzbekiston Respublikasida koronavirus pandemiyasi tarqalishining oldini olish borasida amalga oshiriladigan qoʻshimcha chora-tadbirlar toʻgʻrisida” 2020-yil 25-martdagi 181-son qarori doirasida ajratilgan mablagʻlar hisobidan qoplanadi.

5. Oʻzbekiston Respublikasi aksiyadorlik tijorat Xalq bankining homiylik mablagʻlari hisobidan “Madaniyat tekstil koʻp tarmoqli” MChJ va “Maximum Dream” MChJlar tomonidan ishlab chiqarilgan tibbiy himoya vositalarining insonparvarlik yordami sifatida ajratish toʻgʻrisidagi taklifi maʼqullansin.

6. Oʻzbekiston Respublikasi Moliya vazirligi hamda Vazirlar Mahkamasi huzuridagi Davlat zaxiralarini boshqarish qoʻmitasi ushbu farmoyishga muvofiq davlat zaxiralaridan chiqarilgan moddiy boyliklarning oʻrni belgilangan tartibda toʻldirilishini taʼminlash choralarini koʻrsin.

7. Oʻzbekiston Respublikasi Tashqi ishlar vazirligi Oʻzbekiston tomonining insonparvarlik yordami koʻrsatish niyati toʻgʻrisida Tojikiston Respublikasi Tashqi ishlar vazirligini belgilangan tartibda xabardor qilsin, shuningdek, insonparvarlik yordami yuki yetkazib beriladigan punktni va uni topshirish bilan bogʻliq boshqa tashkiliy masalalarni kelishsin.

8. Oʻzbekiston Respublikasi Tashqi ishlar vazirligi, Ichki ishlar vazirligi, Davlat bojxona qoʻmitasi, Davlat xavfsizlik xizmatining Chegara qoʻshinlari insonparvarlik yordami yukining yetkazilishi va topshirilishida ishtirok etadigan Oʻzbekiston Respublikasi vakillariga chiqish hujjatlari tezkor rasmiylashtirilishini hamda insonparvarlik yordami yuki Oʻzbekiston Respublikasi Davlat chegarasidan toʻsiqlarsiz oʻtkazilishini taʼminlasinlar.

9. Oʻzbekiston Respublikasi Milliy teleradiokompaniyasi, Oʻzbekiston Milliy axborot agentligi va “Dunyo” axborot agentligi Tojikiston Respublikasiga insonparvarlik yordami koʻrsatish boʻyicha ishlar ommaviy axborot vositalarida, shu jumladan, elektron ommaviy axborot vositalarida keng yoritilishini taʼminlasinlar.

10. Mazkur farmoyishning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi Favqulodda vaziyatlar vazirining birinchi oʻrinbosari A.X. Qoʻldashev zimmasiga yuklansin.

Vazirlar Mahkamasining 2020-yil 7-maydagi 233-F-son farmoyishiga ILOVA

Tojikiston Respublikasiga insonparvarlik yordami sifatida yuboriladigan tibbiy buyumlar va vositalar

T/r Tashkilot nomi Mahsulot nomi Oʻ lchov birligi Mi q dori I. Mudofaa vazirligi tomonidan yetkazib beriladigan mahsulotlar 1 . Oʻzbekiston Respublikasi Sogʻliqni saqlash vazirligi va vazirlik huzuridagi Sanitariya-epidemiologik osoyishtalik agentligi bir marotabalik qoʻlqop dona 100 000 noinvoziv sunʼiy nafas berish uskunasi dona 10 azitromitsin 250 mg № 6 qadoq 1 000 gidroksixloroxin 100 mg № 100 qadoq 1 000 askorbin kislotasi 50 mg № 10 qadoq 1 000 tsefazolin 1,0 qadoq 1 000 pirometr dona 300 sunʼiy nafas berish uskunasi * dona 10 ** sunʼiy nafas berish uskunasi oyoqcha * dona 1 ** COVID-19 virusini aniqlash test * dona 24 000 ** RNK ekstraktor * dona 12 000 ** magnitli shtativ * dona 2 ** 2 . Farmatsevtika tarmogʻini rivojlantirish agentligi levofloksatsin 100 ml (spirofloks) dona 1 000 fevaagan P 1% 100 ml (paratsetamol) dona 1 000 tseftriakson natriya 1,0 gr. dona 1 350 glyukoza 5% 250 ml dona 5 000 glyukoza 5% 500 ml dona 1 000 natriya xlorid 0,9% 250 ml dona 5 000 natriya xlorid 0,9% 500 ml dona 1 000 rinlaktin 250 ml (ringer-laktad) dona 1 000 rinlaktin 500 ml (ringer-laktad) dona 1 000 azitromitsin 250 mg. № 6 qadoq 1 000 azitromitsin 500 mg. № 6 qadoq 600 paratsetamol 0,5 gr. № 10 qadoq 1 440 paratsetamol sirop dona 1 000 paratsetamol tabl. qadoq 1 000 bir marotabalik shprits 5 ml dona 6 000 bir marotabalik shprits 2 ml dona 7 200 sistema dona 10 000 3 . Oʻzbekiston Respublikasi Vazirlar Mahkamasi huzuridagi Davlat zaxiralarini bosh q arish q oʻmitasi bir marotabalik bosh kiyimli himoya kombinezoni (2-darajali) dona 5 000 bir marotobalik respirator N 95 ( FF R2) dona 15 000 4 . “Madaniyat tekstil koʻp tarmoqli” MChJ bir marotabalik bosh kiyimli himoya kombinezoni (1-darajali) dona 5 000 5 . “ Maximum Dream ” MChJ himoya koʻzoynagi dona 5 000 II. “Oʻzbekiston temir yoʻllari” AJ tomonidan yetkazib beriladigan mahsulotlar 6 . “ Obod Shahar Qurilish ” MChJ maxsus konteyner (toʻliq toʻplamda) toʻplam 144 7 . Oʻzbekiston Respublikasi Vazirlar Mahkamasi huzuridagi Davlat zaxiralarini boshqarish q oʻmitasi etil spirti tonna 1,0

Oʻzbekiston Respublikasining Bosh vaziri A. ARIPOV

Toshkent sh.,

2020-yil 7-may,

233-F-son

lex.uz