📅 2020-yil 13-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 13 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 мая 2020 г. · Постановления Президента
Официальный текст. Официальный документ. Редакционные примечания не включены.
📅 13 May 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Самарқанд вилоятида қуввати 100 МВт бўлган фотоэлектрик станцияни қуриш» инвестиция лойиҳасини амалга ошириш чора-тадбирлари тўғрисида
Қайта тикланадиган энергетикани жадал ривожлантиришни таъминлаш, электр энергияси ишлаб чиқариш манбаларини диверсификациялаш, ушбу мақсадлар учун табиий газдан фойдаланишни камайтириш, шунингдек, электр энергетика тармоғига тўғридан-тўғри хорижий инвестицияларни кенг жалб қилиш мақсадида:
1. Қуйидагилар:
а) Ўзбекистон Республикаси Президентининг Франция Республикасига расмий ташрифи давомида 2018 йил 5 октябрда «Total Eren SA» (Франция) компанияси (кейинги ўринларда — Инвестор) билан Самарқанд вилоятида умумий қуввати 100 МВт бўлган фотоэлектрик станцияни лойиҳалаштириш, молиялаштириш, қуриш ва ишлатиш (кейинги ўринларда — инвестиция лойиҳаси) тўғрисида ҳамкорлик битими имзоланганлиги;
б) инвестиция лойиҳасини амалга ошириш учун Инвестор томонидан Ўзбекистон Республикасида Инвестор номидан иш юритадиган «Tutly Solar» масъулияти чекланган жамияти шаклида хорижий инвестиция иштирокидаги корхона (кейинги ўринларда — Лойиҳа компанияси) таъсис этилганлиги;
в) Ўзбекистон Республикаси Ҳукумати номидан Ўзбекистон Республикаси Инвестициялар ва ташқи савдо вазирлиги, Инвестор ва Лойиҳа компанияси ўртасида 2019 йил 13 сентябрда Самарқанд вилоятида умумий қуввати 100 МВт бўлган фотоэлектрик станцияни (кейинги ўринларда — ФЭС) лойиҳалаштириш, молиялаштириш, қуриш ва 25 йил давомида ишлатиш билан боғлиқ Инвестор ва Лойиҳа компаниясининг мажбуриятларини назарда тутувчи Инвестиция битими (кейинги ўринларда — Инвестиция битими) тузилганлиги;
г) «Ўзбекистон миллий электр тармоқлари» АЖ ва Лойиҳа компанияси ўртасида 2019 йил 13 сентябрда Электр энергиясини сотиб олиш тўғрисида битим (кейинги ўринларда — Электр энергиясини сотиб олиш тўғрисидаги битим) тузилганлиги, унга мувофиқ:
Лойиҳа компанияси ишлаб чиқарилган электр энергиясини кафолатланган тарзда «Ўзбекистон миллий электр тармоқлари» АЖ тимсолида ягона харидорга сотиш мажбуриятини олганлиги;
Лойиҳа компанияси ўзининг мажбуриятларини лозим даражада бажариши бўйича 8 миллион евро миқдоридаги биринчи даражали хорижий банк кафолатини тақдим қилиши;
Лойиҳа компанияси кучланишни оширувчи ФЭС подстанциясини қуриш ва фойдаланишга топширилгандан кейин уни «Ўзбекистон миллий электр тармоқлари» АЖга сотиш мажбуриятини олиши;
«Ўзбекистон миллий электр тармоқлари» АЖ электр энергиясини кафолатланган тарзда харид қилиш мажбуриятини олиши ва электр энергияси учун тўловни маҳаллий валютада амалга ошириши маълумот учун қабул қилинсин.
2. Ўзбекистон Республикаси Ҳукумати номидан Ўзбекистон Республикаси Инвестициялар ва ташқи савдо вазирлиги, Инвестор ҳамда Лойиҳа компанияси ўртасидаги Инвестиция битими тасдиқлансин.
Белгилансинки, Инвестиция битими у имзоланган кундан эътиборан кучга киради.
3. «Ўзбекистон миллий электр тармоқлари» АЖ ва Лойиҳа компанияси ўртасидаги Электр энергиясини сотиб олиш тўғрисидаги битим маъқуллансин.
4. «Ўзбекистон миллий электр тармоқлари» АЖ:
Электр энергиясини сотиб олиш тўғрисидаги битим шартларига мувофиқ Лойиҳа компанияси билан Харидорнинг уланиш воситаларини бериш тўғрисида битим тузсин;
кучланишни оширувчи ФЭС подстанцияси фойдаланишга топширилиб, инвестиция лойиҳасини амалга ошириш доирасида жалб этиладиган мустақил халқаро маслаҳатчи томонидан баҳоланганидан сўнг Лойиҳа компаниясининг тасдиқланган харажатларини ягона тўлов билан қоплаш мажбурияти билан уни Лойиҳа компаниясидан ўз мулкига қабул қилиб олсин;
ФЭС билан боғлиқ инфратузилмалар барпо этилишини таъминласин;
ФЭСда ишлаб чиқариладиган электр энергиясининг уч ойлик харидини қоплаш учун мажбуриятлар бажарилишининг таъминоти сифатида Лойиҳа компанияси фойдасига чет эл валютасида тасдиқланган тикланадиган аккредитивни очсин.
5. Ўзбекистон Республикаси Инвестициялар ва ташқи савдо вазирлиги, «Ўзбекистон миллий электр тармоқлари» АЖ ва Самарқанд вилояти ҳокимлигига Лойиҳа компанияси ва инвестиция лойиҳасини молиялаштиришда иштирок этаётган кредиторлар билан инвестиция лойиҳасини амалга ошириш доирасида имзоланган битимлар бўйича мажбуриятлар Лойиҳа компанияси томонидан бажарилмаган тақдирда Лойиҳа компаниясининг ҳуқуқларини кредиторларга бериш юзасидан битимлар тузиш ҳуқуқи берилсин.
6. Ўзбекистон Республикаси Инвестициялар ва ташқи савдо вазирлиги, Молия вазирлиги, Ўзбекистон Республикаси Тикланиш ва тараққиёт жамғармаси бир ой муддатда қуйидаги мақсадлар учун «Ўзбекистон миллий электр тармоқлари» АЖни молиялаштириш манбаларини аниқласин:
ФЭС томонидан ишлаб чиқарилган электр энергиясининг уч ойлик харидини қоплаш бўйича мажбуриятларнинг бажарилишини таъминлаш мақсадида Лойиҳа компанияси фойдасига чет эл валютасида тасдиқланган тикланадиган аккредитивни очиш;
ФЭС билан боғлиқ инфратузилмаларни барпо этиш, шу жумладан Инвестиция битими шартларига мувофиқ кучланишни оширувчи подстанцияни қуриш харажатларини қоплаш.
7. Инвестиция лойиҳасини амалга ошириш доирасида Лойиҳа компаниясига қуйидаги ҳуқуқлар берилсин:
кредитлаш, хорижий валютадаги маблағларни олиш ва улардан фойдаланиш (шу жумладан, бошқалардан ташқари хорижий валютада кредит маблағлари тушумлари) учун чет элдаги хорижий банкларда банк ҳисобварақларини очиш;
Ўзбекистон Республикасидан ташқаридаги хорижий пудратчилар, етказиб берувчилар ёки хорижий кредиторларга тўловларни Ўзбекистон Республикасидаги банк ҳисобварақлари орқали ўтказмасдан тўғридан-тўғри амалга ошириш.
8. Ўзбекистон Республикаси Инвестициялар ва ташқи савдо вазирлиги инвестиция лойиҳасининг амалга оширилиши, шунингдек, томонларнинг Инвестиция битими ва Электр энергиясини сотиб олиш тўғрисидаги битим доирасидаги мажбуриятларни бажариши устидан доимий назорат ўрнатсин.
9. Самарқанд вилояти ҳокимлиги инвестиция лойиҳасини амалга ошириш доирасида Инвестиция битимида белгиланган ер участкасини ажратиб берсин ва Инвестиция битими шартларига мувофиқ Лойиҳа компанияси билан ерни ижарага бериш тўғрисидаги шартномани имзоласин.
10. Белгилансинки, Ўзбекистон Республикаси Президентининг 2015 йил 5 майдаги «2015 — 2019 йилларда иқтисодиёт тармоқлари ва ижтимоий соҳада энергия сиғимини қисқартириш, энергия тежайдиган технологияларни жорий этиш чора-тадбирлари Дастури тўғрисида»ги ПҚ-2343-сон қарорининг 5-банди иккинчи хатбошисида назарда тутилган қўшилган қиймат солиғидан озод қилиш инвестиция лойиҳасини амалга ошириш доирасида сотиладиган электр энергияси ҳажмларига нисбатан татбиқ этилмайди.
11. Ўзбекистон Республикаси Адлия вазирлиги инвестиция лойиҳасини амалга ошириш доирасида Инвестиция битими қоидаларига мувофиқ имзоланган битимлар юзасидан юридик хулоса берсин.
12. Ўзбекистон Республикаси Қурилиш вазирлиги инвестиция лойиҳасини амалга ошириш доирасида қурилиш-монтаж ишлари сифати устидан белгиланган тартибда назоратни таъминласин.
13. Ўзбекистон Республикаси Экология ва атроф-муҳитни муҳофаза қилиш давлат қўмитаси лойиҳа ҳужжатларининг давлат экология экспертизасидан ўтказилишини ва инвестиция лойиҳасини амалга оширишда табиатни муҳофаза қилишга оид қонунчиликка риоя қилиниши устидан лозим даражада назорат ўрнатилишини белгиланган тартибда таъминласин.
14. Ўзбекистон Республикаси Ташқи ишлар вазирлиги Лойиҳа компанияси буюртманомаларига асосан инвестиция лойиҳасини амалга оширишда иштирок этадиган хорижий мутахассисларга кириш визалари расмийлаштирилишини (муддати узайтирилишини) белгиланган тартибда таъминласин.
15. Ўзбекистон Республикаси Ички ишлар вазирлиги Лойиҳа компанияси буюртманомаларига асосан инвестиция лойиҳасини амалга оширишда иштирок этадиган хорижий мутахассисларга кўп марталик визалар расмийлаштирилиши, берилиши (муддати узайтирилиши) ҳамда вақтинча турган жойи бўйича рўйхатга олиниши ва унинг муддати узайтирилишини белгиланган тартибда таъминласин.
16. Ўзбекистон Республикаси Бандлик ва меҳнат муносабатлари вазирлиги Лойиҳа компанияси буюртманомаларига асосан Ўзбекистон Республикасига хорижий ишчи кучини (Ўзбекистон Республикаси фуқаролари бўлмаганлар орасидан) жалб этишга рухсатномалар берилишини (муддати узайтирилишини), шунингдек, хорижий фуқароларга Ўзбекистон Республикаси ҳудудида меҳнат фаолияти билан шуғулланиш ҳуқуқини берувчи тасдиқномалар берилишини (муддати узайтирилишини) белгиланган тартибда таъминласин.
17. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 13 май,
ПҚ-4712-сон
Oʻzbekiston Respublikasi Prezidentining
Qarori
“Samarqand viloyatida quvvati 100 MVt boʻlgan fotoelektrik stansiyani qurish” investitsiya loyihasini amalga oshirish chora-tadbirlari toʻgʻrisida
Qayta tiklanadigan energetikani jadal rivojlantirishni taʼminlash, elektr energiyasi ishlab chiqarish manbalarini diversifikatsiyalash, ushbu maqsadlar uchun tabiiy gazdan foydalanishni kamaytirish, shuningdek, elektr energetika tarmogʻiga toʻgʻridan-toʻgʻri xorijiy investitsiyalarni keng jalb qilish maqsadida:
1. Quyidagilar:
a) Oʻzbekiston Respublikasi Prezidentining Fransiya Respublikasiga rasmiy tashrifi davomida 2018-yil 5-oktabrda “Total Eren SA” (Fransiya) kompaniyasi (keyingi oʻrinlarda — Investor) bilan Samarqand viloyatida umumiy quvvati 100 MVt boʻlgan fotoelektrik stansiyani loyihalashtirish, moliyalashtirish, qurish va ishlatish (keyingi oʻrinlarda — investitsiya loyihasi) toʻgʻrisida hamkorlik bitimi imzolanganligi;
b) investitsiya loyihasini amalga oshirish uchun Investor tomonidan Oʻzbekiston Respublikasida Investor nomidan ish yuritadigan “Tutly Solar” masʼuliyati cheklangan jamiyati shaklida xorijiy investitsiya ishtirokidagi korxona (keyingi oʻrinlarda — Loyiha kompaniyasi) taʼsis etilganligi;
v) Oʻzbekiston Respublikasi Hukumati nomidan Oʻzbekiston Respublikasi Investitsiyalar va tashqi savdo vazirligi, Investor va Loyiha kompaniyasi oʻrtasida 2019-yil 13-sentabrda Samarqand viloyatida umumiy quvvati 100 MVt boʻlgan fotoelektrik stansiyani (keyingi oʻrinlarda — FES) loyihalashtirish, moliyalashtirish, qurish va 25 yil davomida ishlatish bilan bogʻliq Investor va Loyiha kompaniyasining majburiyatlarini nazarda tutuvchi Investitsiya bitimi (keyingi oʻrinlarda — Investitsiya bitimi) tuzilganligi;
g) “Oʻzbekiston milliy elektr tarmoqlari” AJ va Loyiha kompaniyasi oʻrtasida 2019-yil 13-sentabrda Elektr energiyasini sotib olish toʻgʻrisida bitim (keyingi oʻrinlarda — Elektr energiyasini sotib olish toʻgʻrisidagi bitim) tuzilganligi, unga muvofiq:
Loyiha kompaniyasi ishlab chiqarilgan elektr energiyasini kafolatlangan tarzda “Oʻzbekiston milliy elektr tarmoqlari” AJ timsolida yagona xaridorga sotish majburiyatini olganligi;
Loyiha kompaniyasi oʻzining majburiyatlarini lozim darajada bajarishi boʻyicha 8 million yevro miqdoridagi birinchi darajali xorijiy bank kafolatini taqdim qilishi;
Loyiha kompaniyasi kuchlanishni oshiruvchi FES podstansiyasini qurish va foydalanishga topshirilgandan keyin uni “Oʻzbekiston milliy elektr tarmoqlari” AJga sotish majburiyatini olishi;
“Oʻzbekiston milliy elektr tarmoqlari” AJ elektr energiyasini kafolatlangan tarzda xarid qilish majburiyatini olishi va elektr energiyasi uchun toʻlovni mahalliy valyutada amalga oshirishi maʼlumot uchun qabul qilinsin.
2. Oʻzbekiston Respublikasi Hukumati nomidan Oʻzbekiston Respublikasi Investitsiyalar va tashqi savdo vazirligi, Investor hamda Loyiha kompaniyasi oʻrtasidagi Investitsiya bitimi tasdiqlansin.
Belgilansinki, Investitsiya bitimi u imzolangan kundan eʼtiboran kuchga kiradi.
3. “Oʻzbekiston milliy elektr tarmoqlari” AJ va Loyiha kompaniyasi oʻrtasidagi Elektr energiyasini sotib olish toʻgʻrisidagi bitim maʼqullansin.
4. “Oʻzbekiston milliy elektr tarmoqlari” AJ:
Elektr energiyasini sotib olish toʻgʻrisidagi bitim shartlariga muvofiq Loyiha kompaniyasi bilan Xaridorning ulanish vositalarini berish toʻgʻrisida bitim tuzsin;
kuchlanishni oshiruvchi FES podstansiyasi foydalanishga topshirilib, investitsiya loyihasini amalga oshirish doirasida jalb etiladigan mustaqil xalqaro maslahatchi tomonidan baholanganidan soʻng Loyiha kompaniyasining tasdiqlangan xarajatlarini yagona toʻlov bilan qoplash majburiyati bilan uni Loyiha kompaniyasidan oʻz mulkiga qabul qilib olsin;
FES bilan bogʻliq infratuzilmalar barpo etilishini taʼminlasin;
FESda ishlab chiqariladigan elektr energiyasining uch oylik xaridini qoplash uchun majburiyatlar bajarilishining taʼminoti sifatida Loyiha kompaniyasi foydasiga chet el valyutasida tasdiqlangan tiklanadigan akkreditivni ochsin.
5. Oʻzbekiston Respublikasi Investitsiyalar va tashqi savdo vazirligi, “Oʻzbekiston milliy elektr tarmoqlari” AJ va Samarqand viloyati hokimligiga Loyiha kompaniyasi va investitsiya loyihasini moliyalashtirishda ishtirok etayotgan kreditorlar bilan investitsiya loyihasini amalga oshirish doirasida imzolangan bitimlar boʻyicha majburiyatlar Loyiha kompaniyasi tomonidan bajarilmagan taqdirda Loyiha kompaniyasining huquqlarini kreditorlarga berish yuzasidan bitimlar tuzish huquqi berilsin.
6. Oʻzbekiston Respublikasi Investitsiyalar va tashqi savdo vazirligi, Moliya vazirligi, Oʻzbekiston Respublikasi Tiklanish va taraqqiyot jamgʻarmasi bir oy muddatda quyidagi maqsadlar uchun “Oʻzbekiston milliy elektr tarmoqlari” AJni moliyalashtirish manbalarini aniqlasin:
FES tomonidan ishlab chiqarilgan elektr energiyasining uch oylik xaridini qoplash boʻyicha majburiyatlarning bajarilishini taʼminlash maqsadida Loyiha kompaniyasi foydasiga chet el valyutasida tasdiqlangan tiklanadigan akkreditivni ochish;
FES bilan bogʻliq infratuzilmalarni barpo etish, shu jumladan Investitsiya bitimi shartlariga muvofiq kuchlanishni oshiruvchi podstansiyani qurish xarajatlarini qoplash.
7. Investitsiya loyihasini amalga oshirish doirasida Loyiha kompaniyasiga quyidagi huquqlar berilsin:
kreditlash, xorijiy valyutadagi mablagʻlarni olish va ulardan foydalanish (shu jumladan, boshqalardan tashqari xorijiy valyutada kredit mablagʻlari tushumlari) uchun chet eldagi xorijiy banklarda bank hisobvaraqlarini ochish;
Oʻzbekiston Respublikasidan tashqaridagi xorijiy pudratchilar, yetkazib beruvchilar yoki xorijiy kreditorlarga toʻlovlarni Oʻzbekiston Respublikasidagi bank hisobvaraqlari orqali oʻtkazmasdan toʻgʻridan-toʻgʻri amalga oshirish.
8. Oʻzbekiston Respublikasi Investitsiyalar va tashqi savdo vazirligi investitsiya loyihasining amalga oshirilishi, shuningdek, tomonlarning Investitsiya bitimi va Elektr energiyasini sotib olish toʻgʻrisidagi bitim doirasidagi majburiyatlarni bajarishi ustidan doimiy nazorat oʻrnatsin.
9. Samarqand viloyati hokimligi investitsiya loyihasini amalga oshirish doirasida Investitsiya bitimida belgilangan yer uchastkasini ajratib bersin va Investitsiya bitimi shartlariga muvofiq Loyiha kompaniyasi bilan yerni ijaraga berish toʻgʻrisidagi shartnomani imzolasin.
10. Belgilansinki, Oʻzbekiston Respublikasi Prezidentining 2015-yil 5-maydagi “2015 — 2019-yillarda iqtisodiyot tarmoqlari va ijtimoiy sohada energiya sigʻimini qisqartirish, energiya tejaydigan texnologiyalarni joriy etish chora-tadbirlari Dasturi toʻgʻrisida”gi PQ-2343-son qarorining 5-bandi ikkinchi xatboshisida nazarda tutilgan qoʻshilgan qiymat soligʻidan ozod qilish investitsiya loyihasini amalga oshirish doirasida sotiladigan elektr energiyasi hajmlariga nisbatan tatbiq etilmaydi.
11. Oʻzbekiston Respublikasi Adliya vazirligi investitsiya loyihasini amalga oshirish doirasida Investitsiya bitimi qoidalariga muvofiq imzolangan bitimlar yuzasidan yuridik xulosa bersin.
12. Oʻzbekiston Respublikasi Qurilish vazirligi investitsiya loyihasini amalga oshirish doirasida qurilish-montaj ishlari sifati ustidan belgilangan tartibda nazoratni taʼminlasin.
13. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi loyiha hujjatlarining davlat ekologiya ekspertizasidan oʻtkazilishini va investitsiya loyihasini amalga oshirishda tabiatni muhofaza qilishga oid qonunchilikka rioya qilinishi ustidan lozim darajada nazorat oʻrnatilishini belgilangan tartibda taʼminlasin.
14. Oʻzbekiston Respublikasi Tashqi ishlar vazirligi Loyiha kompaniyasi buyurtmanomalariga asosan investitsiya loyihasini amalga oshirishda ishtirok etadigan xorijiy mutaxassislarga kirish vizalari rasmiylashtirilishini (muddati uzaytirilishini) belgilangan tartibda taʼminlasin.
15. Oʻzbekiston Respublikasi Ichki ishlar vazirligi Loyiha kompaniyasi buyurtmanomalariga asosan investitsiya loyihasini amalga oshirishda ishtirok etadigan xorijiy mutaxassislarga koʻp martalik vizalar rasmiylashtirilishi, berilishi (muddati uzaytirilishi) hamda vaqtincha turgan joyi boʻyicha roʻyxatga olinishi va uning muddati uzaytirilishini belgilangan tartibda taʼminlasin.
16. Oʻzbekiston Respublikasi Bandlik va mehnat munosabatlari vazirligi Loyiha kompaniyasi buyurtmanomalariga asosan Oʻzbekiston Respublikasiga xorijiy ishchi kuchini (Oʻzbekiston Respublikasi fuqarolari boʻlmaganlar orasidan) jalb etishga ruxsatnomalar berilishini (muddati uzaytirilishini), shuningdek, xorijiy fuqarolarga Oʻzbekiston Respublikasi hududida mehnat faoliyati bilan shugʻullanish huquqini beruvchi tasdiqnomalar berilishini (muddati uzaytirilishini) belgilangan tartibda taʼminlasin.
17. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 13-may,
PQ-4712-son
Президента Республики Узбекистан
Постановление
О мерах по реализации инвестиционного проекта «Строительство фотоэлектрической станции в Самаркандской области мощностью 100 МВт»
В целях обеспечения ускоренного развития возобновляемой энергетики, диверсификации источников выработки электроэнергии, снижения использования для этих целей природного газа, а также широкого привлечения прямых иностранных инвестиций в электроэнергетическую отрасль:
1. Принять к сведению, что:
а) в рамках официального визита Президента Республики Узбекистан во Французскую Республику с компанией «Total Eren SA» (Франция) (далее — Инвестор) 5 октября 2018 года подписано Соглашение о сотрудничестве по проектированию, финансированию, строительству и эксплуатации фотоэлектрической станции в Самаркандской области общей мощностью 100 МВт (далее — инвестиционный проект);
б) для реализации инвестиционного проекта Инвестором учреждено в Республике Узбекистан предприятие с иностранными инвестициями в форме общества с ограниченной ответственностью «Tutly Solar» (далее — Проектная компания), которое действует от имени Инвестора;
в) между Правительством Республики Узбекистан в лице Министерства инвестиций и внешней торговли Республики Узбекистан, Инвестором и Проектной компанией заключено Инвестиционное соглашение от 13 сентября 2019 года (далее — Инвестиционное соглашение), предусматривающее обязательства Инвестора и Проектной компании по проектированию, финансированию, строительству и эксплуатации в течение 25 лет фотоэлектрической станции (далее — ФЭС) в Самаркандской области общей мощностью 100 МВт;
г) между АО «Национальные электрические сети Узбекистана» и Проектной компанией заключено Соглашение о закупке электроэнергии от 13 сентября 2019 года (далее — Соглашение о закупке электроэнергии), в соответствии с которым:
Проектная компания принимает обязательство по гарантированной продаже выработанной электрической энергии единому покупателю в лице АО «Национальные электрические сети Узбекистана»;
Проектная компания представляет банковскую гарантию первоклассного иностранного банка по надлежащему исполнению своих обязательств на сумму 8 миллионов евро;
Проектная компания принимает обязательство по строительству и продаже АО «Национальные электрические сети Узбекистана» повышающей подстанции ФЭС после ее ввода в эксплуатацию;
АО «Национальные электрические сети Узбекистана» принимает обязательство по гарантированной закупке электрической энергии и осуществляет оплату за электрическую энергию в местной валюте.
2. Утвердить Инвестиционное соглашение между Правительством Республики Узбекистан в лице Министерства инвестиций и внешней торговли Республики Узбекистан, Инвестором и Проектной компанией.
Определить, что Инвестиционное соглашение вступает в силу с даты его подписания.
3. Одобрить Соглашение о закупке электроэнергии между АО «Национальные электрические сети Узбекистана» и Проектной компанией.
4. АО «Национальные электрические сети Узбекистана»:
заключить с Проектной компанией Соглашение о передаче средств подключения покупателя в соответствии с положениями Соглашения о закупке электроэнергии;
принять в собственность от Проектной компании повышающую подстанцию ФЭС после ее ввода в эксплуатацию и оценки независимого международного консультанта, привлекаемого в рамках реализации инвестиционного проекта, с обязательством возместить единым платежом подтвержденные расходы Проектной компании;
обеспечить строительство сопутствующей инфраструктуры ФЭС;
открыть, в качестве обеспечения исполнения обязательств, подтвержденный возобновляемый аккредитив в иностранной валюте в пользу Проектной компании для покрытия трехмесячной закупки электрической энергии, вырабатываемой на ФЭС.
5. Предоставить право Министерству инвестиций и внешней торговли Республики Узбекистан, АО «Национальные электрические сети Узбекистана» и хокимияту Самаркандской области на заключение с Проектной компанией и кредиторами, участвующими в финансировании инвестиционного проекта, соглашений по уступке прав Проектной компании кредиторам в случае неисполнения обязательств со стороны Проектной компании по подписанным в рамках реализации инвестиционного проекта соглашениям.
6. Министерству инвестиций и внешней торговли, Министерству финансов и Фонду реконструкции и развития Республики Узбекистан в месячный срок определить источники финансирования АО «Национальные электрические сети Узбекистана»:
для открытия подтвержденного возобновляемого аккредитива в иностранной валюте в пользу Проектной компании в качестве обеспечения исполнения обязательств по покрытию трехмесячной закупки электрической энергии, вырабатываемой на ФЭС;
для строительства сопутствующей инфраструктуры ФЭС, включая возмещение стоимости повышающей подстанции, в соответствии с условиями Инвестиционного соглашения.
7. Предоставить право Проектной компании в рамках реализации инвестиционного проекта:
открывать банковские счета за рубежом в иностранных банках для кредитования, получения и использования средств в иностранной валюте на таких счетах (включая, помимо прочего, поступления кредитных средств в иностранной валюте);
напрямую осуществлять платежи иностранным подрядчикам, поставщикам или иностранным кредиторам за пределами Республики Узбекистан без проведения таких платежей через банковские счета в Республике Узбекистан.
8. Министерству инвестиций и внешней торговли Республики Узбекистан установить постоянный контроль за ходом реализации инвестиционного проекта, а также выполнением сторонами обязательств в рамках Инвестиционного соглашения и Соглашения о закупке электроэнергии.
9. Хокимияту Самаркандской области в рамках реализации инвестиционного проекта выделить земельный участок, определенный в Инвестиционном соглашении, и заключить с Проектной компанией договор на аренду земли в соответствии с условиями Инвестиционного соглашения.
10. Установить, что в отношении объемов реализуемой электрической энергии в рамках реализации инвестиционного проекта не применяется освобождение от налога на добавленную стоимость, предусмотренное абзацем вторым пункта 5 постановления Президента Республики Узбекистан от 5 мая 2015 года № ПП-2343 «О Программе мер по сокращению энергоемкости, внедрению энергосберегающих технологий в отраслях экономики и социальной сфере на 2015 — 2019 годы».
11. Министерству юстиции Республики Узбекистан выдать юридическое заключение по подписанным соглашениям в рамках реализации инвестиционного проекта в соответствии с положениями Инвестиционного соглашения.
12. Министерству строительства Республики Узбекистан обеспечить надзор за качеством выполнения строительно-монтажных работ в рамках реализации инвестиционного проекта.
13. Государственному комитету Республики Узбекистан по экологии и охране окружающей среды в установленном порядке обеспечить проведение государственной экологической экспертизы проектной документации и надлежащий контроль за соблюдением природоохранного законодательства при реализации инвестиционного проекта.
14. Министерству иностранных дел Республики Узбекистан обеспечить в установленном порядке по заявкам Проектной компании оформление (продление) въездных виз иностранным специалистам, участвующим в реализации инвестиционного проекта.
15. Министерству внутренних дел Республики Узбекистан обеспечить в установленном порядке по заявкам Проектной компании оформление, выдачу (продление) многократных виз, а также регистрацию иностранных специалистов, участвующих в реализации инвестиционного проекта, по месту временного пребывания и ее продление.
16. Министерству занятости и трудовых отношений Республики Узбекистан в установленном порядке обеспечить по заявкам Проектной компании выдачу (продление) разрешений на привлечение в Республику Узбекистан иностранной рабочей силы (не из числа граждан Республики Узбекистан), а также выдачу (продление) иностранным гражданам подтверждений на право трудовой деятельности на территории Республики Узбекистан.
17. Контроль за исполнением настоящего постановления возложить на заместителя Премьер-министра Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
13 мая 2020 г.,
№ ПП-4712