📅 2020-yil 15-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 15 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 мая 2020 г. · Постановления Президента
Официальный текст. Официальный документ. Редакционные примечания не включены.
📅 15 May 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Тошкент вилоятида саноат ишлаб чиқариш ҳажмларини янада кенгайтириш чора-тадбирлари тўғрисида
Халқаро стандартларга, энергия самарадор ва экологик талабларга жавоб берадиган янги кон-металлургия комплексини замонавий ускуна ва технологияларни қўллаган ҳолда қуриш ҳамда «Ёшлик I» конини ўзлаштириш орқали «Олмалиқ кон-металлургия комбинати» акциядорлик жамиятининг ишлаб чиқариш қувватларини кенгайтириш мақсадида:
1. Қуйидагилар:
Ўзбекистон Республикаси Президентининг 2017 йил 1 мартдаги ««Ёшлик I» кони негизида «Олмалиқ КМК» АЖнинг ишлаб чиқариш қувватларини кенгайтириш чора-тадбирлари тўғрисида»ги ПҚ-2807-сон қарорига мувофиқ «Олмалиқ кон-металлургия комбинати» акциядорлик жамияти (кейинги ўринларда — «Олмалиқ КМК» АЖ) томонидан рангли ва қимматбаҳо металлар ишлаб чиқариш ҳажмини оширишга қаратилган «Ёшлик I» конини ўзлаштириш» инвестиция лойиҳаси (кейинги ўринларда — инвестиция лойиҳаси) амалга оширилиши белгиланганлиги;
инвестиция лойиҳаси доирасида 3-сон Мис бойитиш фабрикасини (кейинги ўринларда — 3-МБФ), фабрикада маъданларни бойитиш жараёнида ҳосил бўладиган қолдиқларни сақлаш объектини, унинг инфратузилма ва санитар зоналарини (кейинги ўринларда — қолдиқларни сақлаш объекти), шунингдек, 3-МБФ сув ва ташқи электр таъминоти объектларини (кейинги ўринларда — инфратузилма объектлари) қуриш назарда тутилганлиги;
3-МБФ, қолдиқларни сақлаш объекти ва инфратузилма объектларини қуриш учун Тошкент вилоятида умумий майдони 3 768,8 гектарга тенг ҳудуд зарурлиги аниқланган бўлиб, шундан 1 616 гектари Тошкент вилояти ҳокимлигининг ва 25 гектари Пискент тумани ҳокимлигининг тегишли қарорлари билан ажратиб берилганлиги;
қолдиқларни сақлаш объектини қуриш учун Пискент туманида умумий майдони 1 415,8 гектар ҳамда инфратузилма объектларини қуриш учун Пискент ва Оҳангарон туманларида умумий майдони 712 гектарга тенг ҳудудлар ажратиб берилиши зарурлиги маълумот учун қабул қилинсин.
2. Тошкент вилояти ҳокимлиги:
а) бир ой муддатда:
Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда қолдиқларни сақлаш объекти ҳамда инфратузилма объектлари ҳудудларининг аниқ чегараларини белгиласин;
қолдиқларни сақлаш объекти ҳамда инфратузилма объектлари ҳудудларида жойлашган турар жой, ишлаб чиқариш ҳамда бошқа иншоотлар, қурилмалар ва экинларни хатловдан ўтказсин;
б) «Олмалиқ КМК» АЖ билан биргаликда:
қолдиқларни сақлаш объекти ҳамда инфратузилма объектларини қуриш доирасида олиниши режалаштирилаётган ер участкалари мулкдорлари, эгалари, фойдаланувчилари ва ижарачилари билан очиқ мулоқот ўтказсин, шунингдек, фойда ва харажатларни баҳоласин;
ўтказилган хатлов ва очиқ мулоқот натижаларига кўра, қолдиқларни сақлаш объекти ҳамда инфратузилма объектларини қуриш доирасида ер участкаларининг олиниши муносабати билан жисмоний ва юридик шахсларга етказилган зарарларни «Олмалиқ КМК» АЖ маблағлари ҳисобидан қоплаш ишларини қонунчиликда белгиланган тартибда амалга оширсин;
в) қолдиқларни сақлаш объекти ҳамда инфратузилма объектларини қуриш доирасида ер участкаларининг олиниши муносабати билан жисмоний ва юридик шахсларга етказилган зарарларни қоплаш масаласи ҳал этилгандан сўнг, ер участкаларининг келишилган тартибда олиниши ва «Олмалиқ КМК» АЖ саноат объектлари қурилиши учун ажратиб берилишини таъминласин.
3. «Олмалиқ КМК» АЖнинг қолдиқларни сақлаш объекти ҳамда инфратузилма объектларини қуриш доирасида:
ер участкалари мулкдорлари, эгалари, фойдаланувчилари ва ижарачиларининг кўрган зарарларини, шунингдек, қишлоқ хўжалиги ва ўрмон хўжалиги ишлаб чиқариши нобудгарчиликларининг ўрнини;
ер участкалари мулкдорлари, эгалари, фойдаланувчилари ва ижарачиларининг кўрган зарарларини баҳолаш харажатларини;
ер участкаларининг давлат ва жамоат эҳтиёжлари учун олиниши натижасида турар жойлари бузилиши назарда тутилган жисмоний шахсларнинг янги қурилаётган якка тартибдаги тураржой ва бошқа иншоотларини тегишли муҳандислик-коммуникация тармоқлари билан таъминлаш харажатларини «Олмалиқ КМК» АЖ маблағлари ҳисобидан қоплаш тўғрисидаги таклифларига розилик берилсин.
4. «Олмалиқ КМК» АЖ инвестиция лойиҳасини амалга ошириш доирасида қишлоқ хўжалигидан бошқа мақсадларда фойдаланишга олинадиган суғориладиган ерларни ўзлаштириш, шунингдек, лалми ерлар, пичанзорлар, яйловлар ҳолатини тубдан яхшилаш учун талаб этиладиган компенсация тўловларидан, истисно тариқасида, озод қилинсин.
5. Ўзбекистон Республикаси Экология ва атроф муҳитни муҳофаза қилиш давлат қўмитаси лойиҳа ҳужжатларининг давлат экологик экспертизадан белгиланган тартибда ўтказилишини ва лойиҳани амалга ошириш доирасида табиатни муҳофаза қилишга қаратилган қонун ҳужжатларига риоя этилиши юзасидан давлат назорати ўрнатилишини таъминласин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 15 май,
ПҚ-4715-сон
Oʻzbekiston Respublikasi Prezidentining
Qarori
Toshkent viloyatida sanoat ishlab chiqarish hajmlarini yanada kengaytirish chora-tadbirlari toʻgʻrisida
Xalqaro standartlarga, energiya samarador va ekologik talablarga javob beradigan yangi kon-metallurgiya kompleksini zamonaviy uskuna va texnologiyalarni qoʻllagan holda qurish hamda “Yoshlik I” konini oʻzlashtirish orqali “Olmaliq kon-metallurgiya kombinati” aksiyadorlik jamiyatining ishlab chiqarish quvvatlarini kengaytirish maqsadida:
1. Quyidagilar:
Oʻzbekiston Respublikasi Prezidentining 2017-yil 1-martdagi ““Yoshlik I” koni negizida “Olmaliq KMK” AJning ishlab chiqarish quvvatlarini kengaytirish chora-tadbirlari toʻgʻrisida”gi PQ-2807-son qaroriga muvofiq “Olmaliq kon-metallurgiya kombinati” aksiyadorlik jamiyati (keyingi oʻrinlarda — “Olmaliq KMK” AJ) tomonidan rangli va qimmatbaho metallar ishlab chiqarish hajmini oshirishga qaratilgan “Yoshlik I” konini oʻzlashtirish” investitsiya loyihasi (keyingi oʻrinlarda — investitsiya loyihasi) amalga oshirilishi belgilanganligi;
investitsiya loyihasi doirasida 3-son Mis boyitish fabrikasini (keyingi oʻrinlarda — 3-MBF), fabrikada maʼdanlarni boyitish jarayonida hosil boʻladigan qoldiqlarni saqlash obyektini, uning infratuzilma va sanitar zonalarini (keyingi oʻrinlarda — qoldiqlarni saqlash obyekti), shuningdek, 3-MBF suv va tashqi elektr taʼminoti obyektlarini (keyingi oʻrinlarda — infratuzilma obyektlari) qurish nazarda tutilganligi;
3-MBF, qoldiqlarni saqlash obyekti va infratuzilma obyektlarini qurish uchun Toshkent viloyatida umumiy maydoni 3 768,8 gektarga teng hudud zarurligi aniqlangan boʻlib, shundan 1 616 gektari Toshkent viloyati hokimligining va 25 gektari Piskent tumani hokimligining tegishli qarorlari bilan ajratib berilganligi;
qoldiqlarni saqlash obyektini qurish uchun Piskent tumanida umumiy maydoni 1 415,8 gektar hamda infratuzilma obyektlarini qurish uchun Piskent va Ohangaron tumanlarida umumiy maydoni 712 gektarga teng hududlar ajratib berilishi zarurligi maʼlumot uchun qabul qilinsin.
2. Toshkent viloyati hokimligi:
a) bir oy muddatda:
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda qoldiqlarni saqlash obyekti hamda infratuzilma obyektlari hududlarining aniq chegaralarini belgilasin;
qoldiqlarni saqlash obyekti hamda infratuzilma obyektlari hududlarida joylashgan turar joy, ishlab chiqarish hamda boshqa inshootlar, qurilmalar va ekinlarni xatlovdan oʻtkazsin;
b) “Olmaliq KMK” AJ bilan birgalikda:
qoldiqlarni saqlash obyekti hamda infratuzilma obyektlarini qurish doirasida olinishi rejalashtirilayotgan yer uchastkalari mulkdorlari, egalari, foydalanuvchilari va ijarachilari bilan ochiq muloqot oʻtkazsin, shuningdek, foyda va xarajatlarni baholasin;
oʻtkazilgan xatlov va ochiq muloqot natijalariga koʻra, qoldiqlarni saqlash obyekti hamda infratuzilma obyektlarini qurish doirasida yer uchastkalarining olinishi munosabati bilan jismoniy va yuridik shaxslarga yetkazilgan zararlarni “Olmaliq KMK” AJ mablagʻlari hisobidan qoplash ishlarini qonunchilikda belgilangan tartibda amalga oshirsin;
v) qoldiqlarni saqlash obyekti hamda infratuzilma obyektlarini qurish doirasida yer uchastkalarining olinishi munosabati bilan jismoniy va yuridik shaxslarga yetkazilgan zararlarni qoplash masalasi hal etilgandan soʻng, yer uchastkalarining kelishilgan tartibda olinishi va “Olmaliq KMK” AJ sanoat obyektlari qurilishi uchun ajratib berilishini taʼminlasin.
3. “Olmaliq KMK” AJning qoldiqlarni saqlash obyekti hamda infratuzilma obyektlarini qurish doirasida:
yer uchastkalari mulkdorlari, egalari, foydalanuvchilari va ijarachilarining koʻrgan zararlarini, shuningdek, qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini;
yer uchastkalari mulkdorlari, egalari, foydalanuvchilari va ijarachilarining koʻrgan zararlarini baholash xarajatlarini;
yer uchastkalarining davlat va jamoat ehtiyojlari uchun olinishi natijasida turar joylari buzilishi nazarda tutilgan jismoniy shaxslarning yangi qurilayotgan yakka tartibdagi turarjoy va boshqa inshootlarini tegishli muhandislik-kommunikatsiya tarmoqlari bilan taʼminlash xarajatlarini “Olmaliq KMK” AJ mablagʻlari hisobidan qoplash toʻgʻrisidagi takliflariga rozilik berilsin.
4. “Olmaliq KMK” AJ investitsiya loyihasini amalga oshirish doirasida qishloq xoʻjaligidan boshqa maqsadlarda foydalanishga olinadigan sugʻoriladigan yerlarni oʻzlashtirish, shuningdek, lalmi yerlar, pichanzorlar, yaylovlar holatini tubdan yaxshilash uchun talab etiladigan kompensatsiya toʻlovlaridan, istisno tariqasida, ozod qilinsin.
5. Oʻzbekiston Respublikasi Ekologiya va atrof muhitni muhofaza qilish davlat qoʻmitasi loyiha hujjatlarining davlat ekologik ekspertizadan belgilangan tartibda oʻtkazilishini va loyihani amalga oshirish doirasida tabiatni muhofaza qilishga qaratilgan qonun hujjatlariga rioya etilishi yuzasidan davlat nazorati oʻrnatilishini taʼminlasin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 15-may,
PQ-4715-son
Президента Республики Узбекистан
Постановление
О мерах по дальнейшему расширению объемов промышленного производства в Ташкентской области
В целях строительства нового горно-металлургического комплекса, соответствующего международным стандартам, требованиям энергоэффективности и экологическим нормам с применением современных технологий и оборудования, а также расширения производственных мощностей акционерного общества «Алмалыкский горно-металлургический комбинат» путем освоения месторождения «Ёшлик I»:
1. Принять к сведению, что:
в соответствии с постановлением Президента Республики Узбекистан от 1 марта 2017 года № ПП-2807 «О мерах по расширению производственных мощностей АО «Алмалыкский ГМК» на базе месторождения «Ёшлик I» предусмотрена реализация акционерным обществом «Алмалыкский горно-металлургический комбинат» (далее — АО «Алмалыкский ГМК») инвестиционного проекта «Освоение месторождения «Ёшлик I» (далее — инвестиционный проект), направленного на увеличение объема производства цветных и драгоценных металлов;
в рамках инвестиционного проекта предусмотрено строительство медно-обогатительной фабрики № 3 (далее — МОФ-3), объекта хранения остатков обогатительного процесса руды на фабрике, его инфраструктуры и санитарных зон (далее — объект хранения остатков), а также объектов водоснабжения и внешнего электроснабжения МОФ-3 (далее — объекты инфраструктуры);
для строительства МОФ-3, объекта хранения остатков и объектов инфраструктуры выявлена необходимость в территории общей площадью 3 768,8 гектара в Ташкентской области, из которых 1 616 гектаров выделено на основании соответствующего решения хокимията Ташкентской области, 25 гектаров — хокимията Пскентского района;
для строительства объекта хранения остатков требуется выделение территории общей площадью 1 415,8 гектара в Пскентском районе, для строительства объектов инфраструктуры — общей площадью 712 гектаров в Пскентском и Ахангаранском районах.
2. Хокимияту Ташкентской области:
а) в месячный срок:
совместно с Государственным комитетом Республики Узбекистан по земельным ресурсам, геодезии, картографии и государственному кадастру определить точные границы территорий объекта хранения остатков и объектов инфраструктуры;
провести инвентаризацию жилых, производственных и других сооружений, построек и насаждений, расположенных на территории объекта хранения остатков и объектов инфраструктуры;
б) совместно с АО «Алмалыкский ГМК»:
провести открытые обсуждения с собственниками, владельцами, пользователями и арендаторами земельных участков, запланированных к изъятию в рамках строительства объекта хранения остатков и объектов инфраструктуры, с проведением оценки выгод и издержек;
по результатам проведенной инвентаризации и открытых обсуждений провести работы по компенсации ущерба, нанесенного физическим и юридическим лицам в связи с изъятием земельных участков в рамках строительства объекта хранения остатков и объектов инфраструктуры, за счет средств АО «Алмалыкский ГМК» в порядке, установленном законодательством;
в) после разрешения вопроса о компенсации ущерба, нанесенного физическим и юридическим лицам в связи с изъятием земельных участков в рамках строительства объекта хранения остатков и объектов инфраструктуры, обеспечить изъятие и отвод данных земельных участков под строительство промышленных объектов АО «Алмалыкский ГМК» в согласованном порядке.
3. В рамках строительства объекта хранения остатков и объектов инфраструктуры согласиться с предложениями о компенсации за счет средств АО «Алмалыкский ГМК»:
убытков, понесенных собственниками, владельцами, пользователями и арендаторами земельных участков, а также потерь сельскохозяйственного и лесохозяйственного производства;
затрат собственников, владельцев, пользователей и арендаторов земельных участков по оценке понесенных убытков;
расходов по обеспечению соответствующими инженерно-коммуникационными сетями строящегося нового индивидуального жилья и других сооружений физических лиц, жилые дома которых предусматривается снести в связи с изъятием у них земельных участков для государственных и общественных нужд.
4. Освободить АО «Алмалыкский ГМК», в порядке исключения, от компенсационных выплат, требуемых для освоения орошаемых земель, изымаемых в рамках реализации инвестиционного проекта, для использования в несельскохозяйственных целях, а также кардинального улучшения состояния богарных земель, сенокосов и пастбищ.
5. Государственному комитету Республики Узбекистан по экологии и охране окружающей среды обеспечить в установленном порядке проведение государственной экологической экспертизы соответствующей проектной документации и государственный контроль за соблюдением природоохранного законодательства в рамках реализации проекта.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
15 мая 2020 г.,
№ ПП-4715