📅 2020-yil 18-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 18 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 мая 2020 г. · Постановления Президента
Официальный текст. Официальный документ. Редакционные примечания не включены.
📅 18 May 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига ўзгартиришлар киритиш тўғрисида
Халқаро молия институтлари билан ҳамкорликни янада кенгайтириш ва такомиллаштириш, уларнинг иштирокида республикада амалга оширилаётган инвестиция лойиҳаларини рўёбга чиқариш, иқтисодий, ижтимоий ва инфратузилмавий ривожланишга илғор тажриба ва имтиёзли маблағларни кенг жалб қилиш ҳамда вазирлик ва идораларнинг халқаро молия институтлари билан алоқаларини мувофиқлаштириш мақсадида:
1. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
2. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президентининг 2020 йил 18 майдаги ПҚ-4717-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2010 йил 25 мартдаги «Халқаро шартномага қўшилиш тўғрисида»ги ПҚ-1310-сон қарори 3-банди ўз кучини йўқотган деб топилсин.
2. Ўзбекистон Республикаси Президентининг 2017 йил 20 декабрдаги «Халқаро ва хорижий молия институтлари билан ҳамкорликнинг самарадорлигини янада ошириш чора-тадбирлари тўғрисида»ги ПҚ-3439-сон қарорида :
1-банд қуйидаги таҳрирда баён этилсин:
«1. Ўзбекистон Республикасидан қуйидагилар:
Ўзбекистон Республикаси Инвестициялар ва ташқи савдо вазирлиги — халқаро молия институтлари (Халқаро валюта жамғармаси бундан мустасно) билан марказлаштирилган ҳамкорлик бўйича ваколатли орган (бошқарувчи идораси);
Ўзбекистон Республикаси Марказий банки — Халқаро валюта жамғармаси билан марказлаштирилган ҳамкорлик бўйича ваколатли орган (бошқарувчи идораси);
Ўзбекистон Республикаси Бош вазирининг ўринбосари — инвестициялар ва ташқи савдо вазири С.У. Умурзаков — Осиё тараққиёт банки, Осиё инфратузилма инвестициялари банки, Ислом тараққиёт банки гуруҳи, Европа тикланиш ва тараққиёт банки, Қишлоқ хўжалигини ривожлантириш халқаро жамғармаси билан марказлаштирилган ҳамкорлик бўйича бошқарувчи;
Ўзбекистон Республикаси Бош вазирининг ўринбосари — иқтисодий тараққиёт ва камбағалликни қисқартириш вазири Ж.А. Қўчқоров — Жаҳон банки гуруҳи ва Халқаро валюта жамғармаси билан марказлаштирилган ҳамкорлик бўйича бошқарувчи;
Ўзбекистон Республикаси инвестициялар ва ташқи савдо вазирининг ўринбосари Ш.А. Вафаев — Осиё тараққиёт банки, Осиё инфратузилма инвестициялари банки, Жаҳон банки гуруҳи, Ислом тараққиёт банки гуруҳи, Европа тикланиш ва тараққиёт банки, Қишлоқ хўжалигини ривожлантириш халқаро жамғармаси билан марказлаштирилган ҳамкорлик бўйича бошқарувчи ўринбосари;
Ўзбекистон Республикаси Марказий банки раиси М.Б. Нурмуратов — Халқаро валюта жамғармаси билан марказлаштирилган ҳамкорлик бўйича бошқарувчи ўринбосари этиб белгилансин»;
5 ва 8-бандлар ўз кучини йўқотган деб топилсин;
7-банднинг биринчи хатбошисидаги «Инвестициялар бўйича давлат қўмитаси» сўзлари «Инвестициялар ва ташқи савдо вазирлиги» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 18 май,
ПҚ-4717-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga oʻzgartirishlar kiritish toʻgʻrisida
Xalqaro moliya institutlari bilan hamkorlikni yanada kengaytirish va takomillashtirish, ularning ishtirokida respublikada amalga oshirilayotgan investitsiya loyihalarini roʻyobga chiqarish, iqtisodiy, ijtimoiy va infratuzilmaviy rivojlanishga ilgʻor tajriba va imtiyozli mablagʻlarni keng jalb qilish hamda vazirlik va idoralarning xalqaro moliya institutlari bilan aloqalarini muvofiqlashtirish maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
2. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidentining 2020-yil 18-maydagi PQ-4717-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2010-yil 25-martdagi “Xalqaro shartnomaga qoʻshilish toʻgʻrisida”gi PQ-1310-son qarori 3-bandi oʻz kuchini yoʻqotgan deb topilsin.
2. Oʻzbekiston Respublikasi Prezidentining 2017-yil 20-dekabrdagi “Xalqaro va xorijiy moliya institutlari bilan hamkorlikning samaradorligini yanada oshirish chora-tadbirlari toʻgʻrisida”gi PQ-3439-son qarorida :
1-band quyidagi tahrirda bayon etilsin:
“1. Oʻzbekiston Respublikasidan quyidagilar:
Oʻzbekiston Respublikasi Investitsiyalar va tashqi savdo vazirligi — xalqaro moliya institutlari (Xalqaro valyuta jamgʻarmasi bundan mustasno) bilan markazlashtirilgan hamkorlik boʻyicha vakolatli organ (boshqaruvchi idorasi);
Oʻzbekiston Respublikasi Markaziy banki — Xalqaro valyuta jamgʻarmasi bilan markazlashtirilgan hamkorlik boʻyicha vakolatli organ (boshqaruvchi idorasi);
Oʻzbekiston Respublikasi Bosh vazirining oʻrinbosari — investitsiyalar va tashqi savdo vaziri S.U. Umurzakov — Osiyo taraqqiyot banki, Osiyo infratuzilma investitsiyalari banki, Islom taraqqiyot banki guruhi, Yevropa tiklanish va taraqqiyot banki, Qishloq xoʻjaligini rivojlantirish xalqaro jamgʻarmasi bilan markazlashtirilgan hamkorlik boʻyicha boshqaruvchi;
Oʻzbekiston Respublikasi Bosh vazirining oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov — Jahon banki guruhi va Xalqaro valyuta jamgʻarmasi bilan markazlashtirilgan hamkorlik boʻyicha boshqaruvchi;
Oʻzbekiston Respublikasi investitsiyalar va tashqi savdo vazirining oʻrinbosari Sh.A. Vafayev — Osiyo taraqqiyot banki, Osiyo infratuzilma investitsiyalari banki, Jahon banki guruhi, Islom taraqqiyot banki guruhi, Yevropa tiklanish va taraqqiyot banki, Qishloq xoʻjaligini rivojlantirish xalqaro jamgʻarmasi bilan markazlashtirilgan hamkorlik boʻyicha boshqaruvchi oʻrinbosari;
Oʻzbekiston Respublikasi Markaziy banki raisi M.B. Nurmuratov — Xalqaro valyuta jamgʻarmasi bilan markazlashtirilgan hamkorlik boʻyicha boshqaruvchi oʻrinbosari etib belgilansin”;
5 va 8-bandlar oʻz kuchini yoʻqotgan deb topilsin;
7-bandning birinchi xatboshisidagi “Investitsiyalar boʻyicha davlat qoʻmitasi” soʻzlari “Investitsiyalar va tashqi savdo vazirligi” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 18-may,
PQ-4717-son
Президента Республики Узбекистан
Постановление
О внесении изменений в некоторые постановления Президента Республики Узбекистан
В целях дальнейшего расширения и совершенствования сотрудничества с международными финансовыми институтами, реализации с их участием инвестиционных проектов, осуществляемых в республике, широкого привлечения передового опыта и льготных средств в экономическое, социальное и инфрастуктурное развитие, а также координации связей министерств и ведомств с международными финансовыми институтами:
1. Внести изменения в некоторые постановления Президента Республики Узбекистан согласно приложению .
2. Контроль за исполнением настоящего постановления возложить на заместителя Премьер-министра Республики Узбекистан С.У. Умурзакова.
ПРИЛОЖЕНИЕ к постановлению Президента Республики Узбекистан от 18 мая 2020 года № ПП-4717
Изменения, вносимые в некоторые постановления Президента Республики Узбекистан
1. Пункт 3 постановления Президента Республики Узбекистан от 25 марта 2010 года № ПП-1310 «О присоединении к международному договору» признать утратившим силу.
2. В постановлении Президента Республики Узбекистан от 20 декабря 2017 года № ПП-3439 «О мерах по дальнейшему повышению эффективности сотрудничества с международными и зарубежными финансовыми институтами»:
пункт 1 изложить в следующей редакции:
«1. Назначить от Республики Узбекистан:
уполномоченным органом по централизованному взаимодействию с международными финансовыми институтами, за исключением Международного валютного фонда, (офис управляющего) — Министерство инвестиций и внешней торговли Республики Узбекистан;
уполномоченным органом по централизованному взаимодействию с Международным валютным фондом (офис управляющего) — Центральный банк Республики Узбекистан;
управляющим по централизованному взаимодействию с Азиатским банком развития, Азиатским банком инфраструктурных инвестиций, Группой Исламского банка развития, Европейским банком реконструкции и развития, Международным фондом сельскохозяйственного развития — заместителя Премьер-министра Республики Узбекистан — министра инвестиций и внешней торговли Республики Узбекистан С.У. Умурзакова;
управляющим по централизованному взаимодействию с Группой Всемирного банка и Международным валютным фондом — заместителя Премьер-министра Республики Узбекистан — министра экономического развития и сокращения бедности Республики Узбекистан Д.А. Кучкарова;
заместителем управляющего по централизованному взаимодействию с Азиатским банком развития, Азиатским банком инфраструктурным инвестиций, Группой Всемирного банка, Группой Исламского банка развития, Европейским банком реконструкции и развития, Международным фондом сельскохозяйственного развития — заместителя министра инвестиций и внешней торговли Республики Узбекистан Ш.А. Вафаева;
заместителем управляющего по централизованному взаимодействию с Международным валютным фондом — председателя Центрального банка Республики Узбекистан М.Б. Нурмуратова»;
пункты 5 и 8 признать утратившими силу;
в абзаце первом пункта 7 слова «Государственному комитету по инвестициям» заменить словами «Министерству инвестиций и внешней торговли».
Президент Республики Узбекистан Ш. МИРЗИЁЕВ
г. Ташкент,
18 мая 2020 г.,
№ ПП-4717