📅 2020-yil 18-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 18 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 мая 2020 г. · Постановления Президента
Официальный текст. Официальный документ. Редакционные примечания не включены.
📅 18 May 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Томорқа ер эгаларини қўллаб-қувватлаш ва аҳоли бандлигини таъминлаш бўйича қўшимча чора-тадбирлар тўғрисида
Қишлоқ хўжалиги, хизмат кўрсатиш ва бошқа соҳалардаги янги лойиҳаларни ташкил этиш ҳамда мавжудларини кенгайтириш, томорқа ер эгаларига ер участкаларидан самарали ва оқилона фойдаланиши учун қулай шарт-шароитларни яратиш, аҳолининг ишчанлик фаоллигини ва тадбиркорлик ташаббусларини рағбатлантириш, шунингдек, ижтимоий заиф қатламлар бандлигини таъминлаш мақсадида:
1. Маълумот учун қабул қилинсинки, томорқа ер участкалари самарадорлигини оширишни ҳамда қишлоқ хўжалиги кооперативлари аъзолигига бадал тўлаш учун ишсиз, кам таъминланган ва камбағал оилаларга субсидиялар ажратишни молиялаштириш учун Ўзбекистон Республикаси Молия вазирлиги ҳузуридаги Инқирозга қарши курашиш жамғармаси ҳисобидан Бандликка кўмаклашиш давлат жамғармасига 50 млрд сўм миқдоридаги маблағлар ажратилди.
2. 2020 йил 20 майдан бошлаб шундай тартиб ўрнатилсинки, унга мувофиқ Маҳаллабай ишлаш ва тадбиркорликни ривожлантириш агентлигининг Аҳолини тадбиркорликка жалб қилиш жамғармаси маблағлари ҳисобидан қуйидаги миқдорда субсидиялар ажратилади:
а) аҳоли бандлигига кўмаклашиш маркази, етказиб берувчи ташкилотлар ва томорқа ер эгалари ўртасида тузилган уч томонлама шартномалар асосида:
енгил конструкцияли иссиқхоналар ўрнатиш учун — базавий ҳисоблаш миқдорининг 30 бараваригача;
суғориш воситалари харид қилиш учун — базавий ҳисоблаш миқдорининг 10 бараваригача;
уруғликлар ва кўчатлар сотиб олиш учун — базавий ҳисоблаш миқдорининг 3 бараваригача;
б) қишлоқ хўжалиги кооперативлари устав фондига улуш сифатида киритиши учун — базавий ҳисоблаш миқдорининг 15 бараваригача. Бунда:
қишлоқ хўжалиги кооперативлари балиқчилик, қуёнчилик, паррандачилик, асаларичилик, мева-сабзавотчилик, узумчилик, тикувчилик, ҳунармандчилик ва бошқа илғор соҳаларда, шу жумладан қурилиш-таъмирлаш соҳаларида ташкил этилади;
қишлоқ хўжалиги кооперативларига ишсиз фуқаролар, кам таъминланган оилалар аъзолари, ташқи меҳнат миграциясидан қайтиб келган шахслар ҳамда кооператив фаолияти йўналиши бўйича тажрибага эга етакчи тадбиркорлар бирлаштирилади.
3. Белгилансинки, мазкур қарорнинг 1-бандига мувофиқ субсидиялар ажратиш Бандликка кўмаклашиш давлат жамғармаси маблағлари ҳисобидан қонун ҳужжатларига мувофиқ бошқа мақсадлар учун субсидия ва грантлар ажратиш тартибини сақлаб қолган ҳолда амалга оширилади.
4. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
5. Ўзбекистон Республикаси Бандлик ва меҳнат муносабатлари вазирлиги икки ой муддатда Вазирлар Маҳкамасига қонун ҳужжатларига мазкур қарордан келиб чиқадиган ўзгартириш ва қўшимчалар тўғрисидаги таклифларни киритсин.
Вазирлик ва идоралар бир ой муддатда ўзлари қабул қилган норматив-ҳуқуқий ҳужжатларни мазкур қарорга мувофиқлаштирсин.
6. Мазкур қарорнинг ижросини назорат қилиш Ўзбекистон Республикасининг Бош вазири ўринбосарлари Ж.А. Қўчқоров ва Ў.И. Барноев зиммасига юклансин.
Ўзбекистон Республикаси Президентининг 2020 йил 18 майдаги ПҚ-4716-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
3. Ўзбекистон Республикаси Президентининг 2019 йил 11 декабрдаги «Мева-сабзавотчилик ва узумчилик тармоғини янада ривожлантириш, соҳада қўшилган қиймат занжирини яратишга доир қўшимча чора-тадбирлар тўғрисида»ги ПҚ-4549-сон қарори 8-банди тўртинчи хатбошиси қуйидаги таҳрирда баён этилсин:
«Ўзбекистон Республикаси Бандлик ва меҳнат муносабатлари вазирлиги ҳузуридаги Бандликка кўмаклашиш давлат жамғармаси ҳисобидан — ишсиз фуқаролар, кам таъминланган оилалар аъзолари ва ташқи меҳнат миграциясидан қайтиб келган шахсларга уларнинг бандлигини таъминлаш мақсадида ташкил этиладиган қишлоқ хўжалиги кооперативлари устав фондига улуш сифатида киритиши учун субсидиялар ажратишга рухсат берилсин».
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 18 май,
ПҚ-4716-сон
Oʻzbekiston Respublikasi Prezidentining
Qarori
Tomorqa yer egalarini qoʻllab-quvvatlash va aholi bandligini taʼminlash boʻyicha qoʻshimcha chora-tadbirlar toʻgʻrisida
Qishloq xoʻjaligi, xizmat koʻrsatish va boshqa sohalardagi yangi loyihalarni tashkil etish hamda mavjudlarini kengaytirish, tomorqa yer egalariga yer uchastkalaridan samarali va oqilona foydalanishi uchun qulay shart-sharoitlarni yaratish, aholining ishchanlik faolligini va tadbirkorlik tashabbuslarini ragʻbatlantirish, shuningdek, ijtimoiy zaif qatlamlar bandligini taʼminlash maqsadida:
1. Maʼlumot uchun qabul qilinsinki, tomorqa yer uchastkalari samaradorligini oshirishni hamda qishloq xoʻjaligi kooperativlari aʼzoligiga badal toʻlash uchun ishsiz, kam taʼminlangan va kambagʻal oilalarga subsidiyalar ajratishni moliyalashtirish uchun Oʻzbekiston Respublikasi Moliya vazirligi huzuridagi Inqirozga qarshi kurashish jamgʻarmasi hisobidan Bandlikka koʻmaklashish davlat jamgʻarmasiga 50 mlrd soʻm miqdoridagi mablagʻlar ajratildi.
2. 2020-yil 20-maydan boshlab shunday tartib oʻrnatilsinki, unga muvofiq Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamgʻarmasi mablagʻlari hisobidan quyidagi miqdorda subsidiyalar ajratiladi:
a) aholi bandligiga koʻmaklashish markazi, yetkazib beruvchi tashkilotlar va tomorqa yer egalari oʻrtasida tuzilgan uch tomonlama shartnomalar asosida:
yengil konstruksiyali issiqxonalar oʻrnatish uchun — bazaviy hisoblash miqdorining 30 baravarigacha;
sugʻorish vositalari xarid qilish uchun — bazaviy hisoblash miqdorining 10 baravarigacha;
urugʻliklar va koʻchatlar sotib olish uchun — bazaviy hisoblash miqdorining 3 baravarigacha;
b) qishloq xoʻjaligi kooperativlari ustav fondiga ulush sifatida kiritishi uchun — bazaviy hisoblash miqdorining 15 baravarigacha. Bunda:
qishloq xoʻjaligi kooperativlari baliqchilik, quyonchilik, parrandachilik, asalarichilik, meva-sabzavotchilik, uzumchilik, tikuvchilik, hunarmandchilik va boshqa ilgʻor sohalarda, shu jumladan qurilish-taʼmirlash sohalarida tashkil etiladi;
qishloq xoʻjaligi kooperativlariga ishsiz fuqarolar, kam taʼminlangan oilalar aʼzolari, tashqi mehnat migratsiyasidan qaytib kelgan shaxslar hamda kooperativ faoliyati yoʻnalishi boʻyicha tajribaga ega yetakchi tadbirkorlar birlashtiriladi.
3. Belgilansinki, mazkur qarorning 1-bandiga muvofiq subsidiyalar ajratish Bandlikka koʻmaklashish davlat jamgʻarmasi mablagʻlari hisobidan qonun hujjatlariga muvofiq boshqa maqsadlar uchun subsidiya va grantlar ajratish tartibini saqlab qolgan holda amalga oshiriladi.
4. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
5. Oʻzbekiston Respublikasi Bandlik va mehnat munosabatlari vazirligi ikki oy muddatda Vazirlar Mahkamasiga qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisidagi takliflarni kiritsin.
Vazirlik va idoralar bir oy muddatda oʻzlari qabul qilgan normativ-huquqiy hujjatlarni mazkur qarorga muvofiqlashtirsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri oʻrinbosarlari J.A. Qoʻchqorov va Oʻ.I. Barnoyev zimmasiga yuklansin.
Oʻzbekiston Respublikasi Prezidentining 2020-yil 18-maydagi PQ-4716-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
3. Oʻzbekiston Respublikasi Prezidentining 2019-yil 11-dekabrdagi “Meva-sabzavotchilik va uzumchilik tarmogʻini yanada rivojlantirish, sohada qoʻshilgan qiymat zanjirini yaratishga doir qoʻshimcha chora-tadbirlar toʻgʻrisida”gi PQ-4549-son qarori 8-bandi toʻrtinchi xatboshisi quyidagi tahrirda bayon etilsin:
“Oʻzbekiston Respublikasi Bandlik va mehnat munosabatlari vazirligi huzuridagi Bandlikka koʻmaklashish davlat jamgʻarmasi hisobidan — ishsiz fuqarolar, kam taʼminlangan oilalar aʼzolari va tashqi mehnat migratsiyasidan qaytib kelgan shaxslarga ularning bandligini taʼminlash maqsadida tashkil etiladigan qishloq xoʻjaligi kooperativlari ustav fondiga ulush sifatida kiritishi uchun subsidiyalar ajratishga ruxsat berilsin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 18-may,
PQ-4716-son
Президента Республики Узбекистан
Постановление
О дополнительных мерах по поддержке владельцев приусадебных земель и обеспечению занятости населения
В целях организации новых и расширения действующих проектов в сельском хозяйстве, сфере услуг и других отраслях, создания благоприятных условий для эффективного и рационального использования земельных участков владельцами приусадебных земель, стимулирования деловой активности и предпринимательских инициатив населения, а также обеспечения занятости социально уязвимых слоев:
1. Принять к сведению, что за счет Антикризисного фонда при Министерстве финансов Республики Узбекистан Государственному фонду содействия занятости выделены средства в размере 50 млрд сумов для финансирования повышения эффективности приусадебных земельных участков, а также выделения субсидий безработным, малообеспеченным и бедным семьям на уплату взносов за членство в сельскохозяйственных кооперативах.
2. Начиная с 20 мая 2020 года установить порядок, в соответствии с которым за счет средств Фонда привлечения населения к предпринимательству при Агентстве по работе махаллабай и развитию предпринимательства выделяются субсидии в следующих размерах:
а) на основании трехсторонних договоров, заключенных между центром содействия занятости населения, организациями-поставщиками и владельцами приусадебных земель:
до 30-кратной базовой расчетной величины — на установку теплиц легкой конструкции;
до 10-кратной базовой расчетной величины — на приобретение средств орошения;
до 3-кратной базовой расчетной величины — на закупку семян и саженцев;
б) до 15-кратной базовой расчетной величины — для внесения в качестве вклада в уставный фонд сельскохозяйственных кооперативов. При этом:
сельскохозяйственные кооперативы создаются в рыбоводстве, кролиководстве, птицеводстве, пчеловодстве, плодоовощеводстве, виноградарстве, швейном деле, ремесленничестве и других ведущих сферах, включая строительство и ремонт;
в сельскохозяйственные кооперативы объединяются безработные граждане, члены малообеспеченных семей, лица, вернувшиеся из внешней трудовой миграции, а также ведущие предприниматели, имеющие опыт в направлении кооперативной деятельности.
3. Установить, что выделение субсидий в соответствии с пунктом 1 настоящего постановления производится с сохранением порядка выделения субсидий и грантов на другие цели за счет средств Государственного фонда содействия занятости в соответствии с законодательством.
4. Внести изменения в некоторые постановления Президента Республики Узбекистан согласно приложению .
5. Министерству занятости и трудовых отношений Республики Узбекистан в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
6. Контроль за исполнением настоящего постановления возложить на заместителей Премьер-министра Республики Узбекистан Д.А. Кучкарова и У.И. Барноева.
ПРИЛОЖЕНИЕ к постановлению Президента Республики Узбекистан от 18 мая 2020 года № ПП-4716
Изменения, вносимые в некоторые постановления Президента Республики Узбекистан
3. Абзац четвертый пункта 8 постановления Президента Республики Узбекистан от 11 декабря 2019 года № ПП-4549 «О дополнительных мерах по дальнейшему развитию плодоовощеводства и виноградарства, созданию в отрасли цепочки добавленной стоимости» изложить в следующей редакции:
«за счет средств Государственного фонда содействия занятости при Министерстве занятости и трудовых отношений Республики Узбекистан — выделение субсидий безработным гражданам, членам малообеспеченных семей и лицам, вернувшимся из внешней трудовой миграции, для внесения в качестве вклада в уставный фонд сельскохозяйственных кооперативов, создаваемых в целях обеспечения их занятости».
Президент Республики Узбекистан Ш. МИРЗИЁЕВ
г. Ташкент,
18 мая 2020 г.,
№ ПП-4716