📅 2020-yil 19-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 19 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 мая 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 19 May 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
ФАРМОЙИШИ
Ўзбекистон Республикаси Президентининг «Ўзбекистон Республикасининг «Давлат тили ҳақида»ги Қонуни қабул қилинганлигининг ўттиз йиллигини кенг нишонлаш тўғрисида» 2019 йил 4 октябрдаги ПҚ-4479-сон қарори ижросини таъминлаш мақсадида:
1. Қуйидагилар:
Ўзбекистон Республикасининг «Давлат тили ҳақида»ги Қонуни қабул қилинганининг ўттиз йиллиги муносабати билан 2019 йил 21 октябрь куни «Тошкент сити» ҳалқаро ишбилармонлик маркази ҳудудидаги «Конгресс-ҳолл» саройида асосий байрам тадбири ўтказилганлиги;
«Тошкент сити» ҳалқаро ишбилармонлик маркази ҳудудидаги «Конгресс-ҳолл» саройида ўтказилган байрам тадбирига вақтинчалик саҳна (кейинги ўринларда — объект) қурилганлиги;
объект бўйича буюртмачи этиб — Тошкент шаҳар ҳокимлигининг «Ягона буюртмачи хизмати» инжиниринг компанияси, бош лойиҳачи ва пудратчи этиб — «Трест 12» АЖ белгиланганлиги;
объектда ҳақиқатдан бажарилган лойиҳа ва қурилиш ишлари қиймати 89,8 млн. сўмни ташкил этганлиги маълумот учун қабул қилинсин.
2. Ўзбекистон Республикаси Молия вазирлиги Тошкент шаҳар ҳокимлигининг «Ягона буюртмачи хизмати» инжиниринг компаниясига ҳақиқатда бажарилган лойиҳа ва қўрилиш ишлари учун 89,8 млн. сўм маблағни Ўзбекистон Республикаси Вазирлар Маҳкамасининг захира жамғармаси ҳисобидан ажратсин.
3. Мазкур фармойишнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — Ўзбекистон Республикаси иқтисодиёт тараққиёт ва камбағалликни қисқартириш вазири Ж.А. Қўчқоров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 19 май,
254-Ф-сон
Oʻzbekiston Respublikasi Vazirlar Mahkamasining
FARMOYIShI
Oʻzbekiston Respublikasi Prezidentining “Oʻzbekiston Respublikasining “Davlat tili haqida”gi Qonuni qabul qilinganligining oʻttiz yilligini keng nishonlash toʻgʻrisida” 2019-yil 4-oktabrdagi PQ-4479-son qarori ijrosini taʼminlash maqsadida:
1. Quyidagilar:
Oʻzbekiston Respublikasining “Davlat tili haqida”gi Qonuni qabul qilinganining oʻttiz yilligi munosabati bilan 2019-yil 21-oktabr kuni “Toshkent siti” halqaro ishbilarmonlik markazi hududidagi “Kongress-holl” saroyida asosiy bayram tadbiri oʻtkazilganligi;
“Toshkent siti” halqaro ishbilarmonlik markazi hududidagi “Kongress-holl” saroyida oʻtkazilgan bayram tadbiriga vaqtinchalik sahna (keyingi oʻrinlarda — obyekt) qurilganligi;
obyekt boʻyicha buyurtmachi etib — Toshkent shahar hokimligining “Yagona buyurtmachi xizmati” injiniring kompaniyasi, bosh loyihachi va pudratchi etib — “Trest 12” AJ belgilanganligi;
obyektda haqiqatdan bajarilgan loyiha va qurilish ishlari qiymati 89,8 mln. soʻmni tashkil etganligi maʼlumot uchun qabul qilinsin.
2. Oʻzbekiston Respublikasi Moliya vazirligi Toshkent shahar hokimligining “Yagona buyurtmachi xizmati” injiniring kompaniyasiga haqiqatda bajarilgan loyiha va qoʻrilish ishlari uchun 89,8 mln. soʻm mablagʻni Oʻzbekiston Respublikasi Vazirlar Mahkamasining zaxira jamgʻarmasi hisobidan ajratsin.
3. Mazkur farmoyishning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — Oʻzbekiston Respublikasi iqtisodiyot taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 19-may,
254-F-son