📅 2020-yil 19-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 19 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 мая 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 19 May 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
фармойиши
Хоразм вилоятининг саноат салоҳиятини янада ривожлантириш ҳамда кимё саноатига тўғридан-тўғри инвестицияларни жалб этиш мақсадида:
1. Ўзбекистон Республикаси Инвестициялар ва ташқи савдо вазирлиги билан «Serba Dinamik International Limited» (Малайзия) компанияси ва «Hazarasp Chlor Alkali» МЧЖ ҚК ўртасида «Хоразм вилоятининг «Ҳазорасп» эркин иқтисодий зонаси ҳудудида каустик сода ва суюқ хлор ишлаб чиқаришни ташкил этиш» лойиҳасини амалга ошириш (кейинги ўринларда — инвестиция лойиҳаси) бўйича 2020 йил 26 мартда имзоланган инвестиция шартномаси маъқуллансин.
2. Хоразм вилояти эркин иқтисодий зонаси ва кичик саноат зоналари маъмурий кенгаши йиғилишининг 2019 йил 18 майдаги 10-2451-сон баёнига асосан «Hazarasp Chlor Alkali» МЧЖ ҚКга «Ҳазорасп» эркин иқтисодий зонаси ҳудудидан инвестиция лойиҳасини амалга ошириш учун ер участкаси ажратилганлиги маълумот учун қабул қилинсин.
3. Инвестиция шартномасига мувофиқ «Serba Dinamik International Limited» компанияси куйидаги инвестиция ва ижтимоий мажбуриятларни ўз зиммасига олганлиги маълумот учун қабул қилинсин:
инвестиция лойиҳасини молиялаштириш учун 250 миллион АҚШ доллари миқдорида тўғридан-тўғри инвестициялар жалб қилинади;
инвестиция лойиҳасининг амалга оширилиши натижасида йилига 36 500 тонна каустик сода ва 32 850 тонна суюқ хлор ишлаб чиқарилади ва 150 янги иш ўринлари ташкил этилади;
инвестиция лойиҳаси 2021 йил IV чоракда фойдаланишга топширилади.
4. Уй-жой ва коммунал хизмат кўрсатиш вазирлиги, «Ҳудудий электр тармоқлари» АЖ, «Ҳудудгазтаъминот» АЖ, Ўзбекистон Республикаси Транспорт вазирлиги ҳузуридаги Автомобиль йўллари қўмитаси, «Ўзбекистон темир йўллари» АЖ инвестиция лойиҳасини амалга ошириш доирасида «Hazarasp Chlor Alkali» МЧЖ ҚКнинг ишлаб чиқариш майдонлари бўлиниш чегарасигача муҳандислик-коммуникация ва йўл-транспорт инфратузилмаси тармоқларига белгиланган тартибда кафолатли уланишини таъминласин.
5. Ўзбекистон Республикаси Инвестициялар ва ташқи савдо вазирлиги Хоразм вилояти ҳокимлиги, манфаатдор вазирлик ва идоралар билан биргаликда:
инвестиция шартномасига мувофиқ инвестор томонидан қабул қилинган мажбуриятларнинг бажарилиши устидан тизимли назорат ўрнатсин;
«Serba Dinamik International Limited» компанияси томонидан инвестиция ва ижтимоий мажбуриятларнинг бажарилишини қабул қилиб олишни Ўзбекистон Республикаси қонунчилиги ва инвестиция шартномаси талабларига мувофиқ амалга оширсин.
6. Хоразм вилояти ҳокимлиги «Ҳазорасп» эркин иқтисодий зонаси Дирекцияси» ДУК билан биргаликда «Хоразм вилоятининг «Ҳазорасп» эркин иқтисодий зонаси ҳудудида каустик сода ва суюқ хлор ишлаб чиқаришни ташкил этиш» лойиҳасининг бизнес-режаси ва техник-иқтисодий асоси «Hazarasp Chlor Alkali» МЧЖ ҚК томонидан тайёрлангандан сўнг икки ҳафта муддатда Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» ДУКга экспертизадан ўтказиш учун тақдим этилишини таъминласин.
7. Ўзбекистон Республикаси Инвестициялар ва ташқи савдо вазирлиги, «Ўзкимёсаноат» АЖ ва Хоразм вилояти ҳокимлиги инвестиция лойиҳасининг сифатли ва белгиланган муддатда амалга оширилиши учун масъул этиб белгилансин.
8. Ўзбекистон Республикаси Саноат хавфсизлиги давлат қўмитаси лойиҳани амалга ошириш доирасида техник меъёрлар ва хавфсизлик қоидаларига амал қилиниши устидан белгиланган тартибда назорат ўрнатсин.
9. Мазкур фармойишнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С. Умурзақов, «Ўзкимёсаноат» АЖ бошқарув раиси вазифасини бажарувчи Ж. Мирзамахмудов ва Хоразм вилояти ҳокими Ф. Эрманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2020 йил 19 май,
256-Ф-сон
Oʻzbekiston Respublikasi Vazirlar Mahkamasining
farmoyishi
Xorazm viloyatining sanoat salohiyatini yanada rivojlantirish hamda kimyo sanoatiga toʻgʻridan toʻgʻri investitsiyalarni jalb etish maqsadida:
1. Oʻzbekiston Respublikasi Investitsiyalar va tashqi savdo vazirligi bilan “Serba Dinamik International Limited” (Malayziya) kompaniyasi va “Hazarasp Chlor Alkali” MChJ QK oʻrtasida “Xorazm viloyatining “Hazorasp” erkin iqtisodiy zonasi hududida kaustik soda va suyuq xlor ishlab chiqarishni tashkil etish” loyihasini amalga oshirish (keyingi oʻrinlarda — investitsiya loyihasi) boʻyicha 2020-yil 26-martda imzolangan investitsiya shartnomasi maʼqullansin.
2. Xorazm viloyati erkin iqtisodiy zonasi va kichik sanoat zonalari maʼmuriy kengashi yigʻilishining 2019-yil 18-maydagi 10-2451-son bayoniga asosan “Hazarasp Chlor Alkali” MChJ QKga “Hazorasp” erkin iqtisodiy zonasi hududidan investitsiya loyihasini amalga oshirish uchun yer uchastkasi ajratilganligi maʼlumot uchun qabul qilinsin.
3. Investitsiya shartnomasiga muvofiq “Serba Dinamik International Limited” kompaniyasi kuyidagi investitsiya va ijtimoiy majburiyatlarni oʻz zimmasiga olganligi maʼlumot uchun qabul qilinsin:
investitsiya loyihasini moliyalashtirish uchun 250 million AQSh dollari miqdorida toʻgʻridan toʻgʻri investitsiyalar jalb qilinadi;
investitsiya loyihasining amalga oshirilishi natijasida yiliga 36 500 tonna kaustik soda va 32 850 tonna suyuq xlor ishlab chiqariladi va 150 yangi ish oʻrinlari tashkil etiladi;
investitsiya loyihasi 2021-yil IV chorakda foydalanishga topshiriladi.
4. Uy-joy va kommunal xizmat koʻrsatish vazirligi, “Hududiy elektr tarmoqlari” AJ, “Hududgaztaʼminot” AJ, Oʻzbekiston Respublikasi Transport vazirligi huzuridagi Avtomobil yoʻllari qoʻmitasi, “Oʻzbekiston temir yoʻllari” AJ investitsiya loyihasini amalga oshirish doirasida “Hazarasp Chlor Alkali” MChJ QKning ishlab chiqarish maydonlari boʻlinish chegarasigacha muhandislik-kommunikatsiya va yoʻl-transport infratuzilmasi tarmoqlariga belgilangan tartibda kafolatli ulanishini taʼminlasin.
5. Oʻzbekiston Respublikasi Investitsiyalar va tashqi savdo vazirligi Xorazm viloyati hokimligi, manfaatdor vazirlik va idoralar bilan birgalikda:
investitsiya shartnomasiga muvofiq investor tomonidan qabul qilingan majburiyatlarning bajarilishi ustidan tizimli nazorat oʻrnatsin;
“Serba Dinamik International Limited” kompaniyasi tomonidan investitsiya va ijtimoiy majburiyatlarning bajarilishini qabul qilib olishni Oʻzbekiston Respublikasi qonunchiligi va investitsiya shartnomasi talablariga muvofiq amalga oshirsin.
6. Xorazm viloyati hokimligi “Hazorasp” erkin iqtisodiy zonasi Direksiyasi” DUK bilan birgalikda “Xorazm viloyatining “Hazorasp” erkin iqtisodiy zonasi hududida kaustik soda va suyuq xlor ishlab chiqarishni tashkil etish” loyihasining biznes-rejasi va texnik-iqtisodiy asosi “Hazarasp Chlor Alkali” MChJ QK tomonidan tayyorlangandan soʻng ikki hafta muddatda Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUKga ekspertizadan oʻtkazish uchun taqdim etilishini taʼminlasin.
7. Oʻzbekiston Respublikasi Investitsiyalar va tashqi savdo vazirligi, “Oʻzkimyosanoat” AJ va Xorazm viloyati hokimligi investitsiya loyihasining sifatli va belgilangan muddatda amalga oshirilishi uchun masʼul etib belgilansin.
8. Oʻzbekiston Respublikasi Sanoat xavfsizligi davlat qoʻmitasi loyihani amalga oshirish doirasida texnik meʼyorlar va xavfsizlik qoidalariga amal qilinishi ustidan belgilangan tartibda nazorat oʻrnatsin.
9. Mazkur farmoyishning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S. Umurzaqov, “Oʻzkimyosanoat” AJ boshqaruv raisi vazifasini bajaruvchi J. Mirzamaxmudov va Xorazm viloyati hokimi F. Ermanov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 19-may,
256-F-son