📅 2020-yil 20-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 20 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 мая 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 20 May 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Саноат аҳамиятига эга бўлган фойдали қазилмалар янги конларини очганлик ёки илгари маълум бўлган конларни (конларнинг участкаларини) тубдан қайта баҳолаганлик учун пул мукофотлари тўғрисидаги низомга ўзгартириш ва қўшимчалар киритиш ҳақида
Саноат аҳамиятига эга бўлган фойдали қазилмалар янги конларини очганлик ёки илгари маълум бўлган конларни (конларнинг участкаларини) тубдан қайта баҳолаганлик учун пул мукофотлари тўлаш манбаларини белгилаш, шунингдек, республиканинг минерал-хом ашё базасини кенгайтириш бўйича геологларнинг меҳнатини рағбатлантириш мақсадида Вазирлар Маҳкамаси қарор қилади:
1. Вазирлар Маҳкамасининг 2007 йил 22 ноябрдаги 245-сон қарори (Ўзбекистон Республикаси ҚТ, 2007 й., 11-сон, 66-модда) билан тасдиқланган Саноат аҳамиятига эга бўлган фойдали қазилмалар янги конларини очганлик ёки илгари маълум бўлган конларни (конларнинг участкаларини) тубдан қайта баҳолаганлик учун пул мукофотлари тўғрисидаги низомга иловага мувофиқ ўзгартириш ва қўшимчалар киритилсин.
2. Ўзбекистон Республикаси Давлат геология ва минерал ресурслар қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг маслаҳатчиси — Саноат ва унинг базавий тармоқларини ҳамда кооперация алоқаларини ривожлантириш масалалари департаменти бошлиғи ҳамда Ўзбекистон Республикаси Давлат геология ва минерал ресурслар қўмитаси раиси Б.Ф. Исламов зиммасига юклансин.
Вазирлар Маҳкамасининг 2020 йил 20 майдаги 303-сон қарорига ИЛОВА
Саноат аҳамиятига эга бўлган фойдали қазилмалар янги конларини очганлик ёки илгари маълум бўлган конларни (конларнинг участкаларини) тубдан қайта баҳолаганлик учун пул мукофотлари тўғрисидаги низомга киритилаётган ўзгартириш ва қўшимчалар
1. 2-банддаги «амалга оширилган бўлса» сўзларидан кейин «(қимматбаҳо ва рангли металлар ва уран конлари бундан мустасно)» сўзлари қўшилсин.
2. 7-банднинг иккинчи хатбошисидаги «геологик таркиби» сўзлари «геологик тузилишининг» сўзлари билан алмаштирилсин.
3. 18-банд қуйидаги таҳрирда баён қилинсин:
«18. Пул мукофоти фойдали қазилмаларнинг янги конини очишда ва қидиришда ёки илгари маълум бўлган конни (кон участкасини) тубдан қайта баҳолашда бевосита қатнашган геология соҳасидаги юқори малакали геологлар, муҳандис-техник ходимлар, геофизиклар, геокимёгарлар, гидрогеологлар, топо-маркшейдрлар ва илмий-тадқиқот муассасаларининг илмий ходимлари, шунингдек, қидиришнинг юқори суръатларини ва ишончлилигини оширишга бевосита услубий ва техникавий раҳбарликни амалга оширган юқори ташкилот раҳбарлари ва мутахассисларига тўланади».
4. 22-бандда :
иккинчи хатбошидаги «Ўзбекнефтгаз» МХКнинг» сўзлари «Ўзбекнефтгаз» АЖнинг» сўзлари билан алмаштирилсин;
қуйидаги мазмундаги хатбоши қўшилсин:
«Навоий КМК» ДК ва «Олмалиқ КМК» АЖ маблағлари ҳисобига молиялаштирилган ҳолда қимматбаҳо, рангли металлар ва ураннинг янги конларини очганлик ёки илгари маълум бўлган конларни (кон участкаларини) тубдан қайта баҳолаганлик учун пул мукофотлари «Навоий КМК» ДК ва «Олмалиқ КМК» АЖ маблағлари ҳисобидан тўланади».
5. Низомга 1-илованинг 18-позицияси «III гуруҳ» устуни «а» кичик банди қуйидаги тахрирда баён қилинсин:
«а) фабрикада қайта ишлаш учун 15 — 30 тонна олтин захирали».
Ўзбекистон Республикасининг Бош вазири А. АРИПОВ
Тошкент ш.,
2020 йил 20 май,
303-сон
Oʻzbekiston Respublikasi Vazirlar Mahkamasining
qarori
Sanoat ahamiyatiga ega boʻlgan foydali qazilmalar yangi konlarini ochganlik yoki ilgari maʼlum boʻlgan konlarni (konlarning uchastkalarini) tubdan qayta baholaganlik uchun pul mukofotlari toʻgʻrisidagi nizomga oʻzgartirish va qoʻshimchalar kiritish haqida
Sanoat ahamiyatiga ega boʻlgan foydali qazilmalar yangi konlarini ochganlik yoki ilgari maʼlum boʻlgan konlarni (konlarning uchastkalarini) tubdan qayta baholaganlik uchun pul mukofotlari toʻlash manbalarini belgilash, shuningdek, respublikaning mineral-xom ashyo bazasini kengaytirish boʻyicha geologlarning mehnatini ragʻbatlantirish maqsadida Vazirlar Mahkamasi qaror qiladi:
1. Vazirlar Mahkamasining 2007-yil 22-noyabrdagi 245-son qarori (Oʻzbekiston Respublikasi QT, 2007-y., 11-son, 66-modda) bilan tasdiqlangan Sanoat ahamiyatiga ega boʻlgan foydali qazilmalar yangi konlarini ochganlik yoki ilgari maʼlum boʻlgan konlarni (konlarning uchastkalarini) tubdan qayta baholaganlik uchun pul mukofotlari toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Oʻzbekiston Respublikasi Davlat geologiya va mineral resurslar qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining maslahatchisi — Sanoat va uning bazaviy tarmoqlarini hamda kooperatsiya aloqalarini rivojlantirish masalalari departamenti boshligʻi hamda Oʻzbekiston Respublikasi Davlat geologiya va mineral resurslar qoʻmitasi raisi B.F. Islamov zimmasiga yuklansin.
Vazirlar Mahkamasining 2020-yil 20-maydagi 303-son qaroriga ILOVA
Sanoat ahamiyatiga ega boʻlgan foydali qazilmalar yangi konlarini ochganlik yoki ilgari maʼlum boʻlgan konlarni (konlarning uchastkalarini) tubdan qayta baholaganlik uchun pul mukofotlari toʻgʻrisidagi nizomga kiritilayotgan oʻzgartirish va qoʻshimchalar
1. 2-banddagi “amalga oshirilgan boʻlsa” soʻzlaridan keyin “(qimmatbaho va rangli metallar va uran konlari bundan mustasno)” soʻzlari qoʻshilsin.
2. 7-bandning ikkinchi xatboshisidagi “geologik tarkibi” soʻzlari “geologik tuzilishining” soʻzlari bilan almashtirilsin.
3. 18-band quyidagi tahrirda bayon qilinsin:
“18. Pul mukofoti foydali qazilmalarning yangi konini ochishda va qidirishda yoki ilgari maʼlum boʻlgan konni (kon uchastkasini) tubdan qayta baholashda bevosita qatnashgan geologiya sohasidagi yuqori malakali geologlar, muhandis-texnik xodimlar, geofiziklar, geokimyogarlar, gidrogeologlar, topo-marksheydrlar va ilmiy-tadqiqot muassasalarining ilmiy xodimlari, shuningdek, qidirishning yuqori surʼatlarini va ishonchliligini oshirishga bevosita uslubiy va texnikaviy rahbarlikni amalga oshirgan yuqori tashkilot rahbarlari va mutaxassislariga toʻlanadi”.
4. 22-bandda :
ikkinchi xatboshidagi “Oʻzbekneftgaz” MXKning” soʻzlari “Oʻzbekneftgaz” AJning” soʻzlari bilan almashtirilsin;
quyidagi mazmundagi xatboshi qoʻshilsin:
“Navoiy KMK” DK va “Olmaliq KMK” AJ mablagʻlari hisobiga moliyalashtirilgan holda qimmatbaho, rangli metallar va uranning yangi konlarini ochganlik yoki ilgari maʼlum boʻlgan konlarni (kon uchastkalarini) tubdan qayta baholaganlik uchun pul mukofotlari “Navoiy KMK” DK va “Olmaliq KMK” AJ mablagʻlari hisobidan toʻlanadi”.
5. Nizomga 1-ilovaning 18-pozitsiyasi “III guruh” ustuni “a” kichik bandi quyidagi taxrirda bayon qilinsin:
“a) fabrikada qayta ishlash uchun 15 — 30 tonna oltin zaxirali”.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 20-may,
303-son
Кабинета Министров Республики Узбекистан
Постановление
О внесении изменений и дополнений в Положение о денежных вознаграждениях за открытие новых или коренную переоценку ранее известных месторождений (участков месторождений) полезных ископаемых, имеющих промышленное значение
В целях определения источников выплат денежного вознаграждения за открытие новых или коренную переоценку ранее известных месторождений (участков месторождений) полезных ископаемых, имеющих промышленное значение, а также стимулирования труда геологоразведчиков по расширению минерально-сырьевой базы республики Кабинет Министров постановляет:
1. Внести изменения и дополнения в Положение о денежных вознаграждениях за открытие новых или коренную переоценку ранее известных месторождений (участков месторождений) полезных ископаемых, имеющих промышленное значение, утвержденное постановлением Кабинета Министров от 22 ноября 2007 г. № 245 (СП Республики Узбекистан, 2007 г., № 11, ст. 66 ), согласно приложению .
2. Государственному комитету Республики Узбекистан по геологии и минеральным ресурсам совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на советника Премьер-министра Республики Узбекистан — начальника Департамента по вопросам развития промышленности и ее базовых отраслей, а также кооперационных связей и председателя Государственного комитета Республики Узбекистан по геологии и минеральным ресурсам Б.Ф. Исламова.
ПРИЛОЖЕНИЕ к постановлению Кабинета Министров от 20 мая 2020 года № 303
Изменения и дополнения, вносимые в Положение о денежных вознаграждениях за открытие новых или коренную переоценку ранее известных месторождений (участков месторождений) полезных ископаемых, имеющих промышленное значение
1. Пункт 2 дополнить словами «(за исключением месторождений драгоценных и цветных металлов и урана)».
2. В абзаце втором пункта 7 слово «состав» заменить словом «строение».
3. Пункт 18 изложить в следующей редакции:
«18. Денежное вознаграждение выплачивается специалистам геологической отрасли, высококвалифицированным геологам, геофизикам, геохимикам, гидрогеологам, топомаркшейдерам, инженерно-техническим работникам, специалистам научно-исследовательских учреждений, непосредственно участвовавшим в открытии и разведке нового месторождения полезных ископаемых или коренной переоценке ранее известного месторождения (участка месторождения), а также специалистам технического профиля, руководителям и специалистам вышестоящей организации, непосредственно обеспечившим методическое, техническое руководство и высокие темпы достоверности разведки».
4. В пункте 22 :
в абзаце втором слова «НХК «Узбекнефтегаз»» заменить словами «АО «Узбекнефтегаз»»;
дополнить абзацем третьим следующего содержания:
«За открытие новых или коренную переоценку ранее известных месторождений (участков месторождений) драгоценных и цветных металлов и урана, выявленных за счет средств ГП «Навоийский ГМК» и АО «Алмалыкский ГМК», денежные вознаграждения выплачиваются за счет средств ГП «Навоийский ГМК» и АО «Алмалыкский ГМК».
5. Подпункт «а)» графы «III группа» позиции 18 приложения № 1 к Положению изложить в следующей редакции:
«а) с запасами 15 — 30 т золота для фабричной переработки».
Премьер-министр Республики Узбекистан А. АРИПОВ
г. Ташкент,
20 мая 2020 г.,
№ 303