UzbekAI

Ўзбекистон Республикаси Президентининг

Қарори

«Сардоба сув омбори» тўғонида юзага келган фавқулодда ҳодиса оқибатида жабрланган фуқароларни манзилли қўллаб-қувватлаш ва инфратузилмани тиклаш чора-тадбирларини молиялаштириш тўғрисида

Сирдарё вилоятида жойлашган «Сардоба сув омбори» тўғонида юзага келган фавқулодда ҳодиса оқибатларини бартараф этишни зарур маблағлар билан таъминлаш мақсадида:

1. Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги ҳамда Тикланиш ва тараққиёт жамғармасининг «Сардоба сув омбори» тўғонида юзага келган фавқулодда ҳодиса оқибатида зарар кўрган фуқароларни уй-жой билан таъминлаш ва инфратузилмани тиклаш учун Тикланиш ва тараққиёт жамғармасидан қайтариб бермаслик асосида Давлат бюджетига 100 млн долл. эквивалентидаги маблағлар ажратиш тўғрисидаги таклифи маъқуллансин.

Белгилансинки, ушбу маблағлар қуйидаги мақсадларга йўналтирилади:

Ўзбекистон Республикаси Сув хўжалиги вазирлигига талафот кўрган ҳудудларда сув тошқини оқибатида издан чиққан ирригация ва мелиорация объектларини тиклаш, шу жумладан коллекторлар, дренаж ва дренаж қудуқларини, мелиоратив насос станцияларини таъмирлаш ва тозалаш ишлари учун;

Ўзбекистон Республикаси Транспорт вазирлиги ҳузуридаги Автомобиль йўллари қўмитасига талафот кўрган ҳудудларда йўл-транспорт инфратузилмасини қуриш, реконструкция ва таъмирлаш ишлари учун;

Ўзбекистон Республикаси Уй-жой коммунал хизмат кўрсатиш вазирлигига талафот кўрган ҳудудларда тоза ичимлик суви ва канализация тизимларини қуриш ва реконструкция қилиш ишлари учун;

Сирдарё вилояти маҳаллий бюджетига Сардоба, Оқолтин ва Мирзаобод туманларида уй-жойи бузилган ёки яшаб бўлмайдиган аҳволга келган оилаларга 2020-2021 йиллар давомида кўп қаватли уй-жойларни қуриш ҳамда қуриб битказилган ва сотилмаган кўп қаватли уй-жойлардаги хонадонларни эгаликка бериш учун;

Ўзбекистон Республикаси Халқ таълими вазирлиги, Мактабгача таълим вазирлиги ҳамда Соғлиқни сақлаш вазирлигига Сирдарё вилоятининг Сардоба, Оқолтин ва Мирзаобод туманларида ижтимоий соҳа объектларини (мактабгача таълим ташкилотлари, умумтаълим мактаблар, тиббиёт муассасалари ва бошқалар) қуриш, реконструкция қилиш ва мукаммал таъмирлаш ишлари учун.

2. Ўзбекистон Республикаси Вазирлар Маҳкамаси ўн кун муддатда:

а) Сирдарё вилоятининг Сардоба, Оқолтин ва Мирзаобод туманларида:

уй-жойи бузилган ёки яшаб бўлмайдиган аҳволга келган оилалар учун 2020-2021 йиллар давомида кўп қаватли уй-жойлар қуриш параметрларини;

уй-жой массивларида зарур ижтимоий соҳа объектлари ва муҳандислик-транспорт коммуникацияларини қуриш, реконструкция қилиш ва таъмирлаш ишларининг манзилли дастурларини тасдиқласин;

б) Ўзбекистон Республикаси Президенти Администрациясига Мудофаа ва ҳуқуқ тартибот органларнинг тадбирлари ҳамда уларга Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурида кўзда тутилган жами 850 млрд сўм миқдоригача бўлган бюджет маблағларини мақбуллаштириш бўйича таклиф киритсин.

3. Мазкур қарорнинг 2-банди «б» кичик бандига асосан мақбуллаштириладиган маблағлар қуйидагиларга йўналтирилсин:

а) 2020 йилда Ўзбекистон Республикаси Президенти топшириқларига мувофиқ ҳудудларни ижтимоий-иқтисодий ривожлантириш бўйича харажатлар ҳисобидан қуйидагиларга ажратилган маблағлар ўрнини қоплаш учун:

Ўзбекистон Республикаси Президентининг 2020 йил 1 майдаги «Сирдарё вилоятида жойлашган «Сардоба сув омбори» тўғонида юзага келган фавқулодда ҳодиса оқибатларини бартараф этиш бўйича кечиктириб бўлмайдиган чора-тадбирлар тўғрисида»ги Ф-5569-сон фармойишига асосан Сирдарё вилояти маҳаллий бюджетига ажратилган 100 млрд сўм;

Ўзбекистон Республикаси Президентининг 2020 йил 30 январдаги «Мактабгача таълим соҳасида давлат-хусусий шерикликни янада ривожлантириш чора-тадбирлари тўғрисида»ги ПҚ-4581-сон қарорига асосан 2019 йил 1 декабрга қадар хусусий шериклар томонидан нодавлат мактабгача таълим ташкилотларини ташкил этиш, қуриш, реконструкция қилиш, таъмирлаш ва жиҳозлаш ишлари 25 фоиздан кам бўлмаган ҳажмда бажарилган давлат-хусусий шериклик тўғрисидаги битимлар бўйича кредитларни молиялаштириш учун ажратилган 182 млрд сўм;

Вазирлар Маҳкамасининг 2019 йил 14 ноябрдаги 950-сон фармойишига асосан Давлат ва жамоат эҳтиёжлари учун, шунингдек, бошқа мақсадларда фуқаролар ва тадбиркорлик субъектларига тегишли бўлган ер участкалари олиб қўйилиши ҳамда кўчмас мулк объектларининг бузилиши оқибатида етказилган зарар миқдори бўйича вужудга келган қарздорликни қоплаш учун Жиззах, Тошкент, Қашқадарё, Сурхондарё, Фарғона вилояти ҳамда Тошкент шаҳар маҳаллий бюджетларига ажратилган 352,7 млрд сўм;

Ўзбекистон Республикаси Президентининг 2020 йил 2 мартдаги «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастури тўғрисида» ПФ-5953-сон Фармони 9-бандига асосан янги ташкил этиладиган кичик саноат зоналарига барча зарур инфратузилмаларни етказиб бериш учун кичик саноат зоналарини бошқариш дирекцияларига ажратилган 85,3 млрд сўм;

б) Ўзбекистон Республикаси Президентининг 2020 йил 28 апрелдаги «Бухоро вилоятида юз берган табиий офат оқибатларини бартараф этиш бўйича кечиктириб бўлмайдиган чора-тадбирлар тўғрисида»ги Ф-5567-сон фармойишига асосан Бухоро вилояти маҳаллий бюджетига 130 млрд сўм ажратиш (шу жумладан, олдин ажратилган 100 млрд сўм ўрнини қоплаш) учун;

4. Белгилансинки, Сирдарё вилоятининг Сардоба, Оқолтин ва Мирзаобод туманларида қурилаётган кўп қаватли уй-жойлар ҳамда ижтимоий соҳа объектларига электр тармоқлари, табиий газ қувурлари ва алоқа тармоқларини тортиш ишлари тегишли «Ҳудудий электр тармоқлари» АЖ, «Ҳудудгазтаъминот» АЖ, «Ўзбектелеком» АК маблағлари ҳисобидан амалга оширилади.

5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2020 йил 21 май,

ПҚ-4722-сон

(Қонун ҳужжатлари маълумотлари миллий базаси, 21.05.2020 й., 07/20/4722/0631-сон)

lex.uz

Oʻzbekiston Respublikasi Prezidentining

Qarori

“Sardoba suv ombori” toʻgʻonida yuzaga kelgan favqulodda hodisa oqibatida jabrlangan fuqarolarni manzilli qoʻllab-quvvatlash va infratuzilmani tiklash chora-tadbirlarini moliyalashtirish toʻgʻrisida

Sirdaryo viloyatida joylashgan “Sardoba suv ombori” toʻgʻonida yuzaga kelgan favqulodda hodisa oqibatlarini bartaraf etishni zarur mablagʻlar bilan taʼminlash maqsadida:

1. Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi hamda Tiklanish va taraqqiyot jamgʻarmasining “Sardoba suv ombori” toʻgʻonida yuzaga kelgan favqulodda hodisa oqibatida zarar koʻrgan fuqarolarni uy-joy bilan taʼminlash va infratuzilmani tiklash uchun Tiklanish va taraqqiyot jamgʻarmasidan qaytarib bermaslik asosida Davlat budjetiga 100 mln doll. ekvivalentidagi mablagʻlar ajratish toʻgʻrisidagi taklifi maʼqullansin.

Belgilansinki, ushbu mablagʻlar quyidagi maqsadlarga yoʻnaltiriladi:

Oʻzbekiston Respublikasi Suv xoʻjaligi vazirligiga talafot koʻrgan hududlarda suv toshqini oqibatida izdan chiqqan irrigatsiya va melioratsiya obyektlarini tiklash, shu jumladan kollektorlar, drenaj va drenaj quduqlarini, meliorativ nasos stansiyalarini taʼmirlash va tozalash ishlari uchun;

Oʻzbekiston Respublikasi Transport vazirligi huzuridagi Avtomobil yoʻllari qoʻmitasiga talafot koʻrgan hududlarda yoʻl-transport infratuzilmasini qurish, rekonstruksiya va taʼmirlash ishlari uchun;

Oʻzbekiston Respublikasi Uy-joy kommunal xizmat koʻrsatish vazirligiga talafot koʻrgan hududlarda toza ichimlik suvi va kanalizatsiya tizimlarini qurish va rekonstruksiya qilish ishlari uchun;

Sirdaryo viloyati mahalliy budjetiga Sardoba, Oqoltin va Mirzaobod tumanlarida uy-joyi buzilgan yoki yashab boʻlmaydigan ahvolga kelgan oilalarga 2020-2021-yillar davomida koʻp qavatli uy-joylarni qurish hamda qurib bitkazilgan va sotilmagan koʻp qavatli uy-joylardagi xonadonlarni egalikka berish uchun;

Oʻzbekiston Respublikasi Xalq taʼlimi vazirligi, Maktabgacha taʼlim vazirligi hamda Sogʻliqni saqlash vazirligiga Sirdaryo viloyatining Sardoba, Oqoltin va Mirzaobod tumanlarida ijtimoiy soha obyektlarini (maktabgacha taʼlim tashkilotlari, umumtaʼlim maktablar, tibbiyot muassasalari va boshqalar) qurish, rekonstruksiya qilish va mukammal taʼmirlash ishlari uchun.

2. Oʻzbekiston Respublikasi Vazirlar Mahkamasi oʻn kun muddatda:

a) Sirdaryo viloyatining Sardoba, Oqoltin va Mirzaobod tumanlarida:

uy-joyi buzilgan yoki yashab boʻlmaydigan ahvolga kelgan oilalar uchun 2020-2021-yillar davomida koʻp qavatli uy-joylar qurish parametrlarini;

uy-joy massivlarida zarur ijtimoiy soha obyektlari va muhandislik-transport kommunikatsiyalarini qurish, rekonstruksiya qilish va taʼmirlash ishlarining manzilli dasturlarini tasdiqlasin;

b) Oʻzbekiston Respublikasi Prezidenti Administratsiyasiga Mudofaa va huquq tartibot organlarning tadbirlari hamda ularga Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturida koʻzda tutilgan jami 850 mlrd soʻm miqdorigacha boʻlgan budjet mablagʻlarini maqbullashtirish boʻyicha taklif kiritsin.

3. Mazkur qarorning 2-bandi “b” kichik bandiga asosan maqbullashtiriladigan mablagʻlar quyidagilarga yoʻnaltirilsin:

a) 2020-yilda Oʻzbekiston Respublikasi Prezidenti topshiriqlariga muvofiq hududlarni ijtimoiy-iqtisodiy rivojlantirish boʻyicha xarajatlar hisobidan quyidagilarga ajratilgan mablagʻlar oʻrnini qoplash uchun:

Oʻzbekiston Respublikasi Prezidentining 2020-yil 1-maydagi “Sirdaryo viloyatida joylashgan “Sardoba suv ombori” toʻgʻonida yuzaga kelgan favqulodda hodisa oqibatlarini bartaraf etish boʻyicha kechiktirib boʻlmaydigan chora-tadbirlar toʻgʻrisida”gi F-5569-son farmoyishiga asosan Sirdaryo viloyati mahalliy budjetiga ajratilgan 100 mlrd soʻm;

Oʻzbekiston Respublikasi Prezidentining 2020-yil 30-yanvardagi “Maktabgacha taʼlim sohasida davlat-xususiy sheriklikni yanada rivojlantirish chora-tadbirlari toʻgʻrisida”gi PQ-4581-son qaroriga asosan 2019-yil 1-dekabrga qadar xususiy sheriklar tomonidan nodavlat maktabgacha taʼlim tashkilotlarini tashkil etish, qurish, rekonstruksiya qilish, taʼmirlash va jihozlash ishlari 25 foizdan kam boʻlmagan hajmda bajarilgan davlat-xususiy sheriklik toʻgʻrisidagi bitimlar boʻyicha kreditlarni moliyalashtirish uchun ajratilgan 182 mlrd soʻm;

Vazirlar Mahkamasining 2019-yil 14-noyabrdagi 950-son farmoyishiga asosan Davlat va jamoat ehtiyojlari uchun, shuningdek, boshqa maqsadlarda fuqarolar va tadbirkorlik subyektlariga tegishli boʻlgan yer uchastkalari olib qoʻyilishi hamda koʻchmas mulk obyektlarining buzilishi oqibatida yetkazilgan zarar miqdori boʻyicha vujudga kelgan qarzdorlikni qoplash uchun Jizzax, Toshkent, Qashqadaryo, Surxondaryo, Fargʻona viloyati hamda Toshkent shahar mahalliy budjetlariga ajratilgan 352,7 mlrd soʻm;

Oʻzbekiston Respublikasi Prezidentining 2020-yil 2-martdagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid davlat dasturi toʻgʻrisida” PF-5953-son Farmoni 9-bandiga asosan yangi tashkil etiladigan kichik sanoat zonalariga barcha zarur infratuzilmalarni yetkazib berish uchun kichik sanoat zonalarini boshqarish direksiyalariga ajratilgan 85,3 mlrd soʻm;

b) Oʻzbekiston Respublikasi Prezidentining 2020-yil 28-apreldagi “Buxoro viloyatida yuz bergan tabiiy ofat oqibatlarini bartaraf etish boʻyicha kechiktirib boʻlmaydigan chora-tadbirlar toʻgʻrisida”gi F-5567-son farmoyishiga asosan Buxoro viloyati mahalliy budjetiga 130 mlrd soʻm ajratish (shu jumladan, oldin ajratilgan 100 mlrd soʻm oʻrnini qoplash) uchun;

4. Belgilansinki, Sirdaryo viloyatining Sardoba, Oqoltin va Mirzaobod tumanlarida qurilayotgan koʻp qavatli uy-joylar hamda ijtimoiy soha obyektlariga elektr tarmoqlari, tabiiy gaz quvurlari va aloqa tarmoqlarini tortish ishlari tegishli “Hududiy elektr tarmoqlari” AJ, “Hududgaztaʼminot” AJ, “Oʻzbektelekom” AK mablagʻlari hisobidan amalga oshiriladi.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2020-yil 21-may,

PQ-4722-son

(Qonun hujjatlari maʼlumotlari milliy bazasi, 21.05.2020-y., 07/20/4722/0631-son)

lex.uz

Президента Республики Узбекистан

Постановление

О финансировании мер по адресной поддержке граждан, пострадавших вследствии чрезвычайного происшествия на дамбе Сардобинского водохранилища и восстановлению инфраструктуры

В целях обеспечения средствами, необходимыми для ликвидации последствий чрезвычайного происшествия на дамбе Сардобинского водохранилища, расположенного в Сырдарьинской области:

1. Одобрить предложение Министерства финансов, Министерства экономического развития и сокращения бедности, Фонда реконструкции и развития Республики Узбекистан о выделении Государственному бюджету из Фонда реконструкции и развития средств в эквиваленте 100 млн долл. на безвозвратной основе для обеспечения жильем граждан, пострадавших вследствии чрезвычайного происшествия на дамбе Сардобинского водохранилища, и восстановлении инфраструктуры.

Установить, что данные средства направляются на:

восстановление разрушенных ирригационных и мелиоративных объектов, в том числе ремонт и очистку коллекторов, дренажей и дренажных скважин, мелиоративных насосных станций в районах, пострадавших от наводнения — Министерству водного хозяйства Республики Узбекистан;

строительство, реконструкцию и ремонт дорожно-транспортной инфраструктуры в пострадавших районах — Комитету по автомобильным дорогам при Министерстве транспорта Республики Узбекистан;

работы по строительству и реконструкции систем чистой питьевой воды и канализации в пострадавших районах — Министерству жилищно-коммунального обслуживания Республики Узбекистан;

строительство многоквартирных жилых домов и передачу в собственность квартир в построенных и нереализованных многоквартирных домах в Сардобинском, Акалтынском и Мирзаабадском районах в 2020-2021 годах семьям, жилые дома которых снесены либо пришли в состояние, непригодное для проживания — местному бюджету Сырдарьинской области;

работы по строительству, реконструкции и капитальному ремонту объектов социальной сферы (дошкольных образовательных организаций, общеобразовательных школ, медицинских учреждений и других) в Сардобинском, Акалтынском и Мирзаабадском районах Сырдарьинской области — Министерству народного образования, Министерству дошкольного образования, Министерству здравоохранения Республики Узбекистан.

2. Кабинету Министров Республики Узбекистан в десятидневный срок:

а) утвердить:

параметры строительства в 2020-2021 годах многоквартирных жилых домов в Сардобинском, Акалтынском и Мирзаабадском районах Сырдарьинской области семьям, дома которых разрушены либо пришли в состояние, непригодное для проживания;

адресные программы строительства, реконструкции и капитального ремонта необходимых объектов социальной сферы и инженерно-транспортных коммуникаций в жилых массивах Сардобинского, Акалтынского и Мирзаабадского районов Сырдарьинской области;

б) внести в Администрацию Президента Республики Узбекистан предложение об оптимизации бюджетных средств в размере до 850,0 млрд сумов, предусмотренных в Программе развития социальной и производственной инфраструктуры Республики Узбекистан на мероприятия органов по делам обороны и правоохранительных органов.

3. Средства, оптимизируемые в соответствии с подпунктом «б» пункта 2 настоящего постановления, направляются:

а) на возмещение средств, выделенных в 2020 году за счет расходов на социально-экономическое развитие регионов в соответствии с поручениями Президента Республики Узбекистан, в частности:

100 млрд сумов, выделенных на основании распоряжения Президента Республики Узбекистан от 1 мая 2020 года № Р-5569 «О неотложных мерах по ликвидации последствий чрезвычайного происшествия на дамбе «Сардобинского водохранилища», расположенного в Сырдарьинской области» местному бюджету Сырдарьинской области;

182 млрд сумов, выделенных на основании постановления Президента Республики Узбекистан от 30 января 2020 года № ПП-4581 «О мерах по дальнейшему развитию государственно-частного партнерства в сфере дошкольного образования» для финансирования кредитов по соглашениям о государственно-частном партнерстве, в соответствии с которыми до 1 декабря 2019 года работы по созданию, строительству, реконструкции, ремонту и оснащению негосударственных дошкольных образовательных организаций частными партнерами выполнены в объеме не менее 25 процентов;

352,7 млрд сумов, выделенных местным бюджетам Джизакской, Ташкентской, Кашкадарьинской, Сурхандарьинской, Ферганской областей и города Ташкента на основании распоряжения Кабинета Министров Республики Узбекистан от 14 ноября 2019 года № 950 на покрытие задолженности по возмещению ущерба, образовавшегося вследствие изъятия земельных участков и сноса объектов недвижимости для государственных и общественных нужд, принадлежащих гражданам и субъектам предпринимательства, и на другие цели;

85,3 млрд сумов, выделенных дирекциям по управлению малыми промышленными зонами для обеспечения создаваемых новых малых промышленных зон всей необходимой инфраструктурой на основании пункта 9 Указа Президента Республики Узбекистан от 2 марта 2020 года № УП-5953 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год развития науки, просвещения и цифровой экономики»;

б) на выделение местному бюджету Бухарской области 130 млрд сумов (в том числе на возмещение ранее выделенных 100 млрд сумов) на основании распоряжения Президента Республики Узбекистан от 28 апреля 2020 года № Р-5567 «О неотложных мерах по ликвидации последствий стихийного бедствия, происшедшего в Бухарской области»;

4. Установить, что работы по подведению электрических сетей, прокладки газопровода и сетей связи к строящимся многоэтажным домам и объектам социальной сферы в Сардобинском, Акалтынском и Мирзаабадском районах Сырдарьинской области производятся за счет средств соответственно АО «Худудий электр тармоклари», АО «Худудгазтаъминот», АК «Узбектелеком».

5. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

21 мая 2020 г.,

№ ПП-4722

(Национальная база данных законодательства, 21.05.2020 г., № 07/20/4722/0631)

lex.uz