📅 2020-yil 22-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 22 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 мая 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 22 May 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
КОМПЛЕКС ЧОРА-ТАДБИРЛАР
Қишлоқ хўжалигида сувдан фойдаланиш самарадорлигини ошириш ва сувни етказиб бериш бўйича харажатларни қоплаш чора-тадбирлари тўғрисида
Ўзбекистон Республикаси Президентининг «Қишлоқ хўжалигида ер ва сув ресурсларидан самарали фойдаланиш чора-тадбирлари тўғрисида» 2019 йил 17 июндаги ПФ-5742-сон Фармони ҳамда «Сув ресурсларини бошқариш тизимини янада такомиллаштириш чора-тадбирлари тўғрисида» 2019 йил 9 октябрдаги ПҚ-4486-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Сув хўжалиги вазирлигининг сувни етказиб бериш бўйича харажатларни сув истеъмолчилари томонидан қоплашни сув ресурсларидан фойдаланганлик учун солиқ ставкалари миқдорига босқичма-босқич қўшиш орқали амалга ошириш тўғрисидаги таклифига розилик берилсин.
2. Ўзбекистон Республикаси Сув хўжалиги вазирлиги 2020 йил 15 июнгача сувни етказиб бериш бўйича харажатларни инобатга олган ҳолда сув ресурсларидан фойдаланганлик учун солиқ ставкаларининг янги миқдори юзасидан асослантирилган таклифларни «2021 йил учун Ўзбекистон Республикасининг Давлат бюджети тўғрисида»ги Ўзбекистон Республикаси Қонуни лойиҳасида назарда тутиш учун Ўзбекистон Республикаси Молия вазирлигига киритсин.
3. Сувдан фойдаланувчилар ва сув истеъмолчилари томонидан сув ресурсларини бошқариш, ҳисобга олиш ҳамда истеъмол қилинган сув ресурсларининг ҳисоботини юритиш юзасидан комплекс чора-тадбирлар 1-иловага мувофиқ тасдиқласин.
4. Ўзбекистон Республикаси Сув хўжалиги вазирлиги:
а) «Давергеодезкадастр» давлат қўмитаси ҳамда Ахборот технологиялари ва коммуникацияларни ривожлантириш вазирлиги билан биргаликда икки ой муддатда рақамли технологияларни қўллаган ҳолда сув омборларининг фойдали сиғимига даврий равишда аниқлик киритиб бориш чора-тадбирларини тасдиқласин;
б) Ахборот технологиялари ва коммуникацияларни ривожлантириш вазирлиги ҳамда Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда 2 ва 3-иловаларга мувофиқ сув хўжалиги объектларида сув ресурслари ҳамда электр энергиясидан фойдаланишни «oнлайн» режимида назорат қилиш имконини берувчи рақамли технологиялар жорий этилишини таъминласин.
в) Молия вазирлиги, Иқтисодий тараққиёт ва камбағалликни қисқартириш вазирлиги, Инвестициялар ва ташқи савдо вазирлиги билан биргаликда сув хўжалиги ташкилотлари ҳисобидаги:
сув омборлари ва ирригация тизимларидаги сув олиш жойларини сувни бошқариш ва ҳисобга олиш воситалари (гидропостлар) билан жиҳозлаш;
сув омборлари, ирригация тизимлари ва насос станцияларда рақамли технологияларни жорий қилиш, сув ресурслари ва электр энергиясидан фойдаланишни «онлайн» режимда назорат қилиш технологияларини жорий этиш билан боғлиқ харажатлар Давлат бюджети маблағлари, хорижий инвестициялар, шу жумладан, жалб этиладиган грантлар ҳисобидан молиялаштирилишини ташкил қилсин.
5. Қорақалпоғистон Республикаси Вазирлар Кенгаши ҳамда вилоятлар ва туманлар ҳокимликлари икки ой муддатда сув истеъмолчилари уюшмалари суғориш тармоқларидаги гидротехник иншоотларни таъмирлаш ва тиклаш, фермер хўжаликлари, кластерлар ва бошқа сув истеъмолчиларининг бош сув олиш жойларини сувни бошқариш ва ҳисобга олиш воситалари билан жиҳозлаш муддатлари ва ушбу тадбирларни молиялаштириш манбалари юзасидан келишилган таклифларни Вазирлар Маҳкамасига киритсин.
6. Тижорат банкларига сув истеъмолчиларига сув олиш жойларини сувни бошқариш ва ҳисобга олиш воситалари билан жиҳозлаш ишларини амалга ошириш учун зарур миқдорда кредитлар ажратиш тавсия этилсин.
7. Қуйидагилар:
Ўзбекистон Республикаси Сув хўжалиги вазирлиги манфаатдор вазирлик ва идоралар билан биргаликда сув омборлари ва ирригация тизимларидаги сув олиш жойларини 2022 йил 1 декабрга қадар сувни бошқариш ва ҳисобга олиш воситалари билан тўлиқ жиҳозлаш ҳамда 2023 йил 1 декабрга қадар рақамли технология асосида туманлар чегарасида «онлайн» режимида сув ресурслари ва вазирлик тизимидаги насос станцияларда электр энергиясидан фойдаланишни назорат қилишни жорий қилишга;
Қорақалпоғистон Республикаси Вазирлар Кенгаши, вилоятлар ва туманлар ҳокимликлари Ўзбекистон Республикаси Сув хўжалиги вазирлиги ҳамда сув истеъмолчилари уюшмалари билан биргаликда 2023 йил 1 декабрга қадар сув истеъмолчиларининг бош сув олиш жойларини сувни бошқариш ва ҳисобга олиш воситалари билан тўлиқ жиҳозлашни ташкил қилишга;
барча сувдан фойдаланувчилар ва сув истеъмолчилари сувдан фойдаланиш ва сув истеъмоли тартибига тўлиқ амал қилишга ҳамда сувнинг ҳисоб-китобини ўз вақтида юритишга масъул эканлиги белгилаб қўйилсин.
8. Қуйидагилар маълумот учун қабул қилинсин:
а) Ўзбекистон Республикасининг «Сув ва сувдан фойдаланиш тўғрисида»ги Қонунига мувофиқ сув истеъмолчилари:
белгиланган сув олиш лимитлари ва сув истеъмоли қоидаларига риоя этиши, сувни махсус истеъмол қилишда қонун ҳужжатларида белгиланган тартибда рухсатномани расмийлаштириши;
сув олиш жойларини сувни бошқариш ва ҳисобга олиш воситалари билан жиҳозлаши, ички сув объектлари ва иншоотларини техник жиҳатдан соз ҳолда сақлаши, улардан фойдаланишнинг белгиланган қоидаларига риоя этиши ҳамда сувни шартнома асосида истеъмол қилиши зарур;
б) сув истеъмолчилари томонидан олинган сув ресурсларининг ҳисоби ва ҳисоботи Вазирлар Маҳкамасининг 2013 йил 19 мартдаги 82-сон қарори билан тасдиқланган Ўзбекистон Республикасида сувдан фойдаланиш ва сув истеъмоли тартиби тўғрисидаги низомда белгиланган тартибга мувофиқ амалга оширилади;
в) Ўзбекистон Республикасининг Солиқ кодексига мувофиқ сув истеъмолчилари лимитдан ортиқча сув олганда, лимитдан ортиқча олинган сув учун, шунингдек, рухсат берувчи ҳужжатларсиз сув ресурсларини истеъмол қилганда, сувдан фойдаланганлик учун солиқ белгиланган ставкага нисбатан беш баробарга оширилган миқдорда ундирилади.
9. Сув хўжалиги вазирлиги ҳузуридаги Сув хўжалиги объектлари хавфсизлигини ва сувдан фойдаланишни назорат қилиш инспекцияси сув олиш жойларини сувни бошқариш ва ҳисобга олиш воситалари билан жиҳозлаш ҳамда сувнинг ҳисоб-китоби юритилиши юзасидан тизимли мониторинг ўрнатсин, жойларда мақсадли ўрганишлар ўтказсин ҳамда ҳар чорак якуни бўйича бажарилган ишлар тўғрисида Сув хўжалиги вазирлигига ахборот тақдим қилиб борсин.
10. Вазирлар Маҳкамасининг «Ўзбекистон Республикасида сувдан фойдаланиш ва сув истеъмоли тартиби тўғрисидаги низомни тасдиқлаш ҳақида» 2013 йил 19 мартдаги 82-сон қарорига (Ўзбекистон Республикаси ҚТ, 2013 й., 3-сон, 20 модда) 4-иловага мувофиқ ўзгартириш ва қўшимчалар киритилсин.
11. Ўзбекистон Республикаси Сув хўжалиги вазирлиги бошқа манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
12. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров, Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ў.И. Барноев, Ўзбекистон Республикаси сув хўжалиги вазири Ш.Р. Хамраев, Қорақалпоғистон Республикаси Вазирлар Кенгаши раиси Қ.Р. Сариев ҳамда вилоятлар ҳокимлари зиммасига юклансин.
Вазирлар Маҳкамасининг 2020 йил 22 майдаги 310-сон қарорига 1-ИЛОВА
Сувдан фойдаланувчилар ва сув истеъмолчилари томонидан сув ресурларини бошқариш, ҳисобга олиш ҳамда истеъмол қилинган сув ресурсининг ҳисоботини юритиш юзасидан
Т/р Тадбир номи Молиялаштириш манбаи Ижро муддати Масъул вазирлик ва идоралар I. Сув ресурларини бошқариш, ҳисобга олиш ҳамда истеъмол қилиш соҳасидаги норматив-ҳуқуқий ҳужжатларни янада такомиллаштириш 1. Сувдан фойдаланиш ва сув истеъмоли бўйича наъмунавий шартномаларни ишлаб чиқиш, белгиланган тартибда тасдиқлаш ва жойларга етказиш. Маблағ талаб этилмайди 2020 йил 15 июль Сув хўжалиги вазирлиги, манфаатдор вазирлик ва идоралар 2. Сув олиш жойларининг рўйхатга олиш тартибини ишлаб чиқиш ва белгиланган тартибда тасдиқлаш. 2020 йил 15 июль 3. Гидропостларни аттестациядан ўтказиш тартибини ишлаб чиқиш ва белгиланган тартибда тасдиқлаш. 2020 йил 15 июль II. Сув хўжалиги объектларининг техник ҳолатини яхшилаш 4. Сув хўжалиги вазирлиги тизимидаги ташкилотлар ҳисобидаги сув омборларининг лойиҳавий сув сиғимларини таҳлил қилиш ҳамда уларнинг амалдаги сиғимини рақамли технологиялари ёрдамида қайта аниқлаш. Сув хўжалиги тизими ташкилотларига бюджетдан ажратилган маблағлар, Сув хўжалигини ривожлантириш жамғарма маблағи 2021 — 2023 йилларда жадвал бўйича Сув хўжалиги вазирлиги, манфаатдор вазирлик ва идоралар 5. Сув хўжалиги вазирлиги тизимидаги ташкилотлар ҳисобидаги сув омборлари, ирригация тизими каналлари ва бошқа сув хўжалиги объектларидаги сув олиш жойларини ва улардаги сувни бошқариш ва ҳисобга олиш воситаларини хатловдан ўтказиш. Сув истеъмолчилари ҳисобидаги суғориш тармоқларини, улардаги иншоотлар, шунингдек, фермер хўжаликлари, кластерлар ва бошқа сув истеъмолчиларининг бош сув олиш жойларини хатловдан ўтказиш. Сув олиш жойлари, сувни бошқариш ва ҳисобга олиш воситаларининг техник ҳолати бўйича нуқсонлар далолатномаларини расмийлаштириш. Маблағ талаб этилмайди 2020 йил 1 июль 2020 йил 10 июль 2020 йил 20 июль Сув хўжалиги вазирлиги, манфаатдор вазирлик ва идоралар Сув хўжалиги вазирлиги, сув истеъмолчилари уюшмалари 6. Сув омборлар, ирригация тизими каналлари ва бошқа сув хўжалиги объектларидаги сув олиш жойларини сувни бошқариш ва ҳисобга олиш воситалари билан жиҳозлаш. Давлат бюджети маблағлари, хорижий инвестициялар ва грантлар 2020 — 2023 йиллар жадвал бўйича Сув хўжалиги вазирлиги, Молия вазирлиги, «Амударё» ҳавзаси сув хўжалиги бирлашмаси, «Сирдарё» ҳавзаси сув хўжалиги бирлашмаси 7. Сув истеъмолчилари уюшмаларининг суғориш тармоқларидаги гидротехник иншоотларни таъмирлаш ва тиклаш, фермер хўжаликлари, кластер ташкилотлари ва бошқа сув истеъмолчиларнинг бош сув олиш жойларини сувни бошқариш ва ҳисобга олиш воситалари билан жиҳозлаш. Сув истеъмолчилари маблағлари, тижорат банклари кредити, хорижий инвестициялар ва грантлар 2020 — 2023 йиллар жадвал бўйича Қорақалпоғистон Республикаси Вазирлар Кенгаши, вилоятлар ва туманлар ҳокимликлари, Сув хўжалиги вазирлиги, Молия вазирлиги, Иқтисодиёт ва саноат вазирлиги, Инвестициялар ва ташқи савдо вазирлиги, сув истеъмолчилари уюшмалари, сув истеъмолчилари III. Сувнинг ҳисоб-китобини юритишни тизимини такомиллаштириш 8. Сув хўжалиги вазирлиги ва унинг тизимидаги барча сув хўжалиги ташкилотларининг диспетчирлик хизматларининг моддий техника базасини мустаҳкамлаш. Сув ресурслари ва улардан фойдаланиш юзасидан маълумотлар базасини тўлиқ шакиллантириш. Сув хўжалиги тизимидаги ташкилотларга бюджетдан ажратилган маблағлар, Сув хўжалигини ривожлантириш жамғарма маблағи ва ташкилотларнинг ривожлантириш жамғармаси маблағлари 2020 — 2025 йиллар жадвал бўйича Сув хўжалиги вазирлиги, «Ўзгидромет» маркази, Ахборот технологиялари ва коммуникацияларни ривожлантириш вазирлиги, «Амударё» ҳавзаси сув хўжалиги бирлашмаси, «Сирдарё» ҳавзаси сув хўжалиги бирлашмаси 9. Дарёлар, сув омборлари ва бошқа сув хўжалиги объектларида, шунингдек, ҳудудлардаги мавжуд сув ресурслари бўйича кунлик маълумотларни вазирлик расмий веб-сайтида жойлаштирилишини таъминлаш. Маблағ талаб этилмайди 2020 йил 1 июль Сув хўжалиги вазирлиги, «Ўзгидромет» маркази, Ахборот технологиялари ва коммуникацияларни ривожлантириш вазирлиги 10. Сув истеъмолчиларининг сув олиш жойлари ва сувни ҳисобга олиш воситаларининг (гидропост) наъмунавий лойиҳаларини ишлаб чиқиш ва жойларга етказиш. Маблағ талаб этилмайди 2020 йил 1 август Сув хўжалиги вазирлиги, Ирригация ва сув муаммолари илмий-тадқиқот институти 11. Сув омборлари, насос станциялари, ирригация тизимлари, суғориш тармоқлари ҳамда сув олиш жойларида сув ресурслари ва электр энергияси ҳисоб-китобини юритиш юзасидан илмий-тадқиқот ишларини олиб бориш ҳамда тавсиялар ишлаб чиқиш. Сув хўжалиги тизими ташкилотларига бюджетдан ажратилган маблағлар ва ташкилотларнинг ривожлантириш жамғармаси маблағлари 2020 — 2025 йиллар жадвал бўйича Сув хўжалиги вазирлиги, Молия вазирлиги, Ирригация ва сув муаммолари илмий-тадқиқот институти
Вазирлар Маҳкамасининг 2020 йил 22 майдаги 310-сон қарорига 2-ИЛОВА
Сув омборлари ва ирригация тизимларида сув ресурсларидан фойдаланиши рақамли технологиялар ёрдамида «онлайн» режимида назорат қилишни жорий қилиш кўрсаткичлари
Жами ўрнатиладиган қурилма сони, дона шу жумладан: сув омборларда ирригация тизимларида: вилоятлараро ирригация тизимларида туманлараро ирригация тизимларида туманлар ирригация тизимларида жами шундан: жами шундан: жами шундан: жами шундан: 2021 й 2022 й 2021 й 2022 й 2021 й 2022 й 2023 й 2021 й 2022 й 2023 й Қорақалпоғистон Республикаси 1 302 37 30 7 180 36 63 81 1 085 162 271 652 вилоятлар: Андижон 2 086 2 1 1 32 26 6 196 39 68 89 1 856 278 164 1 414 Бухоро 1 319 3 1 2 34 27 7 121 24 42 55 1 161 174 290 697 Жиззах 664 7 3 4 23 18 5 132 26 46 60 502 75 125 302 Қашқадарё 1 515 13 5 8 52 39 13 169 33 59 77 1 281 192 320 769 Навоий 327 13 10 3 44 9 15 20 270 40 67 163 Наманган 2 330 11 4 7 21 15 6 143 28 50 65 2 155 322 538 1 295 Самарканд 1 241 5 2 3 18 14 4 168 33 58 77 1 050 157 262 631 Сурхондарё 991 5 2 3 19 14 5 143 28 50 65 824 123 206 495 Сирдарё 1 461 1 1 24 16 8 96 19 33 44 1 340 201 335 804 Тошкент 2 433 3 1 2 25 20 5 180 36 63 81 2 225 334 556 1 335 Фарғона 2 550 5 2 3 26 20 6 224 44 79 101 2 295 344 573 1 378 Хоразм 357 1 1 20 16 4 99 20 34 45 237 36 59 142 ЖАМИ 18 576 56 21 35 344 265 79 1 895 375 660 860 16 281 2 438 3 766 10 077
Вазирлар Маҳкамасининг 2020 йил 22 майдаги 310-сон қарорига 3-ИЛОВА
Сув хўжалиги вазирлиги тизимидаги насос станцияларида электр энергиясидан фойдаланишда рақамли технологиялар ёрдамида «онлайн» режимида назорат қилишни жорий қилиш
дона Жами насос станция сони Ўрнатиладиган шундан: электр энергия ҳисоблагич сони қурилма сони 2021 йил 2022 йил 2023 йил Қорақалпоғистон Республикаси 273 409 409 62 123 224 вилоятлар: Андижон 147 133 133 20 40 73 Бухоро 31 20 20 3 6 11 Жиззах 35 44 44 7 13 24 Қашқадарё 62 82 82 12 25 45 Навоий 41 54 54 9 16 29 Наманган 206 277 277 42 83 152 Самарканд 91 62 62 10 18 34 Сурхондарё 110 132 132 19 40 73 Сирдарё 42 103 103 16 31 56 Тошкент 150 154 154 23 46 85 Фарғона 168 174 174 27 52 95 Хоразм 298 435 435 67 130 238 Қашқадарё магистрал каналидан фойдаланиш бошқармаси 14 14 14 2 4 8 Аму-Бухоро машина каналидан фойдаланиш бошқармаси 11 41 41 6 12 23 Жиззах бош насос станциясидан фойдаланиш бошқармаси 8 14 14 2 4 8 ЖАМИ 1687 2148 2148 327 643 1178
Ўзбекистон Республикасининг Бош вазири А. АРИПОВ
Тошкент ш.,
2020 йил 22 май,
310-сон
Oʻzbekiston Respublikasi Vazirlar Mahkamasining
qarori
KOMPLEKS CHORA-TADBIRLAR
Qishloq xoʻjaligida suvdan foydalanish samaradorligini oshirish va suvni yetkazib berish boʻyicha xarajatlarni qoplash chora-tadbirlari toʻgʻrisida
Oʻzbekiston Respublikasi Prezidentining “Qishloq xoʻjaligida yer va suv resurslaridan samarali foydalanish chora-tadbirlari toʻgʻrisida” 2019-yil 17-iyundagi PF-5742-son Farmoni hamda “Suv resurslarini boshqarish tizimini yanada takomillashtirish chora-tadbirlari toʻgʻrisida” 2019-yil 9-oktabrdagi PQ-4486-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Suv xoʻjaligi vazirligining suvni yetkazib berish boʻyicha xarajatlarni suv isteʼmolchilari tomonidan qoplashni suv resurslaridan foydalanganlik uchun soliq stavkalari miqdoriga bosqichma-bosqich qoʻshish orqali amalga oshirish toʻgʻrisidagi taklifiga rozilik berilsin.
2. Oʻzbekiston Respublikasi Suv xoʻjaligi vazirligi 2020-yil 15-iyungacha suvni yetkazib berish boʻyicha xarajatlarni inobatga olgan holda suv resurslaridan foydalanganlik uchun soliq stavkalarining yangi miqdori yuzasidan asoslantirilgan takliflarni “2021-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuni loyihasida nazarda tutish uchun Oʻzbekiston Respublikasi Moliya vazirligiga kiritsin.
3. Suvdan foydalanuvchilar va suv isteʼmolchilari tomonidan suv resurslarini boshqarish, hisobga olish hamda isteʼmol qilingan suv resurslarining hisobotini yuritish yuzasidan kompleks chora-tadbirlar 1-ilovaga muvofiq tasdiqlasin.
4. Oʻzbekiston Respublikasi Suv xoʻjaligi vazirligi:
a) “Davergeodezkadastr” davlat qoʻmitasi hamda Axborot texnologiyalari va kommunikatsiyalarni rivojlantirish vazirligi bilan birgalikda ikki oy muddatda raqamli texnologiyalarni qoʻllagan holda suv omborlarining foydali sigʻimiga davriy ravishda aniqlik kiritib borish chora-tadbirlarini tasdiqlasin;
b) Axborot texnologiyalari va kommunikatsiyalarni rivojlantirish vazirligi hamda Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda 2 va 3-ilovalarga muvofiq suv xoʻjaligi obyektlarida suv resurslari hamda elektr energiyasidan foydalanishni “onlayn” rejimida nazorat qilish imkonini beruvchi raqamli texnologiyalar joriy etilishini taʼminlasin.
v) Moliya vazirligi, Iqtisodiy taraqqiyot va kambagʻallikni qisqartirish vazirligi, Investitsiyalar va tashqi savdo vazirligi bilan birgalikda suv xoʻjaligi tashkilotlari hisobidagi:
suv omborlari va irrigatsiya tizimlaridagi suv olish joylarini suvni boshqarish va hisobga olish vositalari (gidropostlar) bilan jihozlash;
suv omborlari, irrigatsiya tizimlari va nasos stansiyalarda raqamli texnologiyalarni joriy qilish, suv resurslari va elektr energiyasidan foydalanishni “onlayn” rejimda nazorat qilish texnologiyalarini joriy etish bilan bogʻliq xarajatlar Davlat budjeti mablagʻlari, xorijiy investitsiyalar, shu jumladan, jalb etiladigan grantlar hisobidan moliyalashtirilishini tashkil qilsin.
5. Qoraqalpogʻiston Respublikasi Vazirlar Kengashi hamda viloyatlar va tumanlar hokimliklari ikki oy muddatda suv isteʼmolchilari uyushmalari sugʻorish tarmoqlaridagi gidrotexnik inshootlarni taʼmirlash va tiklash, fermer xoʻjaliklari, klasterlar va boshqa suv isteʼmolchilarining bosh suv olish joylarini suvni boshqarish va hisobga olish vositalari bilan jihozlash muddatlari va ushbu tadbirlarni moliyalashtirish manbalari yuzasidan kelishilgan takliflarni Vazirlar Mahkamasiga kiritsin.
6. Tijorat banklariga suv isteʼmolchilariga suv olish joylarini suvni boshqarish va hisobga olish vositalari bilan jihozlash ishlarini amalga oshirish uchun zarur miqdorda kreditlar ajratish tavsiya etilsin.
7. Quyidagilar:
Oʻzbekiston Respublikasi Suv xoʻjaligi vazirligi manfaatdor vazirlik va idoralar bilan birgalikda suv omborlari va irrigatsiya tizimlaridagi suv olish joylarini 2022-yil 1-dekabrga qadar suvni boshqarish va hisobga olish vositalari bilan toʻliq jihozlash hamda 2023-yil 1-dekabrga qadar raqamli texnologiya asosida tumanlar chegarasida “onlayn” rejimida suv resurslari va vazirlik tizimidagi nasos stansiyalarda elektr energiyasidan foydalanishni nazorat qilishni joriy qilishga;
Qoraqalpogʻiston Respublikasi Vazirlar Kengashi, viloyatlar va tumanlar hokimliklari Oʻzbekiston Respublikasi Suv xoʻjaligi vazirligi hamda suv isteʼmolchilari uyushmalari bilan birgalikda 2023-yil 1-dekabrga qadar suv isteʼmolchilarining bosh suv olish joylarini suvni boshqarish va hisobga olish vositalari bilan toʻliq jihozlashni tashkil qilishga;
barcha suvdan foydalanuvchilar va suv isteʼmolchilari suvdan foydalanish va suv isteʼmoli tartibiga toʻliq amal qilishga hamda suvning hisob-kitobini oʻz vaqtida yuritishga masʼul ekanligi belgilab qoʻyilsin.
8. Quyidagilar maʼlumot uchun qabul qilinsin:
a) Oʻzbekiston Respublikasining “Suv va suvdan foydalanish toʻgʻrisida”gi Qonuniga muvofiq suv isteʼmolchilari:
belgilangan suv olish limitlari va suv isteʼmoli qoidalariga rioya etishi, suvni maxsus isteʼmol qilishda qonun hujjatlarida belgilangan tartibda ruxsatnomani rasmiylashtirishi;
suv olish joylarini suvni boshqarish va hisobga olish vositalari bilan jihozlashi, ichki suv obyektlari va inshootlarini texnik jihatdan soz holda saqlashi, ulardan foydalanishning belgilangan qoidalariga rioya etishi hamda suvni shartnoma asosida isteʼmol qilishi zarur;
b) suv isteʼmolchilari tomonidan olingan suv resurslarining hisobi va hisoboti Vazirlar Mahkamasining 2013-yil 19-martdagi 82-son qarori bilan tasdiqlangan Oʻzbekiston Respublikasida suvdan foydalanish va suv isteʼmoli tartibi toʻgʻrisidagi nizomda belgilangan tartibga muvofiq amalga oshiriladi;
v) Oʻzbekiston Respublikasining Soliq kodeksiga muvofiq suv isteʼmolchilari limitdan ortiqcha suv olganda, limitdan ortiqcha olingan suv uchun, shuningdek, ruxsat beruvchi hujjatlarsiz suv resurslarini isteʼmol qilganda, suvdan foydalanganlik uchun soliq belgilangan stavkaga nisbatan besh barobarga oshirilgan miqdorda undiriladi.
9. Suv xoʻjaligi vazirligi huzuridagi Suv xoʻjaligi obyektlari xavfsizligini va suvdan foydalanishni nazorat qilish inspeksiyasi suv olish joylarini suvni boshqarish va hisobga olish vositalari bilan jihozlash hamda suvning hisob-kitobi yuritilishi yuzasidan tizimli monitoring oʻrnatsin, joylarda maqsadli oʻrganishlar oʻtkazsin hamda har chorak yakuni boʻyicha bajarilgan ishlar toʻgʻrisida Suv xoʻjaligi vazirligiga axborot taqdim qilib borsin.
10. Vazirlar Mahkamasining “Oʻzbekiston Respublikasida suvdan foydalanish va suv isteʼmoli tartibi toʻgʻrisidagi nizomni tasdiqlash haqida” 2013-yil 19-martdagi 82-son qaroriga (Oʻzbekiston Respublikasi QT, 2013-y., 3-son, 20 modda) 4-ilovaga muvofiq oʻzgartirish va qoʻshimchalar kiritilsin.
11. Oʻzbekiston Respublikasi Suv xoʻjaligi vazirligi boshqa manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
12. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov, Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev, Oʻzbekiston Respublikasi suv xoʻjaligi vaziri Sh.R. Xamrayev, Qoraqalpogʻiston Respublikasi Vazirlar Kengashi raisi Q.R. Sariyev hamda viloyatlar hokimlari zimmasiga yuklansin.
Vazirlar Mahkamasining 2020-yil 22-maydagi 310-son qaroriga 1-ILOVA
Suvdan foydalanuvchilar va suv isteʼmolchilari tomonidan suv resurlarini boshqarish, hisobga olish hamda isteʼmol qilingan suv resursining hisobotini yuritish yuzasidan
T/r Tadbir nomi Moliyalashtirish manbai Ijro muddati Masʼul vazirlik va idoralar I. Suv resurlarini boshqarish, hisobga olish hamda isteʼmol qilish sohasidagi normativ-huquqiy hujjatlarni yanada takomillashtirish 1. Suvdan foydalanish va suv isteʼmoli boʻyicha naʼmunaviy shartnomalarni ishlab chiqish, belgilangan tartibda tasdiqlash va joylarga yetkazish. Mablagʻ talab etilmaydi 2020-yil 15-iyul Suv xoʻjaligi vazirligi, manfaatdor vazirlik va idoralar 2. Suv olish joylarining roʻyxatga olish tartibini ishlab chiqish va belgilangan tartibda tasdiqlash. 2020-yil 15-iyul 3. Gidropostlarni attestatsiyadan oʻtkazish tartibini ishlab chiqish va belgilangan tartibda tasdiqlash. 2020-yil 15-iyul II. Suv xoʻjaligi obyektlarining texnik holatini yaxshilash 4. Suv xoʻjaligi vazirligi tizimidagi tashkilotlar hisobidagi suv omborlarining loyihaviy suv sigʻimlarini tahlil qilish hamda ularning amaldagi sigʻimini raqamli texnologiyalari yordamida qayta aniqlash. Suv xoʻjaligi tizimi tashkilotlariga budjetdan ajratilgan mablagʻlar, Suv xoʻjaligini rivojlantirish jamgʻarma mablagʻi 2021 — 2023 yillarda jadval boʻyicha Suv xoʻjaligi vazirligi, manfaatdor vazirlik va idoralar 5. Suv xoʻjaligi vazirligi tizimidagi tashkilotlar hisobidagi suv omborlari, irrigatsiya tizimi kanallari va boshqa suv xoʻjaligi obyektlaridagi suv olish joylarini va ulardagi suvni boshqarish va hisobga olish vositalarini xatlovdan oʻtkazish. Suv isteʼmolchilari hisobidagi sugʻorish tarmoqlarini, ulardagi inshootlar, shuningdek, fermer xoʻjaliklari, klasterlar va boshqa suv isteʼmolchilarining bosh suv olish joylarini xatlovdan oʻtkazish. Suv olish joylari, suvni boshqarish va hisobga olish vositalarining texnik holati boʻyicha nuqsonlar dalolatnomalarini rasmiylashtirish. Mablagʻ talab etilmaydi 2020-yil 1-iyul 2020-yil 10-iyul 2020-yil 20-iyul Suv xoʻjaligi vazirligi, manfaatdor vazirlik va idoralar Suv xoʻjaligi vazirligi, suv isteʼmolchilari uyushmalari 6. Suv omborlar, irrigatsiya tizimi kanallari va boshqa suv xoʻjaligi obyektlaridagi suv olish joylarini suvni boshqarish va hisobga olish vositalari bilan jihozlash. Davlat budjeti mablagʻlari, xorijiy investitsiyalar va grantlar 2020 — 2023-yillar jadval boʻyicha Suv xoʻjaligi vazirligi, Moliya vazirligi, “Amudaryo” havzasi suv xoʻjaligi birlashmasi, “Sirdaryo” havzasi suv xoʻjaligi birlashmasi 7. Suv isteʼmolchilari uyushmalarining sugʻorish tarmoqlaridagi gidrotexnik inshootlarni taʼmirlash va tiklash, fermer xoʻjaliklari, klaster tashkilotlari va boshqa suv isteʼmolchilarning bosh suv olish joylarini suvni boshqarish va hisobga olish vositalari bilan jihozlash. Suv isteʼmolchilari mablagʻlari, tijorat banklari krediti, xorijiy investitsiyalar va grantlar 2020 — 2023-yillar jadval boʻyicha Qoraqalpogʻiston Respublikasi Vazirlar Kengashi, viloyatlar va tumanlar hokimliklari, Suv xoʻjaligi vazirligi, Moliya vazirligi, Iqtisodiyot va sanoat vazirligi, Investitsiyalar va tashqi savdo vazirligi, suv isteʼmolchilari uyushmalari, suv isteʼmolchilari III. Suvning hisob-kitobini yuritishni tizimini takomillashtirish 8. Suv xoʻjaligi vazirligi va uning tizimidagi barcha suv xoʻjaligi tashkilotlarining dispetchirlik xizmatlarining moddiy texnika bazasini mustahkamlash. Suv resurslari va ulardan foydalanish yuzasidan maʼlumotlar bazasini toʻliq shakillantirish. Suv xoʻjaligi tizimidagi tashkilotlarga budjetdan ajratilgan mablagʻlar, Suv xoʻjaligini rivojlantirish jamgʻarma mablagʻi va tashkilotlarning rivojlantirish jamgʻarmasi mablagʻlari 2020 — 2025-yillar jadval boʻyicha Suv xoʻjaligi vazirligi, “Oʻzgidromet” markazi, Axborot texnologiyalari va kommunikatsiyalarni rivojlantirish vazirligi, “Amudaryo” havzasi suv xoʻjaligi birlashmasi, “Sirdaryo” havzasi suv xoʻjaligi birlashmasi 9. Daryolar, suv omborlari va boshqa suv xoʻjaligi obyektlarida, shuningdek, hududlardagi mavjud suv resurslari boʻyicha kunlik maʼlumotlarni vazirlik rasmiy veb-saytida joylashtirilishini taʼminlash. Mablagʻ talab etilmaydi 2020-yil 1-iyul Suv xoʻjaligi vazirligi, “Oʻzgidromet” markazi, Axborot texnologiyalari va kommunikatsiyalarni rivojlantirish vazirligi 10. Suv isteʼmolchilarining suv olish joylari va suvni hisobga olish vositalarining (gidropost) naʼmunaviy loyihalarini ishlab chiqish va joylarga yetkazish. Mablagʻ talab etilmaydi 2020-yil 1-avgust Suv xoʻjaligi vazirligi, Irrigatsiya va suv muammolari ilmiy-tadqiqot instituti 11. Suv omborlari, nasos stansiyalari, irrigatsiya tizimlari, sugʻorish tarmoqlari hamda suv olish joylarida suv resurslari va elektr energiyasi hisob-kitobini yuritish yuzasidan ilmiy-tadqiqot ishlarini olib borish hamda tavsiyalar ishlab chiqish. Suv xoʻjaligi tizimi tashkilotlariga budjetdan ajratilgan mablagʻlar va tashkilotlarning rivojlantirish jamgʻarmasi mablagʻlari 2020 — 2025 yillar jadval boʻyicha Suv xoʻjaligi vazirligi, Moliya vazirligi, Irrigatsiya va suv muammolari ilmiy-tadqiqot instituti
Vazirlar Mahkamasining 2020-yil 22-maydagi 310-son qaroriga 2-ILOVA
Suv omborlari va irrigatsiya tizimlarida suv resurslaridan foydalanishi raqamli texnologiyalar yordamida “onlayn” rejimida nazorat qilishni joriy qilish koʻrsatkichlari
Jami oʻrnatiladigan qurilma soni, dona shu jumladan: suv omborlarda irrigatsiya tizimlarida: viloyatlararo irrigatsiya tizimlarida tumanlararo irrigatsiya tizimlarida tumanlar irrigatsiya tizimlarida jami shundan: jami shundan: jami shundan: jami shundan: 2021-y 2022-y 2021-y 2022-y 2021-y 2022-y 2023-y 2021-y 2022-y 2023-y Qoraqalpogʻiston Respublikasi 1 302 37 30 7 180 36 63 81 1 085 162 271 652 viloyatlar: Andijon 2 086 2 1 1 32 26 6 196 39 68 89 1 856 278 164 1 414 Buxoro 1 319 3 1 2 34 27 7 121 24 42 55 1 161 174 290 697 Jizzax 664 7 3 4 23 18 5 132 26 46 60 502 75 125 302 Qashqadaryo 1 515 13 5 8 52 39 13 169 33 59 77 1 281 192 320 769 Navoiy 327 13 10 3 44 9 15 20 270 40 67 163 Namangan 2 330 11 4 7 21 15 6 143 28 50 65 2 155 322 538 1 295 Samarkand 1 241 5 2 3 18 14 4 168 33 58 77 1 050 157 262 631 Surxondaryo 991 5 2 3 19 14 5 143 28 50 65 824 123 206 495 Sirdaryo 1 461 1 1 24 16 8 96 19 33 44 1 340 201 335 804 Toshkent 2 433 3 1 2 25 20 5 180 36 63 81 2 225 334 556 1 335 Fargʻona 2 550 5 2 3 26 20 6 224 44 79 101 2 295 344 573 1 378 Xorazm 357 1 1 20 16 4 99 20 34 45 237 36 59 142 JAMI 18 576 56 21 35 344 265 79 1 895 375 660 860 16 281 2 438 3 766 10 077
Vazirlar Mahkamasining 2020-yil 22-maydagi 310-son qaroriga 3-ILOVA
Suv xoʻjaligi vazirligi tizimidagi nasos stansiyalarida elektr energiyasidan foydalanishda raqamli texnologiyalar yordamida “onlayn” rejimida nazorat qilishni joriy qilish
dona Jami nasos stansiya soni Oʻrnatiladigan shundan: elektr energiya hisoblagich soni qurilma soni 2021-yil 2022-yil 2023-yil Qoraqalpogʻiston Respublikasi 273 409 409 62 123 224 viloyatlar: Andijon 147 133 133 20 40 73 Buxoro 31 20 20 3 6 11 Jizzax 35 44 44 7 13 24 Qashqadaryo 62 82 82 12 25 45 Navoiy 41 54 54 9 16 29 Namangan 206 277 277 42 83 152 Samarkand 91 62 62 10 18 34 Surxondaryo 110 132 132 19 40 73 Sirdaryo 42 103 103 16 31 56 Toshkent 150 154 154 23 46 85 Fargʻona 168 174 174 27 52 95 Xorazm 298 435 435 67 130 238 Qashqadaryo magistral kanalidan foydalanish boshqarmasi 14 14 14 2 4 8 Amu-Buxoro mashina kanalidan foydalanish boshqarmasi 11 41 41 6 12 23 Jizzax bosh nasos stansiyasidan foydalanish boshqarmasi 8 14 14 2 4 8 JAMI 1687 2148 2148 327 643 1178
Oʻzbekiston Respublikasining Bosh vaziri A. ARIPOV
Toshkent sh.,
2020-yil 22-may,
310-son