📅 2020-yil 22-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 22 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 мая 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 22 May 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Ички ишлар органларининг озодликдан маҳрум қилиш билан боғлиқ бўлган жазони ижро этиш фаолиятининг очиқлиги ва ошкоралигини таъминлаш бўйича қўшимча чора-тадбирлар тўғрисида
Ўзбекистон Республикасининг «Давлат ҳокимияти ва бошқаруви органлари фаолиятининг очиқлиги тўғрисида»ги қонуни ижросини таъминлаш, шунингдек, ички ишлар органларининг озодликдан маҳрум қилиш билан боғлиқ бўлган жазони ижро этиш фаолиятининг очиқлиги ва ошкоралигини ошириш мақсадида Вазирлар Маҳкамаси қарор қилади:
1. Озодликдан маҳрум қилиш билан боғлиқ бўлган жазони ижро этиш соҳасида махфийликдан чиқариладиган маълумотлар иловага мувофиқ тасдиқлансин.
2. Ўзбекистон Республикаси Ички ишлар вазирлиги тегишли вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2020 йил 22 майдаги 316-сон қарорига ИЛОВА
Озодликдан маҳрум қилиш билан боғлиқ бўлган жазони ижро этиш соҳасида махфийликдан чиқариладиган маълумотлар
1. Ўзбекистон Республикаси Ички ишлар вазирлигининг жазони ижро этиш муассасалари ва тергов ҳибсхоналарида сақланаётган шахслар сони тўғрисидаги маълумотлар.
2. Ўзбекистон Республикаси Ички ишлар вазирлигининг жазони ижро этиш муассасалари ва тергов ҳибсхоналари сони ҳамда улар жойлашган жой тўғрисидаги маълумотлар.
3. Жазони ижро этиш муассасаларининг ишлаб чиқариш фаолияти, улар томонидан номенклатура бўйича ва пул билан ифодаланадиган ишлаб чиқарилаётган товар маҳсулотлари тўғрисидаги маълумотлар.
4. Ўзбекистон Республикаси Ички ишлар вазирлигининг жазони ижро этиш муассасалари ва тергов ҳибсхоналарида сақланаётган шахслар орасида ўлим ҳолатлари сони тўғрисидаги маълумотлар.
5. Жазони ижро этиш муассасаларида сақланаётган ва тиббий тусдаги мажбурий чоралар қўлланиладиган маҳкумлар сони тўғрисидаги маълумотлар.
Ўзбекистон Республикасининг Бош вазири А. АРИПОВ
Тошкент ш.,
2020 йил 22 май,
316-сон
Oʻzbekiston Respublikasi Vazirlar Mahkamasining
qarori
ROʻYXATI
Ichki ishlar organlarining ozodlikdan mahrum qilish bilan bogʻliq boʻlgan jazoni ijro etish faoliyatining ochiqligi va oshkoraligini taʼminlash boʻyicha qoʻshimcha chora-tadbirlar toʻgʻrisida
Oʻzbekiston Respublikasining “Davlat hokimiyati va boshqaruvi organlari faoliyatining ochiqligi toʻgʻrisida”gi qonuni ijrosini taʼminlash, shuningdek, ichki ishlar organlarining ozodlikdan mahrum qilish bilan bogʻliq boʻlgan jazoni ijro etish faoliyatining ochiqligi va oshkoraligini oshirish maqsadida Vazirlar Mahkamasi qaror qiladi:
1. Ozodlikdan mahrum qilish bilan bogʻliq boʻlgan jazoni ijro etish sohasida maxfiylikdan chiqariladigan maʼlumotlar ilovaga muvofiq tasdiqlansin.
2. Oʻzbekiston Respublikasi Ichki ishlar vazirligi tegishli vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2020-yil 22-maydagi 316-son qaroriga ILOVA
Ozodlikdan mahrum qilish bilan bogʻliq boʻlgan jazoni ijro etish sohasida maxfiylikdan chiqariladigan maʼlumotlar
1. Oʻzbekiston Respublikasi Ichki ishlar vazirligining jazoni ijro etish muassasalari va tergov hibsxonalarida saqlanayotgan shaxslar soni toʻgʻrisidagi maʼlumotlar.
2. Oʻzbekiston Respublikasi Ichki ishlar vazirligining jazoni ijro etish muassasalari va tergov hibsxonalari soni hamda ular joylashgan joy toʻgʻrisidagi maʼlumotlar.
3. Jazoni ijro etish muassasalarining ishlab chiqarish faoliyati, ular tomonidan nomenklatura boʻyicha va pul bilan ifodalanadigan ishlab chiqarilayotgan tovar mahsulotlari toʻgʻrisidagi maʼlumotlar.
4. Oʻzbekiston Respublikasi Ichki ishlar vazirligining jazoni ijro etish muassasalari va tergov hibsxonalarida saqlanayotgan shaxslar orasida oʻlim holatlari soni toʻgʻrisidagi maʼlumotlar.
5. Jazoni ijro etish muassasalarida saqlanayotgan va tibbiy tusdagi majburiy choralar qoʻllaniladigan mahkumlar soni toʻgʻrisidagi maʼlumotlar.
Oʻzbekiston Respublikasining Bosh vaziri A. ARIPOV
Toshkent sh.,
2020-yil 22-may,
316-son
Кабинета Министров Республики Узбекистан
Постановление
ПЕРЕЧЕНЬ
О дополнительных мерах по обеспечению открытости и прозрачности деятельности органов внутренних дел в сфере исполнения наказаний, связанных с лишением свободы
В целях обеспечения исполнения Закона Республики Узбекистан «Об открытости деятельности органов государственной власти и управления», а также повышения открытости и прозрачности деятельности органов внутренних дел в сфере исполнения наказаний, связанных с лишением свободы, Кабинет Министров постановляет:
1. Утвердить Перечень сведений в сфере исполнения наказаний, связанных с лишением свободы, подлежащих рассекречиванию, согласно приложению .
2. Министерству внутренних дел Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на министра внутренних дел Республики Узбекистан П.Р. Бобожонова.
ПРИЛОЖЕНИЕ к постановлению Кабинета Министров от 22 мая 2020 года № 316
сведений в сфере исполнения наказаний, связанных с лишением свободы, подлежащих рассекречиванию
1. Сведения о количестве лиц, содержащихся в учреждениях по исполнению наказания и следственных изоляторах Министерства внутренних дел Республики Узбекистан.
2. Сведения о количестве и месте расположения учреждений по исполнению наказания и следственных изоляторов Министерства внутренних дел Республики Узбекистан.
3. Сведения о производственной деятельности учреждений по исполнению наказания, выпускаемой ими товарной продукции по номенклатуре и в денежном выражении.
4. Сведения о количестве умерших среди лиц, содержащихся в учреждениях по исполнению наказания и следственных изоляторах Министерства внутренних дел Республики Узбекистан.
5. Сведения о количестве содержащихся в учреждениях по исполнению наказания осужденных, в отношении которых применяются принудительные меры медицинского характера.
Премьер-министр Республики Узбекистан А. АРИПОВ
г. Ташкент,
22 мая 2020 г.,
№ 316