📅 2020-yil 26-may · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 26 май · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 26 мая 2020 г. · Законы и кодексы
Официальный текст. Официальный документ. Редакционные примечания не включены.
📅 26 May 2020 · Laws and codes
Official text. Official document. Editorial notes are not included.
Ўзбекистон Республикасининг Қонуни
НИЗОМ
ТАВСИФИ
«Саломатлик» орденини таъсис этиш тўғрисида
Қонунчилик палатаси томонидан 2020 йил 5 майда қабул қилинган Сенат томонидан 2020 йил 11 майда маъқулланган
1-модда. «Саломатлик» ордени таъсис этилсин.
2-модда. «Саломатлик» ордени тўғрисидаги низом тасдиқлансин ( илова қилинади).
3-модда. I ва II даражали «Саломатлик» орденининг тавсифи тасдиқлансин ( илова қилинади).
4-модда. Ўзбекистон Республикасининг 1995 йил 22 декабрда қабул қилинган «Давлат мукофотлари тўғрисида»ги 176-I-сонли Қонуни (Ўзбекистон Республикасининг 2018 йил 11 апрелда қабул қилинган ЎРҚ-473-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2018 йил, № 4, 221-модда; 2019 йил, № 9, 589-модда; 2020 йил, № 3, 200-модда) 8-моддасининг биринчи қисмига қуйидаги қўшимча ва ўзгартиш киритилсин:
қуйидаги мазмундаги ўн иккинчи хатбоши билан тўлдирилсин:
«I ва II даражали «Саломатлик» ордени»;
ўн иккинчи хатбошиси ўн учинчи хатбоши деб ҳисоблансин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг 2020 йил 26 майдаги ЎРҚ-620-сонли Қонуни билан ТАСДИҚЛАНГАН
«Саломатлик» ордени тўғрисидаги
1. «Саломатлик» ордени билан Ўзбекистон Республикаси фуқаролари мамлакатимизда соғлиқни сақлаш тизимини ривожлантириш, аҳоли саломатлигини яхшилаш ҳамда ушбу соҳада халқаро ҳамкорликни мустаҳкамлашдаги алоҳида хизматлари учун мукофотланади.
«Саломатлик» ордени билан чет эл фуқаролари ва фуқаролиги бўлмаган шахслар ҳам мукофотланиши мумкин.
2. «Саломатлик» ордени икки даражадан иборат бўлади:
I даражали «Саломатлик» ордени;
II даражали «Саломатлик» ордени.
Орденнинг олий даражаси I даражадир. Мукофотлаш, қоида тариқасида, қуйидаги тартибда: аввал II даражали орден, орадан камида уч йил ўтганидан кейин I даражали орден билан тақдирлаш тарзида амалга оширилади.
3. I даражали «Саломатлик» ордени билан:
тиббиёт соҳасини ривожлантириш, замонавий талаблар асосида такомиллаштириш ва аҳоли саломатлигини мустаҳкамлаш ишларига қўшган улкан ҳиссаси учун — соғлиқни сақлаш тизимининг раҳбарлари ва шифокорлар;
соғлиқни сақлаш борасида йирик хайрия ва ҳомийлик ишларини амалга оширганлиги учун — ҳомийлик хайрияларини амалга оширувчи тадбиркорлар, халқаро ташкилотлар ва молия институтлари вакиллари;
жаҳон стандартларига мос давлат ва нодавлат тиббиёт муассасалари фаолиятини ташкил этганлиги учун — хорижий инвесторлар, бизнес доира ҳамда соғлиқни сақлаш тизимининг вакиллари;
фармацевтика тармоғини ривожлантириш борасидаги самарали фаолияти ҳамда янги дори воситалари ва тиббиёт буюмлари ишлаб чиқаришни йўлга қўйганлиги учун — фармацевтика соҳасида фаолият юритувчи ходимлар, олимлар, маҳаллий тадбиркорлар ва хорижий ҳамкорлар;
тиббиёт соҳаси учун чуқур касбий билим ва юқори интеллектуал салоҳиятга эга малакали кадрларни тайёрлаш борасидаги катта хизматлари учун — тиббиёт олий таълим муассасаларининг профессор-ўқитувчилари ва амалиётчи шифокорлари, тиббиёт касб-ҳунар коллежлари ва техникумларининг ўқитувчилари;
аҳолининг тиббий маданиятини юксалтириш бўйича тарғибот-ташвиқот ишларини тизимли олиб бораётганлиги учун — республика ва ҳудудий тиббиёт муассасалари, туман (шаҳар) тиббиёт бирлашмалари, оилавий поликлиникалар ва қишлоқ врачлик пунктларининг тиббиёт ходимлари, кўнгиллилар мукофотланадилар.
4. II даражали «Саломатлик» ордени билан:
аҳоли саломатлигини муҳофаза қилиш, турли касалликларнинг барвақт олдини олиш ва уларни бартараф этиш ишларидаги катта хизматлари учун — республика, вилоят, туман (шаҳар) кесимидаги тиббиёт муассасаларининг шифокорлари, ўрта ва кичик тиббиёт ходимлари;
тез тиббий ёрдам ҳамда тиббий профилактика хизматлари сифати ва самарадорлигини ошириш борасидаги кўп йиллик самарали меҳнати учун — тор ихтисосликдаги шифокорлар, умумий амалиёт ва тез тиббий ёрдам шифокорлари;
соғлом ва хавфсиз атроф-муҳитни сақлаш, санитария-эпидемиологик осойишталикни таъминлашга оид давлат дастурларини амалга оширишда фаол иштирок этганлиги учун — санитария-эпидемиология назорати ва санитария-эпидемиологик осойишталикни таъминлаш тизими ходимлари;
даволаш ва инсон умрини узайтиришга қаратилган саломатлик профилларини яратганлиги ҳамда амалиётга жорий этганлиги учун — соғлиқни сақлаш тизимидаги барча шифокорлар ва ўрта тиббиёт ходимлари;
тиббий стандартлаштириш тизимини шакллантириш, ташхис қўйиш ва даволашнинг юқори технологик усулларини жорий этишга қўшган салмоқли ҳиссаси учун — соғлиқни сақлаш соҳасининг илмий доира вакиллари ва юқори малакага эга бўлган шифокорлари мукофотланадилар.
5. I ва II даражали «Саломатлик» ордени билан бошқа шахслар ҳам соғлиқни сақлаш соҳасидаги алоҳида хизматлари учун мукофотланиши мумкин.
6. I ва II даражали «Саломатлик» ордени билан мукофотлашга тақдим этиш, мукофотлаш ва уни топшириш «Давлат мукофотлари тўғрисида»ги Ўзбекистон Республикаси Қонунида назарда тутилган тартибда амалга оширилади.
7. I даражали «Саломатлик» ордени билан мукофотланган шахслар базавий ҳисоблаш миқдорининг ўттиз баравари миқдоридаги бир марталик пул мукофоти олади.
8. II даражали «Саломатлик» ордени билан мукофотланган шахслар базавий ҳисоблаш миқдорининг йигирма беш баравари миқдоридаги бир марталик пул мукофоти олади.
9. I ва II даражали «Саломатлик» ордени билан мукофотланган шахслар қонунчиликда белгиланадиган имтиёзлардан фойдаланади.
10. I ва II даражали «Саломатлик» ордени кўкракнинг чап томонига тақилади.
11. Ҳар бир мукофотланган шахсга тегишли даражали «Саломатлик» орденини топшириш билан бир вақтда мукофотланганлик тўғрисидаги ҳужжатлар берилади.
Ўзбекистон Республикасининг 2020 йил 26 майдаги ЎРҚ-620-сонли Қонуни билан ТАСДИҚЛАНГАН
I ва II даражали «Саломатлик» орденининг
I даражали «Саломатлик» ордени 1 микрон қалинликдаги 999 пробали олтин билан қопланган кумушдан тайёрланади ва диаметри 35 миллиметрли доира шаклида бўлиб, четлари нақшинкор кўринишида ҳошияланган.
Орденнинг марказида тиббиёт рамзи — «идишга ўралиб турган илон» ва «гранатит»дан ясалган юрак шаклини ушлаб турган очиқ кафтлар тасвирланган. Унинг айланаси бўйлаб юқори қисмида яшил эмаль фонида зарҳалланган «SALOMATLIK» ёзуви, қуйи қисмида эса орденнинг даражасини билдирувчи битта саккиз қиррали юлдузга туташган иккита дафна новдаси жойлашган. Ҳарфлар баландлиги — 2,3 миллиметр, юлдузнинг диаметри — 3,1 миллиметр.
Орденнинг орқа томонида Ўзбекистон Республикаси Давлат герби тасвирланган. Қуйи қисмига 2 миллиметрли ўлчамдаги ботиқ шрифт билан орден рақами туширилган.
Тасвир ва ёзувлар — бўртма.
Орденнинг қалинлиги — 4,2 миллиметр.
Орден яшил рангли шойи лента билан қопланган тўғри тўртбурчак шаклидаги қадағичга илмоқча ва ҳалқа ёрдамида уланади. Қадағичнинг ўртасида зарҳалланган дафна новдаси жойлашган.
II даражали «Саломатлик» ордени кумушдан тайёрланади. Тасвир ва ёзувлар I даражали «Саломатлик» ордени кўринишида акс эттирилган. Унинг қуйи қисмида орденнинг даражасини билдирувчи иккита саккиз қиррали юлдузга туташган иккита дафна новдаси жойлашган.
Орден яшил рангли шойи лента билан қопланган тўғри тўртбурчак шаклидаги қадағичга илмоқча ва ҳалқа ёрдамида уланади. Қадағичнинг ўртасида кумуш рангда дафна новдаси жойлашган.
Қадағичнинг орқа томонида орденни кийимга тақиб қўйиш учун тўғноғич кўринишидаги мослама мавжуд.
Ўзбекистон Республикасининг Президенти Ш. МИРЗИЁЕВ
Тошкент ш.,
2020 йил 26 май,
ЎРҚ-620-сон
Oʻzbekiston Respublikasining Qonuni
NIZOM
TAVSIFI
“Salomatlik” ordenini taʼsis etish toʻgʻrisida
Qonunchilik palatasi tomonidan 2020-yil 5-mayda qabul qilingan Senat tomonidan 2020-yil 11-mayda maʼqullangan
1-modda. “Salomatlik” ordeni taʼsis etilsin.
2-modda. “Salomatlik” ordeni toʻgʻrisidagi nizom tasdiqlansin ( ilova qilinadi).
3-modda. I va II darajali “Salomatlik” ordenining tavsifi tasdiqlansin ( ilova qilinadi).
4-modda. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi 176-I-sonli Qonuni (Oʻzbekiston Respublikasining 2018-yil 11-aprelda qabul qilingan OʻRQ-473-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 221-modda; 2019-yil, № 9, 589-modda; 2020-yil, № 3, 200-modda) 8-moddasining birinchi qismiga quyidagi qoʻshimcha va oʻzgartish kiritilsin:
quyidagi mazmundagi oʻn ikkinchi xatboshi bilan toʻldirilsin:
“I va II darajali “Salomatlik” ordeni”;
oʻn ikkinchi xatboshisi oʻn uchinchi xatboshi deb hisoblansin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining 2020-yil 26-maydagi OʻRQ-620-sonli Qonuni bilan TASDIQLANGAN
“Salomatlik” ordeni toʻgʻrisidagi
1. “Salomatlik” ordeni bilan Oʻzbekiston Respublikasi fuqarolari mamlakatimizda sogʻliqni saqlash tizimini rivojlantirish, aholi salomatligini yaxshilash hamda ushbu sohada xalqaro hamkorlikni mustahkamlashdagi alohida xizmatlari uchun mukofotlanadi.
“Salomatlik” ordeni bilan chet el fuqarolari va fuqaroligi boʻlmagan shaxslar ham mukofotlanishi mumkin.
2. “Salomatlik” ordeni ikki darajadan iborat boʻladi:
I darajali “Salomatlik” ordeni;
II darajali “Salomatlik” ordeni.
Ordenning oliy darajasi I darajadir. Mukofotlash, qoida tariqasida, quyidagi tartibda: avval II darajali orden, oradan kamida uch yil oʻtganidan keyin I darajali orden bilan taqdirlash tarzida amalga oshiriladi.
3. I darajali “Salomatlik” ordeni bilan:
tibbiyot sohasini rivojlantirish, zamonaviy talablar asosida takomillashtirish va aholi salomatligini mustahkamlash ishlariga qoʻshgan ulkan hissasi uchun — sogʻliqni saqlash tizimining rahbarlari va shifokorlar;
sogʻliqni saqlash borasida yirik xayriya va homiylik ishlarini amalga oshirganligi uchun — homiylik xayriyalarini amalga oshiruvchi tadbirkorlar, xalqaro tashkilotlar va moliya institutlari vakillari;
jahon standartlariga mos davlat va nodavlat tibbiyot muassasalari faoliyatini tashkil etganligi uchun — xorijiy investorlar, biznes doira hamda sogʻliqni saqlash tizimining vakillari;
farmatsevtika tarmogʻini rivojlantirish borasidagi samarali faoliyati hamda yangi dori vositalari va tibbiyot buyumlari ishlab chiqarishni yoʻlga qoʻyganligi uchun — farmatsevtika sohasida faoliyat yurituvchi xodimlar, olimlar, mahalliy tadbirkorlar va xorijiy hamkorlar;
tibbiyot sohasi uchun chuqur kasbiy bilim va yuqori intellektual salohiyatga ega malakali kadrlarni tayyorlash borasidagi katta xizmatlari uchun — tibbiyot oliy taʼlim muassasalarining professor-oʻqituvchilari va amaliyotchi shifokorlari, tibbiyot kasb-hunar kollejlari va texnikumlarining oʻqituvchilari;
aholining tibbiy madaniyatini yuksaltirish boʻyicha targʻibot-tashviqot ishlarini tizimli olib borayotganligi uchun — respublika va hududiy tibbiyot muassasalari, tuman (shahar) tibbiyot birlashmalari, oilaviy poliklinikalar va qishloq vrachlik punktlarining tibbiyot xodimlari, koʻngillilar mukofotlanadilar.
4. II darajali “Salomatlik” ordeni bilan:
aholi salomatligini muhofaza qilish, turli kasalliklarning barvaqt oldini olish va ularni bartaraf etish ishlaridagi katta xizmatlari uchun — respublika, viloyat, tuman (shahar) kesimidagi tibbiyot muassasalarining shifokorlari, oʻrta va kichik tibbiyot xodimlari;
tez tibbiy yordam hamda tibbiy profilaktika xizmatlari sifati va samaradorligini oshirish borasidagi koʻp yillik samarali mehnati uchun — tor ixtisoslikdagi shifokorlar, umumiy amaliyot va tez tibbiy yordam shifokorlari;
sogʻlom va xavfsiz atrof-muhitni saqlash, sanitariya-epidemiologik osoyishtalikni taʼminlashga oid davlat dasturlarini amalga oshirishda faol ishtirok etganligi uchun — sanitariya-epidemiologiya nazorati va sanitariya-epidemiologik osoyishtalikni taʼminlash tizimi xodimlari;
davolash va inson umrini uzaytirishga qaratilgan salomatlik profillarini yaratganligi hamda amaliyotga joriy etganligi uchun — sogʻliqni saqlash tizimidagi barcha shifokorlar va oʻrta tibbiyot xodimlari;
tibbiy standartlashtirish tizimini shakllantirish, tashxis qoʻyish va davolashning yuqori texnologik usullarini joriy etishga qoʻshgan salmoqli hissasi uchun — sogʻliqni saqlash sohasining ilmiy doira vakillari va yuqori malakaga ega boʻlgan shifokorlari mukofotlanadilar.
5. I va II darajali “Salomatlik” ordeni bilan boshqa shaxslar ham sogʻliqni saqlash sohasidagi alohida xizmatlari uchun mukofotlanishi mumkin.
6. I va II darajali “Salomatlik” ordeni bilan mukofotlashga taqdim etish, mukofotlash va uni topshirish “Davlat mukofotlari toʻgʻrisida”gi Oʻzbekiston Respublikasi Qonunida nazarda tutilgan tartibda amalga oshiriladi.
7. I darajali “Salomatlik” ordeni bilan mukofotlangan shaxslar bazaviy hisoblash miqdorining oʻttiz baravari miqdoridagi bir martalik pul mukofoti oladi.
8. II darajali “Salomatlik” ordeni bilan mukofotlangan shaxslar bazaviy hisoblash miqdorining yigirma besh baravari miqdoridagi bir martalik pul mukofoti oladi.
9. I va II darajali “Salomatlik” ordeni bilan mukofotlangan shaxslar qonunchilikda belgilanadigan imtiyozlardan foydalanadi.
10. I va II darajali “Salomatlik” ordeni koʻkrakning chap tomoniga taqiladi.
11. Har bir mukofotlangan shaxsga tegishli darajali “Salomatlik” ordenini topshirish bilan bir vaqtda mukofotlanganlik toʻgʻrisidagi hujjatlar beriladi.
Oʻzbekiston Respublikasining 2020-yil 26-maydagi OʻRQ-620-sonli Qonuni bilan TASDIQLANGAN
I va II darajali “Salomatlik” ordenining
I darajali “Salomatlik” ordeni 1 mikron qalinlikdagi 999 probali oltin bilan qoplangan kumushdan tayyorlanadi va diametri 35 millimetrli doira shaklida boʻlib, chetlari naqshinkor koʻrinishida hoshiyalangan.
Ordenning markazida tibbiyot ramzi — “idishga oʻralib turgan ilon” va “granatit”dan yasalgan yurak shaklini ushlab turgan ochiq kaftlar tasvirlangan. Uning aylanasi boʻylab yuqori qismida yashil emal fonida zarhallangan “SALOMATLIK” yozuvi, quyi qismida esa ordenning darajasini bildiruvchi bitta sakkiz qirrali yulduzga tutashgan ikkita dafna novdasi joylashgan. Harflar balandligi — 2,3 millimetr, yulduzning diametri — 3,1 millimetr.
Ordenning orqa tomonida Oʻzbekiston Respublikasi Davlat gerbi tasvirlangan. Quyi qismiga 2 millimetrli oʻlchamdagi botiq shrift bilan orden raqami tushirilgan.
Tasvir va yozuvlar — boʻrtma.
Ordenning qalinligi — 4,2 millimetr.
Orden yashil rangli shoyi lenta bilan qoplangan toʻgʻri toʻrtburchak shaklidagi qadagʻichga ilmoqcha va halqa yordamida ulanadi. Qadagʻichning oʻrtasida zarhallangan dafna novdasi joylashgan.
II darajali “Salomatlik” ordeni kumushdan tayyorlanadi. Tasvir va yozuvlar I darajali “Salomatlik” ordeni koʻrinishida aks ettirilgan. Uning quyi qismida ordenning darajasini bildiruvchi ikkita sakkiz qirrali yulduzga tutashgan ikkita dafna novdasi joylashgan.
Orden yashil rangli shoyi lenta bilan qoplangan toʻgʻri toʻrtburchak shaklidagi qadagʻichga ilmoqcha va halqa yordamida ulanadi. Qadagʻichning oʻrtasida kumush rangda dafna novdasi joylashgan.
Qadagʻichning orqa tomonida ordenni kiyimga taqib qoʻyish uchun toʻgʻnogʻich koʻrinishidagi moslama mavjud.
Oʻzbekiston Respublikasining Prezidenti Sh. MIRZIYOYEV
Toshkent sh.,
2020-yil 26-may,
OʻRQ-620-son
Закон Республики Узбекистан
ПОЛОЖЕНИЕ
ОПИСАНИЕ
Об учреждении ордена «Саломатлик»
Принят Законодательной палатой 5 мая 2020 года Одобрен Сенатом 11 мая 2020 года
Статья 1. Учредить орден «Саломатлик».
Статья 2. Утвердить Положение об ордене «Саломатлик» ( прилагается ).
Статья 3. Утвердить Описание ордена «Саломатлик» I и II степени ( прилагается ).
Статья 4. Внести в часть первую статьи 8 Закона Республики Узбекистан от 22 декабря 1995 года № 176-I «О государственных наградах» (в редакции Закона Республики Узбекистан от 11 апреля 2018 года № ЗРУ-473) (Ведомости палат Олий Мажлиса Республики Узбекистан, 2018 г., № 4, ст. 221; 2019 г., № 9, ст. 589; 2020 г., № 3, ст. 200) следующие дополнение и изменение:
дополнить абзацем двенадцатым следующего содержания:
«орден «Саломатлик» I и II степени»;
абзац двенадцатый считать абзацем тринадцатым.
Статья 5. Настоящий Закон вступает в силу со дня его официального опубликования.
УТВЕРЖДЕНО Законом Республики Узбекистан от 26 мая 2020 года № ЗРУ-620
об ордене «Саломатлик»
1. Орденом «Саломатлик» награждаются граждане Республики Узбекистан за особые заслуги в развитии системы здравоохранения в стране, улучшении здоровья населения и укреплении международного сотрудничества в данной сфере.
Орденом «Саломатлик» могут награждаться также иностранные граждане и лица без гражданства.
2. Орден «Саломатлик» состоит из двух степеней:
орден «Саломатлик» I степени,
орден «Саломатлик» II степени.
Высшей степенью ордена является I степень. Награждение производится, как правило, с интервалом не менее трех лет, последовательно: орденом II степени, затем орденом I степени.
3. Орденом «Саломатлик» I степени награждаются за:
огромный вклад в развитие сферы здравоохранения, ее совершенствование на основе современных требований и укрепление здоровья населения — руководители системы здравоохранения и врачи;
осуществление значительной благотворительной и спонсорской работы в сфере здравоохранения — предприниматели, осуществляющие благотворительные пожертвования, представители международных организаций и финансовых институтов;
организацию деятельности государственных и негосударственных медицинских учреждений в соответствии с мировыми стандартами — иностранные инвесторы, представители бизнес-кругов и системы здравоохранения;
эффективную деятельность по развитию фармацевтической отрасли и налаживание производства новых лекарственных средств и изделий медицинского назначения — работники, ученые, отечественные предприниматели и иностранные партнеры, осуществляющие деятельность в фармацевтической отрасли;
большие заслуги в подготовке квалифицированных кадров для сферы здравоохранения, обладающих глубокими профессиональными знаниями и высоким интеллектуальным потенциалом, — профессора-преподаватели и врачи-практики медицинских высших образовательных учреждений, преподаватели медицинских профессиональных колледжей и техникумов;
систематическое проведение пропагандистской работы по повышению медицинской культуры населения — медицинские работники республиканских и региональных медицинских учреждений, районных (городских) медицинских объединений, семейных поликлиник и сельских врачебных пунктов, волонтеры.
4. Орденом «Саломатлик» II степени награждаются за:
большие заслуги в охране здоровья населения, осуществлении ранней профилактики различных заболеваний и их устранении — врачи, средний и младший медицинский персонал республиканских, областных, районных (городских) медицинских учреждений;
многолетний плодотворный труд по повышению качества и эффективности скорой медицинской помощи и медицинских профилактических услуг — врачи узкого профиля, общей практики и скорой медицинской помощи;
активное участие в реализации государственных программ по сохранению здоровой и безопасной окружающей среды, обеспечению санитарно-эпидемиологического благополучия — работники системы санитарно-эпидемиологического надзора и обеспечения санитарно-эпидемиологического благополучия;
создание и внедрение в практику профилей здоровья, направленных на лечение и продление жизни человека, — все врачи и средний медицинский персонал системы здравоохранения;
весомый вклад в формирование системы медицинской стандартизации, внедрение высокотехнологических методов диагностики и лечения — представители научных кругов сферы здравоохранения и высококвалифицированные врачи.
5. Орденом «Саломатлик» I и II степени могут награждаться и иные лица за особые заслуги в сфере здравоохранения.
6. Представление к награждению, награждение и вручение ордена «Саломатлик» I и II степени производятся в порядке, предусмотренном Законом Республики Узбекистан «О государственных наградах».
7. Лица, награжденные орденом «Саломатлик» I степени, получают единовременное денежное вознаграждение в размере тридцати базовых расчетных величин.
8. Лица, награжденные орденом «Саломатлик» II степени, получают единовременное денежное вознаграждение в размере двадцати пяти базовых расчетных величин.
9. Лица, награжденные орденом «Саломатлик» I и II степени, пользуются льготами, устанавливаемыми законодательством.
10. Орден «Саломатлик» I и II степени носится на левой стороне груди.
11. Каждому награжденному лицу одновременно с вручением ордена «Саломатлик» соответствующей степени выдаются документы о награждении.
УТВЕРЖДЕНО Законом Республики Узбекистан от 26 май 2020 года № ЗРУ-620
ордена «Саломатлик» I и II степени
Орден «Саломатлик» I степени изготавливается из серебра, покрытого золотом 999 пробы толщиной 1 микрон, и имеет форму круга диаметром 35 миллиметров, обрамленного по краю резным орнаментом.
В центре ордена изображены символ медицины — змея, обвивающая чашу, и раскрытые ладони, поддерживающие сердце из гранатита. Вдоль окружности в верхней части на фоне зеленой эмали нанесена надпись позолоченного цвета «SALOMATLIK», в нижней части — две лавровые ветви, скрепленные одной восьмиконечной звездой, указывающей на степень ордена. Высота букв — 2,3 миллиметра, диаметр звезды — 3,1 миллиметра.
На оборотной стороне ордена изображен Государственный герб Республики Узбекистан. В нижней части нанесен номер ордена вогнутым шрифтом размером 2 миллиметра.
Изображения и надписи — выпуклые.
Толщина ордена — 4,2 миллиметра.
Орден при помощи ушка и кольца соединяется с прямоугольной колодкой, обтянутой шелковой лентой зеленого цвета. В центре колодки расположена позолоченная лавровая ветвь.
Орден «Саломатлик» II степени изготавливается из серебра. Изображения и надписи аналогичны изображениям ордена «Саломатлик» I степени. В нижней части окружности расположены две лавровые ветви, скрепленные двумя восьмиконечными звездами, указывающими на степень ордена.
Орден при помощи ушка и кольца соединяется с прямоугольной колодкой, обтянутой шелковой лентой зеленого цвета. В центре колодки расположена серебряная лавровая ветвь.
На оборотной стороне колодки имеется приспособление в виде булавки для крепления ордена к одежде.
Президент Республики Узбекистан Ш. МИРЗИЁЕВ
г. Ташкент,
26 мая 2020 г.,
№ ЗРУ-620