📅 2020-yil 26-may · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 26 май · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 26 мая 2020 г. · Законы и кодексы
Официальный текст. Официальный документ. Редакционные примечания не включены.
📅 26 May 2020 · Laws and codes
Official text. Official document. Editorial notes are not included.
Ўзбекистон Республикасининг Қонуни
НИЗОМ
ТАВСИФИ
«Соғлом турмуш» медалини таъсис этиш тўғрисида
Қонунчилик палатаси томонидан 2020 йил 5 майда қабул қилинган Сенат томонидан 2020 йил 11 майда маъқулланган
1-модда. «Соғлом турмуш» медали таъсис этилсин.
2-модда. «Соғлом турмуш» медали тўғрисидаги низом тасдиқлансин ( илова қилинади).
3-модда. «Соғлом турмуш» медалининг тавсифи тасдиқлансин ( илова қилинади).
4-модда. Ўзбекистон Республикасининг 1995 йил 22 декабрда қабул қилинган «Давлат мукофотлари тўғрисида»ги 176-I-сонли Қонуни (Ўзбекистон Республикасининг 2018 йил 11 апрелда қабул қилинган ЎРҚ-473-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2018 йил, № 4, 221-модда; 2019 йил, № 9, 589-модда; 2020 йил, № 3, 200-модда) 9-моддасига қуйидаги қўшимча ва ўзгартиш киритилсин:
қуйидаги мазмундаги тўртинчи хатбоши билан тўлдирилсин:
«Соғлом турмуш» медали»;
тўртинчи ва бешинчи хатбошилари тегишинча бешинчи ва олтинчи хатбошилар деб ҳисоблансин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг 2020 йил 26 майдаги ЎРҚ-621-сонли Қонуни билан ТАСДИҚЛАНГАН
«Соғлом турмуш» медали тўғрисидаги
1. «Соғлом турмуш» медали билан:
аҳоли орасида соғлом турмуш тарзини шакллантириш, ортиқча вазн ва семизликни бартараф этиш, зарарли одатларнинг олдини олиш, соғлом овқатланиш ва шахсий гигиена қоидаларига риоя қилишни кенг тарғиб қилишга қўшган катта ҳиссаси учун — соғлиқни сақлаш муассасалари шифокорлари, шу жумладан диетологлар, жисмоний тарбия инструкторлари, соғлиқни сақлаш масалаларини ва соғлом турмуш тарзини ёритувчи оммавий ахборот воситалари вакиллари ва блогерлар;
жисмоний тарбия билан мунтазам шуғулланиш ва уни кундалик турмуш тарзига айлантириш, соғлом ҳаёт тарзига қатъий амал қилиш борасида жамоатчиликка шахсий намуна бўлаётгани учун — фуқаролар, намунали оилалар ва спортчилар;
оммавий жисмоний фаоллик тадбирларини тизимли ташкил қилиш орқали уни умуммиллий ҳаракатга айлантиришга қўшган улкан ҳиссаси учун — барча даражадаги ташкилот ва идоралар раҳбарлари;
ўсиб келаётган авлод ўртасида оммавий спортни ривожлантириш, уни жисмоний ҳамда интеллектуал жиҳатдан камол топтириш, руҳий баркамолликка етказиш, қобилиятларини рўёбга чиқариш, соғлом турмуш тарзи кўникмаларини шакллантиришга қўшган салмоқли ҳиссаси учун — спорт мактаблари, умумтаълим мактаблари ва мактабгача таълим ташкилотларининг раҳбарлари, спорт тренерлари, жисмоний тарбия ва спорт соҳасининг бошқа мутахассислари;
спорт мусобақалари орқали ёшларда ирода, матонат, ўз кучи ва имкониятларига ишонч фазилатларини мустаҳкамлаш, уларда ватанпарварлик, Ватанга муҳаббат ва садоқат туйғуларини юксалтириш борасидаги улкан хизматлари учун — мудофаа тизими вакиллари, юқори натижаларга эришган спортчилар ва уларнинг тренерлари, ҳакамлар ва спорт ташкилотларининг вакиллари;
жисмоний тарбия ва спортни республикамизда янада ривожланлантириш ва оммалаштириш, спорт ва оммавий жисмоний тарбия тадбирларини юқори савияда ташкиллаштириш, спортчиларнинг ўқув-йиғин машғулотлари ва халқаро мусобақаларда муносиб иштирокини таъминлашга қўшган ҳиссаси учун — барча даражадаги ҳокимлар ва уларнинг ўринбосарлари, жисмоний тарбия ва спорт ташкилотлари раҳбарлари, ҳомийлар, спорт федерация (уюшма)ларига бириктирилган корхона ва ташкилотлар раҳбарлари мукофотланадилар.
2. «Соғлом турмуш» медали билан бошқа шахслар ҳам аҳоли орасида соғлом турмуш тарзини шакллантиришдаги, жисмоний тарбия ва спорт соҳасидаги алоҳида хизматлари учун мукофотланиши мумкин.
3. «Соғлом турмуш» медали билан мукофотлашга тақдим этиш, мукофотлаш ва уни топшириш «Давлат мукофотлари тўғрисида»ги Ўзбекистон Республикаси Қонунида назарда тутилган тартибда амалга оширилади.
4. «Соғлом турмуш» медали билан мукофотланган шахслар базавий ҳисоблаш миқдорининг ўн баравари миқдоридаги бир марталик пул мукофоти олади.
5. «Соғлом турмуш» медали билан мукофотланган шахслар қонунчиликда белгиланадиган имтиёзлардан фойдаланади.
6. «Соғлом турмуш» медали кўкракнинг чап томонига тақилади.
7. Ҳар бир мукофотланган шахсга «Соғлом турмуш» медалини топшириш билан бир вақтда мукофотланганлик тўғрисидаги ҳужжатлар берилади.
Ўзбекистон Республикасининг 2020 йил 26 майдаги ЎРҚ-621-сонли Қонуни билан ТАСДИҚЛАНГАН
«Соғлом турмуш» медалининг
«Соғлом турмуш» медали 0,25 микрон қалинликда олтин қопланган мис қотишмасидан тайёрланади ва диаметри 34 миллиметрли доира шаклида бўлади.
Медалнинг олд томони қуйи қисмида Ўзбекистон Республикасининг харитаси акс эттирилган Ер шари, унинг юқори қисмида эса кўтарилаётган қуёш нурлари фонида соғлом оиланинг рамзий тасвири жойлашган. Медалнинг айланаси бўйлаб яшил эмаль фонида «SOGʻLOM TURMUSH» ёзуви, қуйи қисмида эса саккиз қиррали юлдузга туташган иккита дафна новдаси жойлашган. Ҳарфлар баландлиги ва юлдузнинг диаметри — 3,2 миллиметр.
Медалнинг орқа томонида Ўзбекистон Республикаси Давлат герби тасвирланган. Қуйи қисмига 2 миллиметрли ўлчамдаги ботиқ шрифт билан медаль рақами туширилган.
Тасвир ва ёзувлар — бўртма.
Медалнинг қалинлиги — 3 миллиметр.
Медалнинг олд ва орқа томонларининг четлари қабариқ доира билан ўралган.
Медаль оқ рангли чизиқлар билан ҳошияланган яшил рангдаги шойи лента қопланган беш қиррали қадағичга илмоқча ва ҳалқа ёрдамида уланади. Лентанинг эни — 24 миллиметр, оқ рангли ҳошияларнинг эни — 1 миллиметр.
Қадағичнинг орқа томонида медални кийимга тақиб қўйиш учун тўғноғич кўринишидаги мослама мавжуд.
«Соғлом турмуш» медали
Ўзбекистон Республикасининг Президенти Ш. МИРЗИЁЕВ
Тошкент ш.,
2020 йил 26 май,
ЎРҚ-621-сон
Oʻzbekiston Respublikasining Qonuni
NIZOM
TAVSIFI
“Sogʻlom turmush” medalini taʼsis etish toʻgʻrisida
Qonunchilik palatasi tomonidan 2020-yil 5-mayda qabul qilingan Senat tomonidan 2020-yil 11-mayda maʼqullangan
1-modda. “Sogʻlom turmush” medali taʼsis etilsin.
2-modda. “Sogʻlom turmush” medali toʻgʻrisidagi nizom tasdiqlansin ( ilova qilinadi).
3-modda. “Sogʻlom turmush” medalining tavsifi tasdiqlansin ( ilova qilinadi).
4-modda. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi 176-I-sonli Qonuni (Oʻzbekiston Respublikasining 2018-yil 11-aprelda qabul qilingan OʻRQ-473-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 221-modda; 2019-yil, № 9, 589-modda; 2020-yil, № 3, 200-modda) 9-moddasiga quyidagi qoʻshimcha va oʻzgartish kiritilsin:
quyidagi mazmundagi toʻrtinchi xatboshi bilan toʻldirilsin:
“Sogʻlom turmush” medali”;
toʻrtinchi va beshinchi xatboshilari tegishincha beshinchi va oltinchi xatboshilar deb hisoblansin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining 2020-yil 26-maydagi OʻRQ-621-sonli Qonuni bilan TASDIQLANGAN
“Sogʻlom turmush” medali toʻgʻrisidagi
1. “Sogʻlom turmush” medali bilan:
aholi orasida sogʻlom turmush tarzini shakllantirish, ortiqcha vazn va semizlikni bartaraf etish, zararli odatlarning oldini olish, sogʻlom ovqatlanish va shaxsiy gigiyena qoidalariga rioya qilishni keng targʻib qilishga qoʻshgan katta hissasi uchun — sogʻliqni saqlash muassasalari shifokorlari, shu jumladan diyetologlar, jismoniy tarbiya instruktorlari, sogʻliqni saqlash masalalarini va sogʻlom turmush tarzini yorituvchi ommaviy axborot vositalari vakillari va blogerlar;
jismoniy tarbiya bilan muntazam shugʻullanish va uni kundalik turmush tarziga aylantirish, sogʻlom hayot tarziga qatʼiy amal qilish borasida jamoatchilikka shaxsiy namuna boʻlayotgani uchun — fuqarolar, namunali oilalar va sportchilar;
ommaviy jismoniy faollik tadbirlarini tizimli tashkil qilish orqali uni umummilliy harakatga aylantirishga qoʻshgan ulkan hissasi uchun — barcha darajadagi tashkilot va idoralar rahbarlari;
oʻsib kelayotgan avlod oʻrtasida ommaviy sportni rivojlantirish, uni jismoniy hamda intellektual jihatdan kamol toptirish, ruhiy barkamollikka yetkazish, qobiliyatlarini roʻyobga chiqarish, sogʻlom turmush tarzi koʻnikmalarini shakllantirishga qoʻshgan salmoqli hissasi uchun — sport maktablari, umumtaʼlim maktablari va maktabgacha taʼlim tashkilotlarining rahbarlari, sport trenerlari, jismoniy tarbiya va sport sohasining boshqa mutaxassislari;
sport musobaqalari orqali yoshlarda iroda, matonat, oʻz kuchi va imkoniyatlariga ishonch fazilatlarini mustahkamlash, ularda vatanparvarlik, Vatanga muhabbat va sadoqat tuygʻularini yuksaltirish borasidagi ulkan xizmatlari uchun — mudofaa tizimi vakillari, yuqori natijalarga erishgan sportchilar va ularning trenerlari, hakamlar va sport tashkilotlarining vakillari;
jismoniy tarbiya va sportni respublikamizda yanada rivojlanlantirish va ommalashtirish, sport va ommaviy jismoniy tarbiya tadbirlarini yuqori saviyada tashkillashtirish, sportchilarning oʻquv-yigʻin mashgʻulotlari va xalqaro musobaqalarda munosib ishtirokini taʼminlashga qoʻshgan hissasi uchun — barcha darajadagi hokimlar va ularning oʻrinbosarlari, jismoniy tarbiya va sport tashkilotlari rahbarlari, homiylar, sport federatsiya (uyushma)lariga biriktirilgan korxona va tashkilotlar rahbarlari mukofotlanadilar.
2. “Sogʻlom turmush” medali bilan boshqa shaxslar ham aholi orasida sogʻlom turmush tarzini shakllantirishdagi, jismoniy tarbiya va sport sohasidagi alohida xizmatlari uchun mukofotlanishi mumkin.
3. “Sogʻlom turmush” medali bilan mukofotlashga taqdim etish, mukofotlash va uni topshirish “Davlat mukofotlari toʻgʻrisida”gi Oʻzbekiston Respublikasi Qonunida nazarda tutilgan tartibda amalga oshiriladi.
4. “Sogʻlom turmush” medali bilan mukofotlangan shaxslar bazaviy hisoblash miqdorining oʻn baravari miqdoridagi bir martalik pul mukofoti oladi.
5. “Sogʻlom turmush” medali bilan mukofotlangan shaxslar qonunchilikda belgilanadigan imtiyozlardan foydalanadi.
6. “Sogʻlom turmush” medali koʻkrakning chap tomoniga taqiladi.
7. Har bir mukofotlangan shaxsga “Sogʻlom turmush” medalini topshirish bilan bir vaqtda mukofotlanganlik toʻgʻrisidagi hujjatlar beriladi.
Oʻzbekiston Respublikasining 2020-yil 26-maydagi OʻRQ-621-sonli Qonuni bilan TASDIQLANGAN
“Sogʻlom turmush” medalining
“Sogʻlom turmush” medali 0,25 mikron qalinlikda oltin qoplangan mis qotishmasidan tayyorlanadi va diametri 34 millimetrli doira shaklida boʻladi.
Medalning old tomoni quyi qismida Oʻzbekiston Respublikasining xaritasi aks ettirilgan Yer shari, uning yuqori qismida esa koʻtarilayotgan quyosh nurlari fonida sogʻlom oilaning ramziy tasviri joylashgan. Medalning aylanasi boʻylab yashil emal fonida “SOGʻLOM TURMUSH” yozuvi, quyi qismida esa sakkiz qirrali yulduzga tutashgan ikkita dafna novdasi joylashgan. Harflar balandligi va yulduzning diametri — 3,2 millimetr.
Medalning orqa tomonida Oʻzbekiston Respublikasi Davlat gerbi tasvirlangan. Quyi qismiga 2 millimetrli oʻlchamdagi botiq shrift bilan medal raqami tushirilgan.
Tasvir va yozuvlar — boʻrtma.
Medalning qalinligi — 3 millimetr.
Medalning old va orqa tomonlarining chetlari qabariq doira bilan oʻralgan.
Medal oq rangli chiziqlar bilan hoshiyalangan yashil rangdagi shoyi lenta qoplangan besh qirrali qadagʻichga ilmoqcha va halqa yordamida ulanadi. Lentaning eni — 24 millimetr, oq rangli hoshiyalarning eni — 1 millimetr.
Qadagʻichning orqa tomonida medalni kiyimga taqib qoʻyish uchun toʻgʻnogʻich koʻrinishidagi moslama mavjud.
“Sogʻlom turmush” medali
Oʻzbekiston Respublikasining Prezidenti Sh. MIRZIYOYEV
Toshkent sh.,
2020-yil 26-may,
OʻRQ-621-son
Закон Республики Узбекистан
ПОЛОЖЕНИЕ
ОПИСАНИЕ
Об учреждении медали «Соғлом турмуш»
Принят Законодательной палатой 5 мая 2020 года Одобрен Сенатом 11 мая 2020 года
Статья 1. Учредить медаль «Соғлом турмуш».
Статья 2. Утвердить Положение о медали «Соғлом турмуш» ( прилагается ).
Статья 3. Утвердить Описание медали «Соғлом турмуш» ( прилагается ).
Статья 4. Внести в статью 9 Закона Республики Узбекистан от 22 декабря 1995 года № 176-I «О государственных наградах» (в редакции Закона Республики Узбекистан от 11 апреля 2018 года № ЗРУ-473) (Ведомости палат Олий Мажлиса Республики Узбекистан, 2018 г., № 4, ст. 221; 2019 г., № 9, ст. 589; 2020 г., № 3, ст. 200) следующие дополнение и изменение:
дополнить абзацем четвертым следующего содержания:
«медаль «Соғлом турмуш»;
абзацы четвертый и пятый считать соответственно абзацами пятым и шестым.
Статья 5. Настоящий Закон вступает в силу со дня его официального опубликования.
УТВЕРЖДЕНО Законом Республики Узбекистан от 26 мая 2020 года № ЗРУ-621
о медали «Соғлом турмуш»
1. Медалью «Соғлом турмуш» награждаются за:
большой вклад в формирование здорового образа жизни, предотвращение избыточного веса и ожирения среди населения, а также профилактику вредных привычек, широкую пропаганду соблюдения правил здорового питания и личной гигиены — врачи учреждений здравоохранения, в том числе диетологи, инструкторы по физической культуре, представители средств массовой информации и блогеры, освещающие вопросы здравоохранения и здоровый образ жизни;
личный пример для общественности в регулярном занятии физической культурой и превращении его в повседневный образ жизни, неукоснительном соблюдении правил здорового образа жизни — граждане, образцовые семьи и спортсмены;
весомый вклад в превращение массовых мероприятий физической активности в общенациональное движение путем их системной организации — руководители организаций и ведомств всех уровней;
значительный вклад в развитие массового спорта среди подрастающего поколения, достижение его физического, интеллектуального и духовного совершенства, реализацию способностей, формирование навыков здорового образа жизни — руководители спортивных, общеобразовательных школ и дошкольных образовательных организаций, спортивные тренеры, другие специалисты сферы физической культуры и спорта;
выдающиеся заслуги в деле укрепления у молодежи через спортивные соревнования воли, стойкости, уверенности в собственных силах и способностях, воспитания чувства патриотизма, любви и преданности Родине — представители системы обороны, достигшие высоких результатов спортсмены и их тренеры, судьи и представители спортивных организаций;
вклад в дальнейшее развитие и популяризацию в республике физической культуры и спорта, организацию на высоком уровне спортивных мероприятий и массовых мероприятий по физической культуре, обеспечение учебно-сборных занятий и достойного участия спортсменов в международных соревнованиях — хокимы всех уровней и их заместители, руководители физкультурных и спортивных организаций, спонсоры, руководители предприятий и организаций, прикрепленных к спортивным федерациям (ассоциациям).
2. Медалью «Соғлом турмуш» могут награждаться и иные лица за особые заслуги в формировании здорового образа жизни среди населения, а также в сфере физической культуры и спорта.
3. Представление к награждению, награждение и вручение медали «Соғлом турмуш» производятся в порядке, предусмотренном Законом Республики Узбекистан «О государственных наградах».
4. Лица, награжденные медалью «Соғлом турмуш», получают единовременное денежное вознаграждение в размере десяти базовых расчетных величин.
5. Лица, награжденные медалью «Соғлом турмуш», пользуются льготами, устанавливаемыми законодательством.
6. Медаль «Соғлом турмуш» носится на левой стороне груди.
7. Каждому награжденному лицу одновременно с вручением медали «Соғлом турмуш» выдаются документы о награждении.
УТВЕРЖДЕНО Законом Республики Узбекистан от 26 мая 2020 года № ЗРУ-621
медали «Соғлом турмуш»
Медаль «Соғлом турмуш» изготавливается из медного сплава, покрытого золотом 0,25 микрона, и имеет форму круга диаметром 34 миллиметра.
На лицевой стороне медали, в нижней части расположено символическое изображение земного шара с картой Республики Узбекистан, в верхней части на фоне лучей восходящего солнца — изображение здоровой семьи. Вдоль окружности на фоне зеленой эмали нанесена надпись «SOGʻLOM TURMUSH», в нижней части — две лавровые ветви, скрепленные восьмиконечной звездой. Высота букв и диаметр звезды — 3,2 миллиметра.
На оборотной стороне медали изображен Государственный герб Республики Узбекистан. В нижней части нанесен номер медали вогнутым шрифтом размером 2 миллиметра.
Изображения и надписи — выпуклые.
Толщина медали — 3 миллиметра.
Края лицевой и оборотной сторон медали окаймлены бортиком.
Медаль при помощи ушка и кольца соединяется с пятиугольной колодкой, обтянутой шелковой лентой зеленого цвета, окаймленной белыми полосами. Ширина ленты — 24 миллиметра, ширина белых полос — 1 миллиметр.
На оборотной стороне колодки имеется приспособление в виде булавки для крепления медали к одежде.
Президент Республики Узбекистан Ш. МИРЗИЁЕВ
г. Ташкент,
26 мая 2020 г.,
№ ЗРУ-621