📅 2020-yil 26-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 26 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 мая 2020 г. · Постановления Президента
Официальный текст. Официальный документ. Редакционные примечания не включены.
📅 26 May 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Олмалиқ КМК» АЖ конлари негизида рангли ва қимматбаҳо металлар ишлаб чиқаришни кенгайтиришга доир қўшимча чора-тадбирлар тўғрисида
«Олмалиқ КМК» АЖ инвестиция лойиҳаларини келгусида амалга оширишнинг ягона концепциясини ишлаб чиқиш, саноат ва экспорт салоҳиятини барқарор ривожлантириш, хом ашё базасини кенгайтириш, конларни қазиб олиш ва минерал-хом ашё ресурсларини қайта ишлашга илғор технологияларни жалб қилиш мақсадида:
1. Қуйидагилар маълумот учун қабул қилинсин:
Ўзбекистон Республикаси Президентининг 2017 йил 1 мартдаги «Ёшлик I» кони негизида «Олмалиқ КМК» АЖнинг ишлаб чиқариш қувватларини кенгайтириш чора-тадбирлари тўғрисида»ги ПҚ-2807-сон қарорига мувофиқ, умумий ҳисобланган капитал қўйилмалар суммаси 1,7 млрд АҚШ доллари бўлган, 2027 йилга келиб 23 млн тонна руда қазиб олиш бўйича «Ёшлик-I» конини ўзлаштириш» инвестиция лойиҳасини амалга ошириш бошланган;
2. Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги, Давлат геология ва минерал ресурслар қўмитаси, «Олмалиқ КМК» АЖнинг қуйидагиларни назарда тутувчи «Олмалиқ КМК» АЖ конлари негизида рангли ва қимматбаҳо металлар ишлаб чиқаришни кенгайтиришнинг I босқичини (кейинги ўринларда — Лойиҳа) амалга ошириш тўғрисидаги таклифи маъқуллансин:
2020 — 2024 йилларда карьер қуриш, шунингдек, йилига 60 млн тонна руда қазиб олиш ва қайта ишлаш қувватига эга бўлган 3-сон мис бойитиш фабрикаси объектларини ҳамда инфратузилма объектларини лойиҳалаштириш, ускуналарни етказиб бериш ва қуриш билан бирга геологик қидирув ва конни ўзлаштириш бўйича кон-капитал ишларининг биринчи навбатини амалга ошириш;
2021 — 2025 йилларда йиллик ишлаб чиқариш ҳажмини 290 минг тонна катод миси, 38 тонна олтин ва 203 тонна кумушга етказган ҳолда, металлургия комплекси объектларини лойиҳалаштириш, ускуналарни етказиб бериш ва қуриш ишларининг иккинчи навбатини амалга ошириш.
3. Қуйидагилар Лойиҳани молиялаштириш манбалари этиб белгилансин:
«Олмалиқ КМК» АЖнинг 250 млн АҚШ доллари миқдоридаги ўз маблағлари, шу жумладан 2020 йилда 35 млн АҚШ доллари;
Ўзбекистон Республикаси Тикланиш ва тараққиёт жамғармасининг (кейинги ўринларда — Жамғарма) Лойиҳа доирасида тузилган шартномаларни инобатга олган ҳолда сотиб олинадиган акцияларни ўрнатилган тартибда қўшимча эмиссия қилиш ҳисобига «Олмалиқ КМК» АЖ устав капиталига йўналтириладиган 1 млрд АҚШ доллари миқдоридаги маблағлари;
маҳаллий ва халқаро молия институтлари консорциумининг 2021 йилдан бошлаб, Лойиҳанинг техник-иқтисодий асоси ишлаб чиқилгандан ва якуний қиймати тасдиқлаганидан сўнг жалб қилинадиган синдикатланган кредити маблағлари.
5. «Олмалиқ КМК» АЖ:
а) 2020 йил 1 декабргача Лойиҳанинг биринчи навбати, 2021 йил 1 декабргача эса иккинчи навбати техник-иқтисодий асосланишини тасдиқлаш учун Ўзбекистон Республикаси Вазирлар Маҳкамасига киритсин;
б) Ўзбекистон Республикаси Инвестициялар ва ташқи савдо вазирлиги ҳамда Молия вазирлиги билан биргаликда ушбу қарорнинг 3-бандига мувофиқ кредит консорциумини шакллантириш учун маҳаллий ва халқаро молия институтларининг маблағларини жалб қилиш чораларини кўрсин.
«Олмалиқ КМК» АЖга, истисно тариқасида, қуйидагиларга рухсат берилсин:
техник-иқтисодий асосланиши тасдиқлангунга қадар Лойиҳани молиялаштиришни амалга ошириш;
ўтга чидамли футеровка ва печ қуббаси муддатидан аввал эскиришининг олдини олиш, энергия ресурсларидан самарали фойдаланиш ҳамда комбинатнинг технологик ва ишлаб чиқариш кўрсаткичлари пасайишига йўл қўймаслик мақсадида концентратлар ва металлургия хом ашёсини зарарсиз асосда тўғридан-тўғри шартномалар (контрактлар) бўйича олиб кириш.
6. «Олмалиқ КМК» АЖ, Жамғарма Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги билан биргаликда уч ой муддатда тўғридан-тўғри музокаралар асосида инвестиция банклари, шунингдек, етакчи халқаро инжиниринг ва консалтинг компаниялари орасидан консультантларни қуйидаги вазифаларни амалга ошириш учун жалб қилиш чораларини кўрсин:
Лойиҳани амалга ошириш, лойиҳавий ва инжиниринг ишларини мувофиқлаштириб бориш, техник ва технологик ечимларни рўёбга чиқариш имкониятини ва мақбуллигини тасдиқлаш, шунингдек, Лойиҳа қийматини экспертизадан ўтказиш;
жараёнларни, шу жумладан тендер савдолари ва контрактлар тузиш жараёнларини техник ва маслаҳат жиҳатдан кузатиб бориш, ускуналар жамланиши ва қурилиш-монтаж ишлари бажарилишини назорат қилиш.
7. Жамғарма, Ўзбекистон Республикаси Давлат активларини бошқариш агентлиги 2021 йил 1 январга қадар Лойиҳани молиялаштириш мақсадида Жамғарма томонидан сотиб олинадиган «Олмалиқ КМК» АЖ акцияларини кейинчалик сотиш механизми тўғрисидаги таклифларни Вазирлар Маҳкамасига киритсин.
8. Белгилаб қўйилсинки, Лойиҳани амалга оширишни жадаллаштириш мақсадида, истисно тариқасида, Лойиҳа доирасида пудратчилар, инвестиция банклари ва консультантлар билан тузиладиган шартномаларга, шунингдек, Лойиҳа доирасида молиялаштириладиган бошқа импорт контрактларига нисбатан «Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Лойиҳалар ва импорт контрактларини комплекс экспертиза қилиш маркази» ДУКда мажбурий экспертиза ва рўйхатдан ўтказиш тўғрисидаги қонун ҳужжатлари талаблари татбиқ этилмайди.
9. Молия вазирлиги 2020 йил 1 июнга қадар ушбу қарорга мувофиқ Жамғарма харажатлари ҳажми оширилишини назарда тутувчи «2020 йил учун Ўзбекистон Республикасининг Давлат бюджети тўғрисида»ги Ўзбекистон Республикаси Қонунига ўзгартириш ва қўшимчалар киритиш тўғрисида»ги Қонун лойиҳасини Вазирлар Маҳкамасига киритсин.
10. «Олмалиқ КМК» АЖ конлари негизида рангли ва қимматбаҳо металлар ишлаб чиқаришни кенгайтиришнинг II босқичи бўйича лойиҳа ҳужжатлари сифатли тайёрланишини таъминлаш мақсадида:
а) 2021 йил 1 августга қадар халқаро инжиниринг ва консалтинг компанияларини жалб қилган ҳолда қуйидагиларни амалга оширишни назарда тутувчи «Олмалиқ КМК» АЖ конлари негизида рангли ва қимматбаҳо металлар ишлаб чиқаришни кенгайтиришнинг II босқичи дастлабки техник-иқтисодий асосланишини (pre-feasibility study) Ўзбекистон Республикаси Вазирлар Маҳкамасига киритсин:
2022 — 2027 йилларда геологик қидирув ва конни ўзлаштириш бўйича кон-капитал ишлари, карьерни кенгайтириш, шунингдек, йилига 50 млн тонна руда қазиб олиш ва қайта ишлаш қувватига эга бўлган 4-сон мис бойитиш фабрикаси объектларини ҳамда инфратузилма объектларини лойиҳалаштириш, ускуналарни етказиб бериш ва қуриш;
2024 — 2028 йилларда йиллик ишлаб чиқариш ҳажмини 400 минг тонна катод миси, 50 тонна олтин ва 270 тонна кумушга етказган ҳолда, металлургия комплекси объектларини лойиҳалаштириш, ускуналарни етказиб бериш ва қуриш;
б) 2021 йил 1 октябрга қадар «Олмалиқ КМК» АЖ конлари негизида рангли ва қимматбаҳо металлар ишлаб чиқаришнинг II босқичини, шу жумладан комбинат акцияларини қўшимча эмиссия қилиш йўли билан молиялаштириш манбалари ва таркиби бўйича таклифларни Ўзбекистон Республикаси Вазирлар Маҳкамасига киритсин;
в) 2022 йил 1 июнга қадар «Олмалиқ КМК» АЖ конлари негизида рангли ва қимматбаҳо металлар ишлаб чиқаришни кенгайтиришнинг II босқичи техник-иқтисодий асосланишини Ўзбекистон Республикаси Вазирлар Маҳкамасига киритсин.
11. «Олмалиқ КМК» АЖга Лойиҳани ўз вақтида ва сифатли амалга ошириш ҳамда Жамғарма маблағлари ва жалб этилаётган синдикатланган кредитдан мақсадли ва самарали фойдаланиш бўйича жавобгарлик юклатилсин.
12. Ўзбекистон Республикаси Қурилиш вазирлиги Лойиҳани амалга ошириш доирасида лойиҳа-смета ҳужжатлари давлат экспертизасидан ўтказилишини ва қурилиш-монтаж ишлари сифатли бажарилиши устидан тегишли давлат архитектура-қурилиш назоратини таъминласин.
13. «Олмалиқ КМК» АЖ Адлия вазирлиги билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифларни киритсин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 26 май,
ПҚ-4731-сон
Oʻzbekiston Respublikasi Prezidentining
Qarori
“Olmaliq KMK” AJ konlari negizida rangli va qimmatbaho metallar ishlab chiqarishni kengaytirishga doir qoʻshimcha chora-tadbirlar toʻgʻrisida
“Olmaliq KMK” AJ investitsiya loyihalarini kelgusida amalga oshirishning yagona konsepsiyasini ishlab chiqish, sanoat va eksport salohiyatini barqaror rivojlantirish, xom ashyo bazasini kengaytirish, konlarni qazib olish va mineral-xom ashyo resurslarini qayta ishlashga ilgʻor texnologiyalarni jalb qilish maqsadida:
1. Quyidagilar maʼlumot uchun qabul qilinsin:
Oʻzbekiston Respublikasi Prezidentining 2017-yil 1-martdagi “Yoshlik I” koni negizida “Olmaliq KMK” AJning ishlab chiqarish quvvatlarini kengaytirish chora-tadbirlari toʻgʻrisida”gi PQ-2807-son qaroriga muvofiq, umumiy hisoblangan kapital qoʻyilmalar summasi 1,7 mlrd AQSH dollari boʻlgan, 2027-yilga kelib 23 mln tonna ruda qazib olish boʻyicha “Yoshlik-I” konini oʻzlashtirish” investitsiya loyihasini amalga oshirish boshlangan;
2. Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi, Davlat geologiya va mineral resurslar qoʻmitasi, “Olmaliq KMK” AJning quyidagilarni nazarda tutuvchi “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishning I bosqichini (keyingi oʻrinlarda — Loyiha) amalga oshirish toʻgʻrisidagi taklifi maʼqullansin:
2020 — 2024-yillarda karyer qurish, shuningdek, yiliga 60 mln tonna ruda qazib olish va qayta ishlash quvvatiga ega boʻlgan 3-son mis boyitish fabrikasi obyektlarini hamda infratuzilma obyektlarini loyihalashtirish, uskunalarni yetkazib berish va qurish bilan birga geologik qidiruv va konni oʻzlashtirish boʻyicha kon-kapital ishlarining birinchi navbatini amalga oshirish;
2021 — 2025-yillarda yillik ishlab chiqarish hajmini 290 ming tonna katod misi, 38 tonna oltin va 203 tonna kumushga yetkazgan holda, metallurgiya kompleksi obyektlarini loyihalashtirish, uskunalarni yetkazib berish va qurish ishlarining ikkinchi navbatini amalga oshirish.
3. Quyidagilar Loyihani moliyalashtirish manbalari etib belgilansin:
“Olmaliq KMK” AJning 250 mln AQSH dollari miqdoridagi oʻz mablagʻlari, shu jumladan 2020-yilda 35 mln AQSH dollari;
Oʻzbekiston Respublikasi Tiklanish va taraqqiyot jamgʻarmasining (keyingi oʻrinlarda — Jamgʻarma) Loyiha doirasida tuzilgan shartnomalarni inobatga olgan holda sotib olinadigan aksiyalarni oʻrnatilgan tartibda qoʻshimcha emissiya qilish hisobiga “Olmaliq KMK” AJ ustav kapitaliga yoʻnaltiriladigan 1 mlrd AQSH dollari miqdoridagi mablagʻlari;
mahalliy va xalqaro moliya institutlari konsorsiumining 2021-yildan boshlab, Loyihaning texnik-iqtisodiy asosi ishlab chiqilgandan va yakuniy qiymati tasdiqlaganidan soʻng jalb qilinadigan sindikatlangan krediti mablagʻlari.
5. “Olmaliq KMK” AJ:
a) 2020-yil 1-dekabrgacha Loyihaning birinchi navbati, 2021-yil 1-dekabrgacha esa ikkinchi navbati texnik-iqtisodiy asoslanishini tasdiqlash uchun Oʻzbekiston Respublikasi Vazirlar Mahkamasiga kiritsin;
b) Oʻzbekiston Respublikasi Investitsiyalar va tashqi savdo vazirligi hamda Moliya vazirligi bilan birgalikda ushbu qarorning 3-bandiga muvofiq kredit konsorsiumini shakllantirish uchun mahalliy va xalqaro moliya institutlarining mablagʻlarini jalb qilish choralarini koʻrsin.
“Olmaliq KMK” AJga, istisno tariqasida, quyidagilarga ruxsat berilsin:
texnik-iqtisodiy asoslanishi tasdiqlangunga qadar Loyihani moliyalashtirishni amalga oshirish;
oʻtga chidamli futerovka va pech qubbasi muddatidan avval eskirishining oldini olish, energiya resurslaridan samarali foydalanish hamda kombinatning texnologik va ishlab chiqarish koʻrsatkichlari pasayishiga yoʻl qoʻymaslik maqsadida konsentratlar va metallurgiya xom ashyosini zararsiz asosda toʻgʻridan-toʻgʻri shartnomalar (kontraktlar) boʻyicha olib kirish.
6. “Olmaliq KMK” AJ, Jamgʻarma Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi bilan birgalikda uch oy muddatda toʻgʻridan-toʻgʻri muzokaralar asosida investitsiya banklari, shuningdek, yetakchi xalqaro injiniring va konsalting kompaniyalari orasidan konsultantlarni quyidagi vazifalarni amalga oshirish uchun jalb qilish choralarini koʻrsin:
Loyihani amalga oshirish, loyihaviy va injiniring ishlarini muvofiqlashtirib borish, texnik va texnologik yechimlarni roʻyobga chiqarish imkoniyatini va maqbulligini tasdiqlash, shuningdek, Loyiha qiymatini ekspertizadan oʻtkazish;
jarayonlarni, shu jumladan tender savdolari va kontraktlar tuzish jarayonlarini texnik va maslahat jihatdan kuzatib borish, uskunalar jamlanishi va qurilish-montaj ishlari bajarilishini nazorat qilish.
7. Jamgʻarma, Oʻzbekiston Respublikasi Davlat aktivlarini boshqarish agentligi 2021-yil 1-yanvarga qadar Loyihani moliyalashtirish maqsadida Jamgʻarma tomonidan sotib olinadigan “Olmaliq KMK” AJ aksiyalarini keyinchalik sotish mexanizmi toʻgʻrisidagi takliflarni Vazirlar Mahkamasiga kiritsin.
8. Belgilab qoʻyilsinki, Loyihani amalga oshirishni jadallashtirish maqsadida, istisno tariqasida, Loyiha doirasida pudratchilar, investitsiya banklari va konsultantlar bilan tuziladigan shartnomalarga, shuningdek, Loyiha doirasida moliyalashtiriladigan boshqa import kontraktlariga nisbatan “Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Loyihalar va import kontraktlarini kompleks ekspertiza qilish markazi” DUKda majburiy ekspertiza va roʻyxatdan oʻtkazish toʻgʻrisidagi qonun hujjatlari talablari tatbiq etilmaydi.
9. Moliya vazirligi 2020-yil 1-iyunga qadar ushbu qarorga muvofiq Jamgʻarma xarajatlari hajmi oshirilishini nazarda tutuvchi “2020-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish toʻgʻrisida”gi Qonun loyihasini Vazirlar Mahkamasiga kiritsin.
10. “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishning II bosqichi boʻyicha loyiha hujjatlari sifatli tayyorlanishini taʼminlash maqsadida:
a) 2021-yil 1-avgustga qadar xalqaro injiniring va konsalting kompaniyalarini jalb qilgan holda quyidagilarni amalga oshirishni nazarda tutuvchi “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishning II bosqichi dastlabki texnik-iqtisodiy asoslanishini (pre-feasibility study) Oʻzbekiston Respublikasi Vazirlar Mahkamasiga kiritsin:
2022 — 2027-yillarda geologik qidiruv va konni oʻzlashtirish boʻyicha kon-kapital ishlari, karyerni kengaytirish, shuningdek, yiliga 50 mln tonna ruda qazib olish va qayta ishlash quvvatiga ega boʻlgan 4-son mis boyitish fabrikasi obyektlarini hamda infratuzilma obyektlarini loyihalashtirish, uskunalarni yetkazib berish va qurish;
2024 — 2028-yillarda yillik ishlab chiqarish hajmini 400 ming tonna katod misi, 50 tonna oltin va 270 tonna kumushga yetkazgan holda, metallurgiya kompleksi obyektlarini loyihalashtirish, uskunalarni yetkazib berish va qurish;
b) 2021-yil 1-oktabrga qadar “Olmaliq KMK” AJ konlari negizida rangli va qimmatbaho metallar ishlab chiqarishning II bosqichini, shu jumladan kombinat aksiyalarini qoʻshimcha emissiya qilish yoʻli bilan moliyalashtirish manbalari va tarkibi boʻyicha takliflarni Oʻzbekiston Respublikasi Vazirlar Mahkamasiga kiritsin;
v) 2022-yil 1-iyunga qadar “Olmaliq KMK” AJ konlari negizida rangli va qimmatbaho metallar ishlab chiqarishni kengaytirishning II bosqichi texnik-iqtisodiy asoslanishini Oʻzbekiston Respublikasi Vazirlar Mahkamasiga kiritsin.
11. “Olmaliq KMK” AJga Loyihani oʻz vaqtida va sifatli amalga oshirish hamda Jamgʻarma mablagʻlari va jalb etilayotgan sindikatlangan kreditdan maqsadli va samarali foydalanish boʻyicha javobgarlik yuklatilsin.
12. Oʻzbekiston Respublikasi Qurilish vazirligi Loyihani amalga oshirish doirasida loyiha-smeta hujjatlari davlat ekspertizasidan oʻtkazilishini va qurilish-montaj ishlari sifatli bajarilishi ustidan tegishli davlat arxitektura-qurilish nazoratini taʼminlasin.
13. “Olmaliq KMK” AJ Adliya vazirligi bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflarni kiritsin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 26-may,
PQ-4731-son
Президента Республики Узбекистан
Постановление
О дополнительных мерах по расширению производства цветных и драгоценных металлов на базе месторождений АО «Алмалыкский ГМК»
В целях выработки единой концепции дальнейшей реализации инвестиционных проектов АО «Алмалыкский ГМК», устойчивого развития промышленного и экспортного потенциала, расширения сырьевой базы, привлечения передовых технологий в разработку месторождений и переработку минерально-сырьевых ресурсов:
1. Принять к сведению, что в соответствии с:
постановлением Президента Республики Узбекистан от 1 марта 2017 года № ПП-2807 «О мерах по расширению производственных мощностей АО «Алмалыкский ГМК» на базе месторождения «Ёшлик I» начата реализация инвестиционного проекта «Освоение месторождения «Ёшлик-I» по добыче 23 млн тонн руды к 2027 году с общей расчетной суммой капитальных вложений 1,7 млрд долларов США;
2. Одобрить предложение Министерства финансов, Министерства экономического развития и сокращения бедности, Государственного комитета Республики Узбекистан по геологии и минеральным ресурсам, АО «Алмалыкский ГМК» о реализации I-этапа расширения производства цветных и драгоценных металлов на базе месторождений АО «Алмалыкский ГМК» (далее — Проект), предусматривающего осуществление:
в 2020 — 2024 годах первой очереди геологоразведочных и горно-капитальных работ со строительством карьера, а также проектирования, поставки оборудования и строительства объектов медно-обогатительной фабрики № 3 мощностью ежегодной добычи и переработки 60 млн тонн руды, а также объектов инфраструктуры;
в 2021 — 2025 годах второй очереди проектирования, поставки и строительства объектов металлургического комплекса с доведением объема ежегодного производства до 290 тысяч тонн катодной меди, 38 тонн золота и 203 тонны серебра.
3. Определить следующие источники финансирования Проекта:
собственные средства АО «Алмалыкский ГМК» в размере 250 млн долларов США, в том числе в 2020 году — 35 млн долларов США;
средства Фонда реконструкции и развития Республики Узбекистан (далее — Фонд), направляемые в уставный капитал АО «Алмалыкский ГМК» за счет дополнительной эмиссии акций в установленном порядке в размере до 1 млрд долларов США, приобретаемых с учетом заключенных контрактов в рамках Проекта;
средства синдицированного кредита консорциума отечественных и международных финансовых институтов, привлекаемые с 2021 года после разработки технико-экономического обоснования и подтверждения окончательной стоимости Проекта.
5. АО «Алмалыкский ГМК»:
а) внести в Кабинет Министров Республики Узбекистан на утверждение в срок до 1 декабря 2020 года технико-экономическое обоснование первой очереди Проекта, до 1 декабря 2021 года — второй очереди Проекта;
б) совместно с Министерством инвестиций и внешней торговли, Министерством финансов Республики Узбекистан принять меры по привлечению средств отечественных и международных финансовых институтов для формирования кредитного консорциума в соответствии с пунктом 3 настоящего постановления.
Разрешить АО «Алмалыкский ГМК» в порядке исключения:
осуществлять финансирование Проекта до утверждения технико-экономического обоснования;
в целях предотвращения преждевременного износа огнеупорной футеровки и свода печи, эффективного расходования энергоресурсов, недопущения снижения технологических и производственных показателей комбината завозить концентраты и металлургическое сырье по прямым договорам (контрактам) на безубыточной основе.
6. АО «Алмалыкский ГМК», Фонду совместно с Министерством финансов, Министерством экономического развития и сокращения бедности Республики Узбекистан в трехмесячный срок принять меры по привлечению на основе прямых переговоров инвестиционных банков, а также консультантов из числа ведущих международных инжиниринговых и консалтинговых компаний для:
координации общего хода реализации Проекта, проектных и инжиниринговых работ, подтверждения осуществимости и оптимальности технико-технологических решений, а также экспертизы стоимости Проекта;
оказания технического и консультационного сопровождения, включая тендерные торги и процессы заключения контрактов, контроля подбора оборудования и осуществления строительно-монтажных работ.
7. Фонду, Агентству по управлению государственными активами в срок до 1 января 2021 года внести в Кабинет Министров Республики Узбекистан предложения о механизме последующей реализации акций АО «Алмалыкский ГМК», приобретаемых Фондом в целях финансирования Проекта.
8. Установить, что в целях ускорения реализации Проекта, в порядке исключения, не распространяются требования законодательства об обязательной экспертизе и регистрации в ГУП «Центр комплексной экспертизы проектов и импортных контрактов при Министерстве экономического развития и сокращения бедности Республики Узбекистан» договоров, заключаемых в рамках Проекта с подрядчиками, инвестиционными банками и консультантами, а также других импортных контрактов, финансируемых в рамках Проекта.
9. Министерству финансов в срок до 1 июня 2020 года внести в Кабинет Министров проект Закона «О внесении изменений и дополнений в Закон Республики Узбекистан «О Государственном бюджете Республики Узбекистан на 2020 год», предусматривающий увеличение объемов расходования средств Фонда в соответствии с настоящим постановлением.
10. В целях обеспечения качественной подготовки проектной документации по II-этапу расширения производства цветных и драгоценных металлов на базе месторождений комбината АО «Алмалыкский ГМК»:
а) в срок до 1 августа 2021 года с привлечением международных инжиниринговых и консалтинговых компаний внести в Кабинет Министров Республики Узбекистан предварительное технико-экономическое обоснование (pre-feasibility study) II-этапа расширения производства цветных и драгоценных металлов на базе месторождений АО «Алмалыкский ГМК», предусматривающего осуществление:
в 2022 — 2027 годах геологоразведочных и горно-капитальных работ, расширения карьера, а также проектирования, поставки оборудования и строительства объектов медно-обогатительной фабрики № 4 мощностью ежегодной добычи и переработки не менее 50 млн тонн руды, а также объектов инфраструктуры;
в 2024 — 2028 годах проектирования, поставки и строительства объектов металлургического комплекса с доведением объема ежегодного производства до 400 тысяч тонн катодной меди, 50 тонн золота и 270 тонн серебра;
б) в срок до 1 октября 2021 года внести в Кабинет Министров Республики Узбекистан предложения по источникам и структуре финансирования II-этапа производства цветных и драгоценных металлов на базе месторождений АО «Алмалыкский ГМК», в том числе путем дополнительной эмиссии акций комбината;
в) в срок до 1 июня 2022 года внести в Кабинет Министров Республики Узбекистан технико-экономическое обоснование II-этапа расширения производства цветных и драгоценных металлов на базе месторождений АО «Алмалыкский ГМК».
11. Возложить на АО «Алмалыкский ГМК» ответственность за своевременную и качественную реализацию Проекта, а также целевое и эффективное использование средств Фонда и привлекаемого синдицированного кредита.
12. Министерству строительства Республики Узбекистан обеспечить государственную экспертизу проектно-сметной документации и надлежащий государственный архитектурно-строительный надзор за качеством выполнения строительно-монтажных работ в рамках реализации Проекта.
13. АО «Алмалыкский ГМК» совместно с Министерством юстиции в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
26 мая 2020 г.,
№ ПП-4731