📅 2020-yil 26-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 26 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 26 мая 2020 г. · Указы Президента
Официальный текст. Официальный документ. Редакционные примечания не включены.
📅 26 May 2020 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
НИЗОМ
ТАВСИФИ
«Меҳр-саховат» кўкрак нишонини таъсис этиш тўғрисида
Жаҳон миқёсида кенг тарқалиб, глобал муаммога айланган коронавирус пандемияси даврида, шунингдек, турли табиий офатлар, фавқулодда ҳолатлар туфайли эл-юртимиз бошига тушган синовли кунларда мавжуд хавф-хатарларга қарши курашда, уларнинг оқибатларини бартараф этишда мардлик ва жасорат намунасини кўрсатган, миллий қадрият ва анъаналаримизни муносиб давом эттириб, меҳр-оқибат, саховат, ҳиммат ва олийжаноблик фазилатларини улуғлаб келаётган, аҳолининг ижтимоий ҳимояга муҳтож қатламларини ҳар томонлама қўллаб-қувватлаш ва уларга беминнат кўмак бериш борасидаги ишларни умумхалқ ҳаракати даражасига кўтаришга катта ҳисса қўшган, жамиятимизда тинчлик-осойишталик, бирлик ва ҳамжиҳатлик муҳитини мустаҳкамлашда фаол иштирок этиб, беғараз ҳомийлик ёрдами ҳамда эзгу ишлари билан кўпчиликка алоҳида ўрнак бўлаётган юртдошларимизни тақдирлаш мақсадида:
1. «Меҳр-саховат» кўкрак нишони таъсис этилсин.
2. Қуйидагилар:
«Меҳр-саховат» кўкрак нишони тўғрисидаги низом 1-иловага мувофиқ;
«Меҳр-саховат» кўкрак нишонининг тавсифи 2-иловага мувофиқ тасдиқлансин.
3. Ўзбекистон Республикаси Вазирлар Маҳкамаси икки ҳафта муддатда «Меҳр-саховат» кўкрак нишонлари ва уларнинг гувоҳномаларини белгиланган тартибда тайёрланишини таъминласин.
4. Ушбу Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президентининг 2020 йил 26 майдаги ПФ-5999-сон Фармонига 1-ИЛОВА
«Меҳр-саховат» кўкрак нишони тўғрисидаги
1. «Меҳр-саховат» кўкрак нишони билан Ўзбекистон Республикаси фуқаролари:
жаҳон миқёсида кенг тарқалиб, глобал муаммога айланган коронавирус пандемияси даврида, шунингдек, турли табиий офатлар, фавқулодда ҳолатлар туфайли эл-юртимиз бошига тушган синовли кунларда мавжуд хавф-хатарларга қарши курашда, уларнинг оқибатларини бартараф этишда мардлик ва жасорат намунасини кўрсатгани;
танти ва олийжаноб халқимизнинг буюк тарихий ва маънавий қадриятларини, миллий анъаналарини муносиб давом эттириб, меҳр-оқибат, саховат ва ҳиммат каби юксак фазилатларни улуғлаб келаётгани;
аҳолининг ижтимоий ҳимояга муҳтож қатламини ҳар томонлама қўллаб-қувватлаш борасидаги ишларни умумхалқ ҳаракати даражасига кўтаришга катта ҳисса қўшгани;
хайрия ва саховат маблағларини тўғри ва холис йўналтириш, қийин аҳволга тушган аҳолига ўз вақтида беминнат кўмак беришдаги ташаббускорлиги;
бугунги мураккаб ва оғир шароитда жамиятда тинчлик-осойишталик, бирлик ва ўзаро ҳамжиҳатлик муҳитини мустаҳкамлашдаги фаоллиги;
беғараз ҳомийлик ёрдами ҳамда эзгу ишлари билан кўпчиликка алоҳида ўрнак бўлгани учун мукофотланади.
2. «Меҳр-саховат» кўкрак нишони билан Ўзбекистон Республикаси фуқароси бўлмаган шахслар ҳам тақдирланиши мумкин.
3. «Меҳр-саховат» кўкрак нишони Ўзбекистон Республикаси Президенти ёки унинг номидан Ўзбекистон Республикаси Олий Мажлиси Сенатининг Раиси, Ўзбекистон Республикаси Олий Мажлиси Қонунчилик палатасининг Спикери, Ўзбекистон Республикасининг Бош вазири, вазирлик, идора ва жамоат бирлашмаларининг республика органлари раҳбарлари, Қорақалпоғистон Республикаси Жўқорғи Кенгеси Раиси, вилоятлар ва Тошкент шаҳар ҳокимлари, шунингдек, бунга вакил қилинган бошқа шахслар томонидан тантанали вазиятда топширилади.
4. Мукофотланганларга кўкрак нишони билан бирга унинг гувоҳномаси берилади.
5. «Меҳр-саховат» кўкрак нишони кўкракнинг чап томонига давлат мукофотларидан кейин тақилади.
Ўзбекистон Республикаси Президентининг 2020 йил 26 майдаги ПФ-5999-сон Фармонига 2-ИЛОВА
«Меҳр-саховат» кўкрак нишонининг
«Меҳр-саховат» кўкрак нишони 0,25 микрон қалинликда олтин қопланган мис қотишмасидан тайёрланади ва диаметри 34 миллиметрли доира шаклида бўлади.
Кўкрак нишонининг марказида кўтарилаётган қуёш нурлари фонида ғамхўрлик билан қучиб турилган инсонларнинг рамзий тасвири акс эттирилган. Кўкрак нишонининг айланаси бўйлаб, юқори қисмида оқ эмаль фонида «MEHR-SAXOVAT» ёзуви ва қуйи қисмида иккита дафна новдаси жойлашган. Ҳарфлар баландлиги — 2,2 миллиметр.
Кўкрак нишонининг орқа томонида Ўзбекистон Республикаси Давлат герби тасвирланган.
Кўкрак нишонининг қалинлиги — 3 миллиметр.
Ёзув ва тасвирлар — бўртма.
Кўкрак нишонининг олд ва орқа томонларининг четлари қабариқ доира билан ўралган.
Кўкрак нишони илмоқ ва ҳалқа ёрдамида Ўзбекистон Республикаси Давлат байроғи рангларидаги шойи лента қопланган беш қиррали қадағичга уланган.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
«Меҳр-саховат» кўкрак нишони
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 26 май,
ПФ-5999-сон
Oʻzbekiston Respublikasi Prezidentining
Farmoni
NIZOM
TAVSIFI
“Mehr-saxovat” koʻkrak nishonini taʼsis etish toʻgʻrisida
Jahon miqyosida keng tarqalib, global muammoga aylangan koronavirus pandemiyasi davrida, shuningdek, turli tabiiy ofatlar, favqulodda holatlar tufayli el-yurtimiz boshiga tushgan sinovli kunlarda mavjud xavf-xatarlarga qarshi kurashda, ularning oqibatlarini bartaraf etishda mardlik va jasorat namunasini koʻrsatgan, milliy qadriyat va anʼanalarimizni munosib davom ettirib, mehr-oqibat, saxovat, himmat va oliyjanoblik fazilatlarini ulugʻlab kelayotgan, aholining ijtimoiy himoyaga muhtoj qatlamlarini har tomonlama qoʻllab-quvvatlash va ularga beminnat koʻmak berish borasidagi ishlarni umumxalq harakati darajasiga koʻtarishga katta hissa qoʻshgan, jamiyatimizda tinchlik-osoyishtalik, birlik va hamjihatlik muhitini mustahkamlashda faol ishtirok etib, begʻaraz homiylik yordami hamda ezgu ishlari bilan koʻpchilikka alohida oʻrnak boʻlayotgan yurtdoshlarimizni taqdirlash maqsadida:
1. “Mehr-saxovat” koʻkrak nishoni taʼsis etilsin.
2. Quyidagilar:
“Mehr-saxovat” koʻkrak nishoni toʻgʻrisidagi nizom 1-ilovaga muvofiq;
“Mehr-saxovat” koʻkrak nishonining tavsifi 2-ilovaga muvofiq tasdiqlansin.
3. Oʻzbekiston Respublikasi Vazirlar Mahkamasi ikki hafta muddatda “Mehr-saxovat” koʻkrak nishonlari va ularning guvohnomalarini belgilangan tartibda tayyorlanishini taʼminlasin.
4. Ushbu Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidentining 2020-yil 26-maydagi PF-5999-son Farmoniga 1-ILOVA
“Mehr-saxovat” koʻkrak nishoni toʻgʻrisidagi
1. “Mehr-saxovat” koʻkrak nishoni bilan Oʻzbekiston Respublikasi fuqarolari:
jahon miqyosida keng tarqalib, global muammoga aylangan koronavirus pandemiyasi davrida, shuningdek, turli tabiiy ofatlar, favqulodda holatlar tufayli el-yurtimiz boshiga tushgan sinovli kunlarda mavjud xavf-xatarlarga qarshi kurashda, ularning oqibatlarini bartaraf etishda mardlik va jasorat namunasini koʻrsatgani;
tanti va oliyjanob xalqimizning buyuk tarixiy va maʼnaviy qadriyatlarini, milliy anʼanalarini munosib davom ettirib, mehr-oqibat, saxovat va himmat kabi yuksak fazilatlarni ulugʻlab kelayotgani;
aholining ijtimoiy himoyaga muhtoj qatlamini har tomonlama qoʻllab-quvvatlash borasidagi ishlarni umumxalq harakati darajasiga koʻtarishga katta hissa qoʻshgani;
xayriya va saxovat mablagʻlarini toʻgʻri va xolis yoʻnaltirish, qiyin ahvolga tushgan aholiga oʻz vaqtida beminnat koʻmak berishdagi tashabbuskorligi;
bugungi murakkab va ogʻir sharoitda jamiyatda tinchlik-osoyishtalik, birlik va oʻzaro hamjihatlik muhitini mustahkamlashdagi faolligi;
begʻaraz homiylik yordami hamda ezgu ishlari bilan koʻpchilikka alohida oʻrnak boʻlgani uchun mukofotlanadi.
2. “Mehr-saxovat” koʻkrak nishoni bilan Oʻzbekiston Respublikasi fuqarosi boʻlmagan shaxslar ham taqdirlanishi mumkin.
3. “Mehr-saxovat” koʻkrak nishoni Oʻzbekiston Respublikasi Prezidenti yoki uning nomidan Oʻzbekiston Respublikasi Oliy Majlisi Senatining Raisi, Oʻzbekiston Respublikasi Oliy Majlisi Qonunchilik palatasining Spikeri, Oʻzbekiston Respublikasining Bosh vaziri, vazirlik, idora va jamoat birlashmalarining respublika organlari rahbarlari, Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahar hokimlari, shuningdek, bunga vakil qilingan boshqa shaxslar tomonidan tantanali vaziyatda topshiriladi.
4. Mukofotlanganlarga koʻkrak nishoni bilan birga uning guvohnomasi beriladi.
5. “Mehr-saxovat” koʻkrak nishoni koʻkrakning chap tomoniga davlat mukofotlaridan keyin taqiladi.
Oʻzbekiston Respublikasi Prezidentining 2020-yil 26-maydagi PF-5999-son Farmoniga 2-ILOVA
“Mehr-saxovat” koʻkrak nishonining
“Mehr-saxovat” koʻkrak nishoni 0,25 mikron qalinlikda oltin qoplangan mis qotishmasidan tayyorlanadi va diametri 34 millimetrli doira shaklida boʻladi.
Koʻkrak nishonining markazida koʻtarilayotgan quyosh nurlari fonida gʻamxoʻrlik bilan quchib turilgan insonlarning ramziy tasviri aks ettirilgan. Koʻkrak nishonining aylanasi boʻylab, yuqori qismida oq emal fonida “MEHR-SAXOVAT” yozuvi va quyi qismida ikkita dafna novdasi joylashgan. Harflar balandligi — 2,2 millimetr.
Koʻkrak nishonining orqa tomonida Oʻzbekiston Respublikasi Davlat gerbi tasvirlangan.
Koʻkrak nishonining qalinligi — 3 millimetr.
Yozuv va tasvirlar — boʻrtma.
Koʻkrak nishonining old va orqa tomonlarining chetlari qabariq doira bilan oʻralgan.
Koʻkrak nishoni ilmoq va halqa yordamida Oʻzbekiston Respublikasi Davlat bayrogʻi ranglaridagi shoyi lenta qoplangan besh qirrali qadagʻichga ulangan.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Mehr-saxovat” koʻkrak nishoni
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 26-may,
PF-5999-son
Президента Республики Узбекистан
Указ
ПОЛОЖЕНИЕ
ОПИСАНИЕ
Об учреждении нагрудного знака «Меҳр-саховат»
В целях поощрения соотечественников, проявивших мужество и отвагу в преодолении испытаний, которые пришлось пережить нашему народу в период распространившейся пандемии коронавируса, ставшей глобальной угрозой, при устранении последствий различных стихийных бедствий и чрезвычайных ситуаций, показавших себя достойными продолжателями таких традиций и качеств нашего народа, как милосердие, доброта, щедрость души и благородство, внесших большой вклад в превращение в общенародное движение деятельности по всесторонней поддержке социально уязвимых слоев населения и оказанию им безвозмездной помощи, явивших собой пример в осуществлении благотворительности и совершении добрых дел, а также принимающих активное участие в укреплении в нашем в обществе атмосферы мира, спокойствия, единства и взаимопонимания:
1. Учредить нагрудный знак «Меҳр-саховат».
2. Утвердить:
Положение о нагрудном знаке «Меҳр-саховат» согласно приложению № 1 ;
Описание нагрудного знака «Меҳр-саховат» согласно приложению № 2 .
3. Кабинету Министров Республики Узбекистан в двухнедельный срок обеспечить в установленном порядке изготовление нагрудных знаков «Меҳр-саховат» и удостоверений к ним.
4. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
ПРИЛОЖЕНИЕ № 1 к Указу Президента Республики Узбекистан от 26 мая 2020 года № УП-5999
о нагрудном знаке «Меҳр-саховат»
1. Нагрудным знаком «Меҳр-саховат» награждаются граждане Республики Узбекистан за:
мужество и отвагу, проявленные в преодолении испытаний, которые пришлось пережить нашему народу в период распространившейся пандемии коронавируса, ставшей глобальной угрозой, при устранении последствий различных стихийных бедствий и чрезвычайных ситуаций;
достойное продолжение и развитие таких высоких духовных ценностей и традиций нашего великодушного и благородного народа, как милосердие, щедрость и доброта;
большой вклад в превращение в общенародное движение деятельности по всесторонней поддержке социально уязвимых слоев населения;
эффективное распределение благотворительных средств, инициативность в предоставлении своевременной безвозмездной помощи населению, оказавшемуся в трудном положении;
проявленное в сегодняшнее непростое время активное участие в укреплении в нашем обществе атмосферы мира, спокойствия, единства и взаимопонимания;
являющуюся примером благотворительную деятельность и совершение добрых дел.
2. Нагрудным знаком «Меҳр-саховат» могут награждаться и лица, не являющиеся гражданами Республики Узбекистан.
3. Вручение нагрудного знака «Меҳр-саховат» производится в торжественной обстановке Президентом Республики Узбекистан или от его имени Председателем Сената Олий Мажлиса Республики Узбекистан, Спикером Законодательной палаты Олий Мажлиса Республики Узбекистан, Премьер-министром Республики Узбекистан, руководителями республиканских органов министерств, ведомств и общественных объединений, Председателем Жокаргы Кенеса Республики Каракалпакстан, хокимами областей и города Ташкента, другими уполномоченными на то лицами.
4. Вместе с нагрудным знаком награжденным вручается удостоверение.
5. Нагрудный знак «Меҳр-саховат» носится на левой стороне груди после государственных наград.
ПРИЛОЖЕНИЕ № 2 к Указу Президента Республики Узбекистан от 26 мая 2020 года № УП-5999
нагрудного знака «Меҳр-саховат»
Нагрудный знак «Меҳр-саховат» изготавливается из медного сплава, покрытого золотом толщиной 0,25 микрона и имеет форму круга диаметром 34 миллиметра.
В центре нагрудного знака на фоне лучей восходящего солнца расположено символическое изображение людей в бережных объятиях заботливых рук. По окружности в верхней части нагрудного знака на фоне белой эмали расположена надпись «MEHR — SAXOVAT», в нижней части — две лавровые ветви. Высота букв — 2,2 миллиметра.
На оборотной стороне нагрудного знака изображен Государственный герб Республики Узбекистан.
Толщина нагрудного знака — 3 миллиметра.
Изображения и надписи — выпуклые.
Края лицевой и оборотной сторон нагрудного знака окаймлены бортиком.
Нагрудный знак при помощи ушка и кольца соединяется с пятиугольной колодкой, обтянутой шелковой лентой цветов Государственного флага Республики Узбекистан.
На оборотной стороне колодки имеется приспособление в виде булавки для крепления нагрудного знака к одежде.
Нагрудный знак «Меҳр-саховат»
Президент Республики Узбекистан Ш. МИРЗИЁЕВ
г. Ташкент,
26 мая 2020 г.,
№ УП-5999