📅 2020-yil 28-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 28 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 28 мая 2020 г. · Указы Президента
Официальный текст. Официальный документ. Редакционные примечания не включены.
📅 28 May 2020 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Коронавирус пандемиясининг салбий таъсирини камайтириш учун туризм соҳасини қўллаб-қувватлашга доир кечиктириб бўлмайдиган чора-тадбирлар тўғрисида
Коронавирус пандемиясининг салбий таъсири оқибатида энг кўп зарар кўрган ва кўраётган туризм ҳамда унга бевосита боғлиқ бўлган тармоқларни қўллаб-қувватлаш, юз минглаб иш ўринлари ва малакали мутахассисларни сақлаб қолиш, уларнинг даромадларини ушлаб туриш, шунингдек, мамлакатда санитария-эпидеомологик вазият яхшиланишига қараб туризм соҳасини жадал қайта тиклаш мақсадида:
1. Ўзбекистон Республикасига коронавируснинг янги тури кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича республика махсус комиссияси, жамоат ташкилотлари ва туризм соҳаси субъектларининг қуйидаги таклифларига розилик берилсин:
белгиланган санитария-гигиена меъёрлари ва талабларига қатъий риоя этган ҳолда 2020 йилнинг 1 июнидан «яшил» ва «сариқ» тоифадаги ҳудудларда ички туризмни қайта йўлга қўйиш билан биргаликда ёндош ташкилотларнинг (туроператорлар, турагентликлар, жойлаштириш воситалари, маданият ва маданий мерос объектлари ҳамда бошқалар) фаолиятини бошлаш;
фуқароларига Ўзбекистон Республикасига киришга рухсат этиладиган мамлакатлар рўйхатини белгилаб олган ҳолда кириш туризмни босқичма-босқич қайта тиклаш.
2. Белгилансинки, туроператорлар, турагентлар, шунингдек жойлаштириш воситалари учун:
2020 йил 1 июндан 2021 йил 31 декабрга қадар фойда солиғи ставкаси белгиланган ставкага нисбатан 50 фоизга камайтирилади;
2020 ва 2021 йил якунлари бўйича зарарларни Ўзбекистон Республикаси Солиқ кодексида назарда тутилган миқдор билан чекламаган тарзда ўтказиш ҳуқуқи берилади;
2021 йил 1 январгача бўлган даврда туристик (меҳмонхона) йиғимини ҳисоблаш ва тўлаш тўхтатилади.
Жойлаштириш воситаларига алкоголь маҳсулотлари билан чакана савдо қилиш ҳуқуқи учун маҳаллий йиғимни тўлашни 2021 йил 1 январгача бўлган муддатга давлат солиқ хизмати органларини хабардор қилиш ва кейинчалик уларни 12 ой мобайнида тенг қисмларда тўлаш асосида фоизсиз кечиктириш (бўлиб-бўлиб тўлаш) ҳуқуқи тақдим этилади.
3. Белгилансинки, Ўзбекистон Республикаси Туризм ва спорт вазирлиги ҳузуридаги бюджетдан ташқари Туризм ва спортни қўллаб-қувватлаш жамғармаси (кейинги ўринларда — Жамғарма) маблағлари ҳисобидан:
а) 2020 йил 1 июндан 31 декабрга қадар бўлган даврда қуйидагиларга Инқирозга қарши курашиш республика комиссияси томонидан белгиланадиган мезонлар асосида 12 ой муддатга бир марталик мақсадли фоизсиз ссудалар ажратиш шаклида:
туроператорларга 2019 йилдаги ўртача ойлик иш ҳақи фондининг уч бараваридан ошмайдиган миқдорда;
жойлаштириш воситаларига ҳар бир ётоқ ўрни учун базавий ҳисоблаш миқдорининг беш баравари миқдорида;
б) Дастурий маҳсулотлар ва ахборот технологиялари технологик парки фаолиятини ташкил этиш тартибига мувофиқ туризм соҳасидаги «стартап» лойиҳалар ва инновацион бизнес ғояларни, шу жумладан биринчи навбатда туристлар учун қулайликлар яратишга йўналтирилган ахборот дастурлари ва хизматларини умумий 1,5 миллиард сўм миқдорида қисман субсидиялаш орқали;
в) 2020 йил 1 июндан 2021 йил 31 декабрга қадар бўлган даврда республика ҳудудларида (Тошкент шаҳри бундан мустасно) хорижий ошхона ёки алоҳида йўналиш бўйича ихтисослашган тематик овқатланиш шохобчалари, овқат ва озиқ-овқат маҳсулотларини етказиб бериш, шунингдек, сувенир маҳсулотларини етказиб бериш бўйича хизматларни ташкил этиш бўйича лойиҳа ташаббускорларига лойиҳа қийматининг 30 фоизи, лекин ҳар бир лойиҳа учун 100 миллион сўмдан ортиқ бўлмаган миқдорда грантлар ажратиш орқали;
г) 2020 йил 1 июндан 2021 йил 31 декабрга қадар бўлган даврда янги туризм маҳсулотлари ва йўналишларини ишлаб чиқиш ва тарғиб қилишга гидлар учун 5 миллион сўм, туроператорлар учун 10 миллион сўм миқдорида грантлар ажратиш орқали қўшимча кўмак кўрсатилади.
4. Давлат томонидан қуйидаги қўшимча кўмак кўрсатилсин:
б) 2020 йил 1 июндан 2021 йил 1 мартга қадар жойлаштириш бўйича хизматлар (меҳмонхона хизматлари) нархининг 10 фоизи миқдорида жойлаштириш воситаларини субсидиялаш;
в) Жамғарма маблағлари ҳисобидан Ўзбекистон Республикаси резидентлари — туроператорлар ва турагентларга кириш туризми қайта бошланган кундан эътиборан улар томонидан олиб келинган хорижий туристларнинг умумий сони 500 минг нафарга етгунга қадар Ўзбекистон Республикаси Президентининг 2019 йил 13 августдаги «Ўзбекистон Республикасида туризм соҳасини янада ривожлантириш чора-тадбирлари тўғрисида»ги ПФ-5781-сон Фармонига мувофиқ компенсация қилинадиган чартер рейслар орқали олиб келинганлардан ташқари Ўзбекистон Республикасига олиб келинган ва хизмат кўрсатилган ҳар бир хорижий турист учун 15 АҚШ доллари миқдорида, уларнинг Ўзбекистон Республикаси ҳудудида камида беш сутка бўлиши шарти билан рағбатлантирувчи субсидиялар ажратиш;
г) Жамғарма маблағлари ҳисобидан кириш туризми қайта бошланган кундан эътиборан 2021 йил 31 декабрга қадар камида 10 кишидан иборат хорижий туристик гуруҳлар учун Ўзбекистон Республикасида тур ташкил этиш ва уларнинг жойлаштириш воситаларида камида беш кеча тунаб қолиши шарти билан туроператорларнинг авиа ва темир йўл чипталари бўйича харажатларини чипта нархининг 30 фоизи миқдорида қисман субсидиялаш;
д) 2021 йил 1 июнга қадар Жамғарма маблағлари ҳисобидан меҳмонхоналарга тоифа олиш ёки ошириш учун реновация, реконструкция ҳамда моддий-техник базасини мустаҳкамлаш бўйича харажатларни олинган тоифани келгуси 3 йил давомида сақлаш шарти билан қуйидаги миқдорда қоплаш:
3 юлдузли тоифадаги меҳмонхоналарнинг ҳар бир хонаси учун 5 миллион сўм;
4 юлдузли тоифадаги меҳмонхоналарнинг ҳар бир хонаси учун 10 миллион сўм;
5 юлдузли тоифадаги меҳмонхоналарнинг ҳар бир хонаси учун 15 миллион сўм.
5. Белгилансинки, Ўзбекистон Республикаси Туризмни ривожлантириш давлат қўмитаси тасарруфидаги техникум ва коллежларга 2020 йилда ўқишга қабул қилинган барча тингловчиларни ўқитиш, истисно тариқасида, давлат гранти асосида амалга оширилади.
6. Ўзбекистон Республикаси Туризмни ривожлантириш давлат қўмитаси, Давлат солиқ қўмитаси ва Марказий банкининг 2020 йил 1 октябрдан бошлаб жойлаштириш воситаларини қуриш учун тижорат банклари томонидан аввал берилган кредитлар бўйича асосий қарз тўловини 18 ойдан 24 ойгача узайтириш тўғрисидаги таклифларига розилик берилсин.
7. 2022 йил 1 январга қадар юридик шахслар белгиланган тартибда шакллантириладиган рўйхатлар бўйича Ўзбекистон Республикаси ҳудудига олиб кириладиган дезинфекция ишларини олиб бориш учун жиҳозлар, техникалар, уларнинг бутловчи ва эҳтиёт қисмлари, бино ва иншоотларни қуриш, реконструкция қилиш ва жиҳозлаш учун алоқасиз бошқариладиган (сенсорли) жиҳозлар, шунингдек, ҳидсиз дезинфекцияловчи воситалар учун божхона тўловларини тўлашдан (божхона расмийлаштируви учун йиғимлар ва қўшилган қиймат солиғидан ташқари) озод этилсин.
8. Ўзбекистон Республикаси Молия вазирлиги:
бир ҳафта муддатда Молия вазирлиги ҳузуридаги Инқирозга қарши курашиш жамғармаси ҳисобидан мазкур Фармонда назарда тутилган чора-тадбирларни амалга оширишни бошлаш учун Жамғармага 20 миллиард сўм ажратилишини, шунингдек, заруратга кўра Ўзбекистон Республикаси Туризмни ривожлантириш давлат қўмитасининг буюртманомаларига кўра мазкур Фармоннинг 3 ва 4-бандларида назарда тутилган тадбирларни амалга ошириш учун маблағлар ажратилишини таъминласин;
бир ой муддатда Ўзбекистон Республикаси Давлат бюджетидан туризм соҳасидаги техникум ва коллежларда 2020-2021 ўқув йилида мутахассисларни тайёрлаш учун маблағлар ажратсин.
9. Ўзбекистон Республикаси Туризмни ривожлантириш давлат қўмитаси:
Молия вазирлиги билан биргаликда қабул қилинган қўллаб-қувватлаш чораларининг натижадорлиги ўрганилишини ва унинг якунлари бўйича кейинги йилларда давлат томонидан қўллаб-қувватлаш чораларини кўриш бўйича таклифлар 2021 йил 15 январга қадар киритилишини таъминласин;
манфаатдор вазирлик ва идоралар билан биргаликда икки ой муддатда қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 28 май,
ПФ-6002-сон
Oʻzbekiston Respublikasi Prezidentining
Farmoni
Koronavirus pandemiyasining salbiy taʼsirini kamaytirish uchun turizm sohasini qoʻllab-quvvatlashga doir kechiktirib boʻlmaydigan chora-tadbirlar toʻgʻrisida
Koronavirus pandemiyasining salbiy taʼsiri oqibatida eng koʻp zarar koʻrgan va koʻrayotgan turizm hamda unga bevosita bogʻliq boʻlgan tarmoqlarni qoʻllab-quvvatlash, yuz minglab ish oʻrinlari va malakali mutaxassislarni saqlab qolish, ularning daromadlarini ushlab turish, shuningdek, mamlakatda sanitariya-epideomologik vaziyat yaxshilanishiga qarab turizm sohasini jadal qayta tiklash maqsadida:
1. Oʻzbekiston Respublikasiga koronavirusning yangi turi kirib kelishi va tarqalishining oldini olish yuzasidan chora-tadbirlar dasturini tayyorlash boʻyicha respublika maxsus komissiyasi, jamoat tashkilotlari va turizm sohasi subyektlarining quyidagi takliflariga rozilik berilsin:
belgilangan sanitariya-gigiyena meʼyorlari va talablariga qatʼiy rioya etgan holda 2020-yilning 1-iyunidan “yashil” va “sariq” toifadagi hududlarda ichki turizmni qayta yoʻlga qoʻyish bilan birgalikda yondosh tashkilotlarning (turoperatorlar, turagentliklar, joylashtirish vositalari, madaniyat va madaniy meros obyektlari hamda boshqalar) faoliyatini boshlash;
fuqarolariga Oʻzbekiston Respublikasiga kirishga ruxsat etiladigan mamlakatlar roʻyxatini belgilab olgan holda kirish turizmni bosqichma-bosqich qayta tiklash.
2. Belgilansinki, turoperatorlar, turagentlar, shuningdek joylashtirish vositalari uchun:
2020-yil 1-iyundan 2021-yil 31-dekabrga qadar foyda soligʻi stavkasi belgilangan stavkaga nisbatan 50 foizga kamaytiriladi;
2020 va 2021-yil yakunlari boʻyicha zararlarni Oʻzbekiston Respublikasi Soliq kodeksida nazarda tutilgan miqdor bilan cheklamagan tarzda oʻtkazish huquqi beriladi;
2021-yil 1-yanvargacha boʻlgan davrda turistik (mehmonxona) yigʻimini hisoblash va toʻlash toʻxtatiladi.
Joylashtirish vositalariga alkogol mahsulotlari bilan chakana savdo qilish huquqi uchun mahalliy yigʻimni toʻlashni 2021-yil 1-yanvargacha boʻlgan muddatga davlat soliq xizmati organlarini xabardor qilish va keyinchalik ularni 12 oy mobaynida teng qismlarda toʻlash asosida foizsiz kechiktirish (boʻlib-boʻlib toʻlash) huquqi taqdim etiladi.
3. Belgilansinki, Oʻzbekiston Respublikasi Turizm va sport vazirligi huzuridagi budjetdan tashqari Turizm va sportni qoʻllab-quvvatlash jamgʻarmasi (keyingi oʻrinlarda — Jamgʻarma) mablagʻlari hisobidan:
a) 2020-yil 1-iyundan 31-dekabrga qadar boʻlgan davrda quyidagilarga Inqirozga qarshi kurashish respublika komissiyasi tomonidan belgilanadigan mezonlar asosida 12 oy muddatga bir martalik maqsadli foizsiz ssudalar ajratish shaklida:
turoperatorlarga 2019-yildagi oʻrtacha oylik ish haqi fondining uch baravaridan oshmaydigan miqdorda;
joylashtirish vositalariga har bir yotoq oʻrni uchun bazaviy hisoblash miqdorining besh baravari miqdorida;
b) Dasturiy mahsulotlar va axborot texnologiyalari texnologik parki faoliyatini tashkil etish tartibiga muvofiq turizm sohasidagi “startap” loyihalar va innovatsion biznes gʻoyalarni, shu jumladan birinchi navbatda turistlar uchun qulayliklar yaratishga yoʻnaltirilgan axborot dasturlari va xizmatlarini umumiy 1,5 milliard soʻm miqdorida qisman subsidiyalash orqali;
v) 2020-yil 1-iyundan 2021-yil 31-dekabrga qadar boʻlgan davrda respublika hududlarida (Toshkent shahri bundan mustasno) xorijiy oshxona yoki alohida yoʻnalish boʻyicha ixtisoslashgan tematik ovqatlanish shoxobchalari, ovqat va oziq-ovqat mahsulotlarini yetkazib berish, shuningdek, suvenir mahsulotlarini yetkazib berish boʻyicha xizmatlarni tashkil etish boʻyicha loyiha tashabbuskorlariga loyiha qiymatining 30 foizi, lekin har bir loyiha uchun 100 million soʻmdan ortiq boʻlmagan miqdorda grantlar ajratish orqali;
g) 2020-yil 1-iyundan 2021-yil 31-dekabrga qadar boʻlgan davrda yangi turizm mahsulotlari va yoʻnalishlarini ishlab chiqish va targʻib qilishga gidlar uchun 5 million soʻm, turoperatorlar uchun 10 million soʻm miqdorida grantlar ajratish orqali qoʻshimcha koʻmak koʻrsatiladi.
4. Davlat tomonidan quyidagi qoʻshimcha koʻmak koʻrsatilsin:
b) 2020-yil 1-iyundan 2021-yil 1-martga qadar joylashtirish boʻyicha xizmatlar (mehmonxona xizmatlari) narxining 10 foizi miqdorida joylashtirish vositalarini subsidiyalash;
v) Jamgʻarma mablagʻlari hisobidan Oʻzbekiston Respublikasi rezidentlari — turoperatorlar va turagentlarga kirish turizmi qayta boshlangan kundan eʼtiboran ular tomonidan olib kelingan xorijiy turistlarning umumiy soni 500 ming nafarga yetgunga qadar Oʻzbekiston Respublikasi Prezidentining 2019-yil 13-avgustdagi “Oʻzbekiston Respublikasida turizm sohasini yanada rivojlantirish chora-tadbirlari toʻgʻrisida”gi PF-5781-son Farmoniga muvofiq kompensatsiya qilinadigan charter reyslar orqali olib kelinganlardan tashqari Oʻzbekiston Respublikasiga olib kelingan va xizmat koʻrsatilgan har bir xorijiy turist uchun 15 AQSh dollari miqdorida, ularning Oʻzbekiston Respublikasi hududida kamida besh sutka boʻlishi sharti bilan ragʻbatlantiruvchi subsidiyalar ajratish;
g) Jamgʻarma mablagʻlari hisobidan kirish turizmi qayta boshlangan kundan eʼtiboran 2021-yil 31-dekabrga qadar kamida 10 kishidan iborat xorijiy turistik guruhlar uchun Oʻzbekiston Respublikasida tur tashkil etish va ularning joylashtirish vositalarida kamida besh kecha tunab qolishi sharti bilan turoperatorlarning avia va temir yoʻl chiptalari boʻyicha xarajatlarini chipta narxining 30 foizi miqdorida qisman subsidiyalash;
d) 2021-yil 1-iyunga qadar Jamgʻarma mablagʻlari hisobidan mehmonxonalarga toifa olish yoki oshirish uchun renovatsiya, rekonstruksiya hamda moddiy-texnik bazasini mustahkamlash boʻyicha xarajatlarni olingan toifani kelgusi 3 yil davomida saqlash sharti bilan quyidagi miqdorda qoplash:
3 yulduzli toifadagi mehmonxonalarning har bir xonasi uchun 5 million soʻm;
4 yulduzli toifadagi mehmonxonalarning har bir xonasi uchun 10 million soʻm;
5 yulduzli toifadagi mehmonxonalarning har bir xonasi uchun 15 million soʻm.
5. Belgilansinki, Oʻzbekiston Respublikasi Turizmni rivojlantirish davlat qoʻmitasi tasarrufidagi texnikum va kollejlarga 2020-yilda oʻqishga qabul qilingan barcha tinglovchilarni oʻqitish, istisno tariqasida, davlat granti asosida amalga oshiriladi.
6. Oʻzbekiston Respublikasi Turizmni rivojlantirish davlat qoʻmitasi, Davlat soliq qoʻmitasi va Markaziy bankining 2020-yil 1-oktabrdan boshlab joylashtirish vositalarini qurish uchun tijorat banklari tomonidan avval berilgan kreditlar boʻyicha asosiy qarz toʻlovini 18 oydan 24 oygacha uzaytirish toʻgʻrisidagi takliflariga rozilik berilsin.
7. 2022-yil 1-yanvarga qadar yuridik shaxslar belgilangan tartibda shakllantiriladigan roʻyxatlar boʻyicha Oʻzbekiston Respublikasi hududiga olib kiriladigan dezinfeksiya ishlarini olib borish uchun jihozlar, texnikalar, ularning butlovchi va ehtiyot qismlari, bino va inshootlarni qurish, rekonstruksiya qilish va jihozlash uchun aloqasiz boshqariladigan (sensorli) jihozlar, shuningdek, hidsiz dezinfeksiyalovchi vositalar uchun bojxona toʻlovlarini toʻlashdan (bojxona rasmiylashtiruvi uchun yigʻimlar va qoʻshilgan qiymat soligʻidan tashqari) ozod etilsin.
8. Oʻzbekiston Respublikasi Moliya vazirligi:
bir hafta muddatda Moliya vazirligi huzuridagi Inqirozga qarshi kurashish jamgʻarmasi hisobidan mazkur Farmonda nazarda tutilgan chora-tadbirlarni amalga oshirishni boshlash uchun Jamgʻarmaga 20 milliard soʻm ajratilishini, shuningdek, zaruratga koʻra Oʻzbekiston Respublikasi Turizmni rivojlantirish davlat qoʻmitasining buyurtmanomalariga koʻra mazkur Farmonning 3 va 4-bandlarida nazarda tutilgan tadbirlarni amalga oshirish uchun mablagʻlar ajratilishini taʼminlasin;
bir oy muddatda Oʻzbekiston Respublikasi Davlat budjetidan turizm sohasidagi texnikum va kollejlarda 2020-2021 oʻquv yilida mutaxassislarni tayyorlash uchun mablagʻlar ajratsin.
9. Oʻzbekiston Respublikasi Turizmni rivojlantirish davlat qoʻmitasi:
Moliya vazirligi bilan birgalikda qabul qilingan qoʻllab-quvvatlash choralarining natijadorligi oʻrganilishini va uning yakunlari boʻyicha keyingi yillarda davlat tomonidan qoʻllab-quvvatlash choralarini koʻrish boʻyicha takliflar 2021-yil 15-yanvarga qadar kiritilishini taʼminlasin;
manfaatdor vazirlik va idoralar bilan birgalikda ikki oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 28-may,
PF-6002-son
Президента Республики Узбекистан
Указ
О неотложных мерах поддержки сферы туризма для снижения негативного воздействия коронавирусной пандемии
В целях поддержки туристической и связанной с ней отраслей, наиболее сильно пострадавших и продолжающих испытывать негативное воздействие от коронавирусной пандемии, сохранения сотен тысяч рабочих мест и квалифицированных специалистов, поддержания их доходов, а также ускоренного восстановления туризма по мере улучшения санитарно-эпидемиологической обстановки в стране:
1. Согласиться с предложениями Специальной республиканской комиссии по подготовке Программы мер по предупреждению завоза и распространения нового типа коронавируса в Республике Узбекистан, общественных организаций и субъектов сферы туризма о:
возобновлении с 1 июня 2020 года в регионах «зеленой» и «желтой» категорий внутреннего туризма с началом деятельности сопутствующих организаций (туроператоры, турагентства, средства размещения, объекты культуры, культурного наследия и другие) при строгом соблюдении установленных санитарно-гигиенических норм и требований;
поэтапном возобновлении въездного туризма с определением перечня стран, гражданам которых разрешается въезд в Республику Узбекистан.
2. Установить, что для туроператоров, турагентов, а также средств размещения:
в период с 1 июня 2020 года до 31 декабря 2021 года ставки налога на прибыль снижаются на 50 процентов от установленных ставок;
предоставляется право переноса убытков по итогам 2020 и 2021 годов без ограничения их размеров, предусмотренных Налоговым кодексом Республики Узбекистан;
в период до 1 января 2021 года приостанавливается начисление и уплата туристского (гостиничного) сбора.
Предоставить средствам размещения право на беспроцентную отсрочку (рассрочку) уплаты местного сбора за право осуществления розничной торговли алкогольной продукцией сроком до 1 января 2021 года с уведомлением органов государственной налоговой службы и последующей их уплатой равными долями в течение 12 месяцев.
3. Определить, что за счет средств внебюджетного Фонда поддержки туризма и спорта при Министерстве туризма и спорта (далее — Фонд) предоставляется дополнительная поддержка:
а) в период с 1 июня по 31 декабря 2020 года в виде единовременного выделения целевой беспроцентной ссуды сроком на 12 месяцев, по критериям, устанавливаемым Республиканской антикризисной комиссией:
туроператорам в размере не более трехкратного среднемесячного фонда оплаты труда за 2019 год;
средствам размещения в размере пятикратной базовой расчетной величины на каждое койко-место;
б) путем частичного субсидирования «стартап» — проектов и инновационных бизнес-идей в сфере туризма, в том числе информационных программ и сервисов, направленных в первую очередь на создание удобств для туристов в соответствии с порядком организации деятельности Технологического парка программных продуктов и информационных технологий — в общей сумме 1,5 миллиардов сумов;
в) в период с 1 июня 2020 года до 31 декабря 2021 года путем выделения грантов инициаторам проектов на организацию в регионах республики (за исключением города Ташкента) тематических пунктов питания, специализирующихся на зарубежной кухне или отдельном направлении, предоставления услуг по доставке еды и продуктов питания, а также доставки сувенирной продукции в размере 30 процентов от стоимости проекта, но не более 100 миллионов сумов на каждый проект;
г) в период с 1 июня 2020 года до 31 декабря 2021 года путем выделения грантов на разработку и продвижение новых туристических продуктов и маршрутов гидам в размере по 5 миллионов сумов, туроператорам — 10 миллионов сумов.
4. Предоставить дополнительную государственную поддержку:
б) в виде субсидирования средств размещения в размере 10 процентов стоимости услуг по размещению (гостиничных услуг) с 1 июня 2020 года по 1 марта 2021 года;
в) за счет Фонда на выплату премиальных субсидий туроператорам и турагентам — резидентам Республики Узбекистан, в размере 15 долларов США за каждого привезенного и обслуженного иностранного туриста в Республике Узбекистан с условием их нахождения на территории Республики Узбекистан не менее пяти суток, за исключением зарубежных туристов, прилетевших с использованием компенсируемых чартерных рейсов в соответствии с Указом Президента Республики Узбекистан от 13 августа 2019 года № УП-5781 «О мерах по дальнейшему развитию сферы туризма в Республике Узбекистан», с начала возобновления въездного туризма и до достижения общего количества привезенных ими иностранных туристов 500 тысяч человек;
г) за счет Фонда путем частичного субсидирования расходов туроператоров на авиа- и железнодорожные билеты в размере 30 процентов от их стоимости при условии организации тура в Республику Узбекистан для иностранных туристских групп численностью не менее 10 человек и их пребывания не менее пяти ночевок в средствах размещения с начала возобновления въездного туризма и по 31 декабря 2021 года;
д) до 1 июня 2021 года за счет Фонда путем выделения средств на компенсацию расходов гостиниц по реновации, реконструкции, а также обновлению материально-технической базы для получения или повышения ими категорий с условием сохранения в последующем присвоенной категории в течение 3 лет в следующих размерах:
5 миллионов сумов за каждый номер в гостиницах с категорией 3 звезды;
10 миллионов сумов за каждый номер в гостиницах с категорией 4 звезды;
15 миллионов сумов за каждый номер в гостиницах с категорией 5 звезд.
5. Установить, что обучение всех слушателей, принятых на учебу в 2020 году в техникумы и колледжи, находящиеся в ведении Государственного комитета Республики Узбекистан по развитию туризма, осуществляется в порядке исключения на основе государственного гранта.
6. Согласиться с предложениями Государственного комитета по развитию туризма, Государственного налогового комитета и Центрального банка Республики Узбекистан о пролонгации с 1 октября 2020 года на срок от 18 до 24 месяцев выплаты основного долга по ранее выданным кредитам коммерческих банков на строительство средств размещения.
7. Освободить сроком до 1 января 2022 года юридических лиц от уплаты таможенных платежей (кроме сборов за таможенное оформление и налога на добавленную стоимость) за ввозимое на территорию Республики Узбекистан оборудование, технику, их комплектующие изделия и запасные части для проведения дезинфекционных работ, бесконтактно управляемое (сенсорное) оборудование для строительства, реконструкции и оснащения зданий и сооружений, а также дезинфицирующих средств без запаха по перечням, формируемым в установленном порядке.
8. Министерству финансов Республики Узбекистан:
за счет Антикризисного фонда при Министерстве финансов в недельный срок обеспечить выделение 20 миллиардов сумов в Фонд для начала реализации мероприятий, предусмотренных настоящим Указом, а также по мере необходимости по заявкам Государственного комитета Республики Узбекистан по развитию туризма обеспечивать выделение средств на реализацию мероприятий, предусмотренных пунктами 3 и 4 настоящего Указа;
в месячный срок обеспечить выделение из Государственного бюджета Республики Узбекистан средств на подготовку специалистов в техникумах и колледжах в сфере туризма в 2020-2021 учебном году.
9. Государственному комитету Республики Узбекистан по развитию туризма:
совместно с Министерством финансов обеспечить изучение результативности принятых мер поддержки с внесением в срок до 15 января 2021 года по его итогам предложений по применению в последующие годы мер государственной поддержки;
совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего Указа.
10. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
28 мая 2020 г.,
№ УП-6002