📅 2020-yil 29-may · Vazirlik va idoralar hujjatlari · Adliya vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 29 май · Вазирлик ва идоралар ҳужжатлари · Адлия вазири
Расмий матн. Расмий ҳужжат. Таҳририй изоҳлар киритилмаган.
📅 29 мая 2020 г. · Документы министерств и ведомств · Министр юстиции
Официальный текст. Официальный документ. Редакционные примечания не включены.
📅 29 May 2020 · Ministry and agency documents · Adliya vaziri
Official text. Official document. Editorial notes are not included.
Ўзбекистон Республикаси Адлия вазирининг
буйруғи
МАКСИМАЛ МИҚДОРЛАРИ
Нотариуслар томонидан амалга ошириладиган ҳуқуқий ва техник тусдаги қўшимча ҳаракатлар учун ундириладиган тўловларнинг максимал миқдорларини тасдиқлаш тўғрисида
Ўзбекистон Республикасининг «Нотариат тўғрисида»ги Қонуни , Ўзбекистон Республикаси Президентининг 2018 йил 13 апрелдаги ПҚ-3666-сон «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги қарори ва Ўзбекистон Республикаси Вазирлар Маҳкамасининг 2020 йил 16 мартдаги 156-сон «Нодавлат нотариал фаолиятни тартибга солувчи норматив-ҳуқуқий ҳужжатларни тасдиқлаш тўғрисида»ги қарорига мувофиқ буюраман:
1. Нотариуслар томонидан амалга ошириладиган ҳуқуқий ва техник тусдаги қўшимча ҳаракатлар учун ундириладиган тўловларнинг максимал миқдорлари иловага мувофиқ тасдиқлансин.
2. Мазкур буйруқ давлат рўйхатидан ўтказилсин ва бу ҳақда Идоравий норматив-ҳуқуқий ҳужжатларни давлат рўйхатидан ўтказиш бошқармаси Идоравий норматив-ҳуқуқий ҳужжатларнинг давлат реестрига тегишли ёзув киритсин.
3. Қонун ҳужжатларини таҳлил қилиш ва туркумлаш бошқармаси ушбу идоравий норматив-ҳуқуқий ҳужжатни «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да ҳамда Ўзбекистон Республикаси Қонун ҳужжатлари маълумотлари миллий базасида эълон қилинишини таъминласин.
4. Мазкур буйруқ расмий эълон қилинган кундан эътиборан кучга киради.
5. Мазкур буйруқ ижросини назорат қилиш вазир ўринбосари А. Ташкулов зиммасига юклансин.
Ўзбекистон Республикаси адлия вазирининг 2020 йил 29 майдаги 112-мҳ-сон буйруғига ИЛОВА
Нотариуслар томонидан амалга ошириладиган ҳуқуқий ва техник тусдаги қўшимча ҳаракатлар учун ундириладиган тўловларнинг
Т/р Ҳуқуқий ва техник тусдаги қўшимча ҳаракатлар номи Ҳақ миқдори * (базавий ҳисоблаш миқдорига нисбатан) 1-боб. Нотариал ҳаракатларни амалга оширишга доир масалалар юзасидан тушунтиришлар бериш учун 1. Кўчмас мулк ва автомототранспорт воситаларини бошқа шахсга ўтказиш, шунингдек гаров (ипотека) ва лизинг шартномаларини тасдиқлаш 15% 2. Мерос иши 20% 3. Далилларни таъминлаш 20% 4. 1 — 3-бандларда назарда тутилмаган бошқа нотариал ҳаракатларни амалга ошириш 5% 2-боб. Нотариал тасдиқланадиган ҳужжатлар лойиҳаларини тайёрлаш учун*** 5. Автомототранспорт воситаларини бошқа шахсга ўтказиш шартномалари 20% 6. Кўчмас мулкларни бошқа шахсга ўтказиш шартномалари 30% 7. Гаров (ипотека) ва лизинг шартномалари 25% (жисмоний шахслар учун ёки тарафлардан бири жисмоний шахс бўлса) 100% (тарафларнинг барчаси юридик шахс бўлса) 8. Мулк ижара шартномалари 20% 9. Медиатор сифатида тасдиқланадиган медиатив келишувлар 55% 10. Ишончномалар 10% 11. 5 — 10-бандларда назарда тутилмаган бошқа битимлар 20% 12. Меросга бўлган ҳуқуқ тўғрисида гувоҳномалар 100% 13. Далилларни таъминлаш бўйича ҳужжатлар 100% 14. 12 ва 13-бандларда назарда тутилмаган бошқа нотариал ҳаракатлар бўйича ҳужжатлар 10% 3-боб. Техник тусдаги ҳаракатлар амалга оширилиши учун 15. «Нотариус» автоматлаштирилган ахборот тизими орқали маълумот чоп этиш ёки техник воситалар ёрдамида ҳужжатлардан нусхалар кўчириш (ҳар бир бет учун) 0,5% 16. Ҳужжатлардан кўчирмалар тайёрлаш (ҳар бир бет учун) 2% 4-боб. Бошқа қўшимча ҳаракатлар амалга оширилиши учун 17. Апостиль қўйиш ва (ёки) ҳужжатларни легаллаштириш бўйича комплекс хизматлар кўрсатиш 20% 18. «Нотариус» автоматлаштирилган ахборот тизими орқали кўчмас мулк ёки автомототранспорт воситаларини бошқа шахсга ўтказиш тақиқланмаганлиги ва (ёки) хатланмаганлигини текшириш ёки бу ҳақда маълумотнома бериш (ҳар битта мулк учун) ** 15% 19. «Нотариус» автоматлаштирилган ахборот тизими орқали солиқлар, коммунал хизматлар ва электр энергияси бўйича қарздорлик мавжуд ёки мавжуд эмаслигини текшириш учун электрон ариза тўлдириш ҳамда Ўзбекистон Республикаси Бош прокуратураси ҳузуридаги Мажбурий ижро бюроси маълумотлар базаси орқали ижро ҳужжатлари бўйича қарздорлик мавжуд ёки мавжуд эмаслигини текшириш (ҳар бир нотариал ҳаракат учун бир маротаба) 10% 20. Ҳужжатларни бир тилдан бошқа тилга таржима қилиш (ҳар бир бет учун) 15% 21. Умумий улушли мулк иштирокчисини имтиёзли сотиб олиш ҳуқуқига эга эканлиги ҳақида хабардор қилиш 20% 23. Нотариал ҳаракатни нотариал идора биносидан ташқарида амалга ошириш (Ўзбекистон Республикасининг «Давлат божи тўғрисида»ги Қонуни 11-моддасида давлат божи тўлашдан озод этилган нотариал ҳаракатлар бўйича белгиланган ҳақ миқдорининг 50 фоизи ундирилади) 50% 24. Нотариал ҳаракатни амалга оширишда бошқа ташкилотлардан маълумотлар олиш учун сўровномалар ёзиш (электрон шаклда ёзилган сўровномалар бундан мустасно) 5% 25. Ҳужжатларни сақлаш (ҳар 250 вараққача бўлган ҳужжатлар учун бир суткагача) 0,5% 26. Пул суммалари ёки қимматли қоғозларни депозитда сақлаш (бир суткага) 1% 27. Нотариал ҳаракатлар доирасида курьерлик хизмати кўрсатиш 10% 28. Нотариус томонидан Вазирлар Маҳкамасининг 2017 йил 9 февралдаги 66-сон қарори билан тасдиқланган Тадбиркорлик субъектларини давлат рўйхатидан ўтказиш тартиби тўғрисидаги низомнинг 2-иловасида назарда тутилган Тадбиркорлик субъектлари ягона давлат реестридан маълумотлар берилганлиги учун ундириладиган йиғимлар ставкаларининг 4-бандида белгиланган ҳужжатларни ахборот -коммуникация технологиялари орқали олиш ва чоп этиш (ҳар бир юридик шахс учун) *** 5% 29. Мол-мулкка қўйилган тақиқни (хатловни) бекор қилиш ёки бекор қилинганлиги тўғрисидаги маълумотларни Бошқа шахсга ўтказиш тақиқлаб ёки хатлаб қўйилган мол-мулклар электрон маълумотлар банкига киритиш (ҳар бир мулк учун) 5%
Мазкур Нотариуслар томонидан амалга ошириладиган ҳуқуқий ва техник тусдаги қўшимча ҳаракатлар учун ундириладиган тўловларнинг максимал миқдорлари Ўзбекистон Республикаси Монополияга қарши курашиш қўмитаси билан келишилган.
Вазир Р. ДАВЛЕТОВ
Ўзбекистон Республикаси Монополияга қарши курашиш қўмитаси раиси Н. ШАРИПОВ
Тошкент ш.,
2020 йил 29 май,
2020 йил 29 май
112-мҳ-сон
Oʻzbekiston Respublikasi Adliya vazirining
buyrugʻi
MAKSIMAL MIQDORLARI
Notariuslar tomonidan amalga oshiriladigan huquqiy va texnik tusdagi qoʻshimcha harakatlar uchun undiriladigan toʻlovlarning maksimal miqdorlarini tasdiqlash toʻgʻrisida
Oʻzbekiston Respublikasining “Notariat toʻgʻrisida”gi Qonuni , Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qarori va Oʻzbekiston Respublikasi Vazirlar Mahkamasining 2020-yil 16-martdagi 156-son “Nodavlat notarial faoliyatni tartibga soluvchi normativ-huquqiy hujjatlarni tasdiqlash toʻgʻrisida”gi qaroriga muvofiq buyuraman:
1. Notariuslar tomonidan amalga oshiriladigan huquqiy va texnik tusdagi qoʻshimcha harakatlar uchun undiriladigan toʻlovlarning maksimal miqdorlari ilovaga muvofiq tasdiqlansin.
2. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.
3. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.
4. Mazkur buyruq rasmiy eʼlon qilingan kundan eʼtiboran kuchga kiradi.
5. Mazkur buyruq ijrosini nazorat qilish vazir oʻrinbosari A. Tashkulov zimmasiga yuklansin.
Oʻzbekiston Respublikasi adliya vazirining 2020-yil 29-maydagi 112-mh-son buyrugʻiga ILOVA
Notariuslar tomonidan amalga oshiriladigan huquqiy va texnik tusdagi qoʻshimcha harakatlar uchun undiriladigan toʻlovlarning
T/r Huquqiy va texnik tusdagi qoʻshimcha harakatlar nomi Haq miqdori * (bazaviy hisoblash miqdoriga nisbatan) 1-bob. Notarial harakatlarni amalga oshirishga doir masalalar yuzasidan tushuntirishlar berish uchun 1. Koʻchmas mulk va avtomototransport vositalarini boshqa shaxsga oʻtkazish, shuningdek garov (ipoteka) va lizing shartnomalarini tasdiqlash 15% 2. Meros ishi 20% 3. Dalillarni taʼminlash 20% 4. 1 — 3-bandlarda nazarda tutilmagan boshqa notarial harakatlarni amalga oshirish 5% 2-bob. Notarial tasdiqlanadigan hujjatlar loyihalarini tayyorlash uchun*** 5. Avtomototransport vositalarini boshqa shaxsga oʻtkazish shartnomalari 20% 6. Koʻchmas mulklarni boshqa shaxsga oʻtkazish shartnomalari 30% 7. Garov (ipoteka) va lizing shartnomalari 25% (jismoniy shaxslar uchun yoki taraflardan biri jismoniy shaxs boʻlsa) 100% (taraflarning barchasi yuridik shaxs boʻlsa) 8. Mulk ijara shartnomalari 20% 9. Mediator sifatida tasdiqlanadigan mediativ kelishuvlar 55% 10. Ishonchnomalar 10% 11. 5 — 10-bandlarda nazarda tutilmagan boshqa bitimlar 20% 12. Merosga boʻlgan huquq toʻgʻrisida guvohnomalar 100% 13. Dalillarni taʼminlash boʻyicha hujjatlar 100% 14. 12 va 13-bandlarda nazarda tutilmagan boshqa notarial harakatlar boʻyicha hujjatlar 10% 3-bob. Texnik tusdagi harakatlar amalga oshirilishi uchun 15. “Notarius” avtomatlashtirilgan axborot tizimi orqali maʼlumot chop etish yoki texnik vositalar yordamida hujjatlardan nusxalar koʻchirish (har bir bet uchun) 0,5% 16. Hujjatlardan koʻchirmalar tayyorlash (har bir bet uchun) 2% 4-bob. Boshqa qoʻshimcha harakatlar amalga oshirilishi uchun 17. Apostil qoʻyish va (yoki) hujjatlarni legallashtirish boʻyicha kompleks xizmatlar koʻrsatish 20% 18. “Notarius” avtomatlashtirilgan axborot tizimi orqali koʻchmas mulk yoki avtomototransport vositalarini boshqa shaxsga oʻtkazish taqiqlanmaganligi va (yoki) xatlanmaganligini tekshirish yoki bu haqda maʼlumotnoma berish (har bitta mulk uchun) ** 15% 19. “Notarius” avtomatlashtirilgan axborot tizimi orqali soliqlar, kommunal xizmatlar va elektr energiyasi boʻyicha qarzdorlik mavjud yoki mavjud emasligini tekshirish uchun elektron ariza toʻldirish hamda Oʻzbekiston Respublikasi Bosh prokuraturasi huzuridagi Majburiy ijro byurosi maʼlumotlar bazasi orqali ijro hujjatlari boʻyicha qarzdorlik mavjud yoki mavjud emasligini tekshirish (har bir notarial harakat uchun bir marotaba) 10% 20. Hujjatlarni bir tildan boshqa tilga tarjima qilish (har bir bet uchun) 15% 21. Umumiy ulushli mulk ishtirokchisini imtiyozli sotib olish huquqiga ega ekanligi haqida xabardor qilish 20% 23. Notarial harakatni notarial idora binosidan tashqarida amalga oshirish (Oʻzbekiston Respublikasining “Davlat boji toʻgʻrisida”gi Qonuni 11-moddasida davlat boji toʻlashdan ozod etilgan notarial harakatlar boʻyicha belgilangan haq miqdorining 50 foizi undiriladi) 50% 24. Notarial harakatni amalga oshirishda boshqa tashkilotlardan maʼlumotlar olish uchun soʻrovnomalar yozish (elektron shaklda yozilgan soʻrovnomalar bundan mustasno) 5% 25. Hujjatlarni saqlash (har 250 varaqqacha boʻlgan hujjatlar uchun bir sutkagacha) 0,5% 26. Pul summalari yoki qimmatli qogʻozlarni depozitda saqlash (bir sutkaga) 1% 27. Notarial harakatlar doirasida kuryerlik xizmati koʻrsatish 10% 28. Notarius tomonidan Vazirlar Mahkamasining 2017-yil 9-fevraldagi 66-son qarori bilan tasdiqlangan Tadbirkorlik subyektlarini davlat roʻyxatidan oʻtkazish tartibi toʻgʻrisidagi nizomning 2-ilovasida nazarda tutilgan Tadbirkorlik subyektlari yagona davlat reyestridan maʼlumotlar berilganligi uchun undiriladigan yigʻimlar stavkalarining 4-bandida belgilangan hujjatlarni axborot -kommunikatsiya texnologiyalari orqali olish va chop etish (har bir yuridik shaxs uchun) *** 5% 29. Mol-mulkka qoʻyilgan taqiqni (xatlovni) bekor qilish yoki bekor qilinganligi toʻgʻrisidagi maʼlumotlarni Boshqa shaxsga oʻtkazish taqiqlab yoki xatlab qoʻyilgan mol-mulklar elektron maʼlumotlar bankiga kiritish (har bir mulk uchun) 5%
Mazkur Notariuslar tomonidan amalga oshiriladigan huquqiy va texnik tusdagi qoʻshimcha harakatlar uchun undiriladigan toʻlovlarning maksimal miqdorlari Oʻzbekiston Respublikasi Monopoliyaga qarshi kurashish qoʻmitasi bilan kelishilgan.
Vazir R. DAVLETOV
Oʻzbekiston Respublikasi Monopoliyaga qarshi kurashish qoʻmitasi raisi N. SHARIPOV
Toshkent sh.,
2020-yil 29-may,
2020-yil 29-may
112-mh-son