📅 2020-yil 30-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 30 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 мая 2020 г. · Постановления Президента
Официальный текст. Официальный документ. Редакционные примечания не включены.
📅 30 May 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Нодавлат тиббиёт ташкилотлари томонидан тез тиббий ёрдам хизматларини кўрсатиш учун қўшимча шарт-шароитлар яратиш тўғрисида
Соғлиқни сақлаш соҳасида хусусий секторни жадал ривожлантириш, нодавлат тиббиёт ташкилотлари томонидан аҳолига тез тиббий ёрдам хизматларини кўрсатиш учун қўшимча шарт-шароитлар яратиш мақсадида:
1. Нодавлат тиббиёт ташкилотлари томонидан ўз эҳтиёжлари учун республика ҳудудига олиб кириладиган янги тез тиббий ёрдам автомобиллари (ТИФ ТН коди 8703 22 101 0, 8703 23 193 0, 8703 24 101 0, 8703 31 101 0, 8703 32 191 0, 8703 33 191 0) 2025 йил 1 январгача бўлган муддатга импорт божхона божидан озод қилинсин.
Мазкур бандда назарда тутилган имтиёз нодавлат тиббиёт ташкилотлари томонидан ушбу қарор расмий эълон қилингунга қадар олиб кирилган «божхона омбори» режимида олти ойдан кўп турган янги тез тиббий ёрдам автомобилларининг божхона расмийлаштирувида ҳам қўлланилсин.
2. Ўзбекистон Республикаси Давлат солиқ қўмитаси Давлат божхона қўмитаси билан биргаликда ушбу қарор доирасида олиб кириладиган автомобиллардан мақсадли фойдаланиш устидан қатъий назорат ўрнатсин.
Белгилансинки, автомобиллардан мақсадсиз фойдаланилган тақдирда, имтиёзлар берилиши муносабати билан тўланмаган импорт божхона божи суммаси қонун ҳужжатларида белгиланган молиявий санкцияларни қўллаган ҳолда Ўзбекистон Республикаси Давлат бюджетига ундириб олинади.
3. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Б.А. Мусаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 30 май,
ПҚ-4737-сон
Oʻzbekiston Respublikasi Prezidentining
Qarori
Nodavlat tibbiyot tashkilotlari tomonidan tez tibbiy yordam xizmatlarini koʻrsatish uchun qoʻshimcha shart-sharoitlar yaratish toʻgʻrisida
Sogʻliqni saqlash sohasida xususiy sektorni jadal rivojlantirish, nodavlat tibbiyot tashkilotlari tomonidan aholiga tez tibbiy yordam xizmatlarini koʻrsatish uchun qoʻshimcha shart-sharoitlar yaratish maqsadida:
1. Nodavlat tibbiyot tashkilotlari tomonidan oʻz ehtiyojlari uchun respublika hududiga olib kiriladigan yangi tez tibbiy yordam avtomobillari (TIF TN kodi 8703 22 101 0, 8703 23 193 0, 8703 24 101 0, 8703 31 101 0, 8703 32 191 0, 8703 33 191 0) 2025-yil 1-yanvargacha boʻlgan muddatga import bojxona bojidan ozod qilinsin.
Mazkur bandda nazarda tutilgan imtiyoz nodavlat tibbiyot tashkilotlari tomonidan ushbu qaror rasmiy eʼlon qilingunga qadar olib kirilgan “bojxona ombori” rejimida olti oydan koʻp turgan yangi tez tibbiy yordam avtomobillarining bojxona rasmiylashtiruvida ham qoʻllanilsin.
2. Oʻzbekiston Respublikasi Davlat soliq qoʻmitasi Davlat bojxona qoʻmitasi bilan birgalikda ushbu qaror doirasida olib kiriladigan avtomobillardan maqsadli foydalanish ustidan qatʼiy nazorat oʻrnatsin.
Belgilansinki, avtomobillardan maqsadsiz foydalanilgan taqdirda, imtiyozlar berilishi munosabati bilan toʻlanmagan import bojxona boji summasi qonun hujjatlarida belgilangan moliyaviy sanksiyalarni qoʻllagan holda Oʻzbekiston Respublikasi Davlat budjetiga undirib olinadi.
3. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 30-may,
PQ-4737-son
Президента Республики Узбекистан
Постановление
О создании дополнительных условий для оказания негосударственными медицинскими организациями услуг скорой медицинской помощи
В целях ускоренного развития частного сектора в сфере здравоохранения, создания дополнительных условий для оказания негосударственными медицинскими организациями услуг скорой медицинской помощи населению:
1. Освободить на срок до 1 января 2025 года от импортной таможенной пошлины новые автомобили скорой медицинской помощи, ввозимые на территорию республики негосударственными медицинскими организациями для собственных нужд (код ТН ВЭД 8703 22 101 0, 8703 23 193 0, 8703 24 101 0, 8703 31 101 0, 8703 32 191 0, 8703 33 191 0).
Применить льготу, предусмотренную настоящим пунктом, также при таможенном оформлении новых автомобилей скорой медицинской помощи, находящихся в режиме «таможенный склад» более шести месяцев, ввезенных негосударственными медицинскими организациями, до официального опубликования настоящего постановления.
2. Государственному налоговому комитету совместно с Государственным таможенным комитетом Республики Узбекистан установить строгий контроль за целевым использованием автомобилей, ввозимых в рамках настоящего постановления.
Установить, что в случае нецелевого использования автомобилей сумма импортной таможенной пошлины, не уплаченная в связи с предоставлением льгот, взыскивается в Государственный бюджет Республики Узбекистан с применением финансовых санкций, предусмотренных законодательными актами.
3. Контроль за исполнением настоящего постановления возложить на заместителя Премьер-министра Республики Узбекистан Б.А. Мусаева.
Президент Республики Узбекистан Ш. МИРЗИЁЕВ
г. Ташкент,
30 мая 2020 г.,
№ ПП-4737