📅 2020-yil 2-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 2 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 июня 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 2 June 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Айрим турдаги товарлар учун утилизация йиғимини жорий этиш тўғрисида
« Табиатни муҳофаза қилиш тўғрисида »ги ва « Чиқиндилар тўғрисида »ги Ўзбекистон Республикаси қонунларига мувофиқ Вазирлар Маҳкамаси қарор қилади:
1. 2020 йил 1 августдан бошлаб, утилизация йиғими миқдорлари ва утилизация йиғими тўланадиган ғилдиракли транспорт воситалари, ўзиюрар машиналар ва уларнинг тиркамаларининг турлари ва тоифалари рўйхати 1-иловага мувофиқ;
2024 йил 1 июлдан бошлаб утилизация йиғими тўланадиган пневматик резина шиналар ва покришкаларнинг рўйхати ва утилизация йиғими миқдорлари 2-иловага мувофиқ тасдиқлансин.
2. Белгилаб қўйилсинки:
а) транспорт воситаларини «эркин муомалага чиқариш» (импорт) божхона режимида расмийлаштирадиган жисмоний ва юридик шахслар ёки Ўзбекистон Республикаси ҳудудида сотиладиган ғилдиракли транспорт воситалари, ўзиюрар машиналар ва уларнинг тиркамаларини (кейинги ўринларда — транспорт воситалари) ишлаб чиқарадиган (йиғадиган, тайёрлайдиган) жисмоний ва юридик шахслар утилизация йиғими тўловчилари ҳисобланади;
б) қуйидаги транспорт воситаларига утилизация йиғими тўланмайди:
умумэътироф этилган принципларга ва халқаро ҳуқуқ нормаларига мувофиқ имтиёз ва иммунитетлардан фойдаланадиган дипломатик ваколатхоналарга ёки консуллик муассасаларига, халқаро ташкилотларга, шунингдек, бундай ваколатхоналар, муассасалар, ташкилотларнинг Ўзбекистон Республикаси фуқаролиги бўлмаган, дипломатик мақомга эга бўлган ходимлари ва уларнинг оила аъзоларига тегишли транспорт воситаларига;
ишлаб чиқарилган йилидан бошлаб 30 ва ундан ортиқ йил ўтган L ва M1 тоифали, шунингдек, ишлаб чиқарилган йилидан бошлаб 50 ва ундан ортиқ йил ўтган, йўловчилар ва юкларни тижорат мақсадида ташиш учун мўлжалланмаган, асл двигатели ва кузови билан асл ҳолатида сақланган ёки асл ҳолати тикланган М2, М3 ва N тоифали транспорт воситаларига;
давлатлараро, ҳукуматлараро, халқаро ташкилотлар йўналишлари бўйича хайрия ёрдами мақсадларида, шу жумладан техник кўмак (грант) маблағлари ҳисобига олиб кириладиган транспорт воситаларига;
Ўзбекистон Республикасига олиб кирилиб, «вақтинчалик олиб кириш» божхона режимига расмийлаштирилган транспорт воситаларига;
халқаро молия институтларидан ва хорижий ҳукумат молия ташкилотларидан жалб қилинган ҳамда жалб қилинадиган давлат ташқи қарзи ҳисобидан Ўзбекистон Республикасида амалга ошириладиган лойиҳалар доирасида юридик шахслар томонидан олиб кириладиган транспорт воситаларига. Бунда мазкур имтиёзларни қўллаш учун лойиҳа ташаббускори (буюртмачи) томонидан божхона органларига лойиҳани молиялаштириш манбалари тўғрисида тасдиқнома тақдим этилади.
3. Ўзбекистон Республикаси Иқтисодий тараққиёт ва камбағалликни қисқартириш вазирлиги Молия вазирлиги ва Экология ва атроф-муҳитни муҳофаза қилиш давлат қўмитаси билан биргаликда хорижий илғор тажрибани ўрганиш асосида, транспорт воситаларини ва уларнинг таркибий қисмларини утилизация қилиш ва рециклинг жараёнини тартибга солувчи Ҳукумат қарори лойиҳасини икки ой муддатда Вазирлар Маҳкамасига киритсин, унда қуйидагилар назарда тутилсин:
эскирган транспорт воситаларидан Ўзбекистон Республикаси ҳудудида фойдаланиш учун техник ва экологик талабларни тартибга солиш чора-тадбирлари;
ғилдиракли транспорт воситалари, ўзиюрар машиналар ва уларнинг тиркамаларига нисбатан утилизация йиғимларини йиғиш, ҳисоблаш, тўлаш, ундириш, шунингдек, утилизация йиғимининг ортиқча тўланган ёки ортиқча ундирилган суммаларини қайтариш ва уларни ҳисобга олиш тартиби;
транспорт воситаларининг чиқиндилари билан ишлаш инфратузилмасини ташкил этиш харажатларини молиялаштириш, шунингдек, транспорт воситалари чиқиндиларини йиғиш, ташиш, қайта ишлаш, зарарсизлантириш, улардан фойдаланиш ва утилизация қилиш харажатларини қоплаш тартиби;
транспорт воситаларининг утилизацияси билан шуғулланадиган ташкилотлар учун экологик ва техник талаблар ҳамда саноат хавфсизлиги талабларини белгилаш;
транспорт воситаларининг утилизация қилиниши муносабати билан уларни ички ишлар органларида тўловлар ундирмай ҳисобдан чиқариш тартиби;
2021 йилдан бошлаб, эскирган транспорт воситаларини ихтиёрий равишда утилизация қилиш учун жисмоний ва юридик шахсларни рағбатлантириш механизмини жорий этиш.
4. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт масалалари ва камбағалликни қисқартириш бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров зиммасига юклансин.
Вазирлар Маҳкамасининг 2020 йил 2 июндаги 347-сон қарорига 1-ИЛОВА
Утилизация йиғимининг миқдорлари ва утилизация йиғими тўланадиган ғилдиракли транспорт воситалари, ўзиюрар машиналар ва уларнинг тиркамаларининг турлари ва тоифалари
Транспорт воситалари, ўзиюрар машиналар ва ускуналарнинг турлари ва тоифалари ТИФ ТН коди Транспорт воситалари, ўзиюрар машиналар ва ускуналарга нисбатан утилизация йиғими миқдорлари (БҲМда) ишлаб чиқарилган муддатидан бошлаб 3 йилдан ортиқ бўлмаган ишлаб чиқарилган муддатидан бошлаб 3 йилдан ортиқ бўлган I. Тракторлар Қувват манбаи билан: 18 кВт (25 о.к.) гача 8701 10 000 0, 8701 20 109 0, 8701 20 909 0, 8701 91, 8701 92, 8701 93, 8701 94, 8701 95 - 120 18 кВт (26 о.к.) дан 37 кВт (51 о.к.) гача - 240 37 кВт (52 о.к.) дан 75 кВт (102 о.к.) гача - 360 75 кВт (103 о.к.) дан 130 кВт (177 о.к.) гача - 480 130 кВт (178 о.к.) дан ортиқ - 600 Эгарли тягачлар 8701 20 670 1 360 II. М2, М3 тоифали транспорт воситалари, шу жумладан юқори ўтувчан g тоифали транспорт воситалари: микроавтобуслар ва автобуслар Транспорт воситалари двигателнинг иш ҳажми билан: 2 500 см 3 гача 8702 (8702 40 000дан ташқари) 120 150 2 500 см 3 дан 5 000 см.кубгача 185 360 5 000 см 3 дан 10 000 см.кубгача 320 540 10 001 см 3 дан ортиқ 540 1 080 Электродвигателга эга бўлган транспорт воситалари, гибрид қувватли транспорт воситалари бундан мустасно 8702 40 000 70 150 III. M1 тоифали транспорт воситалари, шу жумладан юқори ўтувчан g тоифали транспорт воситалари: енгил автомобиллар Транспорт воситалари двигателнинг иш ҳажми билан: 1 000 см 3 гача 8703 (8703 10 ва 8703 80 000 лардан ташқари) 30 90 1 000 см 3 дан 2 000 см 3 гача 120 210 2 000 см 3 дан 3 000 см 3 гача 180 330 3 000 см 3 дан 3 500 см 3 гача 180 390 3 500 см 3 дан ортиқ 300 480 Қор орқали ҳаракатланиш учун махсус мўлжалланган транспорт воситалари; голфчиларни ташиш учун автомобиллар ва шу каби транспорт воситалари 8703 10 30 90 Электродвигателга эга бўлган транспорт воситалари, гибрид қувватли транспорт воситалари бундан мустасно 8703 80 000 120 210 IV. N1, N2, N3 тоифали транспорт воситалари, шу жумладан юқори ўтувчан g тоифали транспорт воситалари: юк автомобиллари Тўла вазни: 2,5 тоннагача 8704 (8704 90 000 дан ташқари) 100 150 2,5 тоннадан 3,5 тоннагача 210 300 3,5 тоннадан 5 тоннагача 210 300 5 тоннадан 8 тоннагача 210 300 8 тоннадан 12 тоннагача 300 810 12 тоннадан 20 тоннагача 330 1 200 20 тоннадан 50 тоннагача 690 1 410 Электродвигателга эга бўлган транспорт воситалари, гибрид қувватли транспорт воситалари бундан мустасно 8704 90 000 120 150 V. Махсус мўлжалланган транспорт воситалари Махсус транспорт воситалари, автобетонаралаштиргичлардан ташқари 8705 (8705 40 000 0 дан ташқари) 195 550 Автобетонаралаштиргичлар 8705 40 000 0 600 1 500 VI. Тиркамалар ва ярим тиркамалар Тиркамалар ва ярим тиркамалар; бошқа ўзиюрар бўлмаган транспорт воситалари 8716 (8716 80, 8716 90 дан ташқари) 60 660 VII. Бошқа турдаги транспорт воситалари, ўзиюрар машина ва ускуналар Автогрейдерлар, қувват манбаи билан: 100 о.к. гача 8429 20 001 0, 8429 20 009 1, 8429 20 009 9 - 240 100 о.к. дан 140 о.к. гача - 360 140 о.к. дан 200 о.к. гача - 480 200 о.к. дан ортиқ - 600 Бульдозерлар, қувват манбаи билан: 100 о.к. гача 8429 11 001 0, 8429 11 002 0, 8429 11 009 0, 8429 19 000 1, 8429 19 000 9 - 240 100 о.к. дан 200 о.к. гача - 360 200 о.к. дан 300 о.к. гача - 480 300 о.к. дан ортиқ - 600 Экскаваторлар, экскаватор-юк ортгичлар, экскаватор бульдозерлар, қувват манбаи билан: 170 о.к. гача 8429 52, 8429 59 000 0 - 240 170 о.к. дан 250 о.к. гача - 360 250 о.к. дан ортиқ - 480 Йўл роликлари, қувват манбаи билан: 40 о.к. гача 8429 40 100 0, 8429 40 300 0 - 240 40 о.к. дан 80 о.к. гача - 360 80 о.к. дан ортиқ - 480 Ўзиюрар кранлар, ғилдиракли транспорт воситаларининг шассисига асосланган кранлар бундан мустасно, қувват манбаи билан: 170 о.к. гача 8426 41 000 - 240 170 о.к. дан 250 о.к. гача - 360 250 о.к. дан ортиқ - 480 Қувур ётқизувчи кранлар, гусеницали кранлар, қувват манбаи билан: 130 о.к. гача 8426 49 001 0, 8426 49 009 0 - 240 130 о.к. дан 300 о.к. гача - 360 300 о.к. дан ортиқ - 480 Олд юк кўтаргичлар, қувват манбаи билан: 50 о.к. гача 8427 10, 8427 20, 8429 51 - 240 50 о.к. дан 100 о.к. гача - 360 100 о.к. дан 300 о.к. гача - 480 300 о.к. дан ортиқ - 600 Ўрмон хўжалиги учун машина ва ускуналар, қувват манбаи билан: 100 о.к. гача 8436 80 100 - 240 100 о.к. дан 300 о.к. гача - 360 300 о.к. дан ортиқ - 480 Ғалла ўрувчи комбайнлар, қувват манбаи билан: 160 о.к. гача 8433 51 000 - 240 160 о.к. дан 220 о.к. гача - 360 220 о.к. дан 320 о.к. гача - 480 320 о.к. дан ортиқ - 600 Ўзиюрар йиғим-терим комбайнлари, қувват манбаи билан: 250 о.к. гача 8433 59 110 - 240 250 о.к. дан 400 о.к. гача - 360 400 о.к. дан ортиқ - 480 Ўзиюрар қишлоқ хўжалиги машиналари: Ўсимликларни ҳимоя қилиш учун ўзиюрар пуркагичлар, қувват манбаи 100 о.к. дан 120 о.к. гача 8424 82, 8433 20 100 0 - 240 Ўсимликпарни ҳимоя қилиш учун ўзиюрар пуркагичлар, қувват манбаи 120 о.к. дан 300 о.к. гача - 360 Ўсимликларни ҳимоя қилиш учун ўзиюрар пуркагичлар, қувват манбаи 300 о.к. дан ортиқ - 480 Ўзиюрар ўриш машиналар - 240
Вазирлар Маҳкамасининг 2020 йил 2 июндаги 347-сон қарорига 2-ИЛОВА
Утилизация йиғими тўланадиган пневматик резина шиналар ва покришкаларнинг рўйхати ва утилизация йиғими миқдорлари
Товарларнинг номи ТИФ ТН коди Товарларнинг вазнидан келиб чиққан ҳолда ҳар бир килограмми учун утилизация йиғими миқдорлари (БҲМга нисбатан фоизда) Янги шиналар ва пневматик покришкалар резинадан 4011 10 000, 4011 20, 4011 90 000 0 0,3 Қайта тикланган ёки ишлатилган пневматик резина шиналар ва покришкалар; қаттиқ ёки ярим пневматик шиналар ва покришкалар, резинали шиналар ва ўрама ленталари. 4012 11 000 0, 4012 12 000 0, 4012 20 000 9, 4012 90 200 0
Ўзбекистон Республикасининг Бош вазири А. АРИПОВ
Тошкент ш.,
2020 йил 2 июнь,
347-сон
Oʻzbekiston Respublikasi Vazirlar Mahkamasining
qarori
ROʻYXATI
Ayrim turdagi tovarlar uchun utilizatsiya yigʻimini joriy etish toʻgʻrisida
“ Tabiatni muhofaza qilish toʻgʻrisida ”gi va “ Chiqindilar toʻgʻrisida ”gi Oʻzbekiston Respublikasi qonunlariga muvofiq Vazirlar Mahkamasi qaror qiladi:
1. 2020-yil 1-avgustdan boshlab, utilizatsiya yigʻimi miqdorlari va utilizatsiya yigʻimi toʻlanadigan gʻildirakli transport vositalari, oʻziyurar mashinalar va ularning tirkamalarining turlari va toifalari roʻyxati 1-ilovaga muvofiq;
2024-yil 1-iyuldan boshlab utilizatsiya yigʻimi toʻlanadigan pnevmatik rezina shinalar va pokrishkalarning roʻyxati va utilizatsiya yigʻimi miqdorlari 2-ilovaga muvofiq tasdiqlansin.
2. Belgilab qoʻyilsinki:
a) transport vositalarini “erkin muomalaga chiqarish” (import) bojxona rejimida rasmiylashtiradigan jismoniy va yuridik shaxslar yoki Oʻzbekiston Respublikasi hududida sotiladigan gʻildirakli transport vositalari, oʻziyurar mashinalar va ularning tirkamalarini (keyingi oʻrinlarda — transport vositalari) ishlab chiqaradigan (yigʻadigan, tayyorlaydigan) jismoniy va yuridik shaxslar utilizatsiya yigʻimi toʻlovchilari hisoblanadi;
b) quyidagi transport vositalariga utilizatsiya yigʻimi toʻlanmaydi:
umumeʼtirof etilgan prinsiplarga va xalqaro huquq normalariga muvofiq imtiyoz va immunitetlardan foydalanadigan diplomatik vakolatxonalarga yoki konsullik muassasalariga, xalqaro tashkilotlarga, shuningdek, bunday vakolatxonalar, muassasalar, tashkilotlarning Oʻzbekiston Respublikasi fuqaroligi boʻlmagan, diplomatik maqomga ega boʻlgan xodimlari va ularning oila aʼzolariga tegishli transport vositalariga;
ishlab chiqarilgan yilidan boshlab 30 va undan ortiq yil oʻtgan L va M1 toifali, shuningdek, ishlab chiqarilgan yilidan boshlab 50 va undan ortiq yil oʻtgan, yoʻlovchilar va yuklarni tijorat maqsadida tashish uchun moʻljallanmagan, asl dvigateli va kuzovi bilan asl holatida saqlangan yoki asl holati tiklangan M2, M3 va N toifali transport vositalariga;
davlatlararo, hukumatlararo, xalqaro tashkilotlar yoʻnalishlari boʻyicha xayriya yordami maqsadlarida, shu jumladan texnik koʻmak (grant) mablagʻlari hisobiga olib kiriladigan transport vositalariga;
Oʻzbekiston Respublikasiga olib kirilib, “vaqtinchalik olib kirish” bojxona rejimiga rasmiylashtirilgan transport vositalariga;
xalqaro moliya institutlaridan va xorijiy hukumat moliya tashkilotlaridan jalb qilingan hamda jalb qilinadigan davlat tashqi qarzi hisobidan Oʻzbekiston Respublikasida amalga oshiriladigan loyihalar doirasida yuridik shaxslar tomonidan olib kiriladigan transport vositalariga. Bunda mazkur imtiyozlarni qoʻllash uchun loyiha tashabbuskori (buyurtmachi) tomonidan bojxona organlariga loyihani moliyalashtirish manbalari toʻgʻrisida tasdiqnoma taqdim etiladi.
3. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi va Ekologiya va atrof-muhitni muhofaza qilish davlat qoʻmitasi bilan birgalikda xorijiy ilgʻor tajribani oʻrganish asosida, transport vositalarini va ularning tarkibiy qismlarini utilizatsiya qilish va retsikling jarayonini tartibga soluvchi Hukumat qarori loyihasini ikki oy muddatda Vazirlar Mahkamasiga kiritsin, unda quyidagilar nazarda tutilsin:
eskirgan transport vositalaridan Oʻzbekiston Respublikasi hududida foydalanish uchun texnik va ekologik talablarni tartibga solish chora-tadbirlari;
gʻildirakli transport vositalari, oʻziyurar mashinalar va ularning tirkamalariga nisbatan utilizatsiya yigʻimlarini yigʻish, hisoblash, toʻlash, undirish, shuningdek, utilizatsiya yigʻimining ortiqcha toʻlangan yoki ortiqcha undirilgan summalarini qaytarish va ularni hisobga olish tartibi;
transport vositalarining chiqindilari bilan ishlash infratuzilmasini tashkil etish xarajatlarini moliyalashtirish, shuningdek, transport vositalari chiqindilarini yigʻish, tashish, qayta ishlash, zararsizlantirish, ulardan foydalanish va utilizatsiya qilish xarajatlarini qoplash tartibi;
transport vositalarining utilizatsiyasi bilan shugʻullanadigan tashkilotlar uchun ekologik va texnik talablar hamda sanoat xavfsizligi talablarini belgilash;
transport vositalarining utilizatsiya qilinishi munosabati bilan ularni ichki ishlar organlarida toʻlovlar undirmay hisobdan chiqarish tartibi;
2021-yildan boshlab, eskirgan transport vositalarini ixtiyoriy ravishda utilizatsiya qilish uchun jismoniy va yuridik shaxslarni ragʻbatlantirish mexanizmini joriy etish.
4. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot masalalari va kambagʻallikni qisqartirish boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.
Vazirlar Mahkamasining 2020-yil 2-iyundagi 347-son qaroriga 1-ILOVA
Utilizatsiya yigʻimining miqdorlari va utilizatsiya yigʻimi toʻlanadigan gʻildirakli transport vositalari, oʻziyurar mashinalar va ularning tirkamalarining turlari va toifalari
Transport vositalari, oʻziyurar mashinalar va uskunalarning turlari va toifalari TIF TN kodi Transport vositalari, oʻziyurar mashinalar va uskunalarga nisbatan utilizatsiya yigʻimi miqdorlari (BHMda) ishlab chiqarilgan muddatidan boshlab 3 yildan ortiq boʻlmagan ishlab chiqarilgan muddatidan boshlab 3 yildan ortiq boʻlgan I. Traktorlar Quvvat manbai bilan: 18 kVt (25 o.k.) gacha 8701 10 000 0, 8701 20 109 0, 8701 20 909 0, 8701 91, 8701 92, 8701 93, 8701 94, 8701 95 - 120 18 kVt (26 o.k.) dan 37 kVt (51 o.k.) gacha - 240 37 kVt (52 o.k.) dan 75 kVt (102 o.k.) gacha - 360 75 kVt (103 o.k.) dan 130 kVt (177 o.k.) gacha - 480 130 kVt (178 o.k.) dan ortiq - 600 Egarli tyagachlar 8701 20 670 1 360 II. M2, M3 toifali transport vositalari, shu jumladan yuqori oʻtuvchan g toifali transport vositalari: mikroavtobuslar va avtobuslar Transport vositalari dvigatelning ish hajmi bilan: 2 500 sm 3 gacha 8702 (8702 40 000dan tashqari) 120 150 2 500 sm 3 dan 5 000 sm.kubgacha 185 360 5 000 sm 3 dan 10 000 sm.kubgacha 320 540 10 001 sm 3 dan ortiq 540 1 080 Elektrodvigatelga ega boʻlgan transport vositalari, gibrid quvvatli transport vositalari bundan mustasno 8702 40 000 70 150 III. M1 toifali transport vositalari, shu jumladan yuqori oʻtuvchan g toifali transport vositalari: yengil avtomobillar Transport vositalari dvigatelning ish hajmi bilan: 1 000 sm 3 gacha 8703 (8703 10 va 8703 80 000 lardan tashqari) 30 90 1 000 sm 3 dan 2 000 sm 3 gacha 120 210 2 000 sm 3 dan 3 000 sm 3 gacha 180 330 3 000 sm 3 dan 3 500 sm 3 gacha 180 390 3 500 sm 3 dan ortiq 300 480 Qor orqali harakatlanish uchun maxsus moʻljallangan transport vositalari; golfchilarni tashish uchun avtomobillar va shu kabi transport vositalari 8703 10 30 90 Elektrodvigatelga ega boʻlgan transport vositalari, gibrid quvvatli transport vositalari bundan mustasno 8703 80 000 120 210 IV. N1, N2, N3 toifali transport vositalari, shu jumladan yuqori oʻtuvchan g toifali transport vositalari: yuk avtomobillari Toʻla vazni: 2,5 tonnagacha 8704 (8704 90 000 dan tashqari) 100 150 2,5 tonnadan 3,5 tonnagacha 210 300 3,5 tonnadan 5 tonnagacha 210 300 5 tonnadan 8 tonnagacha 210 300 8 tonnadan 12 tonnagacha 300 810 12 tonnadan 20 tonnagacha 330 1 200 20 tonnadan 50 tonnagacha 690 1 410 Elektrodvigatelga ega boʻlgan transport vositalari, gibrid quvvatli transport vositalari bundan mustasno 8704 90 000 120 150 V. Maxsus moʻljallangan transport vositalari Maxsus transport vositalari, avtobetonaralashtirgichlardan tashqari 8705 (8705 40 000 0 dan tashqari) 195 550 Avtobetonaralashtirgichlar 8705 40 000 0 600 1 500 VI. Tirkamalar va yarim tirkamalar Tirkamalar va yarim tirkamalar; boshqa oʻziyurar boʻlmagan transport vositalari 8716 (8716 80, 8716 90 dan tashqari) 60 660 VII. Boshqa turdagi transport vositalari, oʻziyurar mashina va uskunalar Avtogreyderlar, quvvat manbai bilan: 100 o.k. gacha 8429 20 001 0, 8429 20 009 1, 8429 20 009 9 - 240 100 o.k. dan 140 o.k. gacha - 360 140 o.k. dan 200 o.k. gacha - 480 200 o.k. dan ortiq - 600 Buldozerlar, quvvat manbai bilan: 100 o.k. gacha 8429 11 001 0, 8429 11 002 0, 8429 11 009 0, 8429 19 000 1, 8429 19 000 9 - 240 100 o.k. dan 200 o.k. gacha - 360 200 o.k. dan 300 o.k. gacha - 480 300 o.k. dan ortiq - 600 Ekskavatorlar, ekskavator-yuk ortgichlar, ekskavator buldozerlar, quvvat manbai bilan: 170 o.k. gacha 8429 52, 8429 59 000 0 - 240 170 o.k. dan 250 o.k. gacha - 360 250 o.k. dan ortiq - 480 Yoʻl roliklari, quvvat manbai bilan: 40 o.k. gacha 8429 40 100 0, 8429 40 300 0 - 240 40 o.k. dan 80 o.k. gacha - 360 80 o.k. dan ortiq - 480 Oʻziyurar kranlar, gʻildirakli transport vositalarining shassisiga asoslangan kranlar bundan mustasno, quvvat manbai bilan: 170 o.k. gacha 8426 41 000 - 240 170 o.k. dan 250 o.k. gacha - 360 250 o.k. dan ortiq - 480 Quvur yotqizuvchi kranlar, gusenitsali kranlar, quvvat manbai bilan: 130 o.k. gacha 8426 49 001 0, 8426 49 009 0 - 240 130 o.k. dan 300 o.k. gacha - 360 300 o.k. dan ortiq - 480 Old yuk koʻtargichlar, quvvat manbai bilan: 50 o.k. gacha 8427 10, 8427 20, 8429 51 - 240 50 o.k. dan 100 o.k. gacha - 360 100 o.k. dan 300 o.k. gacha - 480 300 o.k. dan ortiq - 600 Oʻrmon xoʻjaligi uchun mashina va uskunalar, quvvat manbai bilan: 100 o.k. gacha 8436 80 100 - 240 100 o.k. dan 300 o.k. gacha - 360 300 o.k. dan ortiq - 480 Gʻalla oʻruvchi kombaynlar, quvvat manbai bilan: 160 o.k. gacha 8433 51 000 - 240 160 o.k. dan 220 o.k. gacha - 360 220 o.k. dan 320 o.k. gacha - 480 320 o.k. dan ortiq - 600 Oʻziyurar yigʻim-terim kombaynlari, quvvat manbai bilan: 250 o.k. gacha 8433 59 110 - 240 250 o.k. dan 400 o.k. gacha - 360 400 o.k. dan ortiq - 480 Oʻziyurar qishloq xoʻjaligi mashinalari: Oʻsimliklarni himoya qilish uchun oʻziyurar purkagichlar, quvvat manbai 100 o.k. dan 120 o.k. gacha 8424 82, 8433 20 100 0 - 240 Oʻsimlikparni himoya qilish uchun oʻziyurar purkagichlar, quvvat manbai 120 o.k. dan 300 o.k. gacha - 360 Oʻsimliklarni himoya qilish uchun oʻziyurar purkagichlar, quvvat manbai 300 o.k. dan ortiq - 480 Oʻziyurar oʻrish mashinalar - 240
Vazirlar Mahkamasining 2020-yil 2-iyundagi 347-son qaroriga 2-ILOVA
Utilizatsiya yigʻimi toʻlanadigan pnevmatik rezina shinalar va pokrishkalarning roʻyxati va utilizatsiya yigʻimi miqdorlari
Tovarlarning nomi TIF TN kodi Tovarlarning vaznidan kelib chiqqan holda har bir kilogrammi uchun utilizatsiya yigʻimi miqdorlari (BHMga nisbatan foizda) Yangi shinalar va pnevmatik pokrishkalar rezinadan 4011 10 000, 4011 20, 4011 90 000 0 0,3 Qayta tiklangan yoki ishlatilgan pnevmatik rezina shinalar va pokrishkalar; qattiq yoki yarim pnevmatik shinalar va pokrishkalar, rezinali shinalar va oʻrama lentalari. 4012 11 000 0, 4012 12 000 0, 4012 20 000 9, 4012 90 200 0
Oʻzbekiston Respublikasining Bosh vaziri A. ARIPOV
Toshkent sh.,
2020-yil 2-iyun,
347-son