📅 2020-yil 9-iyun · Boshqa hujjatlar · Qonuni
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 9 июнь · Бошқа ҳужжатлар · Қонуни
Расмий матн. Расмий ҳужжат. Таҳририй изоҳлар киритилмаган.
📅 9 июня 2020 г. · Другие документы · Закон
Официальный текст. Официальный документ. Редакционные примечания не включены.
📅 9 June 2020 · Other documents · Qonuni
Official text. Official document. Editorial notes are not included.
Ўзбекистон Республикасининг Қонуни
НИЗОМ
ТАВСИФИ
«Фахрий мураббий» орденини таъсис этиш тўғрисида
Қонунчилик палатаси томонидан 2020 йил 5 майда қабул қилинган Сенат томонидан 2020 йил 11 майда маъқулланган
1-модда. «Фахрий мураббий» ордени таъсис этилсин.
2-модда. «Фахрий мураббий» ордени тўғрисидаги низом тасдиқлансин ( илова қилинади).
3-модда. «Фахрий мураббий» орденининг тавсифи тасдиқлансин ( илова қилинади).
4-модда. Ўзбекистон Республикасининг 1995 йил 22 декабрда қабул қилинган «Давлат мукофотлари тўғрисида»ги 176-I-сонли Қонуни (Ўзбекистон Республикасининг 2018 йил 11 апрелда қабул қилинган ЎРҚ-473-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2018 йил, № 4, 221-модда; 2019 йил, № 9, 589-модда; 2020 йил, № 3, 200-модда) 8-моддасининг биринчи қисмига қуйидаги қўшимча ва ўзгартиш киритилсин:
қуйидаги мазмундаги тўққизинчи хатбоши билан тўлдирилсин:
«Фахрий мураббий» ордени»;
тўққизинчи — ўн учинчи хатбошилар тегишинча ўнинчи — ўн тўртинчи хатбошилар деб ҳисоблансин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг 2020 йил 9 июндаги ЎРҚ-622-сонли Қонуни билан ТАСДИҚЛАНГАН
«Фахрий мураббий» ордени тўғрисида
1. «Фахрий мураббий» ордени билан ёшларни Ватанга муҳаббат ва садоқат руҳида тарбиялаш, уларни ёт ғоялардан асраш, адашганларни тўғри йўлга қайтариш, ёш авлод вакилларида фаол фуқаролик позицияси ва мафкуравий иммунитетни, ташаббускорлик, фидойилик ва ахлоқий фазилатларни шакллантиришга муносиб ҳисса қўшган, шунингдек ўзининг чуқур билими ва бой ҳаётий тажрибаси билан ёрдамга муҳтож ҳамда оғир аҳволга тушиб қолган ёшлар ва оилаларни ҳар томонлама қўллаб-қувватлаш, иш билан таъминлаш ҳамда тадбиркорликка ўргатиш, бунинг учун қулай шарт-шароитлар яратиш борасида барчага шахсий намуна кўрсатиб келаётган Ўзбекистон Республикаси фуқаролари мукофотланади.
2. «Фахрий мураббий» ордени билан:
ёшларни ватанпарварлик руҳида тарбиялаш, уларни турли таҳдидлар ва ёт ғоялар таъсиридан ҳимоя қилиш, адашган ёшларни тўғри йўлга қайтариш бўйича манзилли ишларга уларни васийликка олиш орқали бевосита ҳисса қўшганлиги;
профилактик ҳисобда турган, ҳуқуқбузарлик содир қилишга ва салбий иллатга мойил бўлган ёшларда соғлом дунёқарашни, Ватанга меҳр ҳамда садоқат туйғуларини шакллантиришда мураббий сифатидаги алоҳида хизматлари;
уюшмаган ёшларни ҳамда кам таъминланган, эҳтиёжманд ва камбағал оилалар фарзандларини касб-ҳунарларга ўргатиш, тадбиркорлик, ҳунармандчилик, деҳқончилик ва чорвачиликка кенг жалб қилиб, уларнинг бандлигини таъминлаш борасидаги фидойилиги;
ҳудудларда ижтимоий-маънавий муҳитни соғломлаштириш, оилаларда меҳр-оқибат ва ҳамжиҳатликни мустаҳкамлаш, нотинч ва ажрим ёқасига келиб қолган оилаларни тиклаш, ёлғиз аёлларга ҳаётда мустақил бўлишга кўмак бериш ҳамда «Соғлом оила — соғлом жамият» деган эзгу ғояни ижтимоий ҳаётга кенг татбиқ этишда кўрсатган жонбозлиги;
маҳалласида ёшлар учун беғараз асосда мактаб, боғча, маданият ва спорт иншоотларини барпо этганлиги ҳамда ёшларнинг бўш вақтини мазмунли ўтказишни ташкиллаштиришга раҳбарлик қилганлиги;
туман ва шаҳарларни ёт ғоялардан холи ҳудудга айлантиришга қаратилган ижтимоий ва маънавий-маърифий ишларда эришган юксак натижалари ҳамда ибратли фаолияти учун мукофотланади.
3. «Фахрий мураббий» ордени билан мукофотлашга тақдим этиш, мукофотлаш ва уни топшириш «Давлат мукофотлари тўғрисида»ги Ўзбекистон Республикаси Қонунида назарда тутилган тартибда амалга оширилади.
4. «Фахрий мураббий» ордени билан мукофотланган шахслар базавий ҳисоблаш миқдорининг қирқ баравари миқдоридаги бир марталик пул мукофотини олади.
5. «Фахрий мураббий» ордени билан мукофотланган шахслар қонун ҳужжатларида белгиланадиган имтиёзлардан фойдаланади.
6. «Фахрий мураббий» ордени кўкракнинг чап томонига тақилади.
7. Ҳар бир мукофотланган шахсга «Фахрий мураббий» орденини топшириш билан бир вақтда мукофотланганлик тўғрисидаги ҳужжатлар берилади.
Ўзбекистон Республикасининг 2020 йил 9 июндаги ЎРҚ-622-сонли Қонуни билан ТАСДИҚЛАНГАН
«Фахрий мураббий» орденининг
«Фахрий мураббий» ордени 1 микрон қалинликдаги 999 пробали олтин билан қопланган латундан тайёрланади ва иккита қопламали медальондан иборат бўлади.
Биринчи медальон диаметри 45 миллиметрли қуёш тимсолидаги саккиз қиррали юлдузни ифодалайди. Унга уйғунликда туташган диаметри 33 миллиметрли саккиз қиррали юлдуз қирралари зарҳал ҳошияланган ва бинафша рангдаги эмаль билан қопланган.
Орденнинг марказида жойлашган устки медальон диаметри 26 миллиметрли доира шаклида бўлади. Марказда ҳаворанг эмаль фонида кўтарилаётган қуёшнинг заррин нурлари, ёш авлодни тутиб турган фахрий мураббийнинг очиқ кафтлари тимсоли оқ эмаль фонда акс эттирилган. Юқорироқда Ўзбекистон Республикасининг харитаси зарҳал кўринишда тасвирланган.
Ўнг ва чап томонларида қизил эмалли ислимий нақш билан безатилган зарҳалланган очиқ дарвоза жойлашган. Барча марказий композициялар оқ эмалли доира билан ўралган бўлиб, пастки қисми бешта зарҳалланган саккиз қиррали юлдуз, тепа қисми эса зарҳалланган нақш билан безатилган. Доира четлари зарҳалланган ингичка чизиқлар билан чегараланган.
Устки медальоннинг юқори айланаси бўйлаб яшил эмаль фонида — «FAXRIY», унинг пастки қисмида — «MURABBIY» ёзуви жойлашган. Ўнг ва чап томонларида иккита зайтун новдаси қарама-қарши кўринишда акс эттирилган. Ҳарфларнинг баландлиги — 2 миллиметр.
Орденнинг орқа томонида Ўзбекистон Республикаси Давлат герби тасвирланган. Қуйи қисмига 2 миллиметрли ўлчамдаги ботиқ шрифт билан орден рақами туширилган.
Тасвирлар ва ёзувлар — бўртма.
Орденнинг қалинлиги — 3,5 миллиметр.
Орден четлари бинафша ранг чизиқлар билан ҳошияланган ҳамда ўртасидан оқ йўл ўтган тўқ яшил рангдаги шойи лента қопланган беш қиррали қадағичга илмоқча ва ҳалқа ёрдамида уланади. Лентанинг эни — 24 миллиметр, бинафша рангли чизиқларнинг эни — 1 миллиметр, оқ рангли чизиқнинг эни — 2 миллиметр.
Қадағичнинг орқа томонида орденни кийимга тақиб қўйиш учун тўғноғич кўринишидаги мослама мавжуд.
Ўзбекистон Республикасининг Президенти Ш. МИРЗИЁЕВ
Тошкент ш.,
2020 йил 9 июнь,
ЎРҚ-622-сон
Oʻzbekiston Respublikasining Qonuni
NIZOM
TAVSIFI
“Faxriy murabbiy” ordenini taʼsis etish toʻgʻrisida
Qonunchilik palatasi tomonidan 2020-yil 5-mayda qabul qilingan Senat tomonidan 2020-yil 11-mayda maʼqullangan
1-modda. “Faxriy murabbiy” ordeni taʼsis etilsin.
2-modda. “Faxriy murabbiy” ordeni toʻgʻrisidagi nizom tasdiqlansin ( ilova qilinadi).
3-modda. “Faxriy murabbiy” ordenining tavsifi tasdiqlansin ( ilova qilinadi).
4-modda. Oʻzbekiston Respublikasining 1995-yil 22-dekabrda qabul qilingan “Davlat mukofotlari toʻgʻrisida”gi 176-I-sonli Qonuni (Oʻzbekiston Respublikasining 2018-yil 11-aprelda qabul qilingan OʻRQ-473-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 4, 221-modda; 2019-yil, № 9, 589-modda; 2020-yil, № 3, 200-modda) 8-moddasining birinchi qismiga quyidagi qoʻshimcha va oʻzgartish kiritilsin:
quyidagi mazmundagi toʻqqizinchi xatboshi bilan toʻldirilsin:
“Faxriy murabbiy” ordeni”;
toʻqqizinchi — oʻn uchinchi xatboshilar tegishincha oʻninchi — oʻn toʻrtinchi xatboshilar deb hisoblansin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining 2020-yil 9-iyundagi OʻRQ-622-sonli Qonuni bilan TASDIQLANGAN
“Faxriy murabbiy” ordeni toʻgʻrisida
1. “Faxriy murabbiy” ordeni bilan yoshlarni Vatanga muhabbat va sadoqat ruhida tarbiyalash, ularni yot gʻoyalardan asrash, adashganlarni toʻgʻri yoʻlga qaytarish, yosh avlod vakillarida faol fuqarolik pozitsiyasi va mafkuraviy immunitetni, tashabbuskorlik, fidoyilik va axloqiy fazilatlarni shakllantirishga munosib hissa qoʻshgan, shuningdek oʻzining chuqur bilimi va boy hayotiy tajribasi bilan yordamga muhtoj hamda ogʻir ahvolga tushib qolgan yoshlar va oilalarni har tomonlama qoʻllab-quvvatlash, ish bilan taʼminlash hamda tadbirkorlikka oʻrgatish, buning uchun qulay shart-sharoitlar yaratish borasida barchaga shaxsiy namuna koʻrsatib kelayotgan Oʻzbekiston Respublikasi fuqarolari mukofotlanadi.
2. “Faxriy murabbiy” ordeni bilan:
yoshlarni vatanparvarlik ruhida tarbiyalash, ularni turli tahdidlar va yot gʻoyalar taʼsiridan himoya qilish, adashgan yoshlarni toʻgʻri yoʻlga qaytarish boʻyicha manzilli ishlarga ularni vasiylikka olish orqali bevosita hissa qoʻshganligi;
profilaktik hisobda turgan, huquqbuzarlik sodir qilishga va salbiy illatga moyil boʻlgan yoshlarda sogʻlom dunyoqarashni, Vatanga mehr hamda sadoqat tuygʻularini shakllantirishda murabbiy sifatidagi alohida xizmatlari;
uyushmagan yoshlarni hamda kam taʼminlangan, ehtiyojmand va kambagʻal oilalar farzandlarini kasb-hunarlarga oʻrgatish, tadbirkorlik, hunarmandchilik, dehqonchilik va chorvachilikka keng jalb qilib, ularning bandligini taʼminlash borasidagi fidoyiligi;
hududlarda ijtimoiy-maʼnaviy muhitni sogʻlomlashtirish, oilalarda mehr-oqibat va hamjihatlikni mustahkamlash, notinch va ajrim yoqasiga kelib qolgan oilalarni tiklash, yolgʻiz ayollarga hayotda mustaqil boʻlishga koʻmak berish hamda “Sogʻlom oila — sogʻlom jamiyat” degan ezgu gʻoyani ijtimoiy hayotga keng tatbiq etishda koʻrsatgan jonbozligi;
mahallasida yoshlar uchun begʻaraz asosda maktab, bogʻcha, madaniyat va sport inshootlarini barpo etganligi hamda yoshlarning boʻsh vaqtini mazmunli oʻtkazishni tashkillashtirishga rahbarlik qilganligi;
tuman va shaharlarni yot gʻoyalardan xoli hududga aylantirishga qaratilgan ijtimoiy va maʼnaviy-maʼrifiy ishlarda erishgan yuksak natijalari hamda ibratli faoliyati uchun mukofotlanadi.
3. “Faxriy murabbiy” ordeni bilan mukofotlashga taqdim etish, mukofotlash va uni topshirish “Davlat mukofotlari toʻgʻrisida”gi Oʻzbekiston Respublikasi Qonunida nazarda tutilgan tartibda amalga oshiriladi.
4. “Faxriy murabbiy” ordeni bilan mukofotlangan shaxslar bazaviy hisoblash miqdorining qirq baravari miqdoridagi bir martalik pul mukofotini oladi.
5. “Faxriy murabbiy” ordeni bilan mukofotlangan shaxslar qonun hujjatlarida belgilanadigan imtiyozlardan foydalanadi.
6. “Faxriy murabbiy” ordeni koʻkrakning chap tomoniga taqiladi.
7. Har bir mukofotlangan shaxsga “Faxriy murabbiy” ordenini topshirish bilan bir vaqtda mukofotlanganlik toʻgʻrisidagi hujjatlar beriladi.
Oʻzbekiston Respublikasining 2020-yil 9-iyundagi OʻRQ-622-sonli Qonuni bilan TASDIQLANGAN
“Faxriy murabbiy” ordenining
“Faxriy murabbiy” ordeni 1 mikron qalinlikdagi 999 probali oltin bilan qoplangan latundan tayyorlanadi va ikkita qoplamali medalondan iborat boʻladi.
Birinchi medalon diametri 45 millimetrli quyosh timsolidagi sakkiz qirrali yulduzni ifodalaydi. Unga uygʻunlikda tutashgan diametri 33 millimetrli sakkiz qirrali yulduz qirralari zarhal hoshiyalangan va binafsha rangdagi emal bilan qoplangan.
Ordenning markazida joylashgan ustki medalon diametri 26 millimetrli doira shaklida boʻladi. Markazda havorang emal fonida koʻtarilayotgan quyoshning zarrin nurlari, yosh avlodni tutib turgan faxriy murabbiyning ochiq kaftlari timsoli oq emal fonda aks ettirilgan. Yuqoriroqda Oʻzbekiston Respublikasining xaritasi zarhal koʻrinishda tasvirlangan.
Oʻng va chap tomonlarida qizil emalli islimiy naqsh bilan bezatilgan zarhallangan ochiq darvoza joylashgan. Barcha markaziy kompozitsiyalar oq emalli doira bilan oʻralgan boʻlib, pastki qismi beshta zarhallangan sakkiz qirrali yulduz, tepa qismi esa zarhallangan naqsh bilan bezatilgan. Doira chetlari zarhallangan ingichka chiziqlar bilan chegaralangan.
Ustki medalonning yuqori aylanasi boʻylab yashil emal fonida — “FAXRIY”, uning pastki qismida — “MURABBIY” yozuvi joylashgan. Oʻng va chap tomonlarida ikkita zaytun novdasi qarama-qarshi koʻrinishda aks ettirilgan. Harflarning balandligi — 2 millimetr.
Ordenning orqa tomonida Oʻzbekiston Respublikasi Davlat gerbi tasvirlangan. Quyi qismiga 2 millimetrli oʻlchamdagi botiq shrift bilan orden raqami tushirilgan.
Tasvirlar va yozuvlar — boʻrtma.
Ordenning qalinligi — 3,5 millimetr.
Orden chetlari binafsha rang chiziqlar bilan hoshiyalangan hamda oʻrtasidan oq yoʻl oʻtgan toʻq yashil rangdagi shoyi lenta qoplangan besh qirrali qadagʻichga ilmoqcha va halqa yordamida ulanadi. Lentaning eni — 24 millimetr, binafsha rangli chiziqlarning eni — 1 millimetr, oq rangli chiziqning eni — 2 millimetr.
Qadagʻichning orqa tomonida ordenni kiyimga taqib qoʻyish uchun toʻgʻnogʻich koʻrinishidagi moslama mavjud.
Oʻzbekiston Respublikasining Prezidenti Sh. MIRZIYOYEV
Toshkent sh.,
2020-yil 9-iyun,
OʻRQ-622-son
Закон Республики Узбекистан
ПОЛОЖЕНИЕ
ОПИСАНИЕ
Об учреждении ордена «Фахрий мураббий»
Принят Законодательной палатой 5 мая 2020 года Одобрен Сенатом 11 мая 2020 года
Статья 1. Учредить орден «Фахрий мураббий».
Статья 2. Утвердить Положение об ордене «Фахрий мураббий» ( прилагается ).
Статья 3. Утвердить Описание ордена «Фахрий мураббий» ( прилагается ).
Статья 4. Внести в часть первую статьи 8 Закона Республики Узбекистан от 22 декабря 1995 года № 176-I «О государственных наградах» (в редакции Закона Республики Узбекистан от 11 апреля 2018 года № ЗРУ-473) (Ведомости палат Олий Мажлиса Республики Узбекистан, 2018 г., № 4, ст. 221; 2019 г., № 9, ст. 589; 2020 г., № 3, ст. 200) следующие дополнение и изменение:
дополнить абзацем девятым следующего содержания:
«орден «Фахрий мураббий»;
абзацы девятый — тринадцатый считать соответственно абзацами десятым — четырнадцатым.
Статья 5. Настоящий Закон вступает в силу со дня его официального опубликования.
УТВЕРЖДЕНО Законом Республики Узбекистан от 9 июня 2020 года № ЗРУ-622
об ордене «Фахрий мураббий»
1. Орденом «Фахрий мураббий» награждаются граждане Республики Узбекистан, внесшие достойный вклад в воспитание молодежи в духе любви и преданности Родине, защиту их от чуждых идей, возвращение сбившихся с пути на правильный путь, формирование у молодого поколения активной гражданской позиции и идеологического иммунитета, инициативности, самоотверженности и нравственных качеств, а также своими глубокими знаниями и богатым жизненным опытом показывающие для всех личный пример во всесторонней поддержке нуждающейся в помощи и попавшей в трудную ситуацию молодежи и семей, обеспечении их занятости и обучении предпринимательству, создании для этого благоприятных условий.
2. Орденом «Фахрий мураббий» награждаются за:
непосредственный вклад в целенаправленную работу по воспитанию молодежи в духе патриотизма, их защите от различных угроз и воздействия чуждых идей, возвращению сбившегося с пути молодого поколения на правильный путь под своим попечительством;
особые заслуги в качестве наставника при формировании здорового мировоззрения, чувства любви и преданности Родине у молодежи, состоящей на профилактическом учете, склонной к совершению правонарушений и негативным поступкам;
самоотверженность в обучении профессии, обеспечении занятости неорганизованной молодежи и детей из малообеспеченных, нуждающихся и бедных семей с привлечением их к предпринимательству, ремесленничеству, земледелию и животноводству;
самоотверженность, проявленную в оздоровлении социально-духовной среды в регионах, укреплении в семьях атмосферы доброты и взаимопонимания, восстановлении неблагополучных и находящихся на грани развода семей, содействии самостоятельности одиноких женщин в жизни, а также широком внедрении в общественную жизнь благой идеи «Здоровая семья — здоровое общество»;
строительство на безвозмездной основе в своей махалле для нужд молодого поколения школ, детских садов, культурных и спортивных сооружений и руководство организацией содержательного проведения свободного времени молодежи;
высокие результаты, достигнутые в социальной и духовно-просветительской работе, направленной на превращение района (города) в зону, свободную от чуждых идей, а также образцовую деятельность в этой области.
3. Представление к награждению, награждение и вручение ордена «Фахрий мураббий» производятся в порядке, предусмотренном Законом Республики Узбекистан «О государственных наградах».
4. Лица, награжденные орденом «Фахрий мураббий», получают единовременное денежное вознаграждение в размере сорокакратной базовой расчетной величины.
5. Лица, награжденные орденом «Фахрий мураббий», пользуются льготами, предусматриваемыми законодательством.
6. Орден «Фахрий мураббий» носится на левой стороне груди.
7. Каждому лицу, награжденному орденом «Фахрий мураббий», одновременно вручаются документы о награждении.
УТВЕРЖДЕНО Законом Республики Узбекистан от 9 июня 2020 года № ЗРУ-622
ордена «Фахрий мураббий»
Орден «Фахрий мураббий» изготавливается из латуни, покрытой золотом 999 пробы толщиной 1 микрон, и состоит из двух накладных медальонов.
Первый медальон представляет собой восьмиконечную звезду диаметром 45 миллиметров, символизирующую солнце. К ней гармонично примыкает восьмиконечная звезда диаметром 33 миллиметра, грани которой окаймлены позолоченным ободком и покрыты фиолетовой эмалью.
Верхний медальон, находящийся в центре ордена, представляет собой круг диаметром 26 миллиметров. В центре медальона на голубом эмалевом фоне отражены золотистые лучи восходящего солнца, символ раскрытых ладоней почетного наставника, поддерживающих молодое поколение на белом эмалевом фоне. Чуть выше изображена золотистая карта Республики Узбекистан.
С правой и с левой стороны расположены раскрытые позолоченные ворота, украшенные красным эмалевым орнаментом. Все центральные композиции обрамлены белым эмалевым кругом, украшенным в нижней части пятью золотистыми восьмиконечными звездами, в верхней части — золотистым орнаментом. Круг окаймлен тонкими золотистыми линиями.
По верхней окружности верхнего медальона на зеленом эмалевом фоне нанесена надпись «FAXRIY», в его нижней части — «MURABBIY». В правой и левой стороне отражены в зеркальном виде две оливковые ветви. Высота букв — 2 миллиметра.
На оборотной стороне ордена изображен Государственный герб Республики Узбекистан. В нижней части нанесен номер ордена вогнутым шрифтом размером 2 миллиметра.
Изображения и надписи — выпуклые.
Толщина ордена — 3,5 миллиметра.
Орден при помощи ушка и кольца соединяется с пятиугольной колодкой, обтянутой шелковой лентой темно-зеленого цвета, окаймленной тонкими фиолетовыми линиями, с белой линией посередине. Ширина ленты — 24 миллиметра, ширина фиолетовых полос — 1 миллиметр, ширина белой линии — 2 миллиметра.
На оборотной стороне колодки имеется приспособление в виде булавки для крепления ордена к одежде.
Президент Республики Узбекистан Ш. МИРЗИЁЕВ
г. Ташкент,
9 июня 2020 г.,
№ ЗРУ-622