📅 2020-yil 16-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 16 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 июня 2020 г. · Постановления Президента
Официальный текст. Официальный документ. Редакционные примечания не включены.
📅 16 June 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Хизматлар соҳасини қўллаб-қувватлаш чора-тадбирлари тўғрисида
Республикада хизматлар соҳасининг тезкор ўсиш суръатларини таъминлаш, мазкур йўналишда тадбиркорликни янада қўллаб-қувватлаш ва аҳоли учун янги иш ўринларини яратиш мақсадида:
1. Ўзбекистон Республикаси Иқтисодий тараққиёт ва камбағалликни қисқартириш вазирлиги, Молия вазирлиги, Марказий банки ҳамда Тикланиш ва тараққиёт жамғармасининг хизматлар соҳасини ривожлантириш учун тижорат банкларига Тикланиш ва тараққиёт жамғармасидан 100 миллион АҚШ доллари эквивалентида кредит линиясини ажратиш тўғрисидаги таклифига розилик берилсин.
2. Белгилансинки:
кредит линияси тижорат банкларига 7 йил муддатга, шу жумладан 3 йиллик имтиёзли даври билан 10 фоиз ставкада берилади;
тижорат банклари томонидан кредитлар хизмат кўрсатиш соҳасидаги тадбиркорлик субъектларига, айниқса маиший, таълим, тиббий, ахборот-коммуникация ва бошқа талаб юқори бўлган соҳаларда фаолият кўрсатадиган корхоналарни ташкил этиш (молия ва савдо соҳаларидаги тадбиркорлик субъектлари бундан мустасно) ва жиҳозлаш учун 14 фоиз ставкада 1 миллиард сўмгача миқдорда ажратилади;
мазкур қарорда назарда тутилган кредит линияси маблағларининг камида 20 фоизи аёллар ва ёш тадбиркорларга ажратилади;
Ўзбекистон Республикаси Президентининг 2020 йил 8 июндаги «Тадбиркорлик фаолияти ва ўзини ўзи банд қилишни давлат томонидан тартибга солишни соддалаштириш чора-тадбирлари тўғрисида»ги ПҚ-4742-сон қарори билан ўзини ўзи банд қилган шахслар шуғулланиши мумкин бўлган 67 та фаолият (ишлар ва хизматлар) турлари учун «Ҳар бир оила ― тадбиркор» дастури доирасида кредитлар ажратилади;
мазкур қарорга мувофиқ жалб этилган ресурс маблағларининг муддатидан келиб чиқиб, аввал ажратилган кредитларнинг сўндирилган қисми ҳисобидан хизматлар соҳасидаги янги лойиҳаларни (молия соҳасини ривожлантириш бўйича лойиҳалар ва хизматлар соҳасида айланма маблағларни тўлдириш ҳоллари бундан мустасно) молиялаштириш учун тижорат банклари томонидан 14 фоиз ставкада битта лойиҳа бўйича 2 миллиард сўмгача миқдорда кредитлар ажратилади.
2 1 . Мазкур қарорга мувофиқ тижорат банкларига тақсимланган маблағлардан «Туронбанк» АТБга кредит ресурси сифатида қайта молиялаштирилган қисмининг 2021 йил 1 август ҳолатига қолдиқ қисми Ўзбекистон Тикланиш ва тараққиёт жамғармасининг банк устав капиталидаги улушини ошириш учун йўналтирилсин.
3. Ўзбекистон Республикаси Марказий банки тижорат банклари билан биргаликда Тикланиш ва тараққиёт жамғармаси томонидан ажратилаётган маблағларнинг мақсадли ишлатилиши ва қайтарилиши устидан тизимли мониторинг ва назоратни таъминласин.
4. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 16 июнь,
ПҚ-4752-сон
Oʻzbekiston Respublikasi Prezidentining
qarori
Xizmatlar sohasini qoʻllab-quvvatlash chora-tadbirlari toʻgʻrisida
Respublikada xizmatlar sohasining tezkor oʻsish surʼatlarini taʼminlash, mazkur yoʻnalishda tadbirkorlikni yanada qoʻllab-quvvatlash va aholi uchun yangi ish oʻrinlarini yaratish maqsadida:
1. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Moliya vazirligi, Markaziy banki hamda Tiklanish va taraqqiyot jamgʻarmasining xizmatlar sohasini rivojlantirish uchun tijorat banklariga Tiklanish va taraqqiyot jamgʻarmasidan 100 million AQSH dollari ekvivalentida kredit liniyasini ajratish toʻgʻrisidagi taklifiga rozilik berilsin.
2. Belgilansinki:
kredit liniyasi tijorat banklariga 7 yil muddatga, shu jumladan 3 yillik imtiyozli davri bilan 10 foiz stavkada beriladi;
tijorat banklari tomonidan kreditlar xizmat koʻrsatish sohasidagi tadbirkorlik subyektlariga, ayniqsa maishiy, taʼlim, tibbiy, axborot-kommunikatsiya va boshqa talab yuqori boʻlgan sohalarda faoliyat koʻrsatadigan korxonalarni tashkil etish (moliya va savdo sohalaridagi tadbirkorlik subyektlari bundan mustasno) va jihozlash uchun 14 foiz stavkada 1 milliard soʻmgacha miqdorda ajratiladi;
mazkur qarorda nazarda tutilgan kredit liniyasi mablagʻlarining kamida 20 foizi ayollar va yosh tadbirkorlarga ajratiladi;
Oʻzbekiston Respublikasi Prezidentining 2020-yil 8-iyundagi “Tadbirkorlik faoliyati va oʻzini oʻzi band qilishni davlat tomonidan tartibga solishni soddalashtirish chora-tadbirlari toʻgʻrisida”gi PQ-4742-son qarori bilan oʻzini oʻzi band qilgan shaxslar shugʻullanishi mumkin boʻlgan 67 ta faoliyat (ishlar va xizmatlar) turlari uchun “Har bir oila ― tadbirkor” dasturi doirasida kreditlar ajratiladi;
mazkur qarorga muvofiq jalb etilgan resurs mablagʻlarining muddatidan kelib chiqib, avval ajratilgan kreditlarning soʻndirilgan qismi hisobidan xizmatlar sohasidagi yangi loyihalarni (moliya sohasini rivojlantirish boʻyicha loyihalar va xizmatlar sohasida aylanma mablagʻlarni toʻldirish hollari bundan mustasno) moliyalashtirish uchun tijorat banklari tomonidan 14 foiz stavkada bitta loyiha boʻyicha 2 milliard soʻmgacha miqdorda kreditlar ajratiladi.
2 1 . Mazkur qarorga muvofiq tijorat banklariga taqsimlangan mablagʻlardan “Turonbank” ATBga kredit resursi sifatida qayta moliyalashtirilgan qismining 2021-yil 1-avgust holatiga qoldiq qismi Oʻzbekiston Tiklanish va taraqqiyot jamgʻarmasining bank ustav kapitalidagi ulushini oshirish uchun yoʻnaltirilsin.
3. Oʻzbekiston Respublikasi Markaziy banki tijorat banklari bilan birgalikda Tiklanish va taraqqiyot jamgʻarmasi tomonidan ajratilayotgan mablagʻlarning maqsadli ishlatilishi va qaytarilishi ustidan tizimli monitoring va nazoratni taʼminlasin.
4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 16-iyun,
PQ-4752-son
Президента Республики Узбекистан
Постановление
О мерах по поддержке сферы услуг
В целях обеспечения ускоренных темпов роста сферы услуг в республике, дальнейшей поддержки предпринимательства и создания новых рабочих мест для населения в данном направлении:
1. Согласиться с предложением Министерства экономического развития и сокращения бедности, Министерства финансов, Центрального банка, а также Фонда реконструкции и развития Республики Узбекистан о выделении коммерческим банкам из Фонда реконструкции и развития кредитной линии в эквиваленте 100 миллионов долларов США для развития сферы услуг.
2. Установить, что:
кредитная линия выделяется коммерческим банкам сроком на 7 лет, включая трехлетний льготный период по ставке 10 процентов годовых;
коммерческие банки выделяют кредиты субъектам предпринимательства в сфере обслуживания (за исключением субъектов предпринимательства в сфере торговли и финансов) для создания и оснащения предприятий, в особенности ведущих деятельность в сфере бытового обслуживания, образования, медицины, информационных коммуникаций и других востребованных сферах, по ставке 14 процентов годовых в размере до 1 миллиарда сумов;
не менее 20 процентов средств кредитной линии, предусмотренных в настоящем постановлении, выделяется женщинам и молодым предпринимателям;
для 67 видов деятельности (работ, услуг), которыми могут заниматься самозанятые лица в соответствии с постановлением Президента Республики Узбекистан от 8 июня 2020 года № ПП-4742 «О мерах по упрощению государственного регулирования предпринимательской деятельности и самозанятости» выделяются кредиты в рамках программы «Каждая семья — предприниматель»;
коммерческими банками выделяются кредиты на сумму до 2 миллиардов сумов по одному проекту по ставке 14 процентов для финансирования новых проектов в сфере услуг (за исключением проектов по развитию финансового сектора и пополнению оборотных средств в сфере услуг) за счет погашенной части ранее выделенных кредитов, исходя из сроков ресурсных средств, привлеченных в соответствии с настоящим постановлением.
2 1 . Остаток части, рефинансированной в АКБ «Туронбанк» в качестве кредитного ресурса, средств, распределенных по коммерческим банкам в соответствии с настоящим постановлением, по состоянию на 1 августа 2021 года, направить на увеличение доли Фонда реконструкции и развития Узбекистана в уставном капитале банка.
3. Центральному банку Республики Узбекистан совместно с коммерческими банками обеспечить системный мониторинг и контроль за целевым использованием и возвратом средств, выделяемых Фондом реконструкции и развития.
4. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
16 июня 2020 г.,
№ ПП-4752