📅 2020-yil 19-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 19 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 19 июня 2020 г. · Постановления Кабинета Министров
Официальный текст. Официальный документ. Редакционные примечания не включены.
📅 19 June 2020 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
рўйхати
Аграр секторни қишлоқ хўжалиги техникалари билан таъминлашни давлат томонидан қўллаб-қувватлаш тўғрисида
Республика қишлоқ хўжалигига тўғридан-тўғри инвестицияларни жалб қилиш, қишлоқ хўжалигига мўлжалланган ерлар, захира ерлари, қайта тикланадиган ҳамда фойдаланишга киритиладиган ер майдонларини ўзлаштириш ва қисқа муддатларда ишлов бериш ҳамда пахта теришни механизациялаш мақсадида Вазирлар Маҳкамаси қарор қилади:
1. «Textile Technologies Group» МЧЖ томонидан 2020 йилда қишлоқ хўжалиги маҳсулотларини етиштириш мақсадида 54 млн АҚШ долларига тенг 1 000 дан ортиқ юқори унумли қишлоқ хўжалиги техникалари, шу жумладан 66 та пахта териш машиналари кластернинг ўз маблағлари, шунингдек жалб этилган хорижий кредит линиялари маблағлари ҳисобидан харид қилиниши маълумот учун қабул қилинсин.
2. Ўзбекистон Республикаси Иқтисодий тараққиёт ва камбағалликни қисқартириш вазирлиги, Қишлоқ хўжалиги вазирлиги, Молия вазирлиги, Давлат божхона қўмитаси, Давлат солиқ қўмитаси, Сирдарё ва Тошкент вилоятлари ҳокимларининг Сирдарё вилояти Оқолтин ва Сардоба туманларида ҳамда Тошкент вилоятининг Бекобод, Бўка ва Чиноз туманларида «Textile Technologies Group» МЧЖ ва «ЎзКейсагролизинг» МЧЖ орқали (Case New Holland Industrial компанияси, «ЎзКейсагролизинг» ҚК МЧЖ ва «Textile Technologies Group» МЧЖ ўрталаридаги уч томонлама шартномага асосан) иловадаги рўйхатга мувофиқ олиб кириладиган қишлоқ хўжалиги техникалари ва эҳтиёт қисмларини:
2021 йил 31 декабрга қадар божхона божидан (божхона расмийлаштируви учун йиғимлардан ташқари) озод этиш;
қўшилган қиймат солиғини тўлашни 360 кун муддатга кечиктириш тўғрисидаги таклифларига розилик берилсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ў.И. Барноев ҳамда Ўзбекистон Республикаси қишлоқ хўжалиги вазири Ж.А. Ходжаев зиммасига юклансин.
Вазирлар Маҳкамасининг 2020 йил 19 июндаги 392-сон қарорига ИЛОВА
«Textile Technologies Group» МЧЖ шаклидаги хорижий корхона қошида ташкил қилинган агросаноат кластерининг қишлоқ хўжалик техникалари
Техниканинг номи Русуми Миқдори (дона) ТИФ ТН коди Трактор Case IH 140 от кучи Puma 140 AFS 100 87 01 Трактор Case IH 210 от кучи Puma 210 20 87 01 Ғалла ўриш комбайни Case AF 4088 4WD 23 8433 51 000 Пахта териш комбайни Case 6 қатор CE 635 (76cm) 26 84 33 Пахта териш комбайни Case 4 қатор CE 420 (76 — 90 cm) 20 84 33 Пахта териш комбайни 6 қатор JOHN DEERE CP 690 20 84 33 Фронтал юк ортгич Case 695 ST 10 8429 51 990 0 Пресслагич машина New Holland BC 5070 40 84 33 40 Омоч 3+1 Kongskilde Overum CX F 41080E, 3+1 100 84 32 Омоч 4+1 New Holland PHF 51080S, 4+1 20 84 32 Дискли борона Ma/ag Trailed offset EDVI 940 32 12 20 8432 29 100 0 Дискли борона Ma/ag Trailed offset EDVI 940 36 12 6 8432 29 100 0 Дискли борона Ma/ag «X» section EDX 2000 P 44 12 22 8432 29 100 0 Ғўзапоя майдалагич Falc Shredder 4200 (for 6 rows of cotton at 76 cm) 18 8437 Трактор учун юк ортгич Case Puma 140 от кучи Front Loader for Puma 140 12 8432 90 000 0 Трактор учун пневматик болға CB61 2 8432 90 000 0 Пневматик чигит экиш мосламалари 4 қатор 20 8432 31 900 0 Пневматик чигит экиш мосламалари 6 қатор 50 8432 31 900 0 Культиватор 6 қатор 200 8432 29 100 0 Трактор тиркамаси (тележка) 12 тонналик 160 8607 Трактор учун юқори клиренсли ғилдирак (шина ва дискли тўплам) 270/95 R38, 270/95 R48 400 4011 70 000 0 Жами 1289
Ўзбекистон Республикасининг Бош вазири А. АРИПОВ
Тошкент ш.,
2020 йил 19 июнь,
392-сон
Oʻzbekiston Respublikasi Vazirlar Mahkamasining
qarori
roʻyxati
Agrar sektorni qishloq xoʻjaligi texnikalari bilan taʼminlashni davlat tomonidan qoʻllab-quvvatlash toʻgʻrisida
Respublika qishloq xoʻjaligiga toʻgʻridan-toʻgʻri investitsiyalarni jalb qilish, qishloq xoʻjaligiga moʻljallangan yerlar, zaxira yerlari, qayta tiklanadigan hamda foydalanishga kiritiladigan yer maydonlarini oʻzlashtirish va qisqa muddatlarda ishlov berish hamda paxta terishni mexanizatsiyalash maqsadida Vazirlar Mahkamasi qaror qiladi:
1. “Textile Technologies Group” MCHJ tomonidan 2020-yilda qishloq xoʻjaligi mahsulotlarini yetishtirish maqsadida 54 mln AQSH dollariga teng 1 000 dan ortiq yuqori unumli qishloq xoʻjaligi texnikalari, shu jumladan 66 ta paxta terish mashinalari klasterning oʻz mablagʻlari, shuningdek jalb etilgan xorijiy kredit liniyalari mablagʻlari hisobidan xarid qilinishi maʼlumot uchun qabul qilinsin.
2. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Qishloq xoʻjaligi vazirligi, Moliya vazirligi, Davlat bojxona qoʻmitasi, Davlat soliq qoʻmitasi, Sirdaryo va Toshkent viloyatlari hokimlarining Sirdaryo viloyati Oqoltin va Sardoba tumanlarida hamda Toshkent viloyatining Bekobod, Boʻka va Chinoz tumanlarida “Textile Technologies Group” MCHJ va “OʻzKeysagrolizing” MCHJ orqali (Case New Holland Industrial kompaniyasi, “OʻzKeysagrolizing” QK MCHJ va “Textile Technologies Group” MCHJ oʻrtalaridagi uch tomonlama shartnomaga asosan) ilovadagi roʻyxatga muvofiq olib kiriladigan qishloq xoʻjaligi texnikalari va ehtiyot qismlarini:
2021-yil 31-dekabrga qadar bojxona bojidan (bojxona rasmiylashtiruvi uchun yigʻimlardan tashqari) ozod etish;
qoʻshilgan qiymat soligʻini toʻlashni 360 kun muddatga kechiktirish toʻgʻrisidagi takliflariga rozilik berilsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Oʻ.I. Barnoyev hamda Oʻzbekiston Respublikasi qishloq xoʻjaligi vaziri J.A. Xodjayev zimmasiga yuklansin.
Vazirlar Mahkamasining 2020-yil 19-iyundagi 392-son qaroriga ILOVA
“Textile Technologies Group” MCHJ shaklidagi xorijiy korxona qoshida tashkil qilingan agrosanoat klasterining qishloq xoʻjalik texnikalari
Texnikaning nomi Rusumi Miqdori (dona) TIF TN kodi Traktor Case IH 140 ot kuchi Puma 140 AFS 100 87 01 Traktor Case IH 210 ot kuchi Puma 210 20 87 01 Gʻalla oʻrish kombayni Case AF 4088 4WD 23 8433 51 000 Paxta terish kombayni Case 6 qator CE 635 (76cm) 26 84 33 Paxta terish kombayni Case 4 qator CE 420 (76 — 90 cm) 20 84 33 Paxta terish kombayni 6 qator JOHN DEERE CP 690 20 84 33 Frontal yuk ortgich Case 695 ST 10 8429 51 990 0 Presslagich mashina New Holland BC 5070 40 84 33 40 Omoch 3+1 Kongskilde Overum CX F 41080E, 3+1 100 84 32 Omoch 4+1 New Holland PHF 51080S, 4+1 20 84 32 Diskli borona Ma/ag Trailed offset EDVI 940 32 12 20 8432 29 100 0 Diskli borona Ma/ag Trailed offset EDVI 940 36 12 6 8432 29 100 0 Diskli borona Ma/ag “X” section EDX 2000 P 44 12 22 8432 29 100 0 Gʻoʻzapoya maydalagich Falc Shredder 4200 (for 6 rows of cotton at 76 cm) 18 8437 Traktor uchun yuk ortgich Case Puma 140 ot kuchi Front Loader for Puma 140 12 8432 90 000 0 Traktor uchun pnevmatik bolgʻa CB61 2 8432 90 000 0 Pnevmatik chigit ekish moslamalari 4 qator 20 8432 31 900 0 Pnevmatik chigit ekish moslamalari 6 qator 50 8432 31 900 0 Kultivator 6 qator 200 8432 29 100 0 Traktor tirkamasi (telejka) 12 tonnalik 160 8607 Traktor uchun yuqori klirensli gʻildirak (shina va diskli toʻplam) 270/95 R38, 270/95 R48 400 4011 70 000 0 Jami 1289
Oʻzbekiston Respublikasining Bosh vaziri A. ARIPOV
Toshkent sh.,
2020-yil 19-iyun,
392-son