UzbekAI

Ўзбекистон Республикаси адлия вазирининг

буйруғи

ДАФТАРИ

«Давлат нотариал идоралари томонидан бериладиган гербли бланкаларни ҳисобга олиш, сақлаш, сарфлаш ва улар бўйича ҳисобот бериш қоидаларини тасдиқлаш ҳақида»ги буйруққа қўшимча ва ўзгартиришлар киритиш тўғрисида

Ўзбекистон Республикасининг «Нотариат тўғрисида»ги Қонуни , Ўзбекистон Республикаси Президентининг 2018 йил 13 апрелдаги ПҚ-3666-сон «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги қарорига мувофиқ буюраман:

1. Адлия вазирининг 2006 йил 19 июндаги 95-мҳ-сон «Давлат нотариал идоралари томонидан бериладиган гербли бланкаларни ҳисобга олиш, сақлаш, сарфлаш ва улар бўйича ҳисобот бериш қоидаларини тасдиқлаш ҳақида»ги буйруғига (рўйхат рақами 1584, 2006 йил 19 июнь) (Ўзбекистон Республикаси қонун ҳужжатлари тўплами, 2006 й., 25-26-сон, 239-модда) иловага мувофиқ қўшимча ва ўзгартиришлар киритилсин.

2. Мазкур буйруқ давлат рўйхатидан ўтказилсин ва бу ҳақда Идоравий норматив-ҳуқуқий ҳужжатларни давлат рўйхатидан ўтказиш бошқармаси Идоравий норматив-ҳуқуқий ҳужжатларнинг давлат реестрига тегишли ёзув киритсин.

3. Қонун ҳужжатларини таҳлил қилиш ва туркумлаш бошқармаси ушбу идоравий норматив-ҳуқуқий ҳужжатни «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да ҳамда Ўзбекистон Республикаси Қонун ҳужжатлари маълумотлари миллий базасида эълон қилинишини таъминласин.

4. Мазкур буйруқ расмий эълон қилинган кундан эътиборан кучга киради.

5. Мазкур буйруқ ижросини назорат қилиш вазир ўринбосари А. Ташкулов зиммасига юклансин.

Ўзбекистон Республикаси адлия вазирининг 2020 йил 22 июндаги 144-мҳ-сон буйруғига ИЛОВА

«Давлат нотариал идоралари томонидан бериладиган гербли бланкаларни ҳисобга олиш, сақлаш, сарфлаш ва улар бўйича ҳисобот бериш қоидаларини тасдиқлаш ҳақида»ги буйруққа киритилаётган қўшимча ва ўзгартиришлар

1. Буйруқда :

а) номи ва 1-банди «Давлат нотариал идоралари» деган сўзлардан кейин «ва хусусий амалиёт билан шуғулланувчи нотариуслар» деган сўзлар билан тўлдирилсин;

б) 5-бандда :

иккинчи хатбошидаги «давлат нотариал идораларни» деган сўзлар «давлат нотариал идоралари ва хусусий амалиёт билан шуғулланувчи нотариусларни» деган сўзлар билан алмаштирилсин;

учинчи хатбоши «давлат нотариал идоралари» деган сўзлардан кейин «ва хусусий амалиёт билан шуғулланувчи нотариуслар» деган сўзлар билан тўлдирилсин.

2. Қоидаларда :

а) номи «Давлат нотариал идоралари» деган сўзлардан кейин «ва хусусий амалиёт билан шуғулланувчи нотариуслар» деган сўзлар билан тўлдирилсин;

б) 1-банднинг биринчи хатбошисидаги «бланклар» деган сўзлар «бланкалар» деган сўзлар билан алмаштирилсин;

в) 2-банд қуйидаги таҳрирда баён этилсин:

«2. Адлия бошқармаси бошлиғининг буйруғи билан уч кишидан (бошқарма бошлиғининг нотариат ишлари бўйича масъул ўринбосари, бош ҳисобчи ва нотариат ишлари бўйича масъул ходим) иборат таркибда тузилган махсус комиссия гербли бланкаларни қабул қилаётганида ўрамлар сонини, ўрам ёрлиғининг бутунлигини, агар бузилган бўлса ўрам ёрлиғида кўрсатилган бланкалар рақамлари ва сони тўғрилигини, бланкалар сони юкхат билан тўғри келиш келмаслигини текшириши ва бу ҳақда уч нусхада далолатнома тузиши зарур.

Махсус комиссия давлат нотариал идоралари ва хусусий амалиёт билан шуғулланувчи нотариуслар (бундан буён матнда нотариал идоралар деб юритилади) томонидан тўлдирилиши чоғида бузилган бланкаларни далолатнома асосида қабул қилиб олади ва икки нусхада тузилган далолатнома бўйича ҳар йили бир марта ёқиш йўли билан йўқ қилади ҳамда мазкур далолатноманинг бир нусхасини йиллик ҳисобот билан Адлия вазирлигига тақдим қилади.»;

г) 3-банддаги ва 4-банднинг биринчи хатбошисидаги «бланклар» деган сўз «бланкалар» деган сўз билан алмаштирилсин;

д) 5-банддаги «дафтарлари юритилади» деган сўзлар «дафтарлари давлат нотариал идоралари ва хусусий амалиёт билан шуғулланувчи нотариуслар учун алоҳида-алоҳида юритилади» деган сўзлар билан алмаштирилсин;

е) 10-банднинг биринчи хатбошисидаги «бланкларнинг» деган сўз «бланкаларнинг» деган сўз билан алмаштирилсин;

ж) 11-банддаги «нотариал идораларига раҳбарлик қилувчи» деган сўзлар «нотариат ишлари бўйича масъул» деган сўзлар билан алмаштирилсин;

з) 12-банд қуйидаги таҳрирда баён этилсин:

«12. Давлат нотариал идораси нотариуси билан тузилган меҳнат шартномаси бекор қилинганда ундаги гербли бланкалар далолатнома орқали адлия бошқармасига топширилади.

Хусусий амалиёт билан шуғулланувчи нотариуснинг лицензияси бекор қилинганда ёки амал қилиши тугатилганда ундаги гербли бланкалар далолатнома орқали адлия бошқармасига топширилади.»;

и) 1 ва 2-иловалар мазкур қўшимча ва ўзгартиришларнинг иловасига мувофиқ таҳрирда баён этилсин.

«Давлат нотариал идоралари ва хусусий амалиёт билан шуғулланувчи нотариуслар томонидан бериладиган гербли бланкаларни ҳисобга олиш, сақлаш, сарфлаш ва улар бўйича ҳисобот бериш қоидаларига 1-ИЛОВА

Кўчмас мулк билан боғлиқ битимларни нотариал тасдиқлашда фойдаланиладиган гербли бланкаларни кирим қилиш

Юкхат рақами ва санаси Бланка номи Бланка серияси ва рақами Кирим қилинган сана Сони Имзо

Автомототранспорт воситалар билан боғлиқ битимларни нотариал тасдиқлашда фойдаланиладиган гербли бланкаларни кирим қилиш

Юкхат рақами ва санаси Бланка номи Бланка серияси ва рақами Кирим қилинган сана Сони Имзо

Давлат нотариал идоралари ва хусусий амалиёт билан шуғулланувчи нотариуслар томонидан бериладиган гербли бланкаларни ҳисобга олиш, сақлаш, сарфлаш ва улар бўйича ҳисобот бериш қоидаларига 2-ИЛОВА

Кўчмас мулк билан боғлиқ битимларни нотариал тасдиқлашда фойдаланиладиган гербли бланкаларни тарқатиш

Нотариал идора номи Нотариуснинг Ф.И.О. Бланка номи Бланка серияси ва рақами Тарқатилган сана Сони Имзо

Автомототранспорт воситалар билан боғлиқ битимларни нотариал тасдиқлашда фойдаланиладиган гербли бланкаларни тарқатиш

Нотариал идора номи Нотариуснинг Ф.И.О. Бланка номи Бланка серияси ва рақами Тарқатилган сана Сони Имзо ».

Вазир Р. ДАВЛЕТОВ

Тошкент ш.,

2020 йил 22 июнь,

144-мҳ-сон

(Қонун ҳужжатлари маълумотлари миллий базаси, 22.06.2020 й., 10/20/1584-3/0788-сон)

lex.uz

Oʻzbekiston Respublikasi adliya vazirining

buyrugʻi

DAFTARI

“Davlat notarial idoralari tomonidan beriladigan gerbli blankalarni hisobga olish, saqlash, sarflash va ular boʻyicha hisobot berish qoidalarini tasdiqlash haqida”gi buyruqqa qoʻshimcha va oʻzgartirishlar kiritish toʻgʻrisida

Oʻzbekiston Respublikasining “Notariat toʻgʻrisida”gi Qonuni , Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qaroriga muvofiq buyuraman:

1. Adliya vazirining 2006-yil 19-iyundagi 95-mh-son “Davlat notarial idoralari tomonidan beriladigan gerbli blankalarni hisobga olish, saqlash, sarflash va ular boʻyicha hisobot berish qoidalarini tasdiqlash haqida”gi buyrugʻiga (roʻyxat raqami 1584, 2006-yil 19-iyun) (Oʻzbekiston Respublikasi qonun hujjatlari toʻplami, 2006-y., 25-26-son, 239-modda) ilovaga muvofiq qoʻshimcha va oʻzgartirishlar kiritilsin.

2. Mazkur buyruq davlat roʻyxatidan oʻtkazilsin va bu haqda Idoraviy normativ-huquqiy hujjatlarni davlat roʻyxatidan oʻtkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da hamda Oʻzbekiston Respublikasi Qonun hujjatlari maʼlumotlari milliy bazasida eʼlon qilinishini taʼminlasin.

4. Mazkur buyruq rasmiy eʼlon qilingan kundan eʼtiboran kuchga kiradi.

5. Mazkur buyruq ijrosini nazorat qilish vazir oʻrinbosari A. Tashkulov zimmasiga yuklansin.

Oʻzbekiston Respublikasi adliya vazirining 2020-yil 22-iyundagi 144-mh-son buyrugʻiga ILOVA

1. Buyruqda :

a) nomi va 1-bandi “Davlat notarial idoralari” degan soʻzlardan keyin “va xususiy amaliyot bilan shugʻullanuvchi notariuslar” degan soʻzlar bilan toʻldirilsin;

b) 5-bandda :

ikkinchi xatboshidagi “davlat notarial idoralarni” degan soʻzlar “davlat notarial idoralari va xususiy amaliyot bilan shugʻullanuvchi notariuslarni” degan soʻzlar bilan almashtirilsin;

uchinchi xatboshi “davlat notarial idoralari” degan soʻzlardan keyin “va xususiy amaliyot bilan shugʻullanuvchi notariuslar” degan soʻzlar bilan toʻldirilsin.

2. Qoidalarda :

a) nomi “Davlat notarial idoralari” degan soʻzlardan keyin “va xususiy amaliyot bilan shugʻullanuvchi notariuslar” degan soʻzlar bilan toʻldirilsin;

b) 1-bandning birinchi xatboshisidagi “blanklar” degan soʻzlar “blankalar” degan soʻzlar bilan almashtirilsin;

v) 2-band quyidagi tahrirda bayon etilsin:

“2. Adliya boshqarmasi boshligʻining buyrugʻi bilan uch kishidan (boshqarma boshligʻining notariat ishlari boʻyicha masʼul oʻrinbosari, bosh hisobchi va notariat ishlari boʻyicha masʼul xodim) iborat tarkibda tuzilgan maxsus komissiya gerbli blankalarni qabul qilayotganida oʻramlar sonini, oʻram yorligʻining butunligini, agar buzilgan boʻlsa oʻram yorligʻida koʻrsatilgan blankalar raqamlari va soni toʻgʻriligini, blankalar soni yukxat bilan toʻgʻri kelish kelmasligini tekshirishi va bu haqda uch nusxada dalolatnoma tuzishi zarur.

Maxsus komissiya davlat notarial idoralari va xususiy amaliyot bilan shugʻullanuvchi notariuslar (bundan buyon matnda notarial idoralar deb yuritiladi) tomonidan toʻldirilishi chogʻida buzilgan blankalarni dalolatnoma asosida qabul qilib oladi va ikki nusxada tuzilgan dalolatnoma boʻyicha har yili bir marta yoqish yoʻli bilan yoʻq qiladi hamda mazkur dalolatnomaning bir nusxasini yillik hisobot bilan Adliya vazirligiga taqdim qiladi.”;

g) 3-banddagi va 4-bandning birinchi xatboshisidagi “blanklar” degan soʻz “blankalar” degan soʻz bilan almashtirilsin;

d) 5-banddagi “daftarlari yuritiladi” degan soʻzlar “daftarlari davlat notarial idoralari va xususiy amaliyot bilan shugʻullanuvchi notariuslar uchun alohida-alohida yuritiladi” degan soʻzlar bilan almashtirilsin;

e) 10-bandning birinchi xatboshisidagi “blanklarning” degan soʻz “blankalarning” degan soʻz bilan almashtirilsin;

j) 11-banddagi “notarial idoralariga rahbarlik qiluvchi” degan soʻzlar “notariat ishlari boʻyicha masʼul” degan soʻzlar bilan almashtirilsin;

z) 12-band quyidagi tahrirda bayon etilsin:

“12. Davlat notarial idorasi notariusi bilan tuzilgan mehnat shartnomasi bekor qilinganda undagi gerbli blankalar dalolatnoma orqali adliya boshqarmasiga topshiriladi.

Xususiy amaliyot bilan shugʻullanuvchi notariusning litsenziyasi bekor qilinganda yoki amal qilishi tugatilganda undagi gerbli blankalar dalolatnoma orqali adliya boshqarmasiga topshiriladi.”;

i) 1 va 2-ilovalar mazkur qoʻshimcha va oʻzgartirishlarning ilovasiga muvofiq tahrirda bayon etilsin.

“Davlat notarial idoralari tomonidan beriladigan gerbli blankalarni hisobga olish, saqlash, sarflash va ular boʻyicha hisobot berish qoidalarini tasdiqlash haqida”gi buyruqqa kiritilayotgan qoʻshimcha va oʻzgartirishlarga ILOVA

“Davlat notarial idoralari va xususiy amaliyot bilan shugʻullanuvchi notariuslar tomonidan beriladigan gerbli blankalarni hisobga olish, saqlash, sarflash va ular boʻyicha hisobot berish qoidalariga 1-ILOVA

Koʻchmas mulk bilan bogʻliq bitimlarni notarial tasdiqlashda foydalaniladigan gerbli blankalarni kirim qilish

Yukxat raqami va sanasi Blanka nomi Blanka seriyasi va raqami Kirim qilingan sana Soni Imzo

Avtomototransport vositalar bilan bogʻliq bitimlarni notarial tasdiqlashda foydalaniladigan gerbli blankalarni kirim qilish

Yukxat raqami va sanasi Blanka nomi Blanka seriyasi va raqami Kirim qilingan sana Soni Imzo

Davlat notarial idoralari va xususiy amaliyot bilan shugʻullanuvchi notariuslar tomonidan beriladigan gerbli blankalarni hisobga olish, saqlash, sarflash va ular boʻyicha hisobot berish qoidalariga 2-ILOVA

Koʻchmas mulk bilan bogʻliq bitimlarni notarial tasdiqlashda foydalaniladigan gerbli blankalarni tarqatish

Notarial idora nomi Notariusning F.I.O. Blanka nomi Blanka seriyasi va raqami Tarqatilgan sana Soni Imzo

Avtomototransport vositalar bilan bogʻliq bitimlarni notarial tasdiqlashda foydalaniladigan gerbli blankalarni tarqatish

Notarial idora nomi Notariusning F.I.O. Blanka nomi Blanka seriyasi va raqami Tarqatilgan sana Soni Imzo ”.

Vazir R. DAVLETOV

Toshkent sh.,

2020-yil 22-iyun,

144-mh-son

(Qonun hujjatlari maʼlumotlari milliy bazasi, 22.06.2020-y., 10/20/1584-3/0788-son)

lex.uz