UzbekAI

Ўзбекистон Республикаси Вазирлар Маҳкамасининг

қарори

2017 — 2019 йилларда Фарғона вилоятининг Марғилон шаҳрини комплекс ривожлантириш чора-тадбирлари дастури тўғрисида

Саноат ва экспорт салоҳиятини янада кенгайтириш, мавжуд ресурслардан самарали фойдаланиш ҳамда муҳандислик-коммуникация ва ишлаб чиқариш инфратузилмасини, хизматлар ва сервис соҳасини ривожлантириш, аҳолининг бандлиги ва даромадларини ошириш асосида Фарғона вилоятининг Марғилон шаҳрини комплекс ривожлантиришни таъминлаш мақсадида Вазирлар Маҳкамаси қарор қилади:

1. Қуйидагиларни ўз ичига олувчи 2017 — 2019 йилларда Фарғона вилоятининг Марғилон шаҳрини комплекс ривожлантириш чора-тадбирлари дастури (кейинги ўринларда Дастур деб аталади) тасдиқлансин:

Дастурнинг мақсадли параметрлари 1-иловага ҳамда унинг молиялаштириш манбалари 1а-иловага мувофиқ;

саноатни ривожлантириш бўйича инвестиция лойиҳаларининг манзилли рўйхати 2-иловага мувофиқ;

хизматлар соҳасини ва сервис инфратузилмасини ривожлантириш бўйича инвестиция лойиҳаларининг манзилли рўйхати 3-иловага мувофиқ;

йўл-транспорт инфратузилмасини такомиллаштириш, аҳолига автотранспорт хизматларини кўрсатиш тизимини яхшилаш ҳамда алоқа тармоқларини реконструкция ва модернизация қилиш чора-тадбирлари 4-иловага мувофиқ;

ичимлик ва оқава сув, иссиқлик ва электр энергияси ҳамда табиий газ тармоқларини қуриш, реконструкция ва модернизация қилиш чора-тадбирлари 5-иловага мувофиқ;

таълим муассасалари, соғлиқни сақлаш, маданият ва спорт объектлари ҳамда бошқа йўналишдаги объектларни қуриш, реконструкция қилиш ва мукаммал таъмирлаш чора-тадбирлари 6-иловага мувофиқ.

2. Фарғона вилояти ҳокимлиги манфаатдор давлат ва хўжалик бошқаруви органлари, тижорат банклари ва лойиҳа ташаббускорлари билан биргаликда:

Дастурдаги кўрсаткичлардан келиб чиққан ҳолда тармоқ жадвалларини бир ой муддатда ишлаб чиқсинлар ва тасдиқласинлар;

йўл-транспорт, муҳандислик-коммуникация ва ижтимоий инфратузилма объектларини қуриш, реконструкция қилиш ва мукаммал таъмирлаш бўйича назарда тутилган ишларнинг тасдиқланган параметрларга мувофиқ равишда жадал бажарилишини таъминлаш юзасидан зарур чоралар кўрсинлар.

3. Дастур параметрлари бажарилишини таъминлаш бўйича давлат ва хўжалик бошқаруви органлари, тижорат банклари ҳамда маҳаллий давлат ҳокимияти органлари фаолиятини мувофиқлаштириш бўйича республика ишчи гуруҳи таркиби 7-иловага мувофиқ тасдиқлансин.

Республика ишчи гуруҳи (Ж. Қўчқоров):

давлат ва хўжалик бошқаруви органлари, тижорат банклари, маҳаллий давлат ҳокимияти органлари томонидан Дастурда назарда тутилган чора-тадбирларнинг белгиланган муддатларда амалга оширилишини таҳлил қилиб борсин ва мувофиқлаштирсин;

барча параметрлар бўйича Дастур бажарилиши мониторинги олиб борилишини ташкил этсин ва ҳар ойда тизимли равишда муаммоли масалаларни кўриб чиқсин, уларни ҳал этиш юзасидан тезкор ва амалий чоралар кўрсин;

зарурат бўлганда, тайёрланган ва белгиланган тартибда келишилган лойиҳа ҳужжатлари мавжуд бўлган тақдирда, Дастурга ўзгартириш ва қўшимчалар киритсин.

4. Тижорат банкларига Дастурга киритилган инвестиция лойиҳаларини молиялаштириш, республикада ишлаб чиқарилмайдиган асбоб-ускуналар ва уларга бутловчи буюмларни харид қилиш учун белгиланган тартибда кредитлар, шу жумладан чет эл валютасидаги кредитлар ажратиш тавсия этилсин.

5. Фарғона вилояти ҳокимлиги Ўзбекистон Республикаси Ер ресурслари, геодезия, картография ва давлат кадастри давлат қўмитаси, Давлат архитектура ва қурилиш қўмитаси билан биргаликда Дастурга киритилган лойиҳалар ижроси доирасида тадбиркорлик фаолиятини амалга ошириш учун белгиланган тартибда ер участкалари ажратилишини таъминласинлар.

6. Ўзбекистон Республикаси Давлат геология ва минерал ресурслар қўмитаси Дастурга киритилган лойиҳаларни амалга ошириш доирасида, норуда фойдали қазилмаларни ўз ичига олган ер қаъри участкаларидан фойдаланиб саноат маҳсулотлари ишлаб чиқарувчи тадбиркорлик субъектларига белгиланган тартибда тегишли лицензиялар берилишини таъминласин.

7. Ўзбекистон Республикаси Экология ва атроф-муҳитни муҳофаза қилиш давлат қўмитаси Дастурга киритилган лойиҳаларни ўрнатилган тартибда давлат экологик экспертизасидан ўтказилишини таъминласин ҳамда уларни амалга оширилишида табиатни муҳофаза қилиш қонунчилигига риоя этилиши юзасидан давлат назоратини ўрнатсин.

8. «Ўзтрансгаз» АЖ, «Ўзбекэнерго» АЖ Фарғона вилояти ҳокимлиги билан биргаликда Дастур доирасида инвестиция лойиҳаларини амалга оширувчи ишлаб чиқариш корхоналарининг табиий газ ва электр узатиш тармоқларига ўз вақтида уланишини ҳамда уларга узлуксиз етказиб берилишини таъминласин.

9. Ўзбекистон Республикаси Иқтисодиёт вазирлиги ва Молия вазирлиги ҳар йили Ўзбекистон Республикасининг Инвестиция дастурини шакллантиришда унга ушбу қарорда назарда тутилган, белгиланган тартибда тасдиқланган лойиҳа-смета ҳужжатлари асосида бажарилган, буюртмачиларнинг асосланган ҳисоб-китоблари бўйича лойиҳалар киритилишини таъминласинлар.

10. Фарғона вилояти ва Марғилон шаҳар ҳокимликлари ҳар чорак якуни билан Дастурдаги тадбирларни ўз вақтида ва сифатли бажарилиши бўйича лойиҳа ташаббускорлари фаолиятининг натижадорлиги юзасидан вилоят ва шаҳар фаоллари йиғилишларида муҳокама қилсинлар ҳамда амалга оширилган ишлар тўғрисида Вазирлар Маҳкамасига ахборот киритиб борсинлар.

11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Ўзбекистон Республикаси Бош вазирининг ўринбосари Ж.А. Қўчқоров, Фарғона вилояти ҳокими Ш.М. Ғаниев ва Марғилон шаҳар ҳокими М.М. Убайдуллаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2017 йил 21 август,

653-сон

Oʻzbekiston Respublikasi Vazirlar Mahkamasining

qarori

2017 — 2019-yillarda Fargʻona viloyatining Margʻilon shahrini kompleks rivojlantirish chora-tadbirlari dasturi toʻgʻrisida

Sanoat va eksport salohiyatini yanada kengaytirish, mavjud resurslardan samarali foydalanish hamda muhandislik-kommunikatsiya va ishlab chiqarish infratuzilmasini, xizmatlar va servis sohasini rivojlantirish, aholining bandligi va daromadlarini oshirish asosida Fargʻona viloyatining Margʻilon shahrini kompleks rivojlantirishni taʼminlash maqsadida Vazirlar Mahkamasi qaror qiladi:

1. Quyidagilarni oʻz ichiga oluvchi 2017 — 2019-yillarda Fargʻona viloyatining Margʻilon shahrini kompleks rivojlantirish chora-tadbirlari dasturi (keyingi oʻrinlarda Dastur deb ataladi) tasdiqlansin:

Dasturning maqsadli parametrlari 1-ilovaga hamda uning moliyalashtirish manbalari 1a-ilovaga muvofiq;

sanoatni rivojlantirish boʻyicha investitsiya loyihalarining manzilli roʻyxati 2-ilovaga muvofiq;

xizmatlar sohasini va servis infratuzilmasini rivojlantirish boʻyicha investitsiya loyihalarining manzilli roʻyxati 3-ilovaga muvofiq;

yoʻl-transport infratuzilmasini takomillashtirish, aholiga avtotransport xizmatlarini koʻrsatish tizimini yaxshilash hamda aloqa tarmoqlarini rekonstruksiya va modernizatsiya qilish chora-tadbirlari 4-ilovaga muvofiq;

ichimlik va oqava suv, issiqlik va elektr energiyasi hamda tabiiy gaz tarmoqlarini qurish, rekonstruksiya va modernizatsiya qilish chora-tadbirlari 5-ilovaga muvofiq;

taʼlim muassasalari, sogʻliqni saqlash, madaniyat va sport obyektlari hamda boshqa yoʻnalishdagi obyektlarni qurish, rekonstruksiya qilish va mukammal taʼmirlash chora-tadbirlari 6-ilovaga muvofiq.

2. Fargʻona viloyati hokimligi manfaatdor davlat va xoʻjalik boshqaruvi organlari, tijorat banklari va loyiha tashabbuskorlari bilan birgalikda:

Dasturdagi koʻrsatkichlardan kelib chiqqan holda tarmoq jadvallarini bir oy muddatda ishlab chiqsinlar va tasdiqlasinlar;

yoʻl-transport, muhandislik-kommunikatsiya va ijtimoiy infratuzilma obyektlarini qurish, rekonstruksiya qilish va mukammal taʼmirlash boʻyicha nazarda tutilgan ishlarning tasdiqlangan parametrlarga muvofiq ravishda jadal bajarilishini taʼminlash yuzasidan zarur choralar koʻrsinlar.

3. Dastur parametrlari bajarilishini taʼminlash boʻyicha davlat va xoʻjalik boshqaruvi organlari, tijorat banklari hamda mahalliy davlat hokimiyati organlari faoliyatini muvofiqlashtirish boʻyicha respublika ishchi guruhi tarkibi 7-ilovaga muvofiq tasdiqlansin.

Respublika ishchi guruhi (J. Qoʻchqorov):

davlat va xoʻjalik boshqaruvi organlari, tijorat banklari, mahalliy davlat hokimiyati organlari tomonidan Dasturda nazarda tutilgan chora-tadbirlarning belgilangan muddatlarda amalga oshirilishini tahlil qilib borsin va muvofiqlashtirsin;

barcha parametrlar boʻyicha Dastur bajarilishi monitoringi olib borilishini tashkil etsin va har oyda tizimli ravishda muammoli masalalarni koʻrib chiqsin, ularni hal etish yuzasidan tezkor va amaliy choralar koʻrsin;

zarurat boʻlganda, tayyorlangan va belgilangan tartibda kelishilgan loyiha hujjatlari mavjud boʻlgan taqdirda, Dasturga oʻzgartirish va qoʻshimchalar kiritsin.

4. Tijorat banklariga Dasturga kiritilgan investitsiya loyihalarini moliyalashtirish, respublikada ishlab chiqarilmaydigan asbob-uskunalar va ularga butlovchi buyumlarni xarid qilish uchun belgilangan tartibda kreditlar, shu jumladan chet el valyutasidagi kreditlar ajratish tavsiya etilsin.

5. Fargʻona viloyati hokimligi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Davlat arxitektura va qurilish qoʻmitasi bilan birgalikda Dasturga kiritilgan loyihalar ijrosi doirasida tadbirkorlik faoliyatini amalga oshirish uchun belgilangan tartibda yer uchastkalari ajratilishini taʼminlasinlar.

6. Oʻzbekiston Respublikasi Davlat geologiya va mineral resurslar qoʻmitasi Dasturga kiritilgan loyihalarni amalga oshirish doirasida, noruda foydali qazilmalarni oʻz ichiga olgan yer qaʼri uchastkalaridan foydalanib sanoat mahsulotlari ishlab chiqaruvchi tadbirkorlik subyektlariga belgilangan tartibda tegishli litsenziyalar berilishini taʼminlasin.

7. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi Dasturga kiritilgan loyihalarni oʻrnatilgan tartibda davlat ekologik ekspertizasidan oʻtkazilishini taʼminlasin hamda ularni amalga oshirilishida tabiatni muhofaza qilish qonunchiligiga rioya etilishi yuzasidan davlat nazoratini oʻrnatsin.

8. “Oʻztransgaz” AJ, “Oʻzbekenergo” AJ Fargʻona viloyati hokimligi bilan birgalikda Dastur doirasida investitsiya loyihalarini amalga oshiruvchi ishlab chiqarish korxonalarining tabiiy gaz va elektr uzatish tarmoqlariga oʻz vaqtida ulanishini hamda ularga uzluksiz yetkazib berilishini taʼminlasin.

9. Oʻzbekiston Respublikasi Iqtisodiyot vazirligi va Moliya vazirligi har yili Oʻzbekiston Respublikasining Investitsiya dasturini shakllantirishda unga ushbu qarorda nazarda tutilgan, belgilangan tartibda tasdiqlangan loyiha-smeta hujjatlari asosida bajarilgan, buyurtmachilarning asoslangan hisob-kitoblari boʻyicha loyihalar kiritilishini taʼminlasinlar.

10. Fargʻona viloyati va Margʻilon shahar hokimliklari har chorak yakuni bilan Dasturdagi tadbirlarni oʻz vaqtida va sifatli bajarilishi boʻyicha loyiha tashabbuskorlari faoliyatining natijadorligi yuzasidan viloyat va shahar faollari yigʻilishlarida muhokama qilsinlar hamda amalga oshirilgan ishlar toʻgʻrisida Vazirlar Mahkamasiga axborot kiritib borsinlar.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari J.A. Qoʻchqorov, Fargʻona viloyati hokimi Sh.M. Gʻaniyev va Margʻilon shahar hokimi M.M. Ubaydullayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 21-avgust,

653-son