📅 2018-yil 1-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 1 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2018 г. · Постановления Кабинета Министров
Официальный текст. Официальный документ. Редакционные примечания не включены.
📅 1 February 2018 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Республика онкология ва радиология ихтисослаштирилган илмий-амалий тиббиёт маркази эҳтиёжлари учун ионлаштирувчи нурланиш манбаларининг олиб кирилиши ва олиб чиқиб кетилишини узлуксиз таъминлаш тўғрисида
Онкология касалликларига чалинган беморларга кўрсатиладиган ихтисослаштирилган тиббий ёрдам сифатини ошириш ва бюджет маблағларидан фойдаланиш самарадорлигини ошириш мақсадида Вазирлар Маҳкамасига қарор қилади:
1. Қуйидагилар маълумот учун қабул қилинсин:
Республика онкология ва радиология ихтисослаштирилган илмий-амалий тиббиёт маркази (кейинги ўринларда Марказ деб аталади) томонидан Иридий-192 ионлаштирувчи нурланиш манбаида (кейинги ўринларда ИНМ деб аталади) ишлайдиган радиотерапия асбобидан фойдаланилади;
ИНМни харид қилишни молиялаштириш Ўзбекистон Республикаси Давлат бюджети маблағлари, Марказнинг бюджетдан ташқари маблағлари, хорижий давлатлар, халқаро молия ташкилотларининг грантлари, шунингдек, қонун ҳужжатларида тақиқланмаган бошқа манбалар ҳисобига амалга оширилади;
«Oʻzmedimpeks» ДУК Марказ учун ИНМни етказиб беришни амалга оширади;
ИНМнинг хизмат қилиш муддати ўтгач улар етказиб берувчи фирма маблағлари ҳисобига Ўзбекистон Республикаси ҳудудидан олиб чиқиб кетилади;
Ўзбекистон Республикаси Президентининг «Фармацевтика тармоғини бошқариш тизимини тубдан такомиллаштириш чора-тадбирлари тўғрисида» 2017 йил 7 ноябрдаги ПФ-5229-сон Фармонига мувофиқ, тиббиёт буюми сифатида «Oʻzmedimpeks» ДУК томонидан олиб кириладиган ИНМ божхона тўловларидан (божхонада расмийлаштириш йиғимларидан ташқари) 2023 йил 1 январгача озод этилган.
2. Ўзбекистон Республикаси Вазирлар Маҳкамасининг Ташқи савдо фаолиятини, иқтисодиёт тармоқлари ва республика ҳудудларининг экспорт салоҳиятини ривожлантириш масалалари ахборот-таҳлил департамента тузиладиган импорт контрактлари бўйича Марказ учун ИНМ (ТИФ ТН бўйича коди ― 2844 40 200 0) импортини амалга ошириш учун «Oʻzmedimpeks» ДУКга лицензия берилишини белгиланган тартибда таъминласин.
3. «Oʻzmedimpeks» ДУК тузилаётган импорт контрактлари бўйича Ўзбекистон Республикаси ҳудудига вақтинчалик олиб кирилган ИНМ рўйхатларининг шунингдек, уларни олиб кириш ва олиб чиқиб кетиш жадвалларининг «Саноатгеоконтехназорат» давлат инспекциясига ўз вақгида тақдим этилишини таъминласин.
4. Марказ импорт қилинаётган ИНМни давлат томонидан ҳисобга қўйиш учун «Саноатгеоконтехназорат» давлат инспекциясига ахборотларнинг ўз вақтида тақдим этилишини таъминласин.
5. «Ўзбекистон ҳаво йўллари» МАК, «Ўзбекистон темир йўллари» АЖ Марказга келтирилган ИНМни юклаш-тушириш, сақлаш ва тайёрлаш ишларининг тўлов ундирмасдан, хавфли юкларни ташиш ва сақлаш бўйича тегишли норма ва талабларга риоя этган ҳолда амалга оширилишини таъминласинлар.
6. «Саноатгеоконтехназорат» давлат инспекцияси, Парвозлар хавфсизлигини назорат қилиш давлат инспекцияси, Ўзбекистон Республикаси Соғлиқни сақлаш вазирлиги, Экология ва атроф-муҳитни муҳофаза қилиш давлат қўмитаси импорт қилинаётган ИНМни ташиш, сақлаш, ҳисобга қўйиш ва улардан мақсадли фойдаланиш қоидаларига риоя этилиши юзасидан давлат назоратини таъминласинлар.
7. Ўзбекистон Республикаси Соғлиқни сақлаш вазирлиги ва «Oʻzmedimpeks» ДУК хавфли юкнинг келтирилиш жойи, санаси ва вақти, юкни ташишга ва етказиб беришга жалб этиладиган автотранспорт воситалари, хавфли юкларни автомобиль транспортида ташиш қоидалари юк ташувчилар томонидан бажарилишини таъминлаш тадбирлари тўғрисидаги маълумотларнинг Ўзбекистон Республикаси Ички ишлар вазирлигига ўз вақтида тақдим этилишини таъминласинлар.
8. Ўзбекистон Республикаси Ички ишлар вазирлиги:
ИНМни Ўзбекистон Республикаси ҳудудига олиб кириш пунктидан Марказгача ташишда, шунингдек, келгусида уларнинг Ўзбекистон Республикаси ҳудудидан олиб чиқиб кетишда қўриқланиши ва кузатиб борилишини;
ИНМни ташиш тадбирларига жалб этиладиган махсус ускуналанган автотранспорт воситаларининг техник кўрикдан ўтказилганлигини ҳамда ҳайдовчиларнинг йўриқнома билан таништирилганлигини Ўзбекистон Республикаси Соғлиқни сақлаш вазирлигининг олдиндан берилган буюртманомалари бўйича, шартнома асосида, белгиланган тартибда таъминласин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари К.В. Акмалов ва Ўзбекистон Республикаси Соғлиқни сақлаш вазири А.К. Шадманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2018 йил 1 февраль,
72-сон
Oʻzbekiston Respublikasi Vazirlar Mahkamasining
qarori
Respublika onkologiya va radiologiya ixtisoslashtirilgan ilmiy-amaliy tibbiyot markazi ehtiyojlari uchun ionlashtiruvchi nurlanish manbalarining olib kirilishi va olib chiqib ketilishini uzluksiz taʼminlash toʻgʻrisida
Onkologiya kasalliklariga chalingan bemorlarga koʻrsatiladigan ixtisoslashtirilgan tibbiy yordam sifatini oshirish va budjet mablagʻlaridan foydalanish samaradorligini oshirish maqsadida Vazirlar Mahkamasiga qaror qiladi:
1. Quyidagilar maʼlumot uchun qabul qilinsin:
Respublika onkologiya va radiologiya ixtisoslashtirilgan ilmiy-amaliy tibbiyot markazi (keyingi oʻrinlarda Markaz deb ataladi) tomonidan Iridiy-192 ionlashtiruvchi nurlanish manbaida (keyingi oʻrinlarda INM deb ataladi) ishlaydigan radioterapiya asbobidan foydalaniladi;
INMni xarid qilishni moliyalashtirish Oʻzbekiston Respublikasi Davlat budjeti mablagʻlari, Markazning budjetdan tashqari mablagʻlari, xorijiy davlatlar, xalqaro moliya tashkilotlarining grantlari, shuningdek, qonun hujjatlarida taqiqlanmagan boshqa manbalar hisobiga amalga oshiriladi;
“Oʻzmedimpeks” DUK Markaz uchun INMni yetkazib berishni amalga oshiradi;
INMning xizmat qilish muddati oʻtgach ular yetkazib beruvchi firma mablagʻlari hisobiga Oʻzbekiston Respublikasi hududidan olib chiqib ketiladi;
Oʻzbekiston Respublikasi Prezidentining “Farmatsevtika tarmogʻini boshqarish tizimini tubdan takomillashtirish chora-tadbirlari toʻgʻrisida” 2017-yil 7-noyabrdagi PF-5229-son Farmoniga muvofiq, tibbiyot buyumi sifatida “Oʻzmedimpeks” DUK tomonidan olib kiriladigan INM bojxona toʻlovlaridan (bojxonada rasmiylashtirish yigʻimlaridan tashqari) 2023-yil 1-yanvargacha ozod etilgan.
2. Oʻzbekiston Respublikasi Vazirlar Mahkamasining Tashqi savdo faoliyatini, iqtisodiyot tarmoqlari va respublika hududlarining eksport salohiyatini rivojlantirish masalalari axborot-tahlil departamenta tuziladigan import kontraktlari boʻyicha Markaz uchun INM (TIF TN boʻyicha kodi ― 2844 40 200 0) importini amalga oshirish uchun “Oʻzmedimpeks” DUKga litsenziya berilishini belgilangan tartibda taʼminlasin.
3. “Oʻzmedimpeks” DUK tuzilayotgan import kontraktlari boʻyicha Oʻzbekiston Respublikasi hududiga vaqtinchalik olib kirilgan INM roʻyxatlarining shuningdek, ularni olib kirish va olib chiqib ketish jadvallarining “Sanoatgeokontexnazorat” davlat inspeksiyasiga oʻz vaqgida taqdim etilishini taʼminlasin.
4. Markaz import qilinayotgan INMni davlat tomonidan hisobga qoʻyish uchun “Sanoatgeokontexnazorat” davlat inspeksiyasiga axborotlarning oʻz vaqtida taqdim etilishini taʼminlasin.
5. “Oʻzbekiston havo yoʻllari” MAK, “Oʻzbekiston temir yoʻllari” AJ Markazga keltirilgan INMni yuklash-tushirish, saqlash va tayyorlash ishlarining toʻlov undirmasdan, xavfli yuklarni tashish va saqlash boʻyicha tegishli norma va talablarga rioya etgan holda amalga oshirilishini taʼminlasinlar.
6. “Sanoatgeokontexnazorat” davlat inspeksiyasi, Parvozlar xavfsizligini nazorat qilish davlat inspeksiyasi, Oʻzbekiston Respublikasi Sogʻliqni saqlash vazirligi, Ekologiya va atrof-muhitni muhofaza qilish davlat qoʻmitasi import qilinayotgan INMni tashish, saqlash, hisobga qoʻyish va ulardan maqsadli foydalanish qoidalariga rioya etilishi yuzasidan davlat nazoratini taʼminlasinlar.
7. Oʻzbekiston Respublikasi Sogʻliqni saqlash vazirligi va “Oʻzmedimpeks” DUK xavfli yukning keltirilish joyi, sanasi va vaqti, yukni tashishga va yetkazib berishga jalb etiladigan avtotransport vositalari, xavfli yuklarni avtomobil transportida tashish qoidalari yuk tashuvchilar tomonidan bajarilishini taʼminlash tadbirlari toʻgʻrisidagi maʼlumotlarning Oʻzbekiston Respublikasi Ichki ishlar vazirligiga oʻz vaqtida taqdim etilishini taʼminlasinlar.
8. Oʻzbekiston Respublikasi Ichki ishlar vazirligi:
INMni Oʻzbekiston Respublikasi hududiga olib kirish punktidan Markazgacha tashishda, shuningdek, kelgusida ularning Oʻzbekiston Respublikasi hududidan olib chiqib ketishda qoʻriqlanishi va kuzatib borilishini;
INMni tashish tadbirlariga jalb etiladigan maxsus uskunalangan avtotransport vositalarining texnik koʻrikdan oʻtkazilganligini hamda haydovchilarning yoʻriqnoma bilan tanishtirilganligini Oʻzbekiston Respublikasi Sogʻliqni saqlash vazirligining oldindan berilgan buyurtmanomalari boʻyicha, shartnoma asosida, belgilangan tartibda taʼminlasin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari K.V. Akmalov va Oʻzbekiston Respublikasi Sogʻliqni saqlash vaziri A.K. Shadmanov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2018-yil 1-fevral,
72-son
Кабинета Министров Республики Узбекистан
Постановление
О бесперебойном обеспечении ввоза и вывоза источников ионизирующего излучения для нужд Республиканского специализированного научно- практического медицинского центра онкологии и радиологии
В целях повышения качества оказания специализированной медицинской помощи, оказываемой онкологическим больным, и повышения эффективности использования бюджетных средств Кабинет Министров постановляет:
1. Принять к сведению, что:
Республиканским специализированным научно-практическим медицинским центром онкологии и радиологии (далее ― Центр) используется радиотерапевтическое оборудование, работающее на источнике ионизирующего излучения Иридий-192 (далее ― ИИИ);
финансирование закупки ИИИ будет осуществляться за счет средств Государственного бюджета Республики Узбекистан, внебюджетных средств Центра, грантов иностранных государств, международных финансовых организаций, а также других источников, не запрещенных законодательством;
ГУП «Оʻzmedimpeks» осуществляет поставку ИИИ для Центра;
по истечению срока службы ИИИ вывозятся с территории Республики Узбекистан за счет средств фирмы-поставщика;
в соответствии с Указом Президента Республики Узбекистан от 7 ноября 2017 года № УП-5229 «О мерах по кардинальному совершенствованию системы управления фармацевтической отраслью» ИИИ, ввозимые ГУП «Оʻzmedimpeks» в качестве изделия медицинского назначения, освобождены до 1 января 2023 года от таможенных платежей (за исключением сборов за таможенное оформление).
2. Информационно-аналитическому департаменту по вопросам развития внешнеторговой деятельности, экспортного потенциала отраслей экономики и территорий республики Кабинета Министров Республики Узбекистан в установленном порядке обеспечить выдачу лицензии ГУП «Oʼzmedimpeks» на осуществление импорта ИИИ для Центра (код по ТН ВЭД ― 2844 40 200 0), по заключаемым импортным контрактам.
3. ГУП «Oʼzmedimpeks» обеспечить своевременное представление в Государственную инспекцию «Саноатгеоконтехназорат» перечней временно ввозимых на территорию Республики Узбекистан ИИИ по заключаемым импортным контрактам, а также графики их ввоза и вывоза.
4. Центру обеспечить своевременное представление информации в Государственную инспекцию «Саноатгеоконтехназорат» для постановки на государственный учет импортируемых ИИИ.
5. НАК «Узбекистон хаво йуллари», АО «Узбекистон темир йуллари» обеспечить проведение погрузочно-разгрузочных работ, хранение и обработку ИИИ, поступивших для Центра, без взимания платы, с соблюдением соответствующих норм и требований по перевозке и хранению опасных грузов.
6. Государственной инспекции «Саноатгеоконтехназорат», Государственной инспекции по надзору за безопасностью полетов, Министерству здравоохранения Республики Узбекистан, Государственному комитету по экологии и охране окружающей среды обеспечить государственный контроль за соблюдением правил транспортировки, хранения, учета и целевого использования импортируемых ИИИ.
7. Министерству здравоохранения Республики Узбекистан и ГУП «Oʼzmedimpeks» обеспечить заблаговременное представление в Министерство внутренних дел Республики Узбекистан сведений о месте, дате и времени прибытия опасного груза, привлекаемых к перевозке и сопровождению груза автотранспортных средств, мероприятиях по обеспечению грузоперевозчиком реализации правил перевозки опасных грузов автомобильным транспортом.
8. Министерству внутренних дел Республики Узбекистан обеспечить в установленном порядке на договорной основе по предварительным заявкам Министерства здравоохранения Республики Узбекистан:
охрану и сопровождение транспортировки ИИИ от пункта ввоза на территорию Республики Узбекистан до Центра, а также при последующем вывозе их с территории Республики Узбекистан;
проведение технического осмотра специально оборудованных автотранспортных средств и инструктажа водителей, привлекаемых к мероприятиям по перевозке ИИИ.
9. Контроль за исполнением настоящего постановления возложить на Заместителя Премьер-министра Республики Узбекистан К.В. Акмалова и министра здравоохранения Республики Узбекистан А.К. Шадманова.
Премьер-министр Республики Узбекистан А. АРИПОВ
г. Ташкент,
1 февраля 2018 г.,
№ 72