UzbekAI

Ўзбекистон Республикаси Вазирлар Маҳкамасининг

қарори

«Farg'ona kimyo zavodi» МЧЖ маҳсулотларининг рақобатбардошлигини ошириш чора-тадбирлари тўғрисида

«Farg'ona kimyo zavodi» МЧЖнинг ишлаб чиқариш қувватларини иш билан таъминлаш, қўшимча экспортини ташкил этиш ва валюта тушумини кўпайтиришни таъминлаш, республика иқтисодиётининг ўзаро боғлиқ тармоқларида иш билан бандликни оширишни рағбатлантириш мақсадида Вазирлар Маҳкамаси қарор қилади:

1. Қуйидагилар маълумот учун қабул қилинсин:

2017 йилда пахта линти ишлаб чиқариш ва уни республика корхоналарига етказиб бериш балансига мувофиқ «Farg'ona kimyo zavodi» МЧЖга тўғридан-тўғри шартномалар бўйича 15,0 минг тонна ҳажмида пахта линти етказиб бериш назарда тутилган;

2017 йил январь — апрель ойлари даврида «Ўзпахтасаноат» АЖ корхоналари томонидан тўғридан-тўғри шартномалар бўйича реализация қилинмаган ҳажмлар ҳисобига биржа савдолари орқали 3,75 минг тонна пахта линти белгиланган тартибда реализация қилинган;

2017 йил охиригача «Farg'ona kimyo zavodi» МЧЖга тўғридан-тўғри шартномалар бўйича 11,25 минг тонна пахта линти етказиб бериш таъминланади, шу жумладан улардан 7,5 минг тонна пахта целлюлозаси ишлаб чиқарилади, уларнинг 2,0 минг тоннаси ацетат ипи ишлаб чиқариш учун «Фарғанаазот» АЖга етказиб берилади ва 5,5 минг тоннаси экспорт қилинади.

2. Белгилансинки, «Farg'ona kimyo zavodi» МЧЖга пахта линти етказиб бериш «Ўзпахтасаноат» АЖнинг тегишли ҳудудий филиаллари билан тузиладиган тўғридан-тўғри шартномалар бўйича қуйидаги ҳажмларда амалга оширилади:

3,0 минг тоннаси — тўлов кунидаги Ўзбекистон Республикаси Марказий банки курси бўйича эквивалентдаги миллий валютага, бир тоннаси учун 400 АҚШ долларидан;

8,25 минг тоннаси — эркин конвертация қилинадиган валютага, бир тоннаси учун 400 АҚШ долларидан.

3. Ўзбекистон Республикаси Иқтисодиёт вазирлиги, Молия вазирлиги, «Ўзкимёсаноат» АЖ, «Farg'ona kimyo zavodi» МЧЖ Ташқи савдо вазирлиги билан биргаликда «Farg'ona kimyo zavodi» МЧЖ маҳсулотларининг рақобатбардошлигини оширишни таъминлайдиган ҳамда целлюлоза ишлаб чиқариш таннархини пасайтирадиган тадбирларни бир ой муддатда ишлаб чиқсинлар ва тасдиқласинлар.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ғ.И. Ибрагимов ва Ўзбекистон Республикаси Бош вазирининг ўринбосари — Қишлоқ ва сув хўжалиги вазири З.Т. Мирзаев зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2017 йил 29 май,

322-сон

Oʻzbekiston Respublikasi Vazirlar Mahkamasining

qarori

“Farg'ona kimyo zavodi” MChJ mahsulotlarining raqobatbardoshligini oshirish chora-tadbirlari toʻgʻrisida

“Farg'ona kimyo zavodi” MChJning ishlab chiqarish quvvatlarini ish bilan taʼminlash, qoʻshimcha eksportini tashkil etish va valyuta tushumini koʻpaytirishni taʼminlash, respublika iqtisodiyotining oʻzaro bogʻliq tarmoqlarida ish bilan bandlikni oshirishni ragʻbatlantirish maqsadida Vazirlar Mahkamasi qaror qiladi:

1. Quyidagilar maʼlumot uchun qabul qilinsin:

2017-yilda paxta linti ishlab chiqarish va uni respublika korxonalariga yetkazib berish balansiga muvofiq “Farg'ona kimyo zavodi” MChJga toʻgʻridan toʻgʻri shartnomalar boʻyicha 15,0 ming tonna hajmida paxta linti yetkazib berish nazarda tutilgan;

2017-yil yanvar — aprel oylari davrida “Oʻzpaxtasanoat” AJ korxonalari tomonidan toʻgʻridan toʻgʻri shartnomalar boʻyicha realizatsiya qilinmagan hajmlar hisobiga birja savdolari orqali 3,75 ming tonna paxta linti belgilangan tartibda realizatsiya qilingan;

2017-yil oxirigacha “Farg'ona kimyo zavodi” MChJga toʻgʻridan toʻgʻri shartnomalar boʻyicha 11,25 ming tonna paxta linti yetkazib berish taʼminlanadi, shu jumladan ulardan 7,5 ming tonna paxta sellyulozasi ishlab chiqariladi, ularning 2,0 ming tonnasi atsetat ipi ishlab chiqarish uchun “Fargʻanaazot” AJga yetkazib beriladi va 5,5 ming tonnasi eksport qilinadi.

2. Belgilansinki, “Farg'ona kimyo zavodi” MChJga paxta linti yetkazib berish “Oʻzpaxtasanoat” AJning tegishli hududiy filiallari bilan tuziladigan toʻgʻridan toʻgʻri shartnomalar boʻyicha quyidagi hajmlarda amalga oshiriladi:

3,0 ming tonnasi — toʻlov kunidagi Oʻzbekiston Respublikasi Markaziy banki kursi boʻyicha ekvivalentdagi milliy valyutaga, bir tonnasi uchun 400 AQSh dollaridan;

8,25 ming tonnasi — erkin konvertatsiya qilinadigan valyutaga, bir tonnasi uchun 400 AQSh dollaridan.

3. Oʻzbekiston Respublikasi Iqtisodiyot vazirligi, Moliya vazirligi, “Oʻzkimyosanoat” AJ, “Farg'ona kimyo zavodi” MChJ Tashqi savdo vazirligi bilan birgalikda “Farg'ona kimyo zavodi” MChJ mahsulotlarining raqobatbardoshligini oshirishni taʼminlaydigan hamda sellyuloza ishlab chiqarish tannarxini pasaytiradigan tadbirlarni bir oy muddatda ishlab chiqsinlar va tasdiqlasinlar.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov va Oʻzbekiston Respublikasi Bosh vazirining oʻrinbosari — Qishloq va suv xoʻjaligi vaziri Z.T. Mirzayev zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 29-may,

322-son

Кабинета Министров Республики Узбекистан

Постановление

О мерах по повышению конкурентоспособности продукции ООО «Fargʼona kimyo zavodi»

В целях обеспечения загрузки производственных мощностей ООО «Farg'ona kimyo zavodi», организации дополнительного экспорта и увеличения поступления валютной выручки, стимулирования роста занятости в смежных отраслях экономики республики Кабинет Министров постановляет:

1. Принять к сведению, что:

в соответствии с балансом производства и поставки хлопкового линта предприятиям республики в 2017 году предусмотрена поставка ООО «Farg'ona kimyo zavodi» хлопкового линта в объеме 15,0 тыс. тонн по прямым договорам;

за период январь — апрель 2017 года предприятиями АО «Узпахтасаноат» в установленном порядке через биржевые торги реализовано 3,75 тыс. тонн хлопкового линта за счет объемов, не реализованных по прямым договорам;

до конца 2017 года ООО «Farg'ona kimyo zavodi» будет обеспечена поставка 11,25 тыс. тонн хлопкового линта по прямым договорам, в том числе с производством из него 7,5 тыс. тонн хлопковой целлюлозы, из которых 2,0 тыс. тонн будет поставлено АО «Ферганаазот» для производства ацетатной нити и 5,5 тыс. тонн — на экспорт.

2. Определить, что поставка хлопкового линта ООО «Farg'ona kimyo zavodi» осуществляется по прямым договорам, заключаемым с соответствующими территориальными филиалами АО «Узпахтасаноат», в объеме:

3,0 тыс. тонн — за национальную валюту в эквиваленте по курсу Центрального банка Республики Узбекистан на день оплаты, по 400 долларов США за тонну;

8,25 тыс. тонн — за свободно конвертируемую валюту по 400 долларов США за тонну.

3. Министерству экономики, Министерству финансов, АО «Узкимёсаноат», ООО «Farg'ona kimyo zavodi» совместно с Министерством внешней торговли Республики Узбекистан в месячный срок разработать и утвердить мероприятия, обеспечивающие повышение конкурентоспособности продукции ООО «Farg'ona kimyo zavodi» и снижение себестоимости производства целлюлозы.

4. Контроль за исполнением настоящего постановления возложить на Заместителя Премьер-министра Республики Узбекистан Г.И. Ибрагимова и Заместителя Премьер-министра Республики Узбекистан — министра сельского и водного хозяйства З.Т. Мирзаева.

Премьер-министр Республики Узбекистан А. АРИПОВ

г. Ташкент,

29 мая 2017 г.,

№ 322