UzbekAI

Ўзбекистон Республикаси Вазирлар Маҳкамасининг

қарори

гуруҳи таркиби

2017 — 2019 йилларда Тошкент шаҳрининг Чилонзор туманини комплекс ривожлантириш чора-тадбирлар дастури тўғрисида

Тошкент шаҳрининг Чилонзор туманини комплекс ривожлантиришни таъминлаш, бунда туманнинг ишлаб чиқариш ва меҳнат салоҳиятидан оқилона фойдаланиш, саноат ва хизмат кўрсатишни янада ривожлантириш орқали туман бюджетининг даромадлар базасини кенгайтириш, муҳандислик коммуникация, ишлаб чиқариш ва ижтимоий инфратузилмасини ривожлантириш ҳамда аҳолининг бандлиги, даромадлари ва турмуш даражасини изчил ошириш мақсадида, Вазирлар Маҳкамаси қарор қилади:

1. Қуйидагиларни ўз ичига олувчи 2017 — 2019 йилларда Тошкент шаҳри Чилонзор туманини комплекс ижтимоий-иқтисодий ривожлантириш дастури (кейинги ўринларда — Дастур деб аталади) маъқуллансин:

Тошкент шаҳрининг Чилонзор туманини 2017 — 2019 йилларда комплекс ривожлантириш дастурининг асосий параметрлари 1-иловага мувофиқ;

Тошкент шаҳрининг Чилонзор туманини 2017 — 2019 йилларда комплекс ривожлантириш дастурининг молиялаштириш манбалари 1а-иловага мувофиқ;

саноатни ривожлантириш бўйича тадбиркорлик лойиҳаларининг манзилли рўйхати 2-иловага * мувофиқ;

маҳаллий хом ашёдан, импорт ўрнини босувчи рақобатбардош маҳсулотлар ишлаб чиқариш лойиҳаларнинг манзилли рўйхати 3-иловага * мувофиқ;

хизматлар ва сервис соҳасини ривожлантириш бўйича тадбиркорлик лойиҳаларининг рўйхати 4-иловага * мувофиқ;

муҳандислик-коммуникация тармоқларини янада ривожлантириш лойиҳалари 5-иловага * мувофиқ;

таълим муассасалари, соғлиқни сақлаш ва маданият объектлари ҳолатини яхшилаш тадбирлар режаси 6-иловага * мувофиқ.

2. Дастур параметрлари бажарилишини таъминлаш бўйича давлат ва хўжалик бошқарув органлари, маҳаллий давлат ҳокимияти органлари, тижорат банклари фаолиятини мувофиқлаштириш ва мониторинг қилиш бўйича республика ишчи гуруҳи таркиби (кейинги ўринларда — Республика ишчи гуруҳи деб аталади) 7-иловага мувофиқ тузилсин.

Республика ишчи гуруҳи (А. Раматов):

тегишли давлат ва хўжалик бошқарув органлари, маҳаллий давлат ҳокимияти органлари, тижорат банклари томонидан Дастурда назарда тутилган тадбирларнинг белгиланган муддатларга амалга оширилишини таҳлил қилиб борсин ва мувофиқлаштирсин;

муаммоли масалаларни мунтазам равишда ўрганиб борсин ва уларни ҳал этиш юзасидан тезкор чора-тадбирларни кўрсин;

зарурият бўлганда, тайёрланган ва белгиланган тартибда келишилган лойиҳа ҳужжатлари мавжуд бўлган тақдирда, Дастурга ўзгартириш ва қўшимчалар киритсин.

3. Тошкент шаҳар ҳокимлиги тегишли давлат ва хўжалик бошқарув органлари, маҳаллий давлат ҳокимияти органлари, тижорат банклари, Чилонзор тумани ҳокимлиги ҳамда лойиҳа ташаббускорлари билан биргаликда бир ой муддатда Дастурдаги кўрсаткичлардан келиб чиққан ҳолда тармоқ жадваллари ишлаб чиқсин ва тасдиқласин.

4. Тижорат банкларига Дастурга киритилган инвестиция лойиҳаларини молиялаштириш, республикада ишлаб чиқарилмайдиган асбоб-ускуналар ва уларга бутловчи буюмларни харид қилиш учун белгиланган тартибда кредитлар, шу жумладан чет эл валютасидаги кредитлар ажратиш тавсия этилсин.

5. Тошкент шаҳар ҳокимлиги, Чилонзор тумани ҳокимлиги, Ўзбекистон Республикаси Ер ресурслари, геодезия, картография ва давлат кадастри давлат қўмитаси ва Давлат архитектура ва қурилиш қўмитаси билан биргаликда Дастурга киритилган лойиҳалар ижроси доирасида тадбиркорлик фаолиятини амалга ошириш учун белгиланган тартибда қурилиш учун ер участкаларини ажратилишини таъминласин.

6. Ўзбекистон Республикаси Давлат архитектура ва қурилиш қўмитаси Дастурга киритилган объектлар лойиҳа-смета ҳужжатларини сифатли давлат экспертизасидан ўтказилишини ва қурилиш-монтаж ишларини бажаришга тегишли рухсатномаларни «ягона дарча» марказлари орқали қонунчиликда белгиланган муддатларда берилишини таъминласин.

7. «Ўзбекэнерго» АЖ, «Ўзтрансгаз» АК Тошкент шаҳар ҳокимлиги билан биргаликда Дастур доирасида амалга ошириладиган инвестиция лойиҳаларида ишлаб чиқаришни самарали йўлга қўйиш учун электр ва табиий газ узатиш тармоқларига ўз вақтида уланишини ҳамда уларга етказиб бериладиган электр энергия ва табиий газ таъминотини узлуксиз етказиб берилишини белгиланган тартибда таъминласинлар.

8. Ўзбекистон Республикаси Иқтисодиёт вазирлиги, Молия вазирлиги, Инвестициялар бўйича давлат қўмитаси, ҳар йилги Ўзбекистон Республикасининг Инвестиция дастурини шакллантиришда, молиялаштириш ҳажмлари ва манбаларини аниқлаштирган ҳолда, ушбу қарорга мувофиқ амалга оширилиши назарда тутилган инвестиция лойиҳаларини белгиланган тартибда киритиб борсинлар.

9. Белгилаб қўйилсинки;

туман ҳокимлиги таклифига асосан ҳудудда жойлашган 2 қаватли уйлар ўрнида ҳамда бўш ер майдонларда янги замонавий лойиҳалар асосида кўп қаватли турар жой биноларини қурилишига ҳудуднинг бош режасига асосан Тошкент шаҳар ҳокимлигининг қарори билан рухсат берилсин;

туман ҳудудидаги автобус бекатларни шаҳарсозлик нормалари ва қоидаларини ҳисобга олган ҳолда замонавий ойнаванд кўринишда жойлаштиришга истисно тариқасида туман ҳокимининг қарори асосида рухсат берилсин.

10. Тошкент шаҳар ва Чилонзор тумани ҳокимликлари ҳар чорак якуни билан Дастурдаги тадбирларни ўз вақтида ва сифатли бажарилиши бўйича лойиҳа ташаббускорлари фаолиятининг натижадорлиги юзасидан шаҳар ва туман фаоллари йиғилишларида муҳокама қилсинлар ҳамда амалга оширилган ишлар тўғрисида Вазирлар Маҳкамасига ахборот киритиб борсинлар.

11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқарув раиси А. Раматов, Бош вазирнинг ўринбосари Ж. Қўчқоров, Тошкент шаҳар ҳокими Р. Усманов ва Чилонзор тумани ҳокими Д. Хидоятов зиммасига юклансин.

Вазирлар Маҳкамасининг 2017 йил 3 августдаги 578-сон қарорига 1-ИЛОВА

Тошкент шаҳрининг Чилонзор туманини 2017 — 2019 йилларда комплекс ривожлантириш дастурининг асосий параметрлари

Т/р Асосий макроиқтисодий кўрсаткичлар Ўлчов бирлиги 2017 йил 2018 йил 2019 йил 2017 — 2019 йиллар давомида ўсиш суръати, % 1. Саноат маҳсулотлари ишлаб чиқариш млрд. сўм 2 965,2 3 375,2 3 841,9 125,1 2. Ҳудудий саноат маҳсулотлари млрд. сўм 2 598,6 2 934,6 3 314,0 136,7 3. Қурилиш ишлари млрд. сўм 702,4 783,9 874,9 128,3 4. Чакана савдо айланмаси млрд. сўм 4 060,1 4 535,1 5 065,7 133,1 5. Хизматлар жами млрд. сўм 2 899,6 3 346,1 3 861,4 132,2 6. Кичик ва хусусий тадбиркорликда банд бўлганлар улуши % 56,2 56,3 56,7 х 7. Кичик ва хусусий тадбиркорлик субъектларининг саноат маҳсулотлари ишлаб чиқаришдаги улуши % 80,8 81,1 82,1 х

Вазирлар Маҳкамасининг 2017 йил 3 августдаги 578-сон қарорига 1а-ИЛОВА

Тошкент шаҳрининг Чилонзор туманини 2017 — 2019 йилларда комплекс ривожлантириш дастурининг молиялаштириш манбалари

млн сўм Т/р Тадбирлар номи Лойиҳа сони Ўзлаштириладиган маблағ шу жумладан: Маҳаллий бюджет маблағлари Мақсадли жамғармалар маблағлари Хўжалик бошқарув органлари маблағлари Ташаббускорлар маблағлари Тижорат банки кредит маблағлари Жами 454 1 832 264 13 014 37 727 19 613 1 377 405 383 295 Саноат ва хизмат кўрсатиш соҳаларидаги инвестиция лойиҳалари 200 979358 - - - 592 042 383 295 1. Саноат соҳаси 119 431 136 - - - 169 507 257 759 2. Сервис ва хизмат кўрсатиш соҳаси 65 416 086 - - - 290 399 125 536 3. Импорт ўрнини босувчи рақобатбардош лойиҳалар 16 132 136 - - - 132 136 - Йўл-транспорт ва муҳандислик коммуникация тизимларини янада ривожлантириш бўйича лойиҳалар 202 807 770 0 6 881 18 337 785 363 - 4. Меъморий кўринишини ўзгартириш 28 686 290 - 6 881 - 682 220 - 5. Электр энергияси таъминоти 34 2 577 - - 2 577 - - 6. Сув ва оқавасув таъминоти 33 1 065 - - 1 065 - - 7. Газ таъминоти 22 8 192 - - 8 192 - - 8. Иссиқлик таъминотини яхшилаш 5 1 933 - - 1 933 - - 9. Чиқинди йиғиш шаҳобчаларини санитар ҳолатини яхшилаш 27 4 570 - - 4 570 - - 10. Янги маҳалла гузарларини қуриш, реконструкция қилиш ва моддий-техника базасини ривожлантириш 53 103 143 - - - 103 143 - Ижтимоий соҳа инфратузилмасини янада ривожлантириш бўйича лойиҳалар 47 37 286 6 440 30 846 - - - 11. Мактабгача таълим муассасалари объектлари 31 11 202 5800 5 402 - - - 12. Умумтаълим мактаблари объектлари 13 14 584 640 13 944 - - - 13. Соғлиқни сақлаш соҳаси объектлари 3 11 500 - 11 500 - - - Бошқа тадбирлар 5 7849 6573,5 - 1275,5 - -

Вазирлар Маҳкамасининг 2017 йил 3 августдаги 578-сон қарорига 7-ИЛОВА

Дастур параметрлари бажарилишини таъминлаш бўйича давлат ва хўжалик бошқарув органлари, маҳаллий давлат ҳокимияти органлари, тижорат банклари фаолиятини мувофиқлаштириш ва мониторинг қилиш бўйича республика ишчи

1. Раматов А.Ж. — Ўзбекистон Республикаси Бош вазирининг биринчи ўринбосари, ишчи гуруҳи раҳбари 2. Усманов Р.Ж. — Тошкент шаҳар ҳокими, ишчи гуруҳи раҳбарининг ўринбосари 3. Бекенов С.Х. — Иқтисодиёт вазирининг биринчи ўринбосари, ишчи гуруҳи раҳбарининг ўринбосари 4. Жуманиязов М.Б. — Вазирлар Маҳкамасининг департамент мудири 5. Мирзаев М.М. — Молия вазирининг ўринбосари 6. Шоназаров Ш.Т. — «Давархитектқурилиш» қўмитаси раисининг ўринбосари 7. Нажимов Н.Э. — Қишлоқ хўжалиги корхоналарини таркибий қайта тузиш агентлиги директори 8. Мубаракшин Р.Г. — «Ўзбекэнерго» АЖ раисининг биринчи ўринбосари 9. Эшмуродов Б.Б. — «Ўзтрансгаз» АЖ раисининг биринчи ўринбосари 10. Зарипов Б.К. — «Ўзқурилишматериаллари» АЖ раиси 11. Жалилов Т.А. — «Ўзбекозиқовқатхолдинг» ХК раиси 12. Хайдаров И.У. — «Ўзбекенгилсаноат» АЖ раиси 13. Шералиев Ш.Э. — «Ўзбекчармпойабзали» уюшмаси раиси в.б. 14. Дустмуратов М.М. — «Ўзфармсаноат» ДАК раиси 15. Атабаев Ш.Х. — Марказий банк раисининг ўринбосари 16. Холмуродов С.Х. — «Ўзмиллийбанк» раиси 17. Мирсоатов А.Қ. — «Ўзсаноатқурилишбанк» раиси 18. Абдуллаев А.Н. — «Халқ банки» раиси 19. Муллажонов К.К. — «Асакабанк» раиси 20. Муллаханов Б.М. — «Қишлоқ қурилиш банк» раиси 21. Мусаев О.М. — «Ипотека-банк» раиси 22. Маматқулов Ғ. — «Микрокредитбанк» раиси 23. Хидоятов Д.А. — Чилонзор тумани ҳокими 24. Рахимов Ш.З. — Вазирлар Маҳкамасининг бош мутахассиси, ишчи гуруҳи котиби

Ўзбекистон Республикасининг Бош вазири А. АРИПОВ

Тошкент ш.,

2017 йил 3 август,

578-сон

Oʻzbekiston Respublikasi Vazirlar Mahkamasining

qarori

guruhi tarkibi

2017 — 2019-yillarda Toshkent shahrining Chilonzor tumanini kompleks rivojlantirish chora-tadbirlar dasturi toʻgʻrisida

Toshkent shahrining Chilonzor tumanini kompleks rivojlantirishni taʼminlash, bunda tumanning ishlab chiqarish va mehnat salohiyatidan oqilona foydalanish, sanoat va xizmat koʻrsatishni yanada rivojlantirish orqali tuman budjetining daromadlar bazasini kengaytirish, muhandislik kommunikatsiya, ishlab chiqarish va ijtimoiy infratuzilmasini rivojlantirish hamda aholining bandligi, daromadlari va turmush darajasini izchil oshirish maqsadida, Vazirlar Mahkamasi qaror qiladi:

1. Quyidagilarni oʻz ichiga oluvchi 2017 — 2019-yillarda Toshkent shahri Chilonzor tumanini kompleks ijtimoiy-iqtisodiy rivojlantirish dasturi (keyingi oʻrinlarda — Dastur deb ataladi) maʼqullansin:

Toshkent shahrining Chilonzor tumanini 2017 — 2019-yillarda kompleks rivojlantirish dasturining asosiy parametrlari 1-ilovaga muvofiq;

Toshkent shahrining Chilonzor tumanini 2017 — 2019-yillarda kompleks rivojlantirish dasturining moliyalashtirish manbalari 1a-ilovaga muvofiq;

sanoatni rivojlantirish boʻyicha tadbirkorlik loyihalarining manzilli roʻyxati 2-ilovaga * muvofiq;

mahalliy xom ashyodan, import oʻrnini bosuvchi raqobatbardosh mahsulotlar ishlab chiqarish loyihalarning manzilli roʻyxati 3-ilovaga * muvofiq;

xizmatlar va servis sohasini rivojlantirish boʻyicha tadbirkorlik loyihalarining roʻyxati 4-ilovaga * muvofiq;

muhandislik-kommunikatsiya tarmoqlarini yanada rivojlantirish loyihalari 5-ilovaga * muvofiq;

taʼlim muassasalari, sogʻliqni saqlash va madaniyat obyektlari holatini yaxshilash tadbirlar rejasi 6-ilovaga * muvofiq.

2. Dastur parametrlari bajarilishini taʼminlash boʻyicha davlat va xoʻjalik boshqaruv organlari, mahalliy davlat hokimiyati organlari, tijorat banklari faoliyatini muvofiqlashtirish va monitoring qilish boʻyicha respublika ishchi guruhi tarkibi (keyingi oʻrinlarda — Respublika ishchi guruhi deb ataladi) 7-ilovaga muvofiq tuzilsin.

Respublika ishchi guruhi (A. Ramatov):

tegishli davlat va xoʻjalik boshqaruv organlari, mahalliy davlat hokimiyati organlari, tijorat banklari tomonidan Dasturda nazarda tutilgan tadbirlarning belgilangan muddatlarga amalga oshirilishini tahlil qilib borsin va muvofiqlashtirsin;

muammoli masalalarni muntazam ravishda oʻrganib borsin va ularni hal etish yuzasidan tezkor chora-tadbirlarni koʻrsin;

zaruriyat boʻlganda, tayyorlangan va belgilangan tartibda kelishilgan loyiha hujjatlari mavjud boʻlgan taqdirda, Dasturga oʻzgartirish va qoʻshimchalar kiritsin.

3. Toshkent shahar hokimligi tegishli davlat va xoʻjalik boshqaruv organlari, mahalliy davlat hokimiyati organlari, tijorat banklari, Chilonzor tumani hokimligi hamda loyiha tashabbuskorlari bilan birgalikda bir oy muddatda Dasturdagi koʻrsatkichlardan kelib chiqqan holda tarmoq jadvallari ishlab chiqsin va tasdiqlasin.

4. Tijorat banklariga Dasturga kiritilgan investitsiya loyihalarini moliyalashtirish, respublikada ishlab chiqarilmaydigan asbob-uskunalar va ularga butlovchi buyumlarni xarid qilish uchun belgilangan tartibda kreditlar, shu jumladan chet el valyutasidagi kreditlar ajratish tavsiya etilsin.

5. Toshkent shahar hokimligi, Chilonzor tumani hokimligi, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi va Davlat arxitektura va qurilish qoʻmitasi bilan birgalikda Dasturga kiritilgan loyihalar ijrosi doirasida tadbirkorlik faoliyatini amalga oshirish uchun belgilangan tartibda qurilish uchun yer uchastkalarini ajratilishini taʼminlasin.

6. Oʻzbekiston Respublikasi Davlat arxitektura va qurilish qoʻmitasi Dasturga kiritilgan obyektlar loyiha-smeta hujjatlarini sifatli davlat ekspertizasidan oʻtkazilishini va qurilish-montaj ishlarini bajarishga tegishli ruxsatnomalarni “yagona darcha” markazlari orqali qonunchilikda belgilangan muddatlarda berilishini taʼminlasin.

7. “Oʻzbekenergo” AJ, “Oʻztransgaz” AK Toshkent shahar hokimligi bilan birgalikda Dastur doirasida amalga oshiriladigan investitsiya loyihalarida ishlab chiqarishni samarali yoʻlga qoʻyish uchun elektr va tabiiy gaz uzatish tarmoqlariga oʻz vaqtida ulanishini hamda ularga yetkazib beriladigan elektr energiya va tabiiy gaz taʼminotini uzluksiz yetkazib berilishini belgilangan tartibda taʼminlasinlar.

8. Oʻzbekiston Respublikasi Iqtisodiyot vazirligi, Moliya vazirligi, Investitsiyalar boʻyicha davlat qoʻmitasi, har yilgi Oʻzbekiston Respublikasining Investitsiya dasturini shakllantirishda, moliyalashtirish hajmlari va manbalarini aniqlashtirgan holda, ushbu qarorga muvofiq amalga oshirilishi nazarda tutilgan investitsiya loyihalarini belgilangan tartibda kiritib borsinlar.

9. Belgilab qoʻyilsinki;

tuman hokimligi taklifiga asosan hududda joylashgan 2 qavatli uylar oʻrnida hamda boʻsh yer maydonlarda yangi zamonaviy loyihalar asosida koʻp qavatli turar joy binolarini qurilishiga hududning bosh rejasiga asosan Toshkent shahar hokimligining qarori bilan ruxsat berilsin;

tuman hududidagi avtobus bekatlarni shaharsozlik normalari va qoidalarini hisobga olgan holda zamonaviy oynavand koʻrinishda joylashtirishga istisno tariqasida tuman hokimining qarori asosida ruxsat berilsin.

10. Toshkent shahar va Chilonzor tumani hokimliklari har chorak yakuni bilan Dasturdagi tadbirlarni oʻz vaqtida va sifatli bajarilishi boʻyicha loyiha tashabbuskorlari faoliyatining natijadorligi yuzasidan shahar va tuman faollari yigʻilishlarida muhokama qilsinlar hamda amalga oshirilgan ishlar toʻgʻrisida Vazirlar Mahkamasiga axborot kiritib borsinlar.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruv raisi A. Ramatov, Bosh vazirning oʻrinbosari J. Qoʻchqorov, Toshkent shahar hokimi R. Usmanov va Chilonzor tumani hokimi D. Xidoyatov zimmasiga yuklansin.

Vazirlar Mahkamasining 2017-yil 3-avgustdagi 578-son qaroriga 1-ILOVA

Toshkent shahrining Chilonzor tumanini 2017 — 2019-yillarda kompleks rivojlantirish dasturining asosiy parametrlari

T/r Asosiy makroiqtisodiy koʻrsatkichlar Oʻlchov birligi 2017-yil 2018-yil 2019-yil 2017 — 2019-yillar davomida oʻsish surʼati, % 1. Sanoat mahsulotlari ishlab chiqarish mlrd. soʻm 2 965,2 3 375,2 3 841,9 125,1 2. Hududiy sanoat mahsulotlari mlrd. soʻm 2 598,6 2 934,6 3 314,0 136,7 3. Qurilish ishlari mlrd. soʻm 702,4 783,9 874,9 128,3 4. Chakana savdo aylanmasi mlrd. soʻm 4 060,1 4 535,1 5 065,7 133,1 5. Xizmatlar jami mlrd. soʻm 2 899,6 3 346,1 3 861,4 132,2 6. Kichik va xususiy tadbirkorlikda band boʻlganlar ulushi % 56,2 56,3 56,7 x 7. Kichik va xususiy tadbirkorlik subyektlarining sanoat mahsulotlari ishlab chiqarishdagi ulushi % 80,8 81,1 82,1 x

Vazirlar Mahkamasining 2017-yil 3-avgustdagi 578-son qaroriga 1a-ILOVA

Toshkent shahrining Chilonzor tumanini 2017 — 2019-yillarda kompleks rivojlantirish dasturining moliyalashtirish manbalari

mln soʻm T/r Tadbirlar nomi Loyiha soni Oʻzlashtiriladigan mablagʻ shu jumladan: Mahalliy budjet mablagʻlari Maqsadli jamgʻarmalar mablagʻlari Xoʻjalik boshqaruv organlari mablagʻlari Tashabbuskorlar mablagʻlari Tijorat banki kredit mablagʻlari Jami 454 1 832 264 13 014 37 727 19 613 1 377 405 383 295 Sanoat va xizmat koʻrsatish sohalaridagi investitsiya loyihalari 200 979358 - - - 592 042 383 295 1. Sanoat sohasi 119 431 136 - - - 169 507 257 759 2. Servis va xizmat koʻrsatish sohasi 65 416 086 - - - 290 399 125 536 3. Import oʻrnini bosuvchi raqobatbardosh loyihalar 16 132 136 - - - 132 136 - Yoʻl-transport va muhandislik kommunikatsiya tizimlarini yanada rivojlantirish boʻyicha loyihalar 202 807 770 0 6 881 18 337 785 363 - 4. Meʼmoriy koʻrinishini oʻzgartirish 28 686 290 - 6 881 - 682 220 - 5. Elektr energiyasi taʼminoti 34 2 577 - - 2 577 - - 6. Suv va oqavasuv taʼminoti 33 1 065 - - 1 065 - - 7. Gaz taʼminoti 22 8 192 - - 8 192 - - 8. Issiqlik taʼminotini yaxshilash 5 1 933 - - 1 933 - - 9. Chiqindi yigʻish shahobchalarini sanitar holatini yaxshilash 27 4 570 - - 4 570 - - 10. Yangi mahalla guzarlarini qurish, rekonstruksiya qilish va moddiy-texnika bazasini rivojlantirish 53 103 143 - - - 103 143 - Ijtimoiy soha infratuzilmasini yanada rivojlantirish boʻyicha loyihalar 47 37 286 6 440 30 846 - - - 11. Maktabgacha taʼlim muassasalari obyektlari 31 11 202 5800 5 402 - - - 12. Umumtaʼlim maktablari obyektlari 13 14 584 640 13 944 - - - 13. Sogʻliqni saqlash sohasi obyektlari 3 11 500 - 11 500 - - - Boshqa tadbirlar 5 7849 6573,5 - 1275,5 - -

Vazirlar Mahkamasining 2017-yil 3-avgustdagi 578-son qaroriga 7-ILOVA

Dastur parametrlari bajarilishini taʼminlash boʻyicha davlat va xoʻjalik boshqaruv organlari, mahalliy davlat hokimiyati organlari, tijorat banklari faoliyatini muvofiqlashtirish va monitoring qilish boʻyicha respublika ishchi

1. Ramatov A.J. — Oʻzbekiston Respublikasi Bosh vazirining birinchi oʻrinbosari, ishchi guruhi rahbari 2. Usmanov R.J. — Toshkent shahar hokimi, ishchi guruhi rahbarining oʻrinbosari 3. Bekenov S.X. — Iqtisodiyot vazirining birinchi oʻrinbosari, ishchi guruhi rahbarining oʻrinbosari 4. Jumaniyazov M.B. — Vazirlar Mahkamasining departament mudiri 5. Mirzayev M.M. — Moliya vazirining oʻrinbosari 6. Shonazarov Sh.T. — “Davarxitektqurilish” qoʻmitasi raisining oʻrinbosari 7. Najimov N.E. — Qishloq xoʻjaligi korxonalarini tarkibiy qayta tuzish agentligi direktori 8. Mubarakshin R.G. — “Oʻzbekenergo” AJ raisining birinchi oʻrinbosari 9. Eshmurodov B.B. — “Oʻztransgaz” AJ raisining birinchi oʻrinbosari 10. Zaripov B.K. — “Oʻzqurilishmateriallari” AJ raisi 11. Jalilov T.A. — “Oʻzbekoziqovqatxolding” XK raisi 12. Xaydarov I.U. — “Oʻzbekyengilsanoat” AJ raisi 13. Sheraliyev Sh.E. — “Oʻzbekcharmpoyabzali” uyushmasi raisi v.b. 14. Dustmuratov M.M. — “Oʻzfarmsanoat” DAK raisi 15. Atabayev Sh.X. — Markaziy bank raisining oʻrinbosari 16. Xolmurodov S.X. — “Oʻzmilliybank” raisi 17. Mirsoatov A.Q. — “Oʻzsanoatqurilishbank” raisi 18. Abdullayev A.N. — “Xalq banki” raisi 19. Mullajonov K.K. — “Asakabank” raisi 20. Mullaxanov B.M. — “Qishloq qurilish bank” raisi 21. Musayev O.M. — “Ipoteka-bank” raisi 22. Mamatqulov Gʻ. — “Mikrokreditbank” raisi 23. Xidoyatov D.A. — Chilonzor tumani hokimi 24. Raximov Sh.Z. — Vazirlar Mahkamasining bosh mutaxassisi, ishchi guruhi kotibi

Oʻzbekiston Respublikasining Bosh vaziri A. ARIPOV

Toshkent sh.,

2017-yil 3-avgust,

578-son