📅 2018-yil 26-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 26 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 сентября 2018 г. · Постановления Президента
Официальный текст. Официальный документ. Редакционные примечания не включены.
📅 26 September 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро шартномаларга қўшилиш тўғрисида
1. Қуйидагиларга:
2001 йил 28 сентябрь куни Москва шаҳрида Мустақил Давлатлар Ҳамдўстлиги иштирокчи-давлатлари ҳукуматлари раҳбарлари Кенгаши йиғилишида имзоланган Хавфли ишлаб чиқариш объектларида саноат хавфсизлигини таъминлаш соҳасида ҳамкорлик қилиш тўғрисидаги Битимга;
2011 йил 18 октябрь куни Санкт-Петербург шаҳрида Мустақил Давлатлар Ҳамдўстлиги иштирокчи-давлатлари ҳукуматлари раҳбарлари Кенгаши йиғилишида имзоланган 2001 йил 28 сентябрдаги Хавфли ишлаб чиқариш объектларида саноат хавфсизлигини таъминлаш соҳасида ҳамкорлик тўғрисидаги Битимга ўзгартириш киритиш тўғрисидаги Протоколга қўшилсин.
2. Ўзбекистон Республикаси Вазирлар Маҳкамаси ҳузуридаги Саноат, радиация ва ядро хавфсизлиги қўмитаси мазкур халқаро шартномаларнинг амалга оширилиши юзасидан масъул ваколатли орган этиб белгилансин.
3. Ўзбекистон Республикаси Ташқи ишлар вазирлиги Ўзбекистон Республикасининг юқорида кўрсатилган халқаро шартномаларга қўшилганлиги, шунингдек, уларнинг амалга оширилиши юзасидан масъул ваколатли орган тўғрисидаги тегишли билдиришномани депозитарийга йўлласин.
4. Ўзбекистон Республикаси Вазирлар Маҳкамаси ҳамда тегишли вазирлик ва идоралар раҳбарлари ушбу халқаро шартномалар кучга киргандан кейин белгиланган тартибда Ўзбекистон Республикаси мажбуриятлари бажарилиши устидан назоратни таъминласинлар.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 26 сентябрь,
ПҚ-3951-сон
Oʻzbekiston Respublikasi Prezidentining
Qarori
Xalqaro shartnomalarga qoʻshilish toʻgʻrisida
1. Quyidagilarga:
2001-yil 28-sentabr kuni Moskva shahrida Mustaqil Davlatlar Hamdoʻstligi ishtirokchi-davlatlari hukumatlari rahbarlari Kengashi yigʻilishida imzolangan Xavfli ishlab chiqarish obyektlarida sanoat xavfsizligini taʼminlash sohasida hamkorlik qilish toʻgʻrisidagi Bitimga;
2011-yil 18-oktabr kuni Sankt-Peterburg shahrida Mustaqil Davlatlar Hamdoʻstligi ishtirokchi-davlatlari hukumatlari rahbarlari Kengashi yigʻilishida imzolangan 2001-yil 28-sentabrdagi Xavfli ishlab chiqarish obyektlarida sanoat xavfsizligini taʼminlash sohasida hamkorlik toʻgʻrisidagi Bitimga oʻzgartirish kiritish toʻgʻrisidagi Protokolga qoʻshilsin.
2. Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi mazkur xalqaro shartnomalarning amalga oshirilishi yuzasidan masʼul vakolatli organ etib belgilansin.
3. Oʻzbekiston Respublikasi Tashqi ishlar vazirligi Oʻzbekiston Respublikasining yuqorida koʻrsatilgan xalqaro shartnomalarga qoʻshilganligi, shuningdek, ularning amalga oshirilishi yuzasidan masʼul vakolatli organ toʻgʻrisidagi tegishli bildirishnomani depozitariyga yoʻllasin.
4. Oʻzbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnomalar kuchga kirgandan keyin belgilangan tartibda Oʻzbekiston Respublikasi majburiyatlari bajarilishi ustidan nazoratni taʼminlasinlar.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 26-sentabr,
PQ-3951-son
Президента Республики Узбекистан
Постановление
О присоединении к международным договорам
1. Присоединиться к:
Соглашению о сотрудничестве в области обеспечения промышленной безопасности на опасных производственных объектах, подписанному на заседании Совета глав правительств государств-участников Содружества Независимых Государств 28 сентября 2001 года в г. Москве;
Протоколу о внесении изменений в Соглашение о сотрудничестве в области обеспечения промышленной безопасности на опасных производственных объектах от 28 сентября 2001 года, подписанному на заседании Совета глав правительств государств-участников Содружества Независимых Государств 18 октября 2011 года в г. Санкт-Петербурге.
2. Определить Комитет промышленной, радиационной и ядерной безопасности при Кабинете Министров Республики Узбекистан уполномоченным органом, ответственным за реализацию указанных международных договоров.
3. Министерству иностранных дел Республики Узбекистан направить депозитарию соответствующее уведомление о присоединении Республики Узбекистан к указанным международным договорам, а также об уполномоченном органе, ответственном за их реализацию.
4. Кабинету Министров Республики Узбекистан, руководителям соответствующих министерств и ведомств после вступления в силу указанных международных договоров обеспечить контроль за выполнением обязательств Республики Узбекистан в установленном порядке.
5. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
26 сентября 2018 г.,
№ ПП-3951