📅 2020-yil 25-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 25 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2020 г. · Постановления Президента
Официальный текст. Официальный документ. Редакционные примечания не включены.
📅 25 June 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикасида «Фольксваген» енгил тижорат автомобиллари ишлаб чиқаришни ташкил этиш лойиҳасини амалга ошириш чора-тадбирлари тўғрисида
Ўзбекистон Республикаси автомобиль саноатини жаҳоннинг етакчи автомобиль ишлаб чиқарувчилари билан интеграциялашуви асосида янада барқарор ривожлантириш, енгил ва енгил тижорат автомобилларини ишлаб чиқариш ва етказиб беришни ташкил этиш ҳисобидан ишлаб чиқарилаётган автомобиль маҳсулотлари номенклатурасини кенгайтириш, ички ва ташқи бозорларда уларнинг савдо ҳажми ўсишини таъминлаш мақсадида, шунингдек, Ўзбекистон Республикаси Президентининг 2019 йил 1 февралдаги « Ўзбекистон Республикаси ва Германия Федератив Республикаси ўртасида кўп қиррали ҳамкорликни янада кенгайтириш чора-тадбирлари тўғрисида »ги ПҚ-4145-сон ҳамда 2019 йил 18 июлдаги « Ўзбекистон Республикаси автомобиль саноатини жадал ривожлантиришга оид қўшимча чора-тадбирлар тўғрисида »ги ПҚ-4397-сон қарорларига мувофиқ:
1. «Ўзавтосаноат» АЖ ва «Фольксваген Групп Рус» МЧЖ (кейинги ўринларда — «Фольксваген» компанияси) ўртасида 2020 йил 2 март куни «Жиззах автомобиль заводи» МЧЖ негизида «Ўзбекистонда енгил тижорат автомобилларини ишлаб чиқаришни ташкил этиш» инвестиция лойиҳасида (кейинги ўринларда — инвестиция лойиҳаси) «Фольксваген» компаниясининг босқичма-босқич иштирок этишини назарда тутувчи ҳамкорлик тўғрисидаги Битим имзолангани маълумот учун қабул қилинсин.
2. «Ўзавтосаноат» АЖ, Ўзбекистон Республикаси Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Молия вазирлигининг инвестиция лойиҳасини амалга оширишни давом эттириш бўйича «Фольксваген» компанияси томонидан таклиф этилаётган ва қуйидагиларни назарда тутувчи концепцияни маъқуллаш тўғрисидаги таклифига розилик берилсин:
а) биринчи босқичда 2020-2021 йилларда:
бозорни ўрганиш ҳамда маркетинг таҳлилини ўтказиш мақсадида «Фольксваген» ва «Шкода» маркаларидаги тайёр автомобилларни етказиб беришни ташкил қилиш;
«Фольксваген» компаниясининг юқори малакали мутахассисларини жалб қилган ҳолда «Жиззах автомобиль заводи» МЧЖ ходимларини йирик узелли автомобилларни йиғиш бўйича ўқитишни ташкил этиш;
«Фольксваген Кедди» моделини йирик узелли йиғишни ташкил этиш мақсадида бутловчи қисмларни етказиб бериш;
мамлакатнинг барча ҳудудларида дилерлик тармоғи ва сервис хизматларини кўрсатиш станцияларини ташкил этиш;
б) иккинчи босқичда 2022 йилдан бошлаб енгил тижорат автомобилларининг замонавий моделларини ишлаб чиқаришнинг тўлиқ циклини ўзлаштириш.
3. Қуйидагилар давлат харидларининг махсус ахборот порталида Ўзбекистон Республикаси Молия вазирлиги томонидан шакллантириладиган Ягона етказиб берувчилар реестрига тегишлича киритилган ҳолда ягона етказиб берувчилар сифатида белгилансин:
иштирокчиси (акциядори) «Ўзавтосаноат» АЖ ва/ёки «Ўзавтосаноат» АЖ бошқарувчи компаниялари бўлган ишлаб чиқарувчи корхоналар, «Ўзавтосаноат» АЖ тизимидаги корхоналар, «Ўзавтосаноат» АЖга ишончли бошқарувга берилган ва уларнинг таркибида бўлган ишлаб чиқарувчи корхоналар — улар томонидан автомобилсозлик, қишлоқ хўжалиги машинасозлиги саноати учун ишлаб чиқариладиган маҳсулотлар бўйича;
автомобиль маҳсулотларининг асл ишлаб чиқарувчиси (OEM) ёки лицензиари томонидан белгиланган ёки маъқулланган ёхуд тавсия этилган етказиб берувчи ташкилотлар — ушбу банднинг иккинчи хатбошисида кўрсатилган корхоналар учун товарларни (ишларни ва хизматларни) етказиб бериш бўйича;
автомобиль маҳсулотлари ишлаб чиқаришни ташкил этиш бўйича ҳадли, лицензиявий, инвестициявий ёки бошқа битимлар, саноат намуналарини ишлаб чиқиш ва лойиҳалаш, автомобиль маҳсулотларини ишлаб чиқаришни ташкил этиш лойиҳаларини амалга оширишда техник кўмак бериш тўғрисидаги битимларга мувофиқ автомобиль маҳсулотларини ишлаб чиқаришда фойдаланиладиган товарлар (ишлар, хизматлар)ни етказиб берувчи ташкилотлар — ушбу банднинг иккинчи хатбошисида кўрсатилган корхоналар учун товарларни (ишларни ва хизматларни) етказиб бериш бўйича.
4. Белгилансинки:
инвесторни ноқулай ўзгаришлардан кафолатлаш амал қилишини бошлаш мақсадида мазкур қарорнинг кучга кириши инвестор Ўзбекистон Республикаси ҳудудида инвестиция фаолиятини амалга оширишининг тасдиғи сифатида белгиланади;
қурилиш, хом ашё, материаллар, муҳандислик, технологик ва бошқа ускуналарни етказиб бериш, хизматлар кўрсатиш бўйича шартномалар ва бошқа харажатларни молиялаштириш инвестиция лойиҳасининг дастлабки тасдиқланган техник-иктисодий асослари доирасида, лекин шу асосда ишлаб чиқилган ва олдин тасдиқланган лойиҳа-смета ҳужжатларини ҳисобга олмаган ҳолда амалга оширилади.
5. «Ўзавтосаноат» АЖ Ўзбекистон Республикаси Инвестициялар ва ташқи савдо вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги билан биргаликда инвестиция лойиҳасини амалга оширишнинг биринчи босқичи якунларидан келиб чиқиб, ўрнатилган тартибда, Ўзбекистон Республикаси Ҳукумати ва «Фольксваген» компанияси ўртасида «Ўзавтосаноат» АЖ томонидан «Фольксваген» компанияси билан ҳамкорликда қўшма корхона ташкил этиш масалаларини тартибга солувчи, хорижий инвестор мажбуриятларини ҳамда ташкил этилаётган корхонага Ўзбекистон Республикаси Ҳукумати томонидан бериладиган давлатнинг қўллаб-қувватлаш чораларини аниқ акс эттирувчи инвестиция битимини тузиш бўйича тегишли таклифларни киритсин.
6. Ўзбекистон Республикаси Энергетика вазирлиги 2020 йил июль ойидан бошлаб Қорақалпоғистон Республикаси, вилоятлар ва Тошкент шаҳрида «Евро-5» стандарти талабларига жавоб берадиган юқори сифатли дизель ёқилғиси ва автобензинга эга камида битта автомобилларга ёқилғи қуйиш шохобчаси бўлишини таъминласин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг ўринбосари С.Ў. Умурзоқов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 25 июнь,
ПҚ-4757-сон
Oʻzbekiston Respublikasi Prezidentining
Qarori
Oʻzbekiston Respublikasida “Folksvagen” yengil tijorat avtomobillari ishlab chiqarishni tashkil etish loyihasini amalga oshirish chora-tadbirlari toʻgʻrisida
Oʻzbekiston Respublikasi avtomobil sanoatini jahonning yetakchi avtomobil ishlab chiqaruvchilari bilan integratsiyalashuvi asosida yanada barqaror rivojlantirish, yengil va yengil tijorat avtomobillarini ishlab chiqarish va yetkazib berishni tashkil etish hisobidan ishlab chiqarilayotgan avtomobil mahsulotlari nomenklaturasini kengaytirish, ichki va tashqi bozorlarda ularning savdo hajmi oʻsishini taʼminlash maqsadida, shuningdek, Oʻzbekiston Respublikasi Prezidentining 2019-yil 1-fevraldagi “ Oʻzbekiston Respublikasi va Germaniya Federativ Respublikasi oʻrtasida koʻp qirrali hamkorlikni yanada kengaytirish chora-tadbirlari toʻgʻrisida ”gi PQ-4145-son hamda 2019-yil 18-iyuldagi “ Oʻzbekiston Respublikasi avtomobil sanoatini jadal rivojlantirishga oid qoʻshimcha chora-tadbirlar toʻgʻrisida ”gi PQ-4397-son qarorlariga muvofiq:
1. “Oʻzavtosanoat” AJ va “Folksvagen Grupp Rus” MCHJ (keyingi oʻrinlarda — “Folksvagen” kompaniyasi) oʻrtasida 2020-yil 2-mart kuni “Jizzax avtomobil zavodi” MCHJ negizida “Oʻzbekistonda yengil tijorat avtomobillarini ishlab chiqarishni tashkil etish” investitsiya loyihasida (keyingi oʻrinlarda — investitsiya loyihasi) “Folksvagen” kompaniyasining bosqichma-bosqich ishtirok etishini nazarda tutuvchi hamkorlik toʻgʻrisidagi Bitim imzolangani maʼlumot uchun qabul qilinsin.
2. “Oʻzavtosanoat” AJ, Oʻzbekiston Respublikasi Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligining investitsiya loyihasini amalga oshirishni davom ettirish boʻyicha “Folksvagen” kompaniyasi tomonidan taklif etilayotgan va quyidagilarni nazarda tutuvchi konsepsiyani maʼqullash toʻgʻrisidagi taklifiga rozilik berilsin:
a) birinchi bosqichda 2020-2021-yillarda:
bozorni oʻrganish hamda marketing tahlilini oʻtkazish maqsadida “Folksvagen” va “Shkoda” markalaridagi tayyor avtomobillarni yetkazib berishni tashkil qilish;
“Folksvagen” kompaniyasining yuqori malakali mutaxassislarini jalb qilgan holda “Jizzax avtomobil zavodi” MCHJ xodimlarini yirik uzelli avtomobillarni yigʻish boʻyicha oʻqitishni tashkil etish;
“Folksvagen Keddi” modelini yirik uzelli yigʻishni tashkil etish maqsadida butlovchi qismlarni yetkazib berish;
mamlakatning barcha hududlarida dilerlik tarmogʻi va servis xizmatlarini koʻrsatish stansiyalarini tashkil etish;
b) ikkinchi bosqichda 2022-yildan boshlab yengil tijorat avtomobillarining zamonaviy modellarini ishlab chiqarishning toʻliq siklini oʻzlashtirish.
3. Quyidagilar davlat xaridlarining maxsus axborot portalida Oʻzbekiston Respublikasi Moliya vazirligi tomonidan shakllantiriladigan Yagona yetkazib beruvchilar reyestriga tegishlicha kiritilgan holda yagona yetkazib beruvchilar sifatida belgilansin:
ishtirokchisi (aksiyadori) “Oʻzavtosanoat” AJ va/yoki “Oʻzavtosanoat” AJ boshqaruvchi kompaniyalari boʻlgan ishlab chiqaruvchi korxonalar, “Oʻzavtosanoat” AJ tizimidagi korxonalar, “Oʻzavtosanoat” AJga ishonchli boshqaruvga berilgan va ularning tarkibida boʻlgan ishlab chiqaruvchi korxonalar — ular tomonidan avtomobilsozlik, qishloq xoʻjaligi mashinasozligi sanoati uchun ishlab chiqariladigan mahsulotlar boʻyicha;
avtomobil mahsulotlarining asl ishlab chiqaruvchisi (OEM) yoki litsenziari tomonidan belgilangan yoki maʼqullangan yoxud tavsiya etilgan yetkazib beruvchi tashkilotlar — ushbu bandning ikkinchi xatboshisida koʻrsatilgan korxonalar uchun tovarlarni (ishlarni va xizmatlarni) yetkazib berish boʻyicha;
avtomobil mahsulotlari ishlab chiqarishni tashkil etish boʻyicha hadli, litsenziyaviy, investitsiyaviy yoki boshqa bitimlar, sanoat namunalarini ishlab chiqish va loyihalash, avtomobil mahsulotlarini ishlab chiqarishni tashkil etish loyihalarini amalga oshirishda texnik koʻmak berish toʻgʻrisidagi bitimlarga muvofiq avtomobil mahsulotlarini ishlab chiqarishda foydalaniladigan tovarlar (ishlar, xizmatlar)ni yetkazib beruvchi tashkilotlar — ushbu bandning ikkinchi xatboshisida koʻrsatilgan korxonalar uchun tovarlarni (ishlarni va xizmatlarni) yetkazib berish boʻyicha.
4. Belgilansinki:
investorni noqulay oʻzgarishlardan kafolatlash amal qilishini boshlash maqsadida mazkur qarorning kuchga kirishi investor Oʻzbekiston Respublikasi hududida investitsiya faoliyatini amalga oshirishining tasdigʻi sifatida belgilanadi;
qurilish, xom ashyo, materiallar, muhandislik, texnologik va boshqa uskunalarni yetkazib berish, xizmatlar koʻrsatish boʻyicha shartnomalar va boshqa xarajatlarni moliyalashtirish investitsiya loyihasining dastlabki tasdiqlangan texnik-iktisodiy asoslari doirasida, lekin shu asosda ishlab chiqilgan va oldin tasdiqlangan loyiha-smeta hujjatlarini hisobga olmagan holda amalga oshiriladi.
5. “Oʻzavtosanoat” AJ Oʻzbekiston Respublikasi Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi bilan birgalikda investitsiya loyihasini amalga oshirishning birinchi bosqichi yakunlaridan kelib chiqib, oʻrnatilgan tartibda, Oʻzbekiston Respublikasi Hukumati va “Folksvagen” kompaniyasi oʻrtasida “Oʻzavtosanoat” AJ tomonidan “Folksvagen” kompaniyasi bilan hamkorlikda qoʻshma korxona tashkil etish masalalarini tartibga soluvchi, xorijiy investor majburiyatlarini hamda tashkil etilayotgan korxonaga Oʻzbekiston Respublikasi Hukumati tomonidan beriladigan davlatning qoʻllab-quvvatlash choralarini aniq aks ettiruvchi investitsiya bitimini tuzish boʻyicha tegishli takliflarni kiritsin.
6. Oʻzbekiston Respublikasi Energetika vazirligi 2020-yil iyul oyidan boshlab Qoraqalpogʻiston Respublikasi, viloyatlar va Toshkent shahrida “Yevro-5” standarti talablariga javob beradigan yuqori sifatli dizel yoqilgʻisi va avtobenzinga ega kamida bitta avtomobillarga yoqilgʻi quyish shoxobchasi boʻlishini taʼminlasin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari S.Oʻ. Umurzoqov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 25-iyun,
PQ-4757-son
Президента Республики Узбекистан
Постановление
О мерах по реализации проекта по организации в Республике Узбекистан производства легких коммерческих автомобилей «Фольксваген»
В целях дальнейшего устойчивого развития автомобильной промышленности Республики Узбекистан на основе интеграции с ведущими мировыми автопроизводителями, расширения номенклатуры выпускаемой автомобильной продукции за счет организации производства и поставки легковых и легких коммерческих автомобилей, обеспечения роста объемов их продаж на внутреннем и внешнем рынках, а также в соответствии с постановлениями Президента Республики Узбекистан от 1 февраля 2019 года № ПП-4145 « О мерах по дальнейшему расширению многопланового сотрудничества между Республикой Узбекистан и Федеративной Республикой Германия » и от 18 июля 2019 года № ПП-4397 « О дополнительных мерах по ускоренному развитию автомобильной промышленности Республики Узбекистан »:
1. Принять к сведению, что между АО «Узавтосаноат» и ООО «Фольксваген Груп Рус» (далее — компания «Фольксваген») 2 марта 2020 года подписано Соглашение о сотрудничестве, предусматривающее поэтапное участие компании «Фольксваген» в инвестиционном проекте «Организация в Узбекистане производства легких коммерческих автомобилей» на базе ООО «Джизакский Автомобильный завод» (далее — инвестиционный проект).
2. Согласиться с предложением АО «Узавтосаноат», Министерства инвестиций и внешней торговли, Министерства экономического развития и сокращения бедности и Министерства финансов Республики Узбекистан об одобрении концепции дальнейшей реализации инвестиционного проекта, предлагаемой компанией «Фольксваген», предусматривающей:
а) на первом этапе в период 2020-2021 гг.:
в целях изучения рынка и проведения маркетингового анализа организацию поставки готовых автомобилей марок «Фольксваген» и «Шкода»;
организацию обучения сотрудников ООО «Джизакский автомобильный завод» по организации крупноузловой сборки автомобилей с привлечением высококвалифицированных специалистов компании «Фольксваген»;
поставку комплектующих деталей для организации крупноузловой сборки модели «Фольксваген Кэдди»;
создание дилерской сети и станций сервисного обслуживания на всей территории страны;
б) на втором этапе начиная с 2022 года освоение полного цикла производства современных моделей легковых коммерческих автомобилей.
3. Определить в качестве единых поставщиков с соответствующим включением в Реестр единых поставщиков, формируемый Министерством финансов Республики Узбекистан на специальном информационном портале государственных закупок:
производственные предприятия, участником (акционером) которых являются АО «Узавтосаноат» и/или управляющие компании АО «Узавтосаноат», предприятия системы АО «Узавтосаноат», производственные предприятия, переданные в доверительное управление АО «Узавтосаноат», а также предприятия, входящие в их структуру, — в отношении выпускаемой ими продукции для автомобильной промышленности, сельскохозяйственного машиностроения;
организации, определенные или одобренные либо рекомендованные со стороны оригинального производителя (OEM) или лицензиара автомобильной продукции — в отношении поставки товаров (работ и услуг) для предприятий, указанных в абзаце втором настоящего пункта;
организации, осуществляющие поставки товаров (работ, услуг), используемых для производства автомобильной продукции в соответствии с рамочными, лицензионными, инвестиционными или иными соглашениями по организации производства автомобильной продукции, соглашениями на разработку и проектировку промышленных образцов, о техническом содействии при реализации проектов по организации производства автомобильной продукции — в отношении поставки товаров (работ и услуг) для предприятий, указанных в абзаце втором настоящего пункта.
4. Установить, что:
в целях начала действия гарантии от неблагоприятного изменения для инвестора вступление в силу настоящего постановления устанавливается как подтверждение осуществления инвестором инвестиционной деятельности на территории Республики Узбекистан;
финансирование по договорам строительства, поставки сырья, материалов, инженерного, технологического и прочего оборудования, оказания услуг и другим расходам осуществляется в рамках первоначально утвержденного технико-экономического обоснования инвестиционного проекта, но без учета ранее утвержденной проектно-сметной документации, разработанной на его основании.
5. АО «Узавтосаноат» совместно с Министерством инвестиций и внешней торговли, Министерством экономического развития и сокращения бедности и Министерством финансов Республики Узбекистан по итогам завершения первого этапа реализации инвестиционного проекта в установленном порядке внести предложения по заключению между Правительством Республики Узбекистан и компанией «Фольксваген» инвестиционного соглашения, регулирующего вопросы создания АО «Узавтосаноат» совместно с компанией «Фольксваген» совместного предприятия и отражающего конкретные обязательства иностранного инвестора и меры государственной поддержки, предоставляемые Правительством Республики Узбекистан создаваемому предприятию.
6. Министерству энергетики Республики Узбекистан начиная с июля 2020 года обеспечить наличие не менее одной автомобильной заправочной станции в Республике Каракалпакстан, областях и городе Ташкенте с высококачественным дизельным топливом и автобензином, отвечающим требованиям стандарта «Евро-5».
7. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Премьер-министра Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
25 июня 2020 г.,
№ ПП-4757