📅 2018-yil 29-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 29 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 октября 2018 г. · Постановления Президента
Официальный текст. Официальный документ. Редакционные примечания не включены.
📅 29 October 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
Тошкент вилоятининг маҳаллий ижро ҳокимияти органлари фаолиятини янада такоммиллаштириш чора-тадбирлари тўғрисида
Республикада қишлоқ хўжалигини янада ривожлантириш ва унинг иқтисодий самарадорлигини таъминлашга қаратилган ташкилий, иқтисодий ва ҳуқуқий механизмларни такомиллаштириш бўйича кенг кўламли ислоҳотлар амалга оширилмоқда.
Жумладан, жорий йилнинг ўзида пахта экиладиган унумдорлиги паст майдонлар қисқартирилиб, давлат эҳтиёжлари учун етказиб бериладиган қишлоқ хўжалиги маҳсулотларининг нархи бир неча бор оширилди, шунингдек, фермерларнинг манфаатдорлигини таъминлашга қаратилган бир қатор иқтисодий механизмлар жорий қилинди.
Шу билан бирга, Тошкент вилоятида маҳаллий давлат ҳокимияти органлари раҳбарлари мавжуд имкониятлар ва шароитлардан самарали фойдаланмаётгани оқибатида вилоят қишлоқ хўжалигини барқарор ривожлантиришда ўз ечимини кутаётган долзарб муаммолар ва камчиликлар сақланиб қолмоқда, жумладан:
биринчидан, маҳаллий давлат ҳокимияти органлари раҳбарларида қишлоқ хўжалиги соҳасида юзага келаётган муаммолар ечими бўйича тўғри қарорларни қабул қилиш ҳамда бу борадаги ваколатли идоралар фаолиятини мувофиқлаштиришда ташаббускорлик етишмайди;
иккинчидан, қишлоқ хўжалиги ерларини ноқонуний ажратиш ва улардан хўжасизларча фойдаланиш ҳолатлари давом этиб, мавжуд ер ва сув ресурслари самарадорлигини таъминлашга қаратилган инновацион технологиялар ва илмий ишланмаларни жорий қилиш, қишлоқ хўжалиги экинлари ҳосилдорлигини ошириш масалаларига етарлича эътибор қаратилмаган;
учинчидан, назорат ва сўровнинг йўқлиги оқибатида давлат эҳтиёжлари учун қишлоқ хўжалиги маҳсулотларини етиштиришга ажратилаётган моддий ресурслар талон-тарож қилинишига ҳамда агротехник тадбирлар ўз вақтида ва тўлиқ ўтказилмаслигига йўл қўйилган;
тўртинчидан, озиқ-овқат маҳсулотларини ишлаб чиқариш ҳажмини ошириш учун барча имкониятлар ва захиралар бўлса-да, вилоят ва Тошкент шаҳри аҳолисини йил давомида ҳамда узлуксиз равишда барқарор нархларда қишлоқ хўжалиги маҳсулотлари билан таъминлаш бўйича етарли даражада ишлар амалга оширилмаган.
Тошкент вилоятида қишлоқ ва сув хўжалиги соҳасида амалга оширилаётган кенг кўламли ислоҳотларни янада жадаллаштириш, тармоқдаги мавжуд тизимли муаммоларни бартараф этиш, вилоят аграр тармоғининг иқтисодий салоҳиятини янада юксалтириш ҳамда ушбу вазифалар ижросини таъминлашда маҳаллий ижро ҳокимияти органлари раҳбарларининг масъулияти ва жавобгарлигини янада ошириш мақсадида:
1. Ўзбекистон Республикаси Вазирлар Маҳкамасининг Тошкент вилояти ҳокимининг қишлоқ ва сув хўжалиги масалалари бўйича ўринбосари лавозимини тугатиш ҳамда унинг ўрнида Тошкент вилояти ҳокимининг қишлоқ ва сув хўжалиги масалалари бўйича биринчи ўринбосари лавозимини жорий этиш тўғрисидаги таклифларига розилик маъқуллансин.
2. Тошкент вилояти ҳокимининг қишлоқ ва сув хўжалиги масалалари бўйича биринчи ўринбосарига:
вилоятда қишлоқ хўжалиги фаолияти самарадорлигини ошириш ва фермерлик ҳаракатини жадал ривожлантиришга қаратилган иқтисодий ислоҳотлар, шу жумладан аграр тармоқни ислоҳ қилиш ва барқарор ривожлантириш бўйича қабул қилинган дастурлар ижросини таъминлаш;
ер, сув ресурсларидан самарали ва мақсадли фойдаланиш, жумладан, туманларнинг тупроқ, иқлим ва сув шароитларидан ҳамда ерларнинг балл бонитетидан келиб чиқиб, қишлоқ хўжалиги экинларини жойлаштириш, агротехник тадбирларни ўз вақтида ва сифатли ўтказилишини ташкил қилиш;
қишлоқ хўжалигини механизациялаш даражасини ошириш, замонавий ресурс тежамкор агротехнологияларни жорий этиш ва экспортбоп маҳсулотлар етиштиришни янада кўпайтириш ҳисобига олинадиган даромадни ошириш ишларини мувофиқлаштириш вазифаси юклатилсин.
3. Тошкент вилояти ҳокимлиги бошқарув аппаратининг тузилмаси иловага мувофиқ тасдиқлансин.
Ўзбекистон Республикаси Молия вазирлиги Тошкент вилояти ҳокимлиги билан биргаликда ўн кун муддатда мазкур қарор талабларидан келиб чиқиб Тошкент вилояти ҳокимлиги бошқарув аппарати ходимларининг штатлар жадвалини қайта кўриб чиқсин.
4. Тошкент вилояти ҳокимлиги бир ҳафта муддатда мазкур қарор талабларидан келиб чиққан ҳолда Тошкент вилояти ҳокимининг тегишли ўринбосарларининг функционал вазифалари ва уларнинг котибиятлари тўғрисидаги низомларни тасдиқласин.
5. Вазирлар Маҳкамаси бир ой муддатда Тошкент вилоятида қишлоқ хўжалигини барқарор ривожлантиришга тўсиқ бўлаётган муаммолар ва камчиликларни чуқур таҳлил қилиб, уларни ечимига қаратилган чора-тадбирлар дастурини тасдиқласин ва ижросини таъминласин.
6. Тошкент вилояти ҳокимлиги Ўзбекистон Республикаси Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов зиммаларига юклансин.
Ўзбекистон Республикаси Президентининг 2018 йил 29 октябрдаги ПҚ-3987-сон қарорига ИЛОВА
Тошкент вилояти ҳокимлиги бошқарув аппаратининг
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 29 октябрь,
ПҚ-3987-сон
Oʻzbekiston Respublikasi Prezidentining
Qarori
TUZILMASI
Toshkent viloyatining mahalliy ijro hokimiyati organlari faoliyatini yanada takommillashtirish chora-tadbirlari toʻgʻrisida
Respublikada qishloq xoʻjaligini yanada rivojlantirish va uning iqtisodiy samaradorligini taʼminlashga qaratilgan tashkiliy, iqtisodiy va huquqiy mexanizmlarni takomillashtirish boʻyicha keng koʻlamli islohotlar amalga oshirilmoqda.
Jumladan, joriy yilning oʻzida paxta ekiladigan unumdorligi past maydonlar qisqartirilib, davlat ehtiyojlari uchun yetkazib beriladigan qishloq xoʻjaligi mahsulotlarining narxi bir necha bor oshirildi, shuningdek, fermerlarning manfaatdorligini taʼminlashga qaratilgan bir qator iqtisodiy mexanizmlar joriy qilindi.
Shu bilan birga, Toshkent viloyatida mahalliy davlat hokimiyati organlari rahbarlari mavjud imkoniyatlar va sharoitlardan samarali foydalanmayotgani oqibatida viloyat qishloq xoʻjaligini barqaror rivojlantirishda oʻz yechimini kutayotgan dolzarb muammolar va kamchiliklar saqlanib qolmoqda, jumladan:
birinchidan, mahalliy davlat hokimiyati organlari rahbarlarida qishloq xoʻjaligi sohasida yuzaga kelayotgan muammolar yechimi boʻyicha toʻgʻri qarorlarni qabul qilish hamda bu boradagi vakolatli idoralar faoliyatini muvofiqlashtirishda tashabbuskorlik yetishmaydi;
ikkinchidan, qishloq xoʻjaligi yerlarini noqonuniy ajratish va ulardan xoʻjasizlarcha foydalanish holatlari davom etib, mavjud yer va suv resurslari samaradorligini taʼminlashga qaratilgan innovatsion texnologiyalar va ilmiy ishlanmalarni joriy qilish, qishloq xoʻjaligi ekinlari hosildorligini oshirish masalalariga yetarlicha eʼtibor qaratilmagan;
uchinchidan, nazorat va soʻrovning yoʻqligi oqibatida davlat ehtiyojlari uchun qishloq xoʻjaligi mahsulotlarini yetishtirishga ajratilayotgan moddiy resurslar talon-taroj qilinishiga hamda agrotexnik tadbirlar oʻz vaqtida va toʻliq oʻtkazilmasligiga yoʻl qoʻyilgan;
toʻrtinchidan, oziq-ovqat mahsulotlarini ishlab chiqarish hajmini oshirish uchun barcha imkoniyatlar va zaxiralar boʻlsa-da, viloyat va Toshkent shahri aholisini yil davomida hamda uzluksiz ravishda barqaror narxlarda qishloq xoʻjaligi mahsulotlari bilan taʼminlash boʻyicha yetarli darajada ishlar amalga oshirilmagan.
Toshkent viloyatida qishloq va suv xoʻjaligi sohasida amalga oshirilayotgan keng koʻlamli islohotlarni yanada jadallashtirish, tarmoqdagi mavjud tizimli muammolarni bartaraf etish, viloyat agrar tarmogʻining iqtisodiy salohiyatini yanada yuksaltirish hamda ushbu vazifalar ijrosini taʼminlashda mahalliy ijro hokimiyati organlari rahbarlarining masʼuliyati va javobgarligini yanada oshirish maqsadida:
1. Oʻzbekiston Respublikasi Vazirlar Mahkamasining Toshkent viloyati hokimining qishloq va suv xoʻjaligi masalalari boʻyicha oʻrinbosari lavozimini tugatish hamda uning oʻrnida Toshkent viloyati hokimining qishloq va suv xoʻjaligi masalalari boʻyicha birinchi oʻrinbosari lavozimini joriy etish toʻgʻrisidagi takliflariga rozilik maʼqullansin.
2. Toshkent viloyati hokimining qishloq va suv xoʻjaligi masalalari boʻyicha birinchi oʻrinbosariga:
viloyatda qishloq xoʻjaligi faoliyati samaradorligini oshirish va fermerlik harakatini jadal rivojlantirishga qaratilgan iqtisodiy islohotlar, shu jumladan agrar tarmoqni isloh qilish va barqaror rivojlantirish boʻyicha qabul qilingan dasturlar ijrosini taʼminlash;
yer, suv resurslaridan samarali va maqsadli foydalanish, jumladan, tumanlarning tuproq, iqlim va suv sharoitlaridan hamda yerlarning ball bonitetidan kelib chiqib, qishloq xoʻjaligi ekinlarini joylashtirish, agrotexnik tadbirlarni oʻz vaqtida va sifatli oʻtkazilishini tashkil qilish;
qishloq xoʻjaligini mexanizatsiyalash darajasini oshirish, zamonaviy resurs tejamkor agrotexnologiyalarni joriy etish va eksportbop mahsulotlar yetishtirishni yanada koʻpaytirish hisobiga olinadigan daromadni oshirish ishlarini muvofiqlashtirish vazifasi yuklatilsin.
3. Toshkent viloyati hokimligi boshqaruv apparatining tuzilmasi ilovaga muvofiq tasdiqlansin.
Oʻzbekiston Respublikasi Moliya vazirligi Toshkent viloyati hokimligi bilan birgalikda oʻn kun muddatda mazkur qaror talablaridan kelib chiqib Toshkent viloyati hokimligi boshqaruv apparati xodimlarining shtatlar jadvalini qayta koʻrib chiqsin.
4. Toshkent viloyati hokimligi bir hafta muddatda mazkur qaror talablaridan kelib chiqqan holda Toshkent viloyati hokimining tegishli oʻrinbosarlarining funksional vazifalari va ularning kotibiyatlari toʻgʻrisidagi nizomlarni tasdiqlasin.
5. Vazirlar Mahkamasi bir oy muddatda Toshkent viloyatida qishloq xoʻjaligini barqaror rivojlantirishga toʻsiq boʻlayotgan muammolar va kamchiliklarni chuqur tahlil qilib, ularni yechimiga qaratilgan chora-tadbirlar dasturini tasdiqlasin va ijrosini taʼminlasin.
6. Toshkent viloyati hokimligi Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmalariga yuklansin.
Oʻzbekiston Respublikasi Prezidentining 2018-yil 29-oktabrdagi PQ-3987-son qaroriga ILOVA
Toshkent viloyati hokimligi boshqaruv apparatining
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 29-oktabr,
PQ-3987-son
Президента Республики Узбекистан
Постановление
СТРУКТУРА
О мерах по дальнейшему совершенствованию деятельности местных органов исполнительной власти Ташкентской области
В республике осуществляются широкомасштабные реформы по совершенствованию организационных, экономических и правовых механизмов, направленных на обеспечение дальнейшего развития сельского хозяйства и его экономической эффективности.
В частности, уже в текущем году были сокращены площади для посева хлопка с низкой плодородностью, в несколько раз возросли цены на поставку сельскохозяйственных продуктов для государственных нужд, а также внедрен ряд экономических механизмов, направленных на обеспечение интересов фермеров.
Вместе с тем в результате неэффективного использования руководителями местных органов государственной власти Ташкентской области имеющихся возможностей и условий сохраняются актуальные проблемы и недостатки, ожидающие своего решения в стабильном развитии сельского хозяйства области, в частности:
во-первых, руководители местных органов государственной власти недостаточно инициативны в принятии адекватных решений по устранению проблем, возникающих в сельскохозяйственной отрасли, а также в координации деятельности уполномоченных ведомств в этой области;
во-вторых, продолжаются незаконные отводы сельскохозяйственных земель, имеются случаи нехозяйственного пользования ими, при этом не уделено достаточного внимания вопросам внедрения инновационных технологий и научных разработок, направленных на обеспечение эффективности имеющихся земельных и водных ресурсов, повышение урожайности сельскохозяйственных культур;
в-третьих, вследствие отсутствия контроля и отчетности допущено расхищение материальных ресурсов, выделяемых на выращивание сельскохозяйственных продуктов для государственных нужд, а также неполное и несвоевременное проведение агротехнических мероприятий;
в-четвертых, не была на достаточном уровне осуществлена работа по бесперебойному обеспечению населения города Ташкента и Ташкентской области сельскохозяйственными продуктами по стабильным ценам в течение года, несмотря на все возможности и запасы для повышения объема производства продуктов питания.
В целях дальнейшего ускорения осуществления широкомасштабных реформ в сфере сельского и водного хозяйства, устранения имеющихся системных проблем в сфере, дальнейшего повышения экономического потенциала аграрной отрасли области, а также дальнейшего усиления ответственности руководителей местных органов исполнительной власти:
1. Согласиться с предложением Кабинета Министров Республики Узбекистан об упразднении должности заместителя хокима Ташкентской области по вопросам сельского и водного хозяйства и ввести вместо нее должность первого заместителя хокима Ташкентской области по вопросам сельского и водного хозяйства.
2. Возложить на первого заместителя хокима Ташкентской области по вопросам сельского и водного хозяйства:
обеспечение реализации программ экономического реформирования, направленных на повышение эффективности деятельности сельского хозяйства и ускоренного развития фермерского движения, в том числе по реформированию и стабильному развитию аграрной сферы области;
эффективное и целевое использование земельных, водных ресурсов, в том числе организацию размещения сельскохозяйственных культур исходя из почвенных, климатических и водных условий районов и балльных бонитетов земель, проведение своевременных и качественных агротехнических мероприятий;
повышение уровня механизации сельского хозяйства, координацию работ по повышению доходов за счет внедрения современных ресурсосберегающих агротехнологий и дальнейшему увеличению выращивания экспортоориентированной продукции.
3. Утвердить структуру управленческого аппарата хокимията Ташкентской области согласно приложению .
Министерству финансов Республики Узбекистан совместно с хокимиятом Ташкентской области в течение десяти дней пересмотреть штатное расписание работников управленческого аппарата хокимията Ташкентской области исходя из требований настоящего постановления.
4. Хокимияту Ташкентской области в недельный срок утвердить положения о функциональных обязанностях соответствующих заместителей хокима Ташкентской области и их секретариатов исходя из требований настоящего постановления.
5. Кабинету Министров в месячный срок глубоко проанализировать проблемы и недостатки, препятствующие устойчивому развитию сельского хозяйства в Ташкентской области, утвердить программу мер, направленных на решение этих проблем, и обеспечить их выполнение.
6. Хокимияту Ташкентской области совместно с Министерством юстиции Республики Узбекистан, заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающие из настоящего постановления.
7. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова.
ПРИЛОЖЕНИЕ к постановлению Президента Республики Узбекистан от 29 октября 2018 года № ПП-3987
управленческого аппарата хокимията Ташкентской области
Президент Республики Узбекистан Ш. МИРЗИЁЕВ
г. Ташкент,
29 октября 2018 г.,
№ ПП-3987