📅 2018-yil 4-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 4 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 октября 2018 г. · Постановления Президента
Официальный текст. Официальный документ. Редакционные примечания не включены.
📅 4 October 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси билан Ҳиндистон Республикаси ўртасидаги стратегик шерикликни янада кенгайтириш ва мустаҳкамлаш чора-тадбирлари тўғрисида
Ўзбекистон Республикаси Президентининг 2018 йил 30 сентябрь — 1 октябрь кунлари Ҳиндистон Республикасига қилган Давлат ташрифи Ўзбекистон ва Ҳиндистон халқларининг ўзаро муносабатлари тарихида янги саҳифа очди, икки давлат ўртасидаги кўп томонлама ҳамкорликни ривожлантириш ҳамда стратегик шериклик ва ўзаро ҳамжиҳатликни янада мустаҳкамлашга кучли туртки берди.
Дўстона ва конструктив муҳитда ўтган олий даражадаги самарали музокаралар, парламент, ҳукумат ва ишбилармон доиралар вакиллари билан ўтказилган учраигувлар томонларнинг Ўзбекистон билан Ҳиндистон ўртасидаги икки мамлакат халқларининг узоқ муддатли манфаатларига мос келадиган ўзаро муносабатларни ҳар томонлама ривожлантиришга интилаётганлигини тасдиқлади.
Ҳамкорликнинг барча соҳаларидаги баҳамжиҳат саъй-ҳаракатларни кенгайтириш масалалари муҳокама этилди ва улар юзасидан қўшма қарорлар қабул қилинди. Ўзбекистон Республикаси Президенти ва Ҳиндистон Республикаси Бош вазирининг Қўшма баёноти қабул қилинди, умумий қиймати 3,2 млрд АҚШ долларига тенг миқдордаги ҳукуматлараро ва идоралараро 20 та ҳужжат ҳамда инвестиция битимлари ва савдо шартномалари пакети имзоланди.
Ўзбекистон Республикаси билан Ҳиндистон Республикаси ўртасидаги ҳамкорликни янада ривожлантириш бўйича имзоланган икки томонлама битимлар ҳамда эришилган аҳдлашувларнинг сўзсиз ва тўла-тўкис амалга оширилишини таъминлаш мақсадида:
1. Қуйидагилар:
Ўзбекистон Республикаси Президентининг Ҳиндистон Республикасига Давлат ташрифи давомида имзоланган икки томонлама ҳужжатларни амалга ошириш бўйича амалий чора-тадбирлар режаси («Йўл харитаси») 1-иловага * мувофиқ;
Ўзбекистон Республикаси Президентининг Ҳиндистон Республикасига Давлат ташрифи давомида имзоланган савдо шартномалари ва инвестиция битимларини амалга ошириш бўйича амалий чора-тадбирлар режаси («Йўл харитаси») 2-иловага * мувофиқ;
2018 — 2020 йилларда Ўзбекистон Республикаси билан Ҳиндистон Республикаси ўртасидаги кўп томонлама ҳамкорликни янада кенгайтириш борасида эришилган ахдлашувларни амалга ошириш бўйича амалий чора-тадбирлар режаси («Йўл харитаси») 3-иловага * мувофиқ тасдиқлансин.
2. Ўзбекистон Республикаси Вазирлар Маҳкамаси уч кун муддатда ушбу қарорнинг 2-иловасига * киритилган Ўзбекистон Республикаси билан Ҳиндистон Ресиубликаси ўртасида савдо-иқтисодий ва инвестициявий ҳамкорлик соҳасидаги икки томонлама ҳужжатларни амалга оширишнинг тармоқ жадвалларини тасдиқласин.
3. Ўзбекистон Республикаси Президентининг 2018 йил 30 сентябрь — 1 октябрь кунлари Ҳиндистон Республикасига қилган Давлат ташрифи давомида имзоланган икки томонлама битимлар ва эришилган аҳдлашувларнинг ўз вақтида ва сўзсиз амалга оширилишини назорат қилиш бўйича Махсус комиссия 4-иловага * мувофиқ тузилсин.
4. Махсус комиссия (А. Арипов):
5-иловага * мувофиқ, мониторинг ва назоратни таъминлаш механизмига асосан тадбирлар ҳамда лойиҳаларнинг ўз вақтида ва сифатли бажарилиши устидан қаттиқ назорат ҳамда тизимли мониторингни ташкил этишни;
сиёсий, савдо-иқтисодий, транспорт-коммуникация ва маданий-гуманитар соҳалардаги ҳамкорликни янада кенгайтириш, шунингдек, мазкур масалалар бўйича Ҳиндистон томони билан мунтазам ва самарали ҳамкорликни, жумладан, савдо-иқтисодий ва илмий-техникавий ҳамкорлик бўйича Ҳукуматлараро қўшма комиссияси доирасида ҳамкорликни янада кенгайтириш юзасидан имзоланган икки томонлама битимлар ва эришилган аҳдлашувларни амалга ошириш билан боглиқ масалаларни мувофиқлаштиришни;
вазирликлар, идоралар ва бошқа ташкилотларнинг раҳбарлари — масъул ижрочиларнинг мазкур қарори билан тасдиқланган «Йўл хариталари»ни сўзсиз амалга ошириш бўйича кўрилаётган амалий чора-тадбирлар тўғрисидаги ҳисоботларини мунтазам равишда эшитиб боришни;
ташкилотлар — масъул ижрочилар томонидан савдо-иқтисодий ва инвестициявий ҳамкорлик соҳасидаги икки томонлама ҳужжатларни амалга оширишнинг тасдиқланган тармоқ жадвалларига қатъий риоя этилиши устидан назоратни таъминласин.
5. Ўзбекистон Республикаси Вазирлар Маҳкамаси комплекслари, вазирликлар, идоралар ва бошқа ташкилотлар раҳбарлари — масъул ижрочилар ушбу қарор билан тасдиқланган чора-тадбирлар ҳамда лойиҳаларнинг ўз вақтида ва сифатли бажарилишини таъминласинлар ҳамда уларнинг амалга оширилиши тўгрисида Ўзбекистон Республикаси Вазирлар Маҳкамасига ва Ташқи ишлар вазирлигига ҳар ойда ахборот бериб борсин.
6. Ўзбекистон Республикаси Вазирлар Маҳкамаси ва Ташқи ишлар вазирлиги ҳар ойда Ўзбекистон Республикаси Президенти ҳузуридаги Хавфсизлик кенгаши аппаратига ва Ўзбекистон Республикаси Президенти Администрациясига ушбу қарор ҳамда тасдиқланган «Йўл хариталари» бажарилишининг танқидий таҳлилини тақдим этиб борсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрациясининг раҳбари З.Ш. Низомиддинов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 4 октябрь,
ПҚ-3958-сон
Oʻzbekiston Respublikasi Prezidentining
Qarori
Oʻzbekiston Respublikasi bilan Hindiston Respublikasi oʻrtasidagi strategik sheriklikni yanada kengaytirish va mustahkamlash chora-tadbirlari toʻgʻrisida
Oʻzbekiston Respublikasi Prezidentining 2018-yil 30-sentabr — 1-oktabr kunlari Hindiston Respublikasiga qilgan Davlat tashrifi Oʻzbekiston va Hindiston xalqlarining oʻzaro munosabatlari tarixida yangi sahifa ochdi, ikki davlat oʻrtasidagi koʻp tomonlama hamkorlikni rivojlantirish hamda strategik sheriklik va oʻzaro hamjihatlikni yanada mustahkamlashga kuchli turtki berdi.
Doʻstona va konstruktiv muhitda oʻtgan oliy darajadagi samarali muzokaralar, parlament, hukumat va ishbilarmon doiralar vakillari bilan oʻtkazilgan uchraiguvlar tomonlarning Oʻzbekiston bilan Hindiston oʻrtasidagi ikki mamlakat xalqlarining uzoq muddatli manfaatlariga mos keladigan oʻzaro munosabatlarni har tomonlama rivojlantirishga intilayotganligini tasdiqladi.
Hamkorlikning barcha sohalaridagi bahamjihat saʼy-harakatlarni kengaytirish masalalari muhokama etildi va ular yuzasidan qoʻshma qarorlar qabul qilindi. Oʻzbekiston Respublikasi Prezidenti va Hindiston Respublikasi Bosh vazirining Qoʻshma bayonoti qabul qilindi, umumiy qiymati 3,2 mlrd AQSH dollariga teng miqdordagi hukumatlararo va idoralararo 20 ta hujjat hamda investitsiya bitimlari va savdo shartnomalari paketi imzolandi.
Oʻzbekiston Respublikasi bilan Hindiston Respublikasi oʻrtasidagi hamkorlikni yanada rivojlantirish boʻyicha imzolangan ikki tomonlama bitimlar hamda erishilgan ahdlashuvlarning soʻzsiz va toʻla-toʻkis amalga oshirilishini taʼminlash maqsadida:
1. Quyidagilar:
Oʻzbekiston Respublikasi Prezidentining Hindiston Respublikasiga Davlat tashrifi davomida imzolangan ikki tomonlama hujjatlarni amalga oshirish boʻyicha amaliy chora-tadbirlar rejasi (“Yoʻl xaritasi”) 1-ilovaga * muvofiq;
Oʻzbekiston Respublikasi Prezidentining Hindiston Respublikasiga Davlat tashrifi davomida imzolangan savdo shartnomalari va investitsiya bitimlarini amalga oshirish boʻyicha amaliy chora-tadbirlar rejasi (“Yoʻl xaritasi”) 2-ilovaga * muvofiq;
2018 — 2020-yillarda Oʻzbekiston Respublikasi bilan Hindiston Respublikasi oʻrtasidagi koʻp tomonlama hamkorlikni yanada kengaytirish borasida erishilgan axdlashuvlarni amalga oshirish boʻyicha amaliy chora-tadbirlar rejasi (“Yoʻl xaritasi”) 3-ilovaga * muvofiq tasdiqlansin.
2. Oʻzbekiston Respublikasi Vazirlar Mahkamasi uch kun muddatda ushbu qarorning 2-ilovasiga * kiritilgan Oʻzbekiston Respublikasi bilan Hindiston Resiublikasi oʻrtasida savdo-iqtisodiy va investitsiyaviy hamkorlik sohasidagi ikki tomonlama hujjatlarni amalga oshirishning tarmoq jadvallarini tasdiqlasin.
3. Oʻzbekiston Respublikasi Prezidentining 2018-yil 30-sentabr — 1-oktabr kunlari Hindiston Respublikasiga qilgan Davlat tashrifi davomida imzolangan ikki tomonlama bitimlar va erishilgan ahdlashuvlarning oʻz vaqtida va soʻzsiz amalga oshirilishini nazorat qilish boʻyicha Maxsus komissiya 4-ilovaga * muvofiq tuzilsin.
4. Maxsus komissiya (A. Aripov):
5-ilovaga * muvofiq, monitoring va nazoratni taʼminlash mexanizmiga asosan tadbirlar hamda loyihalarning oʻz vaqtida va sifatli bajarilishi ustidan qattiq nazorat hamda tizimli monitoringni tashkil etishni;
siyosiy, savdo-iqtisodiy, transport-kommunikatsiya va madaniy-gumanitar sohalardagi hamkorlikni yanada kengaytirish, shuningdek, mazkur masalalar boʻyicha Hindiston tomoni bilan muntazam va samarali hamkorlikni, jumladan, savdo-iqtisodiy va ilmiy-texnikaviy hamkorlik boʻyicha Hukumatlararo qoʻshma komissiyasi doirasida hamkorlikni yanada kengaytirish yuzasidan imzolangan ikki tomonlama bitimlar va erishilgan ahdlashuvlarni amalga oshirish bilan bogliq masalalarni muvofiqlashtirishni;
vazirliklar, idoralar va boshqa tashkilotlarning rahbarlari — masʼul ijrochilarning mazkur qarori bilan tasdiqlangan “Yoʻl xaritalari”ni soʻzsiz amalga oshirish boʻyicha koʻrilayotgan amaliy chora-tadbirlar toʻgʻrisidagi hisobotlarini muntazam ravishda eshitib borishni;
tashkilotlar — masʼul ijrochilar tomonidan savdo-iqtisodiy va investitsiyaviy hamkorlik sohasidagi ikki tomonlama hujjatlarni amalga oshirishning tasdiqlangan tarmoq jadvallariga qatʼiy rioya etilishi ustidan nazoratni taʼminlasin.
5. Oʻzbekiston Respublikasi Vazirlar Mahkamasi komplekslari, vazirliklar, idoralar va boshqa tashkilotlar rahbarlari — masʼul ijrochilar ushbu qaror bilan tasdiqlangan chora-tadbirlar hamda loyihalarning oʻz vaqtida va sifatli bajarilishini taʼminlasinlar hamda ularning amalga oshirilishi toʻgrisida Oʻzbekiston Respublikasi Vazirlar Mahkamasiga va Tashqi ishlar vazirligiga har oyda axborot berib borsin.
6. Oʻzbekiston Respublikasi Vazirlar Mahkamasi va Tashqi ishlar vazirligi har oyda Oʻzbekiston Respublikasi Prezidenti huzuridagi Xavfsizlik kengashi apparatiga va Oʻzbekiston Respublikasi Prezidenti Administratsiyasiga ushbu qaror hamda tasdiqlangan “Yoʻl xaritalari” bajarilishining tanqidiy tahlilini taqdim etib borsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasining rahbari Z.Sh. Nizomiddinov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 4-oktabr,
PQ-3958-son
Президента Республики Узбекистан
Постановление
О мерах по дальнейшему расширению и укреплению стратегического партнерства между Республикой Узбекистан и Республикой Индия
Государственный визит Президента Республики Узбекистан в Республику Индия 30 сентября — 1 октября 2018 года открыл новую страницу в истории взаимоотношений народов Узбекистана и Индии, дал мощный толчок развитию многопланового сотрудничества и дальнейшему укреплению стратегического партнерства и взаимопонимания между двумя государствами.
Прошедшие в дружественной и конструктивной атмосфере плодотворные переговоры на высшем уровне, встречи с представителями парламента, правительства и деловых кругов подтвердили стремление сторон всесторонне развивать взаимоотношения между Узбекистаном и Индией, отвечающие долгосрочным интересам народов двух стран.
Обсуждены и приняты совместные решения по расширению взаимодействия во всех сферах сотрудничества. Принято Совместное заявление Президента Республики Узбекистан и Премьер-министра Республики Индия, подписаны 20 межправительственных и межведомственных документов, а также пакет инвестиционных соглашений и торговых контрактов на общую сумму 3,2 млрд долл. США.
В целях обеспечения безусловной и полномасштабной реализации подписанных двусторонних соглашений и достигнутых договоренностей по дальнейшему расширению сотрудничества между Республикой Узбекистан и Республикой Индия:
1. Утвердить:
План практических мероприятий («Дорожная карта») по реализации двусторонних документов, подписанных в ходе Государственного визита Президента Республики Узбекистан в Республику Индия, согласно приложению № 1 ;
План практических мероприятий («Дорожная карта») по реализации торговых контрактов и инвестиционных соглашений, подписанных в ходе Государственного визита Президента Республики Узбекистан в Республику Индия, согласно приложению № 2 ;
План практических мероприятий («Дорожная карта») по реализации договоренностей по дальнейшему расширению многопланового сотрудничества между Республикой Узбекистан и Республикой Индия на 2018 — 2020 годы, согласно приложению № 3 .
2. Кабинету Министров Республики Узбекистан в трехдневный срок утвердить сетевые графики реализации двусторонних документов в сфере торгово-экономического и инвестиционного сотрудничества между Республикой Узбекистан и Республикой Индия, включенных в приложение № 2 к настоящему постановлению.
3. Создать Специальную комиссию по контролю за своевременной и безусловной реализацией подписанных двусторонних соглашений и достигнутых договоренностей в ходе Государственного визита Президента Республики Узбекистан в Республику Индия 30 сентября — 1 октября 2018 года, согласно приложению № 4 .
4. Специальной комиссии (А. Арипову) обеспечить:
организацию строгого контроля и системного мониторинга за неукоснительным, своевременным и качественным исполнением мероприятий и проектов в соответствии с механизмом обеспечения мониторинга и контроля, согласно приложению № 5 ;
осуществление координации вопросов, связанных с реализацией подписанных двусторонних соглашений и достигнутых договоренностей по дальнейшему расширению политического, торгово-экономического, транспортно-коммуникационного и культурно-гуманитарного сотрудничества, а также организацию регулярного и эффективного взаимодействия по указанным вопросам с индийской стороной, в том числе в рамках совместной Межправительственной комиссии по торгово-экономическому и научно-техническому сотрудничеству;
регулярное заслушивание отчетов руководителей министерств, ведомств и других организаций — ответственных исполнителей о принимаемых ими практических мерах по безусловной реализации утвержденных настоящим постановлением «Дорожных карт»;
контроль за строгим соблюдением организациями — ответственными исполнителями утвержденных сетевых графиков реализации двусторонних документов в сфере торгово-экономического и инвестиционного сотрудничества.
5. Руководителям комплексов Кабинета Министров Республики Узбекистан, министерств, ведомств и других организаций — ответственных исполнителей обеспечить своевременное и качественное исполнение утвержденных настоящим постановлением мероприятий и проектов и ежемесячно представлять в Кабинет Министров и Министерство иностранных дел Республики Узбекистан информацию о ходе их реализации.
6. Кабинету Министров и Министерству иностранных дел Республики Узбекистан ежемесячно представлять в аппарат Совета безопасности при Президенте Республики Узбекистан и Администрацию Президента Республики Узбекистан критический анализ хода исполнения настоящего постановления и утвержденных «Дорожных карт».
7. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и секретаря Совета безопасности при Президенте Республики Узбекистан В.В. Махмудова
Президент Республики Узбекистан Ш. МИРЗИЁЕВ
г. Ташкент,
4 октября 2018 г.,
№ ПП-3958