📅 2017-yil 13-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 декабря 2017 г. · Постановления Президента
Официальный текст. Официальный документ. Редакционные примечания не включены.
📅 13 December 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ўзбекистон Республикаси қишлоқ хўжалиги ходимлари куни» байрам тадбирида белгиланган вазифалардан келиб чиққан ҳолда, қишлоқ хўжалигининг мавжуд имкониятларидан янада самарали фойдаланиш, соҳада иқтисодий ислоҳотларни янада чуқурлаштириш, илм-фан ютуқлари ва инновацион янгиликларни тизимли жорий этиш ва озиқ-овқат хавфсизлигини таъминлаш бўйича кечиктириб бўлмайдиган чора-тадбирлар тўғрисида
Ўзбекистон Республикасини 2017 — 2021 йилларда янада ривожлантириш бўйича Ҳаракатлар стратегиясида барча соҳалар қатори қишлоқ хўжалигини модернизация қилиш борасида ҳам энг муҳим вазифалар аниқ белгиланган бўлиб, уларнинг изчил амалга оширилиши соҳада эришилаётган муваффақиятларга асос бўлиб хизмат қилмоқда.
Шу билан бирга, қишлоқ хўжалиги соҳасини баркарор ривожлантириш бўйича ўз ечимини кутаётган муаммо ва камчиликлар сақланиб қолмоқда. Жумладан, ер, сув ва моддий-техника ресурсларидан янада оқилона фойдаланиш ҳисобига ишлаб чиқариш ҳажмларини муттасил ошириб боришни таъминлаш, соҳага ресурстежамкор технологияларни жалб этиш, илм-фан ютуқлари ва инновацион янгиликларни тизимли жорий этиш бўйича мавжуд имкониятлардан тўлиқ фойдаланилмаяпти.
2017 йил 9 декабрда ўтказилган «Ўзбекистон Республикаси қишлоқ хўжалиги ходимлари куни» байрам тадбирида белгилаб берилган вазифалардан келиб чиққан ҳолда, қишлоқ хўжалигини янада ривожлантириш, мавжуд имкониятлардан самарали фойдаланиш оркали соҳанинг барча тармоқларида янада юксак натижаларга эришиш, мамлакат аҳолисини озик-овқат маҳсулотлари билан узлуксиз таъминлаш ва кишлок хўжалиги маҳсулотлари экспорт ҳажмларини ошириш, соҳада илм-фан ютуклари ва инновацион янгиликларни кенг жорий этиш ҳамда кадрлар тайёрлаш тизимини тубдан такомиллаштириш мақсадида:
1. «Қишлоқ хўжалигининг мавжуд имкониятларидан самарали фойдаланиш, соҳада иктисодий ислоҳотларни янада чуқурлаштириш ва озиқ-овқат хавфсизлигини таъминлаш юзасидан кечиктириб бўлмайдиган чора-тадбирлар дастури» (кейинги ўринларда Дастур деб аталади) 1-иловага мувофиқ;
Қишлоқ хўжалигининг мавжуд имкониятларидан самарали фойдаланиш, соҳада иқтисодий ислоҳотларни янада чуқурлаштириш ва озиқ-овқат хавфсизлигини таъминлаш юзасидан ишлаб чиқиладиган ҳамда тегишли ўзгартириш ва қўшимчалар киритиладиган меъёрий-ҳуқуқий ҳужжатлар рўйхати 1а-иловага мувофиқ;
Дастурни амалга оширишни мувофиқлаштириш ва назорат килишни ташкил этувчи Республика ишчи гурухи таркиби 2-иловага мувофиқ тасдиқлансин.
2. Ишчи гуруҳи (А. Арипов)га:
уч кун муддатда ишчи гуруҳи билан йигилиш ўтказиб, Дастурда кўзда тутилган вазифаларнинг бажарилишини муҳокама қилиш ва амалий чоралар белгилаш:
Дастурнинг ижросига масъул бўлган Вазирлар Маҳкамаси комплекслари раҳбарлари, вазирликлар ва идоралар раҳбарларининг амалга оширилаётган ишлар юзасидан ҳисоботларини мунтазам равишда эшитиб бориш;
зарур ҳолларда амалга ошириладиган ишларни янада жадаллаштириш бўйича қўшимча чоралар кўриш вазифалари топширилсин.
3. Қоракалпогистон Республикаси Вазирлар Кенгаши, вилоятлар ҳокимликлари тасдикланган Дастурдан келиб чиққан ҳолда, бир ҳафта муддатда ўзларининг «йўл харитаси»ни ишлаб чиқсин ва республика ишчи гуруҳига тасдиқлаш учун киритсин.
4. Вазирликлар, идоралар ва хўжалик бошкарув органлари раҳбарлари мазкур Дастурда белгиланган вазифалар ижросини таъминлаш максадида ўн кун муддатда ўз тармоқ жадвалларини ишлаб чиқсин.
5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Бош вазир ўринбосари — Қишлоқ ва сув хўжалиги вазири З.Т. Мирзаев зиммасига юклансин ҳамда ҳар чоракда эришилган натижалар тўғрисида Ўзбекистон Республикаси Президентига маълумот тақдим этиб борсин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 13 декабрь,
ПҚ-3432-сон
Oʻzbekiston Respublikasi Prezidentining
Qarori
“Oʻzbekiston Respublikasi qishloq xoʻjaligi xodimlari kuni” bayram tadbirida belgilangan vazifalardan kelib chiqqan holda, qishloq xoʻjaligining mavjud imkoniyatlaridan yanada samarali foydalanish, sohada iqtisodiy islohotlarni yanada chuqurlashtirish, ilm-fan yutuqlari va innovatsion yangiliklarni tizimli joriy etish va oziq-ovqat xavfsizligini taʼminlash boʻyicha kechiktirib boʻlmaydigan chora-tadbirlar toʻgʻrisida
Oʻzbekiston Respublikasini 2017 — 2021-yillarda yanada rivojlantirish boʻyicha Harakatlar strategiyasida barcha sohalar qatori qishloq xoʻjaligini modernizatsiya qilish borasida ham eng muhim vazifalar aniq belgilangan boʻlib, ularning izchil amalga oshirilishi sohada erishilayotgan muvaffaqiyatlarga asos boʻlib xizmat qilmoqda.
Shu bilan birga, qishloq xoʻjaligi sohasini barkaror rivojlantirish boʻyicha oʻz yechimini kutayotgan muammo va kamchiliklar saqlanib qolmoqda. Jumladan, yer, suv va moddiy-texnika resurslaridan yanada oqilona foydalanish hisobiga ishlab chiqarish hajmlarini muttasil oshirib borishni taʼminlash, sohaga resurstejamkor texnologiyalarni jalb etish, ilm-fan yutuqlari va innovatsion yangiliklarni tizimli joriy etish boʻyicha mavjud imkoniyatlardan toʻliq foydalanilmayapti.
2017-yil 9-dekabrda oʻtkazilgan “Oʻzbekiston Respublikasi qishloq xoʻjaligi xodimlari kuni” bayram tadbirida belgilab berilgan vazifalardan kelib chiqqan holda, qishloq xoʻjaligini yanada rivojlantirish, mavjud imkoniyatlardan samarali foydalanish orkali sohaning barcha tarmoqlarida yanada yuksak natijalarga erishish, mamlakat aholisini ozik-ovqat mahsulotlari bilan uzluksiz taʼminlash va kishlok xoʻjaligi mahsulotlari eksport hajmlarini oshirish, sohada ilm-fan yutuklari va innovatsion yangiliklarni keng joriy etish hamda kadrlar tayyorlash tizimini tubdan takomillashtirish maqsadida:
1. “Qishloq xoʻjaligining mavjud imkoniyatlaridan samarali foydalanish, sohada iktisodiy islohotlarni yanada chuqurlashtirish va oziq-ovqat xavfsizligini taʼminlash yuzasidan kechiktirib boʻlmaydigan chora-tadbirlar dasturi” (keyingi oʻrinlarda Dastur deb ataladi) 1-ilovaga muvofiq;
Qishloq xoʻjaligining mavjud imkoniyatlaridan samarali foydalanish, sohada iqtisodiy islohotlarni yanada chuqurlashtirish va oziq-ovqat xavfsizligini taʼminlash yuzasidan ishlab chiqiladigan hamda tegishli oʻzgartirish va qoʻshimchalar kiritiladigan meʼyoriy-huquqiy hujjatlar roʻyxati 1a-ilovaga muvofiq;
Dasturni amalga oshirishni muvofiqlashtirish va nazorat kilishni tashkil etuvchi Respublika ishchi guruxi tarkibi 2-ilovaga muvofiq tasdiqlansin.
2. Ishchi guruhi (A. Aripov)ga:
uch kun muddatda ishchi guruhi bilan yigilish oʻtkazib, Dasturda koʻzda tutilgan vazifalarning bajarilishini muhokama qilish va amaliy choralar belgilash:
Dasturning ijrosiga masʼul boʻlgan Vazirlar Mahkamasi komplekslari rahbarlari, vazirliklar va idoralar rahbarlarining amalga oshirilayotgan ishlar yuzasidan hisobotlarini muntazam ravishda eshitib borish;
zarur hollarda amalga oshiriladigan ishlarni yanada jadallashtirish boʻyicha qoʻshimcha choralar koʻrish vazifalari topshirilsin.
3. Qorakalpogiston Respublikasi Vazirlar Kengashi, viloyatlar hokimliklari tasdiklangan Dasturdan kelib chiqqan holda, bir hafta muddatda oʻzlarining “yoʻl xaritasi”ni ishlab chiqsin va respublika ishchi guruhiga tasdiqlash uchun kiritsin.
4. Vazirliklar, idoralar va xoʻjalik boshkaruv organlari rahbarlari mazkur Dasturda belgilangan vazifalar ijrosini taʼminlash maksadida oʻn kun muddatda oʻz tarmoq jadvallarini ishlab chiqsin.
5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Bosh vazir oʻrinbosari — Qishloq va suv xoʻjaligi vaziri Z.T. Mirzayev zimmasiga yuklansin hamda har chorakda erishilgan natijalar toʻgʻrisida Oʻzbekiston Respublikasi Prezidentiga maʼlumot taqdim etib borsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 13-dekabr,
PQ-3432-son