📅 2018-yil 16-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 марта 2018 г. · Постановления Президента
Официальный текст. Официальный документ. Редакционные примечания не включены.
📅 16 March 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Самарқанд вилоятида кичик саноат зоналарини ташкил этиш чора-тадбирлари тўғрисида
Давлат мулки бўлган ва давлат улуши мавжуд хўжалик юритувчи жамиятларнинг ишлаб чиқариш майдонлари ва объектларидан самарали фойдаланиш, инвестицияларни фаол жалб қилиш учун кулай шароитлар яратиш, рақобатбардош замонавий ишлаб чиқаришлар ва кичик корхоналарни ривожлантиришни янада қўллаб-қувватлаш, уларни муҳандислик-коммуникация ва ишлаб чиқариш инфратузилмаси ташкил этилган алоҳида ҳудудларда жойлаштиришни таъминлаш ва шу аснода ишлаб чиқариш соҳасида янги иш ўринлари яратиш ҳамда аҳолининг бандлик ва фаровонлик даражасини ошириш мақсадида:
1. Самарқанд вилояти ҳокимлиги, Ўзбекистон Республикаси Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Самарқанд вилоятида 1-иловага мувофиқ рўйхат бўйича давлат мулки бўлган ва давлат улуши мавжуд хўжалик юритувчи жамиятларнинг фойдаланилмаётган ишлаб чиқариш майдонлари ва объектлари негизида кичик саноат зоналарини (кейинги ўринларда КСЗ деб аталади) ташкил этиш тўғрисидаги таклифига розилик берилсин.
2. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, манфаатдор давлат ва хўжалик бошқаруви органлари билан биргаликда фойдаланилмаётган тегишли ишлаб чиқариш майдонлари ва давлат мулки объектларининг бир ой муддатда Самарқанд вилояти ҳокимлигига белгиланган тартибда ўтказилишини таъминласин, шунингдек, давлат улуши бўлган хўжалик жамиятлари бошқарув органларининг мажлисларида фойдаланилмаётган ишлаб чиқариш майдонлари ва объектларни бюджет хамда бюджетдан ташқари жамғармалар олдидаги солиқ бўйича қарздорлиги, қарздорлик мавжуд бўлмаган ҳолларда устав жамғармаларидаги давлат улуши ва хўжалик жамиятлари бошқарув органларининг улушини бериладиган активларнинг қолдиқ (баланс) қиймати суммасига камайтириш ҳисобидан ушбу қарорнинг 1-иловасига мувофиқ Самарқанд вилояти ҳокимлиги тасарруфига бериш масаласи кўриб чиқилишини таъминласин.
3. Белгилаб қўйилсинки:
КСЗ ҳудудидаги давлат кўчмас мулки тадбиркорлик субъектларига бизнес режаларни бажариш, иш ўринларини яратиш ва сақлаш, барча турдаги солиқлар ва бошқа мажбурий тўловларни ўз вақтида тўлаш шарти билан кейинчалик мулк ҳуқуқи берилган холда 10 йиллик узоқ муддатга ижарага берилади;
КСЗ ҳудудидаги кўчмас давлат мулкидан ижара даврида фойдаланиш учун ижара тўловининг ижарага олинган майдонда амалга оширилаётган фаолият туридан келиб чиқиб, ортиб борадиган коэффициентни кўлламасдан, давлат мулкидан фойдаланиш учун ижара тўловининг энг кам ставкаси белгиланади.
КСЗ ҳудудида инвестиция лойиҳаларини амалга ошириш учун ер участкалари қонунчиликда белгиланган тартибда электрон онлайн-аукцион орқали ажратилади.
4. Самарқанд вилоятининг Эркин иқтисодий ва кичик саноат зоналари маъмурий кенгаши бир ой муддатда КСЗ дирекциясини ташкил этиш чораларини кўрсин.
5. Белгилансинки, КСЗ дирекцияси ва иштирокчиларига 2020 йилнинг 1 февралига қадар улар эгаллаб турган майдондан келиб чиққан ҳолда ҳисобланадиган ер солиғининг белгиланган энг кам — уч баравари миқдоридаги ягона солиқ тўлови бўйича қонунчиликда назарда тутилган талаб татбиқ этилмайди.
6. Ўзбекистон Республикаси Тикланиш ва тараққиёт жамғармаси КСЗда амалга ошириладиган инвестиция лойиҳаларини биргаликда молиялаштириш учун 50 млн. АҚШ доллари миқдоридаги кредит линияларини тижорат банклари орқали икки ой муддатда белгиланган тартибда очсин.
7. Белгилаб қўйилсинки:
Ўзбекистон Республикаси Тикланиш ва тараққиёт жамғармасининг кредит линиялари маблағлари импорт ускуналар ва уларга бутловчи қисмларни харид қилиш учун ажратилади;
кредитлар Ўзбекистон Республикаси Марказий банкининг кредитни қоплаш кунидаги курси бўйича миллий валютада кредитни қоплаш жадвалига мувофиқ амалга оширилади.
8. Самарқанд вилояти кичик саноат зоналарида муҳандислик-коммуникация ва ишлаб чиқариш инфратузилмасини қайта тиклаш ишларининг манзилли рўйхати 2-иловага мувофиқ тасдиқлансин.
Ўзбекистон Республикаси Молия вазирлиги Самарқанд вилояти Эркин иқтисодий ва кичик саноат зоналари маъмурий кенгашининг асосланган ҳисоб-китоблари бўйича қарорнинг 2-иловасига мувофиқ бўлиниш чегарасигача Самарқанд вилояти КСЗларининг муҳандислик-коммуникация ва ишлаб чиқариш инфратузилмасини қайта тиклаш ишларини бажариш учун Ўзбекистон Республикаси Давлат бюджетидан маблағлар ажратсин.
Ўзбекистон Республикаси Уй-жой коммунал хўжалиги вазирлиги, Автомобиль йўллари давлат қўмитаси, «Ўзбекэнерго» АЖ, «Ўзтрансгаз» АЖ, Самарканд вилояти ҳокимлиги бир ой муддатда ушбу қарорнинг 2-иловасига мувофиқ Самарқанд вилояти КСЗда муҳандислик-коммуникация ва ишлаб чиқариш инфратузилмасини қайта тиклаш ишларини амалга ошириш учун тармоқ жадвалларини тасдиқласинлар ва уларнинг сўзсиз бажарилишини таъминласинлар.
9. Самарқанд вилояти Эркин иқтисодий зоналар ва кичик саноат зоналари маъмурий кенгаши белгиланган тартибда Ўзбекистон Республикаси Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Савдо-саноат палатаси ва тижорат банклари билан биргаликда:
Самарқанд вилояти иқтисодиётининг эҳтиёжлари, шунингдек, мавжуд минерал-хом ашё, қишлоқ ҳўжалиги ресурсларини ва инфратузилмани инобатга олган холда Самарқанд вилояти КСЗ ҳудудида импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмларни ишлаб чиқариш корхоналарини жойлаштириш бўйича аниқ таклифлар — «йул хариталари» икки ой муддатда ишлаб чиқилишини:
Самарқанд вилояти КСЗ ҳудудида ўзлаштириш учун таклиф қилинаётган импорт ўрнини босувчи ва экспортга йўналтирилган тайёр маҳсулотлар, материаллар ва бутловчи буюмлар турлари тўғрисидаги маълумотларнинг тадбиркорлик субъектларига етказилишини;
КСЗ ҳудудида лойихаларни амалга ошириш учун тадбиркорлик субъектларини жалб этиш, улар билан тизимли ишлар олиб бориш, шунингдек, Самарқанд вилояти КСЗ ҳудудида ишлаб чиқаришларни жойлаштириш бўйича инвестиция буюртманомаларини сифатли ва ўз вақтида кўриб чиқиш юзасидан чоралар кўрилишини;
Самарқанд вилояти КСЗ ҳудудида ишлаб чиқаришларни ташкил этиш инвестиция лойиҳаларининг бизнес-режаларини ишлаб чиқишда тадбиркорлик субъектларига кўмаклашишни таъминласинлар.
Амалга оширилган чора-тадбирларнинг самарадорлиги ва натижадорлиги тўғрисида Ўзбекистон Республикаси Вазирлар Маҳкамасига 2018 йил 15 июль ва 2019 йил 15 январда ахборот берилсин.
10. Ўзбекистон Республикаси ССЖ Президенти ҳузуридаги Вазирлар Кабинетининг 1990 йил 26 ноябрдаги 409-Ф-сон фармойиши ўз кучини йўқотган деб ҳисоблансин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқарув раиси А.Ж. Раматов, Бош вазир ўринбосари — Инвестициялар бўйича давлат қўмитаси раиси С.Р. Холмурадов, Иқтисодиёт вазири Б.А. Ходжаев, Хусусийлаштирилган корхоналарга кўмаклашиш ва рақобатни ривожлантириш давлат қўмитаси Р.А. Гулямов ва Самарқанд вилояти ҳокими Т.И. Жўраев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 16 март,
ПҚ-3607-сон
Oʻzbekiston Respublikasi Prezidentining
Qarori
Samarqand viloyatida kichik sanoat zonalarini tashkil etish chora-tadbirlari toʻgʻrisida
Davlat mulki boʻlgan va davlat ulushi mavjud xoʻjalik yurituvchi jamiyatlarning ishlab chiqarish maydonlari va obyektlaridan samarali foydalanish, investitsiyalarni faol jalb qilish uchun kulay sharoitlar yaratish, raqobatbardosh zamonaviy ishlab chiqarishlar va kichik korxonalarni rivojlantirishni yanada qoʻllab-quvvatlash, ularni muhandislik-kommunikatsiya va ishlab chiqarish infratuzilmasi tashkil etilgan alohida hududlarda joylashtirishni taʼminlash va shu asnoda ishlab chiqarish sohasida yangi ish oʻrinlari yaratish hamda aholining bandlik va farovonlik darajasini oshirish maqsadida:
1. Samarqand viloyati hokimligi, Oʻzbekiston Respublikasi Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining Samarqand viloyatida 1-ilovaga muvofiq roʻyxat boʻyicha davlat mulki boʻlgan va davlat ulushi mavjud xoʻjalik yurituvchi jamiyatlarning foydalanilmayotgan ishlab chiqarish maydonlari va obyektlari negizida kichik sanoat zonalarini (keyingi oʻrinlarda KSZ deb ataladi) tashkil etish toʻgʻrisidagi taklifiga rozilik berilsin.
2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, manfaatdor davlat va xoʻjalik boshqaruvi organlari bilan birgalikda foydalanilmayotgan tegishli ishlab chiqarish maydonlari va davlat mulki obyektlarining bir oy muddatda Samarqand viloyati hokimligiga belgilangan tartibda oʻtkazilishini taʼminlasin, shuningdek, davlat ulushi boʻlgan xoʻjalik jamiyatlari boshqaruv organlarining majlislarida foydalanilmayotgan ishlab chiqarish maydonlari va obyektlarni budjet xamda budjetdan tashqari jamgʻarmalar oldidagi soliq boʻyicha qarzdorligi, qarzdorlik mavjud boʻlmagan hollarda ustav jamgʻarmalaridagi davlat ulushi va xoʻjalik jamiyatlari boshqaruv organlarining ulushini beriladigan aktivlarning qoldiq (balans) qiymati summasiga kamaytirish hisobidan ushbu qarorning 1-ilovasiga muvofiq Samarqand viloyati hokimligi tasarrufiga berish masalasi koʻrib chiqilishini taʼminlasin.
3. Belgilab qoʻyilsinki:
KSZ hududidagi davlat koʻchmas mulki tadbirkorlik subyektlariga biznes rejalarni bajarish, ish oʻrinlarini yaratish va saqlash, barcha turdagi soliqlar va boshqa majburiy toʻlovlarni oʻz vaqtida toʻlash sharti bilan keyinchalik mulk huquqi berilgan xolda 10 yillik uzoq muddatga ijaraga beriladi;
KSZ hududidagi koʻchmas davlat mulkidan ijara davrida foydalanish uchun ijara toʻlovining ijaraga olingan maydonda amalga oshirilayotgan faoliyat turidan kelib chiqib, ortib boradigan koeffitsiyentni koʻllamasdan, davlat mulkidan foydalanish uchun ijara toʻlovining eng kam stavkasi belgilanadi.
KSZ hududida investitsiya loyihalarini amalga oshirish uchun yer uchastkalari qonunchilikda belgilangan tartibda elektron onlayn-auksion orqali ajratiladi.
4. Samarqand viloyatining Erkin iqtisodiy va kichik sanoat zonalari maʼmuriy kengashi bir oy muddatda KSZ direksiyasini tashkil etish choralarini koʻrsin.
5. Belgilansinki, KSZ direksiyasi va ishtirokchilariga 2020-yilning 1-fevraliga qadar ular egallab turgan maydondan kelib chiqqan holda hisoblanadigan yer soligʻining belgilangan eng kam — uch baravari miqdoridagi yagona soliq toʻlovi boʻyicha qonunchilikda nazarda tutilgan talab tatbiq etilmaydi.
6. Oʻzbekiston Respublikasi Tiklanish va taraqqiyot jamgʻarmasi KSZda amalga oshiriladigan investitsiya loyihalarini birgalikda moliyalashtirish uchun 50 mln. AQSH dollari miqdoridagi kredit liniyalarini tijorat banklari orqali ikki oy muddatda belgilangan tartibda ochsin.
7. Belgilab qoʻyilsinki:
Oʻzbekiston Respublikasi Tiklanish va taraqqiyot jamgʻarmasining kredit liniyalari mablagʻlari import uskunalar va ularga butlovchi qismlarni xarid qilish uchun ajratiladi;
kreditlar Oʻzbekiston Respublikasi Markaziy bankining kreditni qoplash kunidagi kursi boʻyicha milliy valyutada kreditni qoplash jadvaliga muvofiq amalga oshiriladi.
8. Samarqand viloyati kichik sanoat zonalarida muhandislik-kommunikatsiya va ishlab chiqarish infratuzilmasini qayta tiklash ishlarining manzilli roʻyxati 2-ilovaga muvofiq tasdiqlansin.
Oʻzbekiston Respublikasi Moliya vazirligi Samarqand viloyati Erkin iqtisodiy va kichik sanoat zonalari maʼmuriy kengashining asoslangan hisob-kitoblari boʻyicha qarorning 2-ilovasiga muvofiq boʻlinish chegarasigacha Samarqand viloyati KSZlarining muhandislik-kommunikatsiya va ishlab chiqarish infratuzilmasini qayta tiklash ishlarini bajarish uchun Oʻzbekiston Respublikasi Davlat budjetidan mablagʻlar ajratsin.
Oʻzbekiston Respublikasi Uy-joy kommunal xoʻjaligi vazirligi, Avtomobil yoʻllari davlat qoʻmitasi, “Oʻzbekenergo” AJ, “Oʻztransgaz” AJ, Samarkand viloyati hokimligi bir oy muddatda ushbu qarorning 2-ilovasiga muvofiq Samarqand viloyati KSZda muhandislik-kommunikatsiya va ishlab chiqarish infratuzilmasini qayta tiklash ishlarini amalga oshirish uchun tarmoq jadvallarini tasdiqlasinlar va ularning soʻzsiz bajarilishini taʼminlasinlar.
9. Samarqand viloyati Erkin iqtisodiy zonalar va kichik sanoat zonalari maʼmuriy kengashi belgilangan tartibda Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Savdo-sanoat palatasi va tijorat banklari bilan birgalikda:
Samarqand viloyati iqtisodiyotining ehtiyojlari, shuningdek, mavjud mineral-xom ashyo, qishloq hoʻjaligi resurslarini va infratuzilmani inobatga olgan xolda Samarqand viloyati KSZ hududida import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlarni ishlab chiqarish korxonalarini joylashtirish boʻyicha aniq takliflar — “yul xaritalari” ikki oy muddatda ishlab chiqilishini:
Samarqand viloyati KSZ hududida oʻzlashtirish uchun taklif qilinayotgan import oʻrnini bosuvchi va eksportga yoʻnaltirilgan tayyor mahsulotlar, materiallar va butlovchi buyumlar turlari toʻgʻrisidagi maʼlumotlarning tadbirkorlik subyektlariga yetkazilishini;
KSZ hududida loyixalarni amalga oshirish uchun tadbirkorlik subyektlarini jalb etish, ular bilan tizimli ishlar olib borish, shuningdek, Samarqand viloyati KSZ hududida ishlab chiqarishlarni joylashtirish boʻyicha investitsiya buyurtmanomalarini sifatli va oʻz vaqtida koʻrib chiqish yuzasidan choralar koʻrilishini;
Samarqand viloyati KSZ hududida ishlab chiqarishlarni tashkil etish investitsiya loyihalarining biznes-rejalarini ishlab chiqishda tadbirkorlik subyektlariga koʻmaklashishni taʼminlasinlar.
Amalga oshirilgan chora-tadbirlarning samaradorligi va natijadorligi toʻgʻrisida Oʻzbekiston Respublikasi Vazirlar Mahkamasiga 2018-yil 15-iyul va 2019-yil 15-yanvarda axborot berilsin.
10. Oʻzbekiston Respublikasi SSJ Prezidenti huzuridagi Vazirlar Kabinetining 1990-yil 26-noyabrdagi 409-F-son farmoyishi oʻz kuchini yoʻqotgan deb hisoblansin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruv raisi A.J. Ramatov, Bosh vazir oʻrinbosari — Investitsiyalar boʻyicha davlat qoʻmitasi raisi S.R. Xolmuradov, Iqtisodiyot vaziri B.A. Xodjayev, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi R.A. Gulyamov va Samarqand viloyati hokimi T.I. Joʻrayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-mart,
PQ-3607-son
Президента Республики Узбекистан
Постановление
О мерах по созданию малых промышленных зон в Самаркандской области
В целях эффективного использования производственных площадей и объектов государственной собственности и хозяйственных обществ с долей государства, формирования благоприятных условий для активного привлечения инвестиций, дальнейшей поддержки развития новых конкурентоспособных производств и малых предприятий, обеспечения их концентрации на отдельных территориях с подведенной инженерно-коммуникационной и производственной инфраструктурой, создания на этой основе новых рабочих мест в производственной сфере, повышения занятости и благосостояния населения:
1. Согласиться с предложением хокимията Самаркандской области, Министерства экономики Республики Узбекистан, Государственного комитета Республики Узбекистан по содействию приватизированным предприятиям и развитию конкуренции о создании в Самаркандской области малых промышленных зон (далее — МПЗ) на базе неиспользуемых производственных площадей и объектов государственной собственности и хозяйственных обществ с долей государства по перечню согласно приложению № 1 .
2. Государственному комитету Республики Узбекистан по содействию приватизированным предприятиям и развитию конкуренции совместно с заинтересованными органами государственного и хозяйственного управления в месячный срок обеспечить в установленном порядке передачу хокимияту Самаркандской области соответствующих неиспользуемых производственных площадей и объектов государственной собственности, а также инициирование рассмотрения на заседаниях органов управления хозяйственных обществ с долей государства вопросов о передаче хокимияту Самаркандской области неиспользуемых производственных плошадей и объектов согласно приложению № 1 к настоящему постановлению, за счет уменьшения налоговых задолженностей перед бюджетом и внебюджетными фондами на сумму остаточной (балансовой) стоимости передаваемых активов, а в случае отсутствия задолженности — в счет уменьшения доли государства и доли органов хозяйственного управления в их уставных фондах.
3. Установить, что:
недвижимое государственное имущество, находящееся на территории МПЗ, предоставляется субъектам предпринимательства в долгосрочную аренду сроком на 10 лет, с последующим предоставлением права собственности при условии выполнения бизнес-планов, создания и сохранения рабочих мест, своевременной уплаты всех налогов и других обязательных платежей;
за пользование недвижимым государственных имуществом, находящимся на территории МПЗ, в период его аренды устанавливаются минимальные ставки арендной платы, исходя из вида деятельности, осуществляемого на арендуемой площади, без применения повышающих коэффициентов;
земельные участки для реализации инвестиционных проектов на территории МПЗ выделяются посредством электронного онлайн-аукциона в порядке, установленном законодательством.
4. Административному совету свободных экономических зон и малых промышленных зон Самаркандской области в месячный срок принять меры по созданию дирекции МПЗ.
5. Определить, что на дирекцию и участников МПЗ сроком до 1 февраля 2020 года не распространяется действие предусмотренного законодательством требования по уплате единого налогового платежа не ниже установленного минимального размера — трехкратной суммы земельного налога, исчисляемого исходя из занимаемой ими площади.
6. Фонду реконструкции и развития Республики Узбекистан в двухмесячных срок открыть в установленном порядке через коммерческие банки кредитную линию в размере 50 млн. долларов США для софинансирования инвестиционных проектов, реализуемых в МПЗ.
7. Установить что:
средства кредитной линии Фонда реконструкции и развития Республики Узбекистан выделяются на закупку импортного оборудования и комплектующих изделий к ним;
погашение кредитов может осуществляться в национальной валюте по курсу Центрального банка Республики Узбекистан на дату погашения, в соответствии с графиками погашения.
8. Утвердить адресный перечень работ по восстановлению инженерно — коммуникационной и производственной инфраструктуры малых промышленных зон Самаркандской области согласно приложению № 2 .
Министерству финансов Республики Узбекистан по обоснованных расчётам административного совета свободных экономических зон и малых промышленных зон Самаркандской области выделять средства из Государственного бюджета Республики Узбекистан на выполнение работ по восстановлению инженерно-коммуникационной и производственной инфраструктуры МПЗ Самаркандской области до границы раздела согласно приложению № 2 к настоящему постановлению.
Министерству жилищно-коммунального обслуживания Республики Узбекистан, Государственному комитету Республики Узбекистан по автомобильным дорогам, АО «Узбекэнерго», АО «Узтрансгаз», хокимияту Самаркандской области в месячный срок утвердить сетевые графики выполнения работ по восстановлению инженерно-коммуникационной и производственной инфраструктуры МПЗ Самаркандской области согласно приложению № 2 к настоящему постановлению и обеспечить их безусловное исполнение.
9. Административному совету свободных экономических зон и малых промышленных зон Самаркандской области совместно с Министерством экономики Республики Узбекистан, Государственным комитетом Республики Узбекистан по инвестициям, Государственным комитетом Республики Узбекистан по содействию приватизированным предприятиям и развито конкуренции, Торгово-промышленной палатой Узбекистана и коммерческими банками в установленном порядке обеспечить:
в двухмесячный срок разработку конкретных предложений — «дорожных карт» по размещению на территории МПЗ Самаркандской области производств по випуску импортозамешаюших и эскпортоориентированных видов готовой продукции. материалов и комплектующих изделий, с учетом потребности экономики Самаркандской области. а также имеющихся минерально-сырьевых, сельскохозяйственных ресурсов и инфраструктуры;
доведение до субъектов предпринимательства информации о видах импортозамещающих и эскпортоориентированных готовой продукции, материалов и комплектующих изделий, предлагаемых к освоению на территории МПЗ в Самаркандской области;
привлечение к реализации проектов на территории МПЗ субъектов предпринимательства, проведение системной работы с ними, а также качественное и своевременное рассмотрение инвестиционных заявок на размещение производств на территориях МПЗ в Самаркандской области;
оказание содействия субъектам предпринимательства в разработке бизнес — планов инвестиционных проектов по организации производств на территории МПЗ в Самаркандской области.
Об эффективности и результативности принятых мер доложить в Кабинет Министров Республики Узбекистан к 15 июля 2018 года и 15 января 2019 года.
10. Признать утратившим силу распоряжение Кабинета Министров при Президенте Узбекской ССР от 26 ноября 1990 года № 409-р.
11. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова, заместителя Премьер-министра Республики Узбекистан — председателя Государственного комитета Республики Узбекистан по инвестициям С.Р. Холмурадова, министра экономики Республики Узбекистан Б.А. Ходжаева, председателя Государственного комитета Республики Узбекистан по содействию приватизированных предприятиям и развитию конкуренции Р.А. Гулямова и хокима Самаркандской области Т.И. Джураева.
Президент Республики Узбекистан Ш. МИРЗИЁЕВ
г. Ташкент,
16 марта 2018 г.,
№ ПП-3607