UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

ҳисоблаш

ҳисоблаш

ДАЛОЛАТНОМА

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш ва қайтариб сотиб олиш тартиби тўғрисидаги низомни тасдиқлаш ҳақида

Ўзбекистон Республикаси Президентининг «Ўзбекистон Республикасида қимматли металлардан ўлчовли ёмбилар ишлаб чиқаришни ташкил этиш ҳамда қимматли металлар бозори фаолиятини регламентга солиш чора-тадбирлари тўғрисида» 2018 йил 7 июндаги ПҚ-3778-сон қарори ижросини таъминлаш юзасидан Вазирлар Маҳкамаси қарор қилади:

1. Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш ва қайтариб сотиб олиш тартиби тўғрисидаги низом иловага мувофиқ тасдиқлансин.

2. Ўзбекистон Республикаси Марказий банки манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва қамбағалликни қисқартириш масалалари бўйича ўринбосари ― иқтисодий тараққиёт ва камбағалликни қисқартириш вазири Ж.А. Қўчқоров зиммасига юклансин.

Вазирлар Маҳкамасининг 2020 йил 30 июндаги 412-сон қарорига ИЛОВА

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш ва қайтариб сотиб олиш тартиби тўғрисида

1-боб. Умумий қоидалар

1. Ушбу Низом Ўзбекистон Республикасида ишлаб чиқарилган, қимматбаҳо металлардан тайёрланган, Ўзбекистон Республикаси Марказий банки (кейинги ўринларда ― Марказий банк) томонидан муомалага чиқарилган ўлчовли ёмбиларни (кейинги ўринларда ― ёмбилар) Марказий банкнинг ҳудудий бош бошқармалари ва тижорат банклари орқали (кейинги ўринларда ― шахобча) сотиш ва қайтариб сотиб олиш тартибини белгилайди.

2. Техник жиҳатдан тартибга солиш соҳасидаги норматив ҳужжатлар талабларига мос келадиган ёмбилар сотиш ва қайтариб сотиб олиш объекти ҳисобланади.

Ушбу Низом талаблари юридик (шахобчалар бундан мустасно) ва жисмоний шахслар ўртасида қимматбаҳо металлардан тайёрланган ўлчовли ёмбиларни олди-сотди қилиш операцияларига татбиқ этилмайди.

3. Ёмбиларни сотиш ва қайтариб сотиб олиш нархлари Марказий банк бошқаруви томонидан тасдиқланадиган маржа ва чегирмани қўллаш орқали шакллантирилади.

Бунда Марказий банк фойда олиш мақсадини кўзламайди. Маржа ва чегирма миқдорлари халқаро қимматбаҳо металлар бозори конъюнктураси ҳамда ёмбиларни муомалага киритиш билан боғлиқ харажатлардан келиб чиқиб белгиланади.

4. Ёмбиларни юридик ва жисмоний шахсларга сотиш ва улардан қайтариб сотиб олиш ушбу Низомга 1-иловада келтирилган схемага мувофиқ амалга оширилади.

Ёмбиларни сотадиган ва қайтариб сотиб оладиган шахобчалар ва уларнинг манзиллари бўйича маълумотлар Марказий банкнинг расмий веб-сайтида мунтазам янгилаб борилади.

5. Тижорат банклари томонидан ёмбиларни сотиш ва қайтариб сотиб олиш Марказий банк ҳамда тижорат банклари ўртасида тузиладиган шартномалар асосида амалга оширилади.

2-боб. Ёмбиларни сотиш

6. Ёмбилар нақд ва нақд пулсиз ҳисоб-китоб йўли билан сотилади.

7. Ёмбиларни сотиш нархи ушбу Низомга 2-иловага мувофиқ ҳар куни миллий валютада қимматбаҳо металлнинг Марказий банк томонидан белгиланадиган 1 грамм нархи ва Марказий банк бошқаруви томонидан тасдиқланадиган маржага асосан белгиланади ҳамда Марказий банкнинг расмий веб-сайтида эълон қилинади.

3-боб. Ёмбиларни қайтариб сотиб олиш

8. Ёмбиларни қайтариб сотиб олиш нархи ушбу Низомга 3-иловага мувофиқ қимматбаҳо металлнинг ёмбилар топширилган кунда Марказий банк томонидан белгиланадиган 1 грамм нархига ва ушбу нархга қўлланиладиган Марказий банк бошқаруви томонидан тасдиқланадиган чегирмага асосан белгиланади.

Чегирма миқдори бут ҳолатдаги ёмбиларни ҳамда қадоғи бузилган, амалдаги техник талабларга мос келмайдиган ёмбиларни қайтариб сотиб олиш ҳолатлари учун алоҳида белгиланади.

9. Қадоғи бузилмаган бут ҳолатдаги ёмбилар Ўзбекистон Республикаси Молия вазирлиги ҳузуридаги Давлат асиллик даражасини белгилаш палатасида (кейинги ўринларда ― Давлат асиллик даражасини белгилаш палатаси) техник экспертизадан ўтказилмасдан қайтариб сотиб олинади ва шахобча ёмби эгаси билан ҳисоб-китобларни ўша куннинг ўзида амалга оширади.

10. Қайтариб сотиб олишда қадоқнинг бузилиши ёки техник талабларга мос келмаслик ҳолатлари шахобчалар томонидан ёмбиларни Давлат асиллик даражасини белгилаш палатасига техник экспертизадан ўтказиш учун юборишга асос бўлади.

Ёмбиларнинг асиллик даражасини аниқлаш мақсадида ўтказиладиган техник экспертиза учун тўлов Марказий банк томонидан қопланади.

11. Техник экспертизадан ўтказиш зарурати юзага келган ҳолларда, ёмбиларни қайтариб сотиб олиш учун топширган жисмоний шахснинг ёки юридик шахс вакилининг шахсини тасдиқловчи ҳужжат асосида ушбу Низомга 4-иловага мувофиқ ёмбиларни қайтариб сотиб олиш тўғрисида далолатнома расмийлаштирилади.

12. Далолатнома уч нусхада тузилади ва улардан бир нусхаси шахобчада, иккинчи нусхаси ёмби эгасида қолади ҳамда учинчи нусхаси техник экспертиза ўтказилиши учун ёмбилар билан бирга Давлат асиллик даражасини белгилаш палатасига тақдим этилади.

13. Ёмбилар шахобчалар томонидан етти иш кунидан ошмаган муддатда техник экспертиза ўтказиш учун Давлат асиллик даражасини белгилаш палатасига юборилиши керак.

14. Давлат асиллик даражасини белгилаш палатаси томонидан етти иш кунидан ошмаган муддатда техник экспертиза ўтказилади, унинг натижалари ҳақида тузилган далолатнома Марказий банкка ва шахобчага тақдим этилади.

15. Марказий банк Давлат асиллик даражасини белгилаш палатасининг техник экспертиза ўтказилганлиги тўғрисидаги далолатномасини олганидан кейин ушбу ёмбини қайтариб сотиб олган шахобча орқали:

бир иш кунида ёмби эгасига экспертиза натижаси ва ҳисоб-китобни амалга ошириш вақти тўғрисида хабар беради;

уч иш кунидан ошмаган муддатда ёмби эгаси билан ҳисоб-китобни амалга оширади.

4-боб. Ёмбиларнинг асиллик сертификати ва қадоқланиши

16. Ёмбилар уларнинг техник хусусиятларини тасдиқловчи сертификат билан қадоқланган ҳолда муомалага чиқарилади. Ҳар бир ёмби сертификати идентификация серия рақамига эга бўлади ва ушбу рақам ёмбининг юза қисмида кўрсатилади.

17. Қадоғи бузилган ёки қадоқсиз ёмбилар шахобча орқали Марказий банк томонидан белгиланган тўлов асосида қадоқланган ва сертификат берилган ёмбиларга алмаштирилиши мумкин. Қадоқланган ва сертификат берилган ёмбилар йигирма иш куни мобайнида топширилган ёмбини Давлат асиллик даражасини белгилаш палатасида техник экспертизадан ўтказиш орқали берилади.

18. Экспертиза натижасида қалбакилаштириш аломатлари аниқланган ҳолларда, ёмбилар Давлат асиллик даражасини белгилаш палатаси томонидан ҳуқуқни муҳофаза қилувчи органларга топширилади. Ушбу ёмбилар эгаларига қайтариб берилмайди ва қайтариб сотиб олинмайди.

5-боб. Якунловчи қоидалар

19. Ушбу Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш ва қайтариб сотиб олиш тартиби тўғрисидаги низомга 1-ИЛОВА

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш ва қайтариб сотиб олиш

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш ва қайтариб сотиб олиш тартиби тўғрисидаги низомга 2-ИЛОВА

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш нархини

Ўзбекистон Республикасида қимматбаҳо металлардан тайёрланган ўлчовли ёмбиларни сотиш нархи қуйидаги формула асосида ҳисобланади:

∑ ― Ўзбекистон Республикасида қимматбаҳо металлардан тайёрланган ўлчовли ёмби учун сўмда тўланадиган қиймат (вергулдан сўнг икки хонага қадар яхлитланади);

V ― қимматбаҳо металлдан тайёрланган ўлчовли ёмбининг граммдаги оғирлиги;

P G/UZS ― бир грамм қимматбаҳо металлнинг Ўзбекистон Республикаси Марказий банки томонидан сўмда белгиланган нархи;

М ― Ўзбекистон Республикаси Марказий банки томонидан белгиланган маржа миқдори (фоизларда).

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш ва қайтариб сотиб олиш тартиби тўғрисидаги низомга 3-ИЛОВА

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни қайтариб сотиб олиш нархини

Ўзбекистон Республикаси Марказий банкининг қимматбаҳо металлардан тайёрланган ўлчовли ёмбиларни қайтариб сотиб олиш нархи қуйидаги формула асосида ҳисобланади:

∑ ― Ўзбекистон Республикасида қимматбаҳо металлдан тайёрланган ўлчовли ёмбини шахобча томонидан қайтариб сотиб олиш учун сўмда тўланадиган қиймат (вергулдан сўнг икки хонага қадар яхлитланади);

V ― қимматбаҳо металлдан тайёрланган ўлчовли ёмбининг граммдаги оғирлиги;

P G/UZS ― бир грамм қимматбаҳо металлнинг Ўзбекистон Республикаси Марказий банки томонидан сўмда белгиланган нархи;

D ― Ўзбекистон Республикаси Марказий банки томонидан белгиланган чегирма миқдори (фоизларда).

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни сотиш ва қайтариб сотиб олиш тартиби тўғрисидаги низомга 4-ИЛОВА

Ўзбекистон Республикасида ишлаб чиқарилган ва қимматбаҳо металлардан тайёрланган ўлчовли ёмбиларни экспертиза учун топшириш тўғрисида

‎Ўзбекистон Республикасида ишлаб чиқарилган ва қимматбаҳо металлардан ‎тайёрланган ўлчовли ёмбиларни ‎экспертиза учун топшириш тўғрисида ‎ДАЛОЛАТНОМА ‎ ‎‎______________ (тумани) шаҳри ‎‎20___ йил «____» _________ ‎‎ ‎Ушбу далолатнома _________________________________________________________ ‎ ‎ ‎ ‎ ‎ ‎‎(шахобча номи) ‎ ‎ ‎ ______________________________________________________________________________________________________ ‎ ‎ ‎ ‎ ‎‎(ходимнинг Ф.И.О.) ‎ ‎ ‎ ‎ ‎‎томонидан расмийлаштирилди ва _____________________________________________ ‎ ‎ ‎ ‎ ‎ ‎‎(яшаш жойи ёки рўйхатдан ўтган манзили) ‎ ‎‎______________________________________________________________________________________________________ ‎‎‎ ‎___________________________________________________________________________________________________дан ‎‎(жисмоний шахс ёки юридик шахс вакилининг Ф.И.О.) ‎‎қуйидаги қимматбаҳо металлардан тайёрланган ўлчовли ёмбилар экспертизадан ўтказиш учун қабул қилинди: ‎ Т/р Ўлчовли ёмби вазни (граммда) ‎‎ Металл ва асиллик даражаси ‎‎ Сони ‎(рақамлар ва сўзлар билан) 1.‎ ‎‎ ‎‎ ‎‎ 2.‎ ‎‎ ‎‎ ‎‎ 3.‎ ‎‎ ‎‎ ‎‎ ...‎ ‎‎ ‎‎ ‎‎ ‎‎ ‎Мен, ____________________________________________________________________ ‎ ‎ ‎‎(жисмоний шахс ёки юридик шахс вакилининг Ф.И.О.) ‎ ‎‎юқорида кўрсатилган рўйхатни тасдиқлайман ва Ўзбекистон Республикаси Молия вазирлиги ҳузуридаги Давлат асиллик даражасини белгилаш палатаси томонидан техник экспертиза ўтказилишига розилик бераман. ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_____________________‎ ‎ ‎ ‎‎ ________________ ‎ ‎ ‎ (сана)‎ ‎ ‎ ‎ ‎ (имзо‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Қабул қилиб олган ходим ________________ ‎______ ‎ ‎‎________________ ‎ ‎ ‎ ‎ (сана) ‎ ‎ ‎ (имзо)‎ ‎ ‎ ‎ ‎ ‎ ‎ ‎ ‎ ‎ ‎ ‎

Ўзбекистон Республикасининг Бош вазири А. АРИПОВ

Тошкент ш.,

2020 йил 30 июнь,

412-сон

(Қонун ҳужжатлари маълумотлари миллий базаси, 30.06.2020 й., 09/20/412/1005-сон; Қонунчилик маълумотлари миллий базаси, 05.04.2022 й., 09/22/153/0266-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

hisoblash

hisoblash

DALOLATNOMA

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish va qaytarib sotib olish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Oʻzbekiston Respublikasida qimmatli metallardan oʻlchovli yombilar ishlab chiqarishni tashkil etish hamda qimmatli metallar bozori faoliyatini reglamentga solish chora-tadbirlari toʻgʻrisida” 2018-yil 7-iyundagi PQ-3778-son qarori ijrosini taʼminlash yuzasidan Vazirlar Mahkamasi qaror qiladi:

1. Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish va qaytarib sotib olish tartibi toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Markaziy banki manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va qambagʻallikni qisqartirish masalalari boʻyicha oʻrinbosari ― iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.

Vazirlar Mahkamasining 2020-yil 30-iyundagi 412-son qaroriga ILOVA

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish va qaytarib sotib olish tartibi toʻgʻrisida

1-bob. Umumiy qoidalar

1. Ushbu Nizom Oʻzbekiston Respublikasida ishlab chiqarilgan, qimmatbaho metallardan tayyorlangan, Oʻzbekiston Respublikasi Markaziy banki (keyingi oʻrinlarda ― Markaziy bank) tomonidan muomalaga chiqarilgan oʻlchovli yombilarni (keyingi oʻrinlarda ― yombilar) Markaziy bankning hududiy bosh boshqarmalari va tijorat banklari orqali (keyingi oʻrinlarda ― shaxobcha) sotish va qaytarib sotib olish tartibini belgilaydi.

2. Texnik jihatdan tartibga solish sohasidagi normativ hujjatlar talablariga mos keladigan yombilar sotish va qaytarib sotib olish obyekti hisoblanadi.

Ushbu Nizom talablari yuridik (shaxobchalar bundan mustasno) va jismoniy shaxslar oʻrtasida qimmatbaho metallardan tayyorlangan oʻlchovli yombilarni oldi-sotdi qilish operatsiyalariga tatbiq etilmaydi.

3. Yombilarni sotish va qaytarib sotib olish narxlari Markaziy bank boshqaruvi tomonidan tasdiqlanadigan marja va chegirmani qoʻllash orqali shakllantiriladi.

Bunda Markaziy bank foyda olish maqsadini koʻzlamaydi. Marja va chegirma miqdorlari xalqaro qimmatbaho metallar bozori konyunkturasi hamda yombilarni muomalaga kiritish bilan bogʻliq xarajatlardan kelib chiqib belgilanadi.

4. Yombilarni yuridik va jismoniy shaxslarga sotish va ulardan qaytarib sotib olish ushbu Nizomga 1-ilovada keltirilgan sxemaga muvofiq amalga oshiriladi.

Yombilarni sotadigan va qaytarib sotib oladigan shaxobchalar va ularning manzillari boʻyicha maʼlumotlar Markaziy bankning rasmiy veb-saytida muntazam yangilab boriladi.

5. Tijorat banklari tomonidan yombilarni sotish va qaytarib sotib olish Markaziy bank hamda tijorat banklari oʻrtasida tuziladigan shartnomalar asosida amalga oshiriladi.

2-bob. Yombilarni sotish

6. Yombilar naqd va naqd pulsiz hisob-kitob yoʻli bilan sotiladi.

7. Yombilarni sotish narxi ushbu Nizomga 2-ilovaga muvofiq har kuni milliy valyutada qimmatbaho metallning Markaziy bank tomonidan belgilanadigan 1 gramm narxi va Markaziy bank boshqaruvi tomonidan tasdiqlanadigan marjaga asosan belgilanadi hamda Markaziy bankning rasmiy veb-saytida eʼlon qilinadi.

3-bob. Yombilarni qaytarib sotib olish

8. Yombilarni qaytarib sotib olish narxi ushbu Nizomga 3-ilovaga muvofiq qimmatbaho metallning yombilar topshirilgan kunda Markaziy bank tomonidan belgilanadigan 1 gramm narxiga va ushbu narxga qoʻllaniladigan Markaziy bank boshqaruvi tomonidan tasdiqlanadigan chegirmaga asosan belgilanadi.

Chegirma miqdori but holatdagi yombilarni hamda qadogʻi buzilgan, amaldagi texnik talablarga mos kelmaydigan yombilarni qaytarib sotib olish holatlari uchun alohida belgilanadi.

9. Qadogʻi buzilmagan but holatdagi yombilar Oʻzbekiston Respublikasi Moliya vazirligi huzuridagi Davlat asillik darajasini belgilash palatasida (keyingi oʻrinlarda ― Davlat asillik darajasini belgilash palatasi) texnik ekspertizadan oʻtkazilmasdan qaytarib sotib olinadi va shaxobcha yombi egasi bilan hisob-kitoblarni oʻsha kunning oʻzida amalga oshiradi.

10. Qaytarib sotib olishda qadoqning buzilishi yoki texnik talablarga mos kelmaslik holatlari shaxobchalar tomonidan yombilarni Davlat asillik darajasini belgilash palatasiga texnik ekspertizadan oʻtkazish uchun yuborishga asos boʻladi.

Yombilarning asillik darajasini aniqlash maqsadida oʻtkaziladigan texnik ekspertiza uchun toʻlov Markaziy bank tomonidan qoplanadi.

11. Texnik ekspertizadan oʻtkazish zarurati yuzaga kelgan hollarda, yombilarni qaytarib sotib olish uchun topshirgan jismoniy shaxsning yoki yuridik shaxs vakilining shaxsini tasdiqlovchi hujjat asosida ushbu Nizomga 4-ilovaga muvofiq yombilarni qaytarib sotib olish toʻgʻrisida dalolatnoma rasmiylashtiriladi.

12. Dalolatnoma uch nusxada tuziladi va ulardan bir nusxasi shaxobchada, ikkinchi nusxasi yombi egasida qoladi hamda uchinchi nusxasi texnik ekspertiza oʻtkazilishi uchun yombilar bilan birga Davlat asillik darajasini belgilash palatasiga taqdim etiladi.

13. Yombilar shaxobchalar tomonidan yetti ish kunidan oshmagan muddatda texnik ekspertiza oʻtkazish uchun Davlat asillik darajasini belgilash palatasiga yuborilishi kerak.

14. Davlat asillik darajasini belgilash palatasi tomonidan yetti ish kunidan oshmagan muddatda texnik ekspertiza oʻtkaziladi, uning natijalari haqida tuzilgan dalolatnoma Markaziy bankka va shaxobchaga taqdim etiladi.

15. Markaziy bank Davlat asillik darajasini belgilash palatasining texnik ekspertiza oʻtkazilganligi toʻgʻrisidagi dalolatnomasini olganidan keyin ushbu yombini qaytarib sotib olgan shaxobcha orqali:

bir ish kunida yombi egasiga ekspertiza natijasi va hisob-kitobni amalga oshirish vaqti toʻgʻrisida xabar beradi;

uch ish kunidan oshmagan muddatda yombi egasi bilan hisob-kitobni amalga oshiradi.

4-bob. Yombilarning asillik sertifikati va qadoqlanishi

16. Yombilar ularning texnik xususiyatlarini tasdiqlovchi sertifikat bilan qadoqlangan holda muomalaga chiqariladi. Har bir yombi sertifikati identifikatsiya seriya raqamiga ega boʻladi va ushbu raqam yombining yuza qismida koʻrsatiladi.

17. Qadogʻi buzilgan yoki qadoqsiz yombilar shaxobcha orqali Markaziy bank tomonidan belgilangan toʻlov asosida qadoqlangan va sertifikat berilgan yombilarga almashtirilishi mumkin. Qadoqlangan va sertifikat berilgan yombilar yigirma ish kuni mobaynida topshirilgan yombini Davlat asillik darajasini belgilash palatasida texnik ekspertizadan oʻtkazish orqali beriladi.

18. Ekspertiza natijasida qalbakilashtirish alomatlari aniqlangan hollarda, yombilar Davlat asillik darajasini belgilash palatasi tomonidan huquqni muhofaza qiluvchi organlarga topshiriladi. Ushbu yombilar egalariga qaytarib berilmaydi va qaytarib sotib olinmaydi.

5-bob. Yakunlovchi qoidalar

19. Ushbu Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish va qaytarib sotib olish tartibi toʻgʻrisidagi nizomga 1-ILOVA

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish va qaytarib sotib olish

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish va qaytarib sotib olish tartibi toʻgʻrisidagi nizomga 2-ILOVA

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish narxini

Oʻzbekiston Respublikasida qimmatbaho metallardan tayyorlangan oʻlchovli yombilarni sotish narxi quyidagi formula asosida hisoblanadi:

∑ ― Oʻzbekiston Respublikasida qimmatbaho metallardan tayyorlangan oʻlchovli yombi uchun soʻmda toʻlanadigan qiymat (verguldan soʻng ikki xonaga qadar yaxlitlanadi);

V ― qimmatbaho metalldan tayyorlangan oʻlchovli yombining grammdagi ogʻirligi;

P G/UZS ― bir gramm qimmatbaho metallning Oʻzbekiston Respublikasi Markaziy banki tomonidan soʻmda belgilangan narxi;

M ― Oʻzbekiston Respublikasi Markaziy banki tomonidan belgilangan marja miqdori (foizlarda).

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish va qaytarib sotib olish tartibi toʻgʻrisidagi nizomga 3-ILOVA

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni qaytarib sotib olish narxini

Oʻzbekiston Respublikasi Markaziy bankining qimmatbaho metallardan tayyorlangan oʻlchovli yombilarni qaytarib sotib olish narxi quyidagi formula asosida hisoblanadi:

∑ ― Oʻzbekiston Respublikasida qimmatbaho metalldan tayyorlangan oʻlchovli yombini shaxobcha tomonidan qaytarib sotib olish uchun soʻmda toʻlanadigan qiymat (verguldan soʻng ikki xonaga qadar yaxlitlanadi);

V ― qimmatbaho metalldan tayyorlangan oʻlchovli yombining grammdagi ogʻirligi;

P G/UZS ― bir gramm qimmatbaho metallning Oʻzbekiston Respublikasi Markaziy banki tomonidan soʻmda belgilangan narxi;

D ― Oʻzbekiston Respublikasi Markaziy banki tomonidan belgilangan chegirma miqdori (foizlarda).

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni sotish va qaytarib sotib olish tartibi toʻgʻrisidagi nizomga 4-ILOVA

Oʻzbekiston Respublikasida ishlab chiqarilgan va qimmatbaho metallardan tayyorlangan oʻlchovli yombilarni ekspertiza uchun topshirish toʻgʻrisida

‎Oʻzbekiston Respublikasida ishlab chiqarilgan va qimmatbaho metallardan ‎tayyorlangan oʻlchovli yombilarni ‎ekspertiza uchun topshirish toʻgʻrisida ‎DALOLATNOMA ‎ ‎‎______________ (tumani) shahri ‎‎20___ yil “____” _________ ‎‎ ‎Ushbu dalolatnoma _________________________________________________________ ‎ ‎ ‎ ‎ ‎ ‎‎(shaxobcha nomi) ‎ ‎ ‎ ______________________________________________________________________________________________________ ‎ ‎ ‎ ‎ ‎‎(xodimning F.I.O.) ‎ ‎ ‎ ‎ ‎‎tomonidan rasmiylashtirildi va _____________________________________________ ‎ ‎ ‎ ‎ ‎ ‎‎(yashash joyi yoki roʻyxatdan oʻtgan manzili) ‎ ‎‎______________________________________________________________________________________________________ ‎‎‎ ‎___________________________________________________________________________________________________dan ‎‎(jismoniy shaxs yoki yuridik shaxs vakilining F.I.O.) ‎‎quyidagi qimmatbaho metallardan tayyorlangan oʻlchovli yombilar ekspertizadan oʻtkazish uchun qabul qilindi: ‎ T/r Oʻlchovli yombi vazni (grammda) ‎‎ Metall va asillik darajasi ‎‎ Soni ‎(raqamlar va soʻzlar bilan) 1.‎ ‎‎ ‎‎ ‎‎ 2.‎ ‎‎ ‎‎ ‎‎ 3.‎ ‎‎ ‎‎ ‎‎ ...‎ ‎‎ ‎‎ ‎‎ ‎‎ ‎Men, ____________________________________________________________________ ‎ ‎ ‎‎(jismoniy shaxs yoki yuridik shaxs vakilining F.I.O.) ‎ ‎‎yuqorida koʻrsatilgan roʻyxatni tasdiqlayman va Oʻzbekiston Respublikasi Moliya vazirligi huzuridagi Davlat asillik darajasini belgilash palatasi tomonidan texnik ekspertiza oʻtkazilishiga rozilik beraman. ‎ ‎ ‎ ‎ ‎ ‎ ‎ ‎ ‎ ‎ ‎ ‎‎_____________________‎ ‎ ‎ ‎‎ ________________ ‎ ‎ ‎ (sana)‎ ‎ ‎ ‎ ‎ (imzo‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎Qabul qilib olgan xodim ________________ ‎______ ‎ ‎‎________________ ‎ ‎ ‎ ‎ (sana) ‎ ‎ ‎ (imzo)‎ ‎ ‎ ‎ ‎ ‎ ‎ ‎ ‎ ‎ ‎ ‎

Oʻzbekiston Respublikasining Bosh vaziri A. ARIPOV

Toshkent sh.,

2020-yil 30-iyun,

412-son

(Qonun hujjatlari maʼlumotlari milliy bazasi, 30.06.2020-y., 09/20/412/1005-son; Qonunchilik maʼlumotlari milliy bazasi, 05.04.2022-y., 09/22/153/0266-son)

lex.uz