📅 2020-yil 30-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 30 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 июня 2020 г. · Постановления Президента
Официальный текст. Официальный документ. Редакционные примечания не включены.
📅 30 June 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
РЎЙХАТИ
Аҳоли томорқаларидан фойдаланиш самарадорлигини оширишнинг қўшимча чора-тадбирлари тўғрисида
Сўнгги йилларда республикада деҳқон хўжаликлари ва томорқа ер эгаларига ажратилган майдонлардан самарали фойдаланиш, уларнинг ҳуқуқлари ва қонуний манфаатларини ҳимоя қилиш, қишлоқ аҳолисининг бандлиги ва турмуш даражасини ошириш бўйича тизимли ишлар амалга оширилмоқда.
Томорқа ерларидан самарали фойдаланиш, «Томорқа хизмати» МЧЖ моддий-техника базасини мустаҳкамлаш, фаолиятини янада кенгайтириш ва аҳоли томорқаларини хизматлари билан қамраб олиш даражасини ошириш, шунингдек маҳсулотларни экспорт қилиш имкониятларини янада кўпайтириш мақсадида:
1. Ўзбекистон фермер, деҳқон хўжаликлари ва томорқа ер эгалари кенгаши, Ўзбекистон Республикаси Иқтисодий тараққиёт ва камбағалликни қисқартириш вазирлиги, Қорақалпоғистон Республикаси Вазирлар Кенгаши ва вилоятлар ҳокимликларининг:
аҳоли томорқаларига кафолатланган кўчат ва уруғларни тизимли етказиб беришни ташкил этиш учун «Томорқа хизмати» МЧЖларга иссиқхона, совутгичли омборхоналар, чорвачилик мажмуалари қуриш учун асосланган ҳисоб-китобларга мувофиқ ер майдони ажратиш;
«Томорқа хизмати» МЧЖлар кузатув кенгашлари таркибига, туман маҳалла ва оилани қўллаб-қувватлаш бўлими бошлиғи, туман фермер, деҳқон хўжаликлари ва томорқа ер эгалари кенгаши раиси аъзо бўлиб киришлари;
аҳоли томорқаларига кафолатланган кўчат ва уруғларни тизимли етказиб бериш, маҳсулотларни сотишни ташкил қилиш учун вилоятлар ва туман (шаҳар)лар марказий деҳқон бозорларида, аҳоли гавжум пунктларида «Томорқа хизмати» МЧЖлар учун махсус савдо майдонларини ажратиш тўғрисидаги таклифлари маъқуллансин.
2. Ўзбекистон фермер, деҳқон хўжаликлари ва томорқа ер эгалари кенгаши Фермер, деҳқон хўжаликлари ва томорқа ер эгаларини қўллаб-қувватлаш жамғармаси маблағлари ҳисобидан:
1-иловада келтирилган кластер усулида фаолият юритадиган «Томорқа хизмати» МЧЖларга 3 йил муддатга кредит ёки уларнинг устав капиталига кейинчалик сотиш ҳуқуқи билан улуш ажратсин;
аҳоли томорқаларида етиштирилган қишлоқ хўжалиги маҳсулотларини сақлаш учун 20 — 30 тонналик кичик ҳажмли совутгичлар барпо этиш учун кредит ажратсин;
тижорат банклари билан биргаликда Ўзбекистон Республикаси Марказий банкининг асосий ставкасида уч ой имтиёзли давр билан бир йил муддатга 4 фоиз банк маржасини ҳисобга олган ҳолда аҳоли томорқаларидан самарали фойдаланиш йўналишида 2 миллион сўмгача Оилавий тадбиркорлик маркази хулосасисиз Оn-line тарзда томорқа ер эгаларига микрокредитлар ажратиш механизмини жорий этсин.
4. Ўзбекистон Республикаси Молия вазирлиги 2020 йилда Инқирозга қарши курашиш жамғармаси ҳисобидан, 2021 йилда Ўзбекистон Республикаси Давлат бюджетидан Вазирлар Маҳкамаси томонидан белгиланадиган тартиб асосида камида 30 та аҳоли томорқаларини суғориш учун ер ости сувларига қудуқларни бурғулаш харажатларининг 70 фоизини, бироқ 120 миллион сўмдан ошмайдиган қисмини қоплашга субсидия ажратсин.
5. 2022 йил 1 январга қадар 2-иловага мувофиқ товарларни олиб киришда божхона божининг (божхона расмийлаштируви учун тўлов ва қўшилган қиймат солиғидан ташқари) ноль ставкалари белгилансин.
6. «Ўзбекчорванасл» агентлиги бир ой муддатда цистернада автоматлашган сут ҳажмини ўлчаш ва тозалаш механизмига эга сут маҳсулотлари йиғиш машиналари ҳамда мотокультиваторларга бўлган талабни ҳисобга олган ҳолда «Ўзавтосаноат» АЖга техник вазифани киритсин.
«Ўзавтосаноат» АЖ «Ўзбекчорванасл» агентлигининг техник вазифаси асосида, бир ой муддатда цистернада автоматлашган сут ҳажмини ўлчаш ва тозалаш механизмига эга сут маҳсулотлари йиғиш машиналари ҳамда мотокультиваторларни маҳаллийлаштириш бўйича аниқ чораларни кўрсин.
7. Белгилаб қўйилсинки:
Камбағалликни қисқартириш ва бандлик вазирлиги Ўзбекистон маҳаллалари уюшмаси, Сув хўжалиги вазирлиги билан биргаликда ҳар йили 1 январь ва 1 июлга қадар сув таъминоти оғир ҳудудлардаги аҳоли томорқаларида қазиладиган қудуқларнинг манзилли дастурини шакллантиради ва тасдиқлайди;
лойиҳа ташаббускорларига белгиланган тартибда тасдиқланадиган рўйхатга асосан ажратиладиган субсидиялар 2026 йил 1 январга қадар Ўзбекистон Республикаси Давлат бюджетидан, 2026 йил 1 январдан бошлаб Камбағалликни қисқартириш ва бандлик вазирлиги ҳузуридаги Деҳқон хўжаликлари ва томорқа ер эгалари фаолиятини қўллаб-қувватлаш жамғармаси маблағлари ҳисобидан молиялаштирилади.
8. Қишлоқ хўжалиги вазирлиги:
бир ой муддатда тупроқ-иқлим хусусиятларидан келиб чиқиб, қишлоқ хўжалик экинларининг уруғ ва кўчатларини ҳудудлар кесимида экиш, етиштириш ва сифатли маҳсулот олиш бўйича тавсиялар ишлаб чиқилишини ва жойларга етказилишини;
2021 йил 1 январга қадар Фарғона вилоятида «Томорқа хизмати» МЧЖ таклифлари асосида Тошкент давлат аграр университети ва унинг филиаллари ҳузуридаги «Ахборот-маслаҳат марказ»лари (Extension center) ҳамда «In-vitro» лабораторияси томонидан ҳудудларнинг тупроқ-иқлим шароитларидан келиб чиқиб, қишлоқ хўжалиги экинларининг уруғлари ва кўчатларини тайёрлаш, етказиб бериш, ўсимликларни касаллик ва зараркунандалардан ҳимоя қилиш ҳамда етиштириш агротехникаси, қишлоқ хўжалиги маҳсулотларини сақлаш ва қайта ишлаш юзасидан маслаҳат ва тавсиялар бериш бўйича хизматларни шартнома асосида ташкил этилишини таъминласин.
9. Ўзбекистон Республикаси Маҳалла ва оилани қўллаб-қувватлаш вазирлиги Ўзбекистон фермер, деҳқон хўжаликлари ва томорқа ер эгалари кенгаши билан биргаликда аҳоли ўртасида тушунтириш ишларини олиб бориб, коронавирус пандемиясининг салбий оқибатларини юмшатиш мақсадида озиқ-овқат маҳсулотлари ишлаб чиқариш ҳажмини ошириш учун аҳоли томорқаларидан самарали фойдаланган ҳолда икки марта ҳосил олиш ишларини ташкил этсин.
10. Тошкент давлат аграр университети, Фарғона вилояти Қува туманидаги Томорқа ер участкаларини ривожлантириш илмий-амалий маркази «Томорқа хизмати» МЧЖлар таклифлари асосида уларнинг ходимларини ва бирга ишловчи томорқа ер эгаларининг малакасини оширишни тизимли ташкил этсин.
11. Ўзбекистон Республикаси Президенти ва Ҳукуматининг айрим ҳужжатларига 3-иловага мувофиқ ўзгартириш ва қўшимчалар киритилсин.
12. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ў.И. Барноев ҳамда Ўзбекистон фермер, деҳқон хўжаликлари ва томорқа ер эгалари кенгаши раиси А. Хаитов зиммасига юклансин.
Ўзбекистон Республикаси Президентининг 2020 йил 30 июндаги ПҚ-4767-сон қарорига 1-ИЛОВА
Кластер усулида фаолият юритадиган «Томорқа хизмати» МЧЖлар
Т/р Номланиши Қорақалпоғистон Республикаси 1. «Бозатов томорқа хизмати» МЧЖ 2. «Амударё томорқа хизмати» МЧЖ Андижон вилояти 3. «Дардоқ томорқа хизмати» МЧЖ 4. «Балиқчи томорқа хизмати» МЧЖ Бухоро вилояти 5. «Ромитан томорқа хизмати» МЧЖ 6. «Жондор томорқа хизмати» МЧЖ Жиззах вилояти 7. «Янгиобод томорқа хизмати» МЧЖ Қашқадарё вилояти 8. «Касби томорқа хизмати» МЧЖ 9. «Бишкент томорқа хизмати» МЧЖ Навоий вилояти 10. «Кармана-2 томорқа хизмати» МЧЖ 11. «Нурота томорқа хизмати» МЧЖ Наманган вилояти 12. «Чуст томорқа хизмати» МЧЖ 13. «Радивон цитрус меваси томорқа хизмати» МЧЖ 14 . «Кушон агро томорқа хизмати» МЧЖ 15 . «Golden nuts Namangan томорқа хизмати» МЧЖ 16 . «Уйчи обод замин томорқа хизмати» МЧЖ Самарқанд вилояти 17. «Жомбой кўчатчилик томорқа хизмати» МЧЖ Сирдарё вилояти 18 . «ДМ Агрико томорқа хизмати» МЧЖ Сурхондарё вилояти 19. «Музработ томорқа хизмати» МЧЖ 20. «Бест Гарден томорқа хизмати» МЧЖ Тошкент вилояти 21. «Бирлик томорқа хизмати» МЧЖ 22. «TNA AGRO INVEST томорқа хизмати» МЧЖ Фарғона вилояти 23. «Арамати Багдада томорқа хизмати» МЧЖ Хоразм вилояти 24. «Янгиариқ томорқа хизмати» МЧЖ 25. «Мақсуд, Манзура томорқа хизмати» МЧЖ
Ўзбекистон Республикаси Президентининг 2020 йил 30 июндаги ПҚ-4767-сон қарорига 2-ИЛОВА
2022 йил 1 январга қадар товарларни олиб киришда божхона божининг (божхона расмийлаштируви учун тўлов ва қўшилган қиймат солиғидан ташқари) ноль ставкаси белгиланадиган техника ва ускуналар
Т/р Товарлар номи ТИФ ТН коди 1. Автомобиль рефрижераторлари 8716 39 300 2 2. Мотокультиваторлар 8432 29 100 0 3. Инкубатор ва брудерлар 8436 21 000 0 4. Бир ўқли тракторлар 8701 10 000 0 5. Минитракторлар минитракторлар — 8701 91 100 0 — 8701 94 100 0
Ўзбекистон Республикаси Президентининг 2020 йил 30 июндаги ПҚ-4767-сон қарорига 3-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 26 апрелдаги «Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида»ги ПҚ-3680-сон қарорида :
а) 6-бандда :
иккинчи хатбошида «ва бошқа воситалар етказиб бериш» сўзлари «, чорва моллари, парранда, қуён, асалари уяси, балиқ, қишлоқ хўжалик техникалари ҳамда эҳтиёт қисмлари, омухта ем, минерал ўғитлар, ўсимликларни ҳимоя қилиш учун кимёвий воситалар ва асбоб ускуналар етказиб бериш, шунингдек, иссиқхоналар қуриб бериш» сўзлари билан алмаштирилсин;
бешинчи хатбоши қуйидаги таҳрирда баён этилсин:
«фермер, деҳқон хўжаликлари ва томорқа ер эгаларидан харид қилинган, шунингдек, ўз майдонларида етиштирилган қишлоқ хўжалиги маҳсулотларини саралаш, тайёрлаш, сақлаш, қайта ишлаш, қуритиш, қадоқлаш, тайёр маҳсулотлар ишлаб чиқариш ва уларни ички ва ташқи бозорларда сотиш ҳамда экспорт қилиш»;
б) 9-банднинг «б» кичик бандида :
учинчи хатбошидаги «2 йил» сўзлари «3 йил» сўзлари билан алмаштирилсин;
еттинчи хатбоши «2020 йил 1 июлдан бошлаб кредитлар Ўзбекистон Республикаси Марказий банкининг асосий ставкасида 4 фоизлик банк маржасини ҳисобга ҳолда олган ажратилади» сўзлари билан тўлдирилсин;
қуйидаги мазмундаги саккизинчи хатбоши билан тўлдирилсин:
«мева-сабзавотларни қайта ишлаш (қуритиш) корхоналари, совутиш омборхоналари, чорвачилик комплекслари, иссиқхона мажмуалари қурилишига, интенсив боғлар ва токзорлар барпо этилишига, қишлоқ хўжалигида занжирли ишлаб чиқаришни йўлга қўйиб, якуний маҳсулот ишлаб чиқаришга ихтисослашган, жумладан, омухта ем тайёрлаш, сутни қайта ишлаш, томат паста ишлаб чиқариш, минерал ўғитлар тайёрлаш, ўсимликларга кимёвий ишлов бериш, қадоқлаш ва саралаш ускуналарини келтиришга»;
саккизинчи — ўн биринчи хатбошилар тегишинча тўққизинчи — ўн иккинчи хатбошилар деб ҳисоблансин;
қуйидаги мазмундаги ўн учинчи хатбоши билан тўлдирилсин:
«Мазкур «б» кичик бандининг саккизинчи хатбошида келтирилган объектлар фермер, деҳқон хўжалиги ва томорқа ер эгалари, шунингдек, «Томорқа хизмати» МЧЖлар ва бошқа қишлоқ хўжалиги ишлаб чиқарувчиларига Жамғармадан белгиланган тартибда ажратиладиган кредитлар эвазига ва лизинг тўловлари асосида мазкур объектларнинг ўзини гаровга қўйиш ҳуқуқи асосида Жамғарма томонидан баланс қийматида сотилади. Уларни қуриш, харид қилиш ва сотиш тартиби Жамғарма Васийлик кенгаши томонидан тасдиқланади».
2. Вазирлар Маҳкамасининг 2018 йил 7 июндаги «Ўзбекистон фермер, деҳқон хўжаликлари ва томорқа ер эгалари кенгаши ҳузуридаги Фермер, деҳқон хўжаликлари ва томорқа ер эгаларини қўллаб-қувватлаш жамғармаси фаолиятини ташкил этиш тўғрисида»ги 433-сон қарорида :
а) 1-банднинг еттинчи хатбошиси «маблағлари ҳисобига» сўзларидан кейин «шакллантирилган ва» сўзлари билан тўлдирилсин;
б) 3-иловада :
14-банддаги «иккита» сўзи «ўн бешта» сўзлари билан алмаштирилсин;
15-бандда :
иккинчи хатбошидан «ҳамда 150 миллиард сўм» сўзлари чиқариб ташлансин;
қуйидаги мазмундаги еттинчи хатбоши билан тўлдирилсин:
«Жамғармага келиб тушган маблағлар унинг ўз маблағлари ҳисобланади ва Жамғарманинг Васийлик кенгаши томонидан тасдиқланадиган даромадлар ва харажатлар сметаси асосида сарфланади»;
17-бандда :
учинчи хатбоши «2020 йил 1 январдан бошлаб ресурсларни ажратиш» сўзларидан сўнг, «3 йил муддатга, шу жумладан 6 ойлик имтиёзли давр билан» сўзлари билан тўлдирилсин;
еттинчи хатбоши «2020 йил 1 июлдан бошлаб кредитлар Ўзбекистон Республикаси Марказий банкининг асосий ставкасида 4 фоизлик банк маржасини ҳисобга олган ҳолда ажратилади» сўзлари билан тўлдирилсин;
қуйидаги мазмундаги ўн биринчи — ўн тўртинчи хатбошилар билан тўлдирилсин:
«тижорат банклари орқали Ўзбекистон Республикаси Марказий банкининг асосий ставкасида уч ой имтиёзли давр билан бир йил муддатга 4 фоиз банк маржасини ҳисобга олган ҳолда томорқадан самарали фойдаланиш йўналишида 2 миллион сўмгача Оилавий тадбиркорлик маркази хулосасисиз Оn-line тарзда томорқа ер эгаларига микрокредитлар ажратишга;
мева-сабзавотларни қайта ишлаш (қуритиш) корхоналари, совутиш омборхоналари, чорвачилик комплекслари, иссиқхона мажмуалари қурилишига, интенсив боғлар ва токзорлар барпо этилишига, қишлоқ хўжалигида занжирли ишлаб чиқаришни йўлга қўйиб, якуний маҳсулот ишлаб чиқаришга ихтисослашган, жумладан, омухта ем тайёрлаш, сутни қайта ишлаш, томат паста ишлаб чиқариш, минерал ўғитлар тайёрлаш, ўсимликларга кимёвий ишлов бериш, қадоқлаш ва саралаш ускуналарини келтиришга.
Мазкур банднинг ўн иккинчи хатбошида келтирилган объект ва ускуналар фермер, деҳқон хўжаликлари, «Томорқа хизмати» МЧЖлари ва бошқа қишлоқ хўжалиги субъектларига Жамғармадан ажратиладиган кредит эвазига ва (ёки) лизинг шартлари асосида Жамғарма томонидан баланс қийматида сотилади.
Мазкур объектларни қуриш, харид қилиш ва сотиш тартиби Жамғарманинг Васийлик кенгаши томонидан тасдиқланади»;
ўн биринчи-ўн иккинчи хатбошилар тегишинча ўн бешинчи ва ўн олтинчи хатбошилар деб ҳисоблансин;
19-бандда :
иккинчи — тўртинчи хатбошилар қуйидаги таҳрирда баён этилсин:
«Жамғарма томонидан «Микрокредитбанк» АТБ, «Агробанк» АТБ ҳамда Ўзбекистон Республикаси «Халқ банки»га ресурс ажратиш бўйича бош келишувда ушбу маблағлар тижорат банклари томонидан фермер, деҳқон хўжаликлари ва томорқа ер эгаларига 3 йил муддатга, шу жумладан, 1 йилгача имтиёзли давр билан 2 фоизлик банк маржасини ҳисобга олган ҳолда йиллик 7 фоиз ставкада кредитлар бериш учун ресурс сифатида ишлатилиши, 2020 йил 1 январдан бошлаб ресурсларни ажратиш Ўзбекистон Республикаси Марказий банки асосий ставкасидан 4 фоизлик пунктни чегириб ташлаган ҳолда амалга оширилиши алоҳида келишиб олинади;
Жамғарма томонидан тижорат банкларига ресурслар ажратиш бўйича бош келишувда ушбу маблағлар «Микрокредитбанк» АТБ, «Агробанк» АТБ ҳамда Ўзбекистон Республикаси Халқ банки томонидан ушбу маблағлар «Томорқа хизмати» МЧЖларга кредит ажратиш учун ресурслар сифатида 3 йил муддатга, шу жумладан 6 ойлик имтиёзли давр билан Ўзбекистон Республикаси Марказий банки асосий ставкасининг 50 фоизи миқдоридаги фоиз ставкасида йиллик 2 фоизлик банк маржасини ҳисобга олган ҳолда ишлатилиши, 2020 йил 1 январдан бошлаб ресурсларни ажратиш Ўзбекистон Республикаси Марказий банки асосий ставкасидан 4 фоизлик пунктни чегириб ташлаган ҳолда амалга оширилиши алоҳида келишиб олинади;
Жамғарма томонидан тижорат банкларига ресурслар ажратиш бўйича бош келишувда ушбу маблағлар тижорат банклари томонидан Ўзбекистон Республикаси Марказий банкининг асосий ставкаси бўйича 2 фоиз банк маржасини ҳисобга олган ҳолда қишлоқ хўжалиги соҳасидаги бошқа ишлаб чиқариш, қайта ишлаш, тайёрлаш, таъминлаш, савдо ташкилотлари ҳамда лизинг компанияларига моддий-техник базани мустаҳкамлаш, қишлоқ хўжалиги техникаси ва транспорт сотиб олиш, фермер, деҳқон хўжаликлари ва томорқа ер эгаларининг иссиқхоналарини қуриш учун материаллар ва бутловчи қисмлар харид қилишга кредитлар бериш учун ресурс сифатида ишлатилиши, 2020 йил 1 июлдан бошлаб ресурсларни ажратиш Ўзбекистон Республикаси Марказий банки қайта молиялаш ставкасидан 4 фоизлик пунктни чегириб ташлаган ҳолда амалга оширилиши алоҳида келишиб олинади»;
22-бандда «ҳар ойда» ва «ҳамда банкнинг тегишли кредит қўмитасининг кредит ажратиш тўғрисидаги қарори ҳақидаги ахборотни» сўзлари чиқариб ташлансин;
23-банд қуйидаги хатбоши билан тўлдирилсин:
«Жамғармага киритилган буюртманомалар қонунчиликда белгиланган талабларга мос бўлмаган тақдирда, тижорат банкига ресурс қисман ажратилиши ёки ажратилмасдан қайтариб юборилиши мумкин».
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 30 июнь,
ПҚ-4767-сон
Oʻzbekiston Respublikasi Prezidentining
Qarori
ROʻYXATI
ROʻYXATI
Aholi tomorqalaridan foydalanish samaradorligini oshirishning qoʻshimcha chora-tadbirlari toʻgʻrisida
Soʻnggi yillarda respublikada dehqon xoʻjaliklari va tomorqa yer egalariga ajratilgan maydonlardan samarali foydalanish, ularning huquqlari va qonuniy manfaatlarini himoya qilish, qishloq aholisining bandligi va turmush darajasini oshirish boʻyicha tizimli ishlar amalga oshirilmoqda.
Tomorqa yerlaridan samarali foydalanish, “Tomorqa xizmati” MCHJ moddiy-texnika bazasini mustahkamlash, faoliyatini yanada kengaytirish va aholi tomorqalarini xizmatlari bilan qamrab olish darajasini oshirish, shuningdek mahsulotlarni eksport qilish imkoniyatlarini yanada koʻpaytirish maqsadida:
1. Oʻzbekiston fermer, dehqon xoʻjaliklari va tomorqa yer egalari kengashi, Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi va viloyatlar hokimliklarining:
aholi tomorqalariga kafolatlangan koʻchat va urugʻlarni tizimli yetkazib berishni tashkil etish uchun “Tomorqa xizmati” MCHJlarga issiqxona, sovutgichli omborxonalar, chorvachilik majmualari qurish uchun asoslangan hisob-kitoblarga muvofiq yer maydoni ajratish;
“Tomorqa xizmati” MCHJlar kuzatuv kengashlari tarkibiga, tuman mahalla va oilani qoʻllab-quvvatlash boʻlimi boshligʻi, tuman fermer, dehqon xoʻjaliklari va tomorqa yer egalari kengashi raisi aʼzo boʻlib kirishlari;
aholi tomorqalariga kafolatlangan koʻchat va urugʻlarni tizimli yetkazib berish, mahsulotlarni sotishni tashkil qilish uchun viloyatlar va tuman (shahar)lar markaziy dehqon bozorlarida, aholi gavjum punktlarida “Tomorqa xizmati” MCHJlar uchun maxsus savdo maydonlarini ajratish toʻgʻrisidagi takliflari maʼqullansin.
2. Oʻzbekiston fermer, dehqon xoʻjaliklari va tomorqa yer egalari kengashi Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi mablagʻlari hisobidan:
1-ilovada keltirilgan klaster usulida faoliyat yuritadigan “Tomorqa xizmati” MCHJlarga 3 yil muddatga kredit yoki ularning ustav kapitaliga keyinchalik sotish huquqi bilan ulush ajratsin;
aholi tomorqalarida yetishtirilgan qishloq xoʻjaligi mahsulotlarini saqlash uchun 20 — 30 tonnalik kichik hajmli sovutgichlar barpo etish uchun kredit ajratsin;
tijorat banklari bilan birgalikda Oʻzbekiston Respublikasi Markaziy bankining asosiy stavkasida uch oy imtiyozli davr bilan bir yil muddatga 4 foiz bank marjasini hisobga olgan holda aholi tomorqalaridan samarali foydalanish yoʻnalishida 2 million soʻmgacha Oilaviy tadbirkorlik markazi xulosasisiz On-line tarzda tomorqa yer egalariga mikrokreditlar ajratish mexanizmini joriy etsin.
4. Oʻzbekiston Respublikasi Moliya vazirligi 2020-yilda Inqirozga qarshi kurashish jamgʻarmasi hisobidan, 2021-yilda Oʻzbekiston Respublikasi Davlat budjetidan Vazirlar Mahkamasi tomonidan belgilanadigan tartib asosida kamida 30 ta aholi tomorqalarini sugʻorish uchun yer osti suvlariga quduqlarni burgʻulash xarajatlarining 70 foizini, biroq 120 million soʻmdan oshmaydigan qismini qoplashga subsidiya ajratsin.
5. 2022-yil 1-yanvarga qadar 2-ilovaga muvofiq tovarlarni olib kirishda bojxona bojining (bojxona rasmiylashtiruvi uchun toʻlov va qoʻshilgan qiymat soligʻidan tashqari) nol stavkalari belgilansin.
6. “Oʻzbekchorvanasl” agentligi bir oy muddatda sisternada avtomatlashgan sut hajmini oʻlchash va tozalash mexanizmiga ega sut mahsulotlari yigʻish mashinalari hamda motokultivatorlarga boʻlgan talabni hisobga olgan holda “Oʻzavtosanoat” AJga texnik vazifani kiritsin.
“Oʻzavtosanoat” AJ “Oʻzbekchorvanasl” agentligining texnik vazifasi asosida, bir oy muddatda sisternada avtomatlashgan sut hajmini oʻlchash va tozalash mexanizmiga ega sut mahsulotlari yigʻish mashinalari hamda motokultivatorlarni mahalliylashtirish boʻyicha aniq choralarni koʻrsin.
7. Belgilab qoʻyilsinki:
Kambagʻallikni qisqartirish va bandlik vazirligi Oʻzbekiston mahallalari uyushmasi, Suv xoʻjaligi vazirligi bilan birgalikda har yili 1-yanvar va 1-iyulga qadar suv taʼminoti ogʻir hududlardagi aholi tomorqalarida qaziladigan quduqlarning manzilli dasturini shakllantiradi va tasdiqlaydi;
loyiha tashabbuskorlariga belgilangan tartibda tasdiqlanadigan roʻyxatga asosan ajratiladigan subsidiyalar 2026-yil 1-yanvarga qadar Oʻzbekiston Respublikasi Davlat budjetidan, 2026-yil 1-yanvardan boshlab Kambagʻallikni qisqartirish va bandlik vazirligi huzuridagi Dehqon xoʻjaliklari va tomorqa yer egalari faoliyatini qoʻllab-quvvatlash jamgʻarmasi mablagʻlari hisobidan moliyalashtiriladi.
8. Qishloq xoʻjaligi vazirligi:
bir oy muddatda tuproq-iqlim xususiyatlaridan kelib chiqib, qishloq xoʻjalik ekinlarining urugʻ va koʻchatlarini hududlar kesimida ekish, yetishtirish va sifatli mahsulot olish boʻyicha tavsiyalar ishlab chiqilishini va joylarga yetkazilishini;
2021-yil 1-yanvarga qadar Fargʻona viloyatida “Tomorqa xizmati” MCHJ takliflari asosida Toshkent davlat agrar universiteti va uning filiallari huzuridagi “Axborot-maslahat markaz”lari (Extension center) hamda “In-vitro” laboratoriyasi tomonidan hududlarning tuproq-iqlim sharoitlaridan kelib chiqib, qishloq xoʻjaligi ekinlarining urugʻlari va koʻchatlarini tayyorlash, yetkazib berish, oʻsimliklarni kasallik va zararkunandalardan himoya qilish hamda yetishtirish agrotexnikasi, qishloq xoʻjaligi mahsulotlarini saqlash va qayta ishlash yuzasidan maslahat va tavsiyalar berish boʻyicha xizmatlarni shartnoma asosida tashkil etilishini taʼminlasin.
9. Oʻzbekiston Respublikasi Mahalla va oilani qoʻllab-quvvatlash vazirligi Oʻzbekiston fermer, dehqon xoʻjaliklari va tomorqa yer egalari kengashi bilan birgalikda aholi oʻrtasida tushuntirish ishlarini olib borib, koronavirus pandemiyasining salbiy oqibatlarini yumshatish maqsadida oziq-ovqat mahsulotlari ishlab chiqarish hajmini oshirish uchun aholi tomorqalaridan samarali foydalangan holda ikki marta hosil olish ishlarini tashkil etsin.
10. Toshkent davlat agrar universiteti, Fargʻona viloyati Quva tumanidagi Tomorqa yer uchastkalarini rivojlantirish ilmiy-amaliy markazi “Tomorqa xizmati” MCHJlar takliflari asosida ularning xodimlarini va birga ishlovchi tomorqa yer egalarining malakasini oshirishni tizimli tashkil etsin.
11. Oʻzbekiston Respublikasi Prezidenti va Hukumatining ayrim hujjatlariga 3-ilovaga muvofiq oʻzgartirish va qoʻshimchalar kiritilsin.
12. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Oʻ.I. Barnoyev hamda Oʻzbekiston fermer, dehqon xoʻjaliklari va tomorqa yer egalari kengashi raisi A. Xaitov zimmasiga yuklansin.
Oʻzbekiston Respublikasi Prezidentining 2020-yil 30-iyundagi PQ-4767-son qaroriga 1-ILOVA
Klaster usulida faoliyat yuritadigan “Tomorqa xizmati” MCHJlar
T/r Nomlanishi Qoraqalpogʻiston Respublikasi 1. “Bozatov tomorqa xizmati” MCHJ 2. “Amudaryo tomorqa xizmati” MCHJ Andijon viloyati 3. “Dardoq tomorqa xizmati” MCHJ 4. “Baliqchi tomorqa xizmati” MCHJ Buxoro viloyati 5. “Romitan tomorqa xizmati” MCHJ 6. “Jondor tomorqa xizmati” MCHJ Jizzax viloyati 7. “Yangiobod tomorqa xizmati” MCHJ Qashqadaryo viloyati 8. “Kasbi tomorqa xizmati” MCHJ 9. “Bishkent tomorqa xizmati” MCHJ Navoiy viloyati 10. “Karmana-2 tomorqa xizmati” MCHJ 11. “Nurota tomorqa xizmati” MCHJ Namangan viloyati 12. “Chust tomorqa xizmati” MCHJ 13. “Radivon sitrus mevasi tomorqa xizmati” MCHJ 14 . “Kushon agro tomorqa xizmati” MCHJ 15 . “Golden nuts Namangan tomorqa xizmati” MCHJ 16 . “Uychi obod zamin tomorqa xizmati” MCHJ Samarqand viloyati 17. “Jomboy koʻchatchilik tomorqa xizmati” MCHJ Sirdaryo viloyati 18 . “DM Agriko tomorqa xizmati” MCHJ Surxondaryo viloyati 19. “Muzrabot tomorqa xizmati” MCHJ 20. “Best Garden tomorqa xizmati” MCHJ Toshkent viloyati 21. “Birlik tomorqa xizmati” MCHJ 22. “TNA AGRO INVEST tomorqa xizmati” MCHJ Fargʻona viloyati 23. “Aramati Bagdada tomorqa xizmati” MCHJ Xorazm viloyati 24. “Yangiariq tomorqa xizmati” MCHJ 25. “Maqsud, Manzura tomorqa xizmati” MCHJ
Oʻzbekiston Respublikasi Prezidentining 2020-yil 30-iyundagi PQ-4767-son qaroriga 2-ILOVA
2022-yil 1-yanvarga qadar tovarlarni olib kirishda bojxona bojining (bojxona rasmiylashtiruvi uchun toʻlov va qoʻshilgan qiymat soligʻidan tashqari) nol stavkasi belgilanadigan texnika va uskunalar
T/r Tovarlar nomi TIF TN kodi 1. Avtomobil refrijeratorlari 8716 39 300 2 2. Motokultivatorlar 8432 29 100 0 3. Inkubator va bruderlar 8436 21 000 0 4. Bir oʻqli traktorlar 8701 10 000 0 5. Minitraktorlar minitraktorlar — 8701 91 100 0 — 8701 94 100 0
Oʻzbekiston Respublikasi Prezidentining 2020-yil 30-iyundagi PQ-4767-son qaroriga 3-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 26-apreldagi “Fermer, dehqon xoʻjaliklari va tomorqa yer egalari faoliyatini takomillashtirish boʻyicha qoʻshimcha chora-tadbirlar toʻgʻrisida”gi PQ-3680-son qarorida :
a) 6-bandda :
ikkinchi xatboshida “va boshqa vositalar yetkazib berish” soʻzlari “, chorva mollari, parranda, quyon, asalari uyasi, baliq, qishloq xoʻjalik texnikalari hamda ehtiyot qismlari, omuxta yem, mineral oʻgʻitlar, oʻsimliklarni himoya qilish uchun kimyoviy vositalar va asbob uskunalar yetkazib berish, shuningdek, issiqxonalar qurib berish” soʻzlari bilan almashtirilsin;
beshinchi xatboshi quyidagi tahrirda bayon etilsin:
“fermer, dehqon xoʻjaliklari va tomorqa yer egalaridan xarid qilingan, shuningdek, oʻz maydonlarida yetishtirilgan qishloq xoʻjaligi mahsulotlarini saralash, tayyorlash, saqlash, qayta ishlash, quritish, qadoqlash, tayyor mahsulotlar ishlab chiqarish va ularni ichki va tashqi bozorlarda sotish hamda eksport qilish”;
b) 9-bandning “b” kichik bandida :
uchinchi xatboshidagi “2 yil” soʻzlari “3 yil” soʻzlari bilan almashtirilsin;
yettinchi xatboshi “2020-yil 1-iyuldan boshlab kreditlar Oʻzbekiston Respublikasi Markaziy bankining asosiy stavkasida 4 foizlik bank marjasini hisobga holda olgan ajratiladi” soʻzlari bilan toʻldirilsin;
quyidagi mazmundagi sakkizinchi xatboshi bilan toʻldirilsin:
“meva-sabzavotlarni qayta ishlash (quritish) korxonalari, sovutish omborxonalari, chorvachilik komplekslari, issiqxona majmualari qurilishiga, intensiv bogʻlar va tokzorlar barpo etilishiga, qishloq xoʻjaligida zanjirli ishlab chiqarishni yoʻlga qoʻyib, yakuniy mahsulot ishlab chiqarishga ixtisoslashgan, jumladan, omuxta yem tayyorlash, sutni qayta ishlash, tomat pasta ishlab chiqarish, mineral oʻgʻitlar tayyorlash, oʻsimliklarga kimyoviy ishlov berish, qadoqlash va saralash uskunalarini keltirishga”;
sakkizinchi — oʻn birinchi xatboshilar tegishincha toʻqqizinchi — oʻn ikkinchi xatboshilar deb hisoblansin;
quyidagi mazmundagi oʻn uchinchi xatboshi bilan toʻldirilsin:
“Mazkur “b” kichik bandining sakkizinchi xatboshida keltirilgan obyektlar fermer, dehqon xoʻjaligi va tomorqa yer egalari, shuningdek, “Tomorqa xizmati” MCHJlar va boshqa qishloq xoʻjaligi ishlab chiqaruvchilariga Jamgʻarmadan belgilangan tartibda ajratiladigan kreditlar evaziga va lizing toʻlovlari asosida mazkur obyektlarning oʻzini garovga qoʻyish huquqi asosida Jamgʻarma tomonidan balans qiymatida sotiladi. Ularni qurish, xarid qilish va sotish tartibi Jamgʻarma Vasiylik kengashi tomonidan tasdiqlanadi”.
2. Vazirlar Mahkamasining 2018-yil 7-iyundagi “Oʻzbekiston fermer, dehqon xoʻjaliklari va tomorqa yer egalari kengashi huzuridagi Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi faoliyatini tashkil etish toʻgʻrisida”gi 433-son qarorida :
a) 1-bandning yettinchi xatboshisi “mablagʻlari hisobiga” soʻzlaridan keyin “shakllantirilgan va” soʻzlari bilan toʻldirilsin;
b) 3-ilovada :
14-banddagi “ikkita” soʻzi “oʻn beshta” soʻzlari bilan almashtirilsin;
15-bandda :
ikkinchi xatboshidan “hamda 150 milliard soʻm” soʻzlari chiqarib tashlansin;
quyidagi mazmundagi yettinchi xatboshi bilan toʻldirilsin:
“Jamgʻarmaga kelib tushgan mablagʻlar uning oʻz mablagʻlari hisoblanadi va Jamgʻarmaning Vasiylik kengashi tomonidan tasdiqlanadigan daromadlar va xarajatlar smetasi asosida sarflanadi”;
17-bandda :
uchinchi xatboshi “2020-yil 1-yanvardan boshlab resurslarni ajratish” soʻzlaridan soʻng, “3 yil muddatga, shu jumladan 6 oylik imtiyozli davr bilan” soʻzlari bilan toʻldirilsin;
yettinchi xatboshi “2020-yil 1-iyuldan boshlab kreditlar Oʻzbekiston Respublikasi Markaziy bankining asosiy stavkasida 4 foizlik bank marjasini hisobga olgan holda ajratiladi” soʻzlari bilan toʻldirilsin;
quyidagi mazmundagi oʻn birinchi — oʻn toʻrtinchi xatboshilar bilan toʻldirilsin:
“tijorat banklari orqali Oʻzbekiston Respublikasi Markaziy bankining asosiy stavkasida uch oy imtiyozli davr bilan bir yil muddatga 4 foiz bank marjasini hisobga olgan holda tomorqadan samarali foydalanish yoʻnalishida 2 million soʻmgacha Oilaviy tadbirkorlik markazi xulosasisiz On-line tarzda tomorqa yer egalariga mikrokreditlar ajratishga;
meva-sabzavotlarni qayta ishlash (quritish) korxonalari, sovutish omborxonalari, chorvachilik komplekslari, issiqxona majmualari qurilishiga, intensiv bogʻlar va tokzorlar barpo etilishiga, qishloq xoʻjaligida zanjirli ishlab chiqarishni yoʻlga qoʻyib, yakuniy mahsulot ishlab chiqarishga ixtisoslashgan, jumladan, omuxta yem tayyorlash, sutni qayta ishlash, tomat pasta ishlab chiqarish, mineral oʻgʻitlar tayyorlash, oʻsimliklarga kimyoviy ishlov berish, qadoqlash va saralash uskunalarini keltirishga.
Mazkur bandning oʻn ikkinchi xatboshida keltirilgan obyekt va uskunalar fermer, dehqon xoʻjaliklari, “Tomorqa xizmati” MCHJlari va boshqa qishloq xoʻjaligi subyektlariga Jamgʻarmadan ajratiladigan kredit evaziga va (yoki) lizing shartlari asosida Jamgʻarma tomonidan balans qiymatida sotiladi.
Mazkur obyektlarni qurish, xarid qilish va sotish tartibi Jamgʻarmaning Vasiylik kengashi tomonidan tasdiqlanadi”;
oʻn birinchi-oʻn ikkinchi xatboshilar tegishincha oʻn beshinchi va oʻn oltinchi xatboshilar deb hisoblansin;
19-bandda :
ikkinchi — toʻrtinchi xatboshilar quyidagi tahrirda bayon etilsin:
“Jamgʻarma tomonidan “Mikrokreditbank” ATB, “Agrobank” ATB hamda Oʻzbekiston Respublikasi “Xalq banki”ga resurs ajratish boʻyicha bosh kelishuvda ushbu mablagʻlar tijorat banklari tomonidan fermer, dehqon xoʻjaliklari va tomorqa yer egalariga 3 yil muddatga, shu jumladan, 1 yilgacha imtiyozli davr bilan 2 foizlik bank marjasini hisobga olgan holda yillik 7 foiz stavkada kreditlar berish uchun resurs sifatida ishlatilishi, 2020-yil 1-yanvardan boshlab resurslarni ajratish Oʻzbekiston Respublikasi Markaziy banki asosiy stavkasidan 4 foizlik punktni chegirib tashlagan holda amalga oshirilishi alohida kelishib olinadi;
Jamgʻarma tomonidan tijorat banklariga resurslar ajratish boʻyicha bosh kelishuvda ushbu mablagʻlar “Mikrokreditbank” ATB, “Agrobank” ATB hamda Oʻzbekiston Respublikasi Xalq banki tomonidan ushbu mablagʻlar “Tomorqa xizmati” MCHJlarga kredit ajratish uchun resurslar sifatida 3 yil muddatga, shu jumladan 6 oylik imtiyozli davr bilan Oʻzbekiston Respublikasi Markaziy banki asosiy stavkasining 50 foizi miqdoridagi foiz stavkasida yillik 2 foizlik bank marjasini hisobga olgan holda ishlatilishi, 2020-yil 1-yanvardan boshlab resurslarni ajratish Oʻzbekiston Respublikasi Markaziy banki asosiy stavkasidan 4 foizlik punktni chegirib tashlagan holda amalga oshirilishi alohida kelishib olinadi;
Jamgʻarma tomonidan tijorat banklariga resurslar ajratish boʻyicha bosh kelishuvda ushbu mablagʻlar tijorat banklari tomonidan Oʻzbekiston Respublikasi Markaziy bankining asosiy stavkasi boʻyicha 2 foiz bank marjasini hisobga olgan holda qishloq xoʻjaligi sohasidagi boshqa ishlab chiqarish, qayta ishlash, tayyorlash, taʼminlash, savdo tashkilotlari hamda lizing kompaniyalariga moddiy-texnik bazani mustahkamlash, qishloq xoʻjaligi texnikasi va transport sotib olish, fermer, dehqon xoʻjaliklari va tomorqa yer egalarining issiqxonalarini qurish uchun materiallar va butlovchi qismlar xarid qilishga kreditlar berish uchun resurs sifatida ishlatilishi, 2020-yil 1-iyuldan boshlab resurslarni ajratish Oʻzbekiston Respublikasi Markaziy banki qayta moliyalash stavkasidan 4 foizlik punktni chegirib tashlagan holda amalga oshirilishi alohida kelishib olinadi”;
22-bandda “har oyda” va “hamda bankning tegishli kredit qoʻmitasining kredit ajratish toʻgʻrisidagi qarori haqidagi axborotni” soʻzlari chiqarib tashlansin;
23-band quyidagi xatboshi bilan toʻldirilsin:
“Jamgʻarmaga kiritilgan buyurtmanomalar qonunchilikda belgilangan talablarga mos boʻlmagan taqdirda, tijorat bankiga resurs qisman ajratilishi yoki ajratilmasdan qaytarib yuborilishi mumkin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 30-iyun,
PQ-4767-son
Президента Республики Узбекистан
Постановление
ПЕРЕЧЕНЬ
ПЕРЕЧЕНЬ
О дополнительных мерах по повышению эффективности пользования приусадебными землями населения
В последние годы в республике ведется системная работа по эффективному использованию площадей, выделенных дехканским хозяйствам и владельцам приусадебных земель, защите их прав и законных интересов, а также повышению занятости и уровня жизни сельского населения.
В целях эффективного использования приусадебных земель, укрепления материально-технической базы, дальнейшего расширения деятельности и повышения уровня охвата приусадебных земель населения услугами ООО «Томорка хизмати», а также дальнейшего повышения возможностей экспорта продукции:
1. Одобрить предложения Совета фермерских, дехканских хозяйств и владельцев приусадебных земель Узбекистана, Министерства экономического развития и сокращения бедности Республики Узбекистан, а также Совета Министров Республики Каракалпакстан и хокимиятов областей о:
выделении земельных площадей на основе обоснованных расчетов обществам с ограниченной ответственностью «Томорка хизмати» под строительство теплиц, холодильных хранилищ и животноводческих комплексов для организации гарантированной поставки приусадебным землям населения саженцев и семян на системной основе;
введении в качестве членов в составы наблюдательных советов обществ с ограниченной ответственностью «Томорка хизмати» начальников районных отделов по поддержке махалли и семьи, председателей районных советов фермерских, дехканских хозяйств и владельцев приусадебных земель;
выделении специальных торговых площадей обществам с ограниченной ответственностью «Томорка хизмати» на центральных дехканских рынках, в пунктах с высокой плотностью населения областей, районов (городов) для гарантированной поставки приусадебным землям населения саженцев и семян на системной основе, а также организации реализации продукции.
2. Совету фермерских, дехканских хозяйств и владельцев приусадебных земель Узбекистана за счет средств Фонда поддержки фермерских, дехканских хозяйств и владельцев приусадебных земель:
выделить кредиты обществам с ограниченной ответственностью «Томорка хизмати», указанным в приложении №1 , ведущим деятельность кластерным методом, сроком на 3 года или долю в их уставные капиталы с правом последующей реализации;
выделить кредиты под строительство 20 — 30-тонных малогабаритных холодильников для хранения сельскохозяйственной продукции, выращенной на приусадебных землях населения;
внедрить совместно с коммерческими банками механизм выделения микрокредитов владельцам приусадебных земель в размере до двух миллионов сумов без получения заключения Центра семейного предпринимательства в режиме онлайн в направлении эффективного пользования приусадебными землями сроком на один год, включая трехмесячный льготный период по основной ставке Центрального банка Республики Узбекистан с учетом маржи банка в размере 4 процентов.
4. Министерству финансов Республики Узбекистан на основании порядка, установленного Кабинетом Министров, выделить в 2020 году за счет Антикризисного фонда, в 2021 году за счет — Государственного бюджета Республики Узбекистан субсидии на компенсацию 70 процентов расходов по бурению скважин на воду для орошения не менее 30 приусадебных земель населения в части, не превышающей 120 миллионов сумов.
5. Установить до 1 января 2022 года нулевые ставки таможенной пошлины (за исключением платежей за таможенное оформление и налога на добавленную стоимость) при ввозе товаров согласно приложению № 2 .
6. Агентству «Узбекчорванасл» в месячный срок внести в АО «Узавтосаноат» техническое задание с учетом потребности в машинах по сбору молочной продукции с автоматизированным механизмом измерения объема и очистки молока в цистерне, а также мотокультиваторах.
АО «Узавтосаноат» на основе технического задания Агентства «Узбекчорванасл» в месячный срок принять конкретные меры для локализации машин по сбору молочной продукции с автоматизированным механизмом измерения объема и очистки молока в цистерне и мотокультиваторов.
7. Установить, что:
Министерство занятости и сокращения бедности совместно с Ассоциацией махаллей Узбекистана, Министерством водного хозяйства ежегодно до 1 января и до 1 июля формирует и утверждает адресную программу бурения скважин на приусадебных землях населения в районах, испытывающих трудности в водоснабжении;
субсидии, выделяемые инициаторам проектов на основе перечня, утверждаемого в установленном порядке, финансируются в срок до 1 января 2026 года из Государственного бюджета Республики Узбекистан, начиная с 1 января 2026 года — за счет средств Фонда поддержки деятельности дехканских хозяйств и владельцев приусадебных земель при Министерстве занятости и сокращения бедности.
8. Министерству сельского хозяйства обеспечить:
в месячный срок — разработку и доставку на места рекомендаций о посеве, выращивании семян и саженцев сельскохозяйственных культур, а также получении качественной продукции в разрезе регионов исходя из почвенно-климатических условий;
до 1 января 2021 года — организацию в Ферганской области Информационно-консультационными центрами (Extension center) и лабораторией «In-vitro» при Ташкентском государственном аграрном университете и его филиалах услуг по заготовке и доставке семян и саженцев сельскохозяйственных культур, защите растений от болезней и вредителей и агротехнике их выращивания, предоставлению консультаций и рекомендаций о хранении и переработке сельскохозяйственной продукции на договорной основе, исходя из почвенно-климатических условий регионов, на основе предложений ООО «Томорка хизмати».
9. Министерству по поддержке махалли и семьи Республики Узбекистан совместно с Советом фермерских, дехканских хозяйств и владельцев приусадебных земель Узбекистана провести разъяснительную работу среди населения, в целях смягчения негативного воздействия коронавирусной пандемии и увеличения объема производства продовольственной продукции организовать работу по получению двух урожаев путем эффективного использования приусадебных земель населения.
10. Ташкентскому государственному аграрному университету и Научно-практическому центру развития приусадебных земельных участков, расположенному в Кувинском районе Ферганской области, на основе предложений обществ с ограниченной ответственностью «Томорка хизмати» на системной основе организовать повышение квалификации их работников, а также владельцев приусадебных земель, совместно работающих с ними.
11. Внести изменения и дополнения в некоторые акты Президента Республики Узбекистан и Правительства согласно приложению № 3 .
12. Контроль за исполнением настоящего постановления возложить на заместителя Премьер-министра Республики Узбекистан У.И. Барноева и председателя Совета фермерских, дехканских хозяйств и владельцев приусадебных земель Узбекистана А. Хаитова/
ПРИЛОЖЕНИЕ №1 к постановлению Президента Республики Узбекистан от 30 июня 2020 года № ПП-4767
обществ с ограниченной ответственностью «Томорка хизмати», ведущих деятельность кластерным методом
№ Наименование По Республике Каракалпакстан 1. ООО « Бозатов томорка хизмати » 2. ООО « Амударё томорка хизмати » По Андижанской области 3. ООО « Дардок томорка хизмати » 4. ООО « Баликчи томорка хизмати » По Бухарской области 5. ООО « Ромитан томорка хизмати » 6. ООО « Жондор томорка хизмати » По Джизакской области 7. ООО « Янгиобод томорка хизмати » По Кашкадарьинской области 8. ООО « Касби томорка хизмати » 9. ООО « Бишкент томорка хизмати » По Навоийской области 10. ООО « Кармана-2 томорка хизмати » 11. ООО «Нурота томорка хизмати » По Наманганской области 12. ООО « Чуст томорка хизмати » 13. ООО « Радивон цитрус меваси томорка хизмати » 14. ООО « Кушон агро томорка хизмати » 15. ООО « Golden nuts Namangan томорка хизмати » 16. ООО « Уйчи обод замин томорка хизмати » По Самаркандской области 17. ООО « Жомбой кучатчилик томорка хизмати » По Сырдарьинской области 18. ООО « ДМ Агрико томорка хизмати » По Сурхандарьинской области 19. ООО « Музработ томорка хизмати » 20. ООО « Бест Гарден томорка хизмати » По Ташкентской области 21. ООО « Бирлик томорка хизмати » 22. ООО « TNA AGRO INVEST томорка хизмати » По Ферганской области 23. ООО « Арамати Багдада томорка хизмати » По Хорезмской области 24. ООО « Янгиарик томорка хизмати » 25. ООО « Максуд, Манзура томорка хизмати »
ПРИЛОЖЕНИЕ № 2 к постановлению Президента Республики Узбекистан от 30 июня 2020 года № ПП-4767
техники и оборудования, по которым до 1 января 2022 года устанавливаются нулевые ставки таможенной пошлины (за исключением платежей за таможенное оформление и налога на добавленную стоимость) при ввозе товаров
№ Наименование товаров Код ТН ВЭД 1. Автомобильные рефрижераторы 8716 39 300 2 2. Мотокультиваторы 8432 29 100 0 3. Инкубаторы и брудеры 8436 21 000 0 4. Тракторы одноосные 8701 10 000 0 5. Минитракторы минитракторы — 8701 91 100 0 — 8701 94 100 0
ПРИЛОЖЕНИЕ № 3 к постановлению Президента Республики Узбекистан от 30 июня 2020 года № ПП-4767
Изменения и дополнения, вносимые в некоторые акты Президента Республики Узбекистан и Правительства Республики Узбекистан
1. В постановлении Президента Республики Узбекистан от 26 апреля 2018 года № ПП-3680 «О дополнительных мерах по совершенствованию деятельности фермерских, дехканских хозяйств и владельцев приусадебных земель»:
а) в пункте 6 :
в абзаце втором слова «и других средств» заменить словами «, скота, птицы, кроликов, пчелиных ульев, рыб, сельскохозяйственной техники и запасных частей, комбикорма, минеральных удобрений, химических средств и оборудования для защиты растений, а также строительства теплиц»;
абзац пятый изложить в следующей редакции:
«отбора, заготовки, хранения, переработки, сушки, упаковки сельскохозяйственной продукции, закупленной у фермерских, дехканских хозяйств и владельцев приусадебных земель, а также выращенной на собственных площадях, производство готовой продукции, ее реализация и экспорт на внутреннем и внешнем рынках»;
б) в подпункте «б» пункта 9:
в абзаце третьем слова «2 лет» заменить словами «3 лет»;
абзац седьмой дополнить словами «Начиная с 1 июля 2020 года кредиты выделяются по основной ставке Центрального банка Республики Узбекистан с учетом маржи банка в размере 4 процентов»;
дополнить абзацем восьмым следующего содержания:
«строительство предприятий по переработке (сушке) овощей и фруктов, холодильных хранилищ, животноводческих и тепличных комплексов, сооружения интенсивных садов и виноградников, создания цепочки добавленной стоимости в сельскохозяйственном производстве, ввоза оборудования, специализированного на производстве готовой продукции, в том числе заготовке комбинированного корма, переработке молока, производстве томатной пасты, заготовке минеральных удобрений, химической обработке растений, упаковке и сортировке»;
абзацы восьмой — одиннадцатый считать соответственно абзацами девятым — двенадцатым;
дополнить абзацем тринадцатым следующего содержания:
«Объекты, указанные в абзаце восьмом подпункта «б», реализуются Фондом фермерским и дехканским хозяйствам, владельцам приусадебных земель, обществам с ограниченной ответственностью «Томорка хизмати» и другим сельскохозяйственным производителям по балансовой стоимости за счет кредитов, выделяемых Фондом в установленном порядке и на основе лизинговых платежей, а также на основе права передачи данных объектов в залог. Порядок их строительства, приобретения и реализации утверждается Попечительским советом Фонда».
2. В постановлении Кабинета Министров от 7 июня 2018 года № 433 «Об организации деятельности Фонда поддержки фермерских, дехканских хозяйств и владельцев приусадебных земель при Совете фермерских, дехканских хозяйств и владельцев приусадебных земель Узбекистана»:
а) в тексте на узбекском языке абзац седьмой пункта 1 после слов «маблағлар ҳисобига» дополнить словами «шакллантирилган ва»;
б) в приложении № 3 :
в пункте 14 слово «двух» заменить словом «пятнадцати»;
в пункте 15 :
из абзаца второго исключить слова «и 150 миллиардов сум, соответственно»;
дополнить абзацем седьмым следующего содержания:
«Средства, поступившие в Фонд, являются его собственными средствами и расходуются на основе сметы расходов и доходов, утверждаемых Попечительским советом Фонда»;
в пункте 17 :
абзац третий после слов «С 1 января 2020 года предоставление ресурсов осуществляется» дополнить словами «сроком на 3 года, включая 6-месячный льготный период»;
абзац седьмой дополнить словами «Начиная с 1 июля 2020 года кредиты выделяются по основной ставке Центрального банка Республики Узбекистан с учетом маржи банка в размере 4 процентов»;
дополнить абзацами одиннадцатым — четырнадцатым следующего содержания:
«выделения через коммерческие банки микрокредитов владельцам приусадебных земель в размере до двух миллионов сумов без получения заключения центра семейного предпринимательства в режиме онлайн в направлении эффективного пользования приусадебными землями сроком на один год, включая трехмесячный льготный период по основной ставке Центрального банка Республики Узбекистан с учетом маржи банка в размере 4 процентов;
строительство предприятий по переработке (сушке) овощей и фруктов, холодильных хранилищ, животноводческих и тепличных комплексов, сооружение интенсивных садов и виноградников, создание цепочки добавленной стоимости в сельскохозяйственном производстве, ввоз оборудования, специализированного на производстве готовой продукции, в том числе заготовке комбикорма, переработке молока, производстве томатной пасты, заготовке минеральных удобрений, химической обработке растений, упаковке и сортировке.
Объекты и оборудование, указанные в абзаце двенадцатом настоящего пункта, реализуются Фондом фермерским и дехканским хозяйствам, обществам с ограниченной ответственностью «Томорка хизмати» и другим сельскохозяйственным субъектам за счет кредитов, выделяемых Фондом и (или) на основе условий лизинга по балансовой стоимости.
Порядок строительства, приобретения и реализации данных объектов утверждается Попечительским советом Фонда»;
абзацы одиннадцатый-двенадцатый считать соответственно абзацами пятнадцатым-шестнадцатым;
в пункте 19 :
абзацы второй — четвертый изложить в следующей редакции:
«В генеральном соглашении о выделении Фондом ресурсов АКБ «Микрокредитбанк», АКБ «Агробанк» и Народному банку Республики Узбекистан отдельно согласовывается расходование коммерческими банками данных средств в качестве ресурсов для предоставления кредитов фермерским, дехканским хозяйствам и владельцам приусадебных земель с процентной ставкой 7 процентов годовых на срок 3 года, включая льготный период до 1 года с учетом маржи банка в размере 2 процентов, начиная с 1 января 2020 года предоставление ресурсов осуществляется по основной ставке Центрального банка Республики Узбекистан, с вычетом 4 процентных пунктов.
В генеральном соглашении о выделении Фондом ресурсов коммерческим банкам отдельно согласовывается расходование АКБ «Микрокредитбанк», АКБ «Агробанк» и Народному банку Республики Узбекистан данных средств в качестве ресурсов для выделения кредитов обществам с ограниченной ответственностью «Томорка хизмати» на срок 3 года, включая 6-месячный льготный период с процентной ставкой в размере 50 процентов основной ставки Центрального банка Республики Узбекистан с учетом маржи банка в размере 2 процентов, начиная с 1 января 2020 года предоставление ресурсов осуществляется по основной ставке Центрального банка Республики Узбекистан, с вычетом 4 процентных пунктов.
В генеральном соглашении о выделении Фондом ресурсов коммерческим банкам отдельно согласовывается расходование коммерческими банками данных средств в качестве ресурсов для предоставления кредитов другим производственным, перерабатывающим, заготовительным, снабженческим, торговым организациям в сфере сельского хозяйства, а также лизинговым компаниям на укрепление материально-технической базы, закупку сельскохозяйственной техники и транспорта, приобретение фермерскими, дехканскими хозяйствами и владельцами приусадебных земель материалов и комплектующих к ним для строительства теплиц, начиная с 1 июля 2020 года предоставление ресурсов осуществляется по ставке рефинансирования Центрального банка Республики Узбекистан, с вычетом 4 процентных пунктов»;
из пункта 22 слова «ежемесячно» и «а также информацию о решении соответствующего кредитного комитета банка о выделении кредита» исключить;
пункт 23 дополнить абзацем следующего содержания:
«В случае несоответствия заявок, внесенных в Фонд, требованиям, установленным законодательством, ресурсы могут быть выделены коммерческому банку частично или возвращены без выделения».
Президент Республики Узбекистан Ш. МИРЗИЁЕВ
г. Ташкент,
30 июня 2020 г.,
№ ПП-4767