📅 2020-yil 1-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2020 йил 1 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июля 2020 г. · Постановления Президента
Официальный текст. Официальный документ. Редакционные примечания не включены.
📅 1 July 2020 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАШКИЛИЙ ТУЗИЛМАСИ
ТУЗИЛМАСИ
Бўш турган объектлардан самарали фойдаланишни ташкил этиш ва ахборот-коммуникация технологияларини кенг жорий этиш чора-тадбирлари тўғрисида
Фаолият кўрсатмаётган, фойдаланилмасдан турган нотурар объектлардан оқилона ва самарали фойдаланиш ҳамда уларни ташкилотларнинг хўжалик фаолиятига кенг жалб этиш мақсадида:
1. Ўзбекистон Республикаси Давлат активларини бошқариш агентлигининг (кейинги ўринларда — Агентлик) Агентликнинг Қорақалпоғистон Республикаси, вилоятлар ва Тошкент шаҳар ҳудудий бошқармалари ҳузуридаги «Давлат мулкини ижарага бериш маркази» давлат унитар корхоналари негизида Ўзбекистон Республикаси Давлат активларини бошқариш агентлиги ҳузуридаги Давлат мулки объектларидан самарали фойдаланиш марказини (кейинги ўринларда — Марказ) ҳамда унинг Қорақалпоғистон Республикаси, вилоятлар ва Тошкент шаҳар ҳудудий бошқармаларини (кейинги ўринларда — ҳудудий бошқармалар) ташкил этиш тўғрисидаги таклифига розилик берилсин.
2. Қуйидагилар Марказнинг асосий вазифалари этиб белгилансин:
давлат мулки бўлган бўш турган нотурар бино ва иншоотларни, фойдаланилмаётган ишлаб чиқариш майдонларини (кейинги ўринларда — бўш турган давлат мулки объектлари) аниқлаш ва ҳисобини юритиш;
бўш турган давлат мулки объектларини сақлаш ва улардан самарали фойдаланиш, шу жумладан давлат мулки объектларини ижарага беришни ташкил этиш;
ижарага берилган давлат мулки объектларини ва уларни ижарага беришдан тушадиган маблағларни ҳисобга олиш ва уларнинг мониторингини олиб бориш;
ижарага берилган давлат мулки объектларидан мақсадли фойдаланилишини ва уларнинг сақланишини, шунингдек, ижара тўлови ўз вақтида ва тўлиқ тўланишини назорат қилиш;
давлат муассасалари (корхоналари)га бириктирилган давлат мулки объектларидан самарали фойдаланилиши ва уларнинг сақланишини белгиланган тартибда текшириш;
давлат муассасалари (корхоналари)га оператив бошқарув ҳуқуқи билан берилган давлат мулки объектларининг ортиқча қисмини, шунингдек, фойдаланилмаётган ёки мақсадсиз фойдаланилаётган давлат мулки объектларини олиб қўйиш;
Қурилиш соҳасида назорат инспекцияси хулосасига асосан яроқсиз деб топилган давлат мулки объектларини бузиш тўғрисида қарор қабул қилиш;
Марказ ўзига юкланган вазифаларни амалга ошириш мақсадида барча давлат органларидан, шу жумладан ҳуқуқни муҳофаза қилувчи органлардан ва бошқа давлат ташкилотларидан зарур бўлган ахборот ва материалларни сўраб олишга ҳақли.
3. Марказ ва ҳудудий бошқармалар ходимларига, тўлов манбаларидан қатъи назар Агентлик ва унинг ҳудудий бошқармалари ходимлари учун қонунчилик ҳужжатларида ва бошқа ҳужжатларда назарда тутилган меҳнатга ҳақ тўлаш, моддий рағбатлантириш ва ижтимоий ҳимоя шартлари татбиқ этилади.
4. Қуйидагилар Марказ ва ҳудудий бошқармалар фаолиятини (ходимларнинг иш ҳақи, мукофотлар, устамалар ва бошқа тўловлар) молиялаштириш манбалари этиб белгилансин:
Ўзбекистон Республикаси Давлат бюджети маблағлари;
давлат мулки объектлари ижарасидан қонунчиликда белгиланган тартибда тушадиган маблағлар;
Агентликнинг ҳузуридаги Давлат активларини бошқариш, трансформация ва хусусийлаштириш жамғармаси маблағлари;
қонун ҳужжатларида тақиқланмаган бошқа манбалар.
5. Белгилансинки:
Марказ Агентликнинг тугатилаётган Қорақалпоғистон Республикаси, вилоятлар ва Тошкент шаҳар ҳудудий бошқармалари ҳузуридаги «Давлат мулкини ижарага бериш маркази» давлат унитар корхоналарининг барча ҳуқуқлари ва мажбуриятлари, шу жумладан шартномавий муносабатлар бўйича ҳуқуқий вориси ҳисобланади;
бўш турган объектлар тўғрисидаги маълумотлар Марказ томонидан автоматлаштирилган тизим орқали тегишли давлат органларидан олинади;
Марказ ва ҳудудий бошқармаларга тегишли давлат мулки объектларини сақлаш билан боғлиқ харажатлар Марказ ҳисобидан, пул маблағлари мавжуд бўлмаганда Агентлик ҳузуридаги Давлат активларини бошқариш, трансформация ва хусусийлаштириш жамғармаси маблағлари ҳисобидан қопланади;
Марказ ва ҳудудий бошқармалар ўзига юкланган вазифаларни амалга ошириш, шунингдек, балансига қабул қилинган давлат мулки объектларини бут сақлаш мақсадида фуқаролик-ҳуқуқий хусусиятга эга шартномалар асосида юридик ва жисмоний шахсларни жалб қилиши мумкин.
Марказ бўш турган давлат мулки объектларидан самарали фойдаланиш бўйича кўрилаётган чоралар тўғрисида ҳар йили 1 апрелга қадар Ўзбекистон Республикаси Вазирлар Маҳкамасига ахборот киритиб боради;
бўш турган давлат мулки объектлари тўғрисида маълумотлар (объект тўғрисидаги қисқа маълумот, геолокация жойлашуви ва бошқалар) Марказнинг расмий веб-сайтида жойлаштирилади ва ҳар ойда янгилаб борилади;
белгиланган тартибда тузилган фойдаланилмаётган давлат мулки объектларини аниқлаш ва фойдаланилмаётган давлат мулки объектларини хўжалик фаолиятига жалб этиш бўйича ишчи гуруҳлар ҳудудий бошқармаларга ҳафталик ахборот киритиб боради;
ҳудудий бошқармалар ходимлари туман (шаҳар)ларнинг ҳар бир маҳалласига бириктирилади ҳамда ваколати доирасида маҳалла ҳудудида жойлашган бўш турган давлат мулки объектларини аниқлаш ва улардан самарали фойдаланишни ташкил этади;
бўш турган давлат мулки объектлари, Ўзбекистон Республикаси Инвестиция дастурига киритилган объектлар бундан мустасно, сақлаш ва улардан келгусида самарали фойдаланиш (хусусийлаштириш, ижарага бериш ва бошқа) мақсадида Марказ ва ҳудудий бошқармаларга топширилади;
Марказ ва унинг ҳудудий бошқармалари балансига қабул қилинган объектлардан самарали фойдаланиш, хусусийлаштириш ва ижарага беришда уларнинг жозибадорлигини ошириш мақсадида бюджетдан ташқари маблағлари ҳисобидан таъмирлаш, жиҳозлаш ва коммуникация тизимларига улаш каби ишларни амалга ошириши мумкин;
бўш турган давлат мулки объектлари рўйхати Марказ томонидан ҳар чоракда Ўзбекистон Республикаси Савдо-саноат палатасига ҳамда Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Тадбиркорликни ривожлантириш агентлигига киритиб борилади;
Марказнинг ўз ваколатлари доирасида қабул қилган қарорлари давлат ва хўжалик бошқаруви органлари, маҳаллий давлат ҳокимияти органлари ва хўжалик юритувчи субъектлар томонидан бажарилиши мажбурий ҳисобланади.
Амал қилиш муддати тугаган электрон савдолар орқали расмийлаштирилмаган ижара шартномаларининг муддати (Ўзбекистон Республикаси Президенти ёки Ҳукуматнинг тегишли қарорлари асосида ва кичик саноат зоналари ҳудудидаги давлат мулки бўйича тузилган ижара шартномалари бундан мустасно) келгуси давр учун узайтирилмайди ва ушбу шартномалар бўйича тадбиркорлик субъектларига ижарага берилган давлат мулклари, балансда сақловчиларнинг розилиги талаб қилинмасдан 2022 йил 1 июлдан бошлаб электрон савдоларга чиқарилади.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан ҳар йили давлат мулкини ижарага беришда Радио, уяли алоқа ва пейджер алоқаси (иншоотларни ҳисобга олган ҳолда ҳудуд доирасида) фаолияти бўйича ставкалар ҳамда қўлланиладиган оширувчи коэффициентлар миқдори тасдиқланишида бир йилга 1 кв.м. учун ижара тўлови таянч ставкасининг ўтган йилга нисбатан ўсиш суръати бошқа фаолият турлари бўйича ўртача ўсиш суръатлари даражасида белгиланади.
6. 2020 йил 1 сентябрдан бошлаб шундай тартиб ўрнатилсинки, унга мувофиқ:
а) барча аукцион савдолари натижалари QR-код (матрик штрихли код)ни қўллаш орқали расмийлаштирилади;
б) «E-AUKSION» тизимида қуйидагиларни назарда тутувчи тартиб жорий қилинади:
«мобиль идентификация қилиш» билан шахсни идентификациялаш имконини берувчи мобиль иловалар орқали аукционда иштирок этиш;
давлат мулки объектларини ижарага бериш шартномасини ижарага берувчи ва ижарачи ўртасида электрон шаклда (шу жумладан электрон рақамли имзо орқали) икки томонлама тузиш орқали расмийлаштириш;
савдоларда мавжуд бўлган лотлар ҳақида батафсил маълумотларни ўз ичига олувчи доимий янгиланиб турадиган ва Агентликнинг расмий веб-сайтида жойлаштириладиган электрон каталогни яратиш.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Агентлик, Ўзбекистон Республикаси Ер ресурслари, геодезия, картография ва давлат кадастри давлат қўмитаси доимий равишда бўш турган объектларни аниқлаб, уларни Марказ ва ҳудудий бошқармаларга оператив бошқарув ҳуқуқи асосида ўтказиб бориш чораларини кўрсин.
8. Агентлик бир ой муддатда:
а) Ўзбекистон Республикаси Молия вазирлиги билан биргаликда:
Марказ ва ҳудудий бошқармаларни замонавий техника билан таъминлаш чораларини кўрсин;
Марказ ва ҳудудий бошқармалар зиммасига юклатилган вазифалар юзасидан судларга киритиладиган даъволар ва аризалар бўйича давлат божи тўлашдан озод қилиш тўғрисида қонун ҳужжатларига ўзгартириш киритиш тўғрисида Вазирлар Маҳкамасига таклифлар киритсин;
б) Ўзбекистон Республикаси Давлат активларини бошқариш агентлиги ҳузуридаги Бўш турган объектлардан самарали фойдаланишни ташкил этиш маркази тўғрисидаги низомни тасдиқлаш учун Вазирлар Маҳкамасига киритсин;
в) «Ўзбекистон Республикаси Давлат активларини бошқариш агентлигининг Бинолардан фойдаланиш дирекцияси» давлат унитар корхонаси негизида давлат муассасаси шаклидаги бюджет ташкилотига тенглаштирилган Ўзбекистон Республикаси Давлат активларини бошқариш агентлиги ҳузуридаги Бинолардан фойдаланиш дирекциясини ташкил этсин.
9. Ўзбекистон Республикаси Молия вазирлиги:
ушбу қарор ижросини таъминлаш доирасида Марказнинг харажатлари учун 2020 йилга мўлжалланган Ўзбекистон Республикаси Давлат бюджети параметрлари доирасида маблағ ажратсин ва 2021 йилдан бошлаб зарур бюджет маблағларини кўзда тутсин;
Ўзбекистон Республикаси Давлат бюджетининг 2020 йил учун тасдиқланган харажатлар параметрларига ушбу қарор талабларидан келиб чиқиб тегишли ўзгартиришлар киритсин;
Марказга хизмат автотранспорт воситаларини сотиб олиш учун зарур маблағларнинг ажратилишини таъминласин ва 3 та, шу жумладан 2 та шахсий бириктирилган, хизмат автотранспорт воситаларини сақлашга лимит ажратсин.
10. Ўзбекистон Республикаси Ахборот технологиялари ва коммуникацияларини ривожлантириш вазирлиги Марказ мурожаатига асосан уни ўрнатилган тартибда ҳукумат алоқаси билан таъминласин.
11. Ўзбекистон Республикаси Президентининг айрим қарорларига 2-иловага мувофиқ ўзгартиришлар киритилсин.
12. Агентлик манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2020 йил 1 июлдаги ПҚ-4771-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2019 йил 14 январдаги «Ўзбекистон Республикаси Давлат активларини бошқариш агентлиги фаолиятини ташкил этиш тўғрисида»ги ПҚ-4112-сон қарорида :
1-илованинг матни қуйидаги таҳрирда баён этилсин:
«Ўзбекистон Республикаси Давлат активларини бошқариш агентлигининг
»;
2-илованинг матни қуйидаги таҳрирда баён этилсин:
«Ўзбекистон Республикаси Давлат активларини бошқариш агентлиги марказий аппаратининг
2. Ўзбекистон Республикаси Президентининг 2019 йил 22 майдаги «Ўзбекистон Республикаси аҳоли пунктларида телекоммуникация инфратузилмасини жадал ривожлантириш чора-тадбирлари тўғрисида»ги ПҚ-4329-сон қарори 3-банди қуйидаги таҳрирда баён этилсин:
«3. Белгилансинки, Wi-Fi технологияси бўйича симсиз маълумотлар узатиш учун сигнал қувватидан қатъи назар 2400 — 2483,5 МГц ва 5000 — 5999 МГц радиочастота полосаларида эксплуатацион йиғим ва радиочастота спектридан фойдаланганлик учун тўлов ундирилмайди».
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 1 июль,
ПҚ-4771-сон
Oʻzbekiston Respublikasi Prezidentining
Qarori
TASHKILIY TUZILMASI
TUZILMASI
Boʻsh turgan obyektlardan samarali foydalanishni tashkil etish va axborot-kommunikatsiya texnologiyalarini keng joriy etish chora-tadbirlari toʻgʻrisida
Faoliyat koʻrsatmayotgan, foydalanilmasdan turgan noturar obyektlardan oqilona va samarali foydalanish hamda ularni tashkilotlarning xoʻjalik faoliyatiga keng jalb etish maqsadida:
1. Oʻzbekiston Respublikasi Davlat aktivlarini boshqarish agentligining (keyingi oʻrinlarda — Agentlik) Agentlikning Qoraqalpogʻiston Respublikasi, viloyatlar va Toshkent shahar hududiy boshqarmalari huzuridagi “Davlat mulkini ijaraga berish markazi” davlat unitar korxonalari negizida Oʻzbekiston Respublikasi Davlat aktivlarini boshqarish agentligi huzuridagi Davlat mulki obyektlaridan samarali foydalanish markazini (keyingi oʻrinlarda — Markaz) hamda uning Qoraqalpogʻiston Respublikasi, viloyatlar va Toshkent shahar hududiy boshqarmalarini (keyingi oʻrinlarda — hududiy boshqarmalar) tashkil etish toʻgʻrisidagi taklifiga rozilik berilsin.
2. Quyidagilar Markazning asosiy vazifalari etib belgilansin:
davlat mulki boʻlgan boʻsh turgan noturar bino va inshootlarni, foydalanilmayotgan ishlab chiqarish maydonlarini (keyingi oʻrinlarda — boʻsh turgan davlat mulki obyektlari) aniqlash va hisobini yuritish;
boʻsh turgan davlat mulki obyektlarini saqlash va ulardan samarali foydalanish, shu jumladan davlat mulki obyektlarini ijaraga berishni tashkil etish;
ijaraga berilgan davlat mulki obyektlarini va ularni ijaraga berishdan tushadigan mablagʻlarni hisobga olish va ularning monitoringini olib borish;
ijaraga berilgan davlat mulki obyektlaridan maqsadli foydalanilishini va ularning saqlanishini, shuningdek, ijara toʻlovi oʻz vaqtida va toʻliq toʻlanishini nazorat qilish;
davlat muassasalari (korxonalari)ga biriktirilgan davlat mulki obyektlaridan samarali foydalanilishi va ularning saqlanishini belgilangan tartibda tekshirish;
davlat muassasalari (korxonalari)ga operativ boshqaruv huquqi bilan berilgan davlat mulki obyektlarining ortiqcha qismini, shuningdek, foydalanilmayotgan yoki maqsadsiz foydalanilayotgan davlat mulki obyektlarini olib qoʻyish;
Qurilish sohasida nazorat inspeksiyasi xulosasiga asosan yaroqsiz deb topilgan davlat mulki obyektlarini buzish toʻgʻrisida qaror qabul qilish;
Markaz oʻziga yuklangan vazifalarni amalga oshirish maqsadida barcha davlat organlaridan, shu jumladan huquqni muhofaza qiluvchi organlardan va boshqa davlat tashkilotlaridan zarur boʻlgan axborot va materiallarni soʻrab olishga haqli.
3. Markaz va hududiy boshqarmalar xodimlariga, toʻlov manbalaridan qatʼi nazar Agentlik va uning hududiy boshqarmalari xodimlari uchun qonunchilik hujjatlarida va boshqa hujjatlarda nazarda tutilgan mehnatga haq toʻlash, moddiy ragʻbatlantirish va ijtimoiy himoya shartlari tatbiq etiladi.
4. Quyidagilar Markaz va hududiy boshqarmalar faoliyatini (xodimlarning ish haqi, mukofotlar, ustamalar va boshqa toʻlovlar) moliyalashtirish manbalari etib belgilansin:
Oʻzbekiston Respublikasi Davlat budjeti mablagʻlari;
davlat mulki obyektlari ijarasidan qonunchilikda belgilangan tartibda tushadigan mablagʻlar;
Agentlikning huzuridagi Davlat aktivlarini boshqarish, transformatsiya va xususiylashtirish jamgʻarmasi mablagʻlari;
qonun hujjatlarida taqiqlanmagan boshqa manbalar.
5. Belgilansinki:
Markaz Agentlikning tugatilayotgan Qoraqalpogʻiston Respublikasi, viloyatlar va Toshkent shahar hududiy boshqarmalari huzuridagi “Davlat mulkini ijaraga berish markazi” davlat unitar korxonalarining barcha huquqlari va majburiyatlari, shu jumladan shartnomaviy munosabatlar boʻyicha huquqiy vorisi hisoblanadi;
boʻsh turgan obyektlar toʻgʻrisidagi maʼlumotlar Markaz tomonidan avtomatlashtirilgan tizim orqali tegishli davlat organlaridan olinadi;
Markaz va hududiy boshqarmalarga tegishli davlat mulki obyektlarini saqlash bilan bogʻliq xarajatlar Markaz hisobidan, pul mablagʻlari mavjud boʻlmaganda Agentlik huzuridagi Davlat aktivlarini boshqarish, transformatsiya va xususiylashtirish jamgʻarmasi mablagʻlari hisobidan qoplanadi;
Markaz va hududiy boshqarmalar oʻziga yuklangan vazifalarni amalga oshirish, shuningdek, balansiga qabul qilingan davlat mulki obyektlarini but saqlash maqsadida fuqarolik-huquqiy xususiyatga ega shartnomalar asosida yuridik va jismoniy shaxslarni jalb qilishi mumkin.
Markaz boʻsh turgan davlat mulki obyektlaridan samarali foydalanish boʻyicha koʻrilayotgan choralar toʻgʻrisida har yili 1-aprelga qadar Oʻzbekiston Respublikasi Vazirlar Mahkamasiga axborot kiritib boradi;
boʻsh turgan davlat mulki obyektlari toʻgʻrisida maʼlumotlar (obyekt toʻgʻrisidagi qisqa maʼlumot, geolokatsiya joylashuvi va boshqalar) Markazning rasmiy veb-saytida joylashtiriladi va har oyda yangilab boriladi;
belgilangan tartibda tuzilgan foydalanilmayotgan davlat mulki obyektlarini aniqlash va foydalanilmayotgan davlat mulki obyektlarini xoʻjalik faoliyatiga jalb etish boʻyicha ishchi guruhlar hududiy boshqarmalarga haftalik axborot kiritib boradi;
hududiy boshqarmalar xodimlari tuman (shahar)larning har bir mahallasiga biriktiriladi hamda vakolati doirasida mahalla hududida joylashgan boʻsh turgan davlat mulki obyektlarini aniqlash va ulardan samarali foydalanishni tashkil etadi;
boʻsh turgan davlat mulki obyektlari, Oʻzbekiston Respublikasi Investitsiya dasturiga kiritilgan obyektlar bundan mustasno, saqlash va ulardan kelgusida samarali foydalanish (xususiylashtirish, ijaraga berish va boshqa) maqsadida Markaz va hududiy boshqarmalarga topshiriladi;
Markaz va uning hududiy boshqarmalari balansiga qabul qilingan obyektlardan samarali foydalanish, xususiylashtirish va ijaraga berishda ularning jozibadorligini oshirish maqsadida budjetdan tashqari mablagʻlari hisobidan taʼmirlash, jihozlash va kommunikatsiya tizimlariga ulash kabi ishlarni amalga oshirishi mumkin;
boʻsh turgan davlat mulki obyektlari roʻyxati Markaz tomonidan har chorakda Oʻzbekiston Respublikasi Savdo-sanoat palatasiga hamda Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Tadbirkorlikni rivojlantirish agentligiga kiritib boriladi;
Markazning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy davlat hokimiyati organlari va xoʻjalik yurituvchi subyektlar tomonidan bajarilishi majburiy hisoblanadi.
Amal qilish muddati tugagan elektron savdolar orqali rasmiylashtirilmagan ijara shartnomalarining muddati (Oʻzbekiston Respublikasi Prezidenti yoki Hukumatning tegishli qarorlari asosida va kichik sanoat zonalari hududidagi davlat mulki boʻyicha tuzilgan ijara shartnomalari bundan mustasno) kelgusi davr uchun uzaytirilmaydi va ushbu shartnomalar boʻyicha tadbirkorlik subyektlariga ijaraga berilgan davlat mulklari, balansda saqlovchilarning roziligi talab qilinmasdan 2022-yil 1-iyuldan boshlab elektron savdolarga chiqariladi.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan har yili davlat mulkini ijaraga berishda Radio, uyali aloqa va peydjer aloqasi (inshootlarni hisobga olgan holda hudud doirasida) faoliyati boʻyicha stavkalar hamda qoʻllaniladigan oshiruvchi koeffitsiyentlar miqdori tasdiqlanishida bir yilga 1 kv.m. uchun ijara toʻlovi tayanch stavkasining oʻtgan yilga nisbatan oʻsish surʼati boshqa faoliyat turlari boʻyicha oʻrtacha oʻsish surʼatlari darajasida belgilanadi.
6. 2020-yil 1-sentabrdan boshlab shunday tartib oʻrnatilsinki, unga muvofiq:
a) barcha auksion savdolari natijalari QR-kod (matrik shtrixli kod)ni qoʻllash orqali rasmiylashtiriladi;
b) “E-AUKSION” tizimida quyidagilarni nazarda tutuvchi tartib joriy qilinadi:
“mobil identifikatsiya qilish” bilan shaxsni identifikatsiyalash imkonini beruvchi mobil ilovalar orqali auksionda ishtirok etish;
davlat mulki obyektlarini ijaraga berish shartnomasini ijaraga beruvchi va ijarachi oʻrtasida elektron shaklda (shu jumladan elektron raqamli imzo orqali) ikki tomonlama tuzish orqali rasmiylashtirish;
savdolarda mavjud boʻlgan lotlar haqida batafsil maʼlumotlarni oʻz ichiga oluvchi doimiy yangilanib turadigan va Agentlikning rasmiy veb-saytida joylashtiriladigan elektron katalogni yaratish.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Agentlik, Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi doimiy ravishda boʻsh turgan obyektlarni aniqlab, ularni Markaz va hududiy boshqarmalarga operativ boshqaruv huquqi asosida oʻtkazib borish choralarini koʻrsin.
8. Agentlik bir oy muddatda:
a) Oʻzbekiston Respublikasi Moliya vazirligi bilan birgalikda:
Markaz va hududiy boshqarmalarni zamonaviy texnika bilan taʼminlash choralarini koʻrsin;
Markaz va hududiy boshqarmalar zimmasiga yuklatilgan vazifalar yuzasidan sudlarga kiritiladigan daʼvolar va arizalar boʻyicha davlat boji toʻlashdan ozod qilish toʻgʻrisida qonun hujjatlariga oʻzgartirish kiritish toʻgʻrisida Vazirlar Mahkamasiga takliflar kiritsin;
b) Oʻzbekiston Respublikasi Davlat aktivlarini boshqarish agentligi huzuridagi Boʻsh turgan obyektlardan samarali foydalanishni tashkil etish markazi toʻgʻrisidagi nizomni tasdiqlash uchun Vazirlar Mahkamasiga kiritsin;
v) “Oʻzbekiston Respublikasi Davlat aktivlarini boshqarish agentligining Binolardan foydalanish direksiyasi” davlat unitar korxonasi negizida davlat muassasasi shaklidagi budjet tashkilotiga tenglashtirilgan Oʻzbekiston Respublikasi Davlat aktivlarini boshqarish agentligi huzuridagi Binolardan foydalanish direksiyasini tashkil etsin.
9. Oʻzbekiston Respublikasi Moliya vazirligi:
ushbu qaror ijrosini taʼminlash doirasida Markazning xarajatlari uchun 2020-yilga moʻljallangan Oʻzbekiston Respublikasi Davlat budjeti parametrlari doirasida mablagʻ ajratsin va 2021-yildan boshlab zarur budjet mablagʻlarini koʻzda tutsin;
Oʻzbekiston Respublikasi Davlat budjetining 2020-yil uchun tasdiqlangan xarajatlar parametrlariga ushbu qaror talablaridan kelib chiqib tegishli oʻzgartirishlar kiritsin;
Markazga xizmat avtotransport vositalarini sotib olish uchun zarur mablagʻlarning ajratilishini taʼminlasin va 3 ta, shu jumladan 2 ta shaxsiy biriktirilgan, xizmat avtotransport vositalarini saqlashga limit ajratsin.
10. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Markaz murojaatiga asosan uni oʻrnatilgan tartibda hukumat aloqasi bilan taʼminlasin.
11. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirishlar kiritilsin.
12. Agentlik manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2020-yil 1-iyuldagi PQ-4771-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2019-yil 14-yanvardagi “Oʻzbekiston Respublikasi Davlat aktivlarini boshqarish agentligi faoliyatini tashkil etish toʻgʻrisida”gi PQ-4112-son qarorida :
1-ilovaning matni quyidagi tahrirda bayon etilsin:
“Oʻzbekiston Respublikasi Davlat aktivlarini boshqarish agentligining
”;
2-ilovaning matni quyidagi tahrirda bayon etilsin:
“Oʻzbekiston Respublikasi Davlat aktivlarini boshqarish agentligi markaziy apparatining
2. Oʻzbekiston Respublikasi Prezidentining 2019-yil 22-maydagi “Oʻzbekiston Respublikasi aholi punktlarida telekommunikatsiya infratuzilmasini jadal rivojlantirish chora-tadbirlari toʻgʻrisida”gi PQ-4329-son qarori 3-bandi quyidagi tahrirda bayon etilsin:
“3. Belgilansinki, Wi-Fi texnologiyasi boʻyicha simsiz maʼlumotlar uzatish uchun signal quvvatidan qatʼi nazar 2400 — 2483,5 MGs va 5000 — 5999 MGs radiochastota polosalarida ekspluatatsion yigʻim va radiochastota spektridan foydalanganlik uchun toʻlov undirilmaydi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2020-yil 1-iyul,
PQ-4771-son
Президента Республики Узбекистан
Постановление
«ОРГАНИЗАЦИОННАЯ СТРУКТУРА
«СТРУКТУРА
О мерах по организации эффективного использования пустующих объектов и широкого внедрения информационно-коммуникационных технологий
В целях рационального и эффективного использования бездействующих, неиспользуемых нежилых объектов, а также их широкого вовлечения в хозяйственную деятельность организаций:
1. Согласиться с предложениями Агентства по управлению государственными активами Республики Узбекистан (далее — Агентство) о создании Центра по эффективному использованию объектов государственной собственности при Агентстве по управлению государственными активами Республики Узбекистан (далее — Центр) и его территориальных управлений в Республике Каракалпакстан, областях и городе Ташкенте (далее — территориальные управления) на базе государственных унитарных предприятий «Центр аренды государственного имущества» при территориальных управлениях Агентства в Республике Каракалпакстан, областях и городе Ташкенте.
2. Определить основными задачами Центра:
выявление и ведение учета пустующих нежилых зданий и сооружений, неиспользуемых производственных площадей государственной собственности (далее — пустующие объекты государственной собственности);
организацию содержания и эффективного использования пустующих объектов государственной собственности, в том числе передачи в аренду объектов государственной собственности;
осуществление учета и мониторинга объектов государственной собственности, переданных в аренду, а также средств, поступающих от их аренды;
контроль за целевым использованием и содержанием объектов государственной собственности, переданных в аренду, а также за своевременной и полной уплатой арендных платежей;
проведение в установленном порядке проверок содержания и эффективного использования объектов государственной собственности, закрепленных за государственными учреждениями (предприятиями);
изъятие излишней части объектов государственной собственности, переданных государственным учреждениям (предприятиям) на праве оперативного управления, а также объектов государственной собственности, неиспользуемых или используемых не по назначению;
принятие решений о сносе объектов государственной собственности, признанных непригодными, на основании заключений Инспекции по контролю в сфере строительства;
Центр для выполнения возложенных на него задач вправе запрашивать необходимую информацию и материалы у всех государственных органов, включая правоохранительные органы и другие государственные органы.
3. На сотрудников Центра и его территориальных управлений вне зависимости от источников выплат распространяются условия оплаты труда, материального стимулирования и социальной защиты, предусмотренные актами законодательства и другими документами для сотрудников Агентства и его территориальных управлений.
4. Определить источниками финансирования деятельности (оплаты труда, премий, надбавок и других выплат работникам) Центра и территориальных управлений:
средства Государственного бюджета Республики Узбекистан;
средства от аренды объектов государственной собственности, поступающие в установленном законодательством порядке;
средства Фонда по управлению, трансформации и приватизации государственных активов при Агентстве;
иные источники, не запрещенные законодательством.
5. Установить, что:
Центр является правопреемником упраздняемых государственных унитарных предприятий «Центр аренды государственного имущества» при территориальных управлениях Агентства в Республике Каракалпакстан, областях и городе Ташкенте, по всем правам и обязанностям, в том числе договорным отношениям;
получение информации по пустующим объектам от соответствующих государственных органов осуществляется Центром через автоматизированную систему;
расходы, связанные с содержанием объектов государственной собственности, принадлежащих Центру и территориальным управлениям, возмещаются Центром в случае отсутствия средств за счет средств Фонда по управлению, трансформации и приватизации государственных активов при Агентстве;
Центр и его территориальные управления в целях осуществления возложенных на них задач, а также целостного сохранения принятых на баланс объектов государственной собственности могут привлекать юридических и физических лиц на основе договоров гражданско-правового характера.
Центр ежегодно до 1 апреля вносит в Кабинет Министров Республики Узбекистан информацию о мерах, принимаемых для эффективного использования пустующих объектов государственной собственности;
информация о пустующих объектах государственной собственности (краткая информация об объекте, геолокация и другое) размещается на официальном веб-сайте Центра и ежемесячно обновляется;
рабочие группы по выявлению неиспользуемых объектов государственной собственности и вовлечению неиспользуемых объектов государственной собственности в хозяйственную деятельность, созданные в установленном порядке, еженедельно вносят информацию в территориальные управления;
работники территориальных управлений закрепляются за каждой махаллей районов (городов) и в пределах своих полномочий организуют выявление и эффективное использование пустующих объектов государственной собственности, расположенных на территории махалли;
пустующие объекты государственной собственности, за исключением объектов, включенных в Инвестиционную программу Республики Узбекистан, передаются Центру и территориальным управлениям для содержания и дальнейшего эффективного использования (приватизации, передачи в аренду и другого);
Центр и его территориальные управления в целях эффективного использования объектов, принятых на баланс Центра и его территориальных управлений, повышения их привлекательности при приватизации и сдаче в аренду могут осуществлять ремонт, оснащение и работы по подключению к системам коммуникации за счет внебюджетных средств;
перечень пустующих объектов государственной собственности ежеквартально вносится Центром в Торгово-промышленную палату Республики Узбекистан и Агентство по развитию предпринимательства при Министерстве экономического развития и сокращения бедности Республики Узбекистан;
решения, принимаемые Центром в пределах своих полномочий, являются обязательными для исполнения органами государственного и хозяйственного управления, органами государственной власти на местах и хозяйствующими субъектами.
Договоры аренды с истекшим сроком действия, не оформленные через электронные торги (за исключением договоров аренды, заключенных на основе соответствующих решений Президента Республики Узбекистан или Правительства и по государственному имуществу на территории малых промышленных зон), не продлеваются на последующий период, и государственное имущество, переданное в аренду субъектам предпринимательства по данным договорам, без согласия балансодержателя, выставляется на электронные торги начиная с 1 июля 2022 года.
При ежегодном утверждении Советом Министров Республики Каракалпакстан, хокимиятами областей и города Ташкента размеров ставок и повышающих коэффициентов, применяемых к деятельности радио-, сотовой и пейджинговой связи (в пределах территории, включая сооружения) при передаче в аренду государственного имущества, темп роста базовой ставки арендной платы за 1 кв.м по отношению к прошлому году устанавливается на уровне среднего темпа роста по другим видам деятельности.
6. Установить с 1 сентября 2020 года порядок, в соответствии с которым:
а) результаты всех аукционных торгов оформляются с помощью QR-кода (матричный штрих-код);
б) в систему «E-AUKSION» внедряется механизм, предусматривающий:
участие в аукционе через мобильные приложения, предоставляющие возможность идентификации личности посредством «мобильной идентификации»;
оформление договоров аренды объектов государственной собственности путем заключения двустороннего договора между арендодателем и арендатором в электронной форме (в том числе посредством электронной цифровой подписи);
создание электронного каталога, содержащего подробную информацию об имеющихся на торгах лотах, который периодически обновляется и размещается на официальном веб-сайте Агентства.
7. Совету Министров Республики Каракалпакстан, хокимиятам областей и города Ташкента, Агентству, Государственному комитету по земельным ресурсам, геодезии, картографии и государственному кадастру Республики Узбекистан на постоянной основе принимать меры по выявлению и передаче Центру и территориальным управлениям пустующих объектов на праве оперативного управления.
8. Агентству в месячный срок:
а) совместно с Министерством финансов Республики Узбекистан:
принять меры по обеспечению Центра и территориальных управлений современной техникой;
внести в Кабинет Министров предложения о внесении изменений в законодательство об освобождении от уплаты государственной пошлины по искам и заявлениям, вносимым Центром и территориальными управлениями в суды в соответствии с возложенными задачами;
б) внести в Кабинет Министров на утверждение Положение о Центре по организации эффективного использования пустующих объектов при Агентстве по управлению государственными активами Республики Узбекистан;
в) создать Дирекцию по использованию зданий при Агентстве по управлению государственными активами Республики Узбекистан в форме государственного учреждения приравненную к бюджетной организации на базе государственного унитарного предприятия «Дирекция по использованию зданий Агентства по управлению государственными активами Республики Узбекистан».
9. Министерству финансов Республики Узбекистан:
в рамках обеспечения исполнения настоящего постановления выделить средства на расходы Центра в пределах параметров Государственного бюджета Республики Узбекистан на 2020 год и начиная с 2021 года ежегодно предусматривать необходимые бюджетные средства;
внести соответствующие изменения в утвержденные параметры расходов Государственного бюджета Республики Узбекистан на 2020 год исходя из положений настоящего постановления;
обеспечить выделение Центру денежных средств необходимых для приобретения служебных автотранспортных средств и установить лимит на содержание служебных легковых автомобилей в количестве 3 единиц, в том числе 2 единиц персональных.
10. Министерству по развитию информационных технологий и коммуникаций Республики Узбекистан на основании обращения Центра обеспечить в установленном порядке Центр правительственной связью.
11. Внести изменения в некоторые постановления Президента Республики Узбекистан согласно приложению № 2 .
12. Агентству совместно с соответствующими министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
13. Контроль за исполнением настоящего постановления возложить на заместителя Премьер-министра Республики Узбекистан Ж.А. Кучкарова.
ПРИЛОЖЕНИЕ № 2 к постановлению Президента Республики Узбекистан от 1 июля 2020 года № ПП-4771
Изменения, вносимые в некоторые постановления Президента Республики Узбекистан
1. В постановлении Президента Республики Узбекистан от 14 января 2019 года № ПП-4112 «Об организации деятельности Агентства по управлению государственными активами Республики Узбекистан»:
Текст приложения № 1 изложить в следующей редакции:
Агентства по управлению государственными активами Республики Узбекистан
»;
Текст приложения № 2 изложить в следующей редакции:
центрального аппарата Агентства по управлению государственными активами Республики Узбекистан
2. Пункт 3 постановления Президента Республики Узбекистан от 22 мая 2019 года № ПП-4329 «О мерах по ускорению развития телекоммуникационной инфраструктуры в населенных пунктах Республики Узбекистан» изложить в следующей редакции:
«3. Определить, что вне зависимости от мощности сигнала эксплуатационный сбор и оплата за использование радиочастотного спектра для беспроводной передачи данных по технологии Wi-Fi в полосах радиочастот 2400 — 2483,5 МГц и 5000 — 5999 МГц не взимается».
Президент Республики Узбекистан Ш. МИРЗИЁЕВ
г. Ташкент,
1 июля 2020 г.,
№ ПП-4771