📅 2018-yil 16-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 16 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 марта 2018 г. · Постановления Президента
Официальный текст. Официальный документ. Редакционные примечания не включены.
📅 16 March 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ПРОГНОЗ ЖАДВАЛИ
Самарқанд вилоятини ободонлаштириш ва фаровонлигини ошириш жамғармасини ташкил этиш чора-тадбирлари тўғрисида
Архитектура ва қурилиш нормаларига мувофиқ ҳудудий инфратузилмани яхшилаш, ободонлаштириш, объектларни қуриш ва реконструкция қилиш, Самарқанд вилоятининг ижтимоий-иқтисодий вазифаларини жадал суръатларда ҳал этиш, аҳоли фаровонлигини яхшилаш, сув таъминоти ва канализация муаммоларини бартараф этиш, маҳаллаларнинг ички йўлларини таъмирлаш, ижтимоий объектларни қуриш ва моддий-техник базасини мустаҳкамлаш, ижтимоий соха ходимлари учун хизмат уйларини қуриш мақсадида:
1. Самарқанд вилояти хокимлигининг Самарқанд вилояти ҳокимлиги ҳузурида юридик шахс ташкил этмасдан Самарканд вилоятини ободонлаштириш ва фаровонлигини ошириш жамғармаси (кейинги ўринларда Жамғарма деб аталади) ташкил этиш тўғрисидаги таклифи маъқуллансин.
2. Қуйидагилар Жамгарма даромадларини шакллантириш манбалари этиб ҳисоблансин:
Самарқанд вилояти ҳокимлиги муассислигида ташкил этилган тижорат ташкилотларининг ажратмалари;
давлат, чет эл ва ҳалқаро ташкилотлар томонидан ажратиладиган грантлар;
юридик ва жисмоний шахсларнинг хомийлик ҳайриялари;
ҳалқаро молиявий институтлар ва банклар томонидан ажратиладиган кредитлар;
қонун ҳужжатларида тақиқланмаган бошқа манбалар.
3. Қуйидагилар Жамғарма маблағларидан фойдаланишнинг асосий йўналишлари этиб белгилансин:
Самарқанд вилоятида муҳандислик-коммуникация инфратузилмасини яхшилаш, ҳудудларни ободонлаштириш, кўкаламзорлаштириш ва маҳаллий ички йўлларни таъмирлаш;
кўп қаватли турар жойларнинг умумфойдаланиладиган қисмини таъмирлаш, болалар ва спорт майдончаларини барпо этиш;
кам таъминланган ва ёш оилаларга имтиёзли кредитлар олишда бошланғич бадални қисман ёки тўлиқ қоплаб бериш ҳамда маиший техника воситаларига бўлган бирламчи эхтиёжни қондириш;
маҳалла фуқаролар йиғинлари моддий-техника базасини мустаҳкамлаш, маҳаллалар ҳудудида кутубхоналар ташкил этиш ҳамда уларни бадиий ва бошқа адабиётлар билан бойитиш.
4. Белгилансинки, Самарқанд вилояти ҳокимлигининг Жамғармага дастлабки бадали Ўзбекистон Республикаси Тикланиш ва тараққиёт жамғармасининг Самарқанд вилояти ҳокимлигига 13 йил муддатга, 2 йил имтиёзли даврни ҳисобга олган ҳолда, фоиз ставкаси йилига 2,25 фоизни, 2019 йил 27 декабрдан — йиллик 2 фоизни ташкил қиладиган, воситачилик йиғимлари ундирилмаган ҳолда 50 миллион АҚШ доллари миқдорида ажратилган кредити ҳисобидан шакллантирилади.
5. Ўзбекистон Республикаси Тикланиш ва тараққиёт жамғармаси кредитини қоплаш прогноз жадвали иловага мувофиқ тасдиқлансин.
6. Белгилансинки:
Жамғарма маблағларидан Ўзбекистон Республикаси Вазирлар Маҳкамаси билан келишилган ҳолда, Самарқанд вилояти хокимлиги томонидан тузиладиган манзилли рўйхатларга мувофиқ фойдаланилади;
Самарқанд вилояти ҳокимлиги Ўзбекистон Республикаси Тикланиш ва тараққиёт жамғармаси кредитидан мақсадли ва самарали фойдаланиш, шунингдек, Жамғармани ўз вақтида шакллантириш учун масъул бўлган ижро этувчи орган ҳисобланади;
Ўзбекистон Республикаси Тикланиш ва тараққиёт жамғармасининг жалб қилинадиган кредитини қоплаш ва хизмат кўрсатиш билан боғлик харажатлар Самарқанд вилоятининг маҳаллий бюджети қўшимча манбалари ҳамда қонун ҳужжатларида тақиқланмаган бошқа манбалар ҳисобидан амалга оширилади.
Самарқанд вилояти ҳокимлиги, Ўзбекистон Республикаси Тикланиш ва тараққиёт жамғармаси манфаатдор вазирлик ва идоралар билан биргаликда Жамғармага ажратилган маблағлардан самарали фойдаланиш юзасидан бир ой муддатда Вазирлар Маҳкамасига таклиф киритсин.
7. Ўзбекистон Республикаси Молия вазирлиги, Ўзбекистон Республикаси Тикланиш ва тараққиёт жамғармаси, Самарқанд вилояти ҳокимлиги ҳамда бошқа манфаатдор вазирликлар ва идоралар билан биргаликда беш кун муддатда Жамғарма маблағларидан фойдаланиш тартиби ва Ўзбекистон Республикаси Тикланиш ва тараққиёт жамғармасининг жалб қилинадиган кредитини қоплашнинг унинг аниқ манбаларини кўрсатган ҳолда механизмини назарда тутувчи низом лойиҳасини белгиланган тартибда ишлаб чиқсин ва тасдиқласин.
8. Ўзбекистон Республикаси Молия вазирлиги Тикланиш ва тараққиёт жамғармаси билан биргаликда Жамғармага ажратилган кредитдан мақсадли ва самарали фойдаланилиши, шунингдек, унинг ўз вақтида қайтарилиши юзасидан таъсирчан мониторинг ўрнатсин.
9. Ўзбекистон Республикаси Молия вазирига Ўзбекистон Республикаси Тикланиш ва тараққиёт жамғармасининг кредити бўйича Самарқанд вилояти ҳокимлиги мажбуриятларига доир Ўзбекистон Республикаси давлат кафолатини бериш ваколати берилсин.
10. Ўзбекистон Республикаси Бош вазирининг ўринбосари — молия вазири Ж.А. Қўчкоров Самарканд вилояти ҳокимлиги билан биргаликда икки ой муддатда Жамғарманинг молиявий манбаларини кенгайтириш юзасидан таклифлар ишлаб чиқсин.
11. Ўзбекистон Республикаси Ҳисоб палатаси (М.М. Икрамов) мазкур қарорнинг амалий ижросини алоҳида назоратга олиб, амалга оширилаётган ишларнинг натижадорлиги тўғрисида ҳар ой якуни билан Ўзбекистон Республикаси Президенти девонига маълумот киритиб борилишини таъминласин.
12. Мазкур қарорнинг ижросини назорат килиш Ўзбекистон Республикасининг Бош вазири А.Н. Арипов ва Самарқанд вилояти ҳокими Т.И. Джураев зиммасига юклансин.
Ўзбекистон Республикаси Президентининг 2018 йил 16 мартдаги ПҚ-3608-сон қарорига ИЛОВА
Ўзбекистон Республикаси Тикланиш ва тараққиёт жамғармаси кредитини қоплаш
Кредит суммаси 50 миллион АҚШ доллари Кредит муддати 13 йил, шу жумладан, имтиёзли давр — 2 йил Фоиз ставкаси 2019 йил 27 декабргача — йиллик 2,25 фоиз (шу жумладан, банк маржаси — 0,25 фоиз) 2019 йил 27 декабрдан — йиллик 2,0 фоиз минг АҚШ доллари Қоплаш даврлари Ўзлаштириш миқдори* Тўлов суммаси Жами тўлов миқдори * асосий қарз фоизлар * 2018 йилнинг II ярим йиллиги 40 000,00 - 238,90 ** 238,90 ** 2019 йилнинг I ярим йиллиги - - 398,91 ** 398,91 ** 2019 йилнинг II ярим йиллиги 10 000,00 213,30** 408,05 ** 621,35 ** 2020 йилнинг I ярим йиллиги - 422,05** 489,44 ** 911,49 ** 2020 йилнинг II ярим йиллиги - 525,39** 495,45 ** 1 020,84 ** 2021 йилнинг I ярим йиллиги - 16 109,34** 695,74 ** 16 805,08 ** 2021 йилнинг II ярим йиллиги - 644,24** 366,51 ** 1 010,75 ** 2024 йилнинг II ярим йиллиги - - 449,27 ** 449,27 ** 2025 йилнинг II ярим йиллиги - 21 326,40 3 163,20 24 489,60 2027 йилнинг I ярим йиллиги - 1 075,93 351,02 1 426,95 2027 йилнинг II ярим йиллиги - 1 075,93 108,94 1 184,87 2028 йилнинг I ярим йиллиги - 1 075,93 96,83 1 172,76 2028 йилнинг II ярим йиллиги - 1 075,93 84,73 1 160,66 2029 йилнинг I ярим йиллиги - 1 075,93 72,63 1 148,55 2029 йилнинг II ярим йиллиги - 1 075,93 60,52 1 136,45 2030 йилнинг I ярим йиллиги - 1 075,93 48,42 1 124,35 2030 йилнинг II ярим йиллиги - 1 075,93 36,31 1 112,24 2031 йилнинг I ярим йиллиги - 1 075,93 24,21 1 100,14 2031 йилнинг II ярим йиллиги - 1 075,93 12,10 1 088,03 Жами 50 000,00 50 000,00 7 601,18 57 601,18
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 16 март,
ПҚ-3608-сон
Oʻzbekiston Respublikasi Prezidentining
Qarori
PROGNOZ JADVALI
Samarqand viloyatini obodonlashtirish va farovonligini oshirish jamgʻarmasini tashkil etish chora-tadbirlari toʻgʻrisida
Arxitektura va qurilish normalariga muvofiq hududiy infratuzilmani yaxshilash, obodonlashtirish, obyektlarni qurish va rekonstruksiya qilish, Samarqand viloyatining ijtimoiy-iqtisodiy vazifalarini jadal surʼatlarda hal etish, aholi farovonligini yaxshilash, suv taʼminoti va kanalizatsiya muammolarini bartaraf etish, mahallalarning ichki yoʻllarini taʼmirlash, ijtimoiy obyektlarni qurish va moddiy-texnik bazasini mustahkamlash, ijtimoiy soxa xodimlari uchun xizmat uylarini qurish maqsadida:
1. Samarqand viloyati xokimligining Samarqand viloyati hokimligi huzurida yuridik shaxs tashkil etmasdan Samarkand viloyatini obodonlashtirish va farovonligini oshirish jamgʻarmasi (keyingi oʻrinlarda Jamgʻarma deb ataladi) tashkil etish toʻgʻrisidagi taklifi maʼqullansin.
2. Quyidagilar Jamgarma daromadlarini shakllantirish manbalari etib hisoblansin:
Samarqand viloyati hokimligi muassisligida tashkil etilgan tijorat tashkilotlarining ajratmalari;
davlat, chet el va halqaro tashkilotlar tomonidan ajratiladigan grantlar;
yuridik va jismoniy shaxslarning xomiylik hayriyalari;
halqaro moliyaviy institutlar va banklar tomonidan ajratiladigan kreditlar;
qonun hujjatlarida taqiqlanmagan boshqa manbalar.
3. Quyidagilar Jamgʻarma mablagʻlaridan foydalanishning asosiy yoʻnalishlari etib belgilansin:
Samarqand viloyatida muhandislik-kommunikatsiya infratuzilmasini yaxshilash, hududlarni obodonlashtirish, koʻkalamzorlashtirish va mahalliy ichki yoʻllarni taʼmirlash;
koʻp qavatli turar joylarning umumfoydalaniladigan qismini taʼmirlash, bolalar va sport maydonchalarini barpo etish;
kam taʼminlangan va yosh oilalarga imtiyozli kreditlar olishda boshlangʻich badalni qisman yoki toʻliq qoplab berish hamda maishiy texnika vositalariga boʻlgan birlamchi extiyojni qondirish;
mahalla fuqarolar yigʻinlari moddiy-texnika bazasini mustahkamlash, mahallalar hududida kutubxonalar tashkil etish hamda ularni badiiy va boshqa adabiyotlar bilan boyitish.
4. Belgilansinki, Samarqand viloyati hokimligining Jamgʻarmaga dastlabki badali Oʻzbekiston Respublikasi Tiklanish va taraqqiyot jamgʻarmasining Samarqand viloyati hokimligiga 13 yil muddatga, 2 yil imtiyozli davrni hisobga olgan holda, foiz stavkasi yiliga 2,25 foizni, 2019-yil 27-dekabrdan — yillik 2 foizni tashkil qiladigan, vositachilik yigʻimlari undirilmagan holda 50 million AQSH dollari miqdorida ajratilgan krediti hisobidan shakllantiriladi.
5. Oʻzbekiston Respublikasi Tiklanish va taraqqiyot jamgʻarmasi kreditini qoplash prognoz jadvali ilovaga muvofiq tasdiqlansin.
6. Belgilansinki:
Jamgʻarma mablagʻlaridan Oʻzbekiston Respublikasi Vazirlar Mahkamasi bilan kelishilgan holda, Samarqand viloyati xokimligi tomonidan tuziladigan manzilli roʻyxatlarga muvofiq foydalaniladi;
Samarqand viloyati hokimligi Oʻzbekiston Respublikasi Tiklanish va taraqqiyot jamgʻarmasi kreditidan maqsadli va samarali foydalanish, shuningdek, Jamgʻarmani oʻz vaqtida shakllantirish uchun masʼul boʻlgan ijro etuvchi organ hisoblanadi;
Oʻzbekiston Respublikasi Tiklanish va taraqqiyot jamgʻarmasining jalb qilinadigan kreditini qoplash va xizmat koʻrsatish bilan bogʻlik xarajatlar Samarqand viloyatining mahalliy budjeti qoʻshimcha manbalari hamda qonun hujjatlarida taqiqlanmagan boshqa manbalar hisobidan amalga oshiriladi.
Samarqand viloyati hokimligi, Oʻzbekiston Respublikasi Tiklanish va taraqqiyot jamgʻarmasi manfaatdor vazirlik va idoralar bilan birgalikda Jamgʻarmaga ajratilgan mablagʻlardan samarali foydalanish yuzasidan bir oy muddatda Vazirlar Mahkamasiga taklif kiritsin.
7. Oʻzbekiston Respublikasi Moliya vazirligi, Oʻzbekiston Respublikasi Tiklanish va taraqqiyot jamgʻarmasi, Samarqand viloyati hokimligi hamda boshqa manfaatdor vazirliklar va idoralar bilan birgalikda besh kun muddatda Jamgʻarma mablagʻlaridan foydalanish tartibi va Oʻzbekiston Respublikasi Tiklanish va taraqqiyot jamgʻarmasining jalb qilinadigan kreditini qoplashning uning aniq manbalarini koʻrsatgan holda mexanizmini nazarda tutuvchi nizom loyihasini belgilangan tartibda ishlab chiqsin va tasdiqlasin.
8. Oʻzbekiston Respublikasi Moliya vazirligi Tiklanish va taraqqiyot jamgʻarmasi bilan birgalikda Jamgʻarmaga ajratilgan kreditdan maqsadli va samarali foydalanilishi, shuningdek, uning oʻz vaqtida qaytarilishi yuzasidan taʼsirchan monitoring oʻrnatsin.
9. Oʻzbekiston Respublikasi Moliya vaziriga Oʻzbekiston Respublikasi Tiklanish va taraqqiyot jamgʻarmasining krediti boʻyicha Samarqand viloyati hokimligi majburiyatlariga doir Oʻzbekiston Respublikasi davlat kafolatini berish vakolati berilsin.
10. Oʻzbekiston Respublikasi Bosh vazirining oʻrinbosari — moliya vaziri J.A. Qoʻchkorov Samarkand viloyati hokimligi bilan birgalikda ikki oy muddatda Jamgʻarmaning moliyaviy manbalarini kengaytirish yuzasidan takliflar ishlab chiqsin.
11. Oʻzbekiston Respublikasi Hisob palatasi (M.M. Ikramov) mazkur qarorning amaliy ijrosini alohida nazoratga olib, amalga oshirilayotgan ishlarning natijadorligi toʻgʻrisida har oy yakuni bilan Oʻzbekiston Respublikasi Prezidenti devoniga maʼlumot kiritib borilishini taʼminlasin.
12. Mazkur qarorning ijrosini nazorat kilish Oʻzbekiston Respublikasining Bosh vaziri A.N. Aripov va Samarqand viloyati hokimi T.I. Djurayev zimmasiga yuklansin.
Oʻzbekiston Respublikasi Prezidentining 2018-yil 16-martdagi PQ-3608-son qaroriga ILOVA
Oʻzbekiston Respublikasi Tiklanish va taraqqiyot jamgʻarmasi kreditini qoplash
Kredit summasi 50 million AQSH dollari Kredit muddati 13 yil, shu jumladan, imtiyozli davr — 2 yil Foiz stavkasi 2019-yil 27-dekabrgacha — yillik 2,25 foiz (shu jumladan, bank marjasi — 0,25 foiz) 2019-yil 27-dekabrdan — yillik 2,0 foiz ming AQSH dollari Qoplash davrlari Oʻzlashtirish miqdori* Toʻlov summasi Jami toʻlov miqdori * asosiy qarz foizlar * 2018-yilning II yarim yilligi 40 000,00 - 238,90 ** 238,90 ** 2019-yilning I yarim yilligi - - 398,91 ** 398,91 ** 2019-yilning II yarim yilligi 10 000,00 213,30** 408,05 ** 621,35 ** 2020-yilning I yarim yilligi - 422,05** 489,44 ** 911,49 ** 2020-yilning II yarim yilligi - 525,39** 495,45 ** 1 020,84 ** 2021-yilning I yarim yilligi - 16 109,34** 695,74 ** 16 805,08 ** 2021-yilning II yarim yilligi - 644,24** 366,51 ** 1 010,75 ** 2024-yilning II yarim yilligi - - 449,27 ** 449,27 ** 2025-yilning II yarim yilligi - 21 326,40 3 163,20 24 489,60 2027-yilning I yarim yilligi - 1 075,93 351,02 1 426,95 2027-yilning II yarim yilligi - 1 075,93 108,94 1 184,87 2028-yilning I yarim yilligi - 1 075,93 96,83 1 172,76 2028-yilning II yarim yilligi - 1 075,93 84,73 1 160,66 2029-yilning I yarim yilligi - 1 075,93 72,63 1 148,55 2029-yilning II yarim yilligi - 1 075,93 60,52 1 136,45 2030-yilning I yarim yilligi - 1 075,93 48,42 1 124,35 2030-yilning II yarim yilligi - 1 075,93 36,31 1 112,24 2031-yilning I yarim yilligi - 1 075,93 24,21 1 100,14 2031-yilning II yarim yilligi - 1 075,93 12,10 1 088,03 Jami 50 000,00 50 000,00 7 601,18 57 601,18
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 16-mart,
PQ-3608-son
Президента Республики Узбекистан
Постановление
О мерах по созданию Фонда благоустройства и благосостояния Самаркандской области
В целях улучшения благоустройства, строительства и реконструкции объектов региональной инфраструктуры и в соответствии с архитектурными и строительными нормами, оперативного решения социально-экономических задач Самаркандской области, повышению благосостояния населения, устранения проблем обеспечения водой, ремонта канализационных систем, внутренних дорог, строительства социальных объектов и укрепления материально-технической базы, а также строительства служебных домов для работников социальной сферы:
1. Одобрить предложение хокимията Самаркандской области о создании при хокимияте Самаркандской области без образования юридического лица Фонда благоустройства и благосостояния Самаркандской области (далее — Фонд).
2. Определить источниками формирования доходов Фонда:
отчисления коммерческих предприятий, созданных при учредительстве хокимията Самаркандской области;
гранты, выделяемые государственными, иностранными и международными организациями;
благотворительные отчисления юридических и физических лиц;
кредиты, выделяемые международными финансовыми институтами и банками;
другие источники, не запрещенные законодательством.
3. Определить основные направления использования средств Фонда:
улучшение инженерно-коммуникационной инфраструктуры Самаркандской области, благоустройство регионов, озеленение и ремонт местных внутренних дорог;
ремонт части общеиспользуемых подъездов многоэтажных жилых домов, создание детских и спортивных площадок;
частичное или полное погашение первоначального платежа при получении льготного кредита малообеспеченным и молодым семьям, а также удовлетворение первоначальных потребностей в средствах бытовой техники;
укрепление материально-технической базы схода граждан махаллей, создание на территории махаллей библиотек, а также обеспечение их художественной и другой литературой.
4. Определить, что первоначальный взнос хокимията Самаркандской области в Фонд формируется за счет кредита Фонда реконструкции и развития Республики Узбекистан, выделенного хокимияту Самаркандской области сроком на 13 лет, учитывая двухлетний льготный период, по ставке 2,25 процента годовых, с 27 декабря 2019 года — по ставке 2 процента годовых, без взимания комиссии, в размере 50 миллионов долларов США.
5. Утвердить Прогнозную таблицу погашения кредита Фонда реконструкции и развития Республики Узбекистан согласно приложению * .
6. Определить что:
средства Фонда используются хокимиятами Самаркандской области по согласованию с Кабинетом Министров Республики Узбекистан согласно составляемым адресным спискам;
хокимият Самаркандской области является ответственным исполнительным органом по целевому и эффективному использованию кредита Фонда реконструкции и развития Республики Узбекистан, а также своевременному формированию Фонда;
расходы, связанные с погашением и обслуживанием привлекаемого кредита Фонда реконструкции и развития Республики Узбекистан, осуществляются за счет дополнительных источников местного бюджета хокимията Самаркандской области, а также за счет других источников, не запрещенных законодательством.
Хокимияту Самаркандской области, Фонду реконструкции и развития Республики Узбекистан совместно с заинтересованными министерствами и ведомствами внести в месячный срок предложения в Кабинет Министров об эффективном использовании выделенных средств Фонду.
7. Министерству финансов, Фонду реконструкции и развития Республики Узбекистан, хокимияту Самаркандской области совместно с другими заинтересованными министерствами и ведомствами в пятидневный срок в установленном порядке разработать и утвердить порядок использования средств Фонда и проект устава, предусматривающий механизм определения конкретных источников покрытия кредита, привлекаемого Фонда реконструкции и развития Республики Узбекистан.
8. Министерству финансов Республики Узбекистан совместно с Фондом реконструкции и развития Республики Узбекистан установить действенный мониторинг за целевым и эффективным использованием выделяемых Фонду средств, а также их своевременному возврату.
9. Предоставить полномочия министру финансов дать государственные гарантии Республики Узбекистан касательно обязательств хокимията Самаркандской области по кредиту Фонда реконструкции и развития Республики Узбекистан.
10. Заместителю Премьер-министра Республики Узбекистан — министру финансов Д.А. Кучкарову совместно с хокимиятом Самаркандской области в двухмесячный срок разработать предложения по расширению источников финансирования.
11. Счетной палате Республики Узбекистан (М.М. Икрамов) обеспечить особый контроль исполнения настоящего постановления и по истечению каждого месяца внесение информации в Аппарат Президента Республики Узбекистан о результатах практической работы.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и хокима Самаркандской области Т.Н. Джураева.
Президент Республики Узбекистан Ш. МИРЗИЁЕВ
г. Ташкент,
16 марта 2018 г.,
№ ПП-3608