📅 2018-yil 19-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 19 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 19 февраля 2018 г. · Постановления Президента
Официальный текст. Официальный документ. Редакционные примечания не включены.
📅 19 February 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ўзбекгидроэнерго» АЖ ташкилотларининг моддий-техника базасини мустаҳкамлашга доир қўшимча чора-тадбирлар тўғрисида
Йирик, кичик ва микрогидроэлектростанцияларни лойиҳалаш ва қуриш соҳасида замонавий ва илмий-техника инновацион ечимларни жорий этиш, шунингдек, лойиҳа-қидирув ва қурилиш-монтаж ишларини истиқболда яқин ва узоқ хориж мамлакатлар бозорларига олиб чиқиш билан бирга инвестиция лойиҳаларини ўз вақтида амалга ошириш ва уларнинг фаолияти самарадорлигини оширувчи «Ўзбекгидроэнерго» АЖ ташкилотларининг мустаҳкам моддий-техника базасини яратиш мақсадида:
1. Маълумот учун қабул қилинсинки, Ўзбекистон Республикаси Президентининг «2017 — 2021 йилларда гидроэнергетикани янада ривожлантириш чора-тадбирлари Дастури тўғрисида» 2017 йил 2 майдаги ПҚ-2947-сонли қарорига мувофиқ умумий қиймати 4.0 млрд. АКШ доллари миқдоридаги кичик ва ўрта ГЭСлар қурилиши ва модернизация қилиниши бўйича 74 та инвестиция лойиҳаларини амалга ошириш назарда тутилган.
2. «Ўзбекгидроэнерго» АЖ, Ўзбекистон Республикаси Иқтисодиёт ва молия вазирлигининг «Ўзбекгидроэнерго» АЖ ва унинг улуши мавжуд бўлган корхоналар (кейинги ўринларда — «Ўзбекгидроэнерго» АЖ ташкилотлари) эквивалентининг умумий миқдори 60 миллион АҚШ доллари бўлган гидроэнергетикани янада ривожлантириш ва янги юқори вольтлик электр узатиш линияларини қуриш бўйича инвестиция лойиҳаларини сифатли ва ўз вақтида бажариш учун замонавий ихтисослаштирилган ва технологик ускуналар, асбоблар, машина ва механизмлар, бутловчи буюмлар, лицензияли дастурий маҳсулотлар ва ахборот-коммуникация технологияларни харид қилиш орқали ташкилотларнинг моддий-техника базасини янгилаш ва мустаҳкамлаш ҳамда инвестиция лойиҳаларини, шу жумладан тизимдаги корхоналар базасида гидроагрегатларни ишлаб чиқаришни йўлга қўйиш лойиҳасини молиялаштириш тўғрисидаги таклифлари маъқуллансин.
3. Ўзбекистон Республикаси Тикланиш ва тараққиёт жамғармаси «Туронбанк» АТБга 60,0 млн. АКШ доллари ажратсин, мазкур маблағлар белгиланган тартибда сотилсин ва келиб тушган маблағлар «Ўзбекгидроэнерго» АЖ ташкилотларига кейинчалик кредит линияларини очиш учун банкнинг устав капиталини оширишга йўналтирилсин.
4. «Туронбанк» АТБга «Ўзбекгидроэнерго» АЖ ташкилотларининг буюртмасига кўра улар томонидан ишлаб чиқилган бизнес-режа асосида ва «Ўзбекгидроэнерго» АЖ кафиллигида моддий-техника базасини мустаҳкамлаш мақсадида фоиз ставкаси «олти ойлик LIBORга қўшимча йиллик 2 фоиз» миқдорда, жумладан 3 йиллик имтиёзли даврни ҳисобга олган ҳолда 10 йил муддатгача хорижий валютага кредит линияларини очиш тавсия этилсин.
5. Белгилансинки, кредит линиялари ҳисобига «Ўзбекгидроэнерго» АЖ ташкилотларининг моддий-техника базасини мустаҳкамлашга оид ишлаб чиқилган бизнес-режалар «Ўзбекгидроэнерго» АЖнпнг соҳавий илмий-техника кенгашида, уларни амалга ошириш доирасида тузиладиган импорт контрактлари эса — белгиланган тартибда Ўзбекистон Республикаси Президенти ҳузуридаги Миллий лойиҳа бошқарув агентлиги ҳузуридаги Лойиҳалар ва импорт контрактларини комплекс экспертиза қилиш марказида мажбурий экспертизадан ўтказилиши лозим.
6. 2020 йилнинг 1 мартигача бўлган муддатда Ўзбекистон Республикасида ишлаб чиқарилмайдиган. белгиланган тартибда тасдиқланадиган рўйхатлар бўйича «Ўзбекгидроэнерго» АЖ ташкилотлари томонидан олиб келинадиган замонавий ихтисослаштирилган ва технологик ускуналар, асбоб-ускуналар, машина ва механизмлар, бутловчи буюмлар, лицензияли дастурий маҳсулотлар ва ахборот-коммуникация технологиялари божхона тўловларидан (божхона расмийлаштируви йиғимларидан ташқари) озод этилсин.
7. «Ўзбекгидроэнергия» АЖ ташкилотларига гидроэнергетикани янада ривожлантириш ва янги юқори вольтлик электр узатиш линияларини қуриш бўйича давлат дастурларини амалга ошириш доирасида ишлаб чиқарувчи-заводлар, уларнинг расмий вакиллари, халқаро эътироф этилган етказиб берувчилар билан бирга тендер савдолари ўтказмасдан замонавий ихтисослаштирилган ва технологик ускуналар, асбоб-ускуналар, машина ва механизмлар, бутловчи буюмлар, лицензияли дастурий маҳсулотлар ва ахборот-коммуникация технологияларини харид қилишга, кейинчалик белгиланган тартибда Ўзбекистон Республикаси Президенти ҳузуридаги Миллий лойиҳа бошқарув агентлиги ҳузуридаги Лойиҳалар ва импорт контрактларини комплекс экспертиза қилиш марказида тузилган шартномаларни мажбурий экспертизадан ўтказиш билан бирга энг яхши таклифларни саралаб олиш асосида лойиҳа-қидирув ишларини амалга ошириш ва ахборот-коммуникация технологияларини жорий этиш бўйича шартномалар тузишга рухсат берилсин.
8. «Ўзбекгидроэнергия» АЖнинг ўз маблағлари ҳисобига гидроэнергетика соҳа ходимларига, аввало ёшларга кулай ижтимоий-маиший шароитлар яратиш ва яшаш шароитларини яхшилаш мақсадида Тошкент шаҳрида кўп қаватли уйлар қуриш (150 та хонадондан кам бўлмаган) тўғрисидаги таклифлари маъқуллансин.
9. Тошкент шаҳри ҳокимлиги Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда бир ҳафта муддатда «Ўзбекгидроэнерго» АЖнинг асосланган буюртманомасига кўра кўп қаватли уйлар қурилиши учун ер майдони ажратилишини таъминласин.
10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — «Ўзбекнефтгаз» АЖ бошқаруви раиси А.С. Султонов, Ўзбекистон Республикаси Бош вазирининг ўринбосари С.Р. Холмуродов ва «Ўзбекгидроэнерго» АЖ бошқаруви раиси А.А. Сангинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 19 февраль,
ПҚ-3540-сон
Oʻzbekiston Respublikasi Prezidentining
Qarori
“Oʻzbekgidroenergo” AJ tashkilotlarining moddiy-texnika bazasini mustahkamlashga doir qoʻshimcha chora-tadbirlar toʻgʻrisida
Yirik, kichik va mikrogidroelektrostansiyalarni loyihalash va qurish sohasida zamonaviy va ilmiy-texnika innovatsion yechimlarni joriy etish, shuningdek, loyiha-qidiruv va qurilish-montaj ishlarini istiqbolda yaqin va uzoq xorij mamlakatlar bozorlariga olib chiqish bilan birga investitsiya loyihalarini oʻz vaqtida amalga oshirish va ularning faoliyati samaradorligini oshiruvchi “Oʻzbekgidroenergo” AJ tashkilotlarining mustahkam moddiy-texnika bazasini yaratish maqsadida:
1. Maʼlumot uchun qabul qilinsinki, Oʻzbekiston Respublikasi Prezidentining “2017 — 2021-yillarda gidroenergetikani yanada rivojlantirish chora-tadbirlari Dasturi toʻgʻrisida” 2017-yil 2-maydagi PQ-2947-sonli qaroriga muvofiq umumiy qiymati 4.0 mlrd. AKSH dollari miqdoridagi kichik va oʻrta GESlar qurilishi va modernizatsiya qilinishi boʻyicha 74 ta investitsiya loyihalarini amalga oshirish nazarda tutilgan.
2. “Oʻzbekgidroenergo” AJ, Oʻzbekiston Respublikasi Iqtisodiyot va moliya vazirligining “Oʻzbekgidroenergo” AJ va uning ulushi mavjud boʻlgan korxonalar (keyingi oʻrinlarda — “Oʻzbekgidroenergo” AJ tashkilotlari) ekvivalentining umumiy miqdori 60 million AQSH dollari boʻlgan gidroenergetikani yanada rivojlantirish va yangi yuqori voltlik elektr uzatish liniyalarini qurish boʻyicha investitsiya loyihalarini sifatli va oʻz vaqtida bajarish uchun zamonaviy ixtisoslashtirilgan va texnologik uskunalar, asboblar, mashina va mexanizmlar, butlovchi buyumlar, litsenziyali dasturiy mahsulotlar va axborot-kommunikatsiya texnologiyalarni xarid qilish orqali tashkilotlarning moddiy-texnika bazasini yangilash va mustahkamlash hamda investitsiya loyihalarini, shu jumladan tizimdagi korxonalar bazasida gidroagregatlarni ishlab chiqarishni yoʻlga qoʻyish loyihasini moliyalashtirish toʻgʻrisidagi takliflari maʼqullansin.
3. Oʻzbekiston Respublikasi Tiklanish va taraqqiyot jamgʻarmasi “Turonbank” ATBga 60,0 mln. AKSH dollari ajratsin, mazkur mablagʻlar belgilangan tartibda sotilsin va kelib tushgan mablagʻlar “Oʻzbekgidroenergo” AJ tashkilotlariga keyinchalik kredit liniyalarini ochish uchun bankning ustav kapitalini oshirishga yoʻnaltirilsin.
4. “Turonbank” ATBga “Oʻzbekgidroenergo” AJ tashkilotlarining buyurtmasiga koʻra ular tomonidan ishlab chiqilgan biznes-reja asosida va “Oʻzbekgidroenergo” AJ kafilligida moddiy-texnika bazasini mustahkamlash maqsadida foiz stavkasi “olti oylik LIBORga qoʻshimcha yillik 2 foiz” miqdorda, jumladan 3 yillik imtiyozli davrni hisobga olgan holda 10 yil muddatgacha xorijiy valyutaga kredit liniyalarini ochish tavsiya etilsin.
5. Belgilansinki, kredit liniyalari hisobiga “Oʻzbekgidroenergo” AJ tashkilotlarining moddiy-texnika bazasini mustahkamlashga oid ishlab chiqilgan biznes-rejalar “Oʻzbekgidroenergo” AJnpng sohaviy ilmiy-texnika kengashida, ularni amalga oshirish doirasida tuziladigan import kontraktlari esa — belgilangan tartibda Oʻzbekiston Respublikasi Prezidenti huzuridagi Milliy loyiha boshqaruv agentligi huzuridagi Loyihalar va import kontraktlarini kompleks ekspertiza qilish markazida majburiy ekspertizadan oʻtkazilishi lozim.
6. 2020-yilning 1-martigacha boʻlgan muddatda Oʻzbekiston Respublikasida ishlab chiqarilmaydigan. belgilangan tartibda tasdiqlanadigan roʻyxatlar boʻyicha “Oʻzbekgidroenergo” AJ tashkilotlari tomonidan olib kelinadigan zamonaviy ixtisoslashtirilgan va texnologik uskunalar, asbob-uskunalar, mashina va mexanizmlar, butlovchi buyumlar, litsenziyali dasturiy mahsulotlar va axborot-kommunikatsiya texnologiyalari bojxona toʻlovlaridan (bojxona rasmiylashtiruvi yigʻimlaridan tashqari) ozod etilsin.
7. “Oʻzbekgidroenergiya” AJ tashkilotlariga gidroenergetikani yanada rivojlantirish va yangi yuqori voltlik elektr uzatish liniyalarini qurish boʻyicha davlat dasturlarini amalga oshirish doirasida ishlab chiqaruvchi-zavodlar, ularning rasmiy vakillari, xalqaro eʼtirof etilgan yetkazib beruvchilar bilan birga tender savdolari oʻtkazmasdan zamonaviy ixtisoslashtirilgan va texnologik uskunalar, asbob-uskunalar, mashina va mexanizmlar, butlovchi buyumlar, litsenziyali dasturiy mahsulotlar va axborot-kommunikatsiya texnologiyalarini xarid qilishga, keyinchalik belgilangan tartibda Oʻzbekiston Respublikasi Prezidenti huzuridagi Milliy loyiha boshqaruv agentligi huzuridagi Loyihalar va import kontraktlarini kompleks ekspertiza qilish markazida tuzilgan shartnomalarni majburiy ekspertizadan oʻtkazish bilan birga eng yaxshi takliflarni saralab olish asosida loyiha-qidiruv ishlarini amalga oshirish va axborot-kommunikatsiya texnologiyalarini joriy etish boʻyicha shartnomalar tuzishga ruxsat berilsin.
8. “Oʻzbekgidroenergiya” AJning oʻz mablagʻlari hisobiga gidroenergetika soha xodimlariga, avvalo yoshlarga kulay ijtimoiy-maishiy sharoitlar yaratish va yashash sharoitlarini yaxshilash maqsadida Toshkent shahrida koʻp qavatli uylar qurish (150 ta xonadondan kam boʻlmagan) toʻgʻrisidagi takliflari maʼqullansin.
9. Toshkent shahri hokimligi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda bir hafta muddatda “Oʻzbekgidroenergo” AJning asoslangan buyurtmanomasiga koʻra koʻp qavatli uylar qurilishi uchun yer maydoni ajratilishini taʼminlasin.
10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — “Oʻzbekneftgaz” AJ boshqaruvi raisi A.S. Sultonov, Oʻzbekiston Respublikasi Bosh vazirining oʻrinbosari S.R. Xolmurodov va “Oʻzbekgidroenergo” AJ boshqaruvi raisi A.A. Sanginov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 19-fevral,
PQ-3540-son
Президента Республики Узбекистан
Постановление
О дополнительных мерах по укреплению материально-технической базы организаций АО «Узбекгидроэнерго»
В целях внедрения современных и инновационных научно-технических решений в области проектирования и строительства крупных, малых и микрогидроэлектростанций, а также создания прочной материально-технической базы организаций АО «Узбекгидроэнерго», способствующей повышению эффективности их деятельности и своевременной реализации инвестиционных проектов, с выходом в перспективе на рынки проектно-изыскательских и строительно-монтажных работ стран ближнего и дальнего зарубежья:
1. Принять к сведению, что в соответствии с постановлением Президента Республики Узбекистан от 2 мая 2017 года № ПП-2947 «О Программе мер по дальнейшему развитию гидроэнергетики на 2017 — 2021 годы» предусмотрена реализация 74 инвестиционных проектов по строительству и модернизации малых и средних ГЭС общей стоимостью 4,0 млрд долларов США.
2. Согласиться с предложениями АО «Узбекгидроэнерго», Министерства экономики и финансов Республики Узбекистан об обновлении и укреплении материально-технической базы АО «Узбекгидроэнерго» и предприятий с его долей (далее — организации АО «Узбекгидроэнерго») путем приобретения современных специализированного и технологического оборудования, приборов, машин и механизмов, комплектующих изделий к ним, лицензионных программных продуктов и информационно-коммуникационных технологий для качественного и своевременного выполнения инвестиционных проектов по дальнейшему развитию гидроэнергетики и строительству новых высоковольтных линий электропередачи на общую сумму, эквивалентную 60 миллионов долларов США, а также финансировании инвестиционных проектов, в том числе проекта по организации производства гидроагрегатов на базе предприятий системы.
3. Фонду реконструкции и развития Республики Узбекистан выделить АКБ «Туронбанк» 60,0 млн долларов США, с дальнейшей их продажей в установленном порядке и направлением вырученных средств на увеличение уставного капитала банка для последующего открытия кредитных линий организациям АО «Узбекгидроэнерго».
4. Рекомендовать АКБ «Туронбанк» открывать по заявкам организаций АО «Узбекгидроэнерго» кредитные линии в иностранной валюте сроком до 10 лет, в том числе льготный период — 3 года, с проектной ставкой «шестимесячный LIBOR плюс 2 процента годовых», с целевым назначением на укрепление материально-технической базы на основании разработанных ими бизнес-планов и под поручительство АО «Узбекгидроэнерго».
5. Определить, что разработанные бизнес-планы по укреплению материально-технической базы организаций АО «Узбекгидроэнерго» за счет кредитных линий подлежат обязательной экспертизе в отраслевом научно-техническом совете АО «Узбекгидроэнерго», а импортные контракты, заключаемые в рамках их реализации — в Центре комплексной экспертизы проектов и импортных контрактов при Национальном агентстве проектного управления при Президенте Республики Узбекистан в установленном порядке.
6. Освободить сроком до 1 января 2020 года от таможенных платежей (за исключением таможенных сборов) специализированное и технологическое оборудование, приборы, машины и механизмы, комплектующие изделия к ним, лицензионные программные продукты и информационно-коммуникационные технологии, не производимые в Республике Узбекистан, ввозимые организациями АО «Узбекгидроэнерго» по перечням, утверждаемым в установленном порядке.
7. Разрешить организациям АО «Узбекгидроэнерго» в рамках реализации государственных программ по развитию гидроэнергетики и строительству новых высоковольтных линий электропередачи заключать с заводами-изготовителями, их официальными представителями, международно признанными поставщиками, без проведения тендерных торгов, контракты на приобретение специализированного и технологического оборудования, приборов, машин и механизмов, комплектующих изделий к ним, лицензионных программных продуктов, выполнение проектно-изыскательских работ и внедрение информационно-коммуникационных технологий на основе отбора наилучших предложений, с последующим обязательным проведением экспертизы заключенных контрактов в Центре комплексной экспертизы проектов и импортных контрактов при Национальном агентстве проектного управления при Президенте Республики Узбекистан в установленном порядке.
8. Одобрить предложение АО «Узбекгидроэнерго» по строительству за счет собственных средств многоквартирных домов в г. Ташкенте (не менее 150 квартир) с целью создания благоприятных социально-бытовых условий работникам гидроэнергетической отрасли, прежде всего из числа молодежи, и улучшения условий их проживания.
9. Хокимияту города Ташкента совместно с Государственным комитетом Республики Узбекистан по земельным ресурсам, геодезии, картографии и государственному кадастру в недельный срок обеспечить по обоснованной заявке АО «Узбекгидроэнерго» отвод земельного участка под строительство многоквартирных домов.
10. Контроль за исполнением настоящего постановления возложить на заместителя Премьер-министра Республики Узбекистан — председателя правления АО «Узбекнефтегаз» А.С. Султанова, заместителя Премьер-министра Республики Узбекистан С.Р. Холмуродова и председателя правления АО «Узбекгидроэнерго» А.А. Сангинова.
Президент Республики Узбекистан Ш. МИРЗИЁЕВ
г. Ташкент,
19 февраля 2018 г.,
№ ПП-3540