📅 2018-yil 1-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2018 йил 1 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 марта 2018 г. · Постановления Президента
Официальный текст. Официальный документ. Редакционные примечания не включены.
📅 1 March 2018 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Заргарлик саноатини ривожлантиришни давлат томонидан қўллаб-қувватлашга доир қўшимча чора-тадбирлар тўғрисида
[Кўчирма]
Ўзбекистон Республикаси Президентининг «2018 — 2020 йилларда Ўзбекистон Республикаси заргарлик саноатини янада ривожлантириш чора-тадбирлари тўғрисида» 2017 йил 15 ноябрдаги ПҚ-3388-сонли қарорига мувофиқ заргарлик ҳунармандчилигини ривожлантириш, миллий анъаналарни инобатга олган ҳолда заргарлик буюмлари турларини ишлаб чиқаришни кенгайтириш, қимматбаҳо металлар ва тошлар муомаласи соҳасига оид қонун ҳужжатларини такомиллаштириш, маҳаллий заргарлик маҳсулотларининг ички ва ташқи бозорда харидоргирлиги ва рақобатбардошлигини ошириш мақсадида:
1. Ўзбекистон Республикаси Президентининг «2018 — 2020 йилларда Ўзбекистон Республикаси заргарлик саноатини янада ривожлантириш чора-тадбирлари тўғрисида» 2017 йил 15 ноябрдаги ПҚ-3388-сонли қарорига асосан якка тартибдаги тадбиркорлар ихтиёрий равишда ягона ташкилотда бирлашиш йўли билан «Ўзбекзаргарсаноати» уюшмасида иштирок этиши мумкинлиги маълумот учун қабул қилинсин.
2. «Ўзбекзаргарсаноати» уюшмасига кирадиган юридик шахслар, шунингдек, ихтиёрий равишда ягона ташкилотда бирлашиш йўли билан «Ўзбекзаргарсаноати» уюшмасида белгиланган тартибда иштирок этувчи якка тартибдаги тадбиркорлар ўз заргарлик маҳсулотларини, шу жумладан қайта ишлашга берилган хом ашёдан тайёрланган заргарлик маҳсулотларини ишлаб чиқариш ва сотишда акциз солиғи, қўшилган қиймат солиғи, даромад солиғи, мулк солиғи, ер солиғи, давлат мақсадли жамғармалари ва бюджетдан ташқари жамғармаларга мажбурий ажратмалар (ягона ижтимоий тўлов бундан мустасно) тўлашдан 2022 йилнинг 1 январигача озод этилсин.
3. Ўзбекистон Республикаси Президентининг «Заргарлик саноатини давлат томонидан қўллаб-қувватлаш чора-тадбирлари тўғрисида» 2017 йил 10 августдаги ПҚ-3199-сон қарори 9-бандининг учинчи хатбошидаги «бўшаган маблағларни ишлаб чиқаришни реконструкция ва модернизация қилишга, шунингдек, айланма маблағларни тўлдиришга мақсадли йўналтирилсин» сўзлари чиқариб ташлансин.
5. Ўзбекистон Республикаси Марказий банки, Молия вазирлиги, Иқтисодиёт вазирлиги, Адлия вазирлиги манфаатдор вазирлик ва идоралар билан биргаликда халқаро ижобий тажрибани таҳлил қилиш асосида Ўзбекистон Республикасининг «Қимматбаҳо металлар ва қимматбаҳо тошлар муомаласи тўғрисида»ги қонуни лойиҳасини уч ой муддатда ишлаб чиқсин ва Вазирлар Маҳкамасига белгиланган тартибда киритсин.
6. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — Молия вазири Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2018 йил 1 март,
ПҚ-3577-сон
Oʻzbekiston Respublikasi Prezidentining
Qarori
Zargarlik sanoatini rivojlantirishni davlat tomonidan qoʻllab-quvvatlashga doir qoʻshimcha chora-tadbirlar toʻgʻrisida
[Koʻchirma]
Oʻzbekiston Respublikasi Prezidentining “2018 — 2020-yillarda Oʻzbekiston Respublikasi zargarlik sanoatini yanada rivojlantirish chora-tadbirlari toʻgʻrisida” 2017-yil 15-noyabrdagi PQ-3388-sonli qaroriga muvofiq zargarlik hunarmandchiligini rivojlantirish, milliy anʼanalarni inobatga olgan holda zargarlik buyumlari turlarini ishlab chiqarishni kengaytirish, qimmatbaho metallar va toshlar muomalasi sohasiga oid qonun hujjatlarini takomillashtirish, mahalliy zargarlik mahsulotlarining ichki va tashqi bozorda xaridorgirligi va raqobatbardoshligini oshirish maqsadida:
1. Oʻzbekiston Respublikasi Prezidentining “2018 — 2020-yillarda Oʻzbekiston Respublikasi zargarlik sanoatini yanada rivojlantirish chora-tadbirlari toʻgʻrisida” 2017-yil 15-noyabrdagi PQ-3388-sonli qaroriga asosan yakka tartibdagi tadbirkorlar ixtiyoriy ravishda yagona tashkilotda birlashish yoʻli bilan “Oʻzbekzargarsanoati” uyushmasida ishtirok etishi mumkinligi maʼlumot uchun qabul qilinsin.
2. “Oʻzbekzargarsanoati” uyushmasiga kiradigan yuridik shaxslar, shuningdek, ixtiyoriy ravishda yagona tashkilotda birlashish yoʻli bilan “Oʻzbekzargarsanoati” uyushmasida belgilangan tartibda ishtirok etuvchi yakka tartibdagi tadbirkorlar oʻz zargarlik mahsulotlarini, shu jumladan qayta ishlashga berilgan xom ashyodan tayyorlangan zargarlik mahsulotlarini ishlab chiqarish va sotishda aksiz soligʻi, qoʻshilgan qiymat soligʻi, daromad soligʻi, mulk soligʻi, yer soligʻi, davlat maqsadli jamgʻarmalari va budjetdan tashqari jamgʻarmalarga majburiy ajratmalar (yagona ijtimoiy toʻlov bundan mustasno) toʻlashdan 2022-yilning 1-yanvarigacha ozod etilsin.
3. Oʻzbekiston Respublikasi Prezidentining “Zargarlik sanoatini davlat tomonidan qoʻllab-quvvatlash chora-tadbirlari toʻgʻrisida” 2017-yil 10-avgustdagi PQ-3199-son qarori 9-bandining uchinchi xatboshidagi “boʻshagan mablagʻlarni ishlab chiqarishni rekonstruksiya va modernizatsiya qilishga, shuningdek, aylanma mablagʻlarni toʻldirishga maqsadli yoʻnaltirilsin” soʻzlari chiqarib tashlansin.
5. Oʻzbekiston Respublikasi Markaziy banki, Moliya vazirligi, Iqtisodiyot vazirligi, Adliya vazirligi manfaatdor vazirlik va idoralar bilan birgalikda xalqaro ijobiy tajribani tahlil qilish asosida Oʻzbekiston Respublikasining “Qimmatbaho metallar va qimmatbaho toshlar muomalasi toʻgʻrisida”gi qonuni loyihasini uch oy muddatda ishlab chiqsin va Vazirlar Mahkamasiga belgilangan tartibda kiritsin.
6. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — Moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2018-yil 1-mart,
PQ-3577-son
Президента Республики Узбекистан
Постановление
О дополнительных мерах государственной поддержки развития ювелирной промышленности
[Извлечение]
В соответствии с постановлением Президента Республики Узбекистан от 15 ноября 2017 года ПП-3388 «О мерах по дальнейшему развитию ювелирной промышленности Республики Узбекистан на 2018 — 2020 годы», в целях формирования условий для развития ювелирных промыслов, расширения ассортимента производства ювелирных изделий с учетом национальных традиций, совершенствования законодательства в сфере оборота драгоценных металлов и камней, обеспечения повышения востребованности и конкурентоспособности отечественной ювелирной продукции на внутреннем и внешних рынках:
1. Припять к сведению, что на основании постановления Президента Республики Узбекистан от 15 ноября 2017 года ПП-3388 «О мерах по дальнейшему развитию ювелирной промышленности Республики Узбекистан на 2018 — 2020 годы» индивидуальные предприниматели могут участвовать в ассоциации «Узбекзаргарсаноати» путем объединения на добровольной основе в единую организацию.
2. Освободить сроком до 1 января 2022 года от уплаты акцизного налога, налога на добавленную стоимость, налога на прибыль, налога на имущество, земельного налога и обязательных отчислений в государственные целевые фонды и внебюджетные фонды (за исключением единого социального платежа) юридических лиц, входящих в ассоциацию «Узбекзаргарсаноати», а также индивидуальных предпринимателей, участвующих в установленном порядке в ассоциации «Узбекзаргарсаноати» путем объединения на добровольной основе в единую организацию, в части производства и реализации ювелирной продукции собственного изготовления, в том числе ювелирной продукции, произведенной из давальческого сырья.
3. Из абзаца третьего пункта 9 постановления Президента Республики Узбекистан от 10 августа 2017 года № ПП-3199 «О мерах по государственной поддержке ювелирной промышленности» слова «с целевым направлением высвобождаемых средств на реконструкцию и модернизацию производства, а также на пополнение оборотных средств» исключить.
5. Центральному банку, Министерству финансов, Министерству экономики, Министерству юстиции Республики Узбекистан совместно с заинтересованными министерствами и ведомствами в трехмесячный срок на основе анализа положительного международного опыта разработать и внести в установленном порядке в Кабинет Министров Республики Узбекистан проект Закона Республики Узбекистан «Об обороте драгоценных металлов и драгоценных камней».
6. Контроль за исполнением настоящего постановления возложить на заместителя Премьер-министра Республики Узбекистан — министра финансов Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
1 марта 2018 г.,
№ ПП-3577